Author: +9251

وزیر اعظم شہبازشریف کی پاکستان ہاکی ٹیم کواذلان شاہ ہاکی کپ میں کانسی کا تمغہ حاصل کرنے پر مبارکباد

وزیر اعظم محمد شہبازشریف نے پاکستان ہاکی ٹیم کواذلان شاہ ہاکی کپ میں کانسی کا تمغہ حاصل کرنے پر مبارکباد دی ہے۔ وزیر اعظم شہباز شریف نے اپنے ٹویٹ میں کہا کہ پاکستان ہاکی ٹیم کو 3 کے مقابلے میں 5 گول سے جاپان کے خلاف سنسنی خیز میچ میں فتح اور سلطان اذلان شاہ کپ میں کانسی کا تمغہ جیتنے پر مبارک پیش کرتا ہوں۔

پاکستان ہاکی ٹیم کو 3 کے مقابلے میں 5 گول سے جاپان کے خلاف سنسنی خیز میچ میں فتح اور سلطان ازلان شاہ کپ میں کانسی کا تمغہ جیتنے پر مبارک پیش کرتا ہوں۔ قوم کو آپ پر فخر ہے۔ ہاکی کے میدان سے آنے والی یہ خوش خبری پوری قوم کو مبارک ہو۔

— Shehbaz Sharif (@CMShehbaz) November 10, 2022

وزیر اعظم شہباز شریف نے مزید لکھا کہ؛ قوم کو آپ پر فخر ہے۔ ہاکی کے میدان سے آنے والی یہ خوش خبری پوری قوم کو مبارک ہو. خیال رہے گزشتہ روز سلطان اذلان شاہ ہاکی کپ میں پاکستان نے ایشین چیمپئن جاپان کو 3-5 سے شکست دے کر 11 سال بعد ایونٹ میں وکٹری اسٹینڈ پر جگہ بنالی تھی. ملائیشیا کے شہر ایبوہ میں کھیلے جانے والے سلطان اذلان شاہ ہاکی کپ میں تیسری و چوتھی پوزیشن کا میچ پاکستان اور جاپان کے مابین کھیلا گیا۔

میچ میں پاکستان نے جاپان کو سنسنی خیز مقابلے میں تین کے مقابلے میں پانچ گول سے ہرادیا گیا تھا. جبکہ پاکستان کی جانب سے 11ویں منٹ میں حنان شاہد نے فیلڈ گول، 18ویں منٹ میں افراز احمد نے پینلٹی کارنرکے ذریعے،27 ویں اور 31 ویں منٹ میں رومان نے 2 فیلڈگول کیے جب کہ 53 ویں منٹ میں رانا عبدالوحید نے فیلڈ گول اسکور کیا۔ جاپان کی جانب سے 10ویں منٹ میں کینٹارو نے جب کہ 31ویں اور 50 ویں منٹ میں یوما نے 2گول اسکور کیے۔ ایونٹ میں 11 سال بعد پاکستان تیسری پوزیشن حاصل کرکے برونز میڈل جیتنے میں کامیاب ہوگیا۔ اس سے قبل پاکستان نے ایونٹ کا فائنل آسٹریلیا کے مدمقابل 2011 میں کھیلا تھا۔

یاد رہےکہ پاکستان ہاکی ٹیم میں 9 باصلاحیت اور نوجوان کھلاڑیوں نے اس ایونٹ سے اپنے انٹرنیشنل کیریئرکا آغاز کیا اور ایونٹ میں شاندار کارکردگی دکھائی۔ 11 سال بعد وکٹری اسٹینڈ پر پہنچنے والی پاکستان ہاکی ٹیم نے اسٹیڈیم سے واپسی پر بس میں جشن بھی منایا اور ناگن ناگن گانے پر رقص کیا۔ مذکورہ ایونٹ میں 6 ٹیموں نے شرکت کی جن میں میزبان ٹیم ملائیشیا، پاکستان، جاپان ، کوریا، ساؤتھ افریقا اور مصر شامل ہیں۔ سلطان اذلان شاہ ہاکی کپ کا فائنل میزبان ٹیم ملائیشیا اور کوریا کے مابین کھیلا جائے گا۔

کرتارپور راہداری بارے وفاقی حکومت کی عدم دلچسپی باعث تشویش ہے.

