Baaghi TV

Author: عائشہ ذوالفقار

  • پشاور:نواز شریف،مولانا فضل الرحمان سمیت پی ڈی ایم قیادت کیخلاف مقدمہ درج کرنے کی درخواست جمع

    پشاور:نواز شریف،مولانا فضل الرحمان سمیت پی ڈی ایم قیادت کیخلاف مقدمہ درج کرنے کی درخواست جمع

    پشاور کے تھانے میں پی ڈی ایم قیادت کے خلاف مقدمہ درج کرنے کے لئے درخواست جمع کرائی گئی ہے-

    باغی ٹی وی : تفصیلات کے مطابق وزیراعظم شہباز شریف، سابق وزیر اعظم نواز شریف ، مریم نواز ، مولانا فضل الرحمان ، وزیر داخلہ رانا ثناء اللہ ،عطا تارڑ،خواجہ سعد رفیق سمیت پاکستان ڈیموکریٹک موومنٹ (پی ڈی ایم) کی قیادت کے خلاف پشاور کےتھانے میں مقدمے کے اندراج کے لیے درخواست جمع کرادی گئی۔

    خاتون جج کیلئے توہین آمیز الفاظ،اسلام آباد میں خواتین کا مظاہرہ،عمران خان کے خلاف کارروائی کا مطالبہ

    مقدمے کے اندراج کے لیے درخواست ایک وکیل نورشیر مہمند ایڈووکیٹ کی جانب سے تھانہ شرقی میں جمع کرائی گئی نورشیر مہمند کے مطابق ان کا تعلق انصاف لائرز فورم سے ہے۔

    پارلیمنٹ لاجز میں شہباز گل کے زیراستعمال کمرے پرچھاپہ ،پستول اور سیٹلائیٹ فون برآمد

    درخواست میں کہا گیا ہے کہ ماضی میں وزیر اعظم شہباز شریف،سابق وزیراعظم نوازشریف،مریم نواز ، مولانا فضل الرحمان ، رانا ثناء اللہ ، خواجہ سعد رفیق ،عطا تارڑ اور پرویز رشید سمیت دیگر پی ڈی ایم کی شخصیات نے فوج کے خلاف نفرت انگیز بیانات اور تقاریر کیں۔

    درخواست میں کہا گیا ہے کہ ان کے بیانات کے ویڈیو کلپ بھی سوشل میڈیا پر موجود ہیں ، درخواست کے مطابق نفرت انگیز بیانات دشمن ملک کی ایما پر دیئے گئے ہیں ۔

    عمران خان اور شہباز گل میں سچا کون؟

  • سابق گورنر رحیم الدین خان انتقال کر گئے

    سابق گورنر رحیم الدین خان انتقال کر گئے

    مسلح افواج کے سربراہان نے جنرل (ر) رحیم الدین خان کے انتقال پر گہرے دکھ اور افسوس کا اظہار کیا ہے

    ڈی جی آئی ایس پی آر کے مطابق مسلح افواج کے سربراہان نے جنرل (ر) رحیم الدین خان کے انتقال پر گہرے دکھ اور افسوس کا اظہار کیا ہے چیئرمین جوائنٹ چیفس آف اسٹاف کمیٹی نے جنرل (ر) رحیم الدین خان کے انتقال پر گہرے دکھ کا اظہار کیا ہے اللہ تعالیٰ مرحوم کی مغفرت فرمائے اور لواحقین کو یہ صدمہ برداشت کرنے کی توفیق دے

    چیئرمین سینیٹ محمد صادق سنجرانی نے سابق چیئرمین جوائنٹ چیفس آف اسٹاف کمیٹی جنرل رحیم الدین کے انتقال پر گہرے دکھ اور افسوس کا اظہارکیا ہے۔ چیئرمین سینیٹ نے کہا کہ جنرل رحیم الدین مرحوم پیشہ ورانہ سولجرتھے۔ انہوں نے سندھ و بلو چستان کے گورنر کی حیثیت سے ذمہ داریوں کو بخوبی نبھایا اوروطن کے دفاع اور امن و امان کے قیام کیلئے مرحوم کی خدمات کو ہمیشہ یاد رکھا جائے گا۔ چیئرمین سینیٹ نے مزید کہا کہ جنرل رحیم الدین نے اپنے دورمیں بلوچستان میں قیام امن کیلئے مثالی کردار اداکیا۔چیئرمین سینیٹ نے اللہ تعالیٰ سے دعا کی کہ مرحوم کواپنے جوار رحمت میں جگہ دے اور غم زدہ خاندان کو یہ صدمہ حوصلے اورصبر سے برداشت کرنے کی توفیق عطا فرمائے۔

    ڈپٹی چیئرمین سینیٹ سینیٹر مرزا محمد آفریدی، قائد ایوان سینیٹ سینیٹر اعظم نذیر تارڑ، قائد حزب اختلاف سینیٹ سینیٹر ڈاکٹر شہزاد وسیم نے بھی سابق چیئرمین جوائنٹ چیفس آف اسٹاف کمیٹی جنرل رحیم الدین کے انتقال پر گہرے دکھ اور افسوس کا اظہار کیا ہے

    بلوچستان اور سندھ کے سابق گورنر رحیم الدین خان پیر کو انتقال کرگئے۔ اہل خانہ کے مطابق مرحوم کی نماز جنازہ منگل یعنی آج شام کیولری گراؤنڈ لاہور میں ادا کی جائےگی ،رحیم الدین خان آفریدی پاکستانی فوج کے ایک ریٹائرڈ جنرل ہیں-

