Author: +9251

چیف جسٹس اسلام آباد ہائی کورٹ جسٹس اطہر من اللہ نے اڈیالہ جیل کا دورہ کیا اور وہاں قیدیوں کے لیے شکایت سیل قائم کرنے کا حکم دیا۔

دورے کے دوران چیف جسٹس کو اڈیالہ جیل کی تازہ صورتحال پر بریفنگ دی گئی اور جیل میں تشدد سے متعلق عدالتی فیصلے پر عملدرآمد کی رپورٹ پیش کی گئی۔ چیف جسٹس کی آمد پر انہیں گارڈ آف آنر پیش کیا گیا۔ اس موقع پر ڈسٹرکٹ اینڈ سیشن جج راولپنڈی مشتاق احمد اور سیشن جج اسلام آباد بھی اڈیالہ جیل پہنچ گئے۔سینئر سول جج راولپنڈی بھی سیشن جج کے ہمراہ تھے۔ چیف جسٹس نے راولپنڈی کی عدالتوں میں زیر سماعت مقدمات اور قیدیوں کی مکمل فہرست طلب کرتے ہوئے اسلام آباد اور راولپنڈی کے ڈسٹرکٹ سیشن ججز کو اڈیالہ جیل کا ریگولردورہ کرنے کی ہدایات جاری کیں۔ چیف جسٹس نے کہا کہ جیل کے دورے میں دورہ کے مقاصد کو فوکس رکھیں۔

چیف جسٹس نے قیدیوں کے لیے شکایت سیل قائم کرنے کا حکم دیتے ہوئے کہا کہ مجسٹریٹ ، بار کا نمائندہ ، ہائی کورٹ جرنلسٹس ایسوسی ایشن کا صدر اس کے ارکان ہوں گے۔ جسٹس اطہر من اللہ نے نیشنل کمیشن فار ہیومن رائٹس کے زیر نگرانی اڈیالہ جیل شکایت سیل نوٹیفائی کرنے کی ہدایت کرتے ہوئے قیدیوں کے لیے کیس ای فائل سسٹم متعارف کرانے کا بھی حکم دیا۔ اڈیالہ جیل کے دورے میں جسٹس محسن اختر کیانی، جسٹس میاں گل حسن اورنگزیب، جسٹس طارق محمود جہانگیری، جسٹس ارباب محمد طاہر، سیشن جج ایسٹ عطا ربانی، سیشن جج ویسٹ طاہر محمود خان بھی شریک تھے۔آئی جی جیل خانہ جات ملک مبشر اور سپرنٹنڈنٹ اڈیالہ جیل اعجاز اصغر نے ججز کو بریفنگ دی۔

چیف جسٹس نے کہا کہ پچھلی بار کے دورے کے بعد جیل سے متعلق بہتری کا فیڈ بیک آیا ہے ۔ جیل حکام کام میں بہتری لائے ہیں، امید ہے اس میں مزید بہتری ہو گی، لیکن ابھی بھی قیدیوں کی کچھ شکایات آرہی ہیں۔ جیل کے اندر بہت سخت کرپشن ہے، انسانی حقوق کی خلاف ورزیاں بھی ہیں، جو شکایت کرتا ہے ان کو یہاں تنگ بھی کیا جاتا ہے۔ چیف جسٹس نے کہا کہ کرپشن ، مارنا ، گالیاں دے کر نکالنا ، قیدیوں کے سامان کو نکال لینا بھی غیر اخلاقی عمل ہے۔ یہ کلچر آہستہ آہستہ تبدیل ہو گا، آپ کو ڈسپلن قائم رکھنا ہے ۔جسٹس محسن اختر کیانی نے کہا کہ ایسا میکنزمہونا چاہیے کہ جس قیدی کی ضمانت ہو، ڈسٹرکٹ کورٹ سے آپ کو آن لائن اطلاع مل جائے۔

