Baaghi TV

Author: غنی محمود قصوری

  • دھان کی باقیات کو آگ لگانا جرم،جرمانہ و سزا،اعلانات

    دھان کی باقیات کو آگ لگانا جرم،جرمانہ و سزا،اعلانات

    قصور
    محکمہ زراعت و ضلعی انتظامیہ قصور کی طرف سے تنبیہی اعلانات،دھان کی فصل کی باقیات کو آگ لگانا جرم،سزا و جرمانہ

    تفصیلات کے مطابق محکمہ زراعت و ضلعی انتظامیہ قصور نے سموگ کے تدراک اور فضائی آلودگی کی روک تھام کی خاطر ضلع بھر کی مساجد سے اعلانات کروائے ہیں جس میں دھان کی فصل کی باقیات کو آگ لگانے سے منع کیا گیا ہے اور تنبیہہ کی گئی ہے کہ اگر کوئی دھان کی فصل کی باقیات کو آگ لگاتے پکڑا گیا تو اسے
    15 ہزار فی ایکڑ کے حساب سے جرمانہ ادا کرنا پڑے گا نیز
    3 مہینے قید بھی ہو گی
    ضلع بھر کے پٹواری،سپیشل برانچ پولیس و محکمہ زراعت کے ملازمین کو متحرک کر دیا گیا ہے

  • 10 روز قبل قصور سے لاپتہ ہونے والا بچہ نا مل سکا،ڈی پی او سے نوٹس کی اپیل

    10 روز قبل قصور سے لاپتہ ہونے والا بچہ نا مل سکا،ڈی پی او سے نوٹس کی اپیل

    قصور
    13 ستمبر سے لاپتہ ہونے والے بچے کا تاحال کوئی سراغ نا مل سکا،والدین شدت غم سے نڈھال،چائلڈ پروٹیکشن بیورو قصور اور ڈی پی او قصور سے نوٹس کی اپیل

    تفصیلات کے مطابق قصور کے تھانہ صدر کے علاقہ ڈنگی پورہ کے رہائشی محنت کش فروٹ فروش عبدالمجید ولد محمد اصغر نے ایس ایچ او تھانہ صدر کو درخواست دی کہ اس کا بیٹا حیدر علی عمر تقریباً 8 سے 9 سال مورخہ 13 ستمبر دن گیاراں سے باراں بجے گھر سے لاپتہ ہے جس کے اغواء ہونے کا خدشہ ہے لہذا اس بابت ایف آئی آر درج کرکے کاروائی کی جائے تاہم آج 10 دن گزرنے کے باوجود گمشدہ بچے کا کوئی سراغ نہیں مل سکا
    بچے کے والدین سخت پریشان ہیں اور ڈی پی او قصور اور چائلڈ پروٹیکشن بیورو قصور سے فریاد کرتے ہیں کہ ان کے بچے کو ڈھونڈ کر ان کے حوالے کیا جائے

  • بارڈر پار منشیات کی اسمگلنگ ناکام،دو مکزمان بمعہ منشیات گرفتار

    بارڈر پار منشیات کی اسمگلنگ ناکام،دو مکزمان بمعہ منشیات گرفتار

    قصور
    منشیات انڈیا اسمگلنگ کرنے کی کوشش ناکام،دو ملزمان گرفتار

    تفصیلات کے مطابق قصور پولیس تھانہ گنڈا سنگھ والا کے ایس ایچ او زاہد جمیل کی سربراہی میں پولیس ٹیم نے سرحدی گاؤں میں کاروائی کرتے ہوئے منشیات کی اسمگلنگ کو ناکام بنا دیا اور منشیات کی اسمگلنگ میں ملوث دو ملزمان گرفتار کر لئے جن کے قبضہ سے آدھا کلوگرام سے زائد ہیروئن اور ڈرون کیمرہ کا ریموٹ اور بیٹریاں برآمد ہوئی ہیں
    گرفتار ملزمان کی شناخت آفتاب اور الطاف پسران حنیف قوم میراثی رہائشی سکنہ سہجرہ گاؤں سے ہوئی ہے

    ملزمان بھیڈیاں کلاں جرنیلی روڈ سے بذریعہ ڈرون کیمرہ منشیات بارڈر پار انڈیا میں اسمگلنگ کرتے تھے
    تھانہ گنڈاسنگھ والا پولیس نے ہیومن انٹیلیجنس کی بنیاد پر ملزمان کو ٹریس کر کے گرفتار کیا
    ایس ایچ او کا کہنا ہے کہ ڈی پی او محمد عیسیٰ خاں کی زیر قیادت قصور پولیس منشیات کے خاتمہ کیلئے دن رات کوشاں ہے

