Author: ڈاکٹرغلام مصطفی بڈانی

سیالکوٹ،باغی ٹی وی( بیوروچیف شاہد ریاض سے)ملک بھر کی طرح سیالکوٹ میں بھی دیا ویلفئیر آرگنائزیشن کی جانب سے ہیموفیلیا کا عالمی دن منایا گیا.

تقریب میں سیالکوٹ کی بزنس کمیونٹی کے چمکتے ستاروں عمیر میر، آصف خواجہ، ڈاکٹر سلمان ادریس بٹ اور رضوان بٹ نے بطور مہمانِ خصوصی شرکت کی.

مختلف سکولوں کے طلباء و طالبات نے استقبالیہ گانے اور دیگر پرفارمنس کر کے حاضرین سے داد وصول کی.

دیا ویلفئیر کے ڈائریکٹر محمد عامر نے اس ادارے کےاغراض و مقاصد پر روشنی ڈالی اس کے بعد دیا ویلفئیر اور ووکیشنل ٹریننگ انسٹی ٹیوٹ کی طالبات نے الگ الگ ہیموفیلیا پرشاندار ٹیبلو پیش کیا جس نے ہال میں موجود افراد کی آنکھوں کو اشکبار کر دیا.

ہیموفیلیا کی تاریخ، تشخیص و علاج پر مبنی مفصل ڈاکو مینٹری حاضرین کی توجہ کا خاص مرکز بنی رہی.

مہمان خصوصی عمیر میر، آصف خواجہ اور ڈاکٹر سلمان نے اپنے خطاب میں ہیموفیلیا کے مریضوں کے علاج کے لئے مالی امداد پر زور دیا.

پروگرام کے اختتام پر تقریب میں شریک مہمانانِ خصوصی، سکول پرنسپلز، شاعروں، صحافیوں، سیاسی و سماجی شعبوں میں خدمت کرنے والی شخصیات کی خدمات کا اعتراف کرتے ہوئے ان کو شیلڈز پیش کی گئیں.

سیالکوٹ ،باغی ٹی وی ( بیوروچیف شاہد ریاض سے)سیالکوٹ میں لیدر پروڈکٹ ڈیویلپمنٹ انسٹی ٹیوٹ نے خواتین کے عالمی دن کی مناسبت سے ایک پروقار تقریب کا انعقاد کیا گیا۔

مہمان خصوصی رائل نارویجن ایمبیسی کی سیکنڈ سکریٹری ڈویلپمنٹ مس انجا میرٹویٹ اور اسی سفارت خانے کی پروگرام ایڈوائزر مس منزہ آزاد نے تقریب سے خطاب کرتے ہوئے کہا کہ صنفی مساوات اور خواتین کو بااختیار بنانے کے اقدامات کو فروغ دینا ہوگا۔

پاکستان میں یو این ویمن کی کنٹری ریپریزنٹیٹو مسٹر لنسانہ ووننہ اور یو این ویمن میں خواتین کو اقتصادی بااختیار بنانے کے لیے پورٹ فولیو مینیجر فریحہ عمر ملک میں خواتین کے حقوق اور مواقع کو آگے بڑھانے کے لیے انتھک محنت کر رہی ہیں۔

زرین آصف زبیری، پروگرام آفیسر یو این ویمن اسلام آباد، بیداری سیالکوٹ کے ایگزیکٹیو ڈائریکٹر ارشد محمود مرزا اور بیداری سیالکوٹ کی نائب صدر محترمہ حنا نورین نے نچلی سطح پر خواتین کو معاشی طور پر بااختیار بنانے اور سماجی شمولیت کو فروغ دینے بارے اپنے خیالات کا اظہار کیا۔

پاکستان گلوز مینوفیکچررز اینڈ ایکسپورٹرز ایسوسی ایشن کے سابق چیئرمین جناب ملک نصیر احمد کے ساتھ دیگر معزز مہمانوں کی موجودگی بھی دیکھی گئی جن میں یو این ویمن اسلام آباد کی کمیونیکیشن اسسٹنٹ محترمہ فاطمہ قریشی اور شہزاد اشرف شامل تھے۔ پراجیکٹ کوآرڈینیٹر یو این ویمن کے صوبائی دفتر لاہور

