Author: +9251

بھارت میں‌ مسلم نوجوان تبریز انصاری کے قتل کیس میں‌ 11 افراد کو گرفتار کر لیا گیا ہے.

باغی ٹی وی کی رپورٹ‌ کے مطابق مسلمانوں اور اپوزیشن جماعتوں‌ کی شدید تنقید کے بعد تبریز انصآری کی موت کی تحقیقات کیلئے ایک خصوصی تحقیقاتی کمیٹی بھی بنا دی گئی ہے جو اس واقعہ کی تحقیقات کرے گی.

سوشل میڈیا پر بھی اس واقعہ کے خلاف سخت تنقید کی جارہی ہے. ضلعی انتظامیہ نے دعویٰ کیا ہے کہ تبریز انصاری کیس کے سلسلہ میں‌ دو پولیس اہلکاروں‌ کو بھی معطل کر دیا گیا ہے. یہ دونوں مقامی پولیس تھانوں کے انچارج تھے.

واضح‌ رہے کہ بھارتی ریاست جھاڑ کھنڈ میں ایک دن قبل ہندوانتہاپسندوں‌ کی جانب سے مسلم نوجوانوں کو جے شری رام کے نعرے لگانے پر مجبور کیا گیا اور پھر اسے وحشیانہ تشدد کا نشانہ بناتے ہوئے شہید کر دیا گیا تھا. تبریز کا کوئی مجرمانہ ریکارڈ نہیں تھا لیکن انتہاپسندوں نے اس پر چوری کا الزام لگا کر تشدد کیا اور شہید کر دیا تھا. اس واقعہ کے خلاف مسلمان بھرپور احتجاج جاری رکھے ہوئے ہیں.

ایران کے سامنے اپنے جوہری پروگرام کے حوالے سے واشنگٹن کے ساتھ مذاکرات کا راستہ کھلا ہے۔ امریکا

تفصیلات کے مطابق امریکی قومی سلامتی کے مشیر جان بولٹن کا کہنا ہے کہ امریکا کی جانب سے پابندیاں سخت کیے جانے کے بعد بھی ایران کے سامنے اپنے جوہری پروگرام کے حوالے سے واشنگٹن کے ساتھ مذاکرات کا راستہ کھلا ہے۔ انہوں نے یہ بات منگل کے روز بیت المقدس میں سہ فریقی (امریکا، روس اور اسرائیل) سیکورٹی سربراہ اجلاس کے دوران کہی۔ بولٹن کے مطابق صدر ڈونلڈ ٹرمپ نے حقیقی مذاکرات کے واسطے دروازہ کھلا چھوڑ دیا ہے تا کہ ایرانی جوہری ہتھیاروں کے پروگرام ، بیلسٹک میزائل پروگرام، بین الاقوامی دہشت گردی کے لیے تہران کی سپورٹ اور دنیا بھر میں ایران کی دیگر شر پسندی پر مکمل قابو پایا جا سکے۔

بولٹن کا مزید کہنا تھا کہ امریکی نمائندے اس امید کے ساتھ خطے کے دورے کر رہے ہیں کہ وہ واشنگٹن اور تہران کے درمیان کشیدگی کم کرنے کا راستہ تلاش کر لیں گے۔ تاہم ایران کی خاموشی "بہرے پن کا پتہ دے رہی ہے”۔ انہوں نے واضح طور پر کہا کہ اس بات کی کوئی سادہ دلیل نہیں ہے کہ ایران نے جوہری ہتھیاروں سے دست برداری کے لیے کوئی تزویراتی فیصلہ کیا ہے۔

جان بولٹن کا یہ تبصرہ امریکی انتظامیہ کی جانب سے ایرانی سپریم لیڈر علی خامنہ ای پر پابندیاں عائد کیے جانے کے بعد سامنے آیا ہے۔

جی۔20 سربراہی اجلاس کے دوران ایردوان ۔ ٹرمپ ملاقات متوقع، ملاقات میں ایس۔400 ائیر ڈیفنس سسٹم کے ساتھ ساتھ دونوں ملکوں کے درمیان بنیادی موضوعات میز پر ہوں گے

ترکی کے صدر رجب طیب ایردوان 28 سے 29 جون کو جاپان میں متوقع جی۔20 سربراہی اجلاس کے دوران امریکہ کے صدر ڈونلڈ ٹرمپ کے ساتھ دو طرفہ ملاقات کریں گے۔

وائٹ ہاوس سے ایک سرکاری شخصیت نے صدر ٹرمپ کے دورہ جاپان کے بارے میں ٹیلی کانفرنس کا انعقاد کیا۔
سرکاری شخصیت کے مطابق ٹرمپ اپنے دورہ جاپان کے دوران 8 ممالک کے سربراہان کے ساتھ ملاقات کریں گے۔ صدر ٹرمپ کے پروگرام میں صدر ایردوان کے ساتھ ملاقات بھی شامل ہے۔

علاوہ ازیں صدر ٹرمپ چین کے صدر شی جن پنگ، روس کے صدر ولادی میر پوتن، سعودی عرب کے ولی عہد پرنس محمد بن سلمان، جاپان کے وزیر اعظم شینزو آبے، بھارت کے وزیر اعظم نریندر مودی، جرمن چانسلر اینگیلا مرکل اور آسٹریلیا کے وزیر اعظم سکاٹ موریسن کے ساتھ بھی دو طرفہ ملاقاتیں کریں گے۔

ایردوان ۔ ٹرمپ ملاقات میں ایس۔400 ائیر ڈیفنس سسٹم کے ساتھ ساتھ دونوں ملکوں کے درمیان بنیادی موضوعات پر تفصیلی بات چیت کی توقع کی جا رہی ہے۔

واضح رہے کہ جی۔20 سربراہی اجلاس 28 سے 29 جون کی تاریخوں میں جاپان کے شہر اوساکا میں متوقع ہے۔