Baaghi TV

Author: عائشہ ذوالفقار

  • پیرو میں مسافر بردار طیارہ گر کر تباہ،ایک ہی خاندان کے 5 افراد جاں بحق

    پیرو میں مسافر بردار طیارہ گر کر تباہ،ایک ہی خاندان کے 5 افراد جاں بحق

    جنوبی امریکی ملک پیرو میں مسافر بردار طیارہ گر کر تباہ ہو گیا-

    باغی ٹی وی :عالمی خبر رساں ادارے کے مطابق طیارہ پرواز بھرنے کے کچھ دیر بعد ہی ہچکولے کھاتے ہوئے زمین بوس ہوگیا جس کے نتیجے میں 7 افراد ہلاک ہوگئے۔

    معروف شاپنگ مال نے ملازمہ کو حجاب پہننے پر نوکری سے نکال دیا

    رپوٹ کے مطابق جنوبی امریکی ملک پیرو کے تفریحی مقام نازکا میں ایک انجن والا چھوٹا طیارہ کیسنا 207 نے پانچ سیاحوں اور عملے کے دو ارکان کو لے کر ماریہ رچی ایئرپورٹ سے پرواز بھری تھی اُڑان کے کچھ ہی دیر بعد کنٹرول ٹاور سے طیارے کا رابطہ منقطع ہو گیا۔ عینی شاہدین کے مطابق طیارے کو ایئرپورٹ سے کچھ دوری پر ہچکولے کھاتے ہوئے زمین بوس ہوتے دیکھا گیا۔

    نائیجیریا میں خوفناک ٹریفک حادثہ، 18 مسافر ہلاک اور 3 زخمی

    زمین پر گرتے ہوئے طیارے میں آگ بھڑک اُٹھی۔ فائر بریگیڈ کے عملے نے طیارے میں لگی آگ کو بجھایا اور ملبے سے 7 جلی ہوئی لاشیں نکالیں جن میں بچے بھی شامل ہیں ہلاک ہونے والے پانچوں مسافروں کا تعلق ایک ہی خاندان سے ہے اور وہ تفریح کی غرض سے نازکا آئے تھے جب کہ عملے دو ارکان میں پائلٹ بھی شامل ہے۔

    سول ایوی ایشن نے حادثے کی تحقیقات کے لیے انکوائری کمیٹی تشکیل دے دی۔

    عالمی تپش اور کلائمٹ چینج:برطانوی پھول ایک ماہ پہلے کھلنے لگے

    واضح رہے کہ حال ہی میں مغربی افریقی ملک نائیجیریا میں ایک ٹریفک حادثے میں 18 مسافر ہلاک اور 3 زخمی ہوگئے تھے نائیجریا میں ایک تیز رفتار کار سامنے سے آنے والی مسافر بس سے ٹکرا گئی تصادم اتنا شدید تھا کہ کار کے پرخچے اُڑ گئے جب کہ بس کا اگلا حصہ تباہ ہوگیا تھا یہ حادثہ جمعرات کو دیر گئے یوبی اسٹیٹ میں ایک ہائی وے پر تجارتی شہر پوٹیسکم کے باہر پیش آیا حادثے میں کل 18 افراد ہلاک ہوئے جو تیز رفتاری اور ٹریفک قوانین کی خلاف ورزی کے باعث پیش آیا حادثے میں مسافر بس الٹ گئی اور اس میں آگ بھڑک اُٹھی۔ حادثے کے نتیجے میں 18 مسافر ہلاک اور 3 زخمی ہوگئے جنھیں قریبی اسپتال منتقل کر دیا گیاتھا-

    یمن میں فوڈ ڈلیوری کے لیے گھوڑوں کا استعمال

  • ن لیگ اور پیپلز پارٹی نے فضل الرحمان کو مکھی کی طرح نکال دیا،شیخ رشید

    ن لیگ اور پیپلز پارٹی نے فضل الرحمان کو مکھی کی طرح نکال دیا،شیخ رشید

    اسلام آباد: وفاقی وزیر شیخ رشید کا کہنا ہے کہ مولانا فضل الرحمان کہتے ہیں کہ عمران خان کو مکھی کی طرح نکال لیں گے، لیکن گزشتہ روز ن لیگ اور پیپلزپارٹی نے فضل الرحمان کو مکھی کی طرح نکال دیا۔

    باغی ٹی وی : وزیر داخلہ شیخ رشید احمد نے اسلام آباد میں پریس کانفرنس کرتے ہوئے کہا کہ سعودی عرب سے ہمار ا تعلق جان اور دل سے عزیز ہے، کل سعودی عرب کے وزیر داخلہ پاکستان کے دورے پر آرہے ہیں، سعودیہ میں ہمارے قیدیوں کی بازیابی کے حوالے سے بات کریں گے، ہم مختلف ملکوں کے ساتھ رابطے میں، جہاں ہمارے قیدی ہیں ان کو واپس لائیں گے، قطر، بحرین، کویت سے بھی رابطے میں ہیں۔

    عمران خان کو ہٹانے کے لئے ہم ہر قدم اٹھانے کو تیار ہیں،بلاول،مریم، فیصلہ ہو گیا

    وزیر داخلہ شیخ رشید کا کہنا تھا کہ کل مظلوم کشمیریوں سے یکجہتی کا دن تھا، اپوزیشن نے یوم یکجہتی کشمیر کو انتشار کا دن بنایا، مولانا فضل الرحمان کہتے ہیں کہ عمران خان کو مکھی کی طرح نکال لیں گے، لیکن گزشتہ روز ن لیگ اور پیپلزپارٹی نے فضل الرحمان کو مکھی کی طرح نکال دیا، مولانا کوشش کرلیں نہ اپوزیشن استعفے دے گی اور نہ ہی لانگ مارچ کامیاب ہوگا۔

