Author: +9251

کوہاٹ انڈس ہائی وے پر وین اور ڈمپر میں خوفناک تصادم؛ 7 افراد جاں بحق

انڈس ہائی وے پر وین اور ڈمپر کے درمیان ہونے والے تصادم میں 7 افراد جاں بحق ہوگئے۔ کوہاٹ کے قریب انڈس ہائی وے پر وین اور ڈمپر میں خوفناک تصادم ہوا، جس کے نتیجے میں خواتین اور بچوں سمیت 7 افراد جاں بحق اور متعدد زخمی ہوگئے۔ واقعے کی اطلاع ملتے ہی پولیس اور ریسکیو کی ٹیمیں جائے حادثہ پر پہنچ گئیں، اور لاشوں اور زخمیوں کو سول اسپتال منتقل کردیا گیا۔

ریسکیو حکام کا کہنا ہے کہ ابھی تک 7 افراد کی موت کی تصدیق ہوچکی ہے، جبکہ 5 افراد شدید زخمی ہیں، دونوں گاڑیوں میں تصادم اس قدر شدید تھا کہ لاشوں کو گاڑی کاٹ کر نکالا گیا۔ واضح رہے کہ عالمی ادارہ صحت کی ایک رپورٹ کے مطابق پاکستان میں سالانہ 35 ہزار لوگ ایکسیڈنٹ میں جاں بحق ہوجاتے ہیں، جبکہ 50 ہزار سے زائد افراد زخمی اور عمر بھر کی معذوری سے دوچار ہوتے ہیں۔ حکومتی رپورٹ کے مطابق پاکستان میں ہر پانچ منٹ کے بعد ٹریفک حادثہ پیش آتا ہے، جس میں کوئی نہ کوئی شخص زخمی یا جاں بحق ہوجاتا ہے۔
مزید یہ بھی پڑھیں؛
دوسرا ٹیسٹ؛ نیوزی لینڈ کا پاکستان کیخلاف بیٹنگ کا فیصلہ
متنازع ٹوئٹ کیس؛ اعظم خان سواتی کے بیٹے نے چیف جسٹس اسلام آباد ہائیکورٹ کے خلاف عدم اعتماد کا خط واپس لے لیا۔
ڈومیسٹک کرکٹرز کی سن لی گئی، پیر سے بقایاجات کی ادائیگی کا کام شروع
قومی سلامتی کمیٹی کا اجلاس آج پھر ہوگا،ہوں گے بڑے فیصلے
یاد رہے کہ اگر مختلف صوبوں میں ٹریفک حادثات کی صورت حال دیکھی جائے تو ادارہ شماریات نے پاکستان کے چاروں صوبوں میں 2018-2017 کے حادثات کی تفصیل کچھ اس طرح بیان کی۔ صوبہ پنجاب میں 5093 حادثات ہوئے جن میں 3371 لوگ جاں بحق، 6772 افراد زخمی ہوئے۔ سندھ میں 848 حادثات ہوئے، جن میں 802 جاں بحق جبکہ 838 افراد زخمی ہوئے۔ خیبر پختونخوا میں کل 4425 حادثات ہوئے جن میں 1298 جاں بحق جبکہ 6093 افراد زخمی ہوئے، جبکہ بلوچستان میں 1496 حادثات ہوئے جن میں 313 لوگ جاں بحق اور 624 لوگ زخمی ہوئے۔ اسلام آباد میں 259 حادثات ہوئے جن میں 167 لوگ جاں بحق اور 162 لوگ زخمی ہوئے۔ ان حادثات میں پنجاب سرفہرست ہے کیونکہ وہاں آبادی کا تناسب باقی صوبوں کی نسبت زیادہ ہے۔

آئل ٹینکر کے ذریعے کراچی اسمگل ہونے والی 100 کلو منشیات پکڑ لی گئی ہے.

محکمہ ایکسائز اینڈ نارکوٹکس نے آئل ٹینکر کے ذریعے کراچی اسمگل ہونے والی ڈھائی من منشیات کو قبضے میں لے کر 2 ملزمان کو گرفتار کرلیا۔ سکھر کے قریب قومی شاہراہ پر محکمہ ایکسائز اینڈ نارکوٹکس نے بڑی کارروائی کرتے ہوئے آئل ٹینکر سے ڈھائی من چرس برآمد کرکے دو ملزمان کو گرفتار کرلیا۔ ایکسائز حکام کا کہنا ہے کہ آئل ٹینکر پشاور سے کراچی جا رہا تھا، اور اس میں بڑی مہارت کے ساتھ منشیات کو چھپایا گیا تھا، تاہم ایکسائز عملے نے بروقت کارروائی کرکے منشیات اسمگلنگ کی کوشش ناکام بنادی۔

حکام نے بتایا کہ قبضے میں لی جانے والی اعلیٰ کوالٹی کی چرس کی قیمت 60 لاکھ روپے زائد ہے، جب کہ گرفتار ملزمان کی شناخت اکبر اور سراج کے ناموں سے ہوئی ہے، جن کے خلاف مقدمہ درج کرلیا گیا ہے۔ خیال رہے کہ اس سے قبل گزشتہ دنوں پاک بحریہ نے سمندر میں کامیاب کارروائی کرتے ہوئے دو ارب روپے مالیت کی منشیات قبضے میں لے لی تھی۔ ترجمان پاک بحریہ کے مطابق پاک بحریہ نے خفیہ معلومات کی بنیاد پر سمندر میں انسداد منشیات آپریشن کیا، اور کامیاب کارروائی کرتے ہوئے دوکشتیوں سے بھاری مقدار میں منشیات برآمد کرلی تھی۔
مزید یہ بھی پڑھیں؛
دوسرا ٹیسٹ؛ نیوزی لینڈ کا پاکستان کیخلاف بیٹنگ کا فیصلہ
متنازع ٹوئٹ کیس؛ اعظم خان سواتی کے بیٹے نے چیف جسٹس اسلام آباد ہائیکورٹ کے خلاف عدم اعتماد کا خط واپس لے لیا۔
ڈومیسٹک کرکٹرز کی سن لی گئی، پیر سے بقایاجات کی ادائیگی کا کام شروع
قومی سلامتی کمیٹی کا اجلاس آج پھر ہوگا،ہوں گے بڑے فیصلے
ترجمان پاک بحریہ کے مطابق آپریشن کے دوران دو کشتیوں سے 15 سو کلو گرام حشیش اور 143 کلو گرام کرسٹل آئس برآمد کرکے ضبط کرلی گئی تھی، قبضے میں لی گئی منشیات کی قیمت عالمی مارکیٹ میں تقریبا دو ارب روپے ہے۔ ترجمان نے کامیاب آپریشن کو پاک بحریہ کی سمندر میں مثر نگرانی کا نتیجہ قرار دیتے ہوئے پاک بحریہ کی جانب سے غیرقانونی سرگرمیوں کی روک تھام کے لیے کاوشیں جاری رکھنے کے عزم کا اظہار کیا تھا۔