Author: +9251

حافظ محمد سعید کو کیوں گرفتار کیا گیا؟ بھارتی میڈیا نے بڑا دعویٰ کر دیا

سی ٹی ڈی کی طرف سے جماعۃالدعوۃ کے سربراہ حافظ محمد سعید کی گرفتاری کو بھارتی میڈیا نے بڑی بریکنگ نیوز کے طور پر نشر کیا اور اس خبر پر خوشی کا اظہار کیا ہے.

حافظ محمد سعید کی گرفتاری، سوشل میڈیا پر ٹاپ ٹرینڈ رہا، گرفتاری کی شدید مذمت

سی ٹی ڈی نے حافظ محمد سعید کو گرفتار کر لیا

حافظ محمد سعید کو کیوں گرفتار کیا؟ وزیراعلیٰ پنجاب کے ترجمان بول پڑے

نواز شریف جیل میں حافظ محمد سعید کی دعوت کب کررہے ہیں؟ اہم خبر

حافظ محمد سعید کو کونسی جیل منتقل کیا گیا ؟ اہم خبر

باغی ٹی وی کی رپورٹ کے مطابق بھارتی میڈیا کا کہنا ہے کہ حافظ محمد سعید کی گرفتاری ایف اے ٹی ایف کی طرف سے دباؤ کا نتیجہ ہے جس نے پاکستان کو گرے لسٹ میں رکھا ہے اور اکتوبر تک کیلئے پاکستان کو وقت دیا ہے کہ وہ ثابت کرے کہ پاکستان دہشت گردی کے خلاف اقدامات کر رہا ہے.

دہشت گردی کے مقدمات، حافظ محمد سعید نے اہم قدم اٹھا لیا

کالعدم جماعۃ الدعوۃ کے سربراہ حافظ محمد سعید کے خلاف دہشت گردی ایکٹ کے تحت مقدمہ درج

جماعۃ الدعوۃ کے مرکزی رہنما حافظ عبدالرحمان مکی کو کیوں گرفتار کیا گیا؟

حافظ محمد سعید کی گرفتاری پر ہندوستانی میڈیا نے اس خبر کو بڑی بریکنگ نیوز کے طور پر نشر کیا، واضح رہے کہ حافظ محمد سعید کو آج سی ٹی ڈی نے لاہور سے گوجرانوالہ جاتے ہوئے گرفتار کیا گیا. بعد ازاں سی ٹی ڈی نے حافظ محمد سعید کو انسداد دہشت گردی کی گوجرانوالہ کی عدالت میں پیش کیا جہاں عدالت نے حافظ محمد سعید کو 7 روزہ جو ڈیشل ریمانڈ پر جیل بھیج دیا.

حافظ سعید کی گرفتاری وزیراعظم کے دورہ امریکا سے قبل،عالمی دباؤ کا نتیجہ، تجزیہ نگار

سی ٹی ڈی ترجمان کے مطابق حافظ محمد سعید ضمانت قبل از گرفتاری کےلیے گوجرانوالہ جا رہے تھے، انہیں گرفتار کیا گیا ہے، گرفتاری کے بعد حافظ محمد سعید کو انسداد دہشت گردی عدالت گوجرانوالہ میں پیش کیا گیا، انسداد دہشت گردی عدالت میں سیشن جج علی عمران شاہ کی عدالت میں حافظ محمد سعید کو پیش کیا گیا.عدالت نے حافظ محمد سعید کو7روزہ جوڈیشنل ریمانڈپرسینٹرل جیل منتقل کرنے کا حکم دیا اورسی ٹی ڈی کو تحقیقات مکمل کر کے چارج شیٹ جمع کرانے کی ہدایت کی گئی ہے.

