Baaghi TV

Author: ڈاکٹرغلام مصطفی بڈانی

  • گوجرانوالہ : 5 جون سے پنجاب بھر میں پلاسٹک بیگز پر پابندی عائد کر دی گئی ہے

    گوجرانوالہ : 5 جون سے پنجاب بھر میں پلاسٹک بیگز پر پابندی عائد کر دی گئی ہے

    گوجرانوالہ باغی ٹی وی ( نامہ نگار محمد رمضان نوشاہی )پلاسٹک بیگ سیوریج نظام کی تباہی، آلودگی میں اضافے اور زرعی زمینوں کی بربادی کا سبب بن رہے ہیں، کھانے پینے کی اشیاء کے لیے شاپر بیگ کا استعمال مہلک امراض میں اضافے کا باعث بن رہا ہے، تدارک کے لیے ٹھوس اقدمات کرنے کی ضرورت ہے،

    لاہور ہائیکورٹ اور حکومت پنجاب کا عزم ہے کہ شہریوں کو صاف ستھرا اور صحت مند ماحول فراہم کیا جائے۔ پلاسٹک بیگز کے استعمال سے ماحول کو ہونے والے نقصانات کو مد نظر رکھتے ہوئے 5 جون 2024 سے پنجاب بھر میں پلاسٹک بیگز پر پابندی عائد کر دی گئی ہے۔ ان خیالات کا اظہار ڈپٹی کمشنر محمد طارق قریشی نے تاجروں اور صنعت کاروں کے اجلاس سے خطاب کرتے ہوئے کیا۔

    اجلاس میں ایڈیشنل ڈپٹی کمشنر جنرل شبیر حسین بٹ، اسسٹنٹ کمشنرز (سٹی عبدالباسط، کامونکی خرم مختار بھنگو)، ڈپٹی ڈائریکٹر تحفظ ماحولیات، تاجر برادری (بابر کھرانہ، میاں فضل الرحمن اور دیگر)اور متعلقہ محکموں کے افسران و نمائندوں سمیت صنعت کار شریک تھے۔

    ڈپٹی کمشنر محمد طارق قریشی نے اجلاس سے خطاب کرتے ہوئے کہا کہ لاہور ہائیکورٹ کی طرف سے ماحولیاتی آلودگی کا سبب بننے والے پلاسٹک بیگز پر پابندی عائد کردی گئی ہے،

    عدالتی احکامات اور حکومت پنجاب کی ہدایات پر ضلعی انتظامیہ کی طرف سے (پلاسٹک کی بنی ہوئی کان صاف کرنے والی سٹک، غبارے کی پلاسٹک سٹک، پلاسٹک کے جھنڈے، کینڈی سٹک، آئس کریم سٹک, پلاسٹک کے کانٹے، چمچے، اسٹرا، پلیٹیں، پیالے، ڈسپوزایبل گلاس، پلاسٹک ٹرے وغیرہ، مٹھائی کے ڈبوں کی پلاسٹک شیٹ، پلاسٹک کے دعوت نامے، ڈسپوزایبل فوڈ باکسز، ریپنگ شیٹس، سگریٹ پیکٹ کی پلاسٹک، لاسٹک بینرز اور پی وی سی بینرز جن کی موٹائی 80 مایکرون سے کم ہے) اور دیگر پلاسٹک سے بنی اشیاء پر پابندی عائد کی گئی ہے۔

    اس سلسلہ میں تمام پلاسٹک کا کاروبار کرنیو الے افراد کو 5 جون تک اپنا موجودہ سٹاک ختم کرنے کیلیے مہلت دی ہے، 5 جون کی دی گئی ڈیڈ لائن کے بعد پلاسٹک بیگز کا استعمال کرنے والوں کے خلاف سخت کاروائی عمل میں لائی جائے گی۔

    ڈپٹی کمشنر نے کہا کہ پلاسٹک کا استعمال کرنے والوں کے خلاف کاروائیوں کے لیے ٹیمیں تشکل دے دی گئی ہیں جو 5 جون کے بعد عدالتی احکامات کی تعمیل کرتے ہوئے پلاسٹک بیگز استعمال کرنے والوں کے خلاف سخت کاروائی عمل میں لائیں گی جس پر پہلی خلاف ورزی پر 05 ہزار سے 20 ہزار تک کا جرمانہ اور دوسری مرتبہ خلاف ورزی پر مقدمہ کا اندراج، کاروباری جگہ سیل اور گرفتاریاں بھی عمل لائی جائیں گی۔

