Baaghi TV

Author: ڈاکٹرغلام مصطفی بڈانی

  • سرا روغہ وزیرستان ،سراروغہ کے اندھے قتل کا ڈراپ سین، ملزمان گرفتار

    سرا روغہ وزیرستان ،سراروغہ کے اندھے قتل کا ڈراپ سین، ملزمان گرفتار

    لنڈی کوتل(باغی ٹی وی رپورٹ )سرا روغہ وزیرستان ،سراروغہ کے اندھے قتل کا ڈراپ سین، ملزمان گرفتار
    ضم شدہ قبائلی اضلاع کے ضلع جنوبی وزیرستان اپر پولیس کی کامیاب کارروائی گزشتہ دنوں تھانہ تیارزہ کے حدود میں قتل کئے جانے والے موٹر کار ڈرائیور فتح شیر ولد شیرخان سکنہ سراروغہ کے اندھے قتل کا ڈراپ سین ملزمان گرفتار

    وزیرستان ٹائمز رپورٹ کے مطابق گرفتار ملزمان عدنان خان ولد گل ولی اور رحیم شاہ ولد گل زادہ سکنان تحصیل سراروغہ سے آلہ قتل اور مقتول کی گاڑی برآمد ملزمان کا دوران تقتیش اعتراف جرم

    12 فروری ایس ایچ او تیارزہ تیمور خان کو اطلاع ملی کہ کونڈ سیرائی کے مقام پر ایک نامعلوم نوجوان کی قتل شدہ/ مسخ شدہ نعش روڈ پر پڑی ہے جو کسی نامعلوم ملزم/ملزمان نے اسلحہ آتش سے فائر کرکے قتل کرنے کے بعد نعش جلا دی گئی ہے ،نعش کو تحویل میں لیکر معلوم کرنے پر مقتول کی شناخت فتح شیر ولد شیر خان قوم محسود سکنہ سراروغہ جوکہ موٹر کار ڈرائیور سے ہوئی

    واقعہ پر ڈسٹرکٹ پولیس آفیسر جنوبی وزیرستان اپر ملک حبیب خان نے فورا نوٹس لیتے ہوئے ڈی ایس پی سرکل ہدایت اللہ خان ایس ایچ او تیارزہ تیمور خان اور ایس ایچ او سراروغہ نیاز محمد خان کو ملزم/ ملزمان کو ٹریس اور گرفتار کرنے کا ٹاسک سونپا.

    ڈی پی او کے سربراہی اور ڈی ایس پی سرکل ہدایت اللہ خان کے قیادت میں ایس ایچ او تیارزہ تیمور خان ایس ایچ او سراروغہ نیاز محمد خان نے تحقیقات کا آغاز کیا جدید سائنسی آلات اور مختلف ذرائع کے استعمال اور انتہائی محنت کے بدولت اور اپنی پیشہ ورانہ صلاحیتوں کو بروے کار لاتے ہوے 24گھنٹوں کے اندر مقتول کے ہی گاوں کے رہائشی ملزمان عدنان خان ولد گل ولی ، رحیم شاہ ولد گل زادہ قوم محسود ساکنان تحصیل سراروغہ کو کامیاب چھاپہ زنی کے دوران گرفتار کرلیا، ملزمان سے آلہ قتل 9MM پسٹل اور چھنی گئی بیجوں موٹر بھی برآمد کرلی

    ملزمان نے اعتراف جرم کرتے ہوئے پولیس کو بتایا کہ مقتول فتح شیر انہی کے گاؤں کا رہائشی تھا گاڑی خریدنے کے بہانے اسکی بیجوں موٹر وانہ کیلئے سپیشل کی اور تھانہ تیارزہ کے حدود میں گولی مارکر قتل کیا اور نعش کی شناخت چھپانے کیلئے نعش کو آگ لگاکر جلادی جبکہ گاڑی بیچنے کیلئے ہم اپنے ساتھ لے گئے

    انتہائی کم وقت میں کیس کو ٹریس اور ملزمان کو گرفتار کرنے پر اہل علاقہ نے پولیس کو بھرپور سراہا جبکہ ڈی پی او کا شکریہ ادا کیا اور ڈی پی او سمیت ڈی ایس پی سرکل ہدایت اللہ ایس ایچ او سراروغہ نیاز محمد خان ایس ایچ او تیارزہ تیمور خان کو بہترین کارکردگی پر مبارکباد دی

