Author: +9251

بالی وڈ اداکارہ شلپا شیٹی جو اپنی بہترین اداکاری اور خصوصی طور پر فٹنس کے لئے بہت زیادہ شہرت رکھتی ہیں. نوے کی دہائی میں اپنا فلمی کیرئیر شروع کرنے والی شلپا شیٹی نے کپل شرما کے شو میں ایک انٹرویو دیا . اس انٹرویو میں انہوں نے بتایا کہ وہ اپنی فٹنس کا خاص خیال رکھتی ہیں لیکن اس کا مطلب یہ نہیں ہے کہ وہ کھاتی پیتی نہیں ہیں. شلپا شیٹی نے کہا کہ وہ دوپہر کے وقت ٹھیک ٹھاک کھاتی ہیں بلکہ انہوں نے لفظ استعمال کیا کہ وہ کھل کر کھاتی ہیں. اداکارہ نے ایک سوال کے جواب میں کہا کہ میری شادی ایک پنجابی فیملی میں ہوئی ہے اور راج کندرا آلو کے پراٹھے ، سرسوں کا ساگ جیسی چیزیں شوق سے کھاتے ہیں. شادی کے بعد میں نے ایسی ایسی ڈشز بنائیں جن کا پہلے نام بھی نہیں سنا تھا. میرے شوہر

وائٹ مکھن کا پراٹھا بہت پسند کرتے ہیں. پراٹھے کے ساتھ گل گل کا اچار کھاتے ہیں. شلپا شیٹی نے بتایا کہ ان کی ساس کو انکی سہلیاں اکثر پوچھتی ہیں کہ تمہاری بہو کو کھانا بھی بنانا آتا ہے کہ نہیں ان کو یقین دلانے کےلئے کہ میں کھانا بناتی ہوں میری ساس میری کھانا بناتے کی وڈیوز ان کو بھیجتی ہیں. جب بھی میں کھانا بنا رہی ہوتی ہوں میری ساس میری تصاویر اتارتی ہیں اور وڈیوز بناتی ہیں تاکہ جن کو یقین نہیں آتا کہ میں کھانا بناتی ہوں ان کو دکھا سکیں کہ میری بہو کھانا بنانا جانتی ہے.

اداکارہ ریشم جنہوں نے چند دن پہلے دریا کے کنارے کھڑے ہو کر مچھیلوں کو خوراک ڈالی ساتھ ہی شاپنگ بیگ بھی دریا میں ڈال دئیے ان کے اس عمل پر ان کو شدید تنقید کا سامنا کرنا پڑا. اس تنقید کے بعد اداکارہ کو باقاعدہ پوری قوم سے معافی مانگنی پڑی.ریشم کے معافی مانگنے کے بعد بہت ساری نامور شخصیات ان کے حق میں کھڑی ہو گئیں اور کچھ نے کی جم کر تنقید. شنیرا اکرم کو ریشم کا دریا میں پلاسٹک پھینکنا پسند نہیں آیا انہوں نے کہا کہ دریا میں پلاسٹک پھینکنا نہایت ہی فضول حرکت ہے وہ بھی آن کیمرہ. ارمینہ نے لکھا کہ ایک تو میں ان سفید رنگت والیوں سے بہت تنگ ہوں. ارمینہ رانا خان اور شنیرا اکرم کی لفظوں کی وار میں سوشل میڈیا صارفین بھی کھل کر حصہ لے رہے ہیں. یاد رہے کہ

اداکارہ ریشم اپنی وڈیو پر تنقید کے بعد کافی پریشان ہیں اور وہ کسی سے رابطے میں بھی کم آرہی ہیں ان کا کہنا ہے کہ یہ میرے کیرئیر کی سب سے بڑی غلطی ہے. ارمینہ رانا لیکن اس مشکل وقت میں اداکارہ ریشم کے ساتھ کھڑی ہیں ارمینہ کے علاوہ بھی بہت ساری نامور شخصیات ان کے ساتھ کھڑی ہیں اور ان کا ماننا ہے کہ غلطیاں انسانوں سے ہی ہوتی ہیں لہذا معاف کرنے کا جذبہ دل میں ہونا چاہیے اور جب کوئی معافی مانگ لے تو پھر تو بالکل بھی تنقید نہیں ہونی چاہیے.

