Baaghi TV

Author: عائشہ ذوالفقار

  • افغانستان میں زلزلے سے تباہی،ہلاکتیں 9 سو سے بڑھ گئیں ،مکانات ملبے کا ڈھیر بن گئے

    افغانستان میں زلزلے سے تباہی،ہلاکتیں 9 سو سے بڑھ گئیں ،مکانات ملبے کا ڈھیر بن گئے

    افغانستان میں زلزلے سے تباہی،ہلاکتیں 9 سو سے بڑھ گئیں ،مکانات ملبے کا ڈھیر بن گئے
    پاکستان نے افغانستان میں زلزلے سے جانی نقصان پر اظہار تعزیت کیا ہے

    ترجمان دفتر خارجہ کے مطابق افغانستان میں زلزلے اور طوفانی سیلاب سے نقصان پر افسوس کا اظہار کرتے ہیں،پاکستانی عوام مشکل کی اس گھڑی میں اپنے افغان بھائیوں کے ساتھ کھڑے ہیں، پاکستانی حکام اور ادارے افغانستان کو مطلوبہ امداد فراہم کرنے کے لیے کام کر رہے ہیں

    صدر مملکت ڈاکٹر عارف علوی کا کہنا ہے کہ افغانستان میں زلزلے سے قیمتی جانوں کے ضیاع پر انتہائی افسوس ہوا۔ میری ہمدردیاں متاثرین کے ساتھ ہیں، میں جاں بحق ہونے والوں اورزخمیوں کے لیے دعا گو ہوں اور سوگواران سے دلی تعزیت کرتا ہوں۔ پاکستان مشکل کی اس گھڑی میں افغانستان کے ساتھ کھڑا ہے

    وزیراعظم شہبازشریف نے افغانستان میں زلزلے سے قیمتی جانوں کے ضیاع پر دکھ اور افسوس کا اظہار کیا ہے وزیراعظم شہباز شریف نے کہا کہ مشکل کی اس گھڑی میں اپنے افغان بھائیوں اور بہنوں کے ساتھ ہیں زلزلے سے باالخصوص پکتیکا کے علاقے میں اموات پر دلی افسوس ہے ۔ پاکستان افغانستان کے عوام کو ہر ممکن مدد فراہم کرے گا،اس سلسلہ میں متعلقہ حکام کوہدایات جاری کردی گئی ہیں وزیراعظم شہبازشریف نے زلزلے میں جاں بحق ہونے والوں کے لئے مغفرت اور ان کے اہل خانہ کے لئے صبرجمیل کی دعا کی وزیراعظم نے زخمیوں کی جلد صحت یابی کے لئے بھی دعا اور متاثرہ خاندانوں سے ہمدردی کا اظہار کیا۔

    وزیر خارجہ بلاول بھٹو نے افغانستان میں زلزلے سے ہلاکتوں اورتباہ کاریوں پر اظہار افسوس کیا ہے ،وزیر خارجہ بلاول زرداری کا کہنا تھا کہ افغانستان زلزلے میں بڑی تعداد میں ہلاکتوں پرصدمہ ہے، پاکستانی عوام مشکل گھڑی میں اپنے افغان بھائیوں کے ساتھ ہے،عالمی برادری افغانستان میں زلزلہ متاثرین کے لیے اپنا کردار ادا کرے،

    افغانستان میں زلزلے سے تباہی وزیر اعلی خیبر پختونخوا نے زلزلے سے متاثرہ صوبہ پکتیکا میں میڈیکل ٹیمیں بھیجنے کا فیصلہ کیا ہے،وزیراعلی نے زلزلے سے متاثرہ لوگوں کے لئے امدادی سامان بھی بھیجنے کا فیصلہ کیا ہے، امدادی سامان میں ادویات، آشیائے خوردونوش اور دیگر ضروری چیزیں شامل ہونگی۔ وزیر اعلی نے اس سلسلے میں فوری اقدامات کے لئے وزیر صحت اور چیف سیکرٹری کو ہدایات جاری کردی۔ وزیراعلیٰ خیبر پختونخوا محمود خان کا کہنا تھا کہ خیبر پختونخوا حکومت مشکل کی اس گھڑی میں اپنے افعان بھائی بہنوں کے ساتھ کھڑی ہے،صوبائی حکومت اپنے افعان بہن بھائیوں کی ہر ممکن مدد کرے گی، صوبائی حکومت اس مقصد کیلئے ہر ممکن وسائل فراہم کرے گی،

    وزیر اعلی محمود خان نے افغانستان میں زلزلے سے ہونے والی جانی و مالی نقصانات پر اظہار افسوس کیا ،وزیر اعلی نےمتاثرہ خاندانوں سے دلی ہمدردی کا اظہار کیا اور کہا کہ صوبائی حکومت اور صوبے کے عوام جاں بحق افراد کے لواحقین کے غم میں برابر کے شریک ہیں، وزیر اعلی نے جاں بحق افراد کی معفرت اور پسماندگان کے لئے صبر جمیل کی دعا کی

    افغانستان میں زلزلے سے جاں بحق افراد کی تعداد 950 تک پہنچ گئی رات 6.1شدت کے زلزلے کے باعث مختلف واقعات میں 610 افراد زخمی ہوئے ہیں صوبہ ننگرہار ور کھوسٹ میں بھی زلزلے سے ہلاکتیں ہوئی ہیں-