  • سیالکوٹ :مبینہ ساتھیوں کی فائرنگ سے 2 ڈکیت ہلاک

    سیالکوٹ :مبینہ ساتھیوں کی فائرنگ سے 2 ڈکیت ہلاک

    سیالکوٹ، باغی ٹی وی( شاہد ریاض کی رپورٹ )مبینہ ساتھیوں کی فائرنگ سے 2 ڈکیت ہلاک ،پولیس کا مؤقف
    تفصیل کےمطابق سیالکوٹ میں13 اور 14 فروری کی درمیانی شب ایس ایچ او کوتوالی انسپکٹر شہباز احمد نے ریلوے روڈ پر ڈکیتی کی واردات کے بعد فرار ہونے والے ملزمان کی تلاش میں سرگرداں تھے

    اس دوران دو موٹرسائیکل ہنڈا 125 پر سوار چار مشکوک افراد کو روکا گیا تو انہوں نے پولیس پارٹی پر فائرنگ کر دی اور اوور ہیڈبرج کی جانب فرار ہوئے پولیس ٹیم نے ملزمان کا تعاقب کرتے ہوئے واقعہ کی اطلاع فوری طور پر کنٹرول روم کو کی گئی جو ملزمان لال پورہ پل ایک کے قریب جا کر پولیس پارٹی پر فائرنگ کرتے رہے

    پولیس کی جانب سے حفاظت خود اختیاری کے تحت اکا دکا ہوائی فائرنگ کئے گئے جو ملزمان مسلسل فائرنگ کرتے رہے فائرنگ رکنے پر وہاں سے ایک ملزم کی لاش ملی جو اپنے ساتھیوں کی گولی لگنے سے ہلاک ہو چکا تھا ہلاک ملزم کی شناخت شعیب خان ولد معظم خان سکنہ مکان نمبر 888/22 محلہ موری گیٹ کے نام سے ہوئی ہے موقع پر سے ایک موٹرسائیکل ہنڈا 125، موبائل فون اور پسٹل 30 بور ملا ہے

    جبکہ اسکے ساتھی دیگر ملزمان دوسری موٹرسائیکل پر فرار ہو گئے جن کا تعاقب رنگپورہ پولیس کر رہی تھی کہ گھات لگائے تینوں ملزمان نے پولیس پارٹی پر دوبارہ فائرنگ کی تاہم انکی فائرنگ کی زد میں انکا اپنا ساتھی عامر ولد شمس الدین زخمی ہو گیا جسے چھوڑ کر دیگر ملزمان فرار ہو گئے مضروب کو ہسپتال منتقل کرنے کے لئے ریسکیو کو اطلاع دی جو مضروب شدید زخمی ہونے کی وجہ سے ہلاک ہو گیا

    عامر ولد شمس الدین نے گذشتہ روز تھانہ کوتوالی کے علاقہ میں ڈکیتی کی اور پولیس پارٹی پر فائرنگ کی جس سے ناصر نامی کانسٹیبل زخمی ہوا تھا
    دیگر مفرور دو ملزمان کی تلاش جاری ہے.

  • گھوٹکی:ری پولنگ،پی ایس 18 اوباڑو کےدوپولنگ اسٹیشن پر امیدواروں کے حامیوں کی فائرنگ

    گھوٹکی:ری پولنگ،پی ایس 18 اوباڑو کےدوپولنگ اسٹیشن پر امیدواروں کے حامیوں کی فائرنگ

    میرپورماتھیلو،باغی ٹی وی (نامہ نگارمشتاق علی لغاری) گھوٹکی میں ری پولنگ،پی ایس 18 اوباڑو کےدوپولنگ اسٹیشن پر امیدواروں کے حامیوں کی فائرنگ،پی ایس 18 اوباڑو کی پولنگ اسٹیشن نمبر 161 علی مراد کلہوڑو اور پولنگ سٹیشن نمبر 162 چاکر خان کولاچی پر ہوائی فائرنگ کا سلسلہ شروع کردیا گیا ہے

