Author: Baaghi TV

”کیپ ٹائون ” کا ان پڑھہ سرجن مسٹر ” ھیملٹن ” جس کو ماسٹر آف میڈیسن کی اعزازی ڈگری دی گئی ____ جو نہ لکھنا جانتا تھا نہ پڑھنا _____ یہ کیسے ممکن ھوا آئیے بتاتے ہیں ______
کیپ ٹاﺅن کی میڈیکل یونیورسٹی کو طبی دنیا میں ممتاز حیثیت حاصل ہے۔
دنیا کا پہلا بائی پاس آپریشن اسی یونیورسٹی میں ہوا تھا‘
اس یونیورسٹی نے چند سال پہلے ایک ایسے سیاہ فام شخص کو

”ماسٹر آف میڈیسن“

کی اعزازی ڈگری سے نوازا جس نے زندگی میں کبھی سکول کا منہ نہیں دیکھا تھا۔
جو انگریزی کا ایک لفظ پڑھ سکتا تھا
اور
نہ ہی لکھ سکتا تھا…..

لیکن 2003ء کی ایک صبح دنیا کے مشہور سرجن پروفیسر ڈیوڈ ڈینٹ نے یونیورسٹی کے آڈیٹوریم میں اعلان کیا:،
"ہم آج ایک ایسے شخص کو میڈیسن کی اعزازی ڈگری دے رہے ہیں جس نے دنیا میں سب سے زیادہ سرجن پیدا کیے،
جو ایک غیر معمولی استاد، اور
ایک حیران کن سرجن ہے، اور
جس نے میڈیکل سائنس
اور
انسانی دماغ کو حیران کر دیا۔

اس اعلان کے ساتھ ہی پروفیسر نے ” ہیملٹن ” کا نام لیا،
اور
پورے ایڈیٹوریم نے کھڑے ہو کراس کا استقبال کیا ۔

یہ اس یونیورسٹی کی تاریخ کا سب سے بڑا استقبال تھا“۔
”ہیملٹن کیپ ٹاﺅن کے ایک دور دراز گاﺅں ” سنیٹانی ” میں پیدا ہوا۔
اس کے والدین چرواہے تھے، وہ بکری کی کھال پہنتا تھا، اور پہاڑوں پر سارا سارا دن ننگے پاﺅں پھرتاتھا،
بچپن میں اس کاوالد بیمار ہو گیا لہٰذا وہ بھیڑ بکریاں چھوڑ کر "کیپ ٹاﺅن” آگیا۔ ان دنوں ” کیپ ٹاﺅن یونیورسٹی ” میں تعمیرات جاری تھیں۔
وہ یونیورسٹی میں مزدور بھرتی ہوگیا۔
اسے دن بھر کی محنت مشقت کے بعد جتنے پیسے ملتے تھے ،وہ یہ پیسے گھر بھجوا دیتاتھا
اور
خود چنے چبا کر کھلے گراﺅنڈ میں سو جاتاتھا۔
وہ برسوں مزدور کی حیثیت سے کام کرتا رہا۔ تعمیرات کا سلسلہ ختم ہوا

تو

وہ یونیورسٹی میں مالی بھرتی ہوگیا۔ ……
اسے ٹینس کورٹ کی گھاس کاٹنے کا کام ملا، ……..
وہ روز ٹینس کورٹ پہنچتا اور گھاس کاٹنا شروع کر دیتا ، . ……

وہ تین برس تک یہ کام کرتا رہا ……
پھر اس کی زندگی میں ایک عجیب موڑ آیا
اور
وہ میڈیکل سائنس کے اس مقام تک پہنچ گیا جہاں آج تک کوئی دوسرا شخص نہیں پہنچا۔

یہ ایک نرم اور گرم صبح تھی۔”پروفیسررابرٹ جوئز” زرافے پرتحقیق کر رہے تھے، وہ یہ دیکھنا چاہتے تھےکہ:

"جب زرافہ پانی پینے کے لیے گردن جھکاتا ہے تو اسے غشی کا دورہ کیوں نہیں پڑتا،”