    اسلام آباد سمیت مختلف شہروں میں زلزلہ کے جھٹکے

    ریسکیو حکام کی ملبے میں دبے افراد کو نکالنے کے لیے امدادی کارروائیاں جاری ہیں، صوبہ پکتیکا میں زلزلے میں کئی مکانات تباہ ہو گئے ہیں،
    https://twitter.com/pyr_muhammad/status/1539474878939680769?s=20&t=o-3opq19YPy7eqGuepHSnA
    افغان میڈیا کے مطابق امدادی سرگرمیوں کے لیے ہیلی کاپٹر کا استعمال کیا جا رہا ہے،ملبے تلے افراد کو نکالنے کا عمل جاری ہے –

    اسلام آباد میں پولیس دفاتر، تھانوں اور ٹریفک آفس میں انٹری ایگزیٹ کنٹرول سسٹم…

    واضح رہے کہ رات تقریبا دو کے قریب اسلام آباد سمیت مختلف شہروں زلزلے کے جھٹکے محسوس کئے گئے ملتان، بھکر، پھالیہ،کمالیہ کوہاٹ،شبقدر،مہمند مالاکنڈ،سوات،بونیر میں بھی رات گئے زلزلے کے شدید جھٹکے محسوس کیے گئے اس کے علاہ میانوالی ، پاکپتن ، بھیرہ میں بھی زلزلے کے جھٹکے محسوس کیے گئے۔ جس کے بعد شہری خوف زدہ ہوکر گھروں سے باہر نکل آئےاور کلمہ طیبہ کا ورد کرنے لگے۔

    سپریم کورٹ نے معاونین حجاج کرام کے انتخاب کیخلاف لاہور ہائیکورٹ کاحکم معطل کردیا

    امریکی جیولوجیکل سروے کے مطابق زلزلے کی شدت 6.1 تھی اوراس کا مرکز پاکستان اور افغانستان کی سرحد تھی جبکہ زلزلے کی گہرائی 54 کلومیٹر تھی زلزلے کے جھٹکے 30 سے 40 سیکنڈز تک محسوس کیے گئے ۔

    دریائے جہلم میں طغیانی،سیلاب سے متعلق الرٹ جاری

  • دریائے جہلم میں طغیانی،سیلاب سے متعلق الرٹ جاری

    دریائے جہلم میں طغیانی،سیلاب سے متعلق الرٹ جاری

    ہرنائی: اسپین تنگی سہڑی میں سیلابی ریلہ 4 افراد کو بہا کر لے گیا جن کی تلاش جاری ہے-

    باغی ٹی وی : ریسکیو ذرائع کے مطابق اسپین تنگی سہڑی میں سیلابی ریلہ 4 افراد کو بہا کر لے گیا مقامی لوگوں نے اپنی مددآپ کے تحت ایک لاش نکال لی ،امدادی کارروائیاں جاری ہیں

    اسلام آباد بلدیاتی انتخابات ملتوی ،الیکشن کمیشن کا اسلام آباد ہائیکورٹ میں بیان

    دوسری جانب آزاد جموں و کشمیر میں موسلادھار بارش کے باعث دریائے جہلم میں طغیانی آگئی، جس کے بعد سیلاب سے متعلق الرٹ جاری کردیا گیا ہے ترجمان کمشنر راولپنڈی کے مطابق سیلابی ریلا پلندری سے ہوتا ہوا کہوٹہ پہنچے گا، جس کی وجہ سے کہوٹہ سے آزاد کشمیر کی جانب جانے والے تینوں راستے ٹریفک کے لیے مکمل طور پر بند کردیے گئے ہیں اور کسی کو بھی آزاد کشمیر کی جانب جانے کی اجازت نہیں دی جا رہی۔

    جبکہ ترجمان واپڈا کے مطابق تربیلا میں پانی کی آمد 88 ہزار500کیوسک اور اخراج 1لاکھ 1ہزار900کیوسک ہے جب کہ منگلا میں پانی کی آمد 31 ہزارکیوسک اور اخراج 29 ہزار200 کیوسک ہے-

    کراچی اسلام آباد سمیت بڑے شہروں میں سیلاب کا خطرہ ہے،وفاقی وزیرماحولیاتی تبدیلی

    چشمہ میں پانی کی آمد1 لاکھ 60 ہزار900کیوسک اور اخراج1 لاکھ 49ہزارکیوسک اور ہیڈ مرالہ کے مقام پر دریائے چناب میں پانی کی آمد 27 ہزارکیوسک اور اخراج 17 ہزار200کیوسک ہے ۔ نوشہرہ کے مقام پر دریائے کابل میں پانی کی آمد 27 ہزار800 کیوسک اور اخراج 27 ہزار800 کیوسک ہے ۔

    ترجمان واپڈا کے مطابق منگلا میں آج پانی کا ذخیرہ 1لاکھ 37 ہزارایکڑ فٹ ہے، چشمہ میں آج پانی کا ذخیرہ 27 ہزار ایکٹرفٹ ہے جب کہ تربیلا ، منگلا اور چشمہ ریزوائر میں پانی کا مجموعی ذخیرہ1 لاکھ64 ہزارایکڑ فٹ ہے۔

    آج بھی ملک کے مختلف حصوں میں پری مون سون بارشوں کا امکان

  • اسلام آباد بلدیاتی انتخابات ملتوی ،الیکشن کمیشن کا اسلام آباد ہائیکورٹ میں بیان

    اسلام آباد بلدیاتی انتخابات ملتوی ،الیکشن کمیشن کا اسلام آباد ہائیکورٹ میں بیان

    اسلام آباد ہائی کورٹ نے ن لیگ اورپیپلزپارٹی کی اسلام آباد بلدیاتی انتخابات روکنے کی درخواستیں منظور کر لیں-

    باغی ٹی وی : یونین کونسلز کی تعداد بڑھائے بغیر الیکشن روکنے کی درخواست پر سماعت ہوئی مسلم لیگ ن اور پاکستان پیپلزپارٹی کی اسلام آباد بلدیاتی انتخابات روکنے کی درخواستوں پر سماعت اسلام آباد ہائیکورٹ کے چیف جسٹس اطہر من اللہ نے کی۔

