ڈائریکٹر جنرل بلوچستان فوڈ اتھارٹی میجر (ر)بشیر احمد کی ہدایت پر بی ایف اے فوڈ سیفٹی ٹیم نے کوئٹہ شہر کے مختلف مقامات میں کارروائی کرتے ہوئے غیر معیاری اشیاءکی فروخت اور صفائی کے ناقص انتظامات پر شاہین بیکرز پلانٹ کو سربمہر کر دیا۔ ڈائریکٹر آپریشنز ندا کاظمی کی سربراہی میں بلوچستان فوڈ اتھارٹی کی ٹیم نے منگل کے روز میکانگی روڈ اور میر احمد خان روڈپر واقع بیکری شاپس اور بیکرز پلانٹس میں پروڈکشن کا معیار چیک کرتے ہوئے وہاں صفائی کی صورتحال کا جائزہ لیا۔ فوڈ سیفٹی ٹیم نے چیکنگ کے دوران متعدد بیکریوں انمول سوئیٹس اینڈ بیکرز ، انبالہ بیکری اوربیکرز پلانٹس کو حفظان صحت کے اصولوں کی خلاف ورزیوں پر وارننگ جاری کیے جبکہ ان سے برآمد ہونے والی زائدالمعیاد اشیاءخورد و نوش کوموقع پر ہی پر تلف کردیا گیا اس سلسلے میں ڈائریکٹر جنرل بی ایف اے بشیر احمد کا کہنا ہے کہ عوام کو صاف اور معیاری غذائی اشیاءکی فراہمی کے لیے فوڈ سیکیورٹی اور فوڈ سیفٹی یقینی بنائی جارہی ہے۔اس ضمن بی ایف اے کی جانب سے بلاتعطل و بلا امتیاز کاروائیوں و موثر اقدامات کا سلسلہ جاری ہے اور صوبائی حکومت کی جانب سے دی گئی ذمہ داریوں کو احسن طریقے سے نبھانے کے لیے تمام وسائل بروئے کار لائے جارہے ہیں۔
Author: +9251
فیس بک نے اسرائیلی مخالفت پر سینکڑوں فلسطینیوں کے بیج بلاک کر دیے، فسلطینی شہریوں کا شدید احتجاج
فیس بک کی طرف سے اسرائیل کی مخالفت کرنے پر ہزاروں فلسطینی شہریوں کے فیس بک پیج بند کر دیے گئے ہیں جس پر فلسطینی شہریوں نے شدید احتجاج کیا ہے۔ فلسطینی شہریوں نے اسے اسرائیل اور فیس بک کا خفیہ گٹھ جوڑ قرار دیا ہے.
باغی ٹی وی کی رپورٹ کے مطابق فلسطین میں ابلاغی آزادیوں پرنظر رکھنے والے ادارے’مدیٰ’ کی طرف جاری کردہ ایک بیان میں ‘فیس بک’ کی طرف سے فلسطین میں ہزاروں صفحات کی بندش کو ‘ابلاغی جارحیت’ قرار دیا اور کہا ہےکہ فیس بک نے فلسطین میں ہزاروں صفحات کو بند کرکےمظلوم فلسطینیوں کے حقوق کی آواز دبانے کی کوشش کی ہے۔
سماجی رابطے کی ویب سائیٹ کی طرف سے یہ دعویٰ کیا گیا تھا کہ چونکہ یہ صفحات اسرائیل کے خلاف نفرت پھیلانے کے لیے استعمال ہو رہے تھے اور ان پر پوسٹ کردہ مواد کو غیرجانب دارانہ حیثیت حاصل نہیں تھی جس کے باعث انہیں بلاک کر دیا گیا ہے مگر فلسطینی شہریوںکا کہنا ہے کہ حقیقت اس کے برعکس ہے۔ فیس بک کی طرف سے فلسطینیوں کے ان عام فیس بک صفحات کو بھی بند کیا گیا ہے جن کا فلسطینیوں کی تحریک آزادی یا مزاحمت کے ساتھ کوئی تعلق نہیں تھا۔
فلسطینی شہریوں کا سوشل میڈیا پر الزام عائد کرتے ہوئے کہنا ہے کہ فیس بک نے فلسطینی مسلمانوں کے خلاف دوہرا معیار اختیار کر رکھا ہے. فلسطینیوں، عربوں اور مسلمانوں کے خلاف نفرت پھیلانے والے ہزاروں صفحات اسرائیل میں سرگرم ہیں اورانہیں فیس بک کی طرف سے مکمل تحفظ حاصل ہے لیکن فلسطینی مسلمانوںکے پیج بلاک کر دیے جاتے ہیں اور انہیں اسرائیلی مظالم کے خلاف آواز بلند کرنے کی بھی اجازت نہیں دی جاتی.