انہوں نے آپریشن ٹیبل پر ایک زرافہ لٹایا،اسے بے ہوش کیا،
لیکن جوں ہی آپریشن شروع ہوا، زرافے نے گردن ہلا دی،
چنانچہ انہیں ایک ایسے مضبوط شخص کی ضرورت پڑ گئی جو آپریشن کے دوران زرافے کی گردن جکڑ کر رکھے۔

پروفیسر تھیٹر سے باہر آئے، سامنے ‘ہیملٹن’ گھاس کاٹ رہا تھا،
پروفیسر نے دیکھا وہ ایک مضبوط قد کاٹھ کا صحت مند جوان ہے۔ انہوں نے اسے اشارے سے بلایا اور اسے زرافے کی گردن پکڑنے کا حکم دے دیا۔ ” ہیملٹن” نے گردن پکڑ لی،

یہ آپریشن آٹھ گھنٹے جاری رہا۔ اس دوران ڈاکٹر چائے اورکافی کے وقفے کرتے رہے، لیکن
” ہیملٹن ”
زرافے کی گردن تھام کر کھڑا رہا۔ آپریشن ختم ہوا تو وہ چپ چاپ باہر نکلا اور جا کر گھاس کاٹنا شروع کردی۔

دوسرے دن پروفیسر نے اسے دوبارہ بلا لیا، وہ آیا اور زرافے کی گردن پکڑ کر کھڑا ہوگیا، اس کے بعد یہ اس کی روٹین ہوگئی وہ یونیورسٹی آتا آٹھ دس گھنٹے آپریشن تھیٹر میں جانوروں کو پکڑتا اور اس کے بعد ٹینس کورٹ کی گھاس کاٹنے لگتا، وہ کئی مہینے دوہرا کام کرتا رہا،
اور
اس نے اس ڈیوٹی کا کسی قسم کا اضافی معاوضہ طلب کیا
اور
نہ ہی شکایت کی۔

پروفیسر رابرٹ جوئز اس کی استقامت اور اخلاص سے متاثر ہوگیا
اور
اس نے اسے مالی سے ”لیب اسسٹنٹ“ بنا دیا۔

” ہیملٹن ” کی پروموشن ہوگئی۔ وہ اب یونیورسٹی آتا، آپریشن تھیٹر پہنچتا اور سرجنوں کی مدد کرتا۔ یہ سلسلہ بھی برسوں جاری رہا۔

1958ء میں اس کی زندگی میں دوسرا اہم موڑ آیا۔ اس سال ” ڈاکٹر برنارڈ ” یونیورسٹی آئے اور انہوں نے دل کی منتقلی کے آپریشن شروع کر دیئے۔

” ہیملٹن ” ان کا اسسٹنٹ بن گیا، وہ ” ڈاکٹر برنارڈ”
کے کام کو غور سے دیکھتا رہتا، ان آپریشنوں کے دوران وہ اسسٹنٹ سے ایڈیشنل سرجن بن گیا۔

اب ڈاکٹر آپریشن کرتے
اور
آپریشن کے بعد اسے ٹانکے لگانے کا فریضہ سونپ دیتے، وہ انتہائی شاندار ٹانکے لگاتا تھا، اس کی انگلیوں میں صفائی اور تیزی تھی، اس نے ایک ایک دن میں پچاس پچاس لوگوں کے ٹانکے لگائے۔ وہ آپریشن تھیٹر میں کام کرتے ہوئے سرجنوں سے زیادہ انسانی جسم کو سمجھنے لگا….

چنانچہ
بڑے ڈاکٹروں نے اسے جونیئر ڈاکٹروں کو سکھانے کی ذمہ داری سونپ دی۔

وہ اب جونیئر ڈاکٹروں کو آپریشن کی تکنیکس سکھانے لگا۔ وہ آہستہ آہستہ یونیورسٹی کی اہم ترین شخصیت بن گیا۔ وہ میڈیکل سائنس کی اصطلاحات سے ناواقف تھا،
لیکن
وہ دنیا کے بڑے سے بڑے سرجن سے بہترسرجن تھا۔

