گزشتہ ماہ اسلام کی خاطر شوبز سے کنارہ کشی اختیار کرنے والی سابقہ بھارتی اداکارہ ثنا خان نے اپنی شادی کی تصویر سوشل میڈیا پر شیئر کرتے ہوئے لکھا کہ اللہ کی رضا کے لیے ہم نے ایک دوسرے سے محبت کی اور اللہ کی رضا کے لئے ہی شادی کی ہے۔

باغی ٹی وی : ثنا خان نے سوشل میڈیا سائٹ پر اپنی شادی کی تصویر شیئر کی ہے جس میں اُنہوں نے سُرخ رنگ کا عروسی لباس زیب تن کیا ہے جبکہ اُن کے شوہر سفید لباس میں ملبوس ہیں۔

ثنا خان نے انسٹاگرام پر اپنی شادی کی تصویر شیئر کرتے ہوئے کیپشن میں لکھا ہے کہ ہم اللہ تعالیٰ کی رضا کی خاطر ایک دوسرے سے محبت کرتے تھے اور اللہ کی رضا کے لیے ہی ہم نے ایک دوسرے سے شادی کی ہے۔

اُنہوں نے لکھا کہ میری دُعا ہے کہ اللہ تعالیٰ ہمیں اس دنیا میں بھی متحد رکھے اور اگلے جہاں میں بھی ساتھ ہی رکھے۔

آخر میں اُنہوں نے قرآن پاک کی سورۃ رحمنٰ کی آیت کا ترجمہ بھی لکھا کہ اور تُم اپنے رب کی کون کون سی نعمتوں کو جھٹلاؤ گے؟

بالی وڈ کی سابقہ اداکارہ ثنا خان نے گزشتہ روز ہی بھارتی ریاست گجرات سے تعلق رکھنے والے مفتی انس نامی شخص سے شادی کی ہے جس کی تصاویر اور ویڈیوز سوشل میڈیا پر وائرل ہو گئی ہیں۔

سابقہ اداکارہ ثنا خان نے نکاح کے دن حجاب کے ساتھ سفید رنگ کا خوبصورت لباس زیب تن کیا جبکہ اُن کے شوہر مفتی انس بھی ٹوپی کے ساتھ سفید قیمص شلوار میں ملبوس تھے۔

واضح رہے کہ بگ باس سیزن 6 سے شہرت پانے والی بالی ووڈ کی سابقہ اداکارہ ثناء خان نے گزشتہ ماہ اسلام کی خاطر شوبز انڈسٹری چھوڑنے کا اعلان کرتے ہوئے کہا تھا کہ اب وہ اپنی زندگی انسانیت کی خدمت میں اور اللہ تعالیٰ کے احکامات کے مطابق گُزاریں گی۔

بھارتی اداکار سوشانت سنگھ راجپوت کی موت بھارتی ریاست بِہار سے تعلق رکھنے والے ایک یوٹیوبرکو فائدہ پہنچا گئی-

باغی ٹی وی :بھارتی اداکار سوشانت سنگھ راجپوت کی موت کے بعد جہاں ان کے اہل خانہ اور دیگر غم سے نڈھال ہیں اور ان کے مداح آج بھی ان کی کمی محسوس کر رہے ہیں وہیں سوشانت کی موت ایک بھارتی یو ٹیوبر کے لئے فائدہ مند ثابت ہوئی ہے-

تاہم ایسے بھارتی ریاست بِہار سے تعلق رکھنے والے ایک یوٹیوبر کے لیے سشانت سنگھ راجپوت کی موت ان کو فائدہ پہنچا گئی۔

ہماری بیٹیاں محفوظ نہیں ہیں کنگنا رناوت

بھارتی میڈیا رپورٹس کے مطابق اس شخص نے سوشانت سنگھ راجپوت کی موت اور اسے متعلق جھوٹا مواد انٹرنیٹ پر اپ لوڈ کرکے اب تک 15 لاکھ بھارتی روپے سے زائد کما لیے ہیں۔

اس حوالے سے مزید تحقیقات جاری ہیں جبکہ اس دوران یہ بات بھی سامنے آئی ہے کہ اس نے ممبئی پولیس، اداکار اکشے کمار اور ریاست مہاراشٹرا کے وزیراعلیٰ ادھو ٹھاکرے سے متعلق پروپگینڈا ویڈیوز سے بھی اچھی کمائی کی۔

