پاکستان شوبز انڈسٹری کے نامور اداکار عدنان صدیقی نے بیٹیوں کے عالمی دن پر اپنی دونوں بیٹیوں کے لیے محبت بھرا پیغام جاری کیا۔

باغی ٹی وی : ورسٹائل اداکار عدنان سدیقی نے اپنے انسٹاگرام اکاؤنٹ پر اپنے پیغام میں اپنی بیٹیوں کے ساتھ گزارے اپنے لمحات کو بیان کیا ہے اور گزرے وقت کو دوبارہ گزارنے کی خواہش کا اظہار کیا۔
https://www.instagram.com/p/CFopx_jnhZX/
اپنی بیٹیوں کو مخاطب کرتے ہوئے عدنان صدیقی نے لکھا کہ محترم مریم جان اور دانیہ جانیا آپ دونوں بہت تیزی کے ساتھ بڑی ہو رہی ہیں کاش یا تو وقت رک جائے یا پھر میرے پاس ٹائم مشین آجائے جس کی مدد سے میں اس دن تک واپس جاؤں جب آپ پیدا ہوئیں تھیں۔

انہوں نے لکھا کہ کیا یہ کل کی سی بات نہیں جب آپ رو رو کر مجھے جگاتے تھے کیا لمحہ پہلے کی بات نہیں آپ نے اپنی انگلی مجھے پکڑوائی اس بھروسے کے ساتھ کہ جب آپ اپنا پہلا قدم لیں گی تو میں آپ کو مضبوطی سے تھاموں گا۔

عدنان صدیقی نے کہا کہ آج آپ لوگوں کو دیکھتا ہوں جو اب نوجوان ہورہی ہیں اپنے والد کا سرفخر سے بلند کر رہی ہو حتیٰ کہ آپ اپنی رائے برقرار رکھنے کے لیے مجھ سے اختلاف کرتی ہیں۔

اداکار نے لکھا کہ میں جانتا ہوں کہ اس وقت آپ مجھ سے شدید نفرت کرتی ہوں گی جب میں آپ کی بات سے اختلاف کرتا ہوں لیکن یہ سیکھنے کا وقت ہے آپ دونوں کو آگے اپنے بل بوتے پر چلنا ہے، اپنے صحیح و غلط کا انتخاب کرنا ہے اور اپنے اچھے برے کے فیصلے کرنے ہیں۔

عدنان صدیقی نے اپنی بیٹیوں کو نصیحت کرتے ہوئے کہا کہ آپ جو بھی کام کریں اس کے لیے ذمہ دار بنیں۔

انھوں نے اپنی بیٹیوں کو حوصلہ دیتے ہوئے کہا کہ اگر آپ کہیں گرتی ہیں تو میں آپ کو سنبھالنے کے لیے موجود ہوں زندگی آسان اور ہموار نہیں ہے۔

اداکار کا کہنا تھا کہ یہ آپ کا اپنا سفر ہوگا میں آپ کے پروں کے نیچے ہوا کی مانند رہوں گا لیکن پرواز آپ کی ہوگی، میں آپ کو اندھیروں سے دیکھوں گا آپ زندگی کی خوشی منائیں گیں۔

اپنے اس پیغام کے آخر میں عدنان صدیقی نے اپنی بیٹیوں کو پیار دیا اور انھیں بیٹیوں کے عالمی دن پر مبارکباد بھی دی۔

اُشنا شاہ نے شوبز انڈسٹری میں ادکاراؤں کے ساتھ ہونے والےغیر منصفانہ رویے سے پردہ اٹھا دیا

لاہور:پاکستان فلم انڈسٹری کی نامور اداکارہ میرا کا کہنا ہے کہ شوبز کے لوگ جتنی محنت سازشیں کرنے پرکرتے ہیں اگر اس کا پچاس فیصد کام پر کر لیں تو ہماری انڈسٹری ترقی کی منازل طے کر سکتی ہے-

باغی ٹی وی : تفصیلات کے مطابق ایک انٹر ویو میں اداکارہ میرا نے کہا کہ شوبز کے لوگ جتنی محنت سازشیں کرنے پرکرتے ہیں اگر اس کا پچاس فیصد کام پر کر لیں تو ہماری انڈسٹری ترقی کی منازل طے کر سکتی ہے-