    انہوں نے مزید کہا کہ عدالت کی طرف سے پابندی  کے باوجود شہر کے تمام مالز اور شاپنگ سنٹرز میں  پلاسٹک بیگز کا استعمال جاری ہے جس کی حوصلہ شکنی کی ضرورت ہے۔

    ڈپٹی کمشنر نے پلاسٹک بیگز کے کاروبار سے منسلک تمام تاجروں اور صنعتکاروں سے کہا ہے کہ وہ سنگل یوز پلاسٹک بیگز کی تیاری و خرید و فروخت ترک کردیں اور شہر و ضلع کی تمام چھوٹی بڑی مارکیٹوں، بازاروں، شاپنگ سنٹرز، شاپنگ مالز اور عوامی مقامات پر آگاہی کے لیے فلیکسز آویزاں کریں تاکہ شہریوں کو پلاسٹک بیگز پر عائد پابندی بارے آگاہی ہو اور اس کے استعمال کو ترک کریں۔

    ماحول کو صاف ستھرا اور آلودگی سے پاک بنانے میں معاشرے کے ہر فرد کو اپنا کردار ادا کرنا ہوگا

  • گوجرانوالہ:ناجائز منافع خوروں کیخلاف کریک ڈاؤن جاری

    گوجرانوالہ:ناجائز منافع خوروں کیخلاف کریک ڈاؤن جاری

    گوجرانوالہ:باغی ٹی وی ( نامہ نگار محمد رمضان نو شاہی ) وزیر اعلٰی پنجاب کے احکامات پر ضلعی انتظامیہ گوجرانوالہ اور وزیرآباد کا ناجائزمنافع خوروں کیخلاف کریک ڈاؤن جاری، 20 سے 26 مئی گوجرانوالہ میں 12 ہزار 869 چھاپہ مار کاروائیوں کے دوران 454 منافع خوروں کو 23 لاکھ 67 ہزار جبکہ وزیرآباد میں 4 ہزار 40 چھاپہ مارکاروائیوں میں 118 منافع خوروں کو 5 لاکھ 86 ہزار روپے جرمانہ عائد کیا گیا، گوجرانوالہ میں 53 اور وزیرآباد میں 21 افراد کو گرفتار بھی کیا گیا، ڈپٹی کمشنر گوجرانوالہ محمد طارق قریشی

    تفصیلات کے مطابق وزیر اعلٰی پنجاب مریم نوازشریف کے خصوصی احکامات پر نان اور روٹی سمیت اشیائے خوردونوش کی مقررہ نرخوں پر دستیابی یقینی بنانے کیلئے ضلعی انتظامیہ گوجرانوالہ و وزیرآباد کا کریک ڈاؤن جاری ہے۔ گزشتہ ہفتے 20 مئی سے 26 مئی کے دوران گوجرانوالہ و وزیرآباد میں مجموعی طور پر 16 ہزار 9 سو 9 چھاپہ مارکاروائیاں کی گئیں اور 572 ناجائزمنافع خوروں کو 29 لاکھ 53 ہزار روپے جرمانہ عائد کیا گیا۔ پرائس مجسٹریٹس نے ناجائزمنافع خوری کرنے والے 74 دوکانداروں کو کو جرمانے کی عدم ادائیگی، قوانین کی پاسداری نہ کرنے پر گرفتار کیا اور 8 افراد کے خلاف مقدمات بھی درج کروائے۔

    گوجرانوالہ سٹی میں 7 لاکھ 92 ہزار روپے، تحصیل صدر میں 8 لاکھ 35 ہزار، کامونکی میں 3 لاکھ 97 ہزار 500، نوشہرہ ورکاں میں 2 لاکھ 42 ہزار اور ضلع وزیرآباد میں 6 لاکھ 86 ہزار 500 روپے جرمانہ عائد کیا گیا۔ اسی دوران پرائس کنٹرول ایکٹ، کنزیومر پروٹیکشن ایکٹ اور ذخیرہ اندوزی ایکٹ کی خلاف ورزیوں پر 52 دوکانیں، گودام و دیگر کو سیل کیا گیا۔

    اسسٹنٹ کمشنر صدر عثمان سکندر نے ناجائزمنافع کی 25 خلاف ورزیوں پر 3 لاکھ 82 ہزار، اسسٹنٹ کمشنر وزیر آباد رب نواز نے 27 منافع خوروں کو 2 لاکھ 88 ہزار، اسسٹنٹ کمشنر سٹی عبدالباسط نے 15 دوکانداروں کو 1 لاکھ 62 ہزار، اسسٹنٹ کمشنر کامونکی خرم مختار نے 16 دوکانداروں کو 1 لاکھ 43 ہزار، اسسٹنٹ کمشنر نوشہرہ ورکاں محمد نوید حیدر نے دو روز میں 13 دوکانداروں کو 50 ہزار روپے جرمانہ عائد کیا۔ نائب تحصیلدار سٹی محمد زبیر نے 1 لاکھ 20 ہزار، ایڈیشنل ڈائریکٹر لائیو سٹاک ڈاکٹر صائمہ ارم نے 1 لاکھ 7 ہزار روپے جرمانہ عائد کیا۔

    ڈپٹی کمشنرگوجرانوالہ محمد طارق قریشی نے اجلاس کے شرکاء سے خطاب کرتے ہوئے کہا کہ ناجائزمنافع خوری کی روک تھام حکومت پنجاب کی اولین ترجیحات میں ہے۔ تمام اسسٹنٹ کمشنرز اور دیگر محکموں کے افسران جنہیں پرائس مجسٹریٹس کے اختیارات تفویض کئے گئے ہیں وہ متحرک رہیں اور روزانہ کی بنیاد پر کم از 30 دوکانوں، سبزی و پھل منڈیوں، مارکیٹوں کو چیک کریں۔ ناقص کارکردگی کا مظاہرہ کرنے والے افسران کی اس ضلع میں کوئی گنجائش نہیں۔

  • ننکانہ :ڈی ایچ کیو ہسپتال میں لیب ٹیسٹ و ادویات نایاب ،مریضوں کومشکلات کاسامنا

    ننکانہ :ڈی ایچ کیو ہسپتال میں لیب ٹیسٹ و ادویات نایاب ،مریضوں کومشکلات کاسامنا

    ننکانہ صاحب ،باغی ٹی وی نامہ( نگار احسان اللہ ایاز )ڈسٹرکٹ ہیڈ کوارٹر ہسپتال ننکانہ میں ادویات کمی مریضوں کو مشکلات کا سامنا, ڈی ایچ کیو ہسپتال کی لیب میں ٹیسٹوں کی کمی کو فوری پورا کیا جاۓ, ینگ ڈاکٹرز ایسوسی ایشن ننکانہ کے وفد کی ڈپٹی کمشنر سے ملاقات میں مطالبہ

    تفصیلات کے مطابق گزشتہ روز ینگ ڈاکٹرز ایسوسی ایشن ننکانہ کے وفد نے ضلعی صدر ڈاکٹر جنید خواجہ کی قیادت میں ڈپٹی کمشنر ننکانہ چودھری محمد ارشد سے ان کے آفس میں ملاقات کی اور ڈسٹرکٹ ہیڈ کوارٹر ہسپتال میں غریب مریضوں کے لئے تمام ادویات اور ٹیسٹوں کی کمی کو جلد ازجلد پورا کرنے کا مطالبہ کیا ،

    یہ بھی پڑھیں
    ننکانہ :محکمہ صحت میں کرپشن کا انوکھا کھیل، کروڑوں روپے کے بلوں کی ادائیگی روک دی گئی

    اسسٹنٹ کمشنر ننکانہ صاحب کی ڈاکٹرز سے ناروا سلوک کے حوالے سے اپنا بھرپور احتجاج بھی ریکارڈ کروایا,

    ینگ ڈاکٹر ایسوسی ایشن ہمیشہ اپنے ڈاکٹرز کے حقوق اور عزت کے لئے ہر پلیٹ فارم پر آواز اٹھاتی رہے گی ,