پاکستان اور بھارت کے مابین ویزا فری کرتار پور کوریڈور کو کھلے تین برس ہوگئے ہیں تاہم دونوں ملکوں کے مابین تناؤ اور عدم اعتمادی کی وجہ سے امن کی راہداری کے وہ ثمرات سامنے نہیں آسکے ہیں جس کی 9 نومبر 2019 سے قبل توقع کی جا رہی تھی۔ اور اسی لیئے کرتارپور راہداری کا افتتاح 9 نومبر 2019 کو اس وقت کے وزیر اعظم عمران خان نے کیا تھا۔ راہداری کے قیام کا مقصد بھارتی سکھ یاتریوں کو ویزا کے بغیر گوردوارہ دربار صاحب کرتارپور آنے کی سہولت دینا تھا کیونکہ دنیا بھر میں بسنے والے سکھوں کے لیے یہ ایک مقدس اور اہم مقام ہے۔

سکھ مذہب کے بانی اور روحانی پیشوا باباگورونانک نے اپنی زندگی کے آخری 18 سال یہاں گزارے، انہوں نے یہاں کھیتی باڑی اور کی پھر اسی مقام پر ان کی وفات ہوئی، گوردوارہ دربار صاحب، باباگورونانک کی جائے وفات ہے۔ آصف محمود کی خبر کےمطابق پاکستان اور بھارت کے مابین ہوئے معاہدے کے تحت روزانہ 5 ہزار بھارتی سکھ اور نانک نام لیوا ویزے کے بغیر انڈیا سے گوردوارہ صاحب تک آسکتے ہیں۔ تاہم گزشتہ تین برسوں میں راہداری کے راستے آنے والوں کی تعداد مایوس کن رہی ہے۔

رواں سال جولائی تک صرف ایک لاکھ، 10 ہزار 670 بھارتی شہری راہداری کے راستے کرتارپور صاحب آئے ہیں۔ سکھ برادری کے نزدیک تعداد کم ہونے کی وجہ بھارت کی طرف سے پاسپورٹ کی شرط اور رجسٹریشن کا مشکل طریقہ کار ہے جبکہ پاکستان کی طرف سے عائد 20 ڈالر انٹری فیس بھی بھارتی یاتریوں کی تعداد میں کمی کی ایک بڑی وجہ ہے۔ راہداری کے راستے یاتریوں کی تعداد تو کم رہی ہے لیکن اس راہداری نے تین برسوں میں درجنوں ایسے خاندانوں اور ان کی اولاد کو آپس میں ملایا ہے جو 1947 کی تقسیم میں بچھڑ گئے تھے۔

کرتارپور راہداری کو پذیرائی نہ ملنے کی ایک اور وجہ دونوں طرف کی حکومتیں بھی ہیں۔ بھارت کی مودی حکومت پہلے دن سے ہی کرتارپور راہداری کھلنے کے خلاف تھی لیکن سکھوں کے بڑھتے ہوئے دباؤ اور مطالبے کی وجہ سے بھارت نے پاکستان کے ساتھ معاہدہ کیا تھا کیونکہ اس وقت کے پاکستان کے وزیر اعظم عمران خان اس معاملے میں کافی متحرک تھے لیکن عمران خان کی حکومت کے خاتمے کے بعد موجودہ حکومت کی اس منصوبے میں خاص دلچسپی نظر نہیں آرہی ہے۔ کرتارپور کوریڈورپراجیکٹ کا فیزٹو مکمل نہیں کیا جاسکا جبکہ زیرو لائن پر تعمیر کیا جانے والا پل بھی کئی ماہ سے نامکمل ہے۔
مزید یہ بھی پڑھیں؛
پاکستان میں سیاسی عدم استحکام انارکی کا باعث بن سکتا ہے۔ ماہرین
پی ٹی آئی لانگ مارچ کا دوبارہ آغاز؛ لیکن سڑکیں بند ہونے سے عوام پریشان
جیت میں ہار میں، خوشی میں غم میں ہم ایک ہیں،شاداب خان
وزیراعظم شہباز شریف نے صرف سیاسی مخالفت کی وجہ سے آج تک کرتارپور کوریڈور کا دورہ نہیں کیا حالانکہ اسی علاقے سے تعلق رکھنے والے مسلم لیگ ن کے رکن صوبائی اسمبلی رمیش سنگھ اروڑہ انہیں متعدد بار دعوت دے چکے ہیں۔ کرتارپورکوریڈور کی تیسری سالگرہ پر گزشتہ روز گوردوارہ صاحب میں مختصر سی تقریب ہوئی جس میں کیک کاٹا گیا اور ملکی سلامتی، خوشحالی کی ارداس (دعا) کی گئی۔