جولائی 17, 2019
بیلجیم میں امریکی جوہری ہتھیاروں کی موجودگی کا انکشاف،پارلیمنٹ میں ہنگامہ

بیلجیم میں امریکی جوہری ہتھیاروں کی موجودگی سے متعلق انکشاف کے بعد حزب اختلاف کی سیاسی شخصیات نے حکومت سے جواب دینے کا مطالبہ کیا ہے۔ یہ انکشاف انٹرنیٹ پر جاری ہونے والی ایک دستاویز کے ذریعے سامنے آیا ہے۔

تفصیلات کے مطابق نیٹو اتحاد کی پارلیمانی اسمبلی میں سیکورٹی اینڈ ڈیفنس کمیٹی کی ایک رپورٹ کے مسودے میں یورپ اور ترکی میں 6 فضائی اڈوں کے حوالے سے تفصیلات شامل ہیں۔ ان اڈوں پر امریکا نے اپنے 150 جوہری ہتھیار بالخصوص B-61 گریویٹی بم محفوظ کر رکھے ہیں۔

یہ خبر ایسے وقت میں سامنے آئی ہے جب یورپ میں جوہری ہتھیاروں کی ایک نئی دوڑ کے حوالے سے اندیشے پھیلے ہوئے ہیں .. اور جوہری ہتھیاروں کے پھیلاؤ پر روک لگانے سے متعلق ماسکو اور واشنگٹن کے درمیان سرد جنگ کے زمانے کا تاریخی معاہدہ اب اختتام کے کنارے کھڑا نظر آ رہا ہے۔

جولائی 17, 2019
امیتا بھ بچن کی آئی سی سی قانون پر تنقید…

ورلڈ کیپ 2019 کا فائنل مقابلہ ٹائی ہونے کے با وجود انگلینڈ کی ٹیم کوباؤنڈریز کی بنیاد پر چمیپئن قرار دینےکے قانون پرانٹر نیشنل کرکٹ کونسل (آئی سی سی )کوشدید تنقید کا سامنا ہے بالی ووڈ اداکار امیتا بھ بچن کی تنقید نے سب تنقیدوں کو پیچھے چھوڑ دیا.
امیتا بھ بچن نے سماجی رابطے کی ویب سائٹ ٹویئٹرکو استعمال کرتے ہوئے آئی سی سی کے اس قا نو ن کو ایک مثال سے تنقید کا نشانہ بنایا . اداکارامیتا بھ بچن کا کہنا تھا کہ میرے پاس 2ہزارروپے ہیں اور آپ کے پاس بھی 2ہزار روپے ہیں.آپ کے پاس 2ہزارروپے کا ایک نوٹ ہے اور میرےپاس 500روپے کے 4 نوٹ ہیں تو ہم دونوں میں سے زیادہ امیر کون ہوا ؟آئی سی سی کا ماننا ہے کہ جس شخص کے پاس 500روپے کے 4 نوٹ ہیں وہ زیادہ امیرہیں

جولائی 17, 2019
نقشہ نویس ڈیفالٹرز کے خلاف کاروائی،لاکھوں روپے کی ریکوری

سرگودہا(نمائندہ باغی ٹی وی )اینٹی کرپشن سرگودھا نے نقشہ فیسوں کے ڈیفالٹروں سے مزید 15لاکھ26ہزار 9سو82روپے ریکور کر لیے
ڈائریکٹر جنرل اینٹی کرپشن پنجاب جناب اعجاز حسین شاہ کی ہدایت اورمحمد شہباز حسین شاہ، ڈائریکٹر اینٹی کرپشن سرگودھاکی نگرانی میں، اینٹی کرپشن سرگودھا نے ڈویژن بھر میں کرپٹ مافیا کے گرد گھیرا تنک کرتے ہوئے۔
اینٹی کرپشن سرگودھا نے نقشہ فیسوں کے ڈیفالٹروں سے مزید 2کرڑو31لاکھ73ہزار39روپے روپے ریکور کر لیے۔
تفصیلا ت کے مطابق اینٹی کرپشن سرگودھا نے محمد شہباز حسین شاہ، ڈائریکٹر اینٹی کرپشن سرگودھا کی نگرانی میں نقشہ جات کے نادہندوں کے خلاف کاروائی کرتے ہوئے عروج الحسن، ڈپٹی ڈائریکٹر،اینٹی کرپشن سرگودھا نے 2کرڑو27لاکھ89ہزار8سو58روپے میونسپل کارپوریشن بھلوال کے نادہندوں سے ریکور کروا کے خزانہ سرکار میں جمع کروا دئیے۔ اسی طرح ضلع خوشاب میں عاطف شوکت، اسسٹنٹ ڈائریکٹر(تفتیش) اینٹی کرپشن خوشاب نے میونسپل کارپوریشن خوشاب کے ڈیفالٹروں سے 1لاکھ53ہزار5سو روپے ریکور کر کے خزانہ سرکار میں جمع کروا دئیے۔ ضلع بھکر میں واجد علی بھروانہ، اسسٹنٹ ڈائریکٹر (تفتیش) اینٹی کرپشن بھکر نے محکمہ مال کے تاوان کے نادہندوں سے 2لاکھ29ہزار6سو81روپے ریکور کرکے خزانہ سرکار میں جمع کروا دئیے۔

