پاکستان کی نامور اداکارہ یاسرہ رضوی نےڈراما نگار بی گل کے ساتھ اپنے نئے پروجیکٹ کا اعلان کردیا۔

باغی ٹی وی : ویب سیریز ‘چڑیلز’ اور ‘ڈنک’ کی اداکارہ یاسرہ رضوی نے سماجی رابطے کی ویب سائٹ انسٹاگرام پر بتایا ہے کہ وہ ڈراما نگار بی گل کی لکھی کہانی کی ہدایات دیں گی۔

اداکارہ نے انسٹاگرام پر وائٹ بورڈ (فلم سلیٹ) کی تصویر شیئر کی جس پر ‘ورکنگ ویمن’، اقساط اور سینز کی تعداد درج تھی۔

یاسرہ رضوی کی جانب سے شیئر کی گئی تصویر میں بطور ہدایات کار، ان کا اپنا نام جبکہ رائٹر میں بی گل کا نام درج تھا جبکہ کیپشن میں ہیش ٹیگز میں ورکنگ ویمن ، بی گل اور یاسرہ رضوی لکھا ہے-

جس سے اندازہ لگایا جا سکتا ہے کہ اداکارہ بی گل کے ساتھ نئے پروجیکٹ پر کام کر رہی ہیں تاہم یاسرہ رضوی نے یہ نہیں بتایا کہ وہ ڈرامے کی ہدایات دیں گی یا ویب سیریز کی اور نہ ہی آنے والے پروجیکٹ کی کاسٹ یا کہانی سے متعلق کچھ نہیں بتایا۔

خیال رہے کہ بی گل کا شمار پاکستان کی مقبول سکرین رائٹرز میں ہوتا ہے ان دنوں بی گل کا ڈراما ‘رقیب سے’ نجی ٹی وی چینل پر نشر ہورہا ہے جس میں گلوکارہ حدیقہ کیانی نے ایکٹنگ ڈیبیو بھی کیا ہے۔

وفاقی وزیربرائے اطلات و نشریات فواد چوہدری نے نوجوان ڈرامہ اور فلم سازوں کو کامیاب جوان پروگرام سے 5 کروڑ روپے تک قرضے دینے کا اعلان کیا ہے۔

باغی ٹی وی : سماجی رابطے کی ویب سائٹ ٹوئٹرپروفاقی وزیربرائے اطلات و نشریات فواد چوہدری اپنی سلسلہ وار ٹوئٹس میں کہا کہ پرنٹ اور ٹی وی میڈیا سے وابستہ صحافیوں کیلئے وزیر اعظم ہاؤسنگ پراجیکٹ سے ذاتی گھر اور صحت کارڈ کی سہولت دیں گے –

پرنٹ اور ