ملک بھر میں بجلی کا شارٹ فال 6 ہزار 465 میگاواٹ ہو گیا-

باغی ٹی وی : ذرائع پاور ڈویژن کے مطابق بجلی کی مجموعی پیداوار 22ہزار 259 میگاواٹ ہے،ملک میں بجلی کی طلب 28 ہزار 724میگاواٹ ہے،پانی سے 5 ہزار 150 میگاواٹ بجلی پیدا کی جارہی ہے ،سرکاری تھرمل پلانٹس ایک ہزار 761میگاواٹ بجلی پیدا کررہے ہیں –

ذرائع پاور ڈویژن کے مطابق نجی شعبے کے بجلی گھروں کی مجموعی پیداوار 12 ہزار 285 میگاواٹ ہے ،ونڈ پاور پلانٹس ایک ہزار 148 میگاواٹ اور سولرپلانٹس سے پیداوار 500 ہے،بگاس سے چلنے والے پلانٹس 178 میگاواٹ بجلی پیدا کررہے ہیں-

ذرائع پاور ڈویژن کے مطابق جوہری ایندھن ایک ہزار 238 میگاواٹ بجلی پیدا کی جارہی ہے ،ملک کے مختلف علاقوں میں 14 گھنٹے تک کی لوڈشیڈنگ کی جارہی ہے،اسلام آباد ریجن میں بھی 6 گھنٹے تک لوڈ شیڈنگ کی جا رہی ہے-

دوسری جانب بنوں میں بجلی کی لوڈ شیڈنگ پر انتظامیہ کے خلاف شہریوں نےاحتجاج کیا مظاہرین کی جانب سے واپڈا کالونی کے سامنے روڈ ٹریفک کیلئے بند کر دیا شہریوں کا کہنا تھا کہ بل بروقت ادائیگی کے باوجود بجلی نہیں ،لوڈشیڈنگ ناقابل قبول ہے-

ادھر تڑامڑی گرڈ اسٹیشن سے منسلک انڈر گراؤنڈ کیبلز میں آگ لگ گئی پارک ویو ،چھٹہ بختاور، کامسیٹس، بحریہ انکلیو، پی ایچ اے فیڈرز پر بجلی کا نظام معطل ہو گیا-

قیمتوں میں اضافے کے باعث لاکھوں کی دیہاڑیاں

آئیسکو ترجمان کا کہنا ہے کہ چھٹہ بختاور اور دیگر فیڈرز کا لوڈ متبادل فیڈرز پر شفٹ کیا گیا ہے پریشن ٹیمیں جلی ہوئی تاروں کو تبدیل کرنے میں مصروف ہے لوڈنگ اور فالٹز سے محفوظ رکھنے کے لیے چھٹہ بختاور اور اسکیم 2 فیڈرز پر لوڈ مینجمنٹ جاری ہے-

دوسری جانب ترجمان واپڈا کے مطابق تربیلا میں پانی کی آمد 90 ہزار100 کیوسک اور اخراج 89 ہزار300 کیوسک ہے ،منگلا میں پانی کی آمد 23 ہزار100کیوسک اور اخراج 23 ہزار100 کیوسک ہے –

ترجمان واپڈا کے مطابق چشمہ میں پانی کی آمدایک لاکھ 9 ہزار500 کیوسک اور اخراج ایک لاکھ 5 ہزارکیوسک ہے ،دریائے چناب میں پانی کی آمد 31 ہزار300 کیوسک اور اخراج 21 ہزار400 کیوسک ہے-

ترجمان واپڈا کے مطابق دریائے کابل میں پانی کی آمد 21 ہزار300 کیوسک اور اخراج 21 ہزار300 کیوسک ہے،منگلا میں آج پانی کا ذخیرہ 79 ہزارایکڑ فٹ ہے ،چشمہ میں آج پانی کا ذخیرہ 9 ہزار ایکٹرفٹ ہے ،تربیلا ، منگلا اور چشمہ ریزوائر میں پانی کا مجموعی ذخیرہ 88 ہزار ایکڑ فٹ ہے-

منی لانڈرنگ کیس: مونس الٰہی ایف آئی اے کے سامنے پیش

اسلام آباد: وزیر اعلیٰ سندھ مراد علی شاہ نے کہا کہ جھوٹے کیس میں پیشی کے لیے اسلام آباد آئے ہیں-