    وزیراعظم نے چینی سرمایہ کاروں سے ملاقات میں کراچی فیصل آباد میں پانی کے منصوبوں پر…

    انہوں نے کہا کہ میں نے کبھی آصف زرداری کو مسٹر 10 پرسنٹ نہیں کہا جبکہ مسلم لیگ ن اور پیپلز پارٹی نے فضل الرحمان کو مکھی کی طرح نکال دیا ہے۔ یہ اپوزیشن اپنی موت آپ مرنے جا رہی ہے منی لانڈروں نےملک کو بحران میں ڈالا، اور پاکستان میں منی لانڈرنگ کرنے والے اکھٹے ہوگئے ہیں، یہ لوگ کہتے ہیں ہمیں گھر بھیجیں گے، یہ منہ اور مسور کی دال، اپوزیشن والے تحریک عدم اعتماد لانا چاہتے ہیں شوق سے لائیں،-

    بلاول اور شہباز کی کیا باتیں ہوئیں؟ ترجمان نے اندر کی خبر دے دی

    انہوں نے کہا کہ او آئی سی کے اجلاس کے لیے میں نے پہلے کہا تھا کہ تاریخ تبدیل کر لیں لیکن اب میں کہتا ہوں آ جائیں، میں سب کو کہتا ہوں سارے مل کر آئیں ہمیں کوئی خطرہ نہیں، یہ لوگ انتشار پھیلانے کی کوشش کرتے ہیں یہ ان کی بھول ہے، مجھے ایسا لگ رہا ہے کہ یہ اپنے لیے بڑا مسلہ پیدا کررہے ہیں، اپوزیشن اپنی موت آپ مرنے جارہی ہے، یہ ہمیں کیا گھر بھیجیں گے، یہ فیٹیف کے اصلی مجرم ہیں، ن لیگ کا نسلہ ٹاور اور پی پی کی تجوری ہائٹس گرچکی ہے۔

    عمران خان کو ہٹانے کے لئے ہم ہر قدم اٹھانے کو تیار ہیں،بلاول،مریم، فیصلہ ہو گیا

    وزیرداخلہ کا کہنا تھا کہ بلوچستان میں دہشت گردوں کے حملوں کو ہماری فورسز نے جاں فشانی کے ساتھ ناکام بنایا، پاک فوج نے 72 گھنٹوں میں 20 دہشت گرد مارے، ہمارے 9 جوانوں نے جام شہادت نوش کیا ہے، بھارت پاکستان کو نقصان پہنچانے اور بدنام کرنے کا کوئی موقع نہیں جانے دیتا، کالعدم ٹی ٹی پی کے ساتھ کے دروازے بند نہیں کئے لیکن ان سے مذاکرات کے معاملے پر بات نہیں کرنا چاہتا-

    پروگرام یکہجتی کشمیر اور شیخ رشید برسے اپوزیشن پر

    انہوں نے مزید کہا کہ قبل از وقت کچھ نہیں کہہ سکتا، پاکستان کے خلاف اسلحہ اٹھانے والوں سے مزاکرات نہیں ہو سکتے، جو پاک فوج کے خلاف اسلحہ اٹھائے اسے معاف نہیں کیا جاسکتا، پاکستان کی عظیم فوج دہشت گردوں کو سبق سکھا رہی ہے، افغان طالبان کے ساتھ ہمارے تعلقات ہیں اور رہیں گے، اس حوالے سے وزیرخارجہ بہتر بتا سکتے ہیں، بہرحال پاکستان کی کوشش ہے کہ افغانستان میں امن ہو جائے۔

    مقبوضہ کشمیر: بھارتی فوج نے 2 کشمیری نوجوانوں کو شہید کردیا

  • وزیرخارجہ کا بیجنگ میں پاکستانی طلباء اور پروفیشنلز کی سہولت کیلئے بنائے گئے پورٹل کا افتتاح

    وزیرخارجہ کا بیجنگ میں پاکستانی طلباء اور پروفیشنلز کی سہولت کیلئے بنائے گئے پورٹل کا افتتاح

    بیجنگ: وزیر خارجہ مخدوم شاہ محمود قریشی نے آج بیجنگ میں پاکستانی طلباء اور پروفیشنلز کی سہولت کیلئے بنائے گئے پورٹل “کا افتتاح کیا۔

    باغی ٹی وی : تفصیلات کے مطابق وزارت اطلاعات و نشریات کی جانب سے جاری بیان میں بتایا گیا ہے کہ وزیر خارجہ مخدوم شاہ محمود قریشی نے بیجنگ میں “پاکستانی طلباء اور پروفیشنلز کی سہولت کیلئے بنائے گئے” پورٹل “کا افتتاح کردیا، اس موقع پر چین میں تعینات پاکستان کے سفیر معین الحق بھی ان کے ہمراہ موجود تھے۔

