ٹک ٹاک اسٹار حریم شاہ نے حسن اقبال کو قانونی طریقے سے جواب دینے کا اعلان کردیا۔

باغی ٹی وی: چند روز قبل حریم شاہ نے انسٹاگرام پر ایک تصویر شیئر کی تھی جس میں ایک خاتون اور مرد کا ہاتھ نظر آرہا تھا۔ مرد نے ہاتھ میں گھڑی اور انگوٹھی پہن رکھی تھی جس میں نیلے رنگ کا نگینہ جڑا تھا بعد ازاں اس تصویر کو ڈیلیٹ کر دیا گیا تھا-

لیکن حریم شاہ کی اس پوسٹ کے بعد سوشل میڈیا پر خبر وائرل ہوگئی کہ ٹک ٹاک اسٹار حریم شاہ نے منگنی کرلی ہے۔تاہم بعد میں نجی ٹی وی چینل کے ساتھ ٹیلیفونک انٹرویو میں حریم شاہ نے خود تصدیق کی ہےکہ ان کے شوہر پیپلز پارٹی سے تعلق رکھنے والے رکن سندھ اسمبلی ہیں اور صوبائی وزیر بھی ہیں تاہم انہوں نے رکن اسمبلی کا نام نہیں بتایا۔

حریم شاہ کی شادی ایک معمہ بن گئی ، پی پی ارکان صفائیاں دینے لگے

حریم شاہ کا کہنا تھا کہ ان کے شوہر پہلے سے شادی شدہ ہیں چند روزمیں اپنی پہلی بیوی کوراضی کرلیں گے جس کے بعد سب کو شوہر سے متعلق بتاؤں گی اور اپنے شوہرکی اجازت سے ان کی تصویر شائع کروں گی اور شوہر کے ساتھ 4 جولائی کو ترکی بھی جارہی ہوں۔

حریم شاہ کے اس بیان کے بعد سندھ کی سیاست میں کھلبلی مچ گئی اور ہر کوئی اپنے اپنے اندازے لگانے میں مصروف تھا کہ آخر حریم شاہ کا دولہا کون ہے؟

حریم شاہ کے ساتھ شادی کی خبروں پر سعید غنی کا بیان

تاہم گزشتہ روز ہ حریم شاہ کی شیئر کی ہوئی تصویر کے حوالے سے ایک شخص پاکستانی نژاد امریکی بزنس مین حسن اقبال نے دعویٰ کیا ہے کہ یہ تصویر اس کی ہے اور اس میں موجود خاتون کا ہاتھ حریم شاہ کا نہیں بلکہ اس کی دوست کا ہے۔ تاہم یہ تصویر حریم شاہ کے پاس کہاں سے آئی اسے نہیں معلوم۔

حریم شاہ کی منگنی کی تصویر کی حقیقت، انگوٹھی اور گھڑی والا شخص منظر عام پر آ گیا

ٹک ٹاک اسٹار کے دوست حسن اقبال نے اس حوالے سے کہا کہ حریم شاہ نے جو تصویر شیئر کی ہے وہ ان کی ہے، ہاتھ ان کی دوست کا ہے، حریم شاہ کا نہیں ہے اس تصویر میں جس گھڑی اور انگوٹھی کو دکھایا گیا ہے وہ میری ہے جب کہ خاتون کا ہاتھ میری امریکی دوست کا ہے۔

اب اس کے بعد حریم شاہ نے بھی رد عمل دیا ہے ایک بیان میں حریم شاہ نے کہا کہ حسن میرے ساتھ ویڈیو بناتے تھے اور کہتے تھے کہ مجھے پروموٹ کرو۔

کسی بھی ایرے غیرے کا نام میرے نام کے ساتھ نہ جوڑیں، حریم شاہ کی شادی کے حوالے سے نئی ویڈیو

انہوں نے کہا کہ میں حسن اقبال کی کوئی چیز شیئر نہیں کی ہے، میں انہیں قانونی طریقے سے جواب دوں گی۔ٹک ٹاک اسٹار نے ایک بار پھر کہا کہ میری شادی ہوچکی ہے اور میں بہت جلد اس حوالے سے تصاویر شیئر کروں گی۔

ہاں میری شادی ہوئی، دولہا کون سا رکن اسمبلی؟ حریم شاہ نے بھی خاموشی توڑ دی

پاکستان کے معروف اور سینئر اداکار عدنان صدیقی کا کہنا ہے کہ اداکاروں کی زندگی اتنی آسان نہیں ہوتی جتنی لگتی ہے۔

باغی ٹی وی : اداکار عدنان صدیقی نے فوٹو اینڈ ویڈیو شیئرنگ ایپ انسٹاگرام پر اپنی ایک ویڈیو شیئر کی جو کہ ان کے کسی آنے والے نئے پراجیکٹ کی شوٹنگ کے دوران بنائی گئی ہے اس ویڈیو میں عدنان صدیقی ساتھی اداکارہ سونیا حسین کے ہمراہ کافی خوش نظر آرہے ہیں۔