میرا نے کہا کہ یہ درست ہے کہ ہمارے معاشرے میں حسد اور غیبت جیسی برائیاں موجود ہیں لیکن شوبز انڈسٹری اس کا سب سے زیادہ شکار ہے ۔

انٹر ویو میں میرا نے مزید کہا کہ کیا لوگ یہ سمجھتے ہیں کہ میری باتوں کو غیر سنجیدگی سے لے کر ان کا مذاق اڑایا جاتا ہے تو مجھے اس کا علم نہیں ہوتا ایسا ہرگز نہیں ہے بلکہ میں اپنا معاملہ خدا کی ذات پر چھوڑ دیتی ہوں اور وہ بہترین انصاف کرنے والا ہے ۔

میرا نے کہا کہ شوبز کے لوگ غیبت کرتے ہوئے یہ بات بھول جاتے ہیں کہ ہم نے اس کا حساب بھی دینا ہے اور اللہ کے ہاں اس کا بڑا سخت حساب ہے ۔

اداکارہ نے کہا کہ فلم انڈسٹری کے حالات سے صرف میں ہی نہیں بلکہ اس سے جڑے ہوئے تمام لوگ متاثر ہوئے ہیں اور خدا کی ذات سے دعا ہے کہ ہماری انڈسٹری کے حالات میں جلد سدھار آئے اور یہ دن دگنی رات چوگنی ترقی کرے۔

واضح رہے کہ اس سے قبل فلمسٹار کا کہنا تھا کہ میرے پیرو مرشد نے بتایا ہے کہ کچھ لوگ مجھ پر جادو کرارہے ہیں انہوں نے کہا تھا جو لوگ میرے دشمن ہیں اور میرے خلاف ہیں وہ میرے خلاف غلط خبریں پھیلانے میں کبھی پیچھے نہیں رہے-

کچھ لوگ مجھ پر جادو کروا رہے ہیں ادکارہ میرا کا انکشاف

فلمسٹار میرا کی پرفارمنس کے دوران سینما کے باہر فائرنگ کرنے والے ملزمان گرفتار

فیصل آباد میں فلمسٹار میرا جی کی پرفارمنس کے دوران فائرنگ

میرا فائرنگ کیس:باغی ٹی وی کی خبر پر پولیس نے مقدمہ درج کرلیا، ملزمان کی گرفتاری کے لیے چھاپے

پاکستان شوبز انڈسٹری کی صف اول اداکارہ ماہرہ خان نے اپنے مقبول ترین ڈرامہ سیریل’ہمسفر‘ کی یادیں تازہ کر دیں-

باغی ٹی وی :ڈرامہ سیریل ہمسفر سے نہ صرف پاکستان بلکہ بھارت میں بھی مقبولیت حاصل کرنے والی ہر دلعزیز اداکارہ ماہرہ خان نے سماجی رابطے کی ویب سائٹ انسٹاگرام پر ’ہمسفر‘ کے 9 سال مکمل ہونے پر ڈرامے کی کچھ یادیں مداحوں کے ساتھ شیئر کیں-
https://www.instagram.com/p/CFh-XwchQ1m/
ماہرہ خان نے اپنی پوسٹ کے کیپشن میں سوالیہ انداز میں لکھا کہ اب ایسا کیا کہنا باقی رہ گیا ہے جو پہلے نہ کہا ہو؟ لیکن جب ہمسفر کی بات ہوتی ہے تو کہنے کے لیے بہت کچھ ہوتا ہے۔

اداکارہ نے لکھا کہ خِرد میرا اب تک کا سب سے خاص کردار ہے وہ ہر ایک سے دل سے محبت کرنے والی شخصیت کی مالک تھی اور وہ ایک ایسی عورت تھی جس کے لیے اُس کی عزت نفس بہت اہم تھی۔

اُنہوں نے لکھا کہ جیسا کہ میں ہمیشہ کہتی ہوں کہ ہمسفر آپ سب کا ہے۔ یہ سفر آپ سب کے بغیر کچھ بھی نہیں ہے کہ جس نے 9 سالوں تک اپنی مقبولیت کو برقرار رکھا ہے۔