جولائی 17, 2019
لیبیا : قومی فوج کے آپریشن کا ڈر، جنگجو طرابلس سے نکلنا شروع

قومی فوج طرابلس پر قبضے کا فیصلہ کن آپریشن شروع کرنے والی ہے۔ اس کارروائی کے خوف سے حکومت نواز مصراتۃ ملیشیا کے جنگجو طرابلس سے نکلنا شروع ہو گئے ہیں۔

باغی ٹی وی رپوٹ کے مطابق کے الکرامہ آپریشن کنٹرول روم کی طرف سے ایک بیان میں کہا گیا ہے کہ آنے والے دنوں میں قومی فوج طرابلس پر قبضے کا فیصلہ کن آپریشن شروع کرنے والی ہے۔ اس کارروائی کے خوف سے حکومت نواز مصراتۃ ملیشیا کے جنگجو طرابلس سے نکلنا شروع ہو گئے ہیں۔

بیان میں کہا گیا ہے کہ مصراتۃ ملیشیا نے السوانی سکینڈری اسکول میں موجود اپنے اسلحہ کا گودام وہاں سے ختم کر دیا ہے اور ملیشیا کے جنگجو اسلحہ سمیت الکریمیہ کی طرف منتقل ہو رہے ہیں۔ یہ جنگجو مصراتۃ واپسی کے لیے محاذ جنگ سے پیچھے چلے گئے ہیں۔ لیبیا میں جنرل خلیفہ حفتر کی وفادار فوج اور عرب فوج کی طرف سے بڑے حملے کی تیاری کی اطلاعات کے بعد مصراتۃ ملیشیا کے دیگر جنگجو الرملہ کے مقام سے نکل گئے ہیں۔

جولائی 17, 2019
روس نے حماس کے ساتھ تعلقات کو مزید مضبوط بنانے کا اعلان کردیا

باغی ٹی وی کی رپورٹ کے مطابق روس کے خصوصی مندوب برائے مشرق وسطیٰ وشمالی افریقا اور نائب وزیرخارجہ میخائل بوگڈانوف نے کہا ہے کہ روس فلسطینی تنظیم اسلامی تحریک مزاحمت’حماس’ کے ساتھ تعلقات کو مزید مضبوط بنائے گا۔

اسرائیلی چیک پوسٹوں کی وجہ سے فلسطینیوں کو سالانہ کروڑوں ڈالر کا نقصان

انہوں نے مشرق وسطیٰ کے لیے امریکا کی طرف سے پیش کردہ صدی کی ڈیل کے منصوبہ کو مسترد کر دیا اور کہا کہ بحرین کی میزبانی میں ہونے والی اقتصادی کانفرنس کی کوئی حیثیت نہیں۔

خصوصی مندوب نے فلسطینیوں کے دیرینہ حقوق کی حمایت جاری رکھنے کا بھی اعلان کیا۔
واضح رہے کہ روسی نائب وزیرخارجہ کا بیان حماس کی قیادت کے دورہ ماسکو کے بعد جاری کیا گیا۔
قبل ازیں حماس کے وفد نے روسی وزارت خارجہ کے اعلیٰ سطحی حکام کے ساتھ ماسکو میں ملاقات کی تھی۔

