Baaghi TV

Author: +9251

  • جنوبی افریقہ کی پاکستان کیخلاف 103 رنز پر 3 وکٹیں گر گئیں، شاداب خان نے دو کھلاڑی آؤٹ کئے

    جنوبی افریقہ کی پاکستان کیخلاف 103 رنز پر 3 وکٹیں گر گئیں، شاداب خان نے دو کھلاڑی آؤٹ کئے

    پاکستان کیخلاف جنوبی افریقہ کی تیسری وکٹ 103رنز پر گر گئی ہے جس پر پاکستان کی پوزیشن مستحکم ہوتی جارہی ہے. جنوبی افریقہ کے آخری کھلاڑی ایڈن مارکرام تھے جو 7 رنز بناکر آؤٹ ہوئے. اسی طرح‌ جنوبی افریقی کھلاڑی کوئنٹن ڈی کک 47 رنز بناکر آؤٹ ہوئے.

    باغی ٹی وی کی رپورٹ‌ کے مطابق پاکستان نے جنوبی افریقہ کو جیت کیلئے 309 رنز کا ہدف دیا ہے. پاکستان کی جانب سے آج اچھا کھیل پیش کیا گیا ہے. حارث سہیل89 رنز بنا کر ٹاپ سکورر رہے. 3 چھکے اور 9 چوکے لگائے.بابر اعظم نے 69 رنز بنائے. فخر زمان اور امام الحق نے 44 44 رنز بنائے.

    میچ کے دوران بیٹنگ تو کامیاب رہی لیکن بالرز کو بھی اچھا پرفارم کرنا پڑے گا. پاکستان یہ میچ جیت سکتا ہے اگر فیلڈنگ اچھی کی جائے اور مس فیلڈنگ نہ کی جائے. جنوبی افریقہ کی جانب سےلنگی نے 3 اور عمران طاہر نے 2 کھلاڑیوں کو آؤٹ کیا.

    محمد عامر جنوبی افریقہ کے خلاف بھی وکٹیں لینے کو تیار ہیں. محمد عامر کہتے ہیں کہ اوپنرز کو جلدی آؤٹ کرنے کی کوشش کریں گے اور پھر سے کم بیک کریں گے.

  • جماعت اسلامی کا ایسا اعلان کہ مولانا فضل الرحمن اور دیگر اپوزیشن جماعتوں‌ کیلئے مشکل کھڑی ہو گئی

    جماعت اسلامی کا ایسا اعلان کہ مولانا فضل الرحمن اور دیگر اپوزیشن جماعتوں‌ کیلئے مشکل کھڑی ہو گئی

    جماعت اسلامی پاکستان نے مولانا فضل الرحمن کی طرف سے بلائی گئی آل پارٹیز کانفرنس میں شرکت نہ کرنے کا فیصلہ کیا ہے. اس امرکا اعلان جماعت اسلامی کے سیکرٹری جنرل امیر العظیم نے اوکاڑہ کے مقامی شادی ہال میں ایک پریس کانفرنس سے خطاب کرتے ہوئے کیا ہے.

    باغی ٹی وی کی رپورٹ‌ کے مطابق جماعت اسلامی کے اے پی سی میں‌شرکت نہ کرنے کے فیصلہ سے مولانا فضل الرحمن سمیت دیگر اپوزیشن جماعتوں‌ کیلئے ایک نئ مشکل کھڑی ہو جائے گی. امیر العظیم نے اوکاڑہ میں‌پریس کانفرنس کے دوران کہا کہ ماضی کی حکمران جماعتیں ہی ملک کی موجودہ بحرانوں کی ذمہ دار ہیں،وہ اپنی غلطیوں پر معافی مانگیں اور ناجائز طریقے سے بنائی گئی دولت بیرون ملک سے پاکستان واپس لائیں،جب تک ماضی کی حکمران جماعتیں یہ 2کام نہیں کرتیں ان کے ساتھ نہیں چلاجاسکتا، جماعت اسلامی اے پی سی میں شریک نہیں ہو گی.

    امیر العظیم کا کہنا تھا ایم ایم اے کا اتحاد الیکشن کے بعد ختم ہو گیا تھا کیونکہ مولانا فضل الرحمن دینی جماعتوں‌ کے ساتھ ساتھ نواز شریف، بلاول اور زرداری کو بھی ساتھ ملانا چاہتے تھے جس پر ان سے اختلاف ہوا. واضح رہے کہ مولانا فضل الرحمن نے 26 جون کو اسلام آباد میں آل پارٹیزکانفرنس طلب کر رکھی ہے جس میں تمام اپوزیشن جماعتیں شریک ہوں‌ گی.