  • ادویات کی قیمتوں میں مسلسل اضافہ جاری،نوٹس کی اپیل

    قصور
    ادویات کی قیمتوں میں اضافہ جاری،شوگر،دل،دمہ سمیت ہر عام و خاص ادویات کی قیمتوں میں مسلسل اضافے سے شہری سخت پریشان،روزی روٹی کیساتھ رب سے بیمار نا ہونے کی دعائیں کرنے لگے

    تفصیلات کے مطابق ادویات کی قیمتوں میں مسلسل اضافے نے لوگوں سے صحت مند رہنے کا حق بھی چھین لیا ہے
    اول تو کھانے پینے کی اشیاء ہی بہت مہنگی ہیں جو کہ خریدنا غریب کے بس کی بات نہیں اوپر سے ادویات کی قیمتوں نے شہریوں کی کمر توڑ کر رکھ دی ہے اور شہری ادویات جو کہ مجبوری میں کھائی جاتی ہیں اسے کھانے سے بھی محروم رہنے لگے ہیں
    شوگر،بلڈ پریشر،دمہ،دل و ہر قسم کی بیماریوں کی عام و خاص ادویات میں کئی فیصد تک اضافہ ہو چکا ہے جو کہ رکنے کا نام ہی نہیں لے رہا اور ہر ہفتے اضافہ ہوتا ہی چلا جا رہا ہے
    پاکستان کی تاریخ میں کسی بھی چیز کی قیمتیں بڑھنے پر کم ہوتی رہی ہیں مگر تاریخ پاکستان میں شاید ہی کبھی ادویات کی قیمتیں بڑھ کر کم ہوئی ہو
    پیٹرول کی قیمتیں کم ہونے کے باوجود فارماسیویکل کمپینوں کی طرف سے ادویات کی قیمتوں میں اضافہ باعث تشویش ہے
    شہریوں نے ڈرگ کنٹرول ریگولیٹر اتھارٹی، وفاقی وزیر صحت اور وزیراعظم پاکستان سے نوٹس لے کر ادویات کی قیمتوں میں استحکام لانے کی اپیل کی ہے
    غریب آدمی جہاں روزی روٹی پوری ہونے کی دعا کرتا ہے وہاں اب رب سے سخت دعا کرتا ہے کہ الہی بیمار نا کرنا وگرنہ دیہاڑی الگ سے مرے گی اور مہنگی ادویات الگ سے خریدنی پڑیں گی کیونکہ سرکاری ہسپتالوں سے سوائے تسلیوں کے کچھ نہیں ملتا

  • ایس ڈی او بہادر پورہ قصور سے صارفین مایوس،انصاف کیلئے عدالت پہنچ گئے

    ایس ڈی او بہادر پورہ قصور سے صارفین مایوس،انصاف کیلئے عدالت پہنچ گئے

    قصور
    ایس ڈی او سب ڈویژن بہادر پورہ لیسکو قصور لوگوں کے فون سننے سے قاصر،لوگوں کے دفتر پہنچنے پر ذاتی جان پہچان والے لوگوں سے گپ شپ میں مصروف،لوگ مجبور ہو کر واپڈا سب ڈویژن بہادر پورہ کی بجائے عدالت سے رجوع کرنے لگے،ایس ایکسئین بہادر پورہ،ایس ای قصور و ڈپٹی کمشنر قصور سے نوٹس کی اپیل