    درخواست گزار طارق فضل چوہدری کی جانب سے عادل عزیز قاضی پیش ہوئے، انہوں نے موقف دیا کہ عدالت الیکشن کمیشن کو کہے کہ اسلام آباد میں یونین کونسلز کی تعداد کو بڑھایا جائے اور نئی حلقہ بندیوں کے مطابق انتخابات کا انعقاد ممکن بنایا جائے۔ جس پر الیکشن کمیشن نے اسلام آباد میں یونین کونسلز کی تعداد بڑھانے پر رضامندی ظاہر کردی۔

    عدالت نے الیکشن کمیشن کو ہدایت کرتے ہوئے کہا کہ ایک وارڈ سے دوسرے وارڈ میں ووٹ منتقلی سے متعلق بھی پٹیشنز آئی ہیں وہ بھی دیکھ لیں۔

    دوران سماعت الیکشن کمیشن نے کہا کہ پہلے نئی حلقہ بندیاں کریں گے پھر بلدیاتی انتخابات کا شیڈول دیں گے، عدالت وفاقی حکومت کو بلدیاتی انتخابات کے لیے تعاون کا حکم دے-

    سپریم کورٹ نے معاونین حجاج کرام کے انتخاب کیخلاف لاہور ہائیکورٹ کاحکم معطل کردیا

    الیکشن کمیشن نے کہا کہ 60روزمیں نئی حلقہ بندیاں کرکے الیکشن شیڈول کا اعلان کریں گے،الیکشن کمیشن نے عدالت میں موقف اپنایا کہ حکومتیں بلدیاتی انتخابات میں رکاوٹیں ڈالتی ہیں، عدالت وفاقی حکومت کو بلدیاتی انتخابات کی ذمہ داری پوری کرنےکا حکم دے 600 وارڈز میں ہم نے حلقہ بندیاں کرنی ہیں،جس میں کم ازکم دو ماہ کا وقت درکار ہوگا –

    چیف جسٹس اسلام آبادہائیکورٹ نے ریماکرس دیئے کہ انتخابات روکنے کی درخواستیں تو غیر موثر ہوگئیں ہیں-

    عدالت نے ن لیگ اورپیپلزپارٹی کی اسلام آباد بلدیاتی انتخابات روکنے کی درخواستیں منظور کرتے ہوئے حکم دیا کہ الیکشن کمیشن 65 روز میں نئی حلقہ بندیاں کرکے الیکشن شیڈول کا اعلان کرے-

    دوسری جانب الیکشن کمیشن نے اسلام آباد میں 50 یونین کونسل کا الیکشن شیڈول واپس لیتے ہوئے 101 یونین کونسلز بنانے کا فیصلہ کیا ہے۔

    واضح رہے کہ ن لیگ اور پیپلز پارٹی کی مقامی قیادت نے عادل عزیز قاضی ایڈووکیٹ کے ذریعے عدالت میں درخواست جمع کروائی تھی جس میں مؤقف اختیار کیاگیا تھاکہ الیکشن کمیشن کو یونین کونسلوں کی تعداد میں اضافےکےبغیر بلدیاتی انتخابات سے روکا جائے درخواست میں سیکرٹری داخلہ، وفاق کو بذریعہ وزیراعظم کے سیکرٹری اور الیکشن کمیشن کو فریق بنایا گیا تھا-

    چیف الیکشن کمشنر نے لیا نوٹس شاہ محمود کی پریس کانفرنس کا

    درخواست میں عدالت سے استدعا کی گئی تھی کہ وفاقی حکومت نے 21 مئی 2022ء کو اسلام آباد کی یونین کونسلوں کی تعداد بڑھانے کا نوٹی فکیشن جاری کیا، جس کے بعد یونین کونسلز کی تعداد 50 سے بڑھا کر 101 کر دی گئی۔ 20 ہزار افراد کی نمائندگی کے تناسب سے یونین کونسلز کی تعداد بڑھائی گئی۔

    درخواست میں کہا گیا تھا کہ الیکشن کمیشن نے یونین کونسلز کی تعداد میں اضافے کے بغیر لوکل گورنمنٹ الیکشن کے شیڈول کا اعلان کیا، جب کہ الیکشن کمیشن لوکل گورنمنٹ الیکشن سے قبل یونین کونسلوں کی تعداد بڑھانے کا پابند ہے۔ لہذا اسلام آباد کے بلدیاتی انتخابات کے شیڈول کو کالعدم قرار دیا جائے اور یونین کونسلوں کی تعداد میں اضافے کے بغیر لوکل گورنمنٹ الیکشن کا انعقاد روکا جائے۔

    الیکشن کمیشن نے صوبائی و قومی حلقوں کے ضمنی انتخابات میں فوج سے مدد طلب کرلی

  • سپریم کورٹ نے معاونین حجاج کرام کے انتخاب کیخلاف لاہور ہائیکورٹ کاحکم معطل کردیا

    سپریم کورٹ نے معاونین حجاج کرام کے انتخاب کیخلاف لاہور ہائیکورٹ کاحکم معطل کردیا

    اسلام آباد : سپریم کورٹ نے معاونین حجاج کرام کے انتخاب کیخلاف لاہور ہائیکورٹ کا حکم معطل کردیا-

    باغی ٹی وی : سپریم کورٹ ،حج انتظامات کیلئے معاونین کے انتخاب سے متعلق کیس کی سماعت ہوئی سپریم کورٹ نے معاونین حجاج کرام کے انتخاب کیخلاف لاہور ہائیکورٹ کا حکم معطل کردیا-