جولائی 17, 2019
فلم "دی لیجنٹ آف مولا جٹ” کب ریلیز کی جائے، ماہرہ خان نے خواہش ظاہر کر دی

لاہور: پاکستانی اداکارہ ماہرہ خان اپنی سالگرہ کے موقع پر فلم ’’دی لیجنڈ آف مولا جٹ‘‘ ریلیز کئے جانے کی خواہاں ہیں۔

بلال لاشاری کی فلم’’دی لیجنڈ آف مولا جٹ‘‘ کافی عرصے سے قانونی پیچیدگیوں کی وجہ سے ریلیز نہیں کی جا رہی لیکن مداحوں کو پاکستانی سپر اسٹار سلطان راہی کی فلم "مولا جٹ” کے بعد اب "دی لیجنڈ آف مولا جٹ‘‘ کا بے صبری سے انتظار ہے تاہم رہلیز کا ابھی کوئی اعلان نہیں کیا گیا.

صرف مداح ہی نہیں بلکہ فلم کی کاسٹ بھی اس کی نمائش کے لیے منتظر ہے جبکہ فلم میں اہم کردار کرنے والی پاکستانی سپر اسٹار ماہرہ خان بھی اس فلم کو جلد از جلد سینما گھروں کی زینت بنتے دیکھنا چاہتی ہیں۔

حال ہی میں ایک انٹرویو کے دوران جب ماہرہ خان سے اس بارے میں سوال کیا گیا تو ان کا کہنا تھا کہ میں نے بلال لاشاری سے بات کی تھی شاید وہ یہ فلم دسمبر میں میں ریلیز کریں اور میری بھی یہی خواہش ہے کہ فلم میری سالگرہ پر ریلیز کی جائے.

یاد رہے کہ ماہرہ خان اپنی سالگرہ 21 دسمبر کو مناتی ہیں اور فلم ’’دی لیجنڈ آف مولاجٹ‘‘ میں ماہرہ خان کے علاوہ فواد خان، حمزہ علی عباسی اور حمائمہ ملک مرکزی کرداروں میں نظر آئیں گے۔

جولائی 17, 2019
پاکستان کی خواتین ملکی تعمیر وترقی میں اپنابھر پور کردار ادا کریں، مصظفیٰ کمال

پاکستان کی خواتین ملک کی تعمیر وترقی میں اپنابھر پور کردار ادا کریں، مصظفیٰ کمال کی خواتین سے اپیل

تفصیلات کے مطابق پاک سر زمین پارٹی کے چیئرمین سید مصطفی کمال نے کہاکہ پی ایس پی کی جدوجہد کسی فرد واحد کیلئے نہیں بلکہ آنے والی نسلوں کے بہتر مستقبل کیلئے ہے کیونکہ 21 جولائی کا جلسہ پاکستان کا تاریخی جلسہ ثابت ہوگا ،ان خیالات کا اظہار انہوں پاکستان ہاؤس میں شعبہ خواتین کے زمہ داران سے گفتگو کرتے ہوئے کہی انہوں نے کہا کہ میں پورے پاکستان کی خواتین کو دعوت دیتا ہوں کہ پاکستان کی تعمیر وترقی میں اپنابھر پور کردار ادا کرنے کیلیے آگے آئیں کیونکہ پاکستان ایک عظیم ملک ہونے کے باوجو د ہم ایک عظیم قوم نہیں بن سکتے جب تک اس میں خواتین کا کردار نہیں ہو گااور۔پی ایس پی کی جدوجہد میں خواتین کا کردار ناقابل فراموش ہے