واضح رہے کہ اداکار سوشانت سنگھ راجپوت ممبئی میں اپنے گھر میں مردہ حالت میں پائے گئے تھے ان کی موت کو خودکشی اور پھر قتل سے جوڑنے کی کوششیں کی گئیں جہاں ایک جگہ تحقیقاتی اداروں کی تفتیش جاری تھی تو دوسری طرف لوگ اپنی مرضی کے زاویوں سے تحقیقات سے متعلق جھوٹے اور بے بنیاد مواد مختلف انٹرنیٹ پلیٹ فارمز پر اپ لوڈ کرنے میں مصروف رہے۔

بالی وڈ انڈسٹری کے تینوں خانز ایک ساتھ جلوہ گر ہوں گے

بالی وڈ سپر اسٹار سلمان خان اور ان کے خاندان کا آج کرایا گیا کورونا وائرس ٹیسٹ نیگیٹو آیا ہے-

باغی ٹی وی :انڈیا ٹو ڈے کی رپورٹ کے مطابق سلمان خان اور ان کے خاندان کا آج کرایا گیا کورونا وائرس ٹیسٹ نیگیٹو آیا ہے- سلمان خان اور ان کے خاندان نے کورونا ٹیسٹ اس وقت کرایا جب حال ہی میں ان کے ڈرائیور اور دو اسٹاف ممبرز کا کورونا ٹیسٹ پازیٹو آیا تھا۔

جس کے بعد بالی وڈ کے دبنگ خان اور بگ باس 14 کے میزبان نے بھی احتیاطی تدابیر کے تحت خود کو آئسولیٹ کرنے کا فیصلہ کیا تھا سلمان خان کے علاوہ ان کے اہلخانہ نے بھی خود کو آئسولیٹ کر لیا تھا اور ان کے کورونا کی رپورٹ کا انتظا تھا-تاہم اب سپر اسٹار سلمان خان اور ان کے خاندان کا آج کرایا گیا کورونا وائرس ٹیسٹ نیگیٹو آیا ہے-

جبکہ سلمان خان اپنے پورے خاندان سمیت احتیاطی تدابیر کے طور پر 14 دنوں کے لیے قرنطینہ ہوگئے ہیں۔

سلمان خان نے کورونا کے خطرے کے پیش نظر خود کو آئسولیٹ کرلیا

ادھر سلمان خان کے اسٹاف ممبرز جوکہ کورونا وائرس میں مبتلا ہوگئے ہیں انھیں ممبئی کے ایک اسپتال میں علاج کے لیے داخل کرادیا گیا ہے۔ بتایا جاتا ہے کہ جیسے ہی سلمان خان کو یہ پتہ چلا کہ انکے اسٹاف ممبرز کا کورونا ٹیسٹ پازیٹو آیا ہے انھوں نے اس بات کو یقینی بنایا کہ اسٹاف ممبرز کو مکمل طبی سہولتیں فراہم ہوں۔

اطلاعات کے مطابق ، سلمان خان کے والد سلیم خان اور والدہ سلمیٰ اپنی شادی کی 56 ویں سالگرہ 18 نومبر کو منانے والی تھیں لیکن اس غیر یقینی صورتحال کے سبب یہ تقریبات منسوخ کردینے کے امکانات ہیں-

بالی ووڈ سپر اسٹار ان دنوں مشہور شو ’بگ باس‘ کے 14ویں سیزن کی میزبانی کررہے ہیں یہ شو کلرز ٹی وی پر ہر رات نشر کیا جاتا ہے پابندی کے ساتھ ویک اینڈ کا وار کے نام سے مشہور اسپیشل قسطوں میں ہفتہ اور اتوار کو نظر آتے ہیں۔

جہاں تک ان کی فلموں کا تعلق ہے سلو بھائی نے اپنی فلم ’رادھے: یور موسٹ وانٹڈ بھائی‘ کی شوٹنگ حال ہی میں مکمل کرلی ہے۔ انکے ساتھ اس فلم میں دیشا پٹانی اور رندیپ ہودا اہم کردار ادا کررہے ہیں۔

یہ مووی اس سال عید پر سلمان خان کی جانب سے انکے پرستاروں کے لیے عید ٹریٹ کے طور پر پیش کی جارہی تھی تاہم کورونا وائرس کے پھیلنے کی وجہ سے اس ملتوی کردیا گیا تھا۔

عالمی وبا کورونا وائرس کے باعث کوکا کولا فوڈ اینڈ میوزک فیسٹیول آن لائن منعقد کرنے…