    آکاس بیل کے پودے سے زخموں کو مندمل کرنے والا قدرتی مرہم تیار

    ایڈیشنل اٹارنی جنرل نے کہا کہ لاہور ہائیکورٹ کے حکم سے حج انتظامات متاثر ہو رہے ہیں، معاونین کا انتخاب حجاج کرام کی خدمت کیلئے کیا جاتا ہے،حجاج کرام کیساتھ معاونین کا انتخاب سعودی حکومت کا تقاضا ہے-

    چیف جسٹس عمر عطا بندیال نے استفسار کیا کہ معاونین کا انتخاب کون کرتاہے اورمعاوضہ کون ادا کرتا ہے؟ ایڈیشنل اٹارنی جنرل نے جواب دیا کہ معاونین کے انتخاب کیلئے سرکاری محکموں سے نام مانگے جاتے ہیں،حکم معطل نہیں ہوا تو سعودی عرب پہنچنے والے حجاج کو مشکلات ہوں گی-

    چیف جسٹس اطہر من اللہ ایسا کرتے ہیں درخواست کو نمٹا دیتے ہیں سپریم کورٹ نے کہا کہ عمومی طور پر عبوری حکم نامہ میں مداخلت نہیں کرتے،حجاج کرام کی مشکلات کے پیش نظر ہائیکورٹ کا حکم معطل کر رہے ہیں-

    قبل ازیں لاہور ہائیکورٹ ملتان بنچ کے سینئیر جج جسٹس شاہد کریم نے 109 آفیسرز سمیت 232 لوگوں کو بطور معاون فری حج پر بھیجنے کے حوالے سے درخواست پر سماعت کی تھی معاونین کو مقرر کرنے کا اقدام روکتے ہوئے معاملہ پرنسپل سیٹ پر بھیج دیا تھا-

    آج بھی ملک کے مختلف حصوں میں پری مون سون بارشوں کا امکان

    بعد ازاں آفیسرز اور پالیسی سے ہٹ کر معاون مقرر کرنے کے خلاف دائر رٹ پٹیشن پر سماعت چیف جسٹس لاہور ہائیکورٹ کی سربراہی میں لارجر بینچ نے کی تھی ہائیکورٹ ملتان بینچ میں پالیسی سے ہٹ کر آفیسرز کو معاون مقرر کرنے کے اقدام کو چیلنج کیا گیا تھا۔ عدالت نے ریمارکس دیئے تھے کہ معاون حج حکومت کی طرف سے فری حج کرتے ہیں اور سعودی حکومت سے تنخواہ لیتے ہیں جو خزانے پر بوجھ ہیں،-

    عدالت عالیہ نے ایڈووکیٹ جنرل پنجاب، اٹارنی جنرل پاکستان، وزارت مذہبی امور کو نوٹسز جاری کئے تھے کانسٹیبل ظہیر عباس سمیت 5 پولیس کانسٹیبل نے درخواست دائر کی تھی۔ ، پنجاب پولیس کے کانسٹیبل ظہیر عباس ، صابر حسین اور سعید احمد وغیرہ کا نام قرعہ اندازی کے ذریعے معاونین حج کے لیے آیا تھا-

    درخواست گزاروں موقف اپنا یا تھا کہ آئی جی پنجاب نے بذریعہ قرعہ اندازی 66 لوگوں کے نام حج معاونین کے لئے دیے تھے۔ وزارت حج نے پالیسی کے خلاف اپنے من پسند لوگوں کو حج معاونین مقرر کر دیا تھا مجموعی طور پر 232 حج معاونین میں سے 109 آفیسرز کو بھی حج معاونین مقرر کیا تھا جو غیر قانونی ہے۔ حج معاونین حاجیوں کے مددگار ہوتے ہیں جو ہر محکمے سے بذریعہ قرعہ اندازی لئے جاتے ہیں۔

    اسلام آباد میں پولیس دفاتر، تھانوں اور ٹریفک آفس میں انٹری ایگزیٹ کنٹرول سسٹم انسٹال کرنے کا فیصلہ

  • آج بھی ملک کے مختلف حصوں میں پری مون سون بارشوں کا امکان

    آج بھی ملک کے مختلف حصوں میں پری مون سون بارشوں کا امکان

    محکمہ موسمیات کے مطابق ملک کے مختلف علاقوں میں موسم گرم اور خشک رہے گا-

    باغی ٹی وی : ملک کے مختلف علاقوں میں وقفے وقفے سے بارش کا سلسلہ جاری ہے محکمہ موسمیات کے مطابق آج بھی ملک کے مختلف حصوں میں پری مون سون بارشوں کا امکان ہے بلوچستان کے ژوب اوربارکھان میں گرج چمک کے ساتھ بارش متوقع ہے کرک، ہنگو اور وزیرستان میں تیز ہوا ؤں ،آند ھی اورگرج چمک کے ساتھ بارش کاامکان ہے-

    آکاس بیل کے پودے سے زخموں کو مندمل کرنے والا قدرتی مرہم تیار

    محکمہ موسمیات کے مطابق باجوڑ، مہمند، خیبر، کرم، کوہاٹ، لکی مروت، بنوں، ڈیرہ اسماعیل خان میں بارش کا امکان ہے ایبٹ آباد، ہری پور، صوابی، پشاور، نوشہرہ، مردان، لو ئر دیر اور چارسدہ میں بارش متوقع ہے مالا کنڈ ، چترال، دیر، سوات، بونیر، شانگلہ، کوہستان اور مانسہرہ میں بارش کا امکان ہے-