    ڈپٹی کمشنر ننکانہ نے آئندہ کسی بھی ایسے واقعہ کے رونما نہ ہونے کی مکمل یقین دہانی کروائی اور ینگ ڈاکٹرز کی کمیونٹی اور عام لوگوں کی فلاح ہ بہبود کی کاوشوں کو سراہا ،

    وفد میں صدر ڈاکٹر جنید خواجہ ,چیئرمین ڈاکٹر عدنان اقبال,نائب صدر ڈاکٹر فہیم سعید اور جنرل سیکرٹری ڈاکٹر احتشام عباس شامل تھے

  • قصور :اینٹی کرپشن کی کارروائی،بدنام زمانہ راشی پٹواری گرفتار،مقدمہ درج

    قصور :اینٹی کرپشن کی کارروائی،بدنام زمانہ راشی پٹواری گرفتار،مقدمہ درج

    قصور،باغی ٹی وی (غنی محمود بیوروچیف)اینٹی کرپشن کی کارروائی،بدنام زمانہ راشی پٹواری گرفتار،مقدمہ درج

    اینٹی کرپشن قصور نے کاروائی کرتے ہوئے قصور کے راشی پٹواری کو گرفتار کر لیا،خالد پٹواری پر ایف آئی ار نمبر 11/22 اور ایف ائی ار نمبر 8/21 درج تھی تاہم پولیس سے بچ رہا تھا

    اینٹی کرپشن قصور نے کارروائی کرتے ہوئے راشی پٹواری خالد کو گرفتار کرکے ہتھکڑیاں لگا دیں اور مقدمہ درج کر لیا

    واضع رہے کہ راشی پٹواریے لوگوں کا جینا حرام کیا ہوا تھا ،اہلیان علاقہ نے پٹواری کی گرفتاری پر اینٹی کرپشن کو سراہا اور پٹواری کے خلاف سخت سے سخت کارروائی کا مطالبہ کیا ہے

  • سیالکوٹ:کھلا اور غیر صاف شدہ تیل انسانی صحت کیلئے مضر ہے۔ سیمینار

    سیالکوٹ:کھلا اور غیر صاف شدہ تیل انسانی صحت کیلئے مضر ہے۔ سیمینار

    سیالکوٹ، باغی ٹی وی (بیوروچیف شاہد ریاض سے) نیوٹریشن انٹرنیشنل نے پنجاب فوڈ اتھارٹی کے اشتراک سے خوردنی تیل کی فورٹیفیکیشن کے فوائدپاکستان میں وٹامن اے اور ڈی کی کمی کھلے اور غیر صاف شدہ تیل کے استعمال اور صحت پر اسکے منفی اثرات” کے بارے میں ایک آگاہی سیشن کا اہتمام کیا۔

    اس آگاہی پروگرام میں تاجر تنظیموں، خوردنی تیل بنانے والی ملوں کے نمائندگان،محکمہ صحت اور مختلف شعبہ ہائے زندگی سے تعلق رکھنے والے افراد نے شرکت کی۔

    اس موقع پر فوڈ فورٹیفیکییشن پروگرام کے زونل مینیجر مدثر اقبال نے بتایا کہ پاکستان میں نصف سے زیادہ خواتین اور بچے مائیکرونیوٹرینٹس کی کمی کا شکار ہیں جس میں آئرن وٹامن اے اور وٹامن ڈی سرِفہرست ہیں ایک محتاط اندازے کے مطابق پاکستان میں تقریبًا 9.9 ملین (99 لاکھ) لوگ ہڈیوں کے بھربھرے پن کا شکار ہیں جن میں 7.2 ملین (72 لاکھ) تعداد خواتین کی ہے۔