فلمسٹار میرا جن کو خود یہ نہیں پتہ کہ ان کی کب شادی ہو جاتی ہے اور کب طلاق ہوجاتی ہے. ایک شادی جو کہ بزنس مین عتیق سے ہوئی اسکو میرا نے نہیں مانا اور دوسری شادی کیپٹن نوید کے ساتھ ہوئی اسکو ان کے دوسرے شوہر نے نہیں چلایا ، کم ازکم میرا کی باتیں تو یہی کہہ رہی ہیں کہ میرا کیپٹن نوید کے ساتھ رہنا چاہتی تھیں لیکن اس معاملے میں کیپٹن نوید سنجیدہ نظر نہیں آئے. جی ہاں فلمسٹار میرا کی باغی ٹی وی کے نمائندہ سے خصوصی بات چیت ہوئی ، میرا ان دنوں امریکہ میں مقیم ہیں، میرا سے جب پوچھا گیا کہ آپ آج کل امریکہ میں کہاں‌ ہیں نیویارک سسرال میں ؟؟ تو بولیں پہلی بات تو یہ ہے کہ میں شکاگو میں ہوں اور دوسری بات یہ کہ کیپٹن نوید کے ساتھ میرا شادی کا سلسلہ ختم ہو گیا ہے لہذا اس کے گھر والے اب میرے سسرال والے نہیں ہیں. جب اداکارہ سے رشتہ ختم ہونے کی وجہ پوچھی گئی تو بولیں کہ ” میں نے کیپٹن نوید
سے بارہا کہا کہ رخصتی کر لو ، رخصتی کر لو لیکن انہوں نے ایسا نہ کیا تو پھر مجبورا مجھے میرے راستے الگ کرنے پڑے اور اب مجھے بیچلر سمجھا جائے اگر کوئی اچھا انسان ملا تویقینا شادی کروں گی.

باغی ٹی وی نے جب میرا کے سسر یعنی کیپٹن نوید کے والد سے بات کرنی چاہی تو ان کے والد نے وٹس ایپ میسجز پر فورا سے جواب دیا اور بولے جو پوچھنا چاہتے ہیں پوچھیے جب انہیں میرا نے جو کہا اس حوالے سے وائس نوٹ بھیجا گیا تو پھر ان کے سسر نے کسی قسم کا جواب نہیں دیا. سسر کی خاموشی میں بھی کوئی طوفان سا چھپا لگ رہا ہے. بہر حال میرا کلئیر کر چکی ہیں کہ ان کا کیپٹن نوید کے ساتھ رشتہ ختم ہو چکا ہے، اب ان کی طلاق کے قانونی تقاضے پورے ہوئے یا نہیں‌ اس کی تفصیلات میرا نے نہیں دیں لیکن طلاق ہونے کا اعتراف کر لیا.

یاد رہے کہ فلمسٹار میرا کا کیرئیر اسی قسم کی کنٹرورسیز سے بھرا رہا ہے جس میں ان کی شادی کو کبھی انہوں نے اون نہیں کیا تو کبھی دوسرے نے ان کے ساتھ شادی کو اون نہیں کیا. میرا کیپٹن نوید کے ساتھ ان کے گھر میں اپنے سسرال والوں کے ساتھ رہتی رہی ہیں لیکن ایکدم سے انہوں نے کہہ دیا ہے کہ ہماری تو کبھی رخصتی ہی نہیں ہوئی تو پھر میرا کیپٹن نوید کے ساتھ ان کے گھر میں کس حیثیت سے رہتی رہی ہیں؟. اسکا جواب تو میرا ہی دے سکتی ہے.

