Author: +9251

بھارتی فلمساز ساجد خان جو کہ ان دونوں بگ باس کے گھر میں ہیں لیکن ان کو شو سے نکالے جانے کا مطالبہ دن بہ دن زور پکڑتا جا رہا ہے تاہم بگ باس کی انتظامیہ اس موڈ میں نظر نہیں آرہی کہ وہ ساجد خان کو گھر سے نکالیں. شرلین چوپڑہ جنہوں نے چند دن قبل ساجد خان کے خلاف جنسی ہراسانی کی شکایت جوہو پولیس اسٹیشن میں درج کروای تھی وہ ہیں بہت غصے میں. تاہم اداکارہ نے پولیس میں جا کر اپنا بیان بھی ریکارڈ‌کروا دیا ہے لیکن ان کا کہنا ہےکہ پولیس ان کے ساتھ بالکل بھی تعاون نہیں‌کر رہی. انہوں نے ساتھ ہی ساتھ سلمان خان کو بھی لے لیا ہے آڑھے ہاتھوں ان کا کہنا ہےکہ ساجد خان سلمان خان کا قریبی دوست ہے جس کی وجہ سے وہ اسے بچانے کی کوشش کررہے ہیں اور سلمان

خان اسے مکمل تحفظ دے رہے ہیں. شرلین نے کہا کہ جب تک سلمان خان ان کا ساتھ دیتے رہیں گے ساجد خان کی طرف کوئی نہیں‌بڑھ سکتا. اداکار کو ایسے نہیں کرنا چاہیے. جس نے جو جرم کیا ہے اسکو جوابدہ ہونا چاہیے اور بگ باس کی انتظامیہ کو بھی ایسے شخص کو اپنے گھر میں‌نہیں رکھنا چاہیے جس پر جنسی ہراسانی کے الزامات ہیں. یاد رہے کہ ساجد خان پر جنسی ہراسانی کا الزام صرف شرلین چوپڑہ نے نہیں لگایا بلکہ سونی چوپڑا، آہانہ کمرا اور مندانہ کریمی بھی ایسی شکایات درج کروا چکی ہیں.

بالی وڈ کے کھلاڑی اکشے کمار جو کہ تین دہائیاں گزرنے کے بعد بھی ہیرو کے طور پر ہی شائقین کا دل لبھا رہے ہیں. اکشے کمار نے حال ہی میں ایک انٹرویو دیا ہے اس میں انہوں نے کہا ہے کہ ہماری فلموں میں‌کامیڈینز کی بہت زیادہ کمی ہے. حالانکہ کامیڈی کرنا بہت مشکل کام ہے اور کسی کو ہنسانا کوئی آسان نہیں‌ ہے. کامیڈینز بھی اداکار ہی ہوتےہیں انہیں جوکر سمجھے جانے کا مجھے بہت افسوس ہے . اس سے بھی زیادہ مجھے اس چیز کا افسوس ہے کہ ان کو اہمیت نہیں‌دی جاتی ان سے کام کروایا جاتا ہے لیکن ان کو اتنی عزت نہیں‌دی جاتی ہے جتنی کے یہ

حقدار ہوتے ہیں. کامیڈینز کو معمولی سے کردار دینا ان کی توہین ہے ہونا تو یہ چاہیے کہ ان کو بھی ہیرو ہی سمجھنا چاہیے اور بہترین کردار دئیے جانے چاہیں.اکشے کمار کا یہ بھی کہنا ہے کہ ہمیں شائقین کے مزاج کو سمجھ کر فلمیں‌بنانا ہوں گی اب وقت تبدیل ہو چکا ہے، یہ وقت ہے مل بیٹھ کر سوچنے کا کہ آخر کیوں فلمیں فلاپ ہو رہی ہیں. یاد رہے کہ اکشے کمار کی حال ہی میں فلم رکشابندھن ریلیز ہوئی لیکن یہ فلم بائیکاٹ کے ٹرینڈ کا شکار ہونے کے بعد فلاپ ہوگئی . تاہم اکشے کمار کے حوصلے بلند ہیں.