باغی ٹی وی : تفصیلات کے مطابق وزیر اعلیٰ سندھ مراد علی شاہ نے کہا کہ جھوٹے کیس میں پیشی کے لیے اسلام آباد آئے ہیں،آج بھی نئی تاریخ دی گئی ،نوری آباد پاور پلانٹ ریفرنس میں 22پیشیاں ہوئی ہیں-

چیف الیکشن کمشنر کی تعیناتی پی ٹی آئی کی سب سے بڑی غلطی تھی،حماد اظہر

وزیر اعلیٰ سندھ مراد علی شاہ نے کہا کہ ایک پیشی پر 17لاکھ روپے خرچ ہوتے ہیں ،وکلا کی فیس سمیت پیشیوں پر کروڑوں روپے آتے ہیں، جن لوگوں کا نقصان ہورہاہےاس کا احتساب ضرور ہوگا-

انہوں نے کہا کہ کسی سرکاری افسر پر کوئی الزام نہیں،یہ پلانٹ سستی بجلی دے رہا ہے جس سے کے الیکٹرک بجلی لیتی ہے،صدر اگر اپنی ذمہ داری سے شناسا ہوں گے تو بہت اچھا ہوگا-

وزیر اعلیٰ سندھ نے کہا کہ بہت اچھا ہوگا اگر عارف علوی صدر مملکت بن کے دکھائیں،صدر کسی ایک شخص کی مرضی پر نہ چلیں،سینئر ججز نے کئی بار فیصلے دیئے ہیں کہ یہ ہمارا کام نہیں ہے نیب قانون میں ترمیم ہائیکورٹ اور سپریم کورٹ کی ہدایات کے مطابق ہیں-

مراد علی شاہ نے کہا کہ عمر ان خان کے دور میں جو کچھ ذہن میں تھا انہیں بتاتا رہا، ان کو خود پتہ نہیں، انہیں اپنی نااہلی، ناتجربہ کاری نظر نہیں آتی، عمر ان خان نے ساڑھے 3سال حکومت کی اور چلے گئے، عمر ان خان کو بتایا کہ سندھ کے ساتھ بہت ناانصافی کر رہے ہیں-

وزیر اعلیٰ سندھ مراد علی شاہ نے کہا کہ پارلیمنٹ نے اپنا کام کر دیا ہے ،پچھلی حکومت کے سارے دعوے غلط تھے،گزشتہ حکومت رات کے اندھیرے میں آرڈیننس دیتے تھے

وزیر اعلیٰ سندھ نے کہا کہ ایک شخص کی کم عقلی اور نااہلی پر سارے پیچھے چل رہے ہیں،ایک شخص 5 بار پارٹیاں تبدیل کرچکے ، دیکھتے ہیں کب تک چلتے ہیں،گزشتہ روز وزیرخزانہ پریس کانفرنس خوشی سے نہیں کر رہے تھے-

منی لانڈرنگ کیس: مونس الٰہی ایف آئی اے کے سامنے پیش

وزیر اعلیٰ سندھ مراد علی شاہ نے وفاقی وزیر ریلوے اور ہوا بازی خواجہ سعد رفیق کے ساتھ ملاقات کی بیرسٹر مرتضی وہاب ترجمان سندھ حکومت کے مطابق ملاقات میں سی پیک موڈ کے تحت کراچی سرکلر ریلوے کی ترقی کے حوالے سے نتیجہ خیز گفتگو ہوئی۔

بیرسٹر مرتضی وہاب نے بتایا کہ دونوں رہنماؤں نے کراچی میں ٹرانسپورٹیشن کی ضروریات کو پورا کرنے کے لیے کے سی آر کی اہمیت پر زور دیا پیپلزپارٹی کی حکومت سندھ میگا سٹی کے مسائل حل کرنے میں سنجیدہ ہے ٹرانسپورٹ سمیت دیگر مسائل کے حل کے لئے سنجیدہ اقدامات اُٹھائے جارہے ہیں۔

