لاہور: جمعیت علمائے اسلام (جے یو آئی) کے سینیئر رہنما و سینیٹر مولانا عبدالغفور حیدری نے کہا ہے کہ شیخ رشید ہر بوٹ میں فٹ ہوتے ہیں، وہ صبح کسی جماعت میں اور شام کسی جماعت میں ہوتے ہیں۔

باغی ٹی وی : لاہور میں میڈیا سے گفتگو میں عبدالغفور حیدری کا کہنا تھا کہ فواد چوہدری نے بیان دیا کہ جے یو آئی انتہا پسندجماعت ہے جبکہ عمران خان نے ڈی چوک میں بیٹھ کو پارلیمنٹ اور فوج کو گالیاں دیں-

پیپلزپارٹی پی ٹی آئی کواپنے وجود کے لیے خطرہ سمجھنے لگی:حلیم عادل شیخ بھی بول اٹھے

ان کا کہنا تھا کہ آپ نے بجلی،گیس اور پانی کے بل جلائے، پی ٹی وی پر حملہ کیا آپ املاک کو نقصان پہنچاتے ہیں، ہم نے مارچ کیا مگر کسی ایک چیز کو نقصان نہیں پہنچایا، ہماری تحریک اور آپ کا دھرنا اور کردار قوم کے سامنے ہے، قوم نے فیصلہ کرنا ہے انتہا پسند کون ہیں؟ دلیل کی بنیاد پر کہتا ہوں آپ انتہاپسند اور دہشت گرد ہیں۔

حکومت کو تنقید کا نشانہ بناتے ہوئے کہنا تھا کہ آپ نے ملک کو دیوالیہ کردیا ہے، ملکی معیشت کو تباہ کردیا ہے، آپ نے قوم سے جو وعدے کیے تھے ان پر کتنا عمل کیا؟ عوام اللہ کا نام لے کر سڑکوں پر نکلے اوراس نالائق حکومت کا تختہ الٹ دے۔

پی ڈی ایم کا مہنگائی مارچ ملتوی ہونے کا امکان

انہوں نے مزید کہا کہ پی ٹی آئی نے خود اعتراف کیا ہے کہ خیبرپختونخوا میں الیکشن اپنی نالائقی کی وجہ سے ہارے ہیں۔

شیخ رشید کے حوالے سے سوال پر غفور حیدری نے کہا کہ شیخ رشید ہر بوٹ میں فٹ ہوتے ہیں، وہ صبح کسی جماعت میں اور شام کسی جماعت میں ہوتے ہیں-

دوسری جانب بلدیاتی قوانین کے خلاف سندھ اسمبلی کے سامنے جماعت اسلامی کا دھرنا تیسرے روز بھی جاری ہے موسم سرد ہونےکے باوجود بچے بڑے اور بزرگ دھرنے میں شریک ہیں، خواتین بھی کل سے دھرنے میں شریک ہوں گی، مختلف سماجی و مزدور تنظیمیں بھی دھرنے میں شرکت کے لیے پہنچ رہی ہیں۔

جو بھی 30 جنوری کو گھر میں رہا وہ ظالم کا ساتھی ہوگا، مصطفیٰ کمال

امیر جماعت اسلامی کراچی حافظ نعیم الرحمان نے دھرنےکے شرکا سے خطاب کرتے ہوئےکہا کہ مرتضیٰ وہاب دھرنےکا مقام تبدیل کرنے والےکون ہوتے ہیں؟ مرتضیٰ وہاب ابھی تو دھرنے کا آغاز ہوا ہے ، آپ ابھی سے گھبرا گئے ، ہم کراچی کو وڈیروں سے آزاد کرانا چاہتے ہيں کراچی ٹرانسفارمیشن پلان میں شامل تمام حکومتی جماعتیں بتائیں، کراچی کی ترقی کے لیے کیا گیا؟-