انٹربینک میں ڈالر سستا جبکہ روپے کی قدر میں بہتری آئی ہے.

ملک بھر میں ایک مرتبہ پھر امریکی ڈالر کے مقابلے میں روپے کی قدر مستحکم ہونے لگی ہے۔ فاریکس ڈیلرز ایسوسی ایشن کے مطابق آج کاروبار کے آغاز پر امریکی ڈالر کی قدر میں کمی واقع ہوئی ہے، انٹربینک میں ڈالر 15 پیسے سستا ہونے کے بعد 221 روپے 50 پیسے کا ہوگیا ہے۔ جبکہ گزشتہ روز انٹربینک میں ڈالر 221 روپے 65 پیسے پر بند ہوا تھا۔
مزید یہ بھی پڑھیں؛
پاکستان میں سیاسی عدم استحکام انارکی کا باعث بن سکتا ہے۔ ماہرین
پی ٹی آئی لانگ مارچ کا دوبارہ آغاز؛ لیکن سڑکیں بند ہونے سے عوام پریشان
جیت میں ہار میں، خوشی میں غم میں ہم ایک ہیں،شاداب خان
علاوہ ازیں پاکستان اسٹاک ایکسچینج میں آج صبح کاروبار کا مثبت رجحان دیکھنے میں آرہا ہے۔ پاکستان اسٹاک ایکسچینج کا 100 انڈیکس 392 پوائنٹس کے اضافے کے بعد 42658 پر آگیا ہے۔دوسری جانب پڑوسی ملک بھارت میں امریکی ڈالر کی قدر میں اضافہ اور بھارتی روپے کی قدر میں کمی سامنے آئی ہے۔ بھارتی میڈیا کا اس حوالے سے کہنا ہے کہ بھارت میں امریکی ڈالر کے مقابلے میں بھارتی روپے کی قدر میں 20 پیسے کی کمی واقع ہوئی ہے۔ بھارتی میڈیا کے مطابق 20 پیسے کی کمی کے بعد ڈالر 81 روپے 63 پیسے کا ہوگیا ہے۔

خیال رہے کہ انٹر بینک مارکیٹ میں ڈالر کی قیمت میں کمی آنے کے بعد عالمی مارکیٹ میں خام تیل بھی سستا ہو تھا. خبروں کے مطابق گزشتہ دنوں عالمی منڈی میں برطانوی خام تیل کی قیمت 1.20 ڈالر فی بیرل کم ہونے کے بعد 97 ڈالر ریکارڈ کی گئی تھی جبکہ امریکی خام تیل 1.37ڈالر کم ہونے کے بعد 91 ڈالر پر آگیا تھا. جبکہ اس وقت انٹر بینک مارکیٹ میں ڈالر کی قیمت میں 55 پیسے کمی ہوئی تھی جس کے بعد ڈالر 221.25 روپے پر ٹریڈ کر رہا تھا.

بین الاقوامی جوہری توانائی ایجنسی (آئی اے ای اے) کے حفاظتی انتظامات کے تحت پاکستان جوہری پاورپلانٹس اورریسرچ ری ایکٹرزکا تحفظ قومی ذمہ داری سمجھتا ہے. پاکستانی سفیر عامر خان