سعودی عرب نے قوسِ قزح کے رنگوں پر مشتمل کھلونے اور ٹی شرٹس ضبط کرلیں

وزیراعظم شہبازشریف کا کہنا ہے کہ آئی ایم ایف معاہدے کی وجہ سے پیٹرولیم مصنوعات کی قیمتیں بڑھانے کے علاوہ کوئی چارہ نہیں۔

باغی ٹی وی : وزیر اعظم شہباز شریف نے سماجی رابطے کی ویب سائٹ ٹوئٹر پر اپنے ٹوئٹ میں پیٹرولیم مصنوعات کی قیمتوں میں اضافے پر ردعمل دیتے ہوئے کہا ہے کہ پیٹرولیم مصنوعات کی قیمتوں میں اضافے کے اثرات سے بخوبی آگاہ ہیں آئی ایم ایف معاہدے کی وجہ سے قیمتیں بڑھانے کے علاوہ کوئی چارہ نہیں۔ آئی ایم ایف معاہدے پر پی ٹی آئی حکومت نے دستخط کیے تھے۔

قیمتوں میں اضافے کے باعث لاکھوں کی دیہاڑیاں

Acutely aware of the impact that a fuel price hike causes. Govt is left with no choice but to raise the prices due to IMF deal that PTI govt signed. Will take the nation into confidence on the specifics of the IMF-PTI deal soon. We will get out of these economic difficulties, IA.

— Shehbaz Sharif (@CMShehbaz) June 16, 2022

ان کا کہنا ہے کہ آئی ایم ایف اور پی ٹی آئی حکومت کی ڈیل کی تفصیلات سے متعلق جلد قوم کو اعتماد میں لیں گے۔ ہم بہت جلد معاشی مشکلات سے نکلیں گے انشاءاللہ-

I wonder whether those who struck the worst ever deal with IMF & took patently bad economic decisions have the conscience to face the truth. How can they pretend to be innocent when what the nation is going through is clearly their doing? Details soon https://t.co/6Cjeimgfd1

— Shehbaz Sharif (@CMShehbaz) June 16, 2022

وزیر اعظم نے ایک اور ٹوئٹ میں کہا کہ میں حیران ہوں کہ جن لوگوں نے آئی ایم ایف کے ساتھ اب تک کا بدترین معاہدہ کیا اور واضح طور پر برے معاشی فیصلے کیے ان میں سچ کا سامنا کرنے کا ضمیر ہے یا نہیں؟ وہ کیسے بے گناہ ہونے کا بہانہ کر سکتے ہیں جب کہ قوم جس کرب سے گزر رہی ہے وہ صاف ظاہر ہے۔

واضح رہے کہ حکومت نے آئندہ 15 روز کے لیے پیٹرولیم مصنوعات کی قیمتوں میں ایک بار پھر بڑا اضافہ کر دیا ہے پریس کانفرنس سے خطاب میں وزیر خزانہ مفتاح اسماعیل نے اعلان کیا تھا کہ 20روز میں تیسری بار پیٹرولیم مصنوعات کی قیمتوں میں بڑا اضافہ ہوا ہے پیٹرول کی فی لیٹر قیمت میں 24 روپے 3 پیسے اضافہ ہوا جس کے بعد پیٹرول کی نئی قیمت 233 روپےہوگئی –

ڈیزل کی نئی قیمت 263 روپے 31 پیسے ہو گئی جس کے بعد ڈیزل کی قیمت 59 روپے فی لیٹر بڑھا دی گئی،لائٹ ڈیزل فی لیٹر 29 روپے 61 پیسے اضافہ ہوا ،مٹی کا تیل 29 روپے59 پیسے فی لیٹر مہنگا کیا گیا جس کے بعد مٹی کےتیل کی قیمت 211 روپے 43 پیسے ہوگئی ،لائٹ ڈیزل کی نئی قیمت 207 روپے47 پیسے ہو گئی-

کراچی:حلقہ این اے 240 میں ضمنی الیکشن،پولنگ کا عمل شروع

وزیر خزانہ نے کہا تھا کہ حکومت نے یہ فیصلہ کیا ہے کہ وہ اب پٹرولیم مصنوعات کے معاملے میں کوئی نقصان برداشت نہیں کرے گی کبھی ملکی حالت میں اتنا بگاڑ نہیں دیکھا، جس کی وجہ عمران خان کی نااہلی، کورونا کے بعد ہونے والی عالمی سطح پر مہنگائی ہے، اس دوران پاکستان دنیا کا تیسرا مہنگا ترین ملک بن گیا تھا۔