آخر میں ماہرہ خان نے ’ہمسفر‘ کے مداحوں سے اظہارِ محبت بھی کیا۔

واضح رہے کہ ڈرامہ سیریل ’ہمسفر‘ 9 سال قبل 2011 میں ایک نجی ٹی وی چینل سے نشر کیا گیا تھا اس ڈرامے کی کہانی ایک شادی شدہ جوڑے کے گرد گھومتی ہے یہ ڈرامہ فرحت اشتیاق کے ناول پر مبنی تھا ڈرامے کے ہدایت کار سرمد کھوسٹ تھے –

ڈرامہ ’ہمسفر‘ کے کردار وں میں ماہرہ خان، فواد افضل خان، عتیقہ اوڈھو، نوین وقار، نور حسن، سارہ کشف، بہروز سبزواری اور حنا خواجہ بیات شامل ہیں۔

پاکستان شوبز انڈسٹری کی باصلاحیت اور خوبصورت اداکارہ اُشنا شاہ کا کہنا ہے کہ انڈسٹری میں مرد اداکاروں کے مقابلے میں خواتین کو کم معاوضہ ملتا ہے-

باغی ٹی وی : اپنی بے مثال اداکارانہ صلاحیتوں کی بدولت انڈسٹری میں الگ مقام اور پہچان بنانے ولی اداکارہ اُشنا شاہ نے اپنے حالیہ انٹرویو میں پاکستان شوبز انڈسٹری میں رائج غیر منصفانہ روئیے پر بات کی کہا کہ ہماری انڈسٹری میں اداکاراؤں کو اداکاروں کے مقابلے میں کم معاوضہ ملتا ہے۔

اُشناشاہ نے انٹرویومیں کہا کہ پاکستان شوبز انڈسٹری میں ہیروز کم ہیں کیونکہ اس فیلڈ میں لڑکوں کے مقابلے میں لڑکیاں زیادہ آتی ہیں۔ حالانکہ مرد اداکاروں کا کام اداکاراؤں سے کم ہوتا ہے مثال کے طور پر اگر کسی ڈرامے میں کسی لڑکی کے 400 سینز ہیں تو اس کے مقابلے میں لڑکے کے 300 سینز ہوں گے۔

دراصل ڈرامے کی کہانی ہی عورت کے گرد گھوم رہی ہوتی ہے اس لیے ڈرامے میں کام بھی لڑکی کا زیادہ ہوتا ہے لیکن اس کے باوجود مرد اداکاروں کو اداکاراؤں سے زیادہ معاوضہ دیاجاتا ہے اور یہ نہایت غیر منصفانہ ہے۔

اشنا شاہ نے کہا کہ اداکارائیں سیٹ پر جلدی آتی ہیں زیادہ محنت کرتی ہیں ڈرامے میں اداکارائیں سب سے زیادہ روتی ہیں اور یہ آسان نہیں ہے۔

اُشنا شاہ نے شوبز کی فیلڈ میں کام کرنے والی خواتین کو پیش آنے والی مشکلات کے بارے میں کہا کہ وہ لڑکیاں جن کا تعلق شوبز انڈسٹری سے نہیں ہوتا جب وہ اس فیلڈ میں آتی ہیں تو انہیں ان تمام لڑکیوں کے مقابلے میں زیادہ مشکلات پیش آتی ہیں جن کا تعلق شوبز گھرانے سے ہوتا ہے یہاں تک کہ کئی لڑکیوں کا استحصال بھی کیا جاتا ہے۔

اداکارہ اُشنا شاہ نے اپنی مثال دیتے ہوئے کہا کہ ان کے خاندان کے کئی افراد پہلے سے شوبز میں تھے لہذا انہیں اس فیلڈ میں جگہ بنانے میں زیادہ مشکل پیش نہیں آئی اسلئے وہ خود کو خوش قسمت سمجھتی ہیں۔

شوبز انڈسٹری میں صرف خواتین ہی نہیں بلکہ مرد اداکاروں کو بھی کئی طرح کی مشکلات کا سامنا ہوتا ہے اسامہ طاہر

