بالی وڈ کی متنازع اداکارہ کنگنا رناوت اور ان کی بہن رنگولی چنڈیل کے خلاف بھارتی ریاست مہارا شٹر کے شہر ممبئی کی پولیس نے مذہبی فسادات کرانے کے الزامات میں مقدمہ دائر کردیا۔

باغی ٹی وی : بھارتی اخبار انڈین ایکسپریس کی رپورٹ کے مطابق پولیس نے اداکارہ کنگنا رناوت اور ان کی بہن رنگولی چنڈ یل کے خلاف ہفتے کےروز سہ پہر کو ایک میٹروپولیٹن عدالت میں پیش کردہ نجی شکایت کی بنا پر باندرا میں ایف آئی آر درج کی ۔

اداکارہ اور ان کی بہن کے خلاف مذہبی فسادات کرانے، زبان، رنگ اور نسل کی بنیاد پر مختلف برادریوں کو نشانہ بناکر ان میں فسادات کرانے کے الزامات کی دفعات کے تحت مقدمہ درج کیا گیا تھا۔

ممبئی میٹروپولیٹن میجسٹریٹ کی عدالت میں منور علی سید نامی کاسٹنگ ڈائریکٹر اور فٹنیس ٹرینر نے دخواست دی تھی کہ اداکارہ کی جانب سے گزشتہ چند ماہ سے کی جانے والی ٹوئٹس سے مذہبی فسادات پیدا ہونے کا خدشہ ہوگیا ہے۔

پولیس کے مطابق ، ایف آئی آر میں کہا گیا ہے کہ بہنوں نے اپنے ٹویٹس کے ذریعے ، ہندوستان کے آئین اور مہاراشٹر حکومت کے امیج کو بدنام کرنے ، مسلمانوں کے جذبات کو مجروح کرنے اور ہندوؤں اور مسلمانوں کے مابین تفریق پیدا کرنے کی کوشش کی۔

منور علی سید کا کہنا تھا کہ کنگنا رناوٹ اور ان کی بہن کی جانب سے زبان، ریاست، رنگ، نسل اور مذہب کی بنیاد پر لوگوں میں فسادات کروانے کی کوشش جیسی ٹوئٹس کی جا رہی ہیں۔

درخواست گزار نے عدالت کو بتایا کہ دونوں بہنیں با لی وڈ انڈسٹری پر بھی سنگین الزامات لگا رہی ہیں جب کہ کنگنا رناوٹ ہندو مسلم فسادات کروانے کی کوشش کر رہی ہیں اس لیے ان کے خلاف مقدمہ دائر کرنے کا حکم دیا جائے۔

منور علی سید کی درخواست پر مقامی عدالت نے ممبئی پولیس کو حکم دیا کہ اداکارہ اور ان کی بہن کے خلاف نسلی و مذہبی فسادات کروانے سمیت دوسرے لوگوں کے جذبات مجروح کرنے کی دفعات کے تحت مقدمہ دائر کیا جائے۔

عدالتی احکامات کے بعد باندرا پولیس اسٹیشن نے کنگنا رناوٹ اور ان کی بہن رنگولی چنڈیل کے خلاف لوگوں کو بھڑکانے، دوسروں کے جذبات مجروح کرنے اور نسلی و مذہبی فسادات کرانے کی کوشش جیسے الزامات کے تحت فرسٹ انفارمیشن رپورٹ (ایف آئی آر) درج کردی۔

ڈپٹی کمشنر پولیس (زون IX) ابھیشیک تریموکے نے بتایا کہ مقدمہ دائر ہونے کے بعد اب تفتیشی افسر اداکارہ اور ان کی بہن کے خلاف لگائے گئے الزامات کے ثبوت اکھٹے کریں گے اور دونوں بہنوں کے سوشل میڈیا اکاؤنٹس کا ریکارڈ حاصل کیا جائے گا۔

پولیس نے بتایا کہ عدالت کے سامنے دائر شکایت میں کہا گیا ہے کہ رناوت برادریوں میں تفریق پیدا کر رہی ہے اور فرقہ وارانہ منافرت پھیلارہی ہے”۔ عدالت نے جمعہ کے روز بہنوں کے خلاف ایف آئی آر درج کرنے کا حکم دیا تھا۔

دوسری جانب کنگنا رناوت کے وکیل نے اداکارہ اور ان کی بہن کے خلاف مقدمہ دائر ہونے کو آزادی اظہار رائے پر قدغن قرار دیا اور کہا کہ ان پر غلط الزامات کے تحت مقدمہ دائر کیا گیا تاہم وہ الزامات کا عدالت میں اچھے طریقے سے دفاع کریں گے۔

