Author: +9251

بھارتی وزیر داخلہ امیت شاہ نے مقبوضہ کشمیر کے دو روزہ دورہ کے دوران اعلی فوجی حکام اور ریاستی حکام سے ملاقات کی ہے. اس دوران انہیں‌ جموں کشمیر کی تازہ ترین صورتحال اور کشمیری مجاہدین کے خلاف جاری آپریشنوں‌ سے آگاہ کیا گیا.

باغی ٹی وی کی رپورٹ کےمطابق بھارتی وزیر داخلہ نے سری نگر میں سکیورٹی کے حوالہ سے اعلیٰ سطحی میٹنگ میں کہا ہے کہ کشمیری مجاہدین کے خلاف کاروائیاں‌ تیز کی جائیں گی اور کشمیری مجاہدین کو مبینہ طور پر فنڈنگ کے حوالہ سے کاروائی جاری رکھی جائے گی. ان کے اس اعلان کے بعد مبصرین نے خدشہ ظاہر کیا ہے کہ آنے والے دنوں میں حریت کانفرنس کے رہنماؤں کے خلاف مزید اقدامات ہو سکتے ہیں. اس سے پہلے بھی بھارتی ایجنسی این آئی اے کئی کشمیری لیڈروں‌ کو گرفتار کر کے بھارتی جیلوں‌ میں منتقل کر چکی ہے جبکہ حریت کانفرنس کا کہنا ہےکہ بھارت سرکار این آئی اے کو کشمیری قیادت کے خلاف جنگی ہتھیار کے طور پراستعمال کر رہی ہے.

بھارتی وزیر داخلہ کا آج جمعرات کو کشمیر میں‌ دوسرا دن تھا. انہوں نے تجویز دی کہ کشمیری مجاہدین سے جھڑپوں میں مارے جانے والے فوجیوں اور اہلکاروں کی برسیاں ان کے آبائی علاقوں میں منائی جانی چاہئیں. اسی طرح‌ عوامی مقامات کو مرنے والے اہلکاروں کے ناموں سے منسوب کیاجانا چاہیے. مقبوضہ کشمیر میں اسپیشل سکریٹری برائے اندرونی سلامتی اے پی مہیشوری نے میڈیا کو بھارتی وزیر داخلہ کے دورہ سے متعلق پریس بریفنگ بھی دی۔ اس موقع پر ریاستی چیف سکریٹری بی وی آر سبھرامینم، وزارت داخلہ میں ایڈیشنل سکریٹری برائے جموں وکشمیر گنیش کمار اور دیگر سینئر افسران بھی موجود تھے۔ اے پی مہیشوری نے کہا کہ ہندوستانی وزیرداخلہ امیت شاہ نے جمعرات کی صبح ریاست کی مجموعی سیکورٹی صورتحال کا جائزہ لیا۔ اجلاس میں کہا گیا کہ کشمیری مجاہدین کے خلاف زیرو ٹالرنس کی پالیسی اپنائی جائے گی۔ اسی طرح ٹیرر فنڈنگ کے خلاف کارروائی جاری رکھی جائے گی۔

بھارتی وزیر داخلہ بظاہر امرناتھ سکیورٹی امور کے حوالہ سے تھا تاہم کشمیری امور سے تعلق رکھنے والے دانشوروں‌ کا کہنا ہے کہ بھارتی حکومت ان دنوں کشمیری مجاہدین کے بڑھتے ہوئے حملوں سے سخت پریشان ہے اور بھارت کے اندر انہیں‌ اس سلسلہ میں سخت تنقید کا سامنا کرنا پڑ رہا ہے.

مقبوضہ کشمیر کے کولگام ضلع میں پراسرار دھماکہ ہوا ہے جس میں‌ ایک کشمیری جاں بحق جبکہ دو افراد شدید زخمی ہوئے ہیں. یہ دھماکہ ایک گھر میں ہوا ہے .

باغی ٹی وی کی رپورٹ کے مطابق مقامی کشمیریوں کا کہنا ہے کہ یہ دھماکہ اس قدر شدید تھا کہ پورا گاؤں دہل کر رہ گیا. بتایا گیا ہے کہ جس مکان میں دھماکہ ہوا ہے یہاں‌ رہنے والے افراد کباڑ کا کام کرتے ہیں. انہوں نے حال ہی میں بعض اشیاء خریدی تھیں جن سے چھاڑ چھاڑ کے دوران زوردار دھماکہ ہو گیا.

دھماکہ میں نذر احمد نامی کشمیری جاں بحق اور عباس بٹ زخمی ہوئے ہیں‌ جنہیں‌ اسلام آباد(اننت ناگ) ہسپتال میں داخل کروادیا گیا ہے.
مقبوضہ کشمیر پولیس کا کہنا ہےکہ اس نے مذکورہ واقعہ سے متعلق تحققیات شروع کر دی ہیں.

مقبوضہ کشمیر میں افسوسناک حادثہ میں 9 لڑکیوں سمیت 11 افراد جاں بحق چھ زخمی ہو گئے ہیں. گاڑی میں ایک پرائیویٹ سینٹر سے وابستہ طلباء‌ سوار تھے اور وہ سیر و سیاحت کی غرض سے دبجن جارہے تھے.

باغی ٹی وی کی رپورٹ کےمطابق یہ ہولناک حادثہ شوپیاں میں تاریخی مغل روڈ پر پیش آیا ہے. مقامی کشمیریوں‌ کے مطابق پونچھ سے دبجن علاقہ کی کی طرف ایک ٹیمپو ٹراؤلر گاڑی جارہی تھی کہ ڈرائیور تیز رفتاری کے سبب اس پر قابو نہ رکھ سکا اور وہ گہری کھائی میں جا گری. اس حادثہ میں‌ 11 افراد جاں بحق ہوئے ہیں‌ جس پر پورے کشمیر میں‌ جمعرات کے دن غم کی فضا رہی.

حادثہ میں زخمی ہوئے وابے بعض طلباء اور طالبات کی حالت نازک ہے جس پر اموات کی تعداد بڑھ سکتی ہے. پانچ زخمیوں‌کو شوپیاں سے سری نگر کے صدر ہسپتال منتقل کر دیاگیا ہے. مقبوضہ کشمیر کی ضلعی انتظامیہ نے اس واقعہ پر افسوس کا اظہار کیا ہے.