میرا لٹ گئی،مسلح افراد کا حملہ، میرا کی امی کے ساتھ زیادتی،جانیے اداکارہ میرا کی زبانی

اداکارہ میرا کا جائیداد پر قبضے کے خلاف ہر حد تک جانے کا فیصلہ

مفتی عبدالقوی کو صرف تھپڑہی نہیں جوتے بھی مارے ہیں، حریم شاہ کا دعویٰ

مفتی عبدالقوی نےبہت گندی باتیں کیں؛ایسی باتیں کہ سن کرہرکوئی شرمسارہوجائے:حریم شاہ نےگفتگولیک کردی

مفتی عبدالقوی کی خاتون کے ساتھ نازیبا ویڈیو وائرل

اداکارہ میرا کی فیملی کی جائیداد پر قبضہ، ملزم نے دھوکہ دہی کی سب حدیں پار کر لیں

اداکارہ اذیکادانیال جو اچھی اداکاری تو کرتی ہیں لیکن وہ بہت زیادہ ہنسی مذاق نہیں کرتیں نہ ہی وہ جلدی دوسروں میں گھلتی ملتی ہیں.یہی وجہ ہے کہ ان سے کوئی فرینک ہونے کی کوشش کرے تو وہ برا مان جاتی ہیں. ایسا ہی ہوا ہے حال ہی میں. اذیکا دانیال کافی عرصے کے بعد ایک مقامی چینل کے شو میں بطور گیسٹ نظر آئیں ان میں ان کے ساتھ گلوکار عدیل برکی بھی موجود تھے. شو کے پیٹرن کے مطابق کامیڈین بھی موجود تھے انہوں نے اذیکا کو کچھ مذاق سے کہہ دیا جس پر وہ چلتے شو سے ہی اٹھ کر چلی گئیں. شو سے جانے کے بعد اذیکا دانیال نے سوشل میڈیا پر

ایک پوسٹ شئیر کی انہوں نے کہا کہ ” آج میں شو سے اس لئے اٹھ کر چلی گئی کیونکہ کچھ کامیڈینز طنزو مزاح اور کسی کو ڈی گریڈ کرنے میں فرق کو نہیں سمجھتے. میری آنکھوں میں آنسو آگئے جب میں نے محسوس کیا کہ اتنے لوگوں کے سامنے مجھے ڈی گریڈ کیا جا رہا ہے ، میں مانتی ہوں کہ جو لطیفے بنائے جاتے ہیں وہ ہنسانے کے لئے بنائے جاتے ہیں کسی کی فیلنگز کو ہرٹ کرنے کے لئے نہیں. اذیکا دانیال کی اس پوسٹ کے بعد ان کو سوشل میڈیا صارفین کی جانب سے ہمدردی ملی اور کہا گیا کہ کامیڈینز کو jokes کرنے چاہیں لیکن کسی کی دل آزاری نہیں.

چھوٹی سکرین کی اداکارہ رباب ہاشم کو بہت زیادہ پسند کیا جاتا ہے، رباب زیادہ تر سنجیدہ اور روتے دھوتے کرداروں میں نظر آتی ہیں. ان کے ہر پراجیکٹ کو پذیرائی ملی، شائقین ان کے نئے پراجیکٹ کے منتظر رہتے ہیں. رباب ہاشم کے مداحوں کے لئے خوشخبری ہے کہ ان کی پسندیدہ اداکارہ رباب ہاشم کا ڈرامہ تنکے کا سہارا جلد آن ائیر جانے والا ہے. اس ڈرامے میں رباب ہاشم کے علاوہ سمیع خان، سونیا حسین اور ہارون شاہد مرکزی کرداروں میں نظر آئیں گے. کہانی لکھی زنجیل عاصم نے ہے جبکہ ذیشان احمد نے ڈائریکٹ کیا ہے. ڈرامے میں رومینس اور ٹریجڈی دکھائی جائیگی. رباب ہاشم اس میں ایک ایسی لڑکی کا کردار اداکررہی ہیں جو ایک پرتعیش زندگی کے خواب دیکھتی ہے اور ایسا شوہر چاہتی ہے جو اس کی