    تفصیلات کے مطابق قصور لیسکو کی سب ڈویژن بہادر پورہ نے اپنے صارفین کو اپنے ناروا رویہ کی وجہ سے ذلیل کرنا شروع کر دیا ہے جس کے بجائے لوگ واپڈا دفتر کے عدالت سے رجوع کرنے لگے ہیں
    ایس ڈی او سب ڈویژن بہادر پورہ اس قدر مصروف رہتے ہیں کہ صارفین کی نا تو کال سنتے ہیں نا ہی واٹس ایپ میسجز و کال صارفین تھک ہار کر واپڈا دفتر پہنچتے ہیں تو ایس ڈی او صاحب ذاتی لوگوں سے گپ شپ میں مصروف ہوتے ہیں اور لوگوں کی درخواستیں تک پڑھ نہیں پاتے اور بیٹھے ہی حکم صادر فرما دیتے ہیں کہ فلاں کمرے میں چلے جائیں وہاں پہنچنے پر مذید کسی اور کمرے میں بیجھا جاتا ہے اور پھر وہاں سے کبھی کسٹمر کئیر کاؤنٹر تو کبھی آر او آفس تو کبھی کہیں تو کبھی کہیں جس پر تھک ہار کر سب ڈویژن بہادر پورہ کے صارفین نے انصاف کیلئے عدالت سے رجوع کرنا شروع کر دیا ہے
    صارفین نے ایس ڈی او و دیگر عملہ سب ڈویژن بہادر پورہ کے خلاف احتجاج کیا ہے اور ایکسئین سب ڈویژن بہادر پورہ،ایس ای لیسکو واپڈا قصور اور ڈپٹی کمشنر قصور سے نوٹس لے کر کسی ذمہ دار ایس ڈی او و دیگر عملہ کی تعیناتی کا مطالبہ کیا ہے
    صارفین کا کہنا ہے کہ اگر ہم نے عدالت سے ہی کام کروانا ہے تو پھر ایس ڈی او و دیگر عملہ کس بات کی کروڑوں روپیہ ماہانہ کی تنخواہیں لے رہے ہیں
    لہذہ ان کی جگہ کسی اور کو تعینات کیا جائے

  • محکمہ نادرا کی دیہاتیوں ساتھ زیادتی،ڈی جی نادرا سے ازخود نوٹس کی اپیل

    محکمہ نادرا کی دیہاتیوں ساتھ زیادتی،ڈی جی نادرا سے ازخود نوٹس کی اپیل

    قصور
    محکمہ نادرا لوگوں کی درست راہنمائی کرنے سے قاصر،دیہاتی لوگ آج بھی گلی محلے کی بجائے محض گاؤں کا نام بطور مکمل ایڈریس لکھواتے ہیں جس کے باعث کئی طرح کی مشکلات کا سامنا

    تفصیلات کے مطابق 10 مارچ 2000 کو
    National Database and Registration Authority
    یعنی نادرا کی بنیاد رکھی گئی جس کا کام
    The National Identity Card (NIC)
    یعنی قومی شناختی کارڈ و دیگر ڈیٹا شہریوں کا جاری کرنا ہے تاکہ بطور پاکستانی شہری بوقت ضرورت ان کو شناختی کارڈ جاری کیا جائے اور دیگر کوائف بھی فراہم کئے جائیں تاہم بدقسمتی سے مکمل ایڈریس لکھنے میں آج بھی محکمہ نادرا دیہاتیوں کے ساتھ ظلم کر رہا ہے
    چونکہ دیہاتوں کی آبادیاں بڑھ رہی ہیں اور محض اکیلے گاؤں دیہات کے نام سے کسی فرد کی پہچان دوسری جگہ تو دور اسی گاؤں دیہات میں بھی ممکن نہیں رہی جس کے باعث اکیلے گاؤں دیہات کا ایڈریس بطور مکمل ایڈریس لکھنے سے بہت سے مسائل جنم لیتے ہیں
    جیسے کہ بعض اوقات کسی کا ایکسیڈنٹ ہونے پر اس کے شناختی کارڈز کی تصویر اتار کر واٹس ایپ گروپس و دیگر سوشل سائٹس پر ڈالی جاتی ہے تاہم بندے کی پہچان ہو جائے مگر یہ بات بھی بہت مشکل ہو جاتی ہے کیونکہ اب بیشتر دیہاتوں کی آبادیاں 40 سے 50 ہزار تک بھی پہنچ چکی ہیں
    نیز اب دیہات میں بھی گلی و محلے معروف ہیں
    افسوس کہ دیہاتیوں کو شناختی کارڈ جاری کرتے وقت محکمہ نادرا کا عملہ درست راہنمائی نہیں کر پاتا جس کی وجہ سے دیہاتی محض گاؤں دیہات کو مکمل ایڈریس لکھوا دیتے ہیں
    دیہاتیوں کا کہنا ہے کہ ہم تو اس بات سے زیادہ تر لاعلم ہیں اس لئے یہ محکمہ نادرا کا کام ہے کہ ہم سے مکمل ایڈریس پوچھے اور شناختی کارڈ پر لکھے تاکہ ڈاک،پارسلز و دیگر سہولیات بغیر کسی پریشانی ہماری دہلیز تک پہنچے
    دیہاتیوں نے ڈائریکٹر جنرل نادرا سے ازخود نوٹس لینے کی اپیل کی ہے