    محکمہ موسمیات کے مطابق سکھر اورلاڑکانہ میں تیز ہواؤں،آند ھی اورگرج چمک کے ساتھ بارش کا امکان ہے شیخوپورہ، اوکاڑہ، قصور، ساہیوال ، وہا ڑی اور لو د ھراں میں گرج چمک کے ساتھ بارش متوقع ہے ٹوبہ ٹیک سنگھ، چنیوٹ، جھنگ، سیالکوٹ، نارووال اور لاہور میں بارش کا امکان ہے-

    محکمہ موسمیات کے مطابق خوشاب، حافظ آباد، فیصل آباد، منڈی بہاؤالدین، ننکانہ صا حب میں بارش متوقع ہے راولپنڈی، مری،گلیات، اٹک، چکوال، جہلم، میانوالی اورسرگودھا میں بارش کا امکان ہے-

    محکمہ موسمیات کے مطابق اسلام آباد میں تیزہواؤں اورگرج چمک کے ساتھ بارش کاامکان ہے خیبرپختونخوا،بالائی،وسطی پنجاب ، گلگت بلتستان اورآزادکشمیرمیں مزید بارش متوقع ہے خیبر پختونخوا،گلیات،آزاد کشمیراور گلگت بلتستان میں لینڈ سلائیڈنگ کا خدشہ ہے –

    اسلام آباد میں پولیس دفاتر، تھانوں اور ٹریفک آفس میں انٹری ایگزیٹ کنٹرول سسٹم انسٹال کرنے کا فیصلہ

    گزشتہ روز سےراولپنڈی اور اسلام میں وقفے وقفے سے بارش کا سلسلہ جاری ہے محکمہ موسمیات کے مطابق مسلسل بارش سے نالہ لئی میں سیلاب کا خدشہ ہے، نالہ لئی میں گوالمنڈی کے مقام پر پانی کی سطح پری الرٹ کے قریب پہنچ گئی گوالمنڈی کے مقام پر پانی کی سطح 8 فٹ جبکہ پری الرٹ 8.3 فٹ پر ہے-

    محکمہ موسمیات کے مطابق تمام محکموں کو الرٹ جاری،حفاظتی اقدامات کیے جارہے ہیں آئندہ 12 گھنٹوں تک بارش کا وقفے وقفے سے جاری رہنے کا امکان ہے-

    ایم ڈی واسا کے مطابق جڑواں شہروں میں 42 ملی لیٹر بارش ریکارڈ کی گئی ہے،نالہ لئی کی مسلسل نگرانی جاری ہے، واسا کا عملہ ہیوی مشینری کے ساتھ شہر کے نشیبی علاقوں میں موجود ہے ایم ڈی واسا کے مطابق حالیہ بارشوں سے زیر زمین پانی کے ذخائر میں اضافے کی امید ہے-

    ملک بھر میں کورونا مثبت کیسز کی شرح 1.53 فیصد

    کوہلو میں موسلادھار بارش اور ژالہ باری سے ندی نالوں میں سیلابی صورتحال ہے بارشوں کے باعث الرٹ جاری کر دیا گیا ہے ندی، نالوں،دریاوں میں تغیانی،نشیبی علاقے زیر آب آ سکتے ہیں،مختلف علاقوں میں کئی روز سے بجلی کی فراہمی معطل ہے موسلادھار بارش اور ژالہ باری کے باعث فصلیں تباہ ٹماٹر ،مرچ، کپاس ،پیاز سمیت کھڑی فصلیں تباہ ہوگئیں

    سوات میں سوات میں چوتھے روز بھی بارش کا سلسلہ جاری ہے اتروڑ، مہوڈنڈ،گبرال اور شاہی باغ میں برف باری ہوئی بارش اور برف باری سے موسم انتہائی سرد ہوگیا بالائی علاقوں میں سیاحوں اور مقامی لوگوں نے گرم ملبوسات پہننا شروع کردئیے بارش اور برف باری سے موسم انتہائی سرد ہوگیا ہے اتروڑ میں 2 انچ جبکہ مہوڈنڈ،گبرال اور شاہی باغ میں 4انچ تک برف باری ریکارڈ کی گئی –

    کراچی اسلام آباد سمیت بڑے شہروں میں سیلاب کا خطرہ ہے،وفاقی وزیرماحولیاتی تبدیلی

  • ملک بھر میں کورونا مثبت کیسز کی شرح 1.53 فیصد

    ملک بھر میں کورونا مثبت کیسز کی شرح 1.53 فیصد

    قومی ادارہ صحت کے مطابق گزشتہ 24 گھنٹے کےدوران پاکستان میں عالمی وبا کورونا وائرس سے کوئی موت نہیں ہوئی-

    باغی ٹی وی : قومی ادارہ صحت (این آئی ایچ) کے مطابق گزشتہ 24 گھنٹے میں کورونا کے 204 کیسز رپورٹ ہوئے جبکہ گزشتہ 24 گھنٹے میں 13 ہزار 300 کورونا ٹیسٹ کیے گئے-

    کورونا وبا ختم نہیں ہوئی ہجوم والی جگہوں پر شہری احتیاط کریں ،قومی ادارہ صحت


    این ایچ آئی کے مطابق گزشتہ 24 گھنٹے میں کورونا مثبت کیسز کی شرح 1.53 فیصد رہی، جبکہ ملک بھر میں کورونا کے 66 مریضو ں کی حالت تشویش ناک ہے اسلام آباد میں کورونا کے مثبت کیسز کی شرح دو فیصد ہوگئی ہے-