پاکستان ڈرامہ انڈسٹری کے ناموراداکار اسامہ طاہر نے ایک انٹرویو میں انکشاف کیا ہے کہ شوبز انڈسٹری میں صرف خواتین ہی نہیں بلکہ مرد اداکاروں کو بھی کئی طرح کی مشکلات کا سامنا ہوتا ہے-

باغی ٹی وی : ڈرامہ انڈسٹری میں محض تین سال کے عرصے میں اپنی ایک الگ پہچان بنانے والے اسامہ طاہر نے ایک انٹریو میں انکشاف کیا کہ انڈسٹری میں اب مرد اداکاروں کے لیے بھی ’خوبصورت‘ ہونا ضروری ہوگیا ہے اور صلاحیت ثانوی چیز ہوگئی ہے۔

ڈرامہ ’ ڈر سی جاتی ہے صلہ‘ سے اپنے کیریئر کا آغاز کرنے والے اسامہ طاہر نے مزید کہا کہ اداکار ہونے کے لیے ضروری ہوگیا ہے کہ آپ کی رنگت سفید ہو، بے داغ جلد ہو، داڑھی اور ہیئر اسٹائل اچھا ہو۔ مجھے بھی کئی بار صرف گوری رنگت کی وجہ سے ڈرامے میں کام ملا۔

’ایمرجنگ ایکٹر ایوارڈ ‘ اپنے نام کرنے والے اسامہ طاہر کا مزید کہنا تھا کہ ان سب کی وجہ سے اداکاری کا ہنر پیچھے رہ گیا ہے نئے اداکار بھی اپنی وجاہت ظاہری بود وباش پر توجہ دے رہے ہیں تاہم میں شوبز میں آنے والے لڑکوں کو مشورہ دوں گا کہ ظاہری روپ کے بجائے اپنی صلاحیت پر انحصار کریں۔

ماہرہ خان کا زندگی سے متعلق خصوصی پیغام

عائشہ عمر کی ڈانس ویڈیو سوشل میڈیا پر وائرل

پاکستان شوبز انڈسٹری صف اول کی اداکارہ ماہرہ خان نے سوشل میڈیا پر زندگی سے متعلق خصوصی پیغام شیئر کیا ہے –

باغی ٹی وی : ماہرہ خان کا نام کسی تعارف کا محتاج نہیں ان کی خوبصورتی اور لازوال اداکاری کی وجہ سے انہیں پاکستان اور سرحد پار سمیت پوری دنیا میں پسند کیا جاتاہے اور ان کے مداح ان کی ایک جھلک دیکھنے کے لئے انتظار میں رہتے ہیں تاہم اپنے مداحوں کو خوش رکھنے کے لئے اداکارہ اپنے نجی و پروفیشنل زندگی سے متعلق نئی تصاویر اور ویڈیوز سوشل میڈیا پر شیئر کرتی رہتی ہیں۔
https://www.instagram.com/p/CFosqaoBazp/
ماہرہ خان نے ایک گھنٹی قبل اپنی ایک تصویر شیئر کی ہے جس میں وہ بیرون ملک پیرس میں موجود ہیں۔

ماہرہ خان کی تصویر میں دیکھا جا سکتا ہے کہ وہ مغربی لباس سفید شرٹ اور جینز میں ملبوس ہیں اور مسٹرڈ رنگ کی کیپ بھی پہنی ہوئی ہے ماہرہ خان اپنی تصویر میں بے حد خوبصورت نظرآ رہی ہیں۔

ماہرہ خان کی جانب سے اپنی تصویر پر فارسی زبان میں ایک کیپشن بھی تحریر کیا ہے جس میں انہوں نے اپنے مداحوں کو زندگی سے متعلق ایک اہم پیغام دیا ہے کہ مصروف ترین زندگی میں جینا مت بھولیں۔

ماہرہ خان کی اس تصویر پر ایک گھنٹے میں ہی90 ہزار سے زائد لائیکس آ چکے ہیں جبکہ کمنٹس میں اُن کے مداح اُن کی فارسی لُک اور خوبصورتی کو بھی سراہ رہے ہیں-

ماہرہ خان کی حالیہ تصاویر کے سوشل میڈیا پر چرچے

اقرا عزیز کی نئی تصویر سوشل میڈیا پر وائرل

علی ظفر نے ماضی کی یادیں تازہ کر دیں