  • مصر نے زمبابوے کو 0-1 سے ہرا دیا

    مصر نے زمبابوے کو 0-1 سے ہرا دیا

    افریقہ کپ آف نیشنز فٹ بال ٹورنامنٹ میں میزبان مصر نے زمبابوے کو سنسنی خیز مقابلے کے بعد 1-0 گول سے ہرا کر ایونٹ کا فاتحانہ آغاز کیا۔

    میچ کے پہلے ہاف کے 41 ویں منٹ میں مصری کھلاڑی ٹریز گوئٹ نے گول کر کے ٹیم کو برتری دلائی اور ان کا یہی گول جیت کا سبب بنا، مصر نے زمبابوے کو 1-0 گول سے شکست دے کر پہلی کامیابی حاصل کر لی۔

    مصر میں ہونے والے افتتاحی میچ میں مصر نے شاندار کھیل پیش کیا. ٹیم نے یونیٹی کا مضاہرہ کیا اور زمبابوے کو کوئی گول نہ کرنے دیا.

  • اب جلد چلیں گی پاکستان میں الیکٹرک گاڑیاں، حکومت نے ماحولیاتی آلودگی سے بچاؤ کیلئے بڑا فیصلہ کر لیا

    اب جلد چلیں گی پاکستان میں الیکٹرک گاڑیاں، حکومت نے ماحولیاتی آلودگی سے بچاؤ کیلئے بڑا فیصلہ کر لیا

    مشیر تجار ت عبد الرزاق داﺅ نے کہا ہے کہ پاکستان میں جلد الیکٹرک گاڑیاں‌ متعارف کروائی جارہی ہیں‌ جس کا مقصد ماحولیاتی آلودگی سے بچاؤ ہے.

    باغی ٹی وی کی رپورٹ‌ کے مطابق مشیر تجارت کا کہنا تھا کہ موسمیاتی تبدیلیاں دنیا بھر میں رونما ہو رہی ہیں اور اس سے دنیا بھر کو خطرات لاحق ہیں. پی ٹی آئی حکومت نے فیصلہ کیا ہے کہ ملک کو آلودگی سے بچانے کیلئے اپنا بھرپور کردار ادا کرے گی. الیکٹرک گاڑیاں چلانے کا فیصلہ اسی مقصد کے تحت کیا گیا ہے.

    مشیرتجارت عبدالرزاق کا کہنا تھاکہ حکومت نے الیکٹرک گاڑیاں‌ چلانے کیلئے وزارت موسمیاتی تبدیلی سے بھی تجاویز مانگی ہیں تاکہ ان سے رائے لیکر کوئی بہتر فیصلہ کیا جاسکے. ان کا یہ بھی کہنا تھا کہ الیکٹرک گاڑیوں کی پالیسی تمام سٹیک ہولڈرز سے مل کر بنائیں گے ۔ واضح‌ رہے کہ ماحولیاتی آلودگی اس وقت پوری دنیاکا ایک بہت بڑا مسئلہ بن چکا ہے اور تقریبا سبھی ملک اپنے اپنے ملکوں‌میں‌اس سلسلہ میں‌ اقدامات کرتے نظر آتے ہیں. اب

  • بلاول کے نام پر طنز لیکن عمران خان کو نیازی کہلواتے کیوں‌ شرم آتی ہے؟ سعید غنی کا کراچی میں خطاب

    بلاول کے نام پر طنز لیکن عمران خان کو نیازی کہلواتے کیوں‌ شرم آتی ہے؟ سعید غنی کا کراچی میں خطاب

    وفاقی بجٹ کے خلاف کراچی میں‌ پیپلز پارٹی کی طرف سے پیپلز سیکریٹریٹ سے پریس کلب تک ریلی نکالی گئی جس میں پی پی کارکنان کی کثیر تعداد نے شرکت کی.

    باغی ٹی وی کی رپورٹ‌ کے مطابق اس موقع پر خطاب کرتے ہوئے پیپلز پارٹی کے رہنما اور سندھ کے وزیر بلدیات سعید غنی نے خطاب کرتے ہوئے کہاکہ موجود ہ حکومت کی زیادتیوں کے خلاف کراچی کی سڑکوں پر نکلوں گا. غریبوں پر مہنگائی کے پہاڑ گرائے گئےبلاول بھٹو عوام کی جنگ لڑ رہے ہیں. جی ڈی اے سےسوال ہےکہ آپ آئی ایم ایف کےبجٹ کیلیےووٹ دینگے.

    انہوں نے کہاکہ موجود ہ حکومت کی زیادتیوں کے خلاف کراچی کی سڑکوں پر نکلوں گا، بزنس مین اور کاروباری شخصیات بھی ایمنسٹی اسکیم لینے کیلیے تیارنہیں. بلاول کےنام پرطنزہوتاہےلیکن عمران خان کو نیازی کہلانےپرشرم آرہی ہے. واضح رہے کہ پیپلز پارٹی کی طرف سے ان دنوں‌ بجٹ کے خلاف مہم چلائی جارہی ہے اور اسی سلسلہ میں کراچی میں ریلی نکالی گئی ہے.