    تقریب سے خطاب کرتے ہوئے وزیرخارجہ شاہ محمود قریشی کا کہنا تھا کہ ” پورٹل” کا مقصد پاکستانی طلباء اور چینی ماہرین کے مابین تکنیکی روابط کا فروغ ہے، یہ پورٹل، پاکستانی طلباء اور چین میں پیشہ ورانہ کمیونٹی کے درمیان روابط بڑھانے کے لیے ایک پلیٹ فارم کے طور پر کام کرے گا۔

    وزیر اعظم چینی صدرسے اہم ملاقات کے بعد واپس وطن روانہ ہوچکے

    وزیرخارجہ نے کہا کہ یہ پورٹل جدید تحقیقی اختراعات اور دریافتوں کے ضمن میں معاونت فراہم کرے گا، یہ پورٹل پاکستانی طلباء اور پروفیشنلز کی کامیابیوں کو اجاگر کرنے میں بھی معاون ثابت ہو گا۔

    واضح رہے کہ وزیراعظم عمران خان نے چینی ہم منصب لی کی چیانگ سمیت دیگر عالمی رہنماؤں سے آج ملاقاتیں کی تھیں بیجنگ میں میڈیا سے گفتگو کرتے ہوئے فواد چوہدری نے بتایا تھا کہ وزیراعظم نے آج کا دن بھی مصروف گزارا، وہ پہلے چینی صدر شی جن پنگ کی جانب سے تمام ممالک کے سربراہان کے اعزاز میں دیے گئے ظہرانے میں شریک ہوئے تھے-

    وزیراعظم عمران خان سےچینی وزیراعظم،قطری امیر، مصری اورازبک صدرسمیت عالمی رہنماوں کی ملاقاتیں

    فواد چوہدری نے بتایا تھا کہ چین نے ایک بار پھر کشمیر کے معاملے میں پاکستان کے ساتھ کھڑے ہونے کی یقین دہانی کرائی جبکہ عالمی برادری بھی ہمارے موجودہ مؤقف کی بھرپور حمایت کررہی ہے جبکہ وزیراعظم عمران خان نے چین کو ہانگ کانگ اور تائیوان میں جاری مسئلے پر پاکستان کی مکمل حمایت کا یقین دلایا۔

    وزیراعظم عمران خان کی چینی ہم منصب لی کی چیانگ سے ملاقات میں دونوں رہنماؤں نے دو طرفہ تعلقات کے تمام پہلوؤں کا جائزہ لیا جبکہ اقتصادی، تجارتی تعلقات، سی پیک، علاقائی اور عالمی امور پر تبادلہ خیال کیا۔ اعلامیے کے مطابق دونوں فریقین نے پاک چین اسٹریٹجک تعاون، بنیادی دلچسپی کے امور پر حمایت کا اعادہ کیا جبکہ وزیراعظم عمران خان نے بیجنگ سرمائی اولمپکس کے انعقاد پر چینی ہم منصب کو مبارک باد بھی پیش کی۔

    ٹانک:سیکیورٹی فورسز کے آپریشن کے دوران ایک خودکش بمبارہلاک

  • معروف شاپنگ مال نے ملازمہ کو حجاب پہننے پر نوکری سے نکال دیا

    معروف شاپنگ مال نے ملازمہ کو حجاب پہننے پر نوکری سے نکال دیا

    لبنان کے دارالحکومت بیروت میں معروف شاپنگ مال سے خاتون ملازم کو حجاب کی وجہ سے برطرف کر دیا گیا-

    باغی ٹی وی : "العربیہ ڈاٹ نیٹ” کے مطابق بیروت کے مشرق میں اشرفیہ کے ایک مشہور شاپنگ کمپلیکس میں کام کرنے والی ایک خاتون ملازم کو حجاب کی وجہ سے ملازمت سے برطرف کیے جانے کے بعد گذشتہ چند دنوں میں لبنانیوں میں غصے کی لہر دوڑ گئی۔


    سوشل میڈیا پر لبنانی شاپنگ مال کے اس اقدام پر سخت رد عمل آ رہا ہے شہریوں نے نوکری سے نکالی گئی لڑکی کے ساتھ یکجہتی کا اظہار کرتے ہوے شاپنگ مال کے اقدام کی مذمت کی ہے سوشل میڈیا پر’ ABC‘ نامی اس شاپنگ مال کے خلاف اور اس کے بائیکاٹ کے کئی ٹرینڈ چل رہے ہیں۔

    ABC کی درخواست پر لوگوں نے اپنے غم و غصے کا اظہار کرتے ہوئے سوشل میڈیا پر یہ کہا کہ مال حجاب پہننے والی خواتین کے ساتھ امتیازی سلوک کر رہا ہےABC کی درخواست پر لوگوں نے اپنے غم و غصے کا اظہار کرتے ہوئے سوشل میڈیا پر یہ کہا کہ مال حجاب پہننے والی خواتین کے ساتھ امتیازی سلوک کر رہا ہے –