جو بھی بڑی ٹیم پاکستان آئے وہ مکمل قوت کے ساتھ آئے،شاہد آفریدی

حافظ نعیم الرحمان کا کہنا تھا کہ اگرکسی نے حالات خراب کرنےکی کوشش کی تو کرپشن کے اڈے سیکرٹریٹ کو بند کردیں گے جماعت اسلامی حقیقی اپوزیشن کے طور پر کراچی کے عوام کے ساتھ ہے، پر امن دھرنا کراچی اور سندھ کے عوام کے لیے ہے، اگر پر امن دھرنے کو ختم کرنے کی کوشش کی گئی تو پورے شہر میں دھرنے دیئے جائیں گے-

پاکستان تحریک انصاف کے رہنما جہانگیر ترین نے کہا ہے کہ غریب آدمی کیلئے بنیادی اشیا کی خریداری بہت مشکل ہوچکی ہے۔

باغی ٹی وی : کراچی میں جہانگیر ترین نے رکن قومی اسمبلی عالمگیر خان سے ملاقات کی جس میں ان کے والد کے انتقال پر تعزیت بھی کی بعد ازاں میڈیا سے گفتگو میں جہانگیر ترین کا کہنا تھا کہ عالمگیر خان سے ان کے والد کے انتقال پر تعزیت کیلئے آیا تھا۔

جو بھی 30 جنوری کو گھر میں رہا وہ ظالم کا ساتھی ہوگا، مصطفیٰ کمال

اس موقع پر صحافی نے ان سے سوال کیا کہ وزیر اعظم عمران خان کا کہنا ہے کہ پاکستان دنیا کا سستا ترین ملک ہے، اس پر آپ کا کیا کہنا ہے؟جہانگیر ترین نے جواب دیا کہ غریب آدمی کیلئے بنیادی اشیا کی خریداری بہت مشکل ہوچکی ہے، غریب آدمی کو فرق نہیں پڑتا کہ کہاں مہنگائی ہے اور کہاں نہیں ہے۔

دوسری طرف جہانگیر ترین نے کراچی میں سربراہ ایم کیو ایم بحالی کمیٹی فاروق ستار سے بھی ملاقات کی ڈاکٹر فاروق ستار کا اس حوالے سے کہنا تھا کہ ملاقات میں کراچی سمیت ملک کی سیاسی صورتِ حال پر تفصیلی بات چیت ہوئی سربراہ ایم کیو ایم بحالی کمیٹی فاروق ستار کا یہ بھی کہنا تھا کہ جہانگیر ترین نے آئندہ بھی مشاورتی سلسلہ بحال رکھنے پر اتفاق کیا ہے۔

ناساز معاشی حالات پر وزیر اعظم کے پرانے ساتھی جہانگیر خان ترین بھی بول پڑے

واضح رہے کہ اس سے قبل بھی پاکستان تحریک انصاف کے رہنما جہانگیر ترین نے کہا تھا کہ عوام آج جتنی تکلیف میں ہے پہلے نہیں تھی جہانگیر ترین نے میڈیا سے گفتگو کرتے ہوئے کہا تھا کہ حکمرانوں کو چاہیے، عوام کو مزید ذلیل ہونے سے بچائیں، ملک میں معیشت کے بہت مسائل ہیں موجودہ حکمران ان کو سنبھالیں ملک مسائل میں گھرا ہوا ہے دعا ہے کہ ان سے نکل جائے انہوں نے حکومتی پالیسیوں پر جواب دینے سے گریز کیا اور کہا حالات کی بہتری کے لیئے دعاگو ہوں مجھ سے بہتر میڈیا جانتا ہے ، اس پر کوئی کمنٹ نہیں کرنا چاہوں گا-

پی ڈی ایم کا مہنگائی مارچ ملتوی ہونے کا امکان

قبل ازیں اپنے بیان میں ان کا کہنا تھا کہ پی ٹی آئی میری جماعت ہے لیکن تین سال میں مہنگائی کنٹرول نہیں کرسکی ہے اس سے عوام سخت پریشان ہیں۔