اس پورے پروگرام میں بات چیت صنفی مساوات کی اہمیت، خواتین کو بااختیار بنانے اور ان چیلنجوں پر قابو پانے کے لیے اجتماعی کارروائی کی ضرورت پر مرکوز رہی جو اب بھی زندگی کے مختلف شعبوں میں خواتین کی ترقی میں رکاوٹ ہیں۔ مقررین نے صنفی مساوات کے حصول اور زیادہ مساوی معاشرے کو فروغ دینے میں تعلیم، معاشی مواقع اور جامع پالیسیوں کے اہم کردار پر زور دیا۔

جیسا کہ دنیا خواتین کا عالمی دن مناتی ہے، اس طرح کے واقعات صنفی مساوات کے لیے جاری جدوجہد اور ایک ایسا مستقبل بنانے کے لیے درکار اجتماعی کوششوں کی یاد دہانی کے طور پر کام کرتے ہیں جہاں ہر عورت اور لڑکی اپنی پوری صلاحیتوں کا ادراک کر سکیں۔

شرکاء نے اس تقریب کو حوصلہ افزائی اور زیادہ جامع اور صنفی انصاف کی دنیا کی طرف اپنا کام جاری رکھیں۔

سیالکوٹ،باغی ٹی وی( بیوروچیف شاہد ریاض سے )عالم اسلام بیدار نہ ہواتو جوظلم فلسطینیوں کیساتھ ہورہا ہے،اس کاسامنا کرنے کیلئے تیاررہیں،عجائب علی شاہ

ہیومین ویلفیئر آرگنائزیشن پاکستان کے زیر اہتمام فسلطینی مسلمانوں سے اظہارے یکجہتی کیلئے پاکستان زند باد ریلی نکالی گئی، ریلی میں سٹی صدر سید عجائب علی شاہ،مرکزی نائب صد ر علی رضاء شاہ،نائب صدر خلیل بٹ،جوائینٹ سیکرٹری میاں قاسم،سٹی نائب صدر محسن علی کے علاوہ دیگرعہدیدران وکارکنان کی بہت بڑی تعداد شریک ہوئی

ریلی کے شرکاء سے چیئر مینHWO شہزاد اکبر بٹ ایڈووکیٹ نے خطاب کرتے ہوئے کہا کہ اسرائیل نہتے فلسطینی مسلمانوں پر میزائیل،بم گر اکر ہزاروں بے گناہ شہید کرچکاہے ،ظلم کا سلسلہ رک ہی نہیں رہا ،معصوم بچے بھوک کی وجہ سے مر رہے ہیں، سینکڑوں مساجد شہید کردی گئی ہیں امریکہ اس گناہ میں برابر کا شریک ہے

ا سلامی ممالک کی فلسطینی مسلمانوں کے حق میں آواز نہ اٹھانے کی وجہ سے اسرائیل بے خو ف فلسطینی مسلمانوں کو لاوارث سمجھتے ہوئے ان کی نسل کشی کررہا ہے، دنیا کی تمام ہیومین رائٹس کی آرگنائزیشن اسرائیل کی دہشت گردی پر آنکھیں بند کیئے ہوئے ہیں

مسلمان ممالک کی بے حسی کی وجہ سے باطل قوتیں اسرائیل،برما،کشمیر میں مسلمانوں کا قتل عام کررہی ہیں HWO کے نوجوانوں اور تاجدار ختم نبوتﷺ کے غلاموں نے ایک عظیم الشان ورکنگ ڈے میں ریلی کا انعقاد کرکے ثابت کردیا کہ آقا ﷺ کے غلام بیدار ہیں اور وہ اپنے فلسطینی بہن بھائیوں کے ساتھ ہیں

انہوں نے کہا کہ جب تک عوام بیدار نہیں ہو نگیں ملک میں عملی طور پر انقلاب نہیں آسکتا ،پاکستان اسلام کا قلعہ ہے اور اس قلعہ کے مخافظوں پاک فوج کیخلاف پروپیگنڈا کرنے والے دشمن کے آلہ ہیں

ان کے ساتھ حکومت دہشت گردوں جیسا سلوک کرے، الحمد اللہ ہم نے فسلطینی مسلمانوں سے اظہارے یکجہتی اور دنیا کے سب سے بڑے دہشت گرد کیخلاف ریلی نکال کر آپ ﷺ کا امتی ہونے کا حق اداء کرنے کی کوشش کی ہے