گوگل میپ‘ سروس نے سعودی عرب سے تعلق رکھنے والے ایک نوجوان فوٹو گرافر کی زندگی بدل دی۔

باغی ٹی وی : ” العربیہ ڈاٹ نیٹ ” کے مطابق فوٹو گرافر عبدالرحمان البریہ نے’النخلہ فی عیون العالم‘ (کھجور دنیا کی نظروں میں )کے عنوان سے جاری ہونے والا 13 واں سالانہ الشیخ خلیفہ بن زاید ایوارڈ جیت لیا مقابلے میں 24 ملکوں کے 363 فوٹو گرافروں نے 1064 تصاویر پیش کی تھیں اس مقابلے میں سعودی فوٹو گرافر نےتیسری پوزیشن حاصل کی۔

رپورٹ لے مطابق عبدالرحمان البریہ کا کہنا تھا کہ وہ حائل میں اپنے دوستوں کے ساتھ ایک تقریب پر مدعو تھے اس پروگرام کیمرہ آن کرنے کا ان کا کوئی ارادہ نہیں تھا پروگرام کے آخری لمحے میں انہیں اپنے ساتھ لے کر سڑک پر آئے۔

فوٹو گرافر کے مطابق حائل میں داخل ہونے کے بعد "گوگل میپس” کے ذریعے ایک غلط راستے پر پہنچا جسے "عقدہ” کہا جاتا ہے لیکن وہاں کا منظر اس قدر دلکش اور شاندار تھا میں اسے دیکھ جر حیران رہ گیا۔

فوٹو بشکریہ: العربیہ

انہوں نے کہا کہ مجھے یقین تھا کہ یہ خلیفہ بن زاید ایوارڈ کے لیے موزوں پکچرہے اور واقعی ایسا ہی ہوا اس منظر میں کھجور کے ایک اونچے درخت کے ساتھ اس کے قریب بہنے والی ایک آبشار کی تصویر لی گئی تھی۔

انہوں نے مزید کہا کہ مجھے ثقافتی ورثے، فطرت اور شہروں کی فوٹو گرافی کا شوق ہے۔ فوٹو گرافی میں آج تک میں نے 19 مقامی اور بین الاقوامی ایوارڈز جیتے ہیں میرا مقصد سعودی عرب میں ان تمام خوبصورت مقامات کو اجاگر کرنا جو خوبصورتی میں بے پناہ کشش رکھتے ہیں۔

فوٹو بشکریہ: العربیہ

انہوں نے مزید کہا کہ ان کے پاس بہت سی ایسی تصاویر ہیں جو مقبولیت حاصل کر چکی ہیں۔ انہیں دیکھ کر مملکت کے قدرتی اور فطری حسن کی عکاسی ہوتی ہے ان یادگار تصاویر میں اونٹوں، جھیلوں اور الریاض کی تصاویر ہیں ان کی فوٹو گرافی کو سعودی عرب کے وزیر ثقافت نے بھی سراہا ہے اور ان کے اکاؤنٹ پرفالورز کی تعداد ساٹھ لاکھ تک پہنچ گئی ہے۔

انہوں نے بتایا کہ شاہ عبدالعزیز فیسٹیول میں ایک لاکھ 20 ہزار ریال مالیت کا سب سے مہنگا ایوارڈ انہیں ایک اونٹ کی تصویر پر ملا تھا۔

کیف: یوکرین کا کہنا ہے کہ روس کے ساتھ جنگ میں اب تک 5700 روسی فوجی ہلاک ہوچکے ہیں-

باغی ٹی وی : یوکرین کی وزارت دفاع کے مطابق روسی افواج کی یوکرین کے دوسرے بڑے شہرخارکیف میں کروز میزائل حملے میں 10 شہری ہلاک ہوگئے۔

یوکرینی حکام کا کہنا ہے کہ یوکرین پرحملے کے بعد سے اب تک 5700 روسی فوجی ہلاک ہوچکے ہیں جبکہ دارالحکومت کیف میں روسی فوج کے ٹی وی ٹاور پرحملے میں 5 افراد ہلاک ہوئے۔

پیوٹن اس وقت دنیا میں تنہا ہے،امریکہ نیٹو رکن ممالک کی انچ انچ زمین کا دفاع کرے گا،جوبائیڈن

اقوام متحدہ کی جانب سے جاری بیان میں کہا گیا ہے کہ یوکرین پرروس کے حملے میں اب تک14 بچوں سمیت 140 افراد ہلاک اور400 سے زائد زخمی ہوچکے ہیں۔