انہوں نے یہ ویڈیو شیئر کرتے ہوئے لکھا ہے کہ اداکاروں کی زندگی اتنی آسان نہیں ہوتی جتنی لگتی ہے۔

عدنان صدیقی نے اداکاروں کی مشکل زندگی کے بارے میں لکھا کہ ’شوٹنگز بہت کٹھن ہوتی ہیں، سخت روشنی ہوتی ہے، بہت ساری نظریں آپ پر ہوتی ہیں، ٹیکس، ری ٹیکس اور میرے جیسے بد مزاج ساتھی اداکار ہوتے ہیں۔

انہوں نے مزید لکھا کہ موڈی چائلڈ ایکٹرز، چھوٹی سے چھوٹی چیزوں کے لیے پریشان ہدایتکار اور کنجوس پروڈیوسرز اور بہت کچھ ہے جس کا سامنا کرنا پڑتا ہے۔

انہوں نے ہنستے ہوئے لکھا کہ لہٰذا، سیٹ پر تھوڑی تفریح کرنے میں کوئی حرج نہیں ہے کیونکہ سارا کام اور کوئی ڈرامہ عدنان کو ایک سُست لڑکا نہیں بناتا۔

آخر میں انہوں نے مبہم انداز میں لکھا کہ اب یہ راز بھی فاش ہوگیا ہے کہ وہ اپنے نئے ڈرامے یا سیریز میں اس نئے انداز میں نظر آئیں گے۔

ماہرہ خان جیسی اداکارہ ہونا انڈسٹری کے لیے فخرہے ،عائزہ خان کا ماہرہ کوخوبصورت…

پاکستان کی معروف اداکارائیں سجل علی، سائرہ یوسف، یمنٰی زیدی، کبریٰ خان اور رمشا خان کو وویمن لیڈ ایکشن ڈراما میں ایک ساتھ نظر آئیں گی-

باغی ٹی وی : خبریں ہیں کہ پروڈیوسر و اداکار ہمایوں سعید اور ان کی اہلیہ ثمینہ ہمایوں سعید پروڈیوسر شہزاد نصیب اور ثنا شاہنواز کے ساتھ جلد ہی شائقین کے لیے ایک نیا ڈراما پیش کریں گے۔

اداکارہ یمنیٰ زیدی، سائرہ یوسف، سجل علی، کبریٰ خان ، رمشا خان اور پروڈیوسر ثمینہ ہمایوں سعید نے اپنی انسٹاگرام پوسٹس میں تصدیق کی کہ وہ تمام ایک ساتھ وویمن لیڈ ڈرامے میں دکھائی دیں گی جبکہ ثمینہ ہمایوں ڈرامے کو پروڈیوس کر رہی ہیں-

تمام اداکاراؤں کی جانب سے مذکورہ ڈرامے سے متعلق معلومات فراہم کرنے کے دوران تصاویر بھی شیئر کی گئیں، جن میں تمام اداکاراؤں کو قومی پرچم کے مشابہ ہرے رنگ کے لباس میں دیکھا جا سکتا ہے جب کہ ان کے لباس پر ’صنف آہن‘ کو بھی پڑھا جا سکتا ہے۔

اداکاراؤں کی جانب سے کی گئی پوسٹس کے مطابق ’صنف آہن‘ کے نام سے بنائے گئے ڈرامے کو جہاں ’سکس سگما‘ اور ’نیکسٹ لیول انٹرٹینمنٹ‘ پروڈیوس کریں گے، وہیں انہیں پاک فوج کے شعبہ تعلقات عامہ ‘آئی ایس پی آر’ کی بھی معاونت حاصل رہے گی۔

آئی ایس پی آر کی معاونت سے بنائے جانے والے مذکور ڈرامے کی کہانی ڈراما و ناول نگار عمیر

’صنف آہن‘ کو اے آر وائے ڈیجیٹل پر نشر کیا جائے گا تاہم یہ کہنا قبل از وقت ہے کہ مذکورہ ڈرامے کو کب تک نشر کیا جائے گا۔

اگرچہ ’صنف آہن‘ کی کاسٹ کا حصہ بننے والی تمام اداکاراؤں نے ڈرامے سے متعلق پوسٹس کیں لیکن انہوں نے ڈرامے کی کہانی سے متعلق کچھ نہیں بتایا اور نہ ہی یہ بتایا کہ ڈرامے کو کب تک نشر کیا جائے گا۔

خیال کیا جا رہا ہے کہ ڈرامے کی کہانی پاک فوج یا دیگر سیکیورٹی اداروں میں خدمات سر انجام دینے والی بہادر خواتین کی جدوجہد کے گرد گھومے گی لیکن اس حوالے سے کچھ بھی کہنا قبل از وقت ہے۔