    ایک سوشل میڈیا صارف کے براہ راست پیغام کا جواب دیتے ہوئے ABC نے لکھا کہ "یہ ایک غیر فرقہ وارانہ ادارہ ہے جو مال میں تمام مذاہب کا خیرمقدم اور احترام کرتا ہے! پابندی کسی بھی مذہب کے ساتھ امتیازی سلوک نہیں کرتی ہے اور ہماری پالیسی تمام کرایہ داروں کو ان کے مذہبی عقائد سے قطع نظر قبول کرتی ہے ماری داخلی پالیسی، جو تمام مذہبی عوامی نمائشوں اور علامتی اشیاء/لوازمات کو منع کرتی ہے، بہت واضح طور پر بتائی جاتی ہے اور اسے ABC کے تمام ملازمین، کرایہ داروں اور پاپ اپ شاپس نے قبول کیا ہے۔
    ”
    العربیہ نے اپنی رپورٹ میں بتایا کہ دوسری طرف’اے بی سی‘ کی مارکیٹنگ ڈائریکٹر ریٹا سالمن نے النہار اخبار سے بات کرتے ہوئے کہا کہ ہم تمام فرقوں اور مذاہب کا احترام کرتے ہیں۔ کسی کے درمیان تفریق نہیں کرتےہماری تاریخ اس کی گواہ ہے۔


    ان کا کہنا تھا کہ ہمارے خلاف حقیقت جانے بغیر مہم چلائی گئی شاپنگ مال کی طرف سے ملازمین کے کنٹریکٹ کی یہ شرط ہے کہ وہ ملازمت کے دوران کسی مخصوص مذہبی علامت کی نمائش نہیں کریں گے ملازمہ کے خلاف انفرادی یا مذہبی وابستگی کی بنیا پر کارروائی نہیں کی گئی۔بلکہ یہ اس معاہدے کی شرائط میں سے ایک ہے جسے کاروباری مرکز نے منظور کیا تھا۔

    جبکہ کیفے "فُل ہاؤس” کی اہلکار عنود شحادہ نے کہا کہ ملازمہ دو سال سے زیادہ عرصے سے کمپنی کے ساتھ کام کر رہی تھی اور وہ اپنی قابلیت اور کام کے لیے پوری وابستگی کی صلاحیت رکھتی تھی۔ اس نے کسی بھی قسم کے اشتعال انگیز رویے کا ارتکاب نہیں کیا ہے جو ABC انتظامیہ سے اسی طرح کے اقدام کا مطالبہ کرتا ہے لیکن جو کچھ ہوا اسے تجارتی مرکز کی انتظامیہ نے برسوں سے جاری اپنے اصولوں کے ذریعے جائز قرار دیا جس میں پردہ دار خواتین کو ملازمت نہ دینا شامل ہے۔

    ABC گروپ کا ایک مبینہ مالک سابق ایم پی رابرٹ فیڈل ہے، جو نیشنل بلاک پارٹی کا رکن ہے، جس کے پالیسی پلیٹ فارم میں لبنان میں صنفی مساوات پیدا کرنے کے لیے وقف ایک سیکشن شامل ہے۔ جمعرات کی رات، Fadel نے ٹویٹر کے ذریعے کہا، "میں دہراتا ہوں اور یاد دلاتا ہوں کہ میں نے 2017 سے کمپنی میں اپنی انتظامی ذمہ داریوں سے مکمل طور پر استعفیٰ دے دیا ہے۔ میں بغیر کسی امتیاز کے برابری اور آزادی کے اصولوں پر اپنے مکمل یقین کی تصدیق کرتا ہوں۔ یہ فوری طور پر واضح نہیں ہو سکا کہ آیا وہ اب بھی اے بی سی گروپ میں اپنی شیئر ہولڈنگ کو برقرار رکھتا ہے۔

  • یمن میں فوڈ ڈلیوری کے لیے گھوڑوں کا استعمال

    یمن میں فوڈ ڈلیوری کے لیے گھوڑوں کا استعمال

    یمن میں مقامی افراد نے کھانے پینے کی اشیاء کو گھروں تک پہنچانے (ہوم ڈلیوری) کے لیے گھوڑوں کا استعمال کر کے دنیا کو حیران کر دیا۔

    باغی ٹی وی : غییر ملکی میڈیا کے مطابق یمنی دارالحکومت صنعاء میں ایک ڈلیوری کمپنی نے اپنے صارفین کی طلب کردہ اشیاء کی حوالگی کے واسطے گھوڑوں کا استعمال شروع کر دیا ہے۔

    شہزادہ چارلس بادشاہ اور ان کی اہلیہ کمیلا پارکر ملکہ برطانیہ ہوں گی،ملکہ الزبتھ نے اعلان کر دیا


    سوشل میڈیا پر صنعاء کے ایک ریستوران کی تصاویر گردش میں آ رہی ہیں ریستوران انتظامیہ گھوڑوں کے ایک مجموعے کے ذریعے مطلوبہ کھانے گاہکوں کے گھروں تک پہنچا رہی ہے۔


    سوشل میڈیا پر صارفین نے اس اقدام کو دور جاہلیت اور جدید زمانے کا امتزاج قرار دیا ہے اس اقدام کی وجہ صنعاء میں پٹرولیم مصنوعات کی شدید قلت اور ٹرانسپورٹ کی آمد و رفت کا سلسلہ موقوف ہوجانا ہے صارفین کے لیے اشیاء گھروں تک پہنچانے والے مذکورہ گھوڑ سواروں کو "فرسان التوصیل” کا نام دیا گیا ہے۔

    لیجنڈری گلوکارہ لتا منگیشکر 92 برس کی عمر میں چل بسیں


    یمنی شہریوں کے مطابق صنعاء اور حوثیوں کے زیر قبضہ دیگر صوبوں میں پٹرولیم مصنوعات کا بحران شدید تر ہوتا جا رہا ہے۔ ایندھن کے اسٹیشنوں پر فروخت کا سلسلہ مکمل طور پر روک دیا گیا ہے۔