جیل حکام نے بتایا کہ پچھلے 2 ہفتوں کے اندر درخواست گزار قیدی 3 اہل کاروں سے بدتمیزی کر چکا ہے۔ 15، 20 لوگوں کا جو گینگ بنا ہوا ہے، وہ سرعام اپنے مخالف کو دھمکیاں لگاتے ہیں۔ چیف جسٹس نے کہا کہ کرپشن اور حراست کے دوران ٹارچر نہ ہو۔ باقی آپ جیل مینوئل کے مطابق کارروائی کر سکتے ہیں۔ ہر قدم پر پیسے ڈیمانڈ کرتے ہیں، یہ ایسا سلسلہ ہے جس کو دُور کرنے میں وقت لگے گا۔ سپرنٹنڈنٹ اڈیالہ جیل اعجاز اصغر نے بتایا کہ جیل میں 6300 قیدیوں کے لیے 34 اسٹاف ممبر ہیں۔ مرد قیدیوں کا ایک اور خواتین قیدیوں کے دو ڈاکٹرز ہیں۔ دِن کے لیے جیل میں 4 ڈاکٹرز چاہییں۔ جسٹس محسن اختر کیانی نے کہا کہ 1600 سے زائد قیدی اسلام آباد کے بھی ہیں، وفاقی حکومت اپنے ڈاکٹرز یہاں کیوں نہیں رکھتی؟۔
مزید یہ بھی پڑھیں؛ لانگ مارچ؛ آج دوبار شاہدرہ سے اسلام آباد کی جانب سفر شروع کرے گا
پولیس اہلکار کی مبینہ فائرنگ سےشہری جاں بحق، ورثا کا احتجاج
رانا ثنااللہ کی عمران خان کوپی ڈی ایم قیادت سے غیرمشروط بات کرنے کی پیشکش:لانگ مارچ ختم کرنے کا مطالبہ
آئی جی جیل خانہ جات نے بتایا کہ 6 ارب روپے سے پنجاب میں 5 ماڈل جیلیں بنائی جا رہی ہیں۔ اڈیالہ جیل میں مانیٹرنگ کے لیے خصوصی سیل بھی قائم کردیا گیا۔ جیل حکام نے بتایا کہ اڈیالہ جیل میں قیدیوں کی گنجائش 3 ہزار ہے جب کہ اس وقت 6056 قیدی حوالات میں قید ہیں۔ چیف جسٹس نے کہا کہ جیل میں قیدیوں پر ٹارچر، تشدد کسی صورت قابل برداشت نہیں۔ بعد ازاں چیف جسٹس اڈیالہ جیل سے روانہ ہوگئے۔

وفاقی وزیر اطلاعات مریم اورنگزیب نے کہا ہے کہ عوام انتشار اور فساد کی سیاست کو مسترد کر دیں گے۔ مذاکرات سیاستدانوں سے ہو سکتے ہیں، فارن فنڈڈ فتنے سے نہیں۔

وفاقی وزیر اطلاعات مریم اورنگزیب نے پریس کانفرنس کرتے ہوئے کہا کہ سیلاب متاثرین کے لیے حکومتی اقدامات کیے گئے اور اب بحالی کے لیے کام کا آغاز ہو گا۔ سیلاب متاثرہ علاقوں میں بحالی کے کاموں کی طرف بڑھ رہے ہیں۔ انہوں نے کہا کہ وزیر اعظم شہباز شریف اور ان کی ٹیم نے بڑی محنت کے ساتھ سیلاب متاثرین کی مدد کی ہے اور سیلاب متاثرین کی مدد کے لیے آگہی اشتہارات بغیر کسی ادائیگی نشر ہوئے۔ میڈیا نے سیلاب متاثرین کی مدد کے لیے آگہی مہم میں بہترین کردار ادا کیا۔

مریم اورنگزیب نے کہا کہ حکومت اور اتحادی مل کر چیلنجز سے نمٹنے کی کوشش کر رہے ہیں جبکہ عمران خان نے 4 سال میں ملک کو بہت نقصان پہنچایا اور لوگوں کو بےروزگار کیا۔ عمران خان نے سائفر پر سیاست کی۔ انہوں نے کہا کہ عمران خان ایمپائر کی بیساکھی پر کھڑ ے تھے اور عمران خان کو آر ٹی ایس کے ذریعے وزیر اعظم بنایا گیا۔ عمران خان نے کبھی 4 سالہ کارکردگی پر کوئی بات کی؟