    رحیم الدین 20 ستمبر 1978ء سے 22 مارچ 1984ء تک بلوچستان کے اور24 جون 1988ء سے 11 ستمبر 1988ء تک سندھ کے گورنر بھی رہ چکے ہیں-

    رحیم الدین پاکستان کے پہلے کیڈٹ تھے جو فوج میں اعلیٰ ترین منصب تک پہنچے۔ وہ 21 جولائی 1926 کو قائم گنج اترپردیش میں پیدا ہوئے۔ انہوں نے دہلی کے جامعہ ملیہ اسلامیہ کالج سے حاصل کی جس کی بنیاد ان کے چچا بھارت کے سابق صدر ذاکر حسین نے تقسیم برصغیر سے قبل رکھتی تھی۔

    قیام پاکستان کے بعد پاکستان ملٹری اکیڈیم (پی یو اے) ابتدائی مراحل میں تھی جہاں جنرل (ر) رحیم الدیٰ کو اس کا پہلا کیڈٹ بننے کا اعزاز حاصل ہوا۔ انہوں نے بلوچ رجمنٹ کے انفنٹری آفیسر کی حیثیت سے پاک فوج میں کمیشن حاصل کیا۔ انہوں نے ایک کیپٹن کی حیثیت سے لاہور کے ہنگاموں کو کچلنے کے لئے ملٹری ایکشن میں حصہ لیا۔ انہوں نے مجلس احرار کے رہنماء مولانا عبدالستار نیازی کو گرفتار کیا رحیم الدین خان نے مسجد وزیر خان کے محاصرے کے لئے جنرل حیاء الدین کے احکامات ماننے سے انکار کیا۔

    وہ 1978 سے 1984 تکے طویل ترین گورنر بلوچستان رہے انہوں نے بلوچستان میں عام معافی کا اعلان کر کے صوبے میں فوجی آپریشن بند کئے۔ فراری باغیوں کے پاس جا کر متاثرین کے لئے معاوضوں کا اعلان کیا اور 1980 تک بغاوت کو کچلنے میں جنرل رحیم کامیاب ہوگئے ۔

    انہوں نے کوئٹہ اور دیگر بلوچستان کے شہروں اور قصبوں کے لئے قدرتی گیس کی فراہمی کو یقینی بنایا مرکزی مزاحمت ہونے کے باوجود بلوچستان کی تاریخ میں ایسا پہلی بار ہوا ۔وہ چاغی میں ایٹمی تجربات کے لئے سائنس کی تعمیر کی نگرانی کرتے رہے۔جہاں 1998 میں نواز شریف حکومت کے دور میں ایٹمی تجربات کئے گئے اور پاکستان ایٹمی طاقت کاحامل پہلا اسلامی ملک بن گیا جنرل رحیم الدین مرحوم کو فوج میں احترام کی نگاہ سے دیکھا جاتا ہے ۔وہ ملک کے چوتھے چیئرمین جائنٹ چیف آف اسٹاف کمیٹی رہے ۔

    وہ فوجی افسران کی ملازمتوں میں توسیع کے شدید مخالف تھے ۔انہوں نے خود جنرل ضیاالحق کی جانب سے اپنی مدت ملازمت میں ایک سال کی توسیع ٹھکرادی تھی ۔09۔1987 میں ریٹائر ہوگئے ۔جس پر جنرل کے ایم عارف کو وائس چیف آف اسٹاف کی حیثیت سے توسیع دی گئی ۔لیکن ایک سال کے اندر ہی وہ جنرل ضیاء الحق اور وزیراعظم محمد خان جونیجو میں بڑھتی خلیج کی نذر ہوگئے ۔

    جنرل رحیم الدین 1988 میں سندھ کے سویلین گورنر بھی رہے ۔جب مختصر عرصہ کے لئے گورنر راج لگایا گیا تھا انہوں نے جرائم پیشہ طور لینڈ مافیا کے خلاف کریک ڈاؤن کیا مرکز کو ایم کیو ایم کی حمایت سےروکا جب اس وقت کے صدر غلام اسحاق خان سندھ میں وزارت اعلیٰ کو بحال کرنا چاہا تو جنرل رحیم گورنر کےعہدے سے مستعفی ہوگئے ۔

    راولپنڈی میں اپنی ریٹائرمنٹ کےدنوں میں انہوں نے آرمی چیف کے لیے جنرل آصف نواز اور جنرل عبد الوحید کاکڑ کی حمایت کی ۔ وہ اپنے چالیس سالہ پیشہ ورانہ کیرئیر میں اپنی دیانت داری سے نام کمایا۔

  • ملک بھر میں مزید بارشوں کی پیشگوئی

    ملک بھر میں مزید بارشوں کی پیشگوئی

    محکمہ موسمیات نے ملک بھر میں مزید بارشوں کی پیشگوئی کی ہے-

    باغی ٹی وی :محکمہ موسمیات کے مطابق اسلام آباد میں رات کو گرج چمک کے ساتھ بارش کا امکان ہے سندھ، خیبرپختونخوا ، پنجاب، مشرقی بلوچستان ، کشمیر اور گلگت بلتستان میں بارش کا امکان ہے پشاور ، نو شہرہ، کرم،کوہاٹ، بنوں،ڈی آئی خان اوروزیرستان میں بارش کا امکان ہے-