خیال رہے کہ کنگنا رناوت با لی وڈ میں اقربا پروری جیسے مسائل سمیت فلم انڈسٹری میں خواتین کا استحصال کیے جانے پر بھی کھل کر بات کرتی آئی ہیں علاوہ ازیں کنگنا رناوت بالی وڈ شخصیات کی جانب سے منشیات کے استعمال کی باتیں بھی کرتی آئی ہیں جب کہ حالیہ چند ماہ میں انہیں مسلم مخالف ٹوئٹس بھی کرتے ہوئے دیکھا گیا۔

بالی وڈ کو نشہ آور اور گندگی قرار دینے پر 2 بھارتی نیوز چینلز کے خلاف مقدمہ درج

کنگنا رناوت کے خلاف کسانوں کی توہین کرنے پر مقدمہ درج

بھارتی ریاست مدھیہ پردیشن میں دیپیکا پڈوکون سمیت 11 اداکار مودی سرکار سے ملے کارڈ کی بنیاد پر سرکار سے ہی گاؤں میں نوکری کے نام پر پیسے بٹورنے لگے۔

باغی ٹی وی : دنیا کی دوسری بڑی فلم انڈسٹر بالی وڈ میں کام کرنے والے ستاروں کے معاوضے سن کر ہی ہوش اُڑ جاتے ہیں، تاہم اب یہ ستارے حکومت سے بھی غریبوں کے حق کے پیسے اپنے لیے لینے لگے۔

بھارتی میڈیا کی رپورٹ کے مطابق دیپیکا پڈوکون سمیت کئی اسٹارز سرکار کی جانب سے جاری ہونے والے ’جاب کارڈ‘ میں دکھائی دے رہے ہیں، تاہم ان کارڈز پر نام مقامی افراد کے ہیں۔

بھارتی حکومت کی اسکیم مہاتما گاندھی نیشنل رورل ایمپلائمنٹ گارنٹی ایکٹ (منیرگا) کے تحت حکومت نے مقامی افراد کے نام پر کئی کارڈز جاری کیے۔

ان میں سونو شانتی لال نامی شخص کی اہلیہ کے نام پر ایک کارڈ جاری کی گیا جس میں تصویر دیپیکا پڈوکون کی لگادی گئی۔

مذکورہ کارڈ کے ہی مطابق شانتی لال کو اپنے گھر کے قریب ایک نالی بنانے پر معاوضہ دیا گیا ہے۔

ان کارڈ سے متعلق کارڈ کے اصل مالک کا کہنا ہے کہ انھیں نہیں معلوم کہ آخر یہ کارڈ کیسے بنے اور کس نے بنائے ہیں۔

مقامی حکام کا کہنا ہے کہ ان کارڈز سے ہر ماہ رقوم نکالی جاتی ہیں اور ان سے اب تک لاکھوں روپے نکالے جاچکے ہیں۔

جبکہ ، شانتی لال اور دیگر جن کے نام ان جعلی کارڈوں پر ہیں ان کا کہنا ہے کہ انہیں اندازہ نہیں ہے کہ یہ کیسے ہوا۔ شانتی لال اور د وبے کے مطابق ، نہ ہی کسی ایک دن کے منریگا کے کام کا دعوی کیا ہے۔ دلچسپ بات یہ ہے کہ دوبے کے پاس 50 ایکڑ فارم اراضی ہے اور ان کا کہنا تھا کہ ان کے پاس کبھی بھی منریگا کا جاب کارڈ نہیں بنا تھا۔

این ڈی ٹی وی کو بتایا کہ مجھے نہیں معلوم کہ یہ کارڈ کیسے بنایا گیا تھا۔ انہوں نے میری بیوی کی تصویر کی جگہ دیپیکا کی تصویر لگا لی سونو شانتی لال نے الزام عائد کیا کہ پنچایت سکریٹری اور ملازمت کے اسسٹنٹ اس دھوکہ دہی میں ملوث تھے۔

میڈیا رپورٹس کے مطابق مستحقین کو پیسے نہ ملنے پر حکومت نے چھان بین کی تو معلوم ہوا کہ بالی وڈ کے نشے میں رہنے والے کچھ لوگوں نے بالی وڈ اسٹارز کی تصاویر کے ذریعے کرپشن کی۔

کرپشن کے خاتمے کی دعوے دار حکومت یہ آنکھوں دیکھا معاملہ پکڑنے میں بھی ناکام رہی جس میں سرپنچ اور سیکریٹری سطح کے لوگ بھی ملوث نکلے۔

