امریکا کے ایک شہر سے پولیس کے محکمے کو ہی ختم کردیا گیا ہے۔

باغی ٹی وی : "دی گارجئین” کے مطابق ریاست الاباما کے ایک چھوٹے شہر ونسینٹ میں 2 افسران کے درمیان نسل پرستانہ ٹیکسٹ میسجز کے تبادلے کے انکشاف کے بعد پولیس کے محکمے کو تحلیل کردیا گیا۔

ویانا مذاکرات کامقصد ایران کےساتھ معاہدے کوبحال کرنا اور پابندیاں ہٹانا ہے:روس

الاباما کے چھوٹے شہر ونسنٹ نے اپنے دو افسران کے درمیان نسل پرستانہ ٹیکسٹ پیغامات کے تبادلے کے انکشاف کے بعد اپنی پولیس فورس کو ختم کرنے کے حق میں ووٹ دیا ہے۔

ان پیغامات کو سب سے پہلے ایک ویب سائٹ نے 2 اگست کو رپورٹ کیا تھا اور اسی روز ونسینٹ سٹی کونسل کا اجلاس ہوا تاکہ اس معاملے پر کوئی فیصلہ کیا جاسکے۔

سٹی کونسل کے اجلاس سے قبل مقامی پولیس کے سربراہ جیمز سرگلے نے کہا تھا کہ ان کے محکمے کی جانب سے اندرونی تحقیقات کی جارہی ہے اور اس حوالے سے ذمہ داران کے خلاف مناسب کارروائی کی جائے گی۔

مگر 4 اگست کو انکشاف ہوا کہ درحقیقت جن 2 افسران کے درمیان نسل پرستانہ پیغامات کا تبادلہ ہوا تھا ان میں سے ایک جیمز سرگلے خود تھے جن کو برطرف کردیا گیا اس کے بعد جیمز سرگلے کے نائب جان ایل گوس کو بھی برطرف کردیا گیا بعدازاں سٹی کونسل نے پورے محکمے کو ہی ختم کرنے کا فیصلہ ووٹنگ کے ذریعے کیا۔

5 اگست کو Shelby کے شیرف آفس کی جانب سے ایک بیان میں سٹی کونسل کے اقدامات کی مذمت کرتے ہوئے کہا کہ ہمارے افسران شہریوں کی خدمت کررہے تھے۔

برمنگھم کے جنوب مشرق میں واقع اس شہر کی آبادی 2 ہزار ہے جن میں سے 500 سیاہ فام ہیں اور صرف آٹھ ہسپانوی لوگ ہیں۔

جوبائیڈن کا نیومیکسیکو میں پاکستانیوں سمیت چارمسلمانوں کے قتل پر افسوس کا اظہار

واشنگٹن: امریکی صدر جو بائیڈن نے نیومیکسیکو میں پاکستانیوں سمیت چارایشیائی نژاد مسلمانوں کے قتل پرگہرے دکھ اورافسوس کا اظہارکیا ہے –

باغی ٹی وی : امریکی صدر نے سوشل میڈیا پیغام میں کہا کہ ریاست کے شہرالبوکرک میں چار مسلمان افراد کی ہولناک ہلاکتوں پرمیں رنج وغم میں مبتلاہوں اگرچہ ہم مکمل تحقیقات کے منتظر ہیں مگرمیری دعائیں متاثرہ خاندانوں کے ساتھ ہیں اور میری انتظامیہ مسلم کمیونٹی کے ساتھ پختگی سے کھڑی ہے ان نفرت انگیز حملوں کی امریکا میں کوئی جگہ نہیں ہے۔

یوکرین کا روس پر ایک بار پھر جوہری پلانٹ پر گولہ باری کا الزام

نیومیکسیکو کی گورنرمشعل لوجان گریشم نے ان ہلاکتوں پرغم وغصے کا اظہار کرتے ہوئے انھیں”مکمل طورپرناقابل برداشت” قرار دیا اور کہا کہ وہ تفتیش میں مدد کے لیے ریاستی پولیس کے اضافی افسروں کو البوکرک بھیج رہی ہیں ہم البوکرک اورعظیم تر نیومیکسیکو کی مسلم کمیونٹی کی حمایت کے لیے ہر ممکن کوشش جاری رکھیں گے۔

دوسری جانب امریکا میں مسلم شہری حقوق کے سب سے بڑے گروپ امریکی اسلامی تعلقات کونسل (سی اے آئی آر) نے ان افراد کے قاتل یا قاتلوں کی گرفتاری میں معاون معلومات فراہم کرنے والے کو10 ہزارڈالربہ طورانعام دینے کا اعلان کیا ہے۔

نیومیکسیکوکے سب سے بڑے شہرالبوکرک میں پولیس نے ہفتے کے روز بتایا تھا کہ وہ تین مسلمان افراد کے قتل کی تحقیقات کررہی ہے۔اب پولیس کو شُبہ ہے کہ ان کا تعلق گذشتہ سال ہونے والے ایک چوتھے قتل سے ہے۔