    انہوں نے شرکاہ کو بتایا کہ فورٹیفیکشین پروگرام وٹامنز اور منرلز کی موجودگی کو کم سے کم لاگت سے ممکن بناتاہے۔ انہوں نے بتایا کہ کھلے اور غیر صاف شدہ تیل کو استعمال کرنے کے انسانی صحت پر نہایت برے اثرات مرتب ہو سکتے ہیں ضرورت اس امر کی ہے کہ ڈیلر حضرات کھلے تیل کی خریدوفروخت ترک کر دیں،نیوٹریشن انٹرنیشنل کوالٹی اشورنس اور کوالٹی کنٹرول کے حوالہ سیڈیجیٹل ٹیکنالوجی کو بروئے کار لاتے ہوئے خوردنی تیل بنانے والی ملوں اور فوڈ اتھارٹی کی استعداد کار بڑھانے پہ کام کر رہی ہے۔ تاکہ کوالٹی کے معیار کو بہتر بنایا جاسکے۔

    ماسٹر ٹرینر علی حسنین نے فوڈ سیفٹی اور غذائی نشوونما کے حوالے سے لو گوں کو اگاہی دی۔ڈپٹی ڈائریکٹر آپریشنز پنجاب فوڈ اتھارٹی رضوان سعید نے اپنے خطاب میں بتایا کہ خوراک کے تحفظ اور خوردنی تیل کی فورٹیفیکیشن کو یقینی بنانے کے لیے پنجاب فوڈ اتھارٹی مکمل طور پر فعال کردار ادا کر رہی ہے، کھلے اور غیر صاف شدہ تیل کی خریدوفروخت ممنوع ہے جبکہ خلاف ورزی کر مرتکب عناصر کے خلاف بلا تفریق ایکشن ہوگا۔

    انہوں نے ڈسٹرکٹ سیالکوٹ میں کی جانے والی کاروائیوں کے متعلق شرکاء کو آگاہی دی، صدر عقیل کپور، تاجر راہنما ایسوسی ایشن محمد سعید بھی موجود تھے۔

  • ڈسکہ :ڈاکو نئی نویلی دلہن ،دیگرخواتین سے14 تولے زیورات،نقدی ،قیمتی موبائل فون لوٹ کرفرار

    ڈسکہ :ڈاکو نئی نویلی دلہن ،دیگرخواتین سے14 تولے زیورات،نقدی ،قیمتی موبائل فون لوٹ کرفرار

    ڈسکہ،باغی ٹی وی (نامہ نگارعمران ملک)ڈسکہ میں شہری کے گھر میں دن دیہاڑے ڈکیتی کی واردات میں ڈاکو نئی نویلی دلہن اور گھر میں موجود دیگر خواتین سے 14 تولے زیورات، نقدی اور قیمتی موبائل فونز لوٹ کر فرار ہو گئے، ڈاکوؤں نے آدھا گھنٹہ تک فیملی کو یرغمال بنائے رکھا۔

    ڈسکہ کے محلہ مشن کمپاونڈ کے رہائشی سید صہیب حیدر کا 13 سالہ بھانجا گھر کے باہر کھیل رہا تھا کہ اسی دوران دن دیہاڑے دو موٹر سائیکلوں پر سوار 4 ڈاکو گن پوائنٹ پر اسے گھر کے اندر لے آئے اور تمام افراد کو یرغمال بنا لیا، اس دوران صہیب کی والدہ اور بہن سے ہاتھوں میں پہنی سونے کی چوڑیاں اور سیٹ اتروائے

    ان کے علاوہ اوپری منزل پر جا کر صہیب اور اس کی نئی نویلی دلہن فرخندہ کو بھی اسلحہ کے زور پر یرغمال بناتے ہوئے تین سونے کے سیٹ، چوڑیاں، بالیاں، کنگن، 2 لاکھ روپے نقدی اور آئی فونز لوٹتے ہوئے ان کو بھی نیچے لا کر ایک کمرے میں بند کر دیا اور دھمکیاں دیتے ہوئے فرار ہو گئے،

    ڈاکو آدھا گھنٹے تک گھر میں لوٹ مار کرتے رہے، گھر کے باہر لگے ہوئے سی سی ٹی وی کیمروں میں ڈاکوؤں کو دیکھا جا سکتا ہے، تھانہ سٹی ڈسکہ پولیس نے موقع پر پہنچ کر تفتیش کا آغاز کر دیا ہے

  • پریس کلب ڈسکہ رجسٹرڈ ہونے کی خوشی، پروفیشنل صحافیوں کے اعزاز میں اعشائیہ دیا گیا