1970ءمیں اس کی زندگی میں تیسرا موڑ آیا، اس سال جگر پر تحقیق شروع ہوئی تو اس نے آپریشن کے دوران جگر کی ایک ایسی شریان کی نشاندہی کردی. …..جس کی وجہ سے جگر کی منتقلی آسان ہوگئی۔

اس کی اس نشاندہی نے میڈیکل سائنس کے بڑے دماغوں کو حیران کردیا،

آج جب دنیا کے کسی کونے میں کسی شخص کے جگر کا آپریشن ہوتا ہے
اور
مریض آنکھ کھول کر روشنی کو دیکھتا ہے
تو
اس کامیاب آپریشن کا ثواب براہ راست ” ہیملٹن ” کو چلا جاتا ہے، اس کا محسن ‘ہیملٹن” ہوتا ہے“

” ہیملٹن ” نے یہ مقام اخلاص اور استقامت سے حاصل کیا۔ وہ 50 برس کیپ ٹاﺅن یونیورسٹی سے وابستہ رہا، ان 50 برسوں میں
اس نے کبھی چھٹی نہیں کی۔
وہ رات تین بجے گھر سے نکلتا تھا، 14 میل پیدل چلتا ہوا یونیورسٹی پہنچتا اور
ٹھیک چھ بجے تھیٹر میں داخل ہو جاتا۔
لوگ اس کی آمدورفت سے اپنی گھڑیاں ٹھیک کرتے تھے،

ان پچاس برسوں میں اس نے کبھی تنخواہ میں اضافے کا مطالبہ نہیں کیا،

اس نے کبھی اوقات کار کی طوالت
اور
سہولتوں میں کمی کا شکوہ نہیں کیا…….

پھر

اس کی زندگی میں ایک ایسا وقت آیا جب اس کی تنخواہ اور مراعات یونیورسٹی کے وائس چانسلر سے زیادہ تھیں
اور
اسے وہ اعزاز ملا جو آج تک میڈیکل سائنس کے کسی شخص کو نہیں ملا۔

وہ میڈیکل ہسٹری کاپہلا ان پڑھ استاد تھا۔
وہ پہلا ان پڑھ سرجن تھا جس نے زندگی میں تیس ہزار سرجنوں کو ٹریننگ دی،
وہ 2005ء میں فوت ہوا تو اسے یونیورسٹی میں دفن کیاگیا
اور
اس کے بعد یونیورسٹی سے پاس آﺅٹ ہونے والے سرجنوں کے لیے لازم قرار دے دیا گیا وہ ڈگری لینے کے بعد
اس کی قبر پر جائیں، تصویر بنوائیں
اور
اس کے بعد عملی زندگی میں داخل ہوجائیں….“

میں رکا اور اس کے بعد نوجوانوں سے پوچھا:
”تم جانتے ہو اس نے یہ مقام کیسے حاصل کیا“

نوجوان خاموش رہا، میں نے عرض کیا:

”صرف ایک ہاں سے‘

جس دن اسے زرافے کی گردن پکڑنے کے لیے آپریشن تھیٹر میں بلایا گیاتھا
اگر وہ اس دن انکار کردیتا، اگر وہ اس دن یہ کہہ دیتا میں مالی ہوں میرا کام زرافوں کی گردنیں پکڑنا نہیں
تو
وہ مرتے دم تک مالی رہتا.

یہ اس کی ایک ہاں اور آٹھ گھنٹے کی اضافی مشقت تھی جس نے اس کے لیے کامیابی کے دروازے کھول دیئے اور وہ سرجنوں کا سرجن بن گیا“ ۔

”ہم میں سے زیادہ تر لوگ زندگی بھر جاب تلاش کرتے رہتے ہیں.