ہر خواہش پوری کرے ، یہ خواہش اس کےلئے ایک فساد کا سبب بھی بن سکتی ہے یا نہیں یہ چیز دیکھنے سے تعلق رکھتی ہے ۔رباب ہاشم کا کہنا ہےکہ اس ڈرامے میں میرے مداحوں کو یقینا ایک الگ رباب دیکھنے کو ملے گی. انہوں نے کہا کہ ڈرامہ سیریل تنکے کا سہارا ایک بہترین ڈرامہ ثابت ہو گا . میں نے جب یہ کہانی سنی تو اس میں اپنا کردار سنتے ہی میں نے ہاں کر دی. دوسری طرف سمیع خان کی بات کریں تو ان کی اسی ماہ فلم یارا وے ریلیز ہونے جا رہی ہے ان کے مداح بھی بڑی تعداد میں ہیں جو ان کو دیکھنے کےلئے بے تاب رہتے ہیں.

پاکستانی اداکارہ اشنا شاہ جن کے کریڈٹ پر ان کے پراجیکٹس دیکھیں تو وہ ایک درمیانی سی اداکارہ لگتی ہیں لیکن اشنا شاہ خبروں میں رہنے کا فن خوب جانتی ہیں. کبھی وہ مختصر لباس زیب تن کر کے تصویریں اپلوڈ کرتی ہیں اور کبھی وہ ایسا کچھ کہہ دیتی ہیں کہ جس کے بعد ان کو دھر لیا جاتا ہے اور ان پر خوب تنقید کی جاتی ہے. لیکن اشنا شاہ تنقید سے نہیں گھبراتیں. اگر گھبراتی ہوں تو وہ یقینا سوچ سمجھ کر بات کریں. حال ہی میں انہوں نے اپنے ایک میل فرینڈ کو چھٹی دودھ یاد کروا دیا. انہوں نے سوشل میڈیا پر لکھا کہ ” ڈئیر مین اگر فیمیل فرینڈ آپ کی بیہودہ

باتوں پر ردعمل نہیں دے رہی تو آپ کو سمجھ لینا چاہیئے ، ایسا نہ ہو آپ کی یہ حرکت مزید پریشانی کا سبب بنے”. اشنا شاہ کی اس پوسٹ کے بعد ان پر خاصی تنقید کی گئی اور کہا گیا کہ آپ کسی سے بات کریں تو ٹھیک کوئی کرے تو غلط . اشنا شاہ کی پوسٹ کا مقصد شاید یہ تھا کہ اگر لڑکیاں مردوں سے بات نہیں کرنا چاہتیں یا ان کی کسی بات کا جواب نہیں دینا چاہتیں تو پھر پیچھے ہٹ جانا چاہیے. شاید اشنا شاہ کی بات ٹھیک تھی لیکن ان کا یہ بات لکھنے کا طریقہ کار زرا تلخ تھا اسی وجہ سے ان پر تنقید ہوئی.

عالیہ بھٹ کی بہن پوجا بھٹ جن کے کریڈٹ پر ڈیڈی، دل ہے کی مانتا نہیں، پریم دیوانے، پھر تیری کہانی یاد آئی، سڑک جیسی فلمیں ہیں. انہوں نے اپنی بہن کی فلم براہمسٹرا پر ایک انٹرویو میں بات کی انہوں نے کہا کہ براہمسٹرا کو نفرت صرف سوشل میڈیا پر مل رہی ہے سینما ہالز میں نہیں۔ تمام نفرت سوشل میڈیا پر ہے کیونکہ وہاں نفرت پھیلانے میں‌کوئی پیسہ نہیں لگتا. ہاں ٹکٹ خریدنے پر پیسہ ضرور لگتا ہے اور لوگ پیسہ خرچ کرکے سینما ہالز کا رخ کررہے ہیں اور فلم کو بہت زیادہ سراہ بھی رہے ہیں. انہوں نے کہا کہ ہمارے پرستار ہمیں پیار دیتے ہیں اور ہماری پرفارمنس پر تالیاں بھی بجاتے ہیں. پوجا بھٹ نے مزید یہ بھی کہا کہ میں نے براہمسٹرا پہلے دن پہلے شو میں دیکھی میں نے سینما ہال لوگوں سے بھرا ہوا