    بلیک مارکیٹ میں ایک گیلن (تقریبا 20 لیٹر) پٹرول کی قیمت تقریبا 25 ہزار یمنی ریال پہنچ چکی ہے یہ قیمت 40 امریکی ڈالر کے مساوی ہے۔

    عالمی تپش اور کلائمٹ چینج:برطانوی پھول ایک ماہ پہلے کھلنے لگے

  • جائیداد کا لالچ: بوڑھی ماں کو زنجیروں سے باندھ کر رکھنے والا بد بخت بیٹا گرفتار

    جائیداد کا لالچ: بوڑھی ماں کو زنجیروں سے باندھ کر رکھنے والا بد بخت بیٹا گرفتار

    گوجرانوالہ: پولیس نے جائیداد کی لالچ میں بوڑھی ماں کو زنجیروں سے باندھ کر رکھنے والے بد بخت بیٹے کو گرفتار کرلیا۔

    باغی ٹی وی : تفصیلات کے مطابق گوجرنوالہ کے تھانہ گکھڑ منڈی میں بوڑھی ماں کو جائیداد کی لالچ میں زنجیروں سے باندھ کر قید رکھنے والے بدبخت بیٹے کو گرفتار کرکے معمر خاتون کو بازیاب کرالیا۔

    بھائی کو قتل کر کے خود ہی مدعی بننے والا پولیس سے نہ بچ سکا

    سی پی او گوجرانوالہ حماد عابد کے مطابق ملزم اعجاز اپنی والدہ کا گھر زبردستی اپنے نام کروانا چاہتا تھا، اور والدہ کے انکار پر بدبخت بیٹے نے ماں کو گھر میں زنجیروں سے باندھ کر قید کردیا، مقامی پولیس نے ایکسپریس نیوز کی نشاندہی پر کارروائی کرکے بدبخت بیٹے کو گرفتار کر لیا، اور اس کے خلاف مقدمہ درج کرلیا گیا ہے۔

    سی پی او گوجرانوالہ کا کہنا تھا کہ ضلع بھر میں تحفظ والدین آرڈیننس پر عملدرآمد کو یقینی بنایا جا رہا ہے، قانون شکن عناصر کو راہ راست پر لانے کے لئے ہر قانونی راستہ اپنائیں گے۔

    لاہور:16 سالہ طالبہ کو ہراساں کرنے والے 3 اوباش نوجوان گرفتار

    قبل ازیں بھائی کو قتل کر کے خود ہی مدعی بننے والا پولیس سے نہ بچ سکامقتول ظہور احمد کا بھائی مدعی مقدمہ وقار احمد قاتل نکلا ملزم نے اپنے جرم کا اعتراف کرلیا ملزم آلہ قتل سمیت گرفتار ملزم کو تھانہ خانمائی منتقل کردیا گیا چارسدہ کے تھانہ خانمائی کی حدود عمرگلے میں حال ہی میں فائرنگ کے اندھے قتل کا واقعہ پیش آیا جس میں مدعی وقار احمد نے ابتدائی رپورٹ کے دوران کہا تھا کہ ان کے بھائی مقتول ظہور ولد خالد خان کو نامعلوم افراد نے فائرنگ کرکے قتل کر دیا ہے –

    سوات ، نارووال میں تشدد اور قتل کے لرزہ خیز واقعات

    مدعی رپورٹ پر مقدمہ درج کرلیا اندھے قتل کیس کا نوٹس لیتے ہوئے ڈی پی او چارسدہ سہیل خالد نے ملزمان کی گرفتاری کیلئے ایس پی انویسٹیگیشن چارسدہ سجاد خان کی سربراہی میں ڈی ایس پی سرڈھیری صابرگل خان،ایس ایچ او خانمائی طارق سعید خان سی آئی او خانمائی اور دیگر پولیس افسران پر مشتمل ٹیم تشکیل دی پولیس ٹیم نے سائنسی خطوط پر تفتیش کا آغاز کرتے ہوئے شک کی بناء پر مقتول کے بھائی وقار احمد کو شامل تفتیش کیا ۔ دوران تفتیش مقتول کے بھائی مدعی مقدمہ نے اقرار جرم کرتے ہوئے حقائق اگل دیئے ان کا کہنا تھا کہ مقتول بھائی ظہوراحمد کو گھریلو اختلافات پر قتل کیا ہے۔پولیس نے ملزم کو تھانہ خانمائی منتقل کرکے مزید تفتیش شروع کردی-

    شادی سے انکارپر 24 سالہ لڑکی پر تیزاب پھینکنے والا ملزم گرفتار

  • بحرین جانیوالے مسافر کے بیگ سے بھاری مقدار میں منشیات برآمد

    بحرین جانیوالے مسافر کے بیگ سے بھاری مقدار میں منشیات برآمد

    ایئرپورٹ سیکیورٹی فورس(اے ایس ایف) نے اسلام آباد ایئر پورٹ پر مسافر سے بڑی تعداد میں منشیات برآمد کرلی۔

    باغی ٹی وی : ایئرپورٹ سیکیورٹی فورس نے اسلام آباد ایئر پورٹ پر بڑی کارروائی کرتے ہوئے بحرین جانے والے مسافر سے 1 کلو 260 گرام آئس ہیروئن برآمد کرلی-