ان کا کہنا تھا کہ عمران خان نے مسلم لیگ ن کو دبوچنے کے لیے ایک جال بچھایا پھر آئی ایم ایف سے معاہدے کیے، اب ہم ان ہی معاہدوں پر عمل پیرا ہیں اور انشاء اللہ ہم اس میں کامیاب ہوجائیں گے، سابق حکومت نے آئی ایم ایف سے 30 روپے فی لٹر پیٹرول لیوی اور ٹیکس لگانے کا معاہدہ کیا تھا جب خان صاحب چھوڑ کر گئے تو عالمی مارکیٹ میں پٹرول 80 سے 85 ڈالر تھا آج قیمت اضافے کے بعد 120 ڈالر تک پہنچ گئی ہے، اس کے باوجود ہم پٹرول سستا فروخت کررہے تھے اور آج بھی دنیا کے اعتبار سے قیمتیں کم ہیں۔

منی لانڈرنگ کیس: مونس الٰہی ایف آئی اے کے سامنے پیش

انہوں نے کہا تھا کہ دنیا کے دیگر ممالک کی طرح ہم بھی مجبوری میں سب جاننے کے باوجود بھی قیمتیں بڑھانے پر مجبور ہیں، وزیراعظم نے پیٹرول اسکیم بھی اسی وجہ سے متعارف کروائی جس کے تحت 80 لاکھ افراد کو ماہانہ 2 ہزار روپے دیئے جائیں گے جبکہ جون سے مزید 60 لاکھ لوگوں کو بھی اس پروگرام میں شامل کیا جائے گا۔

وزیرخزانہ نے کہا تھا کہ کورونا کے دور میں عالمی مارکیٹ میں پٹرول 6 اور 7 ڈالر میں دستیاب تھا مگر ہم نے اُس سے فائدہ نہیں اٹھایا، ہم نے پہلے بھی مشکل فیصلے کیے اور آئندہ بھی کریں گے، یہ مشکل چند مہینوں کی ہوگی مگر امید ہے کہ ہم جلد اس سے نکل جائیں گے، ہم نے ویسے ہی بجٹ میں غریبوں پر کوئی ٹیکس نہیں لگایا جبکہ امیروں پر نئے ٹیکس لگائے ہیں۔

چیف الیکشن کمشنر کی تعیناتی پی ٹی آئی کی سب سے بڑی غلطی تھی،حماد اظہر

اسلام آباد: تحریک انصاف کے رہنما اور سابق وفاقی وزیر حماد اظہر نے اعتراف کیا ہےکہ ماضی کی تعیناتیوں میں اُن سے کئی غلطیاں ہوئیں۔

باغی ٹی وی : سابق وفاقی وزیر حماد اظہر لاہور میں صوبائی الیکشن کمشنر کے دفتر پہنچے جہاں انہوں نے ووٹ کی تصدیق کیلئے 8300 پر کیے جانےوالےمیسج پر پیسے کاٹنے کا اقدام چیلنج کردیا۔

اس موقع پر میڈیا سے گفتگو میں حماد اظہر نے کہا کہ لاکھوں ووٹرز کے ووٹ دوسرے حلقوں یا شہروں میں منتقل کر دیے گئے ،چیف الیکشن کمشنر کی غیرجانبداری پر بہت سنجیدہ تحفظات ہیں چیف الیکشن کمشنر کی تعیناتی پی ٹی آئی کی سب سے بڑی غلطی تھی اور ماضی کی تعیناتیوں میں اُن سے کئی غلطیاں ہوئیں۔

کراچی:حلقہ این اے 240 میں ضمنی الیکشن،پولنگ کا عمل شروع

حماد اظہر نے کہا کہ پنجاب کےضمنی انتخابات والے 20 حلقوں میں ووٹرز کی تصدیق 2018 کی فہرستوں کے مطابق کی جائے۔