    پریس کلب ڈسکہ رجسٹرڈ ہونے کی خوشی، پروفیشنل صحافیوں کے اعزاز میں اعشائیہ دیا گیا

    ڈسکہ، باغی ٹی وی( نامہ نگار عمران ملک سے)پریس کلب ڈسکہ رجسٹرڈ ہونے کی خوشی میں پروفیشنل صحافیوں کے اعزاز میں افضل منشاء نے اعشائیہ دیا جس میں صحافیوں کو مبارکباد دی گئی

    پریس کلب ڈسکہ کے چئیرمین شہباز علی محسن کی قیادت میں اجلاس میں عوامی بلڈ بینک کے سر پرست ندیم غلام گل نے پریس کلب رجسٹرڈ ہونے کی خوشی میں صحافیوں کو ٹوور کے لیے 1 لاکھ روپے ،افضل منشاء نے ایک لاکھ اور 50 ہزار بشیر احمد ناز نے دیے جو جلد صحافیوں کے ٹوور پر خرچ ہوں گے

    اس موقع پر صحافیوں میں پریس کلب ڈسکہ کی رجسٹریشن کا نوٹیفکیشن دیکھ کر خوشی دیدنی تھی، چیئرمین پریس کلب شہباز علی محسن نے اعلان کرتے ہوئے کہا کہ جو صحافی ہیں ان کے لیے ممبر شپ اوپن کر دی گئی ہے،

    صحافیوں کی فلاح و بہبود کے لیے پریس کلب ڈسکہ اب ایسے اقدامات کرے گا جس سے عوام کے ساتھ ساتھ انتظامیہ کو بھی پتہ ہوگا کے ڈسکہ کہ یہ صحافی پروفیشنل ہیں، آخر میں رانا شبیر کی صحتیابی اور ملک پاکستان کی ترقی کے لیے خصوصی دعا کی گئی.

  • ننکانہ: مرکزی مسلم لیگ کے زیر اہتمام یوم تکبیر ملی جوش و جذبے کے ساتھ منایا گیا

    ننکانہ: مرکزی مسلم لیگ کے زیر اہتمام یوم تکبیر ملی جوش و جذبے کے ساتھ منایا گیا

    ننکانہ صاحب، باغی ٹی وی (نامہ نگار احسان اللہ ایاز) مرکزی مسلم لیگ کے زیر اہتمام یوم تکبیر ملی جوش و جذبے کے ساتھ منایا گیا

    پاکستان مرکزی مسلم لیگ ضلع ننکانہ صاحب کے زیر اہتمام ضلع بھر میں یوم تکبیر ملی جوش وجذبہ کے ساتھ منایا گیا اور یوم تکبیر کے حوالے سے ریلیاں نکالی گئیں

    یوم تکبیر کی مرکزی ریلی چوک ریلوے اسٹیشن سے شروع ہو کر بیری والا چوک میں اختتام پزیر ہوئی ریلی میں تاجر برادری ، سول سوسائٹی ، میڈیا نمائندگان سمیت شہریوں کی کثیر تعداد نے شرکت کی ریلی کے شرکاء نے مختلف پلے کارڈ اور بینرز اورپرچم اٹھا رکھے تھے جن پر یوم تکبیر کی مناسبت ارض وطن پاکستان اور افواج پاکستان اور ملکی دفاع کو ناقابل تسخیر بنانے والے ایٹمی سائینسدانوں سے اظہار یکجہتی کے نعرے درج تھے

    ریلی کے شرکاء سے خطاب کرتے ہوۓ ضلعی جنرل سیکرٹری پاکستان مرکزی مسلم لیگ ثاقب مجید نے کہا کہ میں آج یوم تکبیر کے موقع پورے پاکستان کو پاکستان مرکزی مسلم لیگ کی طرف سے پیغام دینا چاہتا ہوں کہ اس وقت پوری قوم مایوسی کا شکار ہے اور خصوصِِا نوجوان مایوسی کا شکار ہیں اور پاکستان مرکزی مسلم لیگ پوری قوم کو ان مایوسیوں سے نکالے گی,