چینی سرحدوں پرامریکہ اوربھارت کی جنگی مشقیں

البوکرک پولیس ڈیپارٹمنٹ نے ایک بیان میں کہا کہ اس کوجمعہ کی شب ایک اورمقتول کا پتاچلا تھااس شخص کی لاش لوتھرن فیملی سروسز کے دفتر کے قریب سے دریافت ہوئی ہے یہ دفترپناہ گزینوں کو امداد فراہم کرتا ہے۔

پولیس نے اس شخص کی شناخت نہیں کی تاہم بتایا کہ اس کی عمربیس،پچیس سال تھی۔وہ مسلمان ہے اور جنوبی ایشیا سے تعلق رکھنے والاہے تفتیش کاروں کا خیال ہے کہ جمعہ کے قتل کا تعلق جنوبی ایشیا سے تعلق رکھنے والے مسلمان افراد کے حالیہ تین قتلوں سے بھی ہو سکتا ہے۔

اس سے قبل قتل ہونے والوں میں دوپاکستانی مسلمان مرد تھے۔ان میں ایک 27 سالہ نوجوان کی لاش یکم اگست کو ملی تھی اور ایک 41 سالہ شخص کی لاش 26 جولائی کو ملی تھی۔

چینی فوج نے پینٹاگان کی ٹیلی فونز کالز سُننے سے انکارکردیا

بیان میں کہا گیا ہے کہ سراغ رساں اب اس بات کی تحقیقات کررہے ہیں کہ آیاان تینوں قتلوں کا تعلق افغانستان سے تعلق رکھنے والے ایک مسلمان شخص کی موت سے ہے جسے 7 نومبر2021 کوالبوکرک میں ایک کاروبار سے باہرقتل کردیا گیا تھا۔مقتول یہ کاروباراپنے بھائی کے ساتھ مل کرچلارہا تھا۔

پولیس نے ان واقعات سے متعلق معلومات رکھنے والے کسی بھی شخص پرزوردیا کہ وہ اس کی اطلاع دے اور کہا کہ ایف بی آئی بھی ان پُراسرار واقعات کی تفتیش میں مدد کررہی ہے۔

اطلاعات کے مطابق قتل کی ان وارداتوں کے بعد شہرکی مسلم کمیونٹی میں تناؤمیں تیزی سے اضافہ ہوا ہے اسلامی مرکزنیومیکسیکو کے عوامی امور کے ڈائریکٹر طاہرگوبا نے بتایا کہ اب لوگ گھبراہٹ کا شکارہونے لگے ہیں۔

خطے میں روسی غلبہ ختم کرنے کیلئےامریکی وزیر خارجہ کا تین مُلکی دورہ

ٹوکیو: جاپان میں ان دنوں شدید گرمی ہے اور لوگ اپنے پالتو کتے بلیوں کو گرمی کی حدت سے بچانے کے لیے انہیں پنکھوں والے لباس پہنا رہے ہیں ۔

باغی ٹی وی : غیر ملکی میڈیا کے مطابق ٹوکیو میں لباس ساز ایک کمپنی ’سویٹ مومی‘ نے ایسےدلکش لباس بنائے ہیں جن پر پنکھے نصب ہیں جو بے زبان جانوروں کو سخت گرم موسم سے بچا سکتے ہیں اس لباس میں 80 گرام (3-اونس) کا نظام لگا ہے جو بیٹری اور پنکھے پر مشتمل ہے اور اسے جالی دار لباس کے اوپر پہنایا جاتا ہے جس سے پالتو جانور کو خوشگوار ٹھنڈک کا احساس ہوتا ہے۔

پالتو جانوروں کا پنکھا جولائی میں پیش کیا گیا تھا اور اب تک 100 آرڈر موصول ہوچکے ہیں۔ پانچ مختلف سائز میں دستیاب پنکھے کی قیمت 74 ڈالر ہے-

کمپنی کی سربراہ رائی اوزاوا کا کہنا تھا کہ ان کے پاس ایک پالتو کتا ہے جو گرمیوں میں پورا دن بے چین رہتا تھا اور شام کی واک کے وقت بھی گرمی سے نڈھال تھا اس سال جاپان میں بارشیں نہیں ہوئیں، گرمیاں جلد آگئیں جن کی شدت زیادہ تھی اسی وجہ سے ہم نے درست وقت میں جانوروں کےلیے درست شے متعارف کرائی ہے۔

واضح رہے کہ جون کے آخر تک ٹوکیو میں بارشیں ہوئیں لیکن اس کے بعد سے گرمی کی شدید بڑھتی گئی اور ایک وقت ایسا آیا کہ مسلسل نو روز تک درجہ حرارت 35 درجے سینٹی گریڈ سے نیچے نہ آسکا۔

اس پنکھے کو خریدنے والے 48 سالہ شخص نے بتایا کہ پہلے وہ پالتو کتے پر خشک برف کے تھیلے رکھتے تھے لیکن اس کے مقابلے میں جانور کو پنکھے والا لباس پہنانا قدرے آسان ہے۔