پیٹ کی آگ بجھانے کے لئے بچے بیچنے پرمجبورافغان:ہرات کے بدقسمت خاندان کی دردناک…

کراچی: پاکستان تحریک انصاف (پی ٹی آئی) کے جنر ل سیکریٹری و وفاقی وزیر منصوبہ بندی اسد عمر نے کہا ہے کہ ہم سندھ کے نئے بلدیاتی ایکٹ کے خلاف قانون اور عدلیہ کا سہارا لیں گے۔

باغی ٹی وی : انصاف ہاؤس میں پی ٹی آئی کے رہنماؤں اور ارکان اسمبلی کے ہمراہ پریس کانفرنس سے خطاب کرتے ہوئے اسد عمر نے کہا کہ 18 ویں ترمیم کے تحت صوبوں کو زیادہ اختیار دیا گیا، ضروری ہے کہ سارا پاکستان اسلام آباد سے نہ چلایا جائے اختیارات کی نچلی سطح تک منتقلی نہ ہوئے تو کہیں نہ کہیں بے چینی رہے گی، پاکستان کی سالمیت اور جمہوریت کے استحکام کے لیے آئین کے مطابق بااختیار بلدیاتی نظام ضروری ہے-

الحمدللہ : درآمدات میں کمی، برآمدات میں اضافہ ہورہا ہے: مشیر تجارت نے خوشخبری…

وفاقی وزیر نے عندیہ دیا کہ نئے قانون کے خلاف عدالتی چارہ جوئی کریں گے پٹیشن تیار کررہے ہیں، ہم سندھ کے نئے بلدیاتی ایکٹ کے خلاف قانون اور عدلیہ کا سہارا لیں گے اور سندھ کے عوام کے حق کے لیے ہر ممکن اقدامات کریں گے۔

علاوہ ازیں اسد عمر نے پیپلزپارٹی کی صوبائی حکومت پر کڑی تنقید کرتے ہوئے کہا کہ سندھ میں آٹا پنجاب سے 300 سے 350 روپے فی 20 کلو مہنگا ہے، نیب کی تحقیقات کے مطابق 20 ارب روپے کی گندم چوری ہوئی، نہیں معلوم یہ کون سے چوہے تھے جنہوں نے گندم کھالی، ہم اس جواب کے منتظر ہیں کہ وہ چوہے کون تھے۔

جو بھی 30 جنوری کو گھر میں رہا وہ ظالم کا ساتھی ہوگا، مصطفیٰ کمال

انہوں نے کہا کہ کورونا کے معاملے کوسیاست میں نہیں لانا چاہتا، پیپلز پارٹی کے چیئرمین بلاول بھٹو زرداری کی ہمشیرہ نے سماجی روابط کی ویب سائٹ ٹوئٹر پر کہا کہ صوبہ کو ویکسین خریدنے کی بندش ہے کون سا قانون سندھ کو ویکسین خریدنے سے روکتا ہے؟ایسا کون سا قانون ہےجس کے بارے میں قانونی ماہرین کو بھی نہیں معلوم، اگر ایسا کوئی قانون ہے تو اسے ختم کرادیں گے۔

دوسری جانب انصاف ہاؤس کراچی میں وفاقی وزیر اسد عمرکی پریس کانفرنس کے موقع پر پاکستان تحریک انصاف (پی ٹی آئی) کےکارکنوں نے احتجاج اور شور شرابا کیااور انصاف ہاؤس پر پوسٹرز اور بینرز لگا دیے کارکنوں نے پی ٹی آئی کراچی کی قیادت کے خلاف نعرے لگائے اور دعویٰ کیا کہ کراچی میں ملیرکنٹونمنٹ بورڈ کے انتخابات میں ٹکٹوں کی غیر منصفانہ تقسیم کی گئی، الیکشن میں اقربا پروری کی انکوائری کی جائے۔