    پاکستان کو اللہ تعالی نے بہت سارے وسائل سے مالامال کیا ہے آج سے 26 سال قبل جب پوری قوم مایوس تھی تو پاکستان نے ایٹمی دھماکے کیے تو عوام میں امید کی لہر ڈور گئی ،

    آج پاکستان مرکزی مسلم لیگ یوم تکبیر کے موقع پر حکومتوں اور سیاسی جماعتوں کو دعوت دیتی ہے کہ آئیں اور مل کرپاکستان کی ترقی میں اپنا کردار ادا کریں,ہمیں چاہیے کہ پاکستان کو مضبوط کرنے کی بات کریں ناکہ توڑنے کی ،آج یوم تکبیر کے موقع پر یہی پیغام ہے ,

    مقررین نے مزید کہا کہ یوم تکبیر ملکی دفاع کو ناقابل تسخیر بنانے کے لیے اتحاد کی یاد دلاتا ہے ، آج کے دن پاکستان نے اسلامی دنیا کی واحد ایٹمی قوت بننے کا اعزاز حاصل کیا,پاکستان کا دفاع مضبوط ہاتھوں میں ہے، ملکی دفاع کی مضبوطی کے لیے قوم اپنے اداروں کے شانہ بشانہ کھڑی ہے، ملک پاکستان اپنی سرحدوں کی حفاظت اور سالمیت برقرار رکھنے کی بھرپور صلاحیت رکھتا ہے

  • سیالکوٹ :ہیڈ مرالہ علاقہ درگاہ پور امن و امان کیلئے خطرہ پیدا کرنیوالے دو گروپ گرفتار،بھاری اسلحہ برآمد

    سیالکوٹ :ہیڈ مرالہ علاقہ درگاہ پور امن و امان کیلئے خطرہ پیدا کرنیوالے دو گروپ گرفتار،بھاری اسلحہ برآمد

    سیالکوٹ ،باغی ٹی وی (بیوروچیف شاہدریاض کی رپورٹ)پولیس کی بروقت کارروائی،ہیڈ مرالہ علاقہ درگاہ پور میں امن و امان کو سبوتاژ کرنے کی کوشش 2 متحرک گروپوں کے ملزمان گرفتار،بھاری مقدار میں آتشیں اسلحہ برآمد۔

    تفصیلات کے مطابق ڈی پی او سیالکوٹ محمد حسن اقبال کی ہدایت پر سیالکوٹ پولیس نے جرائم پیشہ عناصر کے خلاف کریک ڈاؤن جاری کر رکھا ہے اس سلسلہ میں SHO تھانہ ہیڈ مرالہ سب انسپکٹر کاشف علی کو اطلاع ملی کہ موضع درگاہ پور میں دو متحرک گروپوں میں فائرنگ ہو رہی ہے جس پر SHO معہ نفری تھانہ ہیڈ مرالہ نے فوری رسپانس کرتے ہوئے دونوں گروپس کے 6 ملزمان جو اپنا اپنا اسلحہ قبرستان درگاہ پور جھاڑیوں اور لکڑیوں میں چھپا کر فرار ہونے کی کوشش کر رہے تھے کو پیشہ ورانہ مہارت اور ٹیم ورک سے گرفتار کر لیا۔

    ساگر ولد محمد الیاس سکنہ بسنت پور،عادل عرف علی ولد اصغر علی سکنہ کپور والی،علی حمزہ ولد محمد افضل سکنہ اجو والی ،محبت علی ولد محمد یونس سکتہ بسنت پور ،محمد خلیل ولد محم مجید سکنہ اجو والی،عدیل عرف عادل ولد مقصود سکنہ درگاہ ملزمان کوگرفتار کرلیا ہے ،ملزمان کے قبضہ سے 1عدد رائفل کلاشنکوف، 1عدد گن رپیٹر، پسٹل 30 بور 5عدد معہ درجنوں گولیاں و کارتوس اور ایک عدد کار کرولا برآمد ہوئی ہے۔

    ڈی پی او سیالکوٹ محمد حسن اقبال نے ایس ایچ او تھانہ ہیڈ مرالہ کو بروقت کارروائی کرنے پر شاباش دی اور پولیس ٹیم میں شامل افسران و جوانون کو ملزمان کو گرفتار کرنے پر تعریفی سرٹیفیکیٹ اور نقد انعام سے نوازا ہے