غاصب اسرائیلی فوج نے فلسطین میں مغربی کنارے اور یروشلم سے طلباء سمیت 25 فلسطینی اغواء کر لئے
غاصب اسرائیلی فوج نے فلسطین کے مغربی کنارے اور یروشلم کے مختلف علاقوں میں دہشت گردی کی کاروائیوں میں 25 فلسطینی شہری اغواء کر لئے ہیں.
باغی ٹی وی کی رپورٹ کے مطابق گرفتار کئے جانے والوں میں یونیورسٹی کے طلباء اور اپنی سزا کی مدت پوری کرنے والے افراد بھی شامل ہیں. میڈیا رپورٹس میں بتایا گیا ہے کہ اسرائیلی فورسز اہلکاروں نے جنین کے جنوبی قصبے پر دھاوا بولا اور محمد حمدان اور مصطفى العريضة کے گھروں پرچھاپہ مارا. اس دوران گھروںمیں توڑ پھوڑ و لوٹ مار کی اور انہیں گرفتار کرکے ساتھ لے گئے ۔
قابض اسرائیلی فوج نے النجاح یونیورسٹی میں اسلامی بلاک کے ترجمان احمد درويش کو نابلس شہر میں انکے گھر سے اغوا کر لیا۔ اسی طرحایک اور یونیورسٹی کے طالب علم کو بھی گرفتار کیا گیا ہے. ان پر الزام ہے کہ وہ اسرائیلی فورسز کے خلاف کاروائیوںمیں حصہ لیتے رہے ہیں. دریں اثنائ اسرائیلی فوج نے دعویٰ کیا کہ 17 فلسطینیوں کو رات گئے مغربی کنارے سے اغوا کیا گیا۔
یاد رہے کہ غاصب اسرائیلی فوج کی جانب سے ایسی درندگی پر مبنی کاروائیاں روز کا معمول ہیں.
حکومت نے سپریم کورٹ کے سینئر جسٹس قاضی فائز عیسیٰ کیخلاف سپریم جوڈیشل کونسل میں ریفرنس دائر کر دیا
پی ٹی آئی حکومت کی جانب سے مستقبل کے چیف جسٹس قاضی فائز عیسیٰ کے خلاف سپریم جوڈیشل کونسل میں ریفرنس دائر کر دیا گیا ہے۔
باغی ٹی وی کی رپورٹ کے مطابق ایک سینئر صحافی کی طرف سے سوشل میڈیا سائٹ ٹویٹر پر کی گئی ٹویٹ میں کہا گیا ہے کہ
پی ٹی آئی کی حکومت نے مذکورہ ریفرنس صرف جسٹس قاضی فائز عیسیٰ کے خلاف ہی دائر نہیں کیا بلکہ تین اور ججز بھی ہیں جن کے خلاف سپریم جوڈیشل کونسل سے رجوع کیا گیا ہے۔یاد رہے کہ جسٹس قاضی فائز عیسیٰ وہی سینئر جسٹس ہیں جنہوں نے جسٹس مشیر عالم کے ہمراہ فیض آباد دھرنا کیس کا فیصلہ سنایا تھا. اس فیصلے میں وفاقی وزیر ریلوے شیخ رشید احمد اور بعض دوسری حکومتی شخصیات کے کردار سے متعلق بھی سوالات اٹھائے گئے تھے. اس فیصلہ کے خلاف پاکستانی وزارت دفاع نے بھی سپریم کورٹ میں نظر ثانی کی اپیل دائر کی تھی جس میں استدعا کی گئی تھی کہ مذکورہ فیصلہ سے پاک فوج سے متعلق استعمال ہونے والے الفاظ حذف کیے جائیں۔
پی ٹی آئی حکومت کی طرف سے مستقبل کے چیف جسٹس قاضی فائز عیسیٰ سے متعلق سپریم جوڈیشل کونسل میں ریفرنس دائر کرنے کی خبروں سے ملک میں ایک نئی بحث چھڑ گئی ہے.