پی ٹی آئی رہنما کا کہنا تھا کہ نیشنل سکیورٹی کونسل کے اجلاس میں لکھا گیا کہ واضح مداخلت ہوئی ہے، امپورٹڈ حکومت عوام کے ووٹ سے نہیں بلکہ بیرونی سازش سے آئی ،یہ نالائق الیون ہے، مفتاح اسماعیل اور رانا ثنااللہ جیسےلوگوں کو بٹھا دیا گیا ، ہم جلد الیکشن چاہتے ہیں۔

منی لانڈرنگ کیس: مونس الٰہی ایف آئی اے کے سامنے پیش

حماد اظہر نے کہا کہ حماداظہر یہ خود بیٹھے اقتدار کے مزے لے رہے ہیں اور قوم کو مہنگائی کی آگ میں پھینک دیا، نالائق حکومت کو قوم پر مسلط کرنے کےذمہ دار ایم کیوایم اور بی اے پی ہیں، آصف زرداری پارٹی بھی نالائق حکومت کو ہم پر مسلط کرنے کی قصوروار ہے-

دوسری جانب سابق وفاقی وزیر نے کہا کہ پوری شدت سے آدھی رات کی ڈکیتی کو مسترد کرتے ہیں، پیٹرول کی قیمت میں مزید اضافے نے مڈل کلاس کو تباہ کر دیا، منحوس اور نا اہل ٹیم کیخلاف عوام احتجاج میں ساتھ دیں-

ملک بھر میں موسم کی صورتحال

لاہور: مسلم لیگ (ق) کے مرکزی رہنما مونس الٰہی کا کہنا ہے کہ اصل مسائل سے توجہ ہٹانے کے لے ایسے اقدامات کررہے ہیں-

باغی ٹی وی :ایف آئی اے پیشی کے بعد میڈیا سے گفتگو کرتے ہوئے ق لیگی رہنما مونس الہٰی نے کہا کہ مجھے کسی نوٹس نہیں کیا ،خود ایف آئی ا ے گیا ،سوالنامہ دیا گیا ،ضرورت پڑی تو دوبارہ ایف آئی اے جاوں گا عمران خان کاساتھ دینے کی سزادی جارہی ہے،ابھی میں ن لیگ کی حمایت کا اعلان کر دوں تو ساے کیسز ختم ہو جائیں گے میرے خلاف ایف آئی آر دو روز قبل بنائی گئی ،اصل مسائل سے توجہ ہٹانے کے لے ایسے اقدامات کررہے ہیں ،ان کا مقصد مجھے گرفتار کرنا تھا،رانا ثنااللہ کے ساتھ بہت بری ہوئی ہے-

واضح رہے کہ مسلم لیگ (ق) کے مرکزی رہنما مونس الٰہی ایف آئی اے کے سامنے پیش ہوئے تھے مونس الٰہی کو صبح ساڑھے 8 بجے طلب کیا گیا تھا جس پر وہ مقررہ وقت پر ایف آئی اے کے دفتر پہنچےق لیگی رہنما مونس الہٰی کو ایف آئی اے دفتر میں سوالنامہ دیا گیا جس میں مونس الہٰی سے سوال کیا گیا کہ ،کیا آپ نواز بھٹی اور مظہر اقبال کو جانتے ہیں؟ اور ،رحیم یار خان شوگر مل سے آپ کا کیا تعلق ہے؟-

پشاور انسٹیٹیوٹ آف کارڈیالوجی کا تاریخی کارنامہ،گردوں کی 83سالہ مریضہ کو بنا کنٹراسٹ انجکشن کے الٹرا ساونڈ سے سٹنٹ لگا دیا

سوال کیا گیا کہ عمر شہریار نے اس وقت شوگر مل کا لائسنس کیسے حاصل کیا؟ نامزد ملزم محمد خان بھٹی اور واجد خان سے کیا تعلق ہے؟کیا 2013-14 میں رحیم یار خان کمپنی کے شئیر خریدنے جانے سے آگاہ ہیں؟

جبکہ ایف آئی اے پراسیکیوٹر جوڈیشل مجسٹریٹ کی عدالت میں پیش ہوئے اور کہا کہ ملزمان کے خلاف منی لانڈرنگ کا مقدمہ درج ہے ملزمان سے تفتیش کے لیے جسمانی ریمانڈ منظور کیا جائے جوڈیشل مجسٹریٹ نے ملزمان کا جسمانی ریمانڈ منظور کر لیا جوڈیشل مجسٹریٹ نے شریک ملزمان نواز بھٹی اور مظہر عباس کا 4 روزہ جسمانی ریمانڈ منظور کیا گیا-