وفاقی وزیر اطلاعات نے کہا کہ دنیا کے تمام لوگ سیلاب متاثرین کی بحالی کے کاموں میں مدد کرنا چاہتے ہیں لیکن عمران خان اداروں کے خلاف تقاریر کرتے ہیں اور بھارتی میڈیا ہمارا مذاق اڑا رہا ہے، وہاں ہم ہی موضوع بنے ہوئے ہیں۔ انہوں نے کہا کہ عمران خان لانگ مارچ کریں یا لانگ ڈرائیو، حکومت اپنا کام کرے گی اور یہ کیسا انقلاب ہے جس میں رات کو عمران خان گھر جا کے سو جاتے ہیں۔ بات چیت سیاستدانوں سے ہوتی ہے انتشار پھیلانے والوں کے ساتھ نہیں اور حکومت کس کے ساتھ مذاکرات کرے؟

مریم اورنگزیب نے کہا کہ الیکشن اپنے وقت پر ہوں گے اور عمران خان کا مقصد تو انتخابات ہے ہی نہیں۔ سیاسی مخالفین کو گالی دینے والے کے ساتھ مذاکرات نہیں ہوں گے جبکہ عوام انتشار اور فساد کی سیاست کو مسترد کریں گے۔ خدانخواستہ کوئی ایسا واقعہ ہوا تو اس کی ذمہ دار پنجاب حکومت ہو گی۔

انہوں نے کہا کہ عمران خان شہباز شریف اور خواجہ آصف کے ہرجانے کے نوٹس کا جواب دیں، سیاست میں مذاکرات کا آپشن ہمیشہ رہتا ہے لیکن مذاکرات سیاست دانوں کے ساتھ ہو سکتے ہیں فارن فنڈڈ فتنے کے ساتھ نہیں۔ گالی، دھمکی اور دھونس سے الیکشن کی تاریخ نہیں ملے گی اور الیکشن اپنے مقررہ وقت پر ہی ہوں گے۔ وفاقی وزیر اطلاعات نے کہا کہ سڑکوں پر مذاکرات نہیں ہوں گے اور کیا ملکی مفادات کے ساتھ کھیلنے والوں سے مذاکرات ہونے چاہئیں؟ لاشیں بکھیرنے اور خونی مارچ کی بات کرنے والوں کے ساتھ مذاکرات نہیں ہوں گے۔

انہوں نے کہا کہ عمران خان نے زکوۃ کا پیسہ اپنے سیاسی مقاصد کے لیے استعمال کیا اور 25 مئی کو مسلح لوگ پکڑے گئے تھے۔ عمران خان نے جو کرنا ہے کر لیں اس کا کوئی اثر نہیں ہو گاْ اس سے قبل وفاقی وزیر اطلاعات مریم اورنگزیب نے کہا تھا کہ پاکستان تحریک انصاف (پی ٹی آئی) کے چیئرمین عمران خان ہرجانے کے مقدمے میں مفرور ہیں۔ وفاقی وزیر اطلاعات مریم اورنگزیب نے اپنے ایک بیان میں کہا ہے کہ فارن فنڈڈ فراڈ فتنے کے ساتھ کوئی مذاکرات کی گنجائش نہیں اور عمران خان الیکشن نہیں بلکہ ملک میں انتشار، فساد، لاشیں اور خون چاہتے ہیں۔

انہوں نے کہا کہ سڑکوں پر فساد برپا کرنے سے فارن فنڈد فتنے کی اصلیت اب چھپ نہیں سکتی جبکہ عمران خان پہلے شہباز شریف اور خواجہ آصف کے ہرجانے کے نوٹسز کا جواب دیں۔ مریم اورنگزیب نے کہا کہ 5 سال سے شہباز شریف کے 10 ارب روپے ہرجانے کے مقدمے میں عمران خان مفرور ہیں۔ انہوں نے کہا کہ چیف الیکشن کمشنر نے فارن فنڈڈ فتنے کا غلام بننے سے انکار کر دیا اور این آر او نہیں دیا۔ عمران خان رات کو ناکام مارچ چھوڑ کر گھر سونے کے لیے کیوں گئے؟
مزید یہ بھی پڑھیں؛ لانگ مارچ؛ آج دوبار شاہدرہ سے اسلام آباد کی جانب سفر شروع کرے گا
پولیس اہلکار کی مبینہ فائرنگ سےشہری جاں بحق، ورثا کا احتجاج