    آزاد امیدوار جام مہتاب حسین ڈھر اورپیپلزپارٹی کے امیدوار سردار شھریار شر کے حامیوں کے درمیان فائرنگ کا تبادلہ علاقے میں خوف و ہراس پھیل گیا ،

    پرزائیڈنگ آفیسرکے مطابق دونوں پولنگ اسٹیشنز پر ووٹنگ کاعمل ک روک دیا گیاہے ،صوبائی اسمبلی کی نشست پی ایس 18 پر آج صبح سویرے 8 بجے پولنگ کا عمل شروع ہو گیا تھا،

    دونوں پولنگ اسٹیشنز پر قریباً 3:00 بجے تک ووٹنگ کا ٹرن آؤٹ 1050+ 800 تک پہنچ چکا تھا،پولنگ اسٹیشنز پر پولیس اور رینجرز کے ساتھ پاک آرمی کے نوجوان ہائی الرٹ کرکے سیکورٹی سخت کردی گئی ہے .

  • سیالکوٹ:بزنس فیسلیٹیشن سنٹر پر معیاری خدمات کی فراہمی کو یقینی بنایا جائے گا .محمد ذوالقرنین

    سیالکوٹ:بزنس فیسلیٹیشن سنٹر پر معیاری خدمات کی فراہمی کو یقینی بنایا جائے گا .محمد ذوالقرنین

    سیالکوٹ،باغی ٹی وی (شاہدریاض کی رپورٹ)بزنس فیسلیٹیشن سنٹر پر معیاری خدمات کی فراہمی کو یقینی بنایا جائے گا ،بزنس فیسلیٹیشن سنٹر کے قیام کے پہلے ماہ میں 235 درخواستیں موصول،205 این او سی جاری،35 درخواستوں پر کارروائی جاری.محمد ذوالقرنین

    تفصیل کے مطابق ڈپٹی کمشنر محمد ذوالقرنین نے کہا ہے کہ سیالکوٹ بزنس فیسلیٹیشن سنٹر کے قیام کے پہلے ماہ کے دوران کاروباری افراد کی طرف سے مختلف محکموں سے این او سی کے لیے 235 درخواستیں موصول ہوئیں ، 205 درخواستوں پر این او سی جاری کئے جا چکے ہیں، باقی 35 درخواستوں پر کارروائی جاری ہے ،اوسطا سات سے دس روز میں این او سی جاری کیا جا رہا ہے ، ان خیالات کا اظہار انہوں نے بی ایف سی کے پہلے ماہانہ اجلاس سے خطاب کرتے ہوئے کیا، صدر چیمبر عبدالغفور ملک بھی موجود تھے۔

    ڈپٹی کمشنر محمد ذوالقرنین نے بہترین کارکردگی پر انچارج بزنس فیسلیٹیشن سنٹر مینیجر سید حیدر منیر، بزنس فیسلیٹیشن آفیسر شاہد منیر، انرجی ڈیپارٹمنٹ کے محمد نعمان ، سمال انڈسٹریز ڈیپارٹمنٹ کے زبیر مصطفیٰ کمال، انڈسٹریز ڈیپارٹمنٹ کے ظفر اقبال کوتعریفی اسناد سے نوازا۔

    ڈپٹی کمشنر محمد ذوالقرنین نے بتایا کہ 13 جنوری کو بزنس فیسلیٹیشن سنٹر کے قیام سے ابتک 260 کاروباری افراد نے سنٹر وزٹ کیا، 222 افراد نے 235 این او سی کے لیے درخواستیں دیں ان میں سے انرجی ڈیپارٹمنٹ نے 72، انڈسٹریز ڈیپارٹمنٹ نے 55 سمال انڈسٹریز ڈیپارٹمنٹ نے 8 جبکہ دیگر این او سی جنگلات ، وائلڈ لائف ، فشریز سمیت۔دیگر۔محکموں نے جاری کئے ہیں۔

    ڈپٹی کمشنر سیالکوٹ محمد ذوالقرنین نے کہا ہے کہ بزنس فیسلیٹیشن سنٹر پر معیاری خدمات کی فراہمی کو یقینی بنایا جائے گا اس ضمن میں بی ایف سی کی کارکردگی کو روزانہ کی بنیاد پر جائزہ مانیٹر کیا جائے گا، بہترین کارکردگی کے حامل افراد کی بھرپور حوصلہ افزائی کی جائے گی جبکہ غفلت اور کوتاہی برتنے پر محاسبہ کیا جائے گا ۔