بالی وڈ کی اداکارہ جیا بچن جو کہ امتیابھ بچن کی اہلیہ بھی ہیں وہ ان کی بیٹی شویتا اور نواسی نویا نویلی نندا ایک پوڈ کاسٹ کا حصہ بنیں.اس پوڈ کاسٹ میں انہوں نے بہت ساری باتیں کیں‌لیکن ایک ایسی بات کردی ہے کہ جس کو سن کر سب رہ گئے ہیں حیران. جیا بچن نے اپنی نواسی نویا نویلی نندا کے بارے میں‌کہا ہے کہ اگر وہ شادی کے بغیر بچپ دنیا میں لے آئے تو مجھے کوئی اعتراض نہیں . جیا بچوں‌کو ہر قسم کی آزادی دینے کی قائل ہیں یہی وجہ ہے کہ انہوں نے کہا ہے کہ میری نواسی اگر بغیر شادی کے بچہ پیدا کرلے گی تو مجھے کوئی اعتراض نہ ہو گا. جیا کی

یہ بات سن کر انہیں بہت سارے سوشل میڈیا صارفین تنقید کا نشانہ بنا رہے ہیں. دوسری طرف اسی پوڈ کاسٹ میں انہوں نے اپنے گھریلو اور گھریلو وائف ہونے کا بھی کہا ہے کہ اور بتایا ہےکہ انہوں نے تمام عمر اپنی گھر کی ذمہ داریوں کو ذمہ داری سے نبھایا اور کبھی بھی امیتابھ بچن کو شکایت کا موقع نہیں دیا. جیا بچن کہتی ہیں‌کہ میں نےگھر پر کبھی بھی فلموں میں کام کرنے کا ترجیح نہیں دی . یاد رہے کہ جیا بچن کے دو بچے ہیں بیٹا ابھیشیک بچن اور بیٹی شویتا بچن .نویا نویلی نندا شویتا کی ہی بیٹی ہیں.

اداکارہ ایمان علی جو کہ بہت کم کم سکرین پر نظر آتی ہیں اور انٹرویوز تو نہ ہونےکے برابر دیتی ہیں. لیکن حال ہی میں انہوں نے ایک انٹرویو دیا ہے اس میں انہوں‌ نے اپنے افئیر کا اعتراف کرتے ہوئے بتایا ہے کہ وہ کتنے سال تک کسی شخص کی محبت میں گرفتار رہیں. ایمان علی نے بتایا کہ وہ بھارتی ڈائریکٹر امیتازعلی کی محبت میں گرفتار رہیں وہ انہیں بہت اچھے لگتے تھے، میں ان کے بارے میں بہت زیادہ سوچتی تھی . میں ان کو آئیڈلائز کرتی تھی ان کے ساتھ خود کو دیکھتی تھی . انہوں نے کہا کہ میں نے اس تعلق کو سب سے چھپا کر رکھا یہی وجہ ہے کہ پاکستان

میں کسی کو اس تعلق کی خبر نہ تھی لیکن بھارت میں‌ میڈیا کو اندازہ تھا اس لئے میں جب بھی وہاں جاتی تھی مجھ سے امیتاز علی کو لیکر سوال ہوتے تھے میں‌جواب دینے کی بجائے نظر انداز اس لئے کر جاتی تھی تاکہ میرے اور امیتاز علی کے افئیر کی خبریں نہ پھیلیں. ایک سوال کے جواب میں انہوں نے کہا کہ ان کے ساتھ شادی نہ ہونے کی بہت ساری وجوہات تھیں جس کے بعد میں نے سوچا کہ ہیں تو یہ عام انسان ہی تو پھر میں کیوں اتنا ان کے پیچھے جا رہی ہوں.بس پھر خود کو سمجھایا اور ان سے تعلق رابطہ واسطہ ختم کیا.