رپورٹس کے مطابق اس معاملے میں صرف دیپیکا پڈوکون ہی نہیں بلکہ جیکولین فرنینڈس اور دیا مرزا سمیت 11 سے زائد اداکاروں کے کارڈز منظرعام پر آچکے ہیں، جہاں ان کی تصاویر استعمال کرتے ہوئے کرپٹ مافیا کی جانب سے پیسہ نکالنے کا سلسلے جاری ہے-

مادھوری ڈکشٹ کا شادی کی 21ویں سالگرہ پر شوہر کے لئے محبت بھرا پیغام

سنجے دت کا فلموں میں واپسی کا اعلان

بھارتی اداکار متھن چکرورتی کے بیٹے اور اہلیہ کے خلاف عدالت کے حکم پر ایف آر درج

بالی وڈ کی ماضی کی مقبول ترین اداکارہ اور بی جے پی (بھارتی جنتیا پارٹی) کی رکن پارلیمنٹ ہیما مالنی کا کہنا ہے کہ میں چالیس سال تک بالی وڈ کا حصہ رہی ہوں، میں نے کبھی بدتمیزی نہیں کی اور نہ ہی کسی نے میرے ساتھ بدسلوکی کی ہے-

باغی ٹی وی :بالی وڈ کی ماضی کی صف اول کی اداکارہ ہیما مالنی نے دو نیوز چینلز کے خلاف بھارتی فلمسازوں کا مقدمہ دائر کرنے پر ردعمل دیتے ہوئے کہا کہ اُن کے 40 سال سے زیادہ کیریئر میں بالی وڈ میں کسی نے بھی ان کے ساتھ بدتمیزی نہیں کی ہے اور نہ ہی اُنہوں نے کسی کے ساتھ نامناسب سلوک کیا ہے۔

بھارتی میڈیا کے مطابق ہیما مالنی نے اپنے انٹرویو میں کہا کہ گزشتہ کچھ دنوں سے ہم سبھی دیکھ رہے ہیں کہ بالی ووڈ اور بالی وڈ فنکاروں کی بہت زیادہ توہین کی جارہی ہے۔

ہیما مالنی نے کہا کہ میں یہ نہیں کہہ رہی ہوں کہ ہم سب دودھ کے دُھلے ہوئےہیں لیکن ہم سب کو منشیات اور برائی کا نام دینا شرمناک اور ناقابل برداشت ہے۔

اُنہوں نے کہا کہ میں چالیس سال تک بالی ووڈ کا حصہ رہی ہوں، میں نے کبھی بدتمیزی نہیں کی اور نہ ہی کسی نے میرے ساتھ بدسلوکی کی ہے۔

واضح رہے کہ بالی وڈ کے نامور اداکاروں اور فلم سازوں نے مخصوص میڈیا ہاؤسز کی غیر ذمہ دارانہ رپورٹنگ پر ان کے خلاف دہلی ہائی کورٹ میں درخواست دائر کی جن ٹی وی چینلز کے خلاف اپنی نوعیت کی پہلی درخواست دائر کی گئی ان میں غیر قانونی طریقے سے ریٹنگ کے اسکینڈل میں ملوث ری پبلک ٹی وی اور ٹائمز ناؤ شامل ہے۔

معروف اداکار اور فلم سازوں میں عامر خان، شارخ خان، سلمان خان، اجے دیوگن، کرن جوہر، ادیتیا چوپڑا اور فرحان اختر شامل ہیں جنھوں نے عدالت سے رجوع کیا۔

ری پبلک ٹی وی کے سی ای او ارناب گوسوامی اور پرادیپ بھنڈاری جبکہ ٹائمز ناؤ کے بڑے نام راہول شوشنکر اور نویکا کماراور نامعلوم مدعا علیان کے ساتھ ساتھ سوشل میڈیا پلیٹ فارم کے خلاف مقدمہ درج کیا گیا۔

درخواست میں بالی ووڈ شخصیات کا کہنا تھا کہ ان چینلز نے فلم انڈسٹری کے خلاف بہت زیادہ ہتک آمیز الفاظ اور تاثرات کا اظہار کیا، جن میں نشئی اور گندگی جیسے الفاظ شامل ہیں۔

انہوں نے کہا کہ یہ چینل اشتعال انگیز الفاظ کا بھی استعمال کرتے ہیں اور کہتے ہیں کہ یہ بالی ووڈ ہے جہاں پر موجود گند کو صاف ہونے کی ضرورت ہے اور ساتھ میں یہ الفاظ بھی استعمال کیے گئے کہ بالی وڈ بھارت کی غلیظ ترین انڈسٹری ہے۔

درخواست میں استدعا کی گئی ہے کہ بالی ووڈ کی مشہور شخصیات کے خلاف ہتک عزت آمیز تبصروں کو ٹیلی کاسٹ نہیں کیا جانا چاہئے اور ان پر میڈیا ٹرائلز کرنے یا فلمی صنعت سے وابستہ اداکاروں اور دیگر افراد کی رازداری کے حق میں مداخلت کرنے پر پابندی لگائی جانی چاہئے۔

واضح رہے کہ سوشانت سنگھ راجپوت کی خودکشی کی تحقیقات کا دائرہ کار وسیع کیا گیا تو یہ معاملہ بالی وڈ میں ڈرگز مافیا تک جا پہنچا۔جس کی لپیٹ میں بالی وڈ کی معروف شخصیات بھی آئیں اور ان سے منشیات کے سلسلے میں تفتیش کی جا رہی ہے-

بالی وڈ کو نشہ آور اور گندگی قرار دینے پر 2 بھارتی نیوز چینلز کے خلاف مقدمہ درج

بالی وڈ منشیات کیس: ہر فلم سٹار کو اس تنازعے میں نہ گھسیٹیں اکشے کمار کی مداحوں…

ریا چکرورتی جیل میں ساتھی قیدیوں کو یوگا کروایا کرتی تھیں

سوشانت سنگھ راجپوت خودکشی کیس سے منسلک منشیات معاملے میں گرفتار اداکارہ ریا چکرورتی کو ضمانت مل گئی

دپیکا پڈوکون سے تفتیش کرنے والے این سی بی کے ڈپٹی ڈائریکٹر عالمی وبا کورونا وائرس کا شکار ہوگئے

سوشانت کی موت کے متعلق لیک ویڈیو پر سوشانت کے وکیل اور خاندان کا نئی فرانزک رپورٹ…

دنیا بھر مین مقبولیت کی بلندیوں کو چھونے والی مسلمانوں کی اسلامی فتوحات پر مبنی شہرہ آفاق سیریز ’دیریلیش ارطغرل‘ میں روشنی خاتون کا کردار نبھانے والی اداکارہ بُرجو کیراٹلے نے ترکی کا سنیما ایوراڈ اپنے نام کر لیا-

باغی ٹی وی :سماجی رابطے کی ویب سائٹ انسٹاگرام پر بُرجو کیراٹلے نے سنیما ایوارڈ تقریب کی ویڈیو شیئر کی ہے جس میں انہیں ایوارڈ لیتے ہوئے دیکھا جاسکتا ہے۔
https://www.instagram.com/p/CGcWgWQhfeU/?igshid=8ar8hu9b0bst
اداکارہ بُرجو کیراٹلے نے انسٹا گرام پر ایوارڈ ملنے پر اظہار تشکر کیا۔

اپنے پیغام میں انہوں نے کہا کہ میں ترکی کے 106ویں سنیما ایوارڈ ملنے پر خوش ہوں اور میرے لیے یہ ایوارڈ ملنا اعزاز کی بات ہے۔

اداکارہ نے لکھا کہ "یہ جن لوگوں نے ماضی سے مستقبل میں ترک سنیما لے کر گئے” کے لئے ایوارڈ حاصل کرنا بہت اعزاز کی بات ہے اور میں یہ ایوراڈ اپنے نام کرنے پر بہت پرجوش ہوں-

کیراٹلے نے لکھا کہ اداکاروں کی ایک نئی نسل کی حیثیت سے ، ہم ترکی کے سنیما کی نمائندگی کو انتہائی خوبصورت جذبات کے ساتھ انتہائی خوبصورت انداز میں جاری رکھیں گے-

واضح رہے کہ ڈرامہ ارطغرل غازی کی معروف اداکارہ بُرجو کیراٹلے کو مقامی سنیما کے لیے خدمات پیش کرنے پر اس ایوارڈ سے نوازا گیا۔

بھارتی فلم انڈسٹری کے سُپر اسٹار سنجے دت نے موذی مرض پھیپھڑوں کے کینسر میں مبتلا ہونے کے باوجود فلموں میں اپنی واپسی کا اعلان کیا ہے۔

باغی ٹی وی :رواں سال اگست میں خبریں سامنے آئیں تھیں کہ سنجے دت طبیعت ناسازی کے باعث اسپتال میں داخل ہیں جہاں معلوم ہوا کہ وہ چوتھے درجے کے جگر کے کینسر میں مبتلا ہیں۔ سنجے دت نے اپنا علاج ممبئی کے ایک ہسپتال میں شروع کیا بعد ازاں ڈاکٹروں کی ہدایت کے مطابق علاج کی غرض سے امریکہ روانہ ہوگئے تھے-