    بھارت میں کرونا وائرس کے 12 ہزارسے زائد نئے کیس ریکارڈ، اموات کی تعداد 18 ہوگئی

    دوسری جانب پاکستان میں ویکسین کی اہل 85 فیصد آبادی کی انسداد کورونا ویکسی نیشن مکمل ہوگئی ہے طبی ماہرین نے کورونا سے بچاؤ کے لیے شہریوں پر بوسٹر ڈوز لگوانے پر زور دیا ہے نیشنل انسٹی ٹیوٹ آف ہیلتھ کا کہنا ہے کہ کورونا کے خلاف جنگ ابھی ختم نہیں ہوئی ،شہری ہجوم والی جگہوں پر ماسک پہنیں ، سماجی فاصلے کا خیال رکھیں۔

    موڈرنا ویکسین کے استعمال سے دل کے ورم کا خطرہ رہتا ہے:ماہرین صحت

  • آکاس بیل کے پودے سے زخموں کو مندمل کرنے والا قدرتی مرہم تیار

    آکاس بیل کے پودے سے زخموں کو مندمل کرنے والا قدرتی مرہم تیار

    ماہرین نے انکشاف کیا ہے کہ آکاس(امربیل) بیل کی نسل کے پودے پر گوند بردار بیریوں میں موجود گوند سے زخموں کو مندمل کرنے والا قدرتی مرہم بنایا جاسکتا ہے۔

    باغی ٹی وی : اس پودے کو مسلٹو کہا جاتا ہے جو درختوں پر بطور پیراسائٹ پیدا ہوتے ہیں اور اس پر چھوٹے سفید بیر اگتے ہیں۔ اس کے پھول کرسمس آرائش پر بھی کام آتے ہیں لیکن بیریوں میں موجود خاص گوند ’وِسکِن‘ کے نئے خواص دریافت ہوئے ہیں مِک گِل یونیورسٹی کے پروفیسر میتھیو ہیرنگٹن نے جرمن ماہرین کے تعاون سے اس پر غور کیا تو اس میں باریک سہ ابعادی (تھری ڈائمینشنل) ساخت دکھائی دی۔

    خواتین کے دماغ کا درجہ حرارت مردوں سے زیادہ ہوتا ہے ،تحقیق

    ماہرین نے اس کے ریشوں کو دھات، شیشے اور پلاسٹک پر لگایا تو وہ مضبوطی سے چپکے۔ پھرانکشاف ہوا کہ اگر اس گوند میں تھوڑی نمی بڑھائی جائے تو یہ پھیل جاتا ہے اور کمزورہوکر چپکنے کی صلاحیت کھودیتا ہے۔ ایک جانب تو اس کے چپکنے کی صلاحیت سامنے آئی تو دوسری جانب اس سے چھٹکارا پانے کا طریقہ بھی معلوم ہوا تو دوسری جانب یہ ہرطرح سے حیاتیاتی طور پر موزوں (بایو کمپیٹیبل) بھی ہے۔

    اگلے مرحلے میں مسلٹو بیریوں کی گوند کو کچھ بدل کر جانوروں کے زخموں پر آزمایا گیا اور اس کی پتلی پرت کسی پٹی کی طرح زخم کے دونوں کناروں سے جڑگئی جس کے بہترین نتائج سامنے آئے ہیں۔ اگلے مرحلے میں اس پر مزید تحقیق کرکے اسے انسانوں پر آزمایا جائے گا۔

    دنیا کے سب سے بڑے طیارے نے بلندی کا نیا ریکارڈ قائم کر دیا

    آکاس بیل (cuscuta reflexa) موسم سرما کے ختم ہوتے ہیں درختوں پر نمودار ہوتی ہے۔ یہ جن درختوں پر پھیلتی ہے انہیں سکھا دیتی ہے۔ اس کی جڑ نہیں ہوتی، درختوں پر ہی پیچ در پیچ پھیلتی ہے۔ جیسے درخت نے کیسری رنگ کی چادر اوڑھ لی ہے۔ یہ کانٹے دار درختوں پر زیادہ پھیلتی ہے۔ اس (cuscuta reflexa) کا رنگ پیلا ہوتا ہے مگر شروع میں گہرے سبز رنگ کے ساتھ پیلا پن ملا ہوتا ہے۔ سوکھنے پر یہ سیاہی مائل ہوجاتی ہے۔ یہ عام طور پر بیری، کیکری یا جانڈ پر پھیل جاتی ہے۔ جس درخت پر بھی اسے چھوڑ دیا جائے ہیں بڑھنا شروع کر دیتی ہے۔ ہندوستان و پڑوسی دیشو کے جنگلات میں زیادہ تر ملتی ہے-

    ماہرین کی تحقیق یہ کہتی ہے کہ باریک دھاگوں، ریشوں کی شکل والی اس جڑی بوٹی کا کیمیائی مزاج سخت گرم، انتہائی کڑوا ہے۔ اس کے طبی فوائد کا تو کچھ خاص اندازہ نہیں لیکن ماہرین کے بیان کردہ حقائق سے تو یہی ظاہر ہوتا ہے کہ یہ جڑی بوٹی نہ نگلی جاتی ہے نہ اُگلی جاسکتی ہے۔

    تاہم اب ماہرین نے انکشاف کیا ہے کہ اس کی نسل کے پودے مسلٹو پر گوند بردار بیریوں میں موجود گوند سے زخموں کو مندمل کرنے والا قدرتی مرہم بنایا جاسکتا ہے۔

    1 کروڑ 80 لاکھ سال قبل زمین پر پائے جانیوالے دیو ہیکل مگرمچھوں کی نئی اقسام دریافت

  • اسلام آباد میں پولیس دفاتر، تھانوں اور ٹریفک آفس میں انٹری ایگزیٹ کنٹرول سسٹم انسٹال کرنے کا فیصلہ