دیکھا. لوگ فلم کو دیکھ کر محظوظ ہو رہے تھے. یاد رہے کہ ایان مکھرجی کی ہدایت کاری میں بننے والی اس فلم میں امیتابھ بچن، مونی رائے، ناگارجن اکینینی بھی شامل ہیں اور شاہ رخ خان نے ایک خاص کردار ادا کیا ہے۔ کہا جا رہا ہے کہ فلم کی کامیابی دیکھتے ہوئے آیان مکھر جی نے براہمسٹرا ٹو بنانے کا اعلان کر دیا ہے اس میں رنبیر کپور اور عالیہ بھٹ ہوں گے یا نہیں اس ھوالے سے ابھی کچھ سامنے نہیں آٰیا تاہم یہ سننے میں بھی آرہا ہے کہ دیپیکا پاڈوکون اور رنویر سنگھ براہمسٹرا 2 میں دکھائی دیں گے.

کافی ود کرن بھارت کا سب سے مقبول چیٹ شو ہے اسکی میزبانی فلمساز کرن جوہر کرتے ہیں اور اپنے اس شو میں وہ شوبز کی نامور شخصیات کو دعوت دیتے ہیں. اس سال اس شو کا سیزن جولائی کے مہینے میں شروع ہوا ، اور پہلے مہمان بنے رنویر سنگھ اور عالیہ بھٹ اس کے بعد ابھی تک اکشے کمار، سمانتھا روتھ پربھو، وجے دیوراکونڈا، اننیا پانڈے، کیارا اڈوانی، شاہد کپور، وکی کوشل، سدھارتھ ملہوترا، کترینہ کیف، سدھانت چترویدی، ایشان کھٹر، کرینہ کپور خان ، عامر خان، کریتی شرون، کریتی سین ، ارجن کپور، جھانوی کپور، سارہ علی خان، اور انیل کپور، ورون دھون شرکت کر

چکے ہیں.اب کچھ دنوں سے خبریں چل رہی تھیں کہ شاہ رخ خان کی اہلیہ گوری خان کافی ود کرن میں شرکت کریں گی لیکن یہ کنفرم نہیں ہو رہا تھا کہ شاہ رخ خان ان کے ساتھ ہوں گے یا نہیں لیکن گوری خان نے اب کنفرم کر دیا ہے کہ وہ کافی ود کرن میں شریک ہو رہی ہیں اور ان کے ساتھ اس شو میں ان کے شوہر شاہ رخ خان نہیں ہوں گے.ان کے ساتھ بھوانا پانڈے، سیما سچدیو، مہیپ کپور اور نیلم کوٹھاری سونی ہوں گی۔یاد رہے کہ ھال ہی میں‌گوری خان نے اپنے رئیلٹی شو کا کلپ سوشل میڈیا پر شئیر کیا جسے لوگ بہت زیادہ سراہ رہے ہیں. تاہم گوری خان اس شو کو لیکر خود بھی بہت زیادہ پر جوش ہیں ان کا ماننا ہے کہ وہ دیکھنے والوں‌کو مایوس نہیں کریں گی.