وزیرستان، تاریخ کے جھروکوں میں ۔۔۔ زین خٹک
سر زمین وزیرستان کی بدقسمتی کہیے کہ یہ خطہ گذشتہ صدی سے میدان جنگ بنا ہوا ہے ۔1884 میں تخت برطانیہ کے قبضے میں آنے کے بعد جرمن حکومت نے مقامی لوگوں کی مدد شروع کی۔ اور تخت برطانیہ کے خلاف تحریک مجاہدین کی بنیاد رکھی ۔ پروپیگنڈہ کرنے کے لیے یہاں ریڈیو اسٹیشن قائم کیے گئے۔ پہلی اور دوسری جنگ عظیم میں بھی وزیرستان میدان جنگ بنا رہا۔ مقامی لوگوں اور تخت برطانیہ کی کاروائیاں جاری رہیں۔ 1947 میں پاکستان کے قیام کے بعد تحریک مجاہدین نے نہ صرف پاکستان کو تسلیم کرنے سے انکار کر دیا بلکہ افغانستان کی مدد سے پاکستان کے خلاف کارروائی بھی شروع کی۔ تحریک مجاہدین کے امیر فقیر ایپی وزیر کی وفات 1960 تک وزیرستان میں بے چینی رہی۔ 1970 کے دہائی میں افغانستان میں کمیونسٹ حکومت کے آنے کے بعد وزیرستان متاثر ہوئے بغیر نہیں رہ سکا۔ افغان جہاد میں وزیرستان اسامہ بن لادن اور دیگر بین الاقوامی جنگجوؤں کا ہیڈ کوارٹر مانا جاتا تھا۔ ان جنگجوؤں میں زیادہ تر نے’انصار اور مہاجرین کی تاریخی مثالیں دہراتے ہوۓ مقامی لوگوں سے شادی بیاہ جیسے رشتے استوار کیے۔ اور یہاں سکونت اختیار کی۔ افغان جنگ کے بعد تحریک طالبان کے دور میں ممتاز تحریکی لیڈرشپ نے وزیرستان میں سکونت اختیار کی جن میں حقانی نیٹ ورک کے جلال الدین حقانی سرفہرست ہیں ۔1997 میں امریکہ نے پہلی بار نوازشریف کے دور حکومت میں وزیرستان میں مجاہدین کے کیمپوں پر میزائل داغے۔ ورلڈ ٹریڈ سینٹر پر حملے کے بعد وزیرستان مسلسل آپریشنز اور جنگو ں کی زد میں رہا۔ پاکستان آرمی نے جانی قربانیاں دے کر وزیرستان کو دہشتگردوں سے پاک صاف کیا۔ لیکن ابھی ایک نئے فتنے پی ٹی ایم نے جنم لیا ہے۔ اور وزیرستان کو دوبارہ تباہی، دہشتگردی ،بدامنی کی آگ میں دھکیلنے کی کوششیں کر رہا ہے۔ اس بارے آئندہ ایک تحریر میں مفصل بات ہو گی۔
مکہ مکرمہ، اسلامی سربراہی کانفرنس کی کوریج 390 صحافی اور 59 ٹی وی چینلز کریں گے
سعودی عرب میں اسلامی سربراہی اجلاس کے حوالہ سے میڈیا کے لئے وسیع پیمانے پر انتظامات کئے جارہے ہیں.
باغی ٹی وی کی رپورٹ کے مطابق سعودی وزیر اطلاعات ترکی الشبانہ کی قیادت میں میڈیا کی سہولت کے لئے یہ سب انتظامات کیے جا رہے ہیں۔ بتایا گیا ہے کہ تیرہ نگران ٹیموں کے تعاون سے سعودی وزارت اطلاعات اس میگا ایونٹ کی کوریج کرنے والے 390 مقامی اور بین الاقوامی صحافتی اداروں کے اجتماع کو سہولیات فراہم کرنے کی خاطر دن رات ایک کر رہے ہیں۔ #مکہ_سمٹ کو دنیا بھر سے 59 ٹی وی چینلزکور کرنے آ رہے ہیں۔ اس سلسلہ میں سعودی وزارت اطلاعات چار میڈیا سینٹرز کے ذریعے آنے والے معزز صحافیوں کو خدمات فراہم کرے گی جن سے متعلق صحافیوں کی رہائش گاہوں پر تعارفی بریفنگ دی جائے گی۔ اس بریفنگ کا اہتمام 11 حکومتی اور غیر سرکاری ٹیموں کے توسط سے کیا جائے گا جو اس انتہائی اہم اجلاس سے متعلق اہم پیش رفت اور کامیابیوں سے صحافیوں کو آگاہ کریں گے۔