پاکستان تحریک انصاف کے چیئرمین عمران خان نے کہا ہے کہ چیف جسٹس صاحب ہمارے بنیادی حقوق کی حفاظت نہیں کریں گے تو کون کرے گا

لانگ مارچ کے شرکا سے خطاب کے دوران عمران خان نے کہا کہ میں 70 سال کی عمر میں سڑکوں پر نکلا ہوں ، میرا مولا مجھے سب کچھ دے چکا ہے۔ بھیڑ بکریاں غلام ہوتی ہیں، انسان صرف اللہ کی غلامی کرتا ہے۔ عمران خان نے کہا کہ اعظم سواتی کو نامعلوم افراد کے حوالے کیا گیا، جن کے نام اعظم سواتی کے نام لئے ہیں ، یہ 2 لوگ جب سے اسلام آباد میں آئے ہیں تب سے ظلم کیا جارہا ہے۔ میرا ان کو پیغام ہے ہم انسان ہیں بھیڑ بکریاں نہیں کہ جو کہیں کہ مان لیں گے۔ پہلے نواز شریف اور زرداری چور تھے لیکن اب یہ چور نہیں۔

سابق وزیر اعظم نے کہا کہ غیر سیاسی پریس کانفرنس میں صرف عمران خان کو نشانہ نہیں بناتے، آپ کو 1100 ارب روپے کا ڈاکا مارنے والے چور نظر نہیں آرہے۔ عمران خان نے کہا کہ کون تھا جو ارشد شریف کو دھمکیاں دیتا تھا، ان کی والدہ کو پوچھیں وہ بتائیں گی، پریس کانفرنس میں کہا گیا کہ ہمیں تو پتہ ہی نہیں کہ ارشد شریف بیرون ملک کیوں گیا، سب کو پتہ ہے کہ اس کو کون دھمکیاں دے رہا تھا۔
مزید یہ بھی پڑھیں؛ لانگ مارچ؛ آج دوبار شاہدرہ سے اسلام آباد کی جانب سفر شروع کرے گا
پولیس اہلکار کی مبینہ فائرنگ سےشہری جاں بحق، ورثا کا احتجاج
رانا ثنااللہ کی عمران خان کوپی ڈی ایم قیادت سے غیرمشروط بات کرنے کی پیشکش:لانگ مارچ ختم کرنے کا مطالبہ
چیف جسٹس پاکستان کو مخاطب کرتے ہوئے عمران خان نے کہا کہ پوری دنیا میٓں دوران حراست تشدد پر پابندی ہے۔ جب چیف جسٹس صاحب ہمارے بنیادی حقوق کی حفاظت نہیں کریں گے تو کون کرے گا۔ شہباز گل کے معاملے پر جب بات کی تو توہین عدالت لگ گئی، چیف جسٹس اعظم سواتی کی اپیل پر ایکشن لیں، انسانی معاشرے میں انصاف ہوتا ہے۔
واضح رہے کہ پاکستان تحریک انصاف کا لانگ مارچ دوسرے دن اپنی منزل کی جانب گامزن ہے۔ پاکستان تحریک انصاف نے عمران خان کی قیادت میں گزشتہ روز لاہور کے لبرٹی چوک سے اپنے لانگ مارچ کا آغاز کیا اور شاہدرہ پر پڑاؤ ڈالا تھا۔ لانگ مارچ اب کامونکی کی جانب گامزن ہے۔
جبکہ پی ٹی آئی کے جاری کردہ شیڈول کے مطابق لانگ مارچ گوجرانوالہ، جہلم اور گجرات سمیت مختلف شہروں سے ہوتا ہوا 4 نومبر کو راولپنڈی جب کہ 5 نومبر کو اسلام آباد پہنچے گا۔