    سیلاب متاثرین کی بحالی و تعمیر نو کے لئے پرائم منسٹر ریلیف فنڈ بھی قائم، قوم دل…

    محکمہ موسمیات کے مطابق راجن پور اور رحیم یار خان میں تیز ہواؤں اور گرج چمک کےساتھ بارش کا امکان ہے ساہیوال، اوکاڑہ، ملتان، بہاولنگر، ڈیرہ غازی خان، بہاولپور،لیہ، تو نسہ اوربھکر میں بارش متوقع ہے خطہ ٔپو ٹھوہار، گوجرانوالہ ، نارووال، سیالکوٹ ، لاہور اورفیصل آباد میں بارش کا امکان ہے-

    محکمہ موسمیات کے مطابق آواران اورلورالائی میں تیز ہواؤں اور گرج چمک کے ساتھ بارش متوقع ہے کوئٹہ، قلعہ سیف اللہ ، قلعہ عبد ا للہ ، ڈیرہ بگٹی، کوہلو اور لسبیلہ میں بارش کا امکان ہے بارکھان،سبی، ژوب ، زیارت، پشین، موسٰی خیل، قلات، خضدار میں بارش متوقع ہے-

    پنجاب پولیس کی ڈی جی خان اور راجن پور میں امدادی سرگرمیاں

    محکمہ موسمیات کے مطابق میر پور خاص، بد ین، نگر پار کر، کشمور، سا نگھڑ، جامشورو اورحیدرآباد میں بارش متوقع ہے سکھر، خیر پور، لا ڑ کا نہ، پڈعیدن، گھو ٹکی، عمر کوٹ، اسلام کوٹ میں بارش کا امکان ہے

    محکمہ موسمیات کے مطابق دیر،چترال،سوات،کوہستان، مانسہرہ، ایبٹ آباد اورمردان میں بارش کا امکان ہے مٹھی ، مٹیا ری ، ٹنڈو الا یار، ٹندو محمد خان اور ٹھٹھہ موسلادھار بارش کا امکان ہے-

    ٹنڈومستی اورگمبٹ کےدرمیان بارش کے باعث ریلوےٹریک پرشگاف ،ٹرینوں کی آمد ورفت متاثر

  • سوڈان میں طوفانی بارشوں سے تباہی،80 افراد جاں بحق متعدد زخمی،ہزاروں گھرتباہ،6 ریاستوں میں ایمرجنسی نافذ

    سوڈان میں طوفانی بارشوں سے تباہی،80 افراد جاں بحق متعدد زخمی،ہزاروں گھرتباہ،6 ریاستوں میں ایمرجنسی نافذ

    سوڈان میں طوفانی بارشوں اور سیلاب سے مرنے والوں کی تعداد 80 ہو گئی ہے جبکہ 31 افراد زخمی ہوئے ہیں-

    باغی ٹی وی : غیر ملکی خبررساں ادارے کے مطابق سوڈان میں نیشنل سول ڈیفنس کونسل نے اتوار کے روز اعلان کیا کہ طوفانی بارشوں اور سیلاب سے مرنے والوں کی تعداد 80 جبکہ زخمیوں کی تعداد 31 ہو گئی ہے –

    ترکی میں دو مختلف حادثات میں 35 افراد ہلاک

    سرکاری اعداد و شمار کے مطابق مکمل طور پر تباہ ہونے والے گھروں کی تعداد 17 ہزار 80 تک پہنچ گئی اور 23 ہزار 850 مکانات جزوی طور پر تباہ ہوئے،سڑکوں اور دیگر املاک کو بھی نقصان پہنچا ہے-

    دوسری طرف سوڈانی حکومت نے 6 ریاستوں میں طوفانی بارشوں کے نتیجے میں ہنگامی حالت کا اعلان کیا تھا۔

    گزشتہ روز سوڈان کے محکمہ موسمیات نے خبردار کیا کہ اس سال کے موسم کی بارشیں زیادہ ہوں گی اچانک سیلاب زیادہ تر ریاستوں پر حملہ کر سکتا ہے، جس کے لیے خاص طور پر نشیبی علاقوں میں احتیاط کی ضرورت ہے۔

    سوڈانی وزیر برائے سماجی ترقی احمد آدم بخیت نے کہا کہ طوفانی بارشوں کی وجہ سےمتاثرہ علاقے کو آفت زدہ علاقہ قرار دیا جا سکتا ہے انتباہ کی حالت جاری ہے اور ہمیں مزید بارش کی توقع ہے موسلا دھار بارشوں کی وجہ سے 43,000 گھروں کو جزوی یا مکمل طور پر نقصان پہنچا ہے۔

    کربلا میں لینڈ سلائیڈنگ، ایک خاتون سمیت 4 افراد جاں بحق

    دوسری جانب سعودی عرب کی وزارت خارجہ نے سوڈان میں طوفان، بارشوں، سیلاب اور حادثات کے نتیجے میں شہریوں کی اموات پر گہرے دکھ اور افسوس کا اظہار کیا ہے۔

    ایک بیان میں وزارت خارجہ نے سوڈان کی کئی ریاستوں میں بارشوں سیلاب سے ہونے والے جانی اور مالی نقصان پرافسوس کا اظہار کرتے ہوئے متاثرین کے ساتھ ہمدری اور دلی تعزیت کی ہے۔

    سعودی پریس ایجنسی (ایس پی اے) کے مطابق وزارت خارجہ نے جاں بحق ہونے والوں کے خاندانوں، اور سوڈان کی حکومت اور عوام کے ساتھ اپنی گہری تعزیت اور دلی ہمدردی کا اظہار کیا اور زخمیوں کی جلد صحتیابی کی دعا کی ہے۔