  • غیر ضروری اپیلوں پر ویرات کوہلی کو جرمانہ عائد

    غیر ضروری اپیلوں پر ویرات کوہلی کو جرمانہ عائد

    ورلڈ کپ کے اٹھائیسویں میچ میں کل بھارت اور افغانستان مد مقابل ہوئے. بھارت نے افغانستان کو 11 رنز سے ہرا دیا لیکن افغانستان نے بہت اچھا کھیل پیش کیا.

    سنسنی خیز مقابلے کے دوران بھارتی کپتان ویرات کوہلی غیر ضروری اپیلیں کرتے رہے .میچ کے 29 اوور کے دوران ویرات کوہلی نے LBW کے فیصلے پر امپائر علیم دار کے پاس جا کر غصے والا برتاؤ کیا اور کوڈ آف کنڈنٹ کی خلاف ورزی کرنے پر آئی سی سی نے میچ فیس کا 25 فیصد جرمانہ عائد کر دیا. اس کے علاوہ ڈسپلنری ریکارڈ پر بھی ایک ڈی میرٹ پوائنٹ کا اضافہ کردیا ہے۔

    ویرات کوہلی کا اس سے پہلے بھی ڈسپلنری ریکارڈ اچھا نہیں ہے لیکن ویرات نے آئی سی سی کوڈ آف کنڈنٹ کی خلاف ورزی کرنے پر معزرت بھی کی ہے.

    پوائنٹس ٹیبل کے مطابق ایک بھی میچ نہ ہار کر بھارت تیسرے نمبر پر ہے اور افغانستان ایک بھی میچ نہ جیتنے کے نتیجے میں آخری نمبر پر ہے.

  • پی ٹی آئی نے فریال تالپور کی نااہلی کیلئے سندھ اسمبلی میں درخواست جمع کروا دی

    پی ٹی آئی نے فریال تالپور کی نااہلی کیلئے سندھ اسمبلی میں درخواست جمع کروا دی

    پاکستان تحریک انصاف نے پیپلزپارٹی کی رکن سندھ اسمبلی فریال تالپور کی نااہلی کے لیے سندھ اسمبلی میں درخواست جمع کروادی ہے. ان پر الزام ہے کہ وہ اربوں‌ روپے کے اثاثوں‌ کی مالک ہیں جبکہ انہوں‌ نے اپنے یہ اثاثے ظاہر نہیں‌ کئے بلکہ انہیں‌ چھپا کر رکھا اس لئے انہیں‌ نااہل قرار دینے کا مطالبہ کیا گیا ہے.

    باغی ٹی وی کی رپورٹ‌ کے مطابق فریال تالپور کے خلاف نااہلی کا یہ ریفرنس سندھ اسمبلی میں پی ٹی آئی کے رکن ارسلان تاج کی جانب سے دی گئی ہے. پی ٹی آئی کی طرف سے یہ درخواست دیے جانے کے بعد فریال تالپور کی مشکلات میں مزید اضافہ ہو گا. تحریک انصاف کے رکن سندھ اسمبلی ارسلان تاج نے دعویٰ‌ کیا ہے کہ فریال تالپور کی لاڑکانہ اور قمبر شہدادکوٹ میں جائیدادیں ہیں بلکہ اس کے علاوہ ان کی متحدہ عرب امارات میں بھی جائیدادیں ہیں جنہیں‌ چھپایا گیا اور ظاہر نہیں‌ کیا گیا۔

    سندھ اسمبلی میں فردوس شمیم نقوی نے بھی گفتگو کرتے ہوئے کہا کہ ہماری ٹیم نے فریال تالپورکی خفیہ جائیداد کا پتہ چلایا ہے وہ اربوں روپے کے اثاثوں کی مالک ہیں اورزرداری گروپ کی کمپنیاں آپریٹ کرتی ہیں. انہوں نے کہاکہ پی ٹی آئی نے فریال تالپور کی نااہلی کیلئے جو درخواست دی ہے اس پر سپیکر قومی اسمبلی کی ذمہ داری ہے کہ وہ ایک ماہ میں اس درخواست پر فیصلہ کریں یا ان کی نااہلی کیلئے درخواست الیکشن کمیشن کو بھیجیں. انہوں‌ نے دعویٰ کیاکہ فریال تالپور کے اتنے اثاثے ہیں‌کہ آپ سوچ بھی نہیں‌سکتے.

    واضح رہے کہ آصف زرداری کی ہمشیرہ فریال تالپور ان دنوں‌ اپنی رہائش گاہ پر نظربند ہیں اور ان کی رہائش گاہ کو ہی سب جیل قرار دیا گیا ہے. قومی احتساب بیورو ان کے خلاف کاروائی جاری رکھے ہوئے ہے.