    اخروٹوں میں منشیات بھر کر بیرون ملک لے جانے والا مسافر گرفتار

    اے ایس ایف ترجمان کے مطابق مسافر صدام خان نے منشیات بیگ میں مہارت سے چھپا رکھی تھی۔ ملزم کو ابتدائی تفتیش کے بعد برآمد شدہ منشیات سمیت مزید قانونی کارروائی کے لئے اے این ایف کے حوالے کر دیا گیا۔

    قبل ازیں کراچی بندرگاہ پر اے این ایف نے بڑی کاروائی کرتے ہوئے 360 کلوگرام ہیروئن شمالی آئرلینڈ (برطانیہ) اسمگل کرنے کی کوشش ناکام بنادی تھی اتنی بھاری مقدار میں منشیات برطانیہ کے لئے بک کیے گئے سینیٹری کے سامان اور پائپس کے کنٹینرز سے برآمد ہوئی کنٹینر کراچی ملیر کی ایک کمپنی کے ذریعے شمالی آئرلینڈ بھجوایا جا رہا تھا، مرکزی ملزم کی گرفتاری کے لیے ٹیمیں تشکیل دے دی گئی-

    اے این ایف کی کاروائی، برطانیہ اسمگل کیلئے روٹی کے بیلنوں میں چھپائی منشیات برآمد

    اے این ایف ترجمان کا کہنا تھا کہ خفیہ اطلاع ملنے پر اے این ایف کے عملے نے کنٹینر نمبر BEAU4987040 کو قبضے میں لے کر تلاشی لی، کنٹینر میں موجود سینٹری کے سامان کا باریک بینی سے معائنہ کیا گیا، دورانِ تلاشی 1200 سینیٹری پائپس مشکوک پائے گئے، اور جب ان پائپس کو چیک کیا گیا تو ہر پائپ سے 300 گرام ہیروئن برآمد ہوئی، جب کہ پائپس سے مجموعی طور پر 360 کلوگرام ہیروئن برآمد کی گئی ہے۔

    کراچی بندرگاہ پر کاروائی، برطانیہ اسمگل کیلئے سینٹری پائپ میں چھپائی منشیات کی بڑی مقدار برآمد

    قبل ازیں اے این ایف راولپنڈی نے اسلام آباد انٹرنیشنل ایئرپورٹ پر کارروائی کرتے ہوئے ایک شخص کو گرفتار کیا تھا جو 3 پاؤ سے زائد چرس اخروٹوں میں بھر کر بیرون ملک لے جارہا تھا شاہ زیب حسن نامی مسافر قطر ایئر لائن کی پرواز نمبر QR 633 کے ذریعے اسلام آباد سے دوحہ جارہا تھا، اور اس نے چرس اخروٹوں کے اندر مہارت سےچھپارکھی تھی-

    کراچی ائیر پورٹ پر منی لانڈرنگ کی بڑی کوشش ناکام

  • لاہور:16 سالہ طالبہ کو ہراساں کرنے والے 3 اوباش نوجوان گرفتار

    لاہور:16 سالہ طالبہ کو ہراساں کرنے والے 3 اوباش نوجوان گرفتار

    لاہور میں ٹیوشن سے واپسی پر 16 سالہ طالبہ کو ہراساں کرنے والے 3 اوباش نوجوانوں کو پولیس نے گرفتار کرلیا۔

    باغی ٹی وی : تفصیلات کے مطابق متاثرہ طالبہ کا کہنا ہے کہ تینوں لڑکے آتے جاتے میرا راستہ روکتے، جملے کستے اور پریشان کرتے تھے۔ نشتر کالونی پولیس نے متاثرہ طالبہ کے والد کی مدعیت میں مقدمہ درج کر لیا اور کاروائی کرتے ہوئے تینوں ملزمان کو گرفتار کر لیا گرفتار نوجوانوں میں شعیب عرف شعبی، حسنین اور چاند شامل ہیں۔

    برقع پہن کر لڑکیوں کو تنگ کرنے والے اوباش لڑکے گرفتار

    ایس ایچ او نشتر کالونی رانا نعیم اللہ کا کہنا ہے کہ ملزمان کو مزید تحقیقات کے لیے انویسٹی گیشن ونگ کے حوالے کردیا گیا ہے جب کہ ایس پی ماڈل ٹاؤن وقار کھرل کا کہنا ہے کہ معاشرے میں بگاڑ پیدا کرنے والے ایسے ناسور کسی رعایت کے مستحق نہیں ہو سکتے۔

    قبل ازیں شاد باغ اکیڈمی سے گھر جانے والی لڑکیوں کو تنگ کرنے والے برقعہ پہنے اوباش لڑکے گرفتار کر لئے تھے شاد باغ پولیس نے کاروائی کی اوردو ملزمان گرفتار کر لئے، دونوں لڑکے ایک برقعہ پہنے جوڑی کی شکل میں لڑکیوں کو تنگ کرتے اور فرار ہو جاتے شاد باغ پولیس نے کاروائی کرتے دونوں کو گرفتار کیا دریافت پر برقعہ پوش بھی لڑکا ہی نکلا،گرفتار ملزمان میں حبیب ڈار اور برقعہ پہنے شاہ میر شامل ہیں ملزمان کے خلاف مقدمہ درج کر لیا گیا ہے-