    اسلام آباد میں پولیس دفاتر، تھانوں اور ٹریفک آفس میں انٹری ایگزیٹ کنٹرول سسٹم انسٹال کرنے کا فیصلہ

    اسلام آباد: وفاقی دارالحکومت اسلام آباد کے پولیس دفاتر، تھانوں اور ٹریفک آفس میں انٹری ایگزیٹ کنٹرول سسٹم انسٹال کرنے کا فیصلہ کیا گیا ہے۔

    باغی ٹی وی : ذرائع کے مطابق فیصلہ موجودہ لا اینڈ آرڈر کی صورتحال اوردہشت گردی کے خدشات کے پیش نظرکیا گیا ہے نافذ کیے جانے والے سسٹم کو نادرا اورایکسائز اینڈ ٹیکسیشن کے ساتھ لنک کیا جائے گا جب کہ آنے والے افراد اور گاڑیوں کا ڈیٹا سسٹم کی مدد سے چیک ہو گا۔

    پنجاب میں سرکاری افسران کے تقرر و تبادلے

    ترجمان اسلام آباد پولیس کے مطابق سسٹم کی وجہ سے تمام غیر رجسٹرڈ اور نان کسٹم پیڈ گاڑیوں کی شناخت ہو سکے گی، یکم جولائی سے آنے والے متعلقہ افراد کو کیو آر کوڈ سے منسلک کارڈز بھی جاری کیے جائیں گے۔

    اسلام آباد پولیس کے ترجمان کا کہنا ہے کہ نافذ کیے جانے والے سسٹم کو دیگر صوبوں کے ساتھ بھی منسلک کیا جائے گا آئی جی اسلام آباد نے 23 جون سے سسٹم نافذ کرنے کے احکامات جاری کردیے ہیں۔

    وفاقی دارالحکومت میں ماحولیاتی آلودگی کا سبب بننے والی گاڑیوں کا داخلہ ممنوع

    قبل ازیں گزشتہ روز سے اسلام آباد میں آج سے ماحولیاتی آلودگی کا سبب بننے والی گاڑیوں کا داخلہ بند کردیا گیا ہے آئی جی اسلام آباد کی ہدایت پرنہ صرف شہر میں ماحولیاتی آلودگی کا سبب بننے والی گاڑیوں کا داخلہ بند کیا گیا ہے بلکہ وفاقی دارالحکومت میں پریشرہارن والی گاڑیوں کا بھی داخلہ ممنوع ہوگا۔

    آئی جی اسلام آباد نے ہدایت کی تھی کہ کسی ان فٹ گاڑی کوفٹنس سرٹیفکیٹ جاری نہ کیا جائے دوسری جانب ٹریفک پولیس اور انوائرمنٹ پروٹیکشن ایجنسی نے بھی مشترکہ مہم کا آغاز کردیا ہے۔

    کالے شیشوں، فینسی و بوگس اور بغیر نمبر پلیٹس گاڑیوں کےخلاف کریک ڈاؤن

  • امریکا میں مستقبل قریب میں شدید معاشی بحران کا امکان پیدا ہو سکتا ہے،ایلون مسک

    امریکا میں مستقبل قریب میں شدید معاشی بحران کا امکان پیدا ہو سکتا ہے،ایلون مسک

    ٹیسلا اور اسپیس ایکس کے بانی ایلون مسک نے کہا ہے کہ امریکی معیشت کے لیے شدید معاشی بحران کا امکان بڑھتا جارہا ہے۔

    باغی ٹی وی : ” بلوم برگ "کے مطابق دنیا کی سب سے بڑی معیشت میں کساد بازاری کے خدشات اس وقت بڑھ گئے تھے جب امریکا میں مہنگائی کا مقابلہ کرنے کے لیے شرح سود میں اضافہ کیا گیا۔

    جوبائیڈن کی شرح سود میں اضافے کی پالیسی امریکیوں کا کچومرنکال دے گی:امریکی میڈیا

    قطر اکنامک فورم کے موقع پر ایک انٹرویو میں دنیا کے امیر ترین شخص ایلون مسک نے اس حوالے سے کہا کہ امریکا میں مستقبل قریب میں شدید معاشی بحران کا امکان نظر آتا ہے آنے والے وقت میں کساد بازاری ناگزیر نظر آتی ہے ضروری نہیں کہ ایسا ہو مگر موجودہ حالات میں اس کا امکان زیادہ ہے۔

    کچھ عرصے قبل ایلون مسک نے ٹیسلا عہدیداران کو ایک ای میل میں کہا تھا کہ معاشی صورتحال کے بارے میں انہیں ‘کچھ زیادہ اچھا نہیں’ لگ رہا بعد ازاں ٹوئٹر میں اپنے پیغامات میں انہوں نے کہا کہ عالمی سطح پر معاشی بحران 12 سے 18 ماہ تک برقرار رہ سکتا ہے۔


    انہوں نے ایک سوال کے جواب میں کہا کہ درحقیقت کساد بازاری اچھی چیز ہے، کچھ بیوقوف افراد پر عرصے سے دولت کی بارش ہورہی تھی تو اب کچھ کو دیوالیہ ہونا چاہیے۔

    ارب پتی ایلون مسک کا بیٹا باپ سے رشتہ ختم کرنے کیلئے عدالت پہنچ گیا


    انہوں نے مزید کہا کہ کووڈ کے باعث گھروں میں رہ کر کام کرنے والے افراد لوگوں میں یہ احساس پیدا کررہے ہیں کہ انہیں محنت کرنے کی ضرورت نہیں، تو ان کو جگانے کے لیے سخت حالات ضروری ہیں۔