میڈیا رپورٹس میں بتایا گیا ہے کہ مختلف ملکوں سے آنے والے عہدیداران مقامی اور بین الاقوامی ذرائع ابلاغ کے نمائندوں کے سامنے براہ راست پریس کانفرنسوں سے بھی خطاب کریں گے۔ اسی طرحاس اہم موقع پر بین الاقوامی میڈیا سے تعلق رکھنے والے نمائندوں کو مختلف سرکاری اداروں کا دورہ بھی کرایا جائے گا تاکہ وہ سعودی عرب میں ہونے والی اہم تبدیلیوں کا خود براہ راست جائزہ لے سکیں۔ تینوں سربراہی اجلاسوں کی نگرانی اور معاونت کے لئے قائم میڈیا کمیٹی کے سربراہ ڈاکٹر فھد بن حسن آل عقرآن ہوںگے. انہوں نے بتایا کہ مکہ المکرمہ میں ہونے والے اس اہم عالمی سرگرمی کے شایان شان غیر معمولی میڈیا کو یقینی بنایا جائے گا۔ ان سربراہی اجلاسوں میں 57 ملکوں کے سربراہ شریک ہو رہے ہیں۔
یا د رہے کہ سعودی عرب کے مختلف شہروںپر میزائل داغنے اور تیل تنصیبات پر حملوںکے بعد اسلامی سربراہی اجلاس بلایا گیا ہے تاکہ مسلمان ملک باہم مل بیٹھ کر مستقبل کا لائحہ عمل ترتیب دے سکیں. پاکستانی وزیر اعظم عمران خان بھی اس اہم اجلاس میں شریک ہو رہے ہیں.
یوم تکبیر کے حوالے سے بلوچستان عوامی پارٹی کی تقریب۔
تقریب سے سینئر رہنما سردار نور احمد بنگلزئی امینہ بلوچ آرگنائزر ملک خدا بخش روبینہ شاہ اور دیگر نے خطاب کیا اور کہا کے ہر قدم پر ہم پاک فوج کے ساتھ کھڑے ہیں پاکستان ایٹمی اثاثے شب رات میں چلانے کے لیے نہیں بنائے گئے تھے منظور پشتیں جیسے غدار ہر دور میں پیدا ہوتے رہے رہے ہیں اس کا انجام بھی وہی ہوگا جو پہلے غداروں کا ہوا ہے آج عالم کفر کی نظروں میں پاکستان بری طرح کھٹک رہا ہے اور ایٹمی دھماکوں سے آج ہی کے دن پوری دنیا کے مسلمانوں کا سر فخر سے بلند ہوا تھا پاک فوج کے دشمن اب ملک کے نوجوانوں کو اکسانے اور اشتعال دلانے پر اتر آئے ہیں جب کے پاکستان کی فوج نے ہر مشکل وقت میں سمجھ داری اور دور اندیشی سے سازشیوں کا مقابلہ کیا اور کرینگے۔
اسلامی سربراہی اجلاس، مکہ مکرمہ کو اسلامی ممالک کے پرچموں سے سجا دیا گیا
مکہ مکرمہ میں ہونے والی اسلامی سربراہی کانفرنس کے پیش نظر مقدس شہر کی تمام سڑکیں اجلاس میں شریک ہونے والے تمام ملکوں کے پرچموں سے سجا دی گئی ہیں.
باغی ٹی وی کی رپورٹ کے مطابق مکہ مکرمہ کی وسیع و عریض سڑکیں اور شاہرائیں مقدس شہر میں ہونے والے خلیجی، عرب اور اسلامی سربراہی اجلاسوں میں شرکت کے لئے آنے والے قائدین کے قومی پرچموں سے سجا دی گئی ہیں۔ مکہ مکرمہ میں سعودی فرمانروا شاہ سلمان بن عبدالعزیز کی دعوت اور میزبانی میں تین اجلاس منعقد ہو رہے ہیں۔
سربراہی اجلاس کے سلسلہ میں مقدس شہر کی تزئین اور آرائش کے نگران ادارے کے سیکریٹریٹ نے شہر کے پانچ کلومیٹر رقبے پر خیر مقدمی بینر اور آرائشی جھالریں سجا ئی ہیں۔ اسی طرح خیر مقدمی کلمات پر مبنی نیون سائن اور خوبصورت چراغاں سے شہر بقعہ نور بنا ہوا ہے۔ مکہ مکرمہ ہی میں سعودی عرب کی میزبانی میں 31 مئی جمعہ کو اسلامی تعاون تنظیم او آئی سی کا چودھواں سربراہ اجلاس منعقد ہو گا۔ شاہ سلمان بن عبدالعزیز اس اجلاس کی صدارت کریں گے جس کاعنوان ’’#مکہ_سمٹ: مستقبل کے لیے اکٹھ ‘‘ رکھا گیا ہے۔ اس اجلاس کا مقصد اسلامی دنیا کو درپیش مسائل کے پیش نظر ایک مشترکہ مؤقف اختیار کرنا ہے۔
واضح رہے کہ سعودی عرب کے مختلف شہروں پر حوثی باغیوں کے حملوں کے بعد برادر اسلامی ملک کی جانب سے ان اجلاسوںکا انعقاد کیا جارہا ہے جس کا مقصد متفقہ طور پر مستقبل کا لائحہ عمل طے کرنا ہے. وزیر اعظم عمران خان بھی اس میں شریک ہوںگے.
عمران خان اور مودی کے درمیان ملاقات طے پا گئی، بھارتی میڈیا نے تصدیق کر دی
ہندوستانی وزیر اعظم نریندر مودی کی حلف برداری تقریب میں تو پاکستانی وزیر اعظم عمران خان کو شرکت کی دعوت نہیں دی گئی تاہم دونوں لیڈروں کے مابین کرغیزستان میں ملاقات ہونے کا امکان ظاہر کیا گیا ہے.
باغی ٹی وی کی رپورٹ کے مطابق کرغیزستان میں 13 اور 14 جون کو ہونے والی شنگھائی تعاون تنظیم کے اجلاس کے موقع پر وزیراعظم عمران خان اور ہندوستانی وزیر اعظم نریندرمودی کے درمیان ملاقات ہو سکتی ہے۔ اس سلسلہ میںہندوستانی میڈیا کا کہنا ہے کہ وزارت خارجہ کے ذرائع نے دونوں ملکوںکے سربراہان کے مابین پہلی ملاقات کی تصدیق کر دی گئی ہے اور دونوں اطراف سے ملاقات کے ایجنڈے کی باقاعدہ تیاری کا آغاز کر دیا گیا ہے.
بھارت میں حالیہ الیکشن میںکامیابی پر وزیر اعظم عمران خان نے نریندر مودی کو مبارکباد پیش کی تھی اور ان کی جیت کو خطہ میں امن کے لئے خوش آئند قرار دیا تھا. واضحرہے کہ مودی کے دوبارہ برسراقتدار آنے کے بعد دونوں لیڈروں کی یہ پہلی ملاقات ہو گی.
پٹرول کی قیمتوں کے بعد بجلی کے نرخوں میں بھی اضافہ کی خبر، عوام میں پریشانی کی لہر
نیپرا کی طرف سے ایک بار پھر بجلی کے نرخوں میں اضافہ کر دیا گیا ہے جس پر پاکستانی عوام میں تشویش کی لہر دوڑ گئی ہے.
باغی ٹی وی کی رپورٹ کے مطابق پٹرول کی قیمتوں میں اضافہ کی خبروںکے بعد اب 55 پیسے فی یونٹ اضافے کی منظوری کی خبریںسامنے آنے پر مہنگائی کے ہاتھوں پریشان لوگوں میں شدید بے چینی پائی جاتی ہے. نیپرا نے منگل کے دن بجلی کی قیمتوں میں 55 پیسے فی یونٹ اضافے کی منظوری دیدی ہے. اضافے سے صارفین پر 5 ارب 20 کروڑ روپے کا اضافی بوجھ پڑے گا جب کہ اضافہ اپریل کی ماہانہ فیول پرائس ایڈجسٹمنٹ کی مد میں کیا گیا ہے. اس اضافے کا اطلاق لائف لائن صارفین، کے الیکڑک اور زرعی صارفین پر نہیں ہوگا جب کہ اضافی رقم آئندہ ماہ کے بلوں میں وصول کی جائے گی۔
سی پی پی اے کے مطابق اپریل میں آر ایل این جی والے پلانٹس نہیں چلائے گئے. اسی طرح اپریل میں ہائیڈل سے 22.94 فیصد اور کوئلے سے 10.34 فیصد بجلی پیدا کی گئی ہے جبکہ مقامی گیس سے 18.24 فیصد اوردرآمدی ایل این جی سے30.83 فیصد بجلی پیدا کی گئی.
یاد رہے کہ پچھلے چند ماہ میں متعدد مرتبہ بجلی، گیس اور پٹرول کی قیمتوں میں اضافہ کیا گیا ہے جس سے مہنگائی بہت زیادہ بڑھی ہے اور عوام پریشانی سے دوچار ہیں.