واضح رہے کہ سنجے دت کے بیمار پڑنے سے کئی فلم سازوں کو اپنی آنے والی فلموں کی فکر پڑ گئی ہے، کیونکہ سنجو بابا کم از کم 6 آنے والی فلموں میں ایکشن میں دکھائی دینے والے تھے اور ان کی فلموں پر مجموعی طور پر فلم سازوں کے 735 کروڑ روپے لگے ہوئے ہیں۔

تاہم اب حال ہی میں سنجے دت نے سماجی رابطے کی ویب سائٹ انسٹاگرام پر ایک پوسٹ میں اپنے مداحوں کو فلموں میں واپسی سے متعلق خوشخبری سنائی ہے۔

سنجے دت کی جانب سے انسٹا گرام پر اپنی تصاویر شیئر کی گئیں ہیں سنجے دت کی تصاویر میں دیکھا جا سکتاہے کہ اُن کے بال کٹے ہوئے اور وہ قدرے بہتر حالت میں نظر آ رہے ہیں ۔
https://www.instagram.com/p/CGZBsAzHNJK/
https://www.instagram.com/p/CGZBti3HyAp/
سنجے دت کی جانب سے شیئر کی گئی تصویر کے کیپشن میں اپنی آنے والی فلم کے جی ایف 2 کی شوٹنگ سے متعلق کہا گیا ہے کہ وہ تیار ہیں۔

دوسری جانب سنجے دت کے ہیئر اسٹائلسٹ علیم حکیم نے بھی ویڈیوز شیئر کی ہیں جن میں اداکار نئی لُک کے لیے سیلون میں موجود ہیں اور کافی پر جوش نظر آ رہے ہیں۔

علیم حاکم کی جانب سے انسٹاگرام پر جاری کردہ ویڈیو پیغام میں سنجے دت نے اپنے مداحوں سے مخاطب ہوتے ہوئے کہا کہ ’ہائےمیں ہوں سنجے دت اور سیلون میں واپس آکر ہیئر اسٹائل بنوا کر مجھے کافی اچھا محسوس ہو رہا ہے۔
https://www.instagram.com/tv/CGUnxrXheeX/?utm_source=ig_embed
ویڈیو میں سنجے دت نے کیمرا مین کو اپنے چہرے کے قریب کیمرا لانے کا کہتے ہیں اوراپنی بھنویں (Eyebrow) پر موجود کیمو تھراپی کے نشان کو دکھاتے ہوئے مداحوں سے کہا کہ ’اگر آپ کو یہ نشان نظر آرہا ہے تو یہ میری زندگی کا ایک حالیہ داغ ہے لیکن میں بہت پُرامید ہوں کہ میں جلد ہی اس کینسر سے آزاد ہوجاؤں گا-

سنجے دت نے کہا تھا کہ وہ لاک ڈاؤن کے بعد دوبارہ کام کرنے پر خوش ہیں گھر سے باہر رہنا ہمیشہ اچھا ہے سنجے نے کام پر واپس آنے کے حوالے سے بات کرتے ہوئے کہا تھا کہ وہ اپنی نئی فلم کے جی ایف 2 کے لیے داڑھی بڑھا رہے ہیں جس میں وہ ایک منفی کردار ادا کریں گے-

بالی وڈ اداکار نے اپنی داڑھی کی طرف اشارہ کرتے ہوئے کہا تھا کہ میں کے جی ایف 2 کے لیے بڑھ رہا ہوں کیونکہ مجھے کے جی ایف میں کردار کی ادائیگی کے لیے اس کی بہت ضرورت ہے اور اس پراجیکٹ کی شروعات ہم نومبر میں کریں گے۔

ویڈیو میں انہوں نے رنبیر کپور اور وانی کپور کے ساتھ اپنی فلم شمشیرہ کے لیے ڈبنگ شروع کرنے کی اطلاع د یتے ہوئے کہا کہ تھا وہ فلم شمشیرہ کے لیے ڈبنگ کریں گے، بہت مزہ آئے گا، کام پر واپس آنا اچھا لگ رہا ہے۔

جگر کے کینسر میں مبتلا بالی وڈ اداکار سنجے دت کی ہسپتال سے پہلی تصویر سامنے آ گئی

سنجے دت کینسر کو شکست دینے کےلیے پُرعزم