جبکہ

ہمیں کام تلاش کرنا چاہیے“

” دنیا کی ہر جاب کا کوئی نہ کوئی کرائی ٹیریا ہوتا ہے اور
یہ جاب صرف اس شخص کو ملتی ہے جو اس کرائی ٹیریا پر پورا اترتا ہے
جبکہ
کام کا کوئی کرائی ٹیریا نہیں ہوتا۔ میں اگر آج چاہوں تو میں چند منٹوں میں دنیا کا کوئی بھی کام شروع کر سکتا ہوں اور دنیا کی کوئی طاقت مجھے اس کام سے باز نہیں رکھ سکے گی۔

"” ہیملٹن”” اس راز کو پا گیا تھا لہٰذا اس نے جاب کی بجائے کام کو فوقیت دی. یوں اس نے میڈیکل سائنس کی تاریخ بدل دی۔

ذرا سوچو، اگر وہ سرجن کی جاب کے لئے اپلائی کرتا

تو

کیا وہ سرجن بن سکتا تھا؟ کبھی نہیں،
لیکن
اس نے کھرپہ نیچے رکھا، زرافے کی گردن تھامی
اور
سرجنوں کا سرجن بن گیا اور ہم اس لیے بے روزگار اور ناکام رہتے ہیں کہ صرف جاب تلاش کرتے ہیں، کام نہیں، جس دن "” ہیملٹن”” کی طرح کام شروع کردیا
تم نوبل پرائز حاصل کر لوگے،
بڑے اور کامیاب انسان بن جاﺅ گے

کیا بھروسہ ہے زندگانی کا
آدمی بلبلہ ہے پانی کا
” ہم سب رنگ منج کی کٹھ پتلیاں ہیں عالم پناہ ، جنکی ڈور اوپر والے کے ہاتھوں میں ہے کب کسکا کردار ختم ہوجائے کوئی نہیں جانتا ۔ ہا۔۔ہا۔۔ہا۔۔۔ہا۔۔۔ہا۔۔۔”
اگر آپ یہ تحریر پڑھ رہے ہیں تو اسکا مطلب یہ ہے کہ آپ ابھی زندہ ہیں آپکا دل دھڑک رہا ہے اور اعضاء بھی کام کر رہے ہیں ۔ دل اس لئیے دھڑک رہا ہے کہ خون کو سارے جسم میں گھمادے تاکہ خون میں موجود ہیموگلوبین کے ذریعے پھیپھڑوں سے آکسیجن کو جسم کے ایک ایک مسام تک پہنچا دے اور کاربن ڈائی آکسائڈ کو جسم کے ایک ایک مسام سے پکڑ کر پھیپھڑوں کے ہی راستے واپس باہر فضا میں خارج کرا دے ۔ حضرت انسان کے سانس لینے کا یہ عمل جب تک رواں رہتا ہے انسان زندہ رہتا ہے سانسوں کی مالا ٹوٹتے ہی زندگی کی ڈور بھی ٹوٹ جاتی ہے ۔ ہم کھانے کے بغیر تقریبا 30 دن ، پانی کے بغیر تین سے چھ دن تک زندہ رہ سکتے ہیں لیکن آکسیجن کے بغیر چند منٹ سے زیادہ بھی نہیں گذار سکتے ۔ اور یہ ایسی حقیقت ہے جو ہم سب اچھی طرح سے جانتے ہیں ۔

دو ارب سال پہلے زمین پر آکیسجن کا آج کی طرح گیس کی صورت علیحدہ سے کوئی وجود نہیں ہوتا تھا یہ مرکب یعنی Compound form میں پائی جاتی تھی ۔ جیسے پانی میں ( H2O ) یا کاربن ڈائی آکسائیڈ ( CO2) . یہ تو اس وقت پیدا ہونے والے سائینو بیکٹیریاز کا احسان کے انہوں نے سمندروں سے لیکر پہاڑوں تک اپنی آبادیوں کو پھیلایا اور کاربن ڈائی اکسائیڈ کو اپنے اندر لے کر آکسیجن بناتے چلے گئے اور یہ سلسلہ آنے وال دو چار سال نہیں بلکہ اگلے 150 کروڑ سالوں تک اسی طرح نان اسٹاپ چلتا رہا ۔ ہر سائینو بیکٹیریاتا یہی کام کرتا رہا ۔ وہ جنم لیتا تھا اپنے حصے کی CO2 کو آکسیجن O2 میں تبدیل کرکے ختم ہوجاتا تھا ۔ یہ انہی سائینو بیکٹیریاز کی سانسیں لے کر چھوڑی ہوئی آکسیجن ہے جو آج ہماری زندگی کی بنیاد ہے جس کے بغیر ہماری زندگی کا کوئی تصور ہی نہیں ہے ۔