    بھارت: شدید بارشوں کے بعد سیلاب آنے سے 18 افراد ہلاک

    علاوہ ازیں ایک اور بیان میں سعودی وزارت خارجہ نے ترکیہ کے شہروں غازی عنتاپ اور ماردین میں پیش آنے والے دو ٹریفک حادثات پر جمہوریہ ترکی کے ساتھ تعزیت اور یکجہتی کا اظہار کیا ان حادثات میں درجنوں افرا ہلاک اور زخمی ہوگئے تھے۔

    واضح رہے کہ صوبہ غازی انتیپ میں مسافر بس سڑک کنارے کھڑی ایمبولینس اور فائر بریگیڈ سے ٹکرا کر الٹ گئی تھی حادثے کے نتیجے میں 18 افراد ہلاک اور 22 زخمی ہوئے تھے، زخمیوں کو فوری طور پر طبی امداد کے لیے قریبی اسپتالوں میں منتقل کیا گیا تھا مرنے والوں میں تین فائر فائٹرز، دو ایمرجنسی ورکرز اور دو صحافی بھی شامل ہیں۔ یہ افسوسناک واقعہ حادثے کے بعد ہونے والے ریسکیو آپریشن کےدوران پیش آیا تھا-

    دوسرا حادثہ کچھ گھنٹوں بعد شہر ماردین میں پیش آیا جہاں ایک تیز رفتار ٹرک عوام کے ہجوم پر چڑھ دوڑا تھا ہ دوسرے حادثے میں زیادہ تعداد ہنگامی صورت حال سے نمٹنے والے ورکرز کی تھی جس میں 17 افراد ہلاک اور 29 افراد زخمی ہوئے جب کہ 8 افراد شدید زخمی ہیں اور یہ حادثہ ٹرک کے بریک فیل ہونے کے باعث پیش آیا۔

    شام کی مارکیٹ میں دھماکہ،19 افراد جاں بحق ،متعدد زخمی

  • مجلس عزاء پر آسمانی بجلی گرنے سے 5 خواتین ہلاک اور متعدد زخمی

    مجلس عزاء پر آسمانی بجلی گرنے سے 5 خواتین ہلاک اور متعدد زخمی

    یمن: خواتین کی مجلس عزاء پر آسمانی بجلی گرنے سے 5 خواتین ہلاک اور متعدد زخمی ہو گئیں-

    باغی ٹی وی : غیر ملکی خبر ایجنسی کے مطابق یہ واقعہ یمن کے دارالحکومت صنعاء کے شمال میں واقع عمران گورنری کے ایک گاؤں میں ہفتے کی شام پیش آیا-

    کربلا میں لینڈ سلائیڈنگ، ایک خاتون سمیت 4 افراد جاں بحق

    رپورٹس کے مطابق عمران کے شمال میں واقع العشہ ڈاریکٹوریٹ میں خواتین کی جانب سے مجلس عزا منعقد کی گئی تھی دوران مجلس ہی گرج چمک کے دوران آسمانی بجلی گری جس کے نتیجے میں 5 خواتین ہلاک اور 13 زخمی ہو گئیں، جنہیں ہسپتال منتقل کر دیا گیا۔

    قبل ازیں یمن کی حجہ گورنری میں آسمانی بجلی گرنے سے 7 افراد جاں بحق اور 8 زخمی ہوگئے تھےمقامی ذرائع کے مطابق حجہ گورنری میں آسمانی بجلی گرنے سے جاں بحق ہونے والوں میں تین سگے بھائی علی محمد زید، زید محمد زیداور عبداللہ محمد زید شامل ہیں۔

    یمن میں تقریباً دو ماہ سے شدید طوفانی بارشیں ہو رہی ہیں، جن میں سے بعض مقامات پر طوفانی بارشیں سیلاب کا باعث بنی ہیں۔ سیلاب سے اب تک درجنوں افراد جاں بحق اور املاک کو بھاری نقصان پہنچ چکا ہے۔

    بھارت: شدید بارشوں کے بعد سیلاب آنے سے 18 افراد ہلاک

    دوسری جانب یونان میں نائٹ ٹریل ماؤنٹین ریسنگ مقابلے کے دوران بجلی گرنے سے ایک ایتھلیٹ ہلاک ہو گیا ہے جبکہ دوسرا سخت زخمی ہو گیا مقامی پولیس حکام کے مطابق آسمانی بجلی کا شکار ہونے والے ایتھلیٹ یونان کے ماؤنٹ فلکرو کی 6 چوٹیوں پر 1340 میٹر اونچائی پر نائٹ ٹریل ماؤنٹین ریسنگ مقابلے میں حصہ لے رہے تھے۔

    پولیس کے مطابق نائٹ ٹریک ماؤنٹین ریسنگ مقابلے میں 55 ایتھلیٹ حصہ لے رہے تھے، واقعے کے وقت بیشتر ایتھلیٹ فنش لائن پر پہنچ چکے تھے پیرگوئی کے قصبے کے قریب 22.2 میل ریسنگ مقابلے کےدوران دو ایتھلیٹ آسمانی بجلی کی زد میں آگئے تھے، جن میں ایک ایتھلیٹ موقعے پر ہلاک ہو گیا تھا جبکہ دوسرا شدید زخمی ہو گیا تھا جسے ائیرلفٹ کرکے اسپتال پہنچایا گیا تھا –

