Author: غنی محمود قصوری

قصور
ہر جمعہ کے دن کاروباری چھٹی کی بدولت شہر قصور کا اکلوتا بائی پاس و دیگر سڑکیں ون ویلروں کی ذاتی جاگیر،بزرگوں اور فیملی والے سواروں کا گزرنا دشورا،ڈی ایس پی سٹی سے سخت کاروائی کا مطالبہ

تفصیلات کے مطابق قصور شہر میں بروز جمعہ کو کاروباری چھٹی ہوتی ہے اس بابت قصور شہر کا اکلوتا بائی پاس اور دیگر سڑکیں ون ویلروں کی ذاتی جاگیر بن جاتی ہیں
ون ویلر ٹولیوں کی شکلوں میں اپنی موٹر سائیکلوں پر نکلتے ہیں اور خطرناک طریقے سے ون ویلنگ کرتے ہیں جس کی بدولت اپنے ساتھ دوسروں کا بھی نقصان کرتے ہیں
ون ویلنگ کی بدولت اب تک ضلع بھر اور خاص کر سٹی قصور میں کئی افراد جان کی بازی ہار چکے ہیں
قصور پولیس کی جانب سے بیشتر مرتبہ کاروائی بھی کی جاتی رہی ہے تاہم دو چار روز بعد پھر وہی روٹین ختم کر دی جاتی ہے جس کے باعث ون ویلر بےلگام ہو چکے ہیں
بسا اوقات ون ویلر منع کرنے والے شریف شہریوں کو تشدد کا نشانہ بھی بناتے ہیں
جمعہ کے روز بزرگ اور فیملی والے سواروں کا گزرنا محال ہوتا ہے اور ہر کوئی ان ویلروں کو سمجھانے سے ڈرتا بھی ہے
شہریوں نے ڈی پی او قصور اور ڈی ایس پی سٹی و ڈی ایس پی سٹی ٹریفک پولیس سے ان ویلروں کے خلاف سخت سے سخت کاروائی کرنے کا مطالبہ کیا ہے

قصور اور اس کے گردنواح میں ڈکیتی،چوری اور راہزنی کی مختلف وارداتوں میں ڈاکوؤں نے شہریوں کو لاکھوں روپے کیش، موٹر سائیکل، موبائلفون،طلائی زیورات ودیگر سامان سے محروم کردیا
تھانہ بی ڈویژن قصور کے رہائشی محمد حبیب نے درخواست دی ہے کہ رسولپور بوہڑ کے قریب کھڑی میری موٹر سائیکل نمبری LEL-1468 نامعلوم چور لے گئے ہیں
تھانہ صدر قصور میں سید عبداللہ نے مقدمہ درج کروایا ہے کہ نیو بس ٹرمینل کے قریب دوکس مسلح ڈاکوؤں نے زبردستی کیش رقم اور دو عدد موبائل فون چھین لیے ہیں
تھانہ کھڈیاں میں محمود پورہ کے رہائشی علی شیر نے درخواست دی ہے کہ پرانا امام بار گاہ کے قریب کھڑی میری موٹر سائیکل نمبری LEW-16A-5.3355 نامعلوم چور لے گئے ہیں
تھانہ کوٹ رادھا کشن میں محمد خواجہ نے مقدمہ درج کروایا ہے کہ میں اپنی کار پر سامان سیل کرکے کوٹ رادھا کشن کو واپس جارہا تھا کہ بھمبہ کلاں کے قریب دوکس نامعلوم ڈاکوؤں نے گن پوائینٹ پر 65 ہزار روپیہ کیش و دیگر سامان لوٹ لیا ہے
تھانہ مصطفی آباد میں عامر نے مقدمہ درج کروایا ہے کہ وڈانہ سٹاپ کے قریب دوکس افراد نے اسلحہ کی نوک پر مجھ سے 10 ہزار روپے کیش رقم اور موبائل فون چھین لیے ہیں
تھانہ سٹی چونیاں میں صابر علی نے درخواست دی ہے کہ چونیاں سے نامعلوم چور میری موٹر سائیکل چوری کرکے لے گئے ہیں
تھانہ الہ آبا دمیں حیدر علی نے درخواست دی ہے کہ بھیڑ سوہڈیاں میں دوست کی رہائش گاہ کے باہر کھڑی میری موٹر سائیکل نمبری LEK-7439 نامعلوم چور لے گئے ہیں
تھانہ صدر پتوکی میں وقار احمد نے مقدمہ درج کروایا ہے کہ حسین خانوالہ چک 08 کے قریب نامعلوم ڈاکوؤں نے اسلحہ کی نوک پر 35 ہزار روپے و دیگر سامان لوٹ لیا ہے
تھانہ سٹی پھولنگر میں اللہ دتہ نے مقدمہ درج کروایا ہے کہ پھولنگر اڈا نجی بیکری کے قریب کھڑی میری موٹر سائیکل نمبری LER/17B-792 نامعلوم چور لے گئے ہیں
مقامی پولیس الگ الگ مقدمات درج کرکے مصروف تفتیش ہے