سابق وفاقی وزیر مونس الٰہی کے خلاف منی لانڈرنگ کا مقدمہ درج کیا ہے جس سلسلے میں وہ گزشتہ روز رات کو ایف آئی اے کے دفتر پہنچے مگر وہاں کوئی افسر موجود نہیں تھا، جس کے باعث وہ واپس روانہ ہو گئے تھے تاہم ایف آئی اے حکام نے انہیں جمعرات کی صبح پیش ہونے کی ہدایت کی۔

منی لانڈرنگ کیس : شہباز شریف اور حمزہ شہباز عدالت میں پیش نہیں ہوئے

شوگر کمیشن کے انکشاف کے بعد مونس الٰہی کے خلاف رحیم یار خان کی شوگر مل کے کیس میں 720 ملین روپے کی منی لانڈرنگ کا مقدمہ درج کیا گیا ہے۔

ایف آئی آر میں کہا گیا ہےکہ مونس الٰہی کے خلاف منی لانڈرنگ ایکٹ کے تحت کارروائی کا آغاز 2 سال قبل ہوا، ان کے خلاف شوگر کمیشن نے منی لانڈرنگ کا انکشاف کیا تھا جب کہ مقدمہ ایف آئی اے اینٹی کرپشن سرکل کی رپورٹ پر درج کیا گیا۔

گزشتہ روز ایف آئی اے دفتر پہنچنے کے بعد میڈیا سے گفتگو کرتے ہوئے مونس الہیٰ نے کہا تھا کہ آج صبح معلوم ہوا کہ مجھ پر ایف آئی آر درج کی گئی ہے، انہوں نے جو پوچھنا ہے مجھ سے پوچھیں، میں خود یہاں حاضر ہوں ایف آئی اے نے مقدمہ درج ہونے کے بعد گرفتار کرنے اور چھاپوں کے لیے ٹیمیں تیار کی ہیں، انہیں جو خرچ چھاپوں پر کرنا ہے وہ پیسے بچا کر احسن اقبال کو چائے پلا دیں۔

دفتر بند ہونے کے بعد مونس الہٰی ایف آئی کے دفتر پہنچ گئے

مونس الہیٰ کا کہنا تھا کہ سب سے بڑا کیس پرائم منسٹر کے اوپر سولہ ارب روپے کا ہے، جو عدالت میں زیر سماعت ہے،مجھے گرفتار کرنا ہے میں حاضر ہوں جبکہ مجھے کوئی نوٹس نہیں آیا اور نہ ہی بتایا گیا، مجھے نہیں پتہ دفتر بند ہے میں ابھی اسلام آباد سے آرہا ہوں، کیس کے بارے میں معلوم نہیں البتہ رانا ثنا اللہ صاحب کہہ رہے ہیں کہ 72 کروڑ روپے کا کیس ہے۔

ق لیگ کے رہنما کا کہنا تھا کہ یہ سیاسی انتقام ہے اس میں کوئی دو رائے نہیں ہے، میں وزیرداخلہ کو بتانا چاہتا ہوں کہ رانا صاحب میں ایف آئی اے آفس آگیا ہوں جو کرسکتے ہیں کرلیں، میں عمران خان کے ساتھ کل بھی کھڑا تھا اور آئندہ بھی اُن کے ساتھ رہوں گا‘۔

دوسری جانب وزیر داخلہ رانا ثنا اللہ نے کہا تھا کہ مونس الہیٰ کے خلاف مقدمہ عمران خان کے دورِ حکومت میں درج ہوا، چوہدری صاحب کو یہ تحفہ پی ٹی آئی نے دیا، جس کا ذکر مونس الہیٰ نے مجھ سے خود کیا تھا مونس الہیٰ کو گھبرانے کی ضرورت نہیں ہے، قانون اپنا کام خود کرے گا اور ملوث افراد کے خلاف فیصلہ عدالتیں کریں گی۔

کراچی:حلقہ این اے 240 میں ضمنی الیکشن،پولنگ کا عمل شروع