لاہور ہائی کورٹ میں وزیراعلی حمزہ شہباز کے حلف کے فیصلے اور گورنر کے اختیارات کے خلاف دائر اپیلوں پر سماعت ہوئی۔

باغی ٹی وی : سماعت کے دوران عدالت نے اہم ریمارکس میں کہا کہ 25 ووٹ نکال کر دوبارہ پولنگ کی صورت میں اکثریت والا وزیر اعلیٰ بن جائے گا اکثریت والا وزیر اعلیٰ بن جاتا ہے تو حمزہ شہباز کا نوٹیفکیشن ختم ہو جائے گا۔

مون سون بارشوں کا پہلا اسپیل رواں ہفتے ہی شروع ہونے کا امکان

عدالت نےکہا کہ کیس کا فیصلہ آج ہی کرنا چاہتے ہیں ایڈو وکیٹ جنرل پنجاب حکومت سےہدایت لےکربتائیں کہ سپریم کورٹ کے فیصلے پر عمل درآمد کے لئے پنجاب اسمبلی کا اجلاس کب بلایا جا سکتا ہے تحریک انصاف اور پنجاب حکومت کےوکیل ہدایات لے کر پیش ہوں۔

عدالت کی معاونت کریں کہ اگر ہم اجلاس دوبارہ 16 اپریل کی تاریخ پر لے جائیں اور پولنگ دوبارہ ہو تو بحران سے کیسے بچا جا سکتا ہے۔ایسی صورت میں پولنگ وہی پریزائڈنگ افسر کروائے گا جس نے 16 تاریخ کو کروائی۔

وکیل تحریک انصاف نےکہا کہ ہم نے ڈپٹی اسپیکر کے ذریعے پولنگ کو بھی چیلنج کیا ہے۔عدالت نےکہاکہ الیکشن ڈپٹی اسپیکر ہی کروائے گا کیونکہ اس پر لاہورہائیکورٹ کا ایک فیصلہ موجود ہے جسے چیلنج نہیں کیا گیا۔

جسٹس شاہد جمیل نے کہا کہ وزیر اعلی کا آفس کسی صورت خالی نہیں رہ سکتا۔جسٹس صداقت علی خان نے کہا کہ ہم یہ نہیں کہہ سکتے کہ حمزہ کے پاس اکثریت نہیں رہی اگر اسپیکر 25ووٹ نکال کر الیکشن کرواتا ہے تو اکثریت رکھنے والا وزیراعلیٰ بن جائے گا اور دوبارہ حلف ہوگا۔

شمالی وزیرستان کے علاقے دتہ خیل میں انسداد پولیو ٹیم پر نامعلوم افراد کی فائرنگ سے 2 پولیس اہلکار وں سمیت ایک پولیو ورکر شہید ہوگیا۔

پولیس کے مطابق لاشوں اور زخمیوں کو تحصیل اسپتال دتہ خیل منتقل کردیا گیا ہے ڈپٹی کمشنر شمالی وزیرستان شاہد علی خان نے نجی خبررساں ادارے سے گفتگو کرتے ہوئے بتایا کہ پولیو ٹیم تنگ کلی کے علاقے میں بچوں کو پولیو ویکسین پلانے گئی تھی۔

شمالی وزیرستان: سیکیورٹی فورسزسے جھڑپ میں 7 دہشت گرد ہلاک:پاک فوج کے دوجوان شہید

شہید ہونے والے پولیس اہلکاروں میں سپاہی دین شاہد اور سپاہی رضاء اللہ شامل ہیں ڈپٹی کمشنرشمالی وزیرستان نے فائرنگ کے نتیجے میں ایک بچے کے بھی زخمی ہونے کی تصدیق کی ہے۔

واضح رہے کہ پانچ روزہ انسداد پولیو مہم گزشتہ روز سے شروع ہوئی، جس میں ایک کروڑ 26 لاکھ بچوں کو حفاظتی قطرے پلائیں جائیں گے وزیرصحت عبدالقادر پٹیل کا کہنا تھا کہ 25 اضلاع پولیو کے حوالے سے حساس قرار دیئے گئے ہیں۔ حساس اضلاع میں تمام بچوں کو پولیو کے قطرے پلایں جائیں گے، معاشرے کا ہر طبقہ پولیو کے خاتمے کیلئے حکومت کا ساتھ دے۔

پانچ روزہ انسداد پولیو مہم آج سے شروع

عبدالقادر پٹیل کا کہنا تھا کہ باقی اضلاع میں مخصوص یونین کونسل میں مہم ہو گی، مہم میں ایک لاکھ سے زیادہ تربیت یافتہ فرنٹ لائن ورکرز گھر گھر جاکر بچوں کو حفاظتی قطرے پلوائیں گے۔ حکومت نے پولیو کے خاتمے کیلئے موثر اور مربوط حکمت ترتیب دی ہے، پولیو کے خاتمے تک چین سے نہیں بیٹھیں گے۔

واضح رہے کہ ملک میں رواں سال وائرس سے متاثرہ بچوں کی تعداد 11 ہو گئی ہے جب کہ گزشتہ سال خطرناک وائرس کا ملک میں صرف ایک کیس سامنے آیا تھا۔

لانگ مارچ میں توڑپھوڑ سے متعلق کیس: پی ٹی آئی کے 14 رہنماؤں کی عبوری ضمانتوں میں توسیع

لاہور میں انسداد دہشت گردی کی عدالت (اے ٹی سی) نے چار مختلف مقدمات میں پی ٹی آئی کے 14 رہنماؤں کی عبوری ضمانتوں میں 19 جولائی تک توسیع کر دی۔

باغی ٹی وی : لاہور میں انسداد دہشت گردی کی عدالت (اے ٹی سی) نے منگل کو 25 مئی کو اسلام آباد کی طرف پارٹی کے لانگ مارچ کے دوران جلاؤ گھیراؤ اور توڑ پھوڑ کے چار مختلف مقدمات میں پی ٹی آئی کے 14 رہنماؤں کی عبوری ضمانتوں میں 19 جولائی تک توسیع کر دی۔

کراچی: شہریوں نے ڈاکو کو پکڑ کر زندہ جلا دیا

برہان معظم ملک ایڈووکیٹ نے پی ٹی آئی رہنماؤں کی نمائندگی کرتے ہوئے عدالت کو آگاہ کیا کہ پولیس جان بوجھ کر ان کے مؤکلوں سے پوچھ گچھ نہیں کر رہی اور تفتیشی افسر (IO) اس وقت دستیاب نہیں تھے۔

اے ٹی سی لاہورنے پی ٹی آئی رہنماؤں کو متعلقہ تھانوں میں شامل تفتیش ہونے کا حکم دیا پی ٹی آئی رہنما شفقت محمود ، حماد اظہر ، یاسمین راشد ، اسلم اقبال،جمشید اقبال چیمہ ، مراد راس ،عندلیب عباس سمیت 18 ملزمان اے ٹی سی لاہور پیش ہوئے،تھانہ شفیق آباد پولیس نےپی ٹی آئی رہنماؤں کے خلاف مقدمہ درج کر رکھا ہے-

قومی اسمبلی نےآئندہ مالی سال 2022-23 کیلئے 278 کھرب روپےکے اخراجات کی منظوری دیدی

متحدہ قومی موومنٹ (ایم کیو ایم) پاکستان کے ڈپٹی کنوینرکنور نوید جمیل کو طبیعت ناساز ہونے کی بنا پر اسپتال منتقل کردیا گیا۔

باغی ٹی وی : ترجمان ایم کیو ایم پاکستان کے مطابق کنور نوید جمیل کو برین ہیمرج ہوا ہے اور انہیں انتہائی تشویش ناک حالت میں کراچی کے ایک نجی اسپتال منتقل کیا گیا ہے-

قومی اسمبلی نےآئندہ مالی سال 2022-23 کیلئے 278 کھرب روپےکے اخراجات کی منظوری دیدی

ذرائع کا کہنا ہے کہ ایم کیو ایم رہنما کو ہائی بلڈ پریشر کے باعث برین ہیمرج ہوا، اور انھیں انتہائی نگہداشت کے وارڈ میں رکھا گیا ہےذرائع کے مطابق گزشتہ روز طویل اسمبلی اجلاس اور ورک لوڈ کے باعث ان کی طبعیت خراب ہو گئی تھی۔

ترجمان ایم کیو ایم اور ایم کیو ایم کے کنوینئیر ڈاکٹر خالد مقبول صدیقی نےکارکنان اور عوام سے کنور نوید جمیل کی جلد صحت یابی کی دعا کی اپیل کی ہے۔

گزشتہ روز سندھ اسمبلی میں خطاب کرتے ہوئے حیدرآباد کے سابق ناظم کنور نوید جمیل نے کہا تھا کہ بجٹ عوام کے لیے بنتا ہے لیکن یہاں یکطرفہ بجٹ بنایا گیا ہے کراچی میں کوئی نیا کالج ، اسکول یا کوئی اسپتال نہیں بنا، لیاقت آباد سب سے زیادہ ٹیکس دیتا ہے، لیاقت آباد کے اسپتالوں کو بھی اپ گریڈ کردیتے۔

اجتماعی قربانی کرنا بھی سخت مشکل ہو گیا

ایم کیو ایم پاکستان کے رہنما نے کہا تھا کہ 2009 میں آصف زرداری نائن زیرو آئے تھے، آصف زرداری نے کہا تھا کہ چاہتا ہوں شہری اور دیہی تفریق ختم کردیں لیکن آصف زرداری کی سوچ ان کی جماعت کے نیچے لوگوں میں منتقل نہیں ہوتی ہے۔

کنورنوید جمیل نے سندھ اسمبلی میں خطاب کرتے ہوئے کہا تھا کہ میں بد نصیب کراچی کا نمائندہ ہوں اور کراچی دنیا کا پانچواں بدترین سہولتوں کا شہر قرار پایا ہے محبتوں سے محبتیں بڑھتی ہیں، مسائل حل ہونا لوگوں کا حق ہے۔

خیال رہے کہ کنور نوید جمیل سندھ اسمبلی میں ایم کیو ایم کے پارلیمانی لیڈر اور رابطہ کمیٹی کے ڈپٹی کنوینئیر ہیں۔

کراچی: شہریوں نے ڈاکو کو پکڑ کر زندہ جلا دیا