  • عید میلاد النبی کے موقع پر 1200 پولیس اہلکار ڈیوٹی سر انجام دیں گے

    عید میلاد النبی کے موقع پر 1200 پولیس اہلکار ڈیوٹی سر انجام دیں گے

    قصور
    ملک بھر کی طرح عید میلادالنبی صلی اللہ علیہ وسلم کے موقع پر سرکاری چھٹی، سیکیورٹی کے سخت انتظامات

    تفصیلات کے مطابق ملک بھر کی طرح آج ضلع قصور میں بھی عید میلاد النبی صلی اللہ علیہ وسلم منائی جا رہی ہے اور ضلع بھر میں سرکاری چھٹی ہے
    اس موقع پر قصور پولیس کی طرف سے سکیورٹی کے فول پروف انتظامات کئے گئے ہیں جس کے لئے 55 جلوسوں کیلئے 1200 کے قریب پولیس افسران و اہلکاران ڈیوٹی سر انجام دیں گے اور جلوسوں کی مانیٹرنگ کریں گے

  • 14 من مردار گوشت کیساتھ دو قصاب گرفتار،تفتیش کا دائرہ کار وسیع کرنے کا مطالبہ

    14 من مردار گوشت کیساتھ دو قصاب گرفتار،تفتیش کا دائرہ کار وسیع کرنے کا مطالبہ

    قصور
    14 من مردار جانوروں کا گوشت برآمد ہونے کے بعد اداروں کی طرف سے چپ سادھنے پر شہری تشویش کا شکار،گرفتار قصابوں کے میں ہینڈلرز کی گرفتاری اور کاروائی کا دائرہ کار مذید وسیع کرنے کا مطالبہ

    تفصیلات کے مطابق چند دن قبل محکمہ لائیو سٹاک کی ٹیم اور پولیس کی اسپیشل برانچ ٹیم کی خفیہ رپورٹ پر دونوں محکموں نے مشترکہ کاروائی کرتے ہوئے مردار جانوروں کا گوشت برآمد کیا تھا
    تھانہ سٹی اے ڈویژن کی حدود شمسی مارکیٹ میں مردہ گوشت فروخت کرنے والے 2 قصابوں عثمان اور عابد کو 14 من مردہ گوشت کیساتھ پکڑا گیا تھا جن کے خلاف مقدمہ درج کرکے تفتیش کا آغاز کیا جا چکا ہے
    یہ ملزمان عرصہ دراز سے نہ صرف دکانوں پر مردار گوشت فروخت کرتے تھے بلکہ لاہور سمیت دیگر شہروں میں بھی بڑے ہوٹلوں میں گوشت سپلائی کرتے تھے
    ان قصابوں کے پکڑے جانے اور معروف جگہ کا نام سامنے آنے پر کہ جہاں یہ سارا کام کیا جاتا ہے،کے باوجود ایک دم سے اداروں کی طرف سے چپ پر
    شہری تشویش کا شکار ہیں اور شہری پوچھتے ہیں کہ ان دو قصابوں کے علاوہ کسی اور کو کیوں نہیں پکڑا گیا کیونکہ یہ اکیلے نہیں بلکہ ان کے پیچھے پورا ایک گینگ ہے جسے پکڑنا اور کیفر کردار تک پہنچانا لازم ہے
    شہریوں نے ڈی پی او قصور اور انچارج لائیو سٹاک قصور سے مطالبہ کیا ہے کہ ان قصابوں کے مین ہینڈلرز کو بھی قانون کے کٹہرے میں لایا جائے اور تفتیش کا دائرہ کار وسیع کرتے ہوئے دیگر ملزمان کو بھی جلد سے جلد پکڑا جائے

  • بیوی کے ہاتھوں قتل ہونے والے شوہر کی فرانزک رپورٹ آگئی،بیوی خلاف مقدمہ

    بیوی کے ہاتھوں قتل ہونے والے شوہر کی فرانزک رپورٹ آگئی،بیوی خلاف مقدمہ

    قصور
    چند دن قبل بیوی بیوی کے ہاتھوں قتل ہونے والے شوہر کی فرانزک رپورٹ آ گئی،ملزمہ کے خلاف مقدمہ درج