بالی وڈ سُپر اسٹار عامر خان کے بھانجے اور بھارتی معروف اداکار عمران خان نے اداکاری چھوڑکر اب ہدایتکاری میں قسمت آزمانے کا فیصلہ کیا ہے۔

باغی ٹی وی : بالی وڈ اداکارعمران خان نے اپنے فنی کیریئر میں ’جانے تو یا جانے نہ‘، دہلی بیلی، میرے برادر کی دلہن اور آئی ہیٹ لو اسٹوری جیسی کئی متعدد نامور فلمیں کیں اور شوبز میں اپنا ایک خاص مقام بنایا لیکن وہ 2015 کے بعد سے بڑی اسکرین سے غائب رہے ہیں اور بطور اداکار ان کی آخری فلم 2015 میں ریلیز ہونے والی ’کٹی بٹی‘ تھی –

تاہم اب اداکار کے قریبی ذرائع نے اس بات کی تصدیق کی ہے کہ انہوں نے اداکاری چھوڑ دی ہے-

بھارتی شوبز ویب سائٹ پنک ولا کی رپورٹ کے مطابق اداکار عمران خان کے سب سے قریبی دوست اکشے اوبرائے نے ایک انٹریو میں کہا کہ بالی وڈ میں میرا سب سے بہترین دوست عمران ہے جو اداکاری کو مکمل طور پر خیر باد کہ چکا ہے لیکن وہ آج بھی اچھے مصنف اور ہدایتکار ہیں۔

انہوں نے یہ بھی اعلان کیا کہ بطور دوست میں یہ بتا سکتا ہوں کہ وہ بہت جلد اپنی فلم میں ہدایتکار کے فرائض انجام دیتے نظر آئیں گے اور یقیناً وہ فلم بہترین ثابت ہوگی کیوںکہ اُن کا سنیما سے متعلق تجربہ بہت زیادہ ہے۔

بالی وڈ انڈسٹری کے تینوں خانز ایک ساتھ جلوہ گر ہوں گے

پاکستانی فلم ’یلغار‘ میں اداکاری کرنے والی اداکارہ علیزے نصیر بالی وڈ میں فلم ’یارا وے‘ کے ذریعے ڈیبیو کریں گی-

باغی ٹی وی :ٹائمز آف انڈیا کی رپورٹ کے مطابق پاکستانی فلم’یلغار‘ میں اداکاری کے جوہر دکھانے والی اداکارہ علیزے نصیر فلم ’یارا وے‘‘ کے ذریعے بالی وڈ میں انٹری دینے جارہی ہیں۔ اپنے نئے منصوبے کے بارے میں بات کرتے ہوئے علیزے نے کہا انہیں ایسا لگ رہا ہے جیسے کوئی خواب پورا ہورہا ہو۔ میں ہمیشہ سے بالی وڈ کا حصہ بننا چاہتی تھی میرا تعلق دبئی سے ہے اور میرے لیے بالی وڈ میں اداکاری کرنے کا موقع حاصل کرنا آسان نہیں تھا۔

علیزے نے پاکستانی فلم میں کام کرنے کے حوالے سے بات کرتے ہوئے کہا میں نے اپنے کیریئر کی ابتدا پاکستان میں ریلیز ہونے والی فلم میں کام کرکے کی لیکن اب مجھے امید ہے کہ اس فلم انڈسٹری (بالی وڈ) میں میرا مستقبل روشن ہوگا مجھے ہمیشہ سے بھارت کے لوگوں کے مابین حسن سلوک پسند ہے۔

بالی وڈ انڈسٹری کے تینوں خانز ایک ساتھ جلوہ گر ہوں گے

اپنی بات میں اضافہ کرتے ہوئے علیزے نصیر کا کہنا تھا کہ وہ شاہ رخ خان کی بہت بڑی مداح ہیں اور ان کے ساتھ کام کرنے کی خواہشمند ہیں بالی وڈ میں فلم حاصل کرنے کا مطلب یہ نہیں کہ میری کوشش یہاں ختم ہوگئی کیونکہ ابھی میرے خواب باقی ہیں اور میں اپنے تمام خواب پورے کرنا چاہتی ہوں۔

اداکارہ نے کہا کہ یہ صرف پہلی جیت ہے میں اس وقت تک کوشش جاری رکھوں گی جب تک کہ مجھے شاہ رخ خان کے مقابل کردار کی پیشکش نہیں ہوجاتی میں ان کی بہت بڑی مداح ہوں مجھے لگتا ہے کہ خدا میری خواہشات پوری کرے گا لیکن یہ ایک وقت میں ایک ہی خواہش ہے۔