دو ارب سال پہلے زمین پر حیات ، زندگی یا life بہت ہی اممیچیور فارم یعنی اپنی ابتدائی حالت میں تھی یعنی اس وقت life یونی سیکولر سیل اور تھوڑے بہت ملٹی سیکولر سیل کی سطح تک ہی پہنچی تھی ۔آسان الفاظ میں دو ارب سال پہلے زمین پر چاروں طرف جہاں کہیں بھی زندگی تھی تو وہ صرف بیکٹیریاز کے ہی پیکر میں پائی جاتی تھی ۔ ان بیکٹیریاز میں سب سے زیادہ تعداد جس مخصوص بیکٹیریا کی تھی اسے سائینس کی دنیا نے سائینو بیکٹیریا کا نام دیا ہے ۔

یہ سائینو بیکٹیریا 13 ارب سال پہلے وجود میں آنے والی اس کائنات میں life یعنی حیات نامی سپر ڈوپر ہٹ فلم کا بڑا ہی اہم اور بڑا ہی خاموش سا کردار رہا ہے خدا کی اس کائنات میں اس سیارہ زمین پر دو ارب سال پہلے جنم لینے والے اس سائینو بیکٹیریا نے وہ کام کیا جس پر ہم انسانوں کو اسکا شکر گذار ہونا چاہئیے ۔ کیونکہ یہ سائنو بیکٹریا اس وقت کی فضا پر چھائی زندگی کے لئیے نقصان دہ گیس کاربن ڈائی آکسائڈ کو inhale کرکے آکسیجن کو ریلیز کرتا تھا اور آج ہمارے اردگرد کی فضا میں موجود آکسیجن O2 اسی ننھے سے نہ نظر آنے والے سائنو بیکٹیریا کے کروڑ ہا کروڑ سالوں تک اسی طرح سانس لینے کا نتیجہ ہے ۔

آپ بھی سوچ رہے ہونگے کہ بات شروع کہاں سے کی تھی اور کہاں پہنچ گئی لیکن ذرا تصور کریں اگر میں اور آپ بھی ایسے ہی کوئی سائینو بیکٹریا ہوتے جو اس کائنات میں صرف اتنا ہی کردار ادا کرتے کہ اپنے حصے کی کچھ کاربن ڈائی آکسائڈ وصول کرتے اسکو آکسیجن میں کنورٹ کرتے اور کچھ ہی منٹوں کی زندگی گذار کر اس جہان فانی سے کوچ کرجاتے تو کیا ہمیں اپنی وہ ننھی سی زندگی بے مقصد اور ب کار نا لگتی ۔ کیا ہم اپنے اس وقت کے بیکیریائی شعور کی سطح پر اپنے اس چھوٹے سے کردار کو اس بڑی ساری کائنات کے گرینڈ ڈیزائن میں کبھی سمجھ بھی پاتے ؟ کیا ہمیں اندازہ بھی ہو سکتا تھا کہ ہمارے ہی سانس لینے سے پیدا ہونے والی آکسیجن ڈیڑھ سو سے دو ارب سالوں کے ایک طویل ترین عرصے بعد اتنی اہمیت کی حامل ہوجائیگی کہ زمین پر پائے جانے والے ہر جاندار کے لئیے لازم و ملزوم ہوجائے ۔

وہ بیکٹیریا اتنا شعور نہیں رکھتا تھا کہ یہ ساری باتیں سوچتا لیکن ہم انسان تو شعور رکھتے ہیں ہمیں سمجھنا ہوگا کہ اس سائنو بیکٹیریا کی طرح ہم بھی شاید اپنے شعور کی موجودہ سطح پر اس وقت خدا کی اس کائنات میں اپنا کردار شاید سمجھ نہیں پائیں اور کائنات کے اس گرینڈ ڈیزائن میں ہم انسانوں کا کردار بھی ہمارے شعور کی موجودہ سطح سے کچھ اوپر کی چیز ہو ۔ فرق صرف یہ ہے کائنات کی ہر شے خدا کی طرف سے اسے دی گئی پروگرامنگ پر چلنے پر پابند ہے جب کہ ہم انسانوں کو خدا نے اختیار و ارادہ کی دولت سے مالا مال کیا ہے۔