اقوام متحدہ میں پاکستان کے نائب مستقل نمائندہ عامر خان نے ویانا میں قائم اقوام متحدہ کی بین الاقوامی جوہری توانائی ایجنسی (آئی اے ای اے) کی سالانہ رپورٹ پر 193 رکنی جنرل اسمبلی میں خطاب کرتے ہوئے کہا کہ پاکستان نے جوہری مواد، تابکار مادوں سےمتعلقہ سہولیات اور سرگرمیوں کی حفاظت کے لیے وسیع قانون سازی اور ریگولیٹری فریم ورک کی بنیاد پر ایک جامع نیوکلیئر سیفٹی اور سکیورٹی نظام تیار کیا ہے۔ انہوں نے کہا کہ آئی اے ای اےکی رہنما دستاویزات اور بین الاقوامی طریقہ کار کی روشنی میں سکیورٹی رجیم یعنی سکیورٹی کے شعبے میں ریاستی اقدامات کو منظم کرنے کے لیے قواعد اور اصولوں کے نظام کو باقاعدگی سے جائزہ لیا جاتا ہے کیونکہ ایجنسی کے مینڈیٹ کے تحفظ اور تصدیق کے پہلو اس کے اہم ستون ہیں۔

انہوں نے تمام ریاستوں پر زور دیا کہ انہیں اپنے متعلقہ حفاظتی انتظامات کی ذمہ داریوں کی مکمل تعمیل کرنی چاہیے۔ انہوں نے کہا کہ ایجنسی کے حفاظتی انتظامات کو سیاسی مقاصد کے لیے استعمال نہیں کیا جانا چاہیے۔ انہوں نے کہاکہ ایجنسی کی تصدیق کا نظام صرف اس صورت میں قابل اعتبار رہ سکتا ہے جب اسےمساوی بنیادوں پر لاگو کیا جائے۔ انہوں نے کہا کہ تخفیف اسلحہ اور ہتھیاروں کے عدم پھیلاؤ پر کیا گیا پرانا اتفاق رائے ٹوٹ گیا ہے ۔ پاکستانی سفیر عامر خان نے اقوام متحدہ کی جنرل اسمبلی کا خصوصی اجلاس بلانے کی تجویز پیش کی تاکہ اس پر ایک نیا اتفاق رائے پیدا کیا جا سکے جس میں موجودہ اور ابھرتی ہوئی حقیقتوں کے حوالے سے اقدامات کیے جا سکیں اور تمام ریاستوں کو یکساں تحفظ فراہم کرے۔

انہوں نے کہاکہ ہتھیاروں کے عدم پھیلاؤ کے حوالے سے نئے اتفاق رائے سے امتیازی سلوک اور دوہرے معیار کو ختم کرنا چاہیے اور اسے مناسب بین الاقوامی حفاظتی انتظامات کے تحت جوہری توانائی کے پرامن استعمال کے فروغ کے لیے ایک متفقہ بنیاد بھی تیار کرنی چاہیے۔ انہوں نے کہاکہ پائیدار ترقیاتی اہداف (ایس ڈی جیز) کے حصول کے لیے جوہری ٹیکنالوجی کا استعمال پاکستان کی پہلی ترجیح ہے۔ انہوں نے زور دیا کہ ہم جوہری توانائی کو بجلی پیدا کرنے کے ایک قابل اعتماد، مستقل اور کاربن سے پاک ذریعہ کے طور پر دیکھتے ہیں۔پاکستان کی جوہری توانائی کی پیداوار کو بڑھانے کی کوششیں اس حقیقت سے کارفرما ہیں کہ یہ نہ صرف توانائی کی کمی کا شکار ملک ہے بلکہ موسمیاتی تبدیلیوں کے اثرات سے سب سے زیادہ متاثر ہونے والے ممالک میں شامل ہے۔
مزید یہ بھی پڑھیں؛
پاکستان میں سیاسی عدم استحکام انارکی کا باعث بن سکتا ہے۔ ماہرین
پی ٹی آئی لانگ مارچ کا دوبارہ آغاز؛ لیکن سڑکیں بند ہونے سے عوام پریشان
جیت میں ہار میں، خوشی میں غم میں ہم ایک ہیں،شاداب خان
پاکستانی سفیر نے کہاکہ پاکستان میں ماحولیاتی تبدیلی کے باعث سیلاب سےوسیع پیمانے پر ہونے والی تباہ کاریوں نے دنیا بھر کے دیگر ممالک اور لوگوں کے لیے خطرات کو بڑھا دیا ہے۔ انہوں نے کہاکہ پاکستان میں حالیہ سیلاب نے گرین ہاؤس گیسوں کے اخراج کو روکنے کے لیے عالمی سطح پر فوری اقدامات کی ضرورت کو ظاہر کیا ہے ۔ انہوں نے بتایا کہ سیلاب کے باعث پاکستان کا ایک تہائی حصہ زیر آب ہے اور3کروڑ 30لاکھ افراد متاثر ہوئے ہیں جبکہ نقصانات پاکستان کی مجموعی ملکی پیداوار (جی ڈی پی) کا دسواں حصہ ہے۔پاکستانی سفیر نے کہا کہ اس طرح کے عالمی مسائل سے نمٹنے کے لیے عالمی اقدامات ،قریبی اور وسیع تعاون کی ضرورت ہے۔ پاکستانی سفیر عامر خان نے کہا کہ حقیقت میں جوہری توانائی تک رسائی وقت کی ضرورت ہے۔