ابھی یہ بھی واضح نہیں ہے کہ مذکورہ ڈرامے میں کون سے مرد اداکار کاسٹ کیے جائیں گے اور کیا ڈرامے میں ان خواتین کو رومانوی انداز میں بھی دکھایا جائے گا یا نہیں؟

اداکارہ میرا کی والدہ شفقت زہرہ کی جانب سے دیا گیا ایک کروڑ روپے کا چیک ڈس آنر ہونے پر  ان کے خلاف مقدمہ درج کرلیا گیا۔

باغی ٹی وی : پولیس ذرائع کے مطابق شاہد محمود نامی شہری کی جانب سے دی گئی درخواست پر شفقت زہرہ کے خلاف مقدمہ درج کیا گیا ہے۔

ایف آئی آر کے متن کے مطابق شاہد محمود نے پرانے مراسم کی بنا پر شفقت زہرہ کو ایک کروڑ روپے دیے تھے جس کی واپسی کے لیے شفقت زہرہ نے شاہد محمود کو چیک دیا تاہم جب  وعدے کے مطابق چیک جب لاہور کے ایک نجی بینک میں جمع کروایا گیا تو چیک ڈس آنر ہو گیا۔

پولیس کا  کہنا ہے کہ بعد ازاں شفقت زہرہ نے 15 روز میں رقم دینے کا وعدہ کیا جس پر شاہد محمود نے دوبارہ چیک فیصل آباد کے نجی بینک میں اپنے اکاؤنٹ میں جمع کروایا جو کہ رقم نہ ہونے کی وجہ سے دوبارہ ڈس آنر ہو گیا۔

ذرائع کے مطابق رقم واپسی کے تقاضے پر شفقت  زہرہ کی جانب سے شاہد محمود کو سنگین نتائج کے دھمکیاں دی گئیں اور  رقم کی واپسی سے انکار کر دیا گیا جس پر شاہد محمود کی درخواست پر شفقت زہرہ کے خلاف مقدمہ درج کرلیا گیا-

واضح رہے کہ حال ہی میں مبشر لقمان کو دیئے گئے انٹر ویو میں میرا کا کہنا تھا کہ ہم کہتے ہیں کہ یہ ایک پروفیشنل ڈاکٹر ہے، سپیشلسٹ ہے، اب سپیشلٹ وہ لوگ ہوتے ہیں جو ڈاکو ہوتے ہیں، پروفیشنل چور، فلم میں ایک ہیرو کا کردار اور ایک ولن، ہیرو ،ہیروئن کا کردار واضح ہوتا ہے، ولن کا کردار واضح ہوتا ہے، دنیا میں جنگ ہے اچھائی اور برائی کی، یہ پروفیشنل ڈاکو ہیں لینڈ مافیا کے، یہ قبضہ مافیا کے سردار ہیں اور دو نمبر لوگ ہیں ،انہوں نے پی ایچ ڈی کی ہوئی ہے دونمبری میں، یہ پروفیشنل چور ہیں، انہوں نے دن دہاڑے میں پاکستان میں نہیں تھی، امریکہ میں تھی، دبئی میں تھی اور فلم کی شوٹنگ کر رہی تھی، مجھے پتہ چلا ایم ایم عالم روڈ میں جو ہماری زمین ہے فرسٹ فلور پر میرا آفس ہے، میرے والد بھی اس آفس میں بیٹھتے ہیں، امی بیٹھتی ہیں، میرے بھائی احسن بیٹھتے ہیں،میرے ڈائریکٹر،پروڈیوسرز بیٹھتے ہیں ہم وہان بیٹھ کر کام کرتے ہیں، ہم نے جب وہ جگہ خریدی تھی اس وقت سے لے کر 2013 سے 2021 میری کسٹڈی میں ہے اور میں اسکی پوزیشن میں ہوں، یہ آفس میرا ہے،میرا نام ارتضیٰ رباب ہے ، اس آفس میں پروڈیوسر آتے ہیں، لوگ آتے ہیں فلم کی باتیں، منصوبہ بندی ،آئیڈیاز ڈسکس ہوتے ہیں، ایک ڈاکو، چور جس کی بری نیت، سوچ ،ناپاک ارادے تھے، ایک قبضہ مافیا نے قبضہ پر کوشش کی

اداکارہ میرا کا کہنا تھا کہ اس نے میری امی کو ہراس کیا، امی کے ساتھ فراڈ کیا، دو نمبری کی میری والدہ کے ساتھ،

پاکستان کے نظام کو شفاف بنانے کے لیے حکومت کا ساتھ دوں گی اداکارہ میرا

میرا لٹ گئی،مسلح افراد کا حملہ، میرا کی امی کے ساتھ زیادتی،جانیے اداکارہ میرا کی زبانی