روس کی وزارت دفاع نے کیف کے شہریوں سے شہرچھوڑنے کا کہا ہے۔

دوسری جانب امریکی صدر نے پہلے اسٹیٹ آف دی یونین خطاب میں کہا کہ 6 روز قبل پیوٹن نے آزاد دنیا کی بنیادیں ہلانے کی کوشش کی امریکہ یوکرین کے عوام کے ساتھ کھڑا ہے پیوٹن اس وقت دنیا میں تنہا ہے، پیوٹن کو اس سے قبل دنیا میں اتنی تنہائی کا سامنا نہیں کرنا پڑا۔

ایپل نے روس میں مصنوعات کی فروخت روک دی

بائیڈن نے کہا کہ دوسری جنگ عظیم کے بعد نیٹو اتحاد دنیا میں امن و استحکام کے لیے قائم کیا گیا آج آزاد دنیا روسی صدر کو جوابدہ ٹھہرا رہی ہے نیٹو ممالک کے تحفظ کے لیے امریکی افواج بھیج رہے ہیں یورپ روس کے لگژری اپارٹمنٹس اور جیٹس کو منجمد کرے۔

امریکی صدر نے امریکی فضائی حدود کو روس کیلئے بند کرنے کا اعلان کرتے ہوئے کہا کہ روس کے جھوٹ کا مقابلہ سچ کے ساتھ کیا۔یوکرین کو اسپورٹ کرتے رہیں گےجب تک وہ اپنے دفاع کے لیے کھڑا ہے پیوٹن نے یورپ کو تقسیم کرنے کی کوشش کی دوسری جنگ عظیم کے بعد نیٹو اتحاد دنیا میں امن و استحکام کے لیے قائم کیا گیا۔

انٹرنیشل ٹینس فیڈریشن نے روس اور بیلا روس کی رکنیت معطل کر دی.

باغی ٹی وی : عالمی خبررسں ادارے کے مطابق فیفا اور یوئیفا کے بعد انٹرنیشنل ٹینس فیڈریشن نے بھی یوکرین پر روسی حملوں کے ردعمل کے طور پر روس پر پابندیاں عائد کر دیں۔

یوکرینی دارالحکومت کیف پرروس کے لیے قبضہ مشکل ہوگیا: دفاع کی ذمہ داریاں اہم فوجی کمانڈر کے سپرد

انٹرنیشل ٹینس فیڈریشن نے روس اور بیلا روس کی رکنیت معطل کر دی ہے۔ روس اور بیلا روس میں آئندہ کوئی انٹر نیشنل ٹینس ایونٹ نہیں ہو گا روس اور بیلا روس کو ٹینس کے ٹیم ایونٹس میں شرکت کی اجازت بھی نہیں ہوگی۔ تاہم ان ممالک کے کھلاڑی بغیر کسی قومی شناخت کے ٹورنامنٹس میں شرکت کر سکیں گے۔

گزشتہ روزبین الاقوامی اولمپک کمیٹی نے سفارش کی تھی کہ کھیلوں کی تنظیمیں روسی اور بیلاروسی ایتھلیٹس کو ایونٹس میں شرکت سے روکیں۔

اس سے قبل فٹبال کی عالمی تنظیم فیفا نے روس پر فٹبال کے تمام مقابلوں میں حصہ لینے پر پابندی عائد کی تھی فیفا اور یوئیفا کی جانب سے جاری کیے گئے مشترکہ بیان کے مطابق روس کسی بھی قسم کےفٹبال مقابلوں میں شرکت نہیں کرسکے گا۔

امریکہ،یورپ اوردیگرنیٹواتحادیوں نےروس پرایٹمی حملے سے زیادہ خطرناک حملہ کردیا

یاد رہے کہ روس کی قومی فٹبال ٹیم نے 24 مارچ کو ورلڈکپ کے پلے آف مرحلے کے لیے پولینڈ کے ساتھ کھیلنا تھا۔

قبل ازیں ایپل نے بھی روس میں تمام مصنوعات کی فروخت روک دی ہے یہ اقدام ٹیک کمپنی کی جانب سے منظر عام پر لائے گئے متعدد اقدامات میں شامل تھا، جس میں روس میں ایپل پے اور دیگر خدمات کو محدود کرنا، اور روس سے باہر اپنے ایپ اسٹور سے ریاستی حمایت یافتہ نیوز آؤٹ لیٹس RT اور Sputnik کو ہٹانا شامل ہے۔