  • گوجرہ :واپڈاملازم حادثہ کا شکار ہوکرجاں بحق

    گوجرہ :واپڈاملازم حادثہ کا شکار ہوکرجاں بحق

    گوجرہ، باغی ٹی وی ( نا مہ نگار عبدالرحمان جٹ)واپڈاملازم حادثہ کا شکار ہوکرجاں بحق
    تفصیل کے مطابق محمد ناصر جوواپڈا میں ملازم تھا آدھا پل سے ڈیوٹی سے فارغ ہو کر اپنی موٹر سائیکل پر سوار ہو کر واپس گھر 430 کو جا رہا تھا کہ 422 ج ب کے قریب موٹر سائیکل کو جمپ لگنےسے موٹر سائیکل بےقابو ہو کرخشک نہر میں جاگرا

    نہرمیں گرنے کی وجہ سے سر میں چوٹ لگی جسے ریسکیو 1122 نے طبی امداد فراہم کی، مگر وہ جانبرنہ ہوسکا اور موقع پر ہی فوت ہو گیا ،مقامی پولیس ضروری کارروائی کے بعد میت ورثاکءے حوالے کر دی.

  • گوجرہ :میونسپل کمیٹی کے سینئر کلرک کی ریٹائرمنٹ پر ایک پر وقار تقریب کا انعقاد کیا گیا

    گوجرہ :میونسپل کمیٹی کے سینئر کلرک کی ریٹائرمنٹ پر ایک پر وقار تقریب کا انعقاد کیا گیا

    گوجرہ ، باغی ٹی وی(نامہ نگار عبدالرحمن جٹ سے )میونسپل کمیٹی گوجرہ میں محمد اکرام ہیرا سینئر کلرک کی ریٹائرمنٹ پر ایک پر وقار تقریب کا اہتمام کیا گیا۔تقریب میں سابقہ چیف آفیسر زاہد فرید تارڈ، توصیف الرحمان میونسپل آفیسر ریگولیشن آفیسران سٹاف میونسپل کمیٹی اور معززین علاقہ نے بھر پور شرکت کی

    تقریب سے خطاب کرتے ہوئے چیف آفیسر اشتیاق احمد گوندل نے کہا کہ ریٹائرڈ ملازم محمد اکرام ہیرا محکمہ کے لیے باعث عزت ہے،نوکری سے ریٹائرمنٹ نوکری کا حصہ ہے،مگر ہمارے دروازے ان کے لیے ہمیشہ کھلے رہیں گے۔

    انہوں نے کہا کہ باعزت ریٹائرمنٹ ہر ملازم کا خواب ہےاور وہ لوگ خوش نصیب ہوتے ہیں جنہیں پورے اعزاز کے ساتھ محکمہ سے رخصت کیا جاتا ہے،توصیف الرحمان میونسپل آفیسر ریگولیشن نے کہا کہ فرض شناس محنتی اور ایماندار ملازم ہمارا اثاثہ ہیں۔

    انہوں نے اہلکار کی گراں قدر خدمات کو سراہا اور نیک تمناوں کا اظہار کیا۔ادارہ ہمیشہ محمد اکرام ہیرا کی خدمات کو یاد رکھے گا۔اور میونسپل کمیٹی سے آپ کا رشتہ ہمیشہ کے لیے قائم رہے گا،

    میونسپل کمیٹی کے چیف آفیسر اشتیاق احمد گوندل،توصیف الرحمان میونسپل آفیسر ریگولیشن اور سابقہ چیف آفیسر زاہد فرید تارڈ نے اہلکار کو تحفے پیش کیے اور تمام سٹاف اور معززین علاقہ کے لیے ریفریشمنٹ کا خصوصی اہتمام کیا گیا،

    آخر میں محمد اکرام ہیرا کو سرکاری گاڑی میں سرکاری پروٹوکول کے ساتھ پھولوں کے ساتھ رخصت کیا گیا

  • ڈیرہ غازی خان :پنجاب فوڈ اتھارٹی کی اشیائے خوردنی میں ملاوٹ کرنے والوں کیخلاف کارروائیاں