    شادی سے انکارپر 24 سالہ لڑکی پر تیزاب پھینکنے والا ملزم گرفتار

    طالبات کو ہراساں اور تنگ والوں کو گرفتار کرنے پر شاد باغ پولیس کی ٹیم کو شاباش دی گئی ہے ایس پی سٹی حفیظ الرحمان بگٹی کا کہنا ہے کہ خواتین کو ہراساں اور تنگ کرنے والوں کے خلاف فوری قانونی کاروائی عمل میں لائی جائے گی عورتوں اور بچوں کا جنسی استحصال کرنے والوں سے آہنی ہاتھوں نمٹا جا رہا ہے-

    دوسری جانب حال ہی میں پنجاب کے شہر گجرات میں ایک ایسا افسوسناک واقعہ پیش آیا ہے،لاوہر کی رہائشی لڑکی کو زیادتی کا نشانہ بنایا گیا ہے، واقعہ پر پولیس نے مقدمہ درج کر لیا ہے، گجرات کے تھانہ سول لائن میں تین ملزمان کے خلاف لڑکی نے مقدمہ درج کروایا ہے درج ایف آئی آر کے مطابق لڑکی نے پولیس کو بتایا کہ دس روز قبل اسے مدثر نامی شخص نے دو آدمیوں سے پیسے لے کر مجھے فروخت کر دیا، جس کے بعد وہ دونوں آدمی مجھے نامعلوم مقام پر لے گئے اور تین روز تک زیادتی کا نشانہ بناتے رہے، اس دروان ملزمان نے تشدد بھی کیا اور تکالیف دیں، پولیس نے واقعہ کا مقدمہ درج کر لیا ہے، پولیس کا کہنا تھا کہ جلد ملزمان کو گرفتار کرلیں گے-

    لاہور کی دوشیزہ کو گجرات میں فروخت ،تین روز تک عزت لوٹی جاتی رہی

  • ٹانک:سیکیورٹی فورسز کے آپریشن کے دوران ایک خودکش بمبارہلاک

    ٹانک:سیکیورٹی فورسز کے آپریشن کے دوران ایک خودکش بمبارہلاک

    ٹانک: سیکیورٹی فورسز کے آپریشن کے دوران ایک خودکش بمبار مارا گیا۔

    باغی ٹی وی : پاک فوج کے شعبہ تعلقات عامہ (آئی ایس پی آر) کے مطابق تصدیق شدہ انٹیلی جنس اطلاعات پر ٹانک کے علاقے ڈیال روڈ میں کالعدم ٹی ٹی پی کے دہشت گردوں کی موجودگی کی اطلاعات پر پر سکیورٹی فورسز نے آپریشن کیا، آپریشن کے دوران ایک خودکش بمبار مارا گیا۔

    آئی ایس پی آر کا کہنا ہے کہ سکیورٹی فورسز نے اس عزم کا اعادہ کیا ہے کہ دہشت گردوں کے سرپرستوں، ساتھیوں اوران کے سہولت کاروں کے خاتمے کیلئے آپریشن جاری رہے گا۔

  • وزیر اعظم چینی صدرسے اہم ملاقات کے بعد واپس وطن روانہ ہوچکے

    وزیر اعظم چینی صدرسے اہم ملاقات کے بعد واپس وطن روانہ ہوچکے

    وزیر اعظم عمران خان نے بیجنگ سے روانگی سے قبل چینی صدر شی جن پنگ سے اہم ملاقات کی۔

    باغی ٹی وی : وزیر اطلاعات فواد چودھری کا کہنا ہے کہ وزیر اعظم عمران خان چیی صدر شی جن پنگ سے ملاقات کے بعد واپس وطن روانہ ہوچکے ہیں۔ دونوں رہنماوں کے درمیان عالمی اور باہمی معاملات پر گفتگو کی گئی۔

    وزیراعظم عمران خان سےچینی وزیراعظم،قطری امیر، مصری اورازبک صدرسمیت عالمی رہنماوں کی ملاقاتیں

    ذرائع کے مطابق وزیراعظم عمران خان 2 بجے چین سے واپس وطن پہنچیں گے ۔ نور خان ائیر بیس پر وفاقی وزراء میڈیا سے گفتگو کریں گےاور دورہ چین پر روشنی ڈالیں گے۔

    انہوں نے دورۂ چین کو کامیاب قرار دیتے ہوئے کہا کہ سی پیک میں اربوں ڈالر سرمایہ کاری کے معاہدے پر اتفاق کیا گیا ہے۔

    واضح رہے کہ وزیراعظم عمران خان نے چینی ہم منصب لی کی چیانگ سمیت دیگر عالمی رہنماؤں سے آج ملاقاتیں کی تھیں بیجنگ میں میڈیا سے گفتگو کرتے ہوئے فواد چوہدری نے بتایا تھا کہ وزیراعظم نے آج کا دن بھی مصروف گزارا، وہ پہلے چینی صدر شی جن پنگ کی جانب سے تمام ممالک کے سربراہان کے اعزاز میں دیے گئے ظہرانے میں شریک ہوئے تھے-

    ”خونِ دل دے کر نکھاریں گے رُخِ برگِ گلاب ہم نے گلشن کے تحفظ کی قسم کھائی ہے:آئی ایس پی آر

    فواد چوہدری نے بتایا تھا کہ چین نے ایک بار پھر کشمیر کے معاملے میں پاکستان کے ساتھ کھڑے ہونے کی یقین دہانی کرائی جبکہ عالمی برادری بھی ہمارے موجودہ مؤقف کی بھرپور حمایت کررہی ہے جبکہ وزیراعظم عمران خان نے چین کو ہانگ کانگ اور تائیوان میں جاری مسئلے پر پاکستان کی مکمل حمایت کا یقین دلایا۔