شاہ رخ خان کی اہلیہ گوری خان ایک بہترین انٹیرئیر ڈیزائنر بھی ہیں سب جانتے ہیں کہ وہ کئی برسوں سے یہ کام کررہی ہیں. لیکن اب وہ میزبانی کرتی بھی دکھائی دیں گی. ان کے شو کا نام ہو گا ” ڈریم ہومز ود گوری خان ” . اس میں بھی وہ اپنے پسندیدہ کام کوکرتی ہوئی دکھائی دیں گی، اس نئے ریئلیٹی ڈیزائن شو میں وہ مشہور سلیبریٹیز اداکارہ کترینہ کیف ، ملائکہ اروڑہ ، ہدایت کار فرح خان اور کبیر خان کے گھروں کو ڈیزائن کریں گی۔اس پروگرام کے حوالے سے ان کے شوہر شاہ رخ خان نے خوشی کااظہار کرتے ہوئے اپنی اہلیہ کے شو کا پرومو انسٹاگرام پر شئیر کیا انہیں مبارکباد دی اور لکھا کہ گوری خان ہم آپ کو بطور ہوسٹ دیکھنےکےلئے بے تاب

ہیں.شاہ رخ خان کی اس پوسٹ کے بعد ان کے مداحوں نے ان کی پوسٹ کے کمنٹ سیکشن میں گوری خان کو مبارکباد دی اور ساتھ ہی ساتھ شاہ رخ خان کو بطور شوہر سراہا اور کہا کہ آپ اپنی اہلیہ کو جس طرح سے سپورٹ‌کرتے ہیں وہ قابل تعریف ہے . یاد رہے کہ گوری خان نے بھی یہی وڈیو کلپ اپنے انسٹاگرام پر شئیر کیا جو شاہ رخ خان نے اپنے اکائونٹ سے شئیر کیا. اس میں گوری خان کہہ رہی ہیں کہ انٹیرئیر ڈیزائننگ نوکری نہیں بلکہ ایک لائف سٹائل ہے . گوری خان کہتی ہیں کہ یہ پراجیکٹ میرے دل کے بہت قریب ہے.

فلم براہمسٹرا حال ہی میں ریلیز ہوئی ہے فلم نے ابتدائی ویک میں ہی کامیابی کے ریکارڈز قائم کر دئیے ہیں. فلم میں مرکزی کردار رنبیر کپور اور عالیہ بھٹ‌نے ادا کئے ہیں چار سو کروڑ کی لاگت سے بنی اس فلم کا بے صبری سے انتظار کیا جا رہا تھا حالانکہ اس فلم کے لئے بھی بائیکاٹ کا ٹرینڈ چل رہا تھا لیکن یہ ٹرینڈ براہمسٹرا پر اثر انداز نہ ہو سکا اور فلم کو دیکھنے کےلئے لوگوں کی ایک بڑی تعداد سینما گھروں کو پہنچی. فلم کی بے پناہ کامیابی ھاصل کرنے پر اس سے جڑی ٹیم کافی خوش ہے اور اسی خوشی میں فلم کے ڈائریکٹر آیان مکھر جی نے براہمسٹرا 2 بنانے کا اعلان کر دیا ہے.
ٹائمز آف انڈیا کو انٹرویو دیتے ہوئے آیان مکھر جی نے کہا ہے کہ وہ براہمسٹرا ٹو بنانے کا ارادہ رکھتے ہیں، فلم کی کہانی اسی قسم کی ہو گی لیکن

اسکے کرداروں کو یقینا چینج کیا جائیگا. فلم کو نئے اور الگ انداز سے بنایا جائیگا. کہا جا رہا ہے کہ براہمسٹرا ٹو میں دیپیکا پاڈوکون اور رنویر سنگھ مرکزی کرداروں میں نظر آئیں گے ڈائریکٹر آیان مکھر جی نے اس حوالے سے کچھ نہیں کہا لیکن کہا جا رہا ہے کہ براہمسٹرا 2 کے مرکزی کرداروں کے لئے دیپیکا اور رنویر کو ہی فائنل کیا گیا ہے تاہم حتمی طور پر ابھی کچھ نہیں کہا جا سکتا کیونکہ فلم کی کاسٹ تو عین ٹائم تک تبدیل ہوتی رہتی ہے.