    تفصیلات کے مطابق گلبرگ کالونی قصور میں بیوی نے چند دن قبل اپنے خاوند کو زہر دیکر قتل کر دیا تھا جس جی فرانزک رپورٹ آنے پر مقدمہ درج کر لیا گیا ہے
    کامران الرحمان نے پولیس تھانہ صدر قصور میں مقدمہ درج کروایا تھا کہ میرا بھانجا شیخ جزان اپنے گھر گلبرگ کالونی قصور میں 25 جون 2024 کو رات سوا گیارہ بجے اپنی بیوی انجم بی بی کے ساتھ موجود تھا جس نے اپنی بیوی سے رات 12 بجے کہا کہ چپس کھانے کو دل چاہ رہا ہے جس پر اسکی بیوی نے چپس بنا کر دی جو کہ میرے بھانجے نے کھائی اور اسکے بعد 2 بجے رات طبعیت خراب ہونا شروع ہوئی جس پر اس کی بیوی نے معدے کا کیپسول دیا جو کھایا اور الٹی آنا شروع ہو گئی اور طبعیت مزید خراب ہو گئی
    اس ساری صورتحال کے پیش نظر مقتول کی بیوی نے 1122 پر فون کیا جسے DHQ ہسپتال قصور لیجایا گیا جہاں ایمرجنسی میں موجود ڈاکٹروں نے کہا کہ راستہ میں اسکی موت واقع ہو گئی
    مقتول کے جسم کے اجزاء پنجاب فرانزک سائنس ایجنسی بھجوائے گئے جہاں سے رپورٹ آئی کہ اجزاء میں Phosphine یعنی Poison پائی گئی جس کی وجہ سے مقتول کی موت واقع ہوئی ہے
    صدر قصور پولیس نے مقتول کی بیوی کے خلاف مقدمہ درج کر کے تفتیش کا آغاز کر دیا ہے

  • آٹا،پیٹرول کی قیمتوں میں نمایاں کمی کے باوجود بیکری اشیاء کی قیمتیں زیادہ

    قصور
    بیکری اشیاء کی قیمتوں میں باوجود پنجاب گورنمنٹ کے حکم کے، قیمتیں کم نا ہو سکیں،لوگ امر مجبوری مہنگی اشیاء خریدنے پر مجبور

    تفصیلات کے مطابق پنجاب گورنمنٹ نے روٹی و آٹا کیساتھ دیگر اشیاء ضروریہ کی قیمتوں میں کمی کا اعلان کیا تھا اور باقاعدہ نرخ نامے کا نوٹیفیکیشن بھی جاری کیا تھا
    جن میں بیکری کی اشیاء بھی شامل ہیں تاہم یہ حکم نامہ اور نرخنامہ بےسود رہا
    بیکری اشیاء کی قیمتوں میں کوئی کمی نہیں کی گئی حسب روایت لوکل مال کی قیمتوں میں کچھ کمی ہو گئی کیونکہ وہ بیچارے عام اور غریب لوگ ہیں جو کہ گلی محلوں میں چھوٹے پیمانے پر اپنا چھوٹا سا کاروبار کرتے ہیں اور اپنے بیوی ںچوں کا پیٹ پالتے ہیں
    تاہم نیشنل اور ملٹی نیشنل کمپنیوں نے اپنی قیمتیں بلکل کم نہیں کیں جس کے باعث شہری امر مجبوری مہنگی اشیاء خریدنے پر مجبور ہیں
    واضع رہے کہ نارمل سائز بیکری بن کی قیمت جو کہ پہلے 40 روپیہ تھی اس کی قیمت 20 روپیہ مقرر کی گئی تھی اسی طرح فور پیس ڈبل روٹی کی قیمت جو کہ 40 روپیہ تھی اس کی قیمت 25 روپیہ مقرر کی گئی تھی مگر نیشنل و ملٹی نیشنل کمپنیوں نے قیمتیں ہرگز کم نہیں کیں بس دکھلاوے کے طور پر چند ایک اشیاء کی قیمتیں دو چار روپیہ کم کی ہیں باقی اشیاء کی قیمتوں کو پہلے کی طرح برقرار رکھا ہے جس پر عوام میں سخت تشویش پائی جا رہی ہے کیونکہ آٹا و پیٹرول کی قیمتوں میں نمایا کمی واقع ہوئی ہے

    شہریوں نے وزیر اعلی پنجاب ،پنجاب فوڈ اتھارٹی اور پرائس کنٹرول مینجمنٹ اتھارٹی سے ان کمپنیوں کے خلاف کاروائی کرنے اور قیمتوں میں کمی کروانے کا مطالبہ کیا ہے