انہوں نے کہا ہمارا نعرہ عزت،انصاف،اختیار ہے اور یہ ہر پاکستانی کا بنیادی حق ہے اور پاک سر زمین پارٹی خواتین کو معاشی طور پر بااختیار بنانے پر یقین رکھتی ہے۔اانہوں نے کہا کہ پی ایس پی ملک کی واحد سیاسی جماعت ہے جس میں سب سے زیادہ خواتین شامل ہیں جو کہ اس بات کا ثبوت ہے کہ پی ایس پی خواتین کے حقوق کی سب سے بڑی علمبردار ہے لہزا ا خواتین کا فرض ہے کہ گھر کے ساتھ ساتھ معاشرے میں مثبت تبدیلیوں کیلئے پی ایس پی کا پیغام محبت کے پیغام کو گھر گھر محلے محلے پہنچائی تاکہ آنے والوں نسلوں کو بہتر مستقبل دے سکیں

جولائی 17, 2019
سعودی لڑکی کر رہی سولر کار تیار

سعودی خاتون کر رہی ہیں اب سولر پر چلنے والی گاڑی عورتوں جدت پسندی اور قومی دھارے میں شامل ہونے کی جانب اہم قدم ہے.

سعودی عرب کی خاتون "Carting” چیمپین امجاد العمری ان دنوں شمسی توانائی کی گاڑیوں کی ریس کے سلسلے میں دن رات تیاری میں مصروف ہیں۔ یہ ریس رواں سال اکتوبر میں آسٹریلیا میں ہو گی۔

امجاد کا کہنا ہے کہ وہ اس منفرد نوعیت کی چیلنج ریس میں شرکت کے لیے بہت پرجوش ہیں … اور 6 روز میں آسٹریلیا کو مشرق سے مغرب اور جنوب سے شمال تک عبور کرنا چاہتی ہیں۔

امجاد نے بتایا کہ انہیں اس بات پر فخر ہے کہ وہ اس چیلنج ریس میں شرکت کرنے والی الفیصل یونیورسٹی کی پہلی اور سعودی عرب کی دوسری ٹیم کا حصہ ہیں۔ اس سے قبل کنگ فہد یونیورسٹی فار پٹرولیم کی ٹیم بھی اس چیلنج میں شریک ہو چکی ہے۔

جولائی 17, 2019
خبردار ناک میں‌انگلی نہ ڈالنا ورنہ ہو سکتے ہیں اس کے خطرناک نتائج

لاہور:ناک میں انگلی ڈالنا صرف اچھی عادت ہی نہیں بلکہ اس کے بڑے نقصانات بھی ہو سکتے ہیں.طبی ماہرین کے مطابق اس سے خطرناک بیماری نمونیا کےجراثیم ہاتھوں سے ناک میں پھیل سکتے ہیں۔ماہرین کے مطابق نمونیا بہت چھوٹے اورعمر رسیدہ افراد کو خاص طور پر بہت نقصان پہنچا سکتا ہے،اس سے ہر سال لاکھوں افراد موت کے منہ میں چلے جاتے ہیں۔

ماہرین طب کا کہنا ہے کہ جہاں کھانسی اور چھینک کے وقت جراثیم کے پھیلاؤ سے بچنا ضروری ہے وہیںناک کو ہاتھ لگاتے وقت بھی احتیاط سے کام لینا چاہیے۔دوسری طرف ماہرین نے والدین کو خبردار کیا ہے کہ بچوں کو ہر وقت ناک میں انگلی ڈالنے یا خارش کرنے سے نہیں روکا جا سکتا لہٰذاکھلونوں سے کھیلنے اور کسی دوسرے سے ہاتھ ملانے کے بعد بچوں کے ہاتھ لازمی دھلوادیں۔

ڈاکٹروں نے اس حوالے خبردار کرتے ہوئے کہا ہے کہ نمونیا نظام تنفس کے ذیلی راستے میں انفیکشن ہونے سے ہوتا ہے جسے پھیپھڑوں کا انفیکشن کہا جاتاہے۔ نمونیا کے زیادہ تر کیس وائرس کے سبب ہوتے ہیں اور یہ نزلہ و زکام کی علامات کے بعد ظاہر ہو سکتے ہیں۔

جولائی 17, 2019