  • آمدن سے زائد اثاثہ جات کیس، نیب نے شہباز شریف کو 5 جولائی کو طلب کر لیا

    آمدن سے زائد اثاثہ جات کیس، نیب نے شہباز شریف کو 5 جولائی کو طلب کر لیا

    نیب نے اپوزیشن لیڈر قومی اسمبلی شہباز شریف کو طلب کر لیا ہے. نیب نےشہباز شریف کو آمدن سے زائد اثاثہ جات کیس میں 5 جولائی کوطلب کیا ہے.

    باغی ٹی وی کی رپورٹ‌ کے مطابق نیب نے اس سے قبل منی لانڈرنگ کیس میں‌ شہباز شریف کو طلب کیا تھا اور انہیں‌ کہا گیا تھا کہ وہ دستاویزات سمیت حاضر ہوں. نیب کی جانب سے اپوزیشن لیڈر قومی اسمبلی شہباز شریف سے کہا گیا تھا کہ وہ اپنے اثاثہ جات کی تفصیل اور ذرائع بھی بتائیں.

    نیب کی جانب سے شہباز شریف کو اپنے والد میاں‌ محمد شریف سے ملنے والی وراثت سے متعلق بھی تفصیلات فراہم کرنے کیلئے کہا گیا تھا. قومی احتساب بیورو نیب اثاثہ جات کیس میں شہباز شریف خاندان کے خلاف تحقیقات کا دائرہ کار مزید وسیع کرتے ہوئے پورے خاندان کے خلاف تحقیقات کر رہی ہے.

  • شجاع آباد : صفائی کا مسئلہ بڑھنے لگا

    شجاع آباد ( نمائندہ باغی ٹی وی ) سیورج سسٹم بلاک ہونے سے گٹر ابلنے لگے جگہ جگہ گندگی کے ڈھیر جو بلدیہ شجاع آباد کی کارکردگی پر سوالیہ نشان ہے اسسٹنٹ کمشنر شجاع آباد اور ٹی ایم او شجاع آباد سے فوری نوٹس لینے کا مطالبہ
    تفصیل کے مطابق شجاع آباد ریلوے روڈ لودھراں روڈ بستی ملوک روڈ ڈاکٹر مومن والا روڈ ڈاکٹر وسیم والی گلی مرزا قصور چوک محلہ خواجگان محلہ پٹھان والا خانگڑھ روڈ خیرپور روڈ لال باغ اور دیگر جگہ پر گندگی کے ڈھیر نمایاں نظر آتے ہیں اور سیوریج کا ناقص نظام ہونے کے باعث شہریوں کی زندگی مفلوج ہوکر رہ گئی ہے جو کہ بلدیہ شجاعباد کی کارکردگی پر سوالیہ نشان ہے ڈاکٹر وسیم کلینک کے قریب سیورج سسٹم بلاک ہونے سے گٹر ابلنے لگے جس سے مکینوں کا گھروں سے نکلنا محال ہو گیا۔ گندے پانی کی بدبو اور تعفن سے سانس لینا بھی دشوار ہو گیا ہے جو میونسپل کمیٹی شجاعباد کی کارکردگی پر سوالیہ نشان ہے اہل علاقہ کا اعلی حکام سے نوٹس لینے کا مطالبہ ہے .

  • پاکستان نے جنوبی افریقہ کو جیت لے لیے309 رنز کا ہدف دیا ہے

    پاکستان نے جنوبی افریقہ کو جیت لے لیے309 رنز کا ہدف دیا ہے

    پاکستان نے جنوبی افریقہ کو جیت لے لیے309 رنز کا ہدف دیا ہے. پاکستان کی جانب سے آج اچھا کھیل پیش کیا گیا ہے. حارث سہیل89 رنز بنا کر ٹاپ سکورر رہے. 3 چھکے اور 9 چوکے لگائے.بابر اعظم نے 69 رنز بنائے. فخر زمان اور امام الحق نے 44 44 رنز بنائے.

    بیٹنگ تو کامیاب رہی لیکن بالرز کو بھی اچھا پرفارم کرنا پڑے گا. پاکستان یہ میچ جیت سکتا ہے اگر فیلڈنگ اچھی کی جائے اور مس فیلڈنگ نہ کی جائے. جنوبی افریقہ کی جانب سےلنگی نے 3 اور عمران طاہر نے 2 کھلاڑیوں کو آؤٹ کیا.

    محمد عامر جنوبی افریقہ کے خلاف بھی وکٹیں لینے کو تیار ہیں. محمد عامر کہتے ہیں کہ اوپنرز کو جلدی آؤٹ کرنے کی کوشش کریں گے اور پھر سے کم بیک کریں گے.