کارکنان نے مطالبہ کیا کہ کنٹونمنٹ بورڈ الیکشن کی انکوائری رپورٹ دی جائے اور پی ٹی آئی امیدواروں کی ناکامی کے ذمہ داروں کا تعین کیاجائے اور ان کے خلاف کارروائی کی جائے پریس کانفرنس کے بعد رہنماؤں نےکارکنان کے تحفظات سنے اور انھیں دورکرنےکی یقین دہانی کرائی۔

واضح رہے کہ پاکستان تحریک انصاف کے رہنما اور اپوزیشن لیڈر سندھ اسمبلی حلیم عادل شیخ کو دھمکی آمیز ویڈیو موصول ہوئی ہے جس پر انہوں نے ایف آئی اے سائبر کرائم میں درخواست جمع کروادی ہے۔

پی ڈی ایم کا مہنگائی مارچ ملتوی ہونے کا امکان

پی ٹی آئی رہنما حلیم عادل شیخ نے موصول ہونے والی دھمکی پر کہا کہ گزشتہ تین چار روز سے ایک نمبر سے دھمکی آمیز کالز اور اسلحے کی تصاویر موصول ہورہی ہیں جس میں بتایا جارہا ہے کہ مجھ پر حملہ ہوسکتا ہے جس پر میں نے ایف آئی اے کو درخواست بھی جمع کرائی ہے کل رات سے ایک اور ویڈیو مختلف گروپس میں وائرل ہورہی ہے، ویڈیو میں دکھانے کی کوشش کی جارہی ہے کہ سندھ پولیس مجھ سے ناراض ہوگئی ہے، میں پولیس کے ہاتھوں مارے جانے والے بے گناہوں کی آواز بنتا ہوں، میری کوئی پولیس سے دشمنی نہیں ہے، اگر کسی پولیس والے کے ساتھ بھی ظلم ہوتا ہے تو میں اس کے ساتھ بھی کھڑا ہوتا ہوں۔

مصباح الحق اور لیونل میسی بھی کورونا وائرس کا شکار

حلیم عادل شیخ نے کہا کہ کچھ ماہ پہلے سُکھن تھانے کے پولیس اہلکار نعمان شاہ اور اوباوڑو میں ہیڈ کانسٹیبل سلطان رند کو مارا گیا میں ان کے گھر گیا، شکارپور میں زخمی اور شہید ہونے والے پولیس اہلکاروں کے گھر سب سے پہلے میں گیا تھا جب کہ سہراب گوٹھ میں ایس ایچ اور ٹیم نے ڈاکوؤں کو مارا میں نے تھانے جاکر انہیں شاباش اور انعام دیا۔

سرخ آنکھوں اور جلد کی خارش بھی اومی کرون کی علامات ہیں ،امریکی طبی ماہرین

ان کا کہنا تھا کہ یہ ویڈیو پولیس کی نہیں اس کے پیچھے سازش ہے، ماحول پیدا کیا جارہا ہے کہ پولیس کی حلیم عادل شیخ سے دشمنی ہے اس کے ڈائریکٹر پروڈیوسر وزیراعلیٰ ہاؤس اور بلاول ہاؤس میں بیٹھے ہوئے ہیں، مراد علی شاہ اس کے اور اس کو کھوج کر نکالنے کے ذمے دار ہیں،پہلے کلاشنکوف آئی پھر سرکاری جی تھری آئی، میری اگر سیاسی مخالفت ہے تو وہ پی پی سے ہے جسے دشمنی بنادیا گیا ہے۔

گوادر: غیر قانونی ماہی گیری کے خلاف بڑا ایکشن، 40 گرفتار:پھردھرنے کا امکان

تحریک انصاف کے رہنما کا مزید کہنا تھا کہ اس پوری سازش کے پیچھے آصف زرداری، بلاول زرداری، مراد علی شاہ اور ان کے بہادر بچے ہیں، میں عمران خان کا سپاہی ہوں صرف اللہ کی ذات سے ڈرتا ہوں، ان ظالموں کے خلاف مظلوموں کی جنگ لڑتا رہوں گا۔

عورت کو تکلیف دینا خدا کی توہین کے مترادف ہے: پوپ فرانسس