قصور
مردار جانوروں کی ہڈیوں سے دودھ بنانے والی فیکٹری نے لوگوں کا جینا حرام کر دیا،ڈپٹی کمشنر قصور سے نوٹس کی اپیل

تفصیلات کے مطابق قصور کے معروف لیڈر انڈسٹریل علاقے دین گڑھ روڈ میں مردار جانوروں کی ہڈیوں کے پاؤڈر سے کیمکل دودھ اور چربی سے گھی تیار ہونے لگا ہے فیکٹری مالک نے عوام کی زندگیاں داؤ پر لگا دی ہیں
اس فیکٹری سے اس قدر تعفن پھیلتا ہے کہ اردگرد رہنے والوں کی زندگیاں اجیرن ہیں اور وہ مختلف قسم کی بیماریوں کا شکار ہو رہے ہیں
نیز اس فیکٹری میں چھوٹے کم عمر بچوں سے بھی یہ دھندہ کروایا جاتا ہے
اسسٹنٹ ڈائریکٹر ماحولیات و انسپکٹر ماحولیات و دیگر انتظامی ادارے خاموش ہیں فیکٹری مالک نے یہ گھناؤنا کام کئی سالوں سے شروع کیا ہوا ہے جس میں مردار جانور گدھے،کتے،گائے،گھوڑے اور دیگر ذبح ہونے والے دوسرے جانوروں کی ہڈیاں ایک کڑاھے میں ڈال کر ان کا گھی اور ہڈیوں کا پاؤڈر تیار کرکے فروخت کیا جاتا ہے
فیکٹری مالک کا کہنا ہے کہ میں نے یہ فیکٹری رجسٹرڈ کروائی ہوئی ہے اور میں قانون کے مطابق کام کر رہا ہوں تاہم لوگ حیران ہیں کہ کونسا قانون ہے جو اس طرح کا گھناؤنا دھندہ کرنے کی اجازت دیتا ہے
کڑاھے کے نیچے جلنے والی آگ پلاسٹک کے ٹکڑوں، گندے کپڑوں،پرانے جوتوں اور ربڑ سے جلائی جاتی ہے
محکمہ ماحولیات کی طرف سے اس فیکٹری کو نوٹس بھی جاری ہوئے ہیں کیونکہ یہ شدید آلودگی کا سبب بن رہی ہے تاہم ہر بار اس فیکٹری کو دوبارہ چلا لیا جاتا ہے
عوامی سماجی شہری تنظیموں نے ڈپٹی کمشنر قصور سے فوری نوٹس اور اس طرح کے عناصر کے خلاف سخت قانونی کاروائی کا مطالبہ کیا

قصور
کنٹیر اٹھاتے ہوئے گاڑی و بائیک پر گر گیا،چار افراد جانبحق

تفصیلات کے مطابق براعظم ایشیا کی سب سے بڑی مل بُلھے شاہ پیپر مل قصور کے پاس کنٹینر کو مشین سے اٹھاتے ہوئے کنٹینر نیچے گر گیا جس کے نتیجے میں کنٹینر
کے نیچے ایک موٹر سائیکل اور ایک کار آگئی
کنٹینر کے نیچے دبنے سے گاڑی مکمل طور پر دب گئی اور اس کے نتیجے میں چار لوگ جانبحق ہو گئے
مقامی لوگوں اور ضلع بھر کی سیاسی صحافی و سماجی تنظیموں نے اس سانحے پر گہرے دکھ اور افسوس کا اظہار کیا ہے اور پولیس سے مجرمان کے خلاف سخت سے سخت فوری کاروائی کا مطالبہ کیا ہے