    شام کی مارکیٹ میں دھماکہ،19 افراد جاں بحق ،متعدد زخمی

  • 23 اگست سےکراچی میں مزید بارشوں کا امکان

    23 اگست سےکراچی میں مزید بارشوں کا امکان

    محکمہ موسمیات کا کہنا ہے کہ رواں ہفتے کراچی میں مزید بارشوں کا امکان ہے-

    باغی ٹی وی :چیف میٹرولوجسٹ سردار سرفراز کا کہنا ہے کہ وسطی بھارت میں موجود مون سون سسٹم سندھ پر بھی اثر انداز ہو سکتا ہے جس کے نتیجے میں 24 اور 25 اگست کو کراچی میں بادل برس سکتے ہیں۔

    ٹنڈومستی اورگمبٹ کےدرمیان بارش کے باعث ریلوےٹریک پرشگاف ،ٹرینوں کی آمد ورفت متاثر

    سردار سرفراز کا کہنا ہے کہ ہوا کا شدید کم دباؤ ڈپریشن کی صورت میں وسطی بھارت پر موجود ہے جو بھارتی ریاست راجستھان کی جانب بڑھ رہا ہے مون سون سسٹم کا زیادہ ترحصہ زمین پرہونے کے باعث شدت زیادہ ہے۔ 23 اگست کو مون سون سسٹم مشرقی سندھ پر اثر انداز ہو سکتا ہے، مون سون سسٹم کے زیر اثر کراچی، وسطی و بالائی سندھ اور بلوچستان میں بارش کا امکان ہے۔

    چیف میٹرولوجسٹ نے کہا کہ سسٹم کے دو ٹریک موسمیاتی نقشے دکھا رہے ہیں، پہلے ٹریک میں مون سون سسٹم کا رخ بالائی سندھ اور جنوبی پنجاب کی جانب بھی ہو سکتا ہے، دوسرے ٹریک میں اس کا رخ مغرب کی جانب بھی ہو سکتا ہے، مغرب کی جانب ہونے پر سسٹم سندھ میں وسیع پیمانے پر بارش کا باٰعث بن سکتا ہے۔

    سردار سرفراز نے کہا کہ کراچی میں 24 سے 25 اگست کی شام تک بارش کا امکان رہے گا جبکہ بلوچستان کے شمال مشرقی اور جنوبی اضلاع میں بھی بارشیں ہو سکتی ہیں۔

    دوسری جانب اندرون سندھ میں طوفانی بارشوں نے تباہی مچا رکھی ہے،خیرپور میں احمد پور کے قریب گوٹھ پنگیار وڈا میں مسجد کی چھت گرنے کا واقعہ پیش آیا جس میں 8 افراد جاں بحق اور 19 افراد زخمی ہوئے۔

    لاہور: ڈینگی مچھر کی افزائش روکنے کیلئےتمام سوئمنگ پولز بند کرنے کا حکم دے دیا

    اسسٹنٹ کمشنر خیرپور کے مطابق بارش کے باعث 50 سے زائد افراد نے مسجد میں پناہ لے رکھی تھی تاہم وزن زیادہ ہونے کے باعث مسجد کی کچی چھت گر گئی اور متعدد افراد دب گئے۔

    ادھر خیرپور ہی کے علاقے پریالو میں مکان کی چھت گرنے سے خواتین اور بچوں سمیت 10 افراد زخمی ہو گئے شکارپور کے نواحی علاقے میں بھی کچے مکان کی چھت گرنے سے 5 افراد جاں بحق اور 3 زخمی ہو گئے، جاں بحق ہونے والوں میں 4 بچے اور ایک خاتون شامل ہے۔

    دادو میں بھی بارش کے باعث گاؤں بٹ سرائی میں مکان کی چھت گرنے کا واقعہ پیش آیا جس میں خاتون اور 2 بچیاں جاں بحق جبکہ 3 افراد زخمی ہوئے دادو ہی کے گاؤں منگی کابھان میں بھی مکان کی چھت گرنے سے ایک شخص جاں بحق ہو گیا۔

    دریائے سندھ میں طغیانی ،ہزاروں ایکڑ فصلیں زیر آب ،8 لاکھ کیوسک سیلاب کے ریلے کا…

    سکھر میں میڈیا سے گفتگو کرتے ہوئے وزیراعلیٰ سندھ مراد علی شاہ نے کہا کہ سندھ بھر میں معمول سے 500 فیصد زائد بارشیں ہوئی ہیں –

    انہوں نے کہا کہ دریائے سندھ میں آج گڈو بیراج پر ہائی فلڈ ہوگا، کل شام تک سکھر بیراج سے بھی اونچے درجے کا سیلابی ریلا گزرے گا جس کے لیے حساس ترین مقامات پر تیاریاں مکمل ہیں اور مشینری تیار ہے۔

    مراد علی شاہ کا کہنا تھا کہ سندھ بھر میں معمول سے 500 فیصد زائد بارشیں ہوئی ہیں اور غیر معمولی بارشوں کے باعث بیراجوں پر ہائی الرٹ کی ہدایت کی ہے سکھر میں ایک دن میں 184 ملی میٹر بارش ہوئی، شہر کو آفت زدہ قرار دے دیا گیا ہے جہاں انفرا اسٹرکچر کی بحالی کا کام کررہے ہیں۔

    تعلیمی ادارے ایک ہفتے کےلیے بندکردیئے گئے

  • پی سی بی نے انگلینڈ کے خلاف ہوم ٹیسٹ سیریز کے شیڈول کا اعلان کر دیا

    پی سی بی نے انگلینڈ کے خلاف ہوم ٹیسٹ سیریز کے شیڈول کا اعلان کر دیا

    پاکستان کرکٹ بورڈ نے انگلینڈ کے خلاف ہوم ٹیسٹ سیریز کے شیڈول کا اعلان کردیا۔

    باغی ٹی وی : پی سی بی کی جانب سے جاری اعلامیے کے مطابق انگلینڈ کے خلاف ہوم ٹیسٹ سیریز کا پہلا میچ یکم سے 5 دسمبر تک راولپنڈی میں کھیلا جائے گا۔