    دوسری جانب معروف امریکی میڈیا گروہ فوربس میڈیا کے سی ای او اسٹیو فوربس نے خبردار کیا ہے کہ مہنگائی کے مسئلے کو حل کرنے کے لیے صدر جو بائیڈن کی شرح سود میں اضافے کی پالیسی "لوگوں کو غریب” کر دے گی۔

    قدامت پسند نیوزآؤٹ لیٹ نیوز سماکس کے ساتھ ایک انٹرویو میں فوربس نے زور دیا کہ شرح سود میں اضافے سے امریکی صارفین پر شدید اثرات مرتب ہوں گے۔جس کی روک تھام کےلیے ہنگامی بنیادوں پر کام کرنا ضروری ہے آئیے اس کے بارے میں دو ٹوک رہیں۔ جب وہ نرم لینڈنگ کے بارے میں بات کرتے ہیں یا معیشت کو سست کرنے کی کوشش کرتے ہیں، تو اس کا مطلب ہے لوگوں کو غریب بنانا،” انہوں نے مزید کہا کہ "امریکی معیشت کو زیادہ شرح سود کے ساتھ سزا دینے” کے بجائے، فیڈرل ریزرو کو اپنی کوششیں ڈالر کی قدر کو مستحکم کرنے پر مرکوز کرنی چاہیے۔

    ٹوئٹر کے بورڈ نے ایلون مسک کی پیشکش قبول کرکے خوشخبری سنادی

    گزشتہ ہفتے فیڈ کی جانب سے 28 سالوں میں سب سے زیادہ شرح سود میں اضافے کے اعلان کے بعد بہت سے ماہرین اقتصادیات نے ممکنہ کساد بازاری کے بارے میں تشویش کا اظہار کیا ہے۔اسی صورت حال کو سامنے رکھتے ہوئے فوربس نے زور دیا کہ شرح سود میں اضافے سے صارفین کو خاص طور پر اس وقت نقصان پہنچے گا جب "اس سال کے آخر میں رہن کی شرحوں کو ایڈجسٹ کیا جائے گا” اور سردیوں میں حرارتی قیمتیں بڑھ جاتی ہیں۔

    امریکہ میں شرح سود میں اچانک غیرمعمولی اضافہ،عالمی سطح پر منفی اثرات مرتب ہونے کا…

  • ہانگ کانگ کا مشہورتیرتا ہوا ریسٹورنٹ سمندر میں ڈوب گیا

    ہانگ کانگ کا مشہورتیرتا ہوا ریسٹورنٹ سمندر میں ڈوب گیا

    ہانگ کانگ کا دنیا بھر میں مشہورتیرتا ہوا ریسٹورنٹ جنوبی چین کے سمندر میں ڈوب گیا۔

    باغی ٹی وی : "سی این این” اور ساؤتھ چائنہ مارننگ پوسٹ کے مطابق ہانگ کانگ کا ایک مشہور تیرتا ہوا ریستوراں ڈوب گیا ہے،1976 میں ایک بحری جہاز پربنائے گئے فلوٹنگ (تیرنے والا) ریسٹورنٹ جنوبی چین کے سمندر میں پیراسل جزائر کے قریب سے گزرتے ہوئے ڈوب گیا-

    روس، چین کو سستے داموں سب سے زیادہ خام تیل سپلائی کرنے والا ملک بن گیا

    جمبو کنگڈم، ایک تین منزلہ جہاز جو کسی زمانے میں دنیا کا سب سے بڑا تیرتا ہوا ریستوراں تھا، شہر کے جنوب مغربی پانیوں میں تقریباً نصف صدی کے وقفے کے بعد گزشتہ منگل کو ٹگ بوٹس کے ذریعے کھینچ کر لے جایا گیا-

    ایبرڈین ریسٹورنٹ انٹرپرائزز لمیٹڈ نے پیر کو ایک بیان میں کہا کہ ریستوران کی مرکزی کشتی ایک نامعلوم شپ یارڈ کی طرف سفر کر رہی تھی جب وہ ہفتہ کے روز بحیرہ جنوبی چین میں پارسل جزائر (جسے شیشا جزائر بھی کہا جاتا ہے) کے قریب الٹ گئی تیرتا ہوا ریسٹورنٹ شدید مالی بحران کے باعث دو سال سے بند تھا اوراسے ایبرڈین کی بندرگاہ سے کسی اورمقام پرمنتقل کیا جارہا تھا۔


    جہاز کی مالک کمپنی کا کہنا ہے کہ سمندر کے اس مقام پرگہرائی زیادہ ہونے کی وجہ سے جہاز کو بچانا مشکل ہے۔ واقعہ میں جہاز کے عملے کا کوئی رکن زخمی نہیں ہوا۔

    برطانیہ کو 30 سالہ تاریخ میں سب سے بڑی ریلوے ہڑتال کا سامنا

    بیان میں کہا گیا کہ کشتی 1,000 میٹر (3,280 فٹ) سے زیادہ ڈوب گئی، جس سے بچاؤ کا کام "انتہائی مشکل” ہو گیا ایبرڈین ریسٹورانٹ انٹرپرائزز "اس حادثے سے بہت افسردہ ہیں” اور مزید تفصیلات اکٹھا کرنے کے لیے کام کر رہے ہیں۔

    تیرتا ہوا ریسٹورنٹ چار دہائیوں تک سیاحوں کی دلچپسی کا مرکز رہا تھا۔ملکہ برطانیہ الزبتھ دوئم اورہالی وڈ کے ہیرو ٹام کروز سمیت متعدد مشہور ہستیاں تیرتے ہوئے ریسٹورنٹ میں کھانا کھا چکی ہیں۔

    روس کیجانب سے گیس کی بندش، یورپ میں بحران کا خدشہ