    ڈیرہ غازی خان :پنجاب فوڈ اتھارٹی کی اشیائے خوردنی میں ملاوٹ کرنے والوں کیخلاف کارروائیاں

    ڈیرہ غازی خان، باغی ٹی وی( نیوز رپورٹر شاہد خان)پنجاب فوڈ اتھارٹی کی اشیائے خوردنی میں ملاوٹ کرنے والوں کیخلاف کارروائیاں
    ڈائریکٹر جنرل پنجاب فوڈ اتھارٹی کی خصوصی ہدایت پر ملاوٹی خوراک بیچنے والوں کیخلاف مسلسل کارروائیاں جاری ہیں۔

    تفصیلات کے مطابق فوڈ سیفٹی ٹیم نے تونسہ بائی پاس ڈی جی خان میں سکول کنٹین کو آئل تبدیلی ریکارڈ نہ ہونے،پروڈکشن ایریا میں گندگی پائے جانے پر بھاری جرمانہ عائد کردیا گیا۔

    اسی طرح 5 مرلہ سکیم،ریلوے روڈ کوٹ ادو مظفرگڑھ میں 2 ملک شاپس کو پانی ملا دودھ فروخت کرنے،ورکرز کے میڈیکلز سرٹیفکیٹس نہ ہونے پر 21 ہزارروپے کے جرمانے عائد کر دیے گئے۔

    اس کے علاوہ صدر بازار پرانا پوسٹ آفس کوٹ مٹھن میں کریانہ سٹور کو ناقابلِ سراغ مصالحے فروخت کرنے جبکہ دبئی کالونی عاقل پور روڈ پر واقع گرائنڈگ یونٹ کو تیار اشیاء پر لیبلنگ نہ کرنے پر یکساں 10 ہزارروپے کے جرمانے عائد کیے گئے۔

    اس موقع پر ڈی جی پنجاب فوڈ اتھارٹی محمد عاصم جاوید کا کہنا تھا کہ پنجاب بھر میں کارروائیاں جاری ہیں۔

  • اوچ شریف:بیشتر ویٹرنری ہسپتال غیرفعال،مویشی پال حضرات مشکلات کا شکار

    اوچ شریف:بیشتر ویٹرنری ہسپتال غیرفعال،مویشی پال حضرات مشکلات کا شکار

    اوچ شریف،باغی ٹی وی(نامہ نگارحبیب خان) ضلعی محکمہ لائیو اسٹاک حکام کی عدم توجہی‘اوچ شریف کے بیشتر ویٹرنری ہسپتالوں میں سہولیات کا فقدان ، نواحی علاقے حیدر پور اور چناب رسول پور سمیت دیگر علاقوں میں ہسپتالوں کی عمارتیں خستہ حالی کا شکار، ضروری ادویات کی عدم دستیابی ، مویشی پال حضرات کیلئے شدید مشکلات ، ویٹرنری ہسپتال و ڈسپنسریوں میں ادویات و عملے اور تشخیصی سہولیات ناپید، ارباب اختیار سے نوٹس کا مطالبہ

    تفصیل کے مطابق محکمہ لائیوسٹاک کے افسران کی عدم توجہی کے باعث اوچشریف کے مختلف نواحی علاقوں میں بنائے گئے جانوروں کے شفاءخانے غیر فعال ہو گئے ہیں شفاخانوں کی عمارتیں بھوت بنگلوں کا منظر پیش کر رہی ہیں

    ذرائع کے مطابق اوچ شریف شہر اور گردو نواح کے علاقوں میں روزانہ 6 سو سے زائد جانور مختلف بیماریوں میں مبتلا ہوتے ہیں جن کے علاج معالجہ کے لیے اوچ شریف شہر وگردونواح کے علاقوں میں مختلف مقامات پر قائم جانوروں کے علاج معالجے کیلئے سول ویٹرنری ہسپتال قائم کیے گئے ہیں جہاں شہری بھینسوں، گائے، گھوڑوں، گدھوں، مرغیوں، کتوں، اونٹوں، بکروں و دیگر جانوروں کو علاج کے لئے لے کر آتے ہیں تاہم سول ڈسپنسریوں کی عمارتیں جگہ جگہ سے ٹوٹ پھوٹ کا شکار ہیں