    دونوں ممالک کے مابین تین ٹیسٹ میچز کی سیریز کے بقیہ دو میچز 9 اور 17 دسمبر کو شروع ہوں گے، یہ میچز بالترتیب ملتان اور کراچی میں کھیلے جائیں گے انگلینڈ کی پاکستان میں 17 سال میں پہلی ٹیسٹ سیریزہو گی-

    ایشیا کپ: شاہین شاہ آفریدی کی جگہ محمد حسنین قومی اسکواڈ کا حصہ

    دونوں ٹیمیں 9 سے 13 دسمبر تک دوسرے ٹیسٹ کے لیے ملتان جائیں گی کراچی تیسرے ٹیسٹ کی میزبانی 17 سے 21 دسمبر تک کرے گا۔

    یہ پہلا موقع ہوگا کہ جب انگلینڈ کی ٹیم راولپنڈی میں کوئی ٹیسٹ میچ کھیلے گی، پاکستان اس وینیو پر 12 میچز کی میزبانی کرچکا ہے، جس میں سے 5 میں میزبان ٹیم کو فتح اور 3 میں شکست کا سامنا کرنا پڑا ہے۔

    آخری مرتبہ 2005 میں پاکستان کا دورہ کرنے والی انگلینڈ کرکٹ ٹیم کو ملتان میں کھیلے گئے ٹیسٹ میچ میں 22 رنز سے شکست ہوئی تھی۔ اس وینیو پر اب تک کھیلے گئے پانچ ٹیسٹ میچز میں سے پاکستان نے تین میں کامیابی اور ایک میں ناکامی کا سامنا کیا ہے۔

    نیشنل اسٹیڈیم کو پاکستان کےلئے خوش قسمتی کا میدان سمجھا جاتا تھا جب کہ 2000 میں ناصر حسین کی ٹیم نے پاکستان کے 34 ٹیسٹ کے ناقابل شکست ریکارڈ کو ختم کر دیا، تیسرا ٹیسٹ چھ وکٹوں سےجیت لیا۔پاکستان کو کراچی میں 44 میچوں میں واحد دوسری شکست جنوبی افریقہ کے خلاف ہوئی جس نے 2007 کا ٹیسٹ 160 رنز سے جیتا تھا بہر حال، 23 ٹیسٹ کی جیت کے ساتھ، نیشنل اسٹیڈیم پاکستان کا سب سے پسندیدہ ٹیسٹ وینیو بنا ہوا ہے۔

    ڈائریکٹر انٹرنیشنل کرکٹ پی سی بی ذاکر خان کا کہنا ہے کہ انہیں انگلینڈکے ٹیسٹ اسکواڈ کی ایک مرتبہ پھر پاکستان میں میزبانی کرنے پر بہت خوشی ہوگی۔ آخری مرتبہ 2005 میں پاکستان میں مدمقابل آنے والی دونوں ٹیموں کی کرکٹ میں بہت تبدیلی آچکی ہے امید ہے کہ یہ سیریز دنیا بھر میں موجود کرکٹ کے دلدادہ ناظرین کی توقعات کے عین مطابق دلچسپ اور سنسنی خیز ہوگی۔

    شاہین شاہ آفریدی انجری کے باعث انگلینڈ سیریز اور ایشیا کپ سے باہر

    ذاکر خان نے کہاکہ پاکستان کرکٹ فینز کو انگلینڈ کے ایلیٹ کھلاڑیوں کی پاکستان آمد کا نظارہ کرنے کے لیے 17 سال تک انتظار کرنا پڑا ہے گو کہ ان میں سے اکثر ایچ بی ایل پاکستان سپر لیگ میں شرکت کے لیے پاکستان آچکے ہیں مگر ٹیسٹ کرکٹ کسی ملک کے لیے کھیل کا اہم ترین فارمیٹ ہوتا ہے۔

    ای سی بی کے عبوری چیف ایگزیکٹیو آفیسر کلیئر کونر نے کہا کہ2005 کے بعد پہلی بار ہماری مردوں کی ٹیسٹ ٹیم کی پاکستان واپسی ایک تاریخی موقع ہو گا۔ اتنے طویل عرصے کے بعد پاکستان میں کرکٹ کے شائقین کے سامنے ٹیسٹ کرکٹ کھیلنے کا موقع قابل تعریف ہے۔

    "ہم حالیہ مہینوں میں پی سی بی کے ساتھ مل کر کام کر رہے ہیں اور میں ان تمام چیزوں کے لیے ان کا شکرگزار ہوں جو انھوں نے کیا ہے، اور کرتے رہیں گے، تاکہ ہمارے ٹیسٹ اور ٹی ٹوئنٹی دوروں کو شامل تمام لوگوں کے لیے مثال بنے گا-

    تینوں ٹیسٹ آئی سی سی ورلڈ ٹیسٹ چیمپئن شپ 2021-23 میں شمار ہوں گے۔ چوتھے نمبر پر موجود انگلینڈ اس وقت ٹیسٹ چیمپئن شپ ٹیبل پر ساتویں نمبر پر ہے جبکہ چھٹے نمبر پر موجود پاکستان پانچویں نمبر پر آ گیا ہے۔

    ٹیسٹ کا شیڈول:

    1-5 دسمبر – پہلا ٹیسٹ، راولپنڈی

    9-13 دسمبر – دوسرا ٹیسٹ، ملتان

    17-21 دسمبر – تیسرا ٹیسٹ، کراچی

    بابر اعظم نے ہاشم آملہ کا ریکارڈ توڑ کر ایک اور عالمی اعزاز اپنے نام کر لیا

  • ایشیا کپ: شاہین شاہ آفریدی کی جگہ محمد حسنین قومی اسکواڈ کا حصہ

    ایشیا کپ: شاہین شاہ آفریدی کی جگہ محمد حسنین قومی اسکواڈ کا حصہ

    انجری کا شکار ہونے والے پاکستانی فاسٹ باؤلر شاہین شاہ آفریدی کی جگہ اے سی سی ٹی ٹوئنٹی ایشیا کپ کے لیے قومی اسکواڈ میں محمد حسنین کو شامل کرلیا گیا ہے۔

    باغی ٹی وی : 22 سالہ نوجوان فاسٹ باؤلر محمد حسنین اب تک 18 ٹی ٹوئنٹی انٹرنیشنل میچز میں پاکستان کی نمائندگی کرتے ہوئے 17 وکٹیں حاصل کرچکے ہیں دی ہنڈرڈز کھیلنے کے سلسلے میں یوکے میں موجود محمد حسنین دبئی میں قومی ٹی ٹوئنٹی اسکواڈ کو جوائن کریں گے۔

    ‏پاکستان نےتیسرےون ڈے میں نیدرلینڈزکو9رنزسےہرادیا


    دوسری جانب نیدرلینڈز ٹور کے لیے اعلان کردہ 16 رکنی اسکواڈ میں شامل عبداللہ شفیق، امام الحق، محمد حارث، سلمان علی آغا اور زاہد محمود کی جگہ آصف علی، حیدر علی، افتخار احمد اور عثمان قادر منگل کی صبح پاکستان سے روانہ ہوکر دبئی میں اسکواڈ کو جوائن کریں گے ۔

    متحدہ عرب امارات میں کھیلے جانے والا ایونٹ 27 اگست سے 11 ستمبر تک جاری رہے گا ٹورنامنٹ میں پاکستان اپناپہلا میچ 28 اگست کو بھارت کے خلاف کھیلے گا قومی کرکٹ ٹیم اپنا دوسرا میچ شارجہ میں 2 ستمبر جمعہ کوالیفائر ٹیم سے کھیلے گا، سپر فور کے میچز 3 سے 9 ستمبر تک کھیلے جائیں گے۔


    دوسری جانب شاہین شاہ آفریدی کے ایشیا کپ سے باہر ہونے پر سابق کپتان شاہد آفریدی نے بھی کمنٹ کیا گزشتہ روز شاہد آفریدی نے ٹئوٹر پر 15 منٹ کا سوال و جواب کا سیشن رکھا جس میں ایک صارف نے درخواست کی کہ لالہ شاہین تو انجرڈ ہیں، آپ ہی ریٹائرمنٹ واپس لے لیں۔


    اس کے جواب میں شاہد آفریدی نے بتایا کہ میں نے اس کو پہلے بھی منع کیا تھا کہ آپ فاسٹ باؤلر ہو، ڈائیو مت لینا، انجری ہوسکتی ہے لیکن مجھے بعد میں اندازہ ہوا کہ وہ بھی آفریدی ہی ہے۔


    واضح رہے کہ شاہین شاہ آفریدی گھٹنے میں انجری کے باعث ایشیا کپ اور انگلینڈ کے خلاف ہوم سیریز سے باہر ہو گئے ہیں پی سی بی میڈیکل ایڈوائزری کمیٹی اور انڈی پینڈنٹ اسپیشلسٹس نے تازہ ترین اسکینز اور رپورٹس کی روشنی میں کرکٹر کو آرام تجویز کیاہے۔

    تازہ ترین

    آئی سی سی ورلڈ سپر لیگ رینکنگ:پاکستانی ٹیم تیسرے نمبر پر آ گئی

  • چین: خشک سالی کے شکار دریا سے 6 سو سال پرانے مجمسے برآمد

    چین: خشک سالی کے شکار دریا سے 6 سو سال پرانے مجمسے برآمد

    چین میں خشک سالی کے باعث دریائے یانگزی میں پانی کی سطح کم ہونے کے باعث 6 سو سال پرانے مجمسے برآمد ہوئے ہیں۔

    باغی ٹی وی : غیر ملکی میڈیا کے مطابق چین میں جنوب مغربی شہر چونگ چنگ کے قریب خشک سالی کے شکار دریائے یانگزی میں ظاہر ہونے والے ایک جزیرے پر موجود ایک بڑے پتھرپر بنےتین مجسمے برآمد ہوئے ہیں-

    سخت گرمی: جاپانی عوام پالتو جانوروں کو پنکھوں والے لباس پہنانے لگے

    رپورٹ کے مطابق ان تین مجسموں میں مرکزمیں گوتم بدھ کا مجسمہ جبکہ دونوں اطراف میں موجود مجسمے بدھ بھکشو خیال کیے جاتے ہیں۔

    یہ تینوں مجسمے فوئیلیانگ نامی جزیرے کی چٹان کے سب سے اونچے حصے پر پائے گئےماہرین کا خیال ہے کہ یانگزی سے دریافت ہونے والے یہ مجسمے 600 سال قبل منگ اور چنگ خاندانوں کے دور حکمرانی کے دوران بنائے گئے ہوں گے۔