سلمان خان نے کورونا کے خطرے کے پیش نظر خود کو آئسولیٹ کرلیا

فلم ’یارا وے‘ایک رومانٹک لو اسٹوری ہے جسے التھیا کوشل نے لکھا ہے جو اس سے قبل کئی پراجیکٹس میں کام کرچکی ہیں انہوں نے سنجے لیلا بھنسالی اور فرح خان کے ساتھ بھی پراجیکٹس کیے ہیں۔

واضح رہے کہ پاکستانی فلم ’یلغار‘ 2017 میں ریلیز ہوئی تھی اس فلم میں اداکار شان، ہمایوں سعید، عدنان صدیقی اور ارمینا خان نے مرکزی کردار اد کیے تھے فلم میں علیزے نصیر نے کرنل عمران کی بیوی فریحہ کا کردار ادا کیا تھا-

’بجرنگی بھائی جان‘ میں مسلمان پاکستانی لڑکی کا کردار ادا کرنے والی اداکارہ اب کیسی…

بالی وڈ انڈسٹری کے تینوں بڑے خانز فلم ’لال سنگھ چڈھا‘ میں پہلی بار ایک ساتھ جلوہ گر ہوں گے۔

باغی ٹی وی : ہندی فلم انڈسٹری پر 90 کی دہائی سے راج کرنے والے تینوں خانز عامرخان، سلمان خان ، شاہ رخ کو مداح ہمیشہ سے بڑے پردے پر ایک ساتھ دیکھنا چاہتے تھے تاہم ان کی یہ خواہش پوری ہونے جا رہی ہے-

بھارتی میڈیا رپورٹس کے مطابق بالی وڈ کے عامر خان ان دنوں ہالی وڈ کے آسکر ایوارڈ یافتہ فلم ’فارسٹ گمپ‘ سے متاثر ہوکر فلم ’لال سنگھ چڈھا‘ بنارہے ہیں اور وہ اپنی پچھلی فلم ’ٹھگ آف ہندوستان‘ کی ناکامی کے بعد سے کسی قسم کا رسک نہیں لینا چاہتے اور اس فلم کو ہر صورت میں کامیاب بنانا چاہتے ہیں جس کے لیے انہوں نے فلم میں اپنے دوستوں یعنی سلمان خان اور شاہ رخ خان کی انٹری کا پلان بنایا ہے۔

میری خواہش ہے کہ میرا بیٹا بھارت جیسے ملک میں گلوکار نہ بنے سونو نگم

فلم ’لال سنگھ چڈھا‘ میں تینوں خانز کی ایک ساتھ انٹری سے بھی زیادہ دلچسپ بات یہ ہے کہ شاہ رخ اور سلمان 90 کی دہائی کے کرداروں میں دکھائی دیں گے۔ شاہ رخ خان اپنی کامیاب ترین فلم ’دل والے دلہنیا لے جائیں گے‘ کے راج ملہوترا بنیں گے جب کہ سلمان خان 90 کی دہائی کی کامیاب فلمیں ’میں نے پیار کیا‘ یا پھر ’ہم آپ کے ہیں کون‘ کے مشہور کردار پریم میں دکھائی دیں گے۔

سلمان خان نے کورونا کے خطرے کے پیش نظر خود کو آئسولیٹ کرلیا

رپورٹس کے مطابق عامر خان چاہتے ہیں کہ ہالی وڈ فلم ’فارسٹ کیمپ‘ ہی کی طرح اس فلم میں بھی ایک سین ایسا فلمایا جائے جس میں ان کی شاہ رخ اور سلمان سے ملاقات ہو جہاں وہ دونوں ’راج اور پریم‘ کے کردار میں اپنی فلم کی شوٹنگ میں مصروف ہوں۔

واضح رہے اگلے سال کرسمس پر ریلیز ہونے والی اس فلم کی ہدایت کاری ادویت چندن دے رہے ہیں جو پہلے ہی عامر خان کے ساتھ ’سیکرٹ سپر اسٹار‘ بناچکے ہیں جب کہ ’تھری ایڈیٹس‘ اور ’تلاش‘ کے بعد کرینہ کپور تیسرے بار عامر خان کی ہیروئن بنیں گے اور دونوں فلم میں تین عشروں کی کہانی بیان کرتے ہوئے مختلف روپ دھاریں گے اور مختلف پیشے اپنائیں گے۔

’بجرنگی بھائی جان‘ میں مسلمان پاکستانی لڑکی کا کردار ادا کرنے والی اداکارہ اب کیسی…