  • ننکانہ :محکمہ صحت میں کرپشن کا انوکھا کھیل، کروڑوں روپے کے بلوں کی ادائیگی روک دی گئی

    ننکانہ :محکمہ صحت میں کرپشن کا انوکھا کھیل، کروڑوں روپے کے بلوں کی ادائیگی روک دی گئی

    ننکانہ صاحب ،باغی ٹی وی( نامہ نگار احسان اللہ ایاز)محکمہ صحت میں کرپشن کا انوکھا کھیل، کروڑوں روپے کے بلوں کی ادائیگی روک دی گئی
    قائم مقام سی ای او ہیلتھ اور ڈپٹی ڈائریکٹر بجٹ کا کمیشن کی خاطر گٹھ جوڑ ایک کروڑ سے زائد مالیت کے بلوں کی ادائیگی روک دی گئی,ایک کروڑ روپے مالیت کے بل سابقہ سی ای او ہیلتھ ننکانہ اور سابقہ ڈپٹی ڈائریکٹر بجٹ اینڈ اکاؤنٹنٹ نے بل پاس کر کے ڈسٹرکٹ اکاؤنٹس آفس بھجواۓ تھے, ڈپٹی کمشنر ننکانہ صاحب سے اختیارات کی جنگ أور مبینہ غفلت اور لاپرواہی کا نوٹس لینے کا مطالبہ

    تفصیلات کے مطابق محکمہ ہیلتھ ننکانہ صاحب کے معتبر ذرائع نے بتایا کہ اختیارات کی حاصل کرنے کی جنگ اتنی شدت اختیار کر چکی ہے کہ اس وقت محکمہ صحت قائم مقام سی ای او ہیلتھ عمران شاہ کے آنے کے بعد دو حصوں میں تقسیم ہو گیا ہے اور تمام ملازمین سابقہ افسران کے بارے میں بات کرنے سے بھی دور بھاگتے ہیں کہ کہیں ان کا ٹرانسفر نہ ہو جاۓ ,,

    ذراٸع نے انکشاف کرتے ہوۓ بتایا کہ گزشتہ ماہ سابق سی ای او ہیلتھ ڈاکٹر اظہر امین اور ڈپٹی ڈائریکٹر بجٹ اینڈ اکاؤنٹ تنویر السلام نے تقریبا ایک کروڑ روپے مالیت کے بل جن میں یوٹیلٹی بل, رورل ہیلتھ سنٹرز کے بل ,ڈسٹرکٹ ہیڈ کوارٹرز ہسپتال کے ایل پی کے بل سمیت دیگر بلز شامل تھے جن میں نئے تعینات ہونے والے ڈپٹی ڈائریکٹربجٹ اینڈ اکاؤنٹ ذوالفقار علی خان نے قائم مقام سی ای او ہیلتھ ڈاکٹر عمران شاہ کو ایک کروڑ مالیت کے بلوں کے بارے میں آگاہ کیا اور ان کے ذاتی فائدے اور نقصان کے بارے میں تفصیلی بریف کیا

    جس کے بعد فوری طور پر ایک لیٹر نمبری5532 ڈسٹرکٹ ہیلتھ آفیسر ننکانہ صاحب کے اکاؤنٹ 6سیکس میں لہذا سابقہ بل پاس نہ کیۓ جائیں جب تک نئی ہدایت ڈسٹرکٹ ہیلتھ اتھارٹی کی طرف سے جاری نہ ہو جاۓ

    ذرائع نے بتایا کہ جس کے بعد تمام بلوں کی ادائیگی روک دی گئی اور چیک جو بننے کے قریب تھے نہ بن سکے,جس کے باعث لوگوں اور ملازمین کو شدید مشکلات کا سامنا کرنا پڑا ,ذرائع کا کہنا ہے کہ ڈپٹی کمشنر چوہدری محمد ارشد کو چاہیے کہ فوری طور پر اس تمام امور کی انکوائری کروائیں اور غفلت کے مرتکب افراد کے خلاف محکمانہ کارروائی عمل میں لائی جاۓ.