    سرکاری پیشین گوئیوں کے مطابق، یانگزیطاس میں جولائی سے اب تک معمول سے تقریباً 45 فیصد کم بارش ہوئی ہے، اور زیادہ درجہ حرارت کم از کم ایک اور ہفتے تک برقرار رہنے کا امکان ہے چونگ کنگ میں 34 کاؤنٹیوں کے 66 دریا سوکھ گئے ہیں۔

    خیال رہے کہ رواں برس یورپ میں بھی خشک سالی، سخت گرمی اور بارشوں کی کمی کے باعث یورپ کے دریاؤں میں بھی سطح آب میں کمی آنے کے بعد کافی نایاب اور قدیم چیزیں ظاہر ہوئی ہیں۔

    اسپین میں ماہرین آثارقدیمہ نے ایک قبل ازتاریخ دورکا پھترسے بنا ہوا سرکل دریافت کیا تھا جسے "Spanish Stonehenge” کا نام دیا گیا جبکہ یورپ کےدریائےڈینیوب میں خشک سالی کےبعد مختلف مقامات سے دوسری جنگ عظیم کے دوران تباہ ہونے والے جرمنی کے 20 بحری جنگی جہاز بھی دریافت ہوئے ہیں۔

    اٹلی : خشک ہونے والے دریا سے دوسری جنگ عظیم کا بم برآمد

    جبکہ حال ہی میں اٹلی میں قحط سالی سے خشک ہونے والے دریا سے دوسری جنگ عظیم کا بم برآمد ہوا تھا بی بی سی کے مطابق 450 کلوگرام (1,000lb) کا یہ بم 26 جولائی کو اٹلی کے شمال میں ایک گاؤں بورگو ورگیلو کے قریب ماہی گیروں کو دریائے پو کے کنارے سے ملا تھا اٹلی کی 70 سال کی بدترین خشک سالی میں 650 کلومیٹر (400 میل) دریا کے بڑے حصے سوکھ گئے ہیں۔

    فوج کے اہلکار کرنل مارکو ناسی نے خبر رساں ادارے روئٹرز کو بتایا تھا کہ یہ بم ماہی گیروں کو پو دریا کے کنارے سے ملا تھا کیا کیونکہ قحط سالی کے باعث دریا میں پانی کی سطح میں نمایاں کمی آئی ہے فوجی ماہرین نے اس بم کو وہاں سے منتقل کرکے ایک جگہ کنٹرول دھماکا کیا –

    اس بم کو ڈی فیوز کرکے کنٹرول دھماکا کرنا آسان کام نہیں تھا بم کو دوسری جگہ پہنچانے سے قبل وہاں اردگرد کی آبادیوں سے 3 ہزار افراد کو محفوظ مقامات پر منتقل کیا گیا، فضائی حدود کو بند کردیا گیا جبکہ ریلوے لائن اور شاہراؤں کو بھی بند کیا گیا۔

  • ٹنڈومستی اورگمبٹ کےدرمیان بارش کے باعث ریلوےٹریک پرشگاف ،ٹرینوں کی آمد ورفت متاثر

    ٹنڈومستی اورگمبٹ کےدرمیان بارش کے باعث ریلوےٹریک پرشگاف ،ٹرینوں کی آمد ورفت متاثر

    سکھر: ٹنڈو مستی اور گمبٹ کے درمیان بارش کے باعث ریلوے ٹریک پر شگاف پڑ گئے۔

    باغی ٹی وی : سکھر ڈویژن میں مسلسل 12 گھنٹے کی بارش کی وجہ سےٹنڈو مستی اور گمبٹ کے درمیان ریلوے ٹریک پر شگاف پڑ گئے۔ ٹرینوں کی آمد ورفت بری طرح متاثر ہو گئی-

    تعلیمی ادارے ایک ہفتے کےلیے بندکردیئے گئے


    پاکستان ریلویز کے مطابق کراچی جانے والی ٹرینوں کو مختلف ریلوے سٹیشنوں پر روک دیا گیا ہےخیبر میل ایکسپریس کو روہڑی اسٹیشن پر روکا گیا ہے۔


    ملت ایکسپریس کو ڈہرکی اسٹیشن پر روکا گیا ہے گرین لائن کو لیاقت پور اسٹیشن پر روکا گیا ہے۔ تیزگام ایکسپریس کو میر پور ماتھیلو اسٹیشن پر روکا گیا ہے۔علامہ اقبال ایکسپریس کو گھوٹکی اسٹیشن پر روکا گیا ہے۔قراقرم ایکسپریس کو صادق آباد اسٹیشن پر روکا گیا ہے۔

    عرب ممالک کی این جی اوز سندھ اور بلوچستان میں سیلاب زدہ علاقوں میں امدادی سرگرمیوں…


    تفصیل کے مطابق رحمان بابا ایکسپریس کو رحیم یار خان اسٹیشن پر روکا گیا ہےعوام ایکسپریس کو خان پور جنکشن پر روکا گیا ہےکراچی ایکسپریس کو ڈیرہ نواب شاہ اسٹیشن پر روکا گیا ہےسرسید ایکسپریس کو بہاولپور ریلوے اسٹیشن پر روکا گیا ہے۔


    پاکستان ریلویز کا کہنا ہے کہ ریلوے ٹیمیں ٹریکس بحالی کے لیے کام کر رہی ہیں۔جیسے ہی ٹریکس آپریشن کے لیے فٹ ہوئے، ٹرینوں کو اپنی منزل کی جانب روانہ کر دیا جائے گا۔

    لاہور: ڈینگی مچھر کی افزائش روکنے کیلئےتمام سوئمنگ پولز بند کرنے کا حکم دے دیا