اب یہ ہم انسانوں پر ہے کہ ہم اس کائنات اور اس زمین پر اپنی کیسی چھاپ چھوڑ کر جاتے ہیں اور اپنی آنے والی نسلوں کو کیسے رنگ میں دیکھنا چاہتے ہیں ۔ یہ تو خدا ہی جانے کہ کس کے اعمال اسے حیات ابدی دلاتے ہیں اور کس کے اعمال اسکے لئیے ابدی خسارے کا سبب بنتے ہیں لیکن جینٹیکس سے لیکر سائیکالوجی تک کے علوم یہ بتاتے ہیں کہ ہر انسانی بچہ اپنی پشت پر کچھ وراثتی اثرات کا بوجھ لاد کر لاتا ہے جس میں اسکے Genes جینز کا بہت اہم کردار ہوتا ہے اور وہ زندگی کے اکثر و بیشتر فیصلے انہی جینیاتی اور وراثتی اثرات کے تابع رہ کر کرتا ہے جیسے باپ جیسا غصہ رکھنا ، مجرمانہ ذہنیت یا مثبت سوچ ، حتی کہ شوگر اور اس جیسی کئی بیماریاں نسلوں تک منتقل ہوتی چلی جاتی ہیں ۔

خدا ہر ماں اور باپ کو یہ اعزاز دیتا ہے کہ وہ اپنی اولاد کی ایسی پرورش کریں کہ انکی آنے والی نسلیں انسانوں کو فائدہ پہنچائیں ۔ اور اسکے لئیے کوئی بہت مشہور یا بڑا آدمی بننا ہی ضروری نہیں بلکہ ایک اچھا انسان بننا ضروری ہے ۔ ہر باپ اپنی اولاد کا پہلا ہیرو اور پہلا آئیڈیل ہوتا ہے ۔ آپ کےاچھے برے اعمال اور فیصلے نہ صرف آپکی اولادبلکہ آنے والی نسلوں اور قوموں تک متاثر کرسکتاہے ۔ کسے پتہ کہ کسی ان پڑھ کا اپنے خون جگر سے بچوں کو تعلیم دلوانا بعد میں اسکی نسل میں کسی آئن اسٹائن کی پیدائش کا سبب بن جائے ۔

میرے والد بچپن میں ہی یتیم ہوگئے تھے لیکن انہوں نے اپنی یتیمی کو اپنی کمزوری نہیں بننے دیا اپنے پیروں پر بہت جلد ہی کھڑے ہوگئے خود تو پڑھ لکھ نہیں پائے لیکن مجھے انہوں ماسٹرز تک تعلیم دلائی اور اس طرح اپنی برسوں سے چلی آرہی فیملی Tree کے Gene میں تعلیم کا ٹانکا لگا کر اور اپنے اچھے کردار و عمل سے ہماری اچھی نگہداشت اور پرورش کرکے اپنی آنے والی نسلوں کے Genes کو آپ گریڈ کر گئے ۔ ہمارے باپ کا اتنا ہی احسان کم نہیں کہ اس نے ہمیں اچھے برے کی تمیز صرف الفاظ سے نہیں اپنے عمل سے بھی دکھائی ۔ مجھے یقین ہے کہ خدا نے جو کام بحیثیت انسان انکے حوالے کیا تھا وہ انہوں نے بخوبی پورا کیا ۔ آج وہ اپنے رب کے پاس خوش و خرم ہونگے ۔

زندگانی تھی تیری مہتاب سے تابندہ تر
خوب تر تھا صبح کے تارے سے بھی تیرا سفر
مثل ایوان سحر، مرقد فروزاں ہو تیرا
نور سے معمور یہ خاکی شبستان ہو تیرا
آسماں تیری لحد پے شبنم افشانی کرے
سبزہ نورستہ اس گھر کی نگہبانی کرے