قصور
تھانہ صدر پولیس کی کاروائی،منشیات فروش گرفتار، 1520 گرام چرس برآمد مقدمہ درج

تفصیلات کے مطابق قصور کے تھانہ صدر کے اے ایس آئی عادل رشید نے منشیات فروشوں کے خلاف کاروائی کرتے ہوئے ایک منشیات فروش کو گرفتار کر لیا ہے
ملزم محمد امین ولد بشیر قوم سقہ سکنہ موضع ورن عرصہ دراز سے منشیات فروشی کا دھندہ کر رہا تھا اور بہت سے علاقوں میں منشیات کی سپلائی کرتا تھا اور ہر بار پولیس سے بچ نکلتا تھا
تھانہ صدر قصور کے اے ایس آئی عادل رشید نے اپنی ٹیم کے ہمراہ ملزم کو رنگے ہاتھوں منشیات فروشی کے وقت گرفتار کیا جس کے قبضے سے 1520 گرام چرس برآمد ہوئی ہے
ملزم کے خلاف 9c کے تحت مقدمہ درج کرکے تفتیش کا آغاز کر دیا گیا ہے

قصور
پولیس کی بڑی کاروائی ،منشیات کی بڑی کھیپ پکڑی گئی،ملزم گرفتار،مقدمہ درج

تفصیلات کے مطابق قصور کی تحصیل پتوکی کے تھانہ صدر پتوکی کے ایس ایچ او محمد امین کی سربراہی میں کامیاب کاروائی کرتے ہوئے پولیس ٹیم نے ملزمان معہ منشیات پکڑ لیا
دوران سپیشل ناکہ بندی بھوپے وال موڑ سے منشیات کا بڑا ڈیلر امین عرف امینی سکنہ چک 69 گرفتار کر لیا گیا ہے جس کے قبضہ سے 20 کلو 630 گرام چرس، ایک کلو 200 گرام آئس اور نقدی رقم برآمد ہوئی ہے
ملزم پتوکی سمیت دیگر اضلاع میں بھی منشیات کی بڑے پیمانے پر سپلائی کا مکروہ دھندہ کرتا تھا جبکہ ملزم امین عرف امینی اپنے گاؤں چک 69 سے پتوکی منشیات سپلائی کر رہا تھا
ملزم بدنام زمانہ منشیات فروش ہے جسکی گرفتاری کیلئے پولیس سمیت دیگر ادارے بھی عرصہ دراز سے کوششیں کر رہے تھے
ملزم کے خلاف امتناع منشیات کی مختلف دفعات کے تحت مقدمہ درج کر کے مزید تحقیقات شروع کر دی گئی ہے

قصور
بروز جمعہ پی ٹی آئی کی جانب سے احتجاج کی کال کے بعد سرکاری سکولوں میں چھٹی کروائی گئی،آج تین دن بعد سکولوں میں بچوں کی تعداد پوری نا ہو سکی،بیشتر بچے چھٹی کرکے گھر بیٹھے ہیں،انٹرنیٹ سروس تاحال متاثر

تفصیلات کے مطابق ملک بھر کی طرح ضلع قصور میں بھی گزشتہ دن بروز جمعہ کو پی ٹی آئی کی جانب سے احتجاج کی کال دی گئی تھی جس کے باعث گورنمنٹ نے نوٹیفکیشن جاری کرتے ہوئے ضلع بھر کے سرکاری سکولوں میں چھٹی کروا دی تھی جو کہ بروز جمعہ والے دن تک کیلئے ہی تھی جبکہ اس سے اگلے دو دن ہفتہ اور اتوار کو معمول کی چھٹیاں تھیں تاہم آج بروز پیر کو بیشتر سرکاری سکولوں میں بچوں کی تعداد کم ہے جس کی وجہ آئے روز احتجاج و ہڑتال کے باعث سکولوں میں چھٹی کا ہونا ہے
دوسری جانب اب بھی ضلع قصور میں انٹرنیٹ سروس شدید متاثر ہے واٹس ایپ کے بعد فیسبک بھی بہت سلو چل رہی ہے اس بابت لوگ وی پی این استعمال کر رہے ہیں