    بیمار جانوروں کے لئے تعمیر کیے گئے شیڈز بھی ٹوٹ پھوٹ کا شکار ہیں پیٹ کے درد میں مبتلا جانوروں کے لئے مخصوص کیا گیا کولک شیڈ جو کہ چھتری نما ہے اس چھت سے لوہا غائب ہو چکا ہے

    ہسپتال میں بیمار جانوروں کے چیک اپ کے لئے بنایا گیا کیمپ بھی غیر فعال ہو چکا ہے جس کے باعث مویشی پال افراد کو اپنے جانور چیک کروانے میں مشکلات کا سامنا کرنا پڑتا ہے

    ہسپتالوں میں آنے والے جانوروں کے لئے ویکسین کی کمی کا عذر بھی اکثر پیش کیا جاتا ہے مویشی پال افراد نے ارباب اختیار سے معاملے کا فوری نوٹس لیتے ہوئے اصلاح احوال کا مطالبہ کیا ہے

  • خانپورمہر:دیہاتی سے ڈاکوؤں کی لوٹ مار, مزاحمت پر زخمی، بدامنی کے خلاف احتجاج

    خانپورمہر:دیہاتی سے ڈاکوؤں کی لوٹ مار, مزاحمت پر زخمی، بدامنی کے خلاف احتجاج

    میرپور ماتھیلو،باغی ٹی وی (نامہ نگار مشتاق علی لغاری)خانپورمہر میں دیہاتی سے ڈاکوؤں کی لوٹ مار, مزاحمت پر زخمی، بدامنی کے خلاف احتجاج

    خانپورمہر کے قریب گاؤں سعید آباد اور سومر موری روڈ ک پر مسلح افراد کی جانب سے دیہاتی حاجی ملک سے موٹر سائیکل اور دو لاکھ روپے نقدی لوٹ کر فرار ہوگئے،مسلح افراد نے مزاحمت کرنے پر محنت کش کو گولی مار کر زخمی کر دیا۔

    زخمی دیہاتی کو اس کے ورثاء نے خانپورمہر کے سرکاری ہسپتال میں علاج کیلئے داخل کردیا ہے .

    گاؤں والوں نے بدامنی اور واقعہ کے خلاف خانپور مہر تحصیل ہسپتال کے باہر احتجاجی مظاہرہ کیا،مظاہرین کی قیادت بشیر احمد کر رہے تھےان کے علاوہ صدر، سجاد، موج علی، صحبت، علن مہر اور دیگر شامل تھے۔ پولیس کے خلاف زبردست نعرے بازی کی گئی،

    دیہاتیوں کا کہنا تھا کہ بدامنی عروج پر ہے، چوری ڈکیتی کی وارداتیں معمول بن چکی ہیں۔

    متاثرہ دیہاتی نے آئی جی سندھ سے بدامنی پر قابو پا کر ملزمان کے خلاف کارروائی کامطالبہ کیا ہے

  • ڈہرکی:دو گروپوں میں تصادم ، متعدد افراد زخمی

    ڈہرکی:دو گروپوں میں تصادم ، متعدد افراد زخمی

    میرپور ماتھیلو،باغی ٹی وی (نامہ نگار مشتاق علی لغاری)ڈہرکی میں دو گروپوں میں تصادم ، متعدد افراد زخمی ہوگئے،ڈہرکی پولیس کی موجودگی میں سومروں برادری کے دو گروپوں میں جھگڑا ہواہے جس میں لاٹھیوں، ڈنڈوں اور مکوں کا آزادنہ استعمال کیا گیا اور پولیس دیکھتی رہی،

    سومرو برادری کے دو گروپوں میں رشتے کے تنازع پر جھگڑا ہوا ،اس جھگڑے میں پانچ افراد زخمی ہوگئے ، زخمیوں میں عباس سومرو، صبور سومرو , آصف سومرو، سردار سومرو ، نوید سومرو شامل ہیں

    https://x.com/DrMustafa983/status/1757688818663051762?s=20

    زخمیوں کو سول ہسپتال منتقل کردیا گیا ہے اورپولیس کی بھاری نفری سول ہسپتال پر طلب کرلی گئی ہے

    دونوں گروپوں کی کمپلینٹ پر ڈہرکی پولیس تھانہ میں مقدمہ درج کرلیا گیا ہے.