وٹیلیٹی اسٹورز پر اشیائے ضروریہ کی قیمتوں میں 63 فیصد تک اضافے کا فیصلہ.

مہنگائی کی چکی میں پسی عوام کیلئے ایک اور بُری خبر سامنے آگئی ، وزیرخزانہ اسحاق ڈار نے یوٹیلیٹی اسٹورز پر اشیائے ضروریہ کی قیمتوں میں 63 فیصد تک اضافہ کرنے کا فیصلہ کرلیا۔ وفاقی وزیرخزانہ اسحاق ڈار کی زیرصدارت بدھ کو اجلاس ہوا جس میں فیصلہ کیا گیا کہ یوٹیلٹی اسٹورز کارپوریشن کو دی جانے والی ماہانہ سبسڈی 54 فیصد کم کرکے 3.6 ارب کے بجائے 1.65 ارب روپے کردی جائے گی۔اس طرح ماہانہ سبسڈی میں تقریباً دو ارب روپے کی کمی ہوجائے گی۔

تاہم، یوٹیلٹی اسٹورز سے اشیائے ضروریہ خریدنے والے چار لاکھ غریب ترین افراد کو قیمتوں میں اضافے سے تحفظ دیا گیا ہے، اس کے علاوہ ان کا فی کس خریداری کوٹا بھی برقرار رکھا گیا ہے۔سبسڈی میں بھاری کمی کے باوجود وزارت خزانہ کو بقایاجات کلیئر کرنے کے علاوہ 16ارب روپے کی سپلیمنٹری گرانٹ بھی دینی پڑے گی۔ حکومت اس وقت یوٹیلٹی اسٹورز پر آٹا 40 روپے فی کلوگرام فروخت کرنے کیلیے 52 روپے فی کلوگرام سبسڈی دے رہی ہے، حتمی منظوری کے بعد آٹے کا نرخ بیس روپے اضافے کے بعد 65 روپے فی کلوگرام ہوجائے گا۔
مزید یہ بھی پڑھیں؛
پاکستان میں سیاسی عدم استحکام انارکی کا باعث بن سکتا ہے۔ ماہرین
پی ٹی آئی لانگ مارچ کا دوبارہ آغاز؛ لیکن سڑکیں بند ہونے سے عوام پریشان
جیت میں ہار میں، خوشی میں غم میں ہم ایک ہیں،شاداب خان
چینی کا موجودہ رعایتی نرخ 70 روپے فی کلوگرام ہے، جس پر حکومت کو 21 روپے فی کلوگرام سبسڈی دینی پڑ رہی ہے، اس کا نیا نرخ دس روپے اضافے کے ساتھ 80 روپے فی کلوگرام ہوجائے گا۔ گھی اور کوکنگ آئل اس وقت 300 فی کلوگرام فروخت کیا جارہا ہے، جس پر 114روپے فی کلوگرام سبسڈی دی جارہی ہے۔ گھی اور کوکنگ آئل کی قیمت میں فی کلوگرام 74روپے یا 89 روپے اضافہ کرنے کی تجویز ہے، تاہم اس کا حتمی فیصلہ وزیراعظم شہباز شریف کریں گے۔