    وزیراعظم عمران خان کی چینی ہم منصب لی کی چیانگ سے ملاقات میں دونوں رہنماؤں نے دو طرفہ تعلقات کے تمام پہلوؤں کا جائزہ لیا جبکہ اقتصادی، تجارتی تعلقات، سی پیک، علاقائی اور عالمی امور پر تبادلہ خیال کیا۔ اعلامیے کے مطابق دونوں فریقین نے پاک چین اسٹریٹجک تعاون، بنیادی دلچسپی کے امور پر حمایت کا اعادہ کیا جبکہ وزیراعظم عمران خان نے بیجنگ سرمائی اولمپکس کے انعقاد پر چینی ہم منصب کو مبارک باد بھی پیش کی۔

    لی کی چیانگ سے گفتگو کرتے ہوئے وزیراعظم عمران خان نے کہا تھا کہ پاکستان اور چین کے درمیان اسٹریٹجک تعلقات دونوں ممالک کے بنیادی مفاد میں ہے، گزشتہ سال سفارتی تعلقات کے قیام کی 70 ویں سالگرہ کی کامیاب تقریبات نے دوطرفہ دوستی کو ایک نئی جہت دی پاکستان صنعتی، تجارت، صحت، ڈیجیٹل اور گرین کوریڈورز کے ذریعے سی پیک کی اعلیٰ معیار کی ترقی کے لیے پرعزم ہے۔

    ایف بی آر میں غیرقانونی ادائیگیوں کا سب سے بڑا اسکینڈل سامنے آگیا

    وزیراعظم نے کوویڈ 19 سے نمٹنے، ویکسین کی بروقت فراہمی میں پاکستان کی مدد پر چینی حکومت کا شکریہ ادا کیا اور پاکستان کے بنیادی ڈھانچے، توانائی، سماجی و اقتصادی ترقی، لوگوں کی زندگیوں میں بہتری میں سی پیک کے کردار کو سراہا عمران خان نے چینی ہم منصب کو کو سی پیک اور خصوصی ٹیکنالوجی زونز میں چینی سرمایہ کاری کو بڑھانے کے اقدامات سے آگاہ کیا اور پاکستان میں چینی شہریوں، منصوبوں اور اداروں کی حفاظت کے لیے حکومت کے اقدامات سے آگاہ کیا۔

    وزیر اعظم نے مقبوضہ کشمیر کی سنگین صورت حال، کشمیری عوام کی تکالیف کو کم کرنے کے لیے عالمی برادری کی طرف سے فوری اقدام کی اہمیت کو اجاگر کیا جبکہ افغانستان میں امن، استحکام اور ترقی کے مشترکہ مقاصد کے لیے پاکستان اور چین کے ساتھ مل کر کام کرنے کی اہمیت پر بھی زور دیا دونوں رہنماؤں نے دوطرفہ اقتصادی روابط کو مزید گہرا کرنے اور مل کر کام کرنے پر اتفاق کیا، کثیر جہتی تعاون پر مبنی تعلقات کو مزید آگے بڑھانے اور نئے دور میں مشترکہ مستقبل کی پاک چین کمیونٹی کی تعمیر کے عزم کا اعادہ کیا۔

    ملک میں مزید 6 ہزار 137 کورونا کیسز رپورٹ

    قبل ازیں وزیر اعظم عمران خان کی ازبکستان کے صدر سے ملاقات ہوئی، جس میں دونوں رہنماؤں نے دوطرفہ تعلقات کے تمام پہلوؤں پر تفصیلی تبادلہ خیال کیا ہے جبکہ وزیراعظم عمران خان نے تجارتی اور اقتصادی تعاون کو بڑھانے کی اہمیت اور سیاحت کے فروغ کے لیے براہ راست پروازیں دوبارہ شروع کرنے پر زور دیا، وزیراعظم نے ریلوے منصوبے کے لیے پاکستان کی مکمل حمایت کا اعادہ کیا دونوں رہنماؤں نے تعلیم اور ثقافت میں تعاون پر بھی تبادلہ خیال کیا، علاقائی امن و استحکام پر بھی غور کیا گیا۔

    وزیراعظم آفس سے جاری ہونے والے اعلامیے کے مطابق دونوں رہنماؤں کی ملاقات میں پاکستان اور ازبکستان کے درمیان سیاحت اور عوامی رابطے بڑھانے کیلئے ہنگامی اقدامات پر غور اور علاقائی امن و استحکام کےلیے جاری اقدامات پر بھی تبادلہ خیال کیا گیا۔ دونوں ممالک نے تعلیم، ثقافت اور ڈرامہ و فلم انڈسٹری میں تعاون بڑھانے پر بھی اتفاق کیا۔

    اس موقع پر وزیراعظم عمران خان نے کہا کہ پرامن، مستحکم اور خوشحال افغانستان علاقائی استحکام کیلئے ضروری ہے۔ وزیراعظم نے ازبک صدر کو دورہ پاکستان کی دعوت بھی دی، جب کہ دونوں رہنماوں نےعالمی برادری سے افغانستان کی اقتصادی امداد جاری رکھنے کی ضرورت پر بھی زور دیا۔

    مری روڈ پر خوفناک حادثہ،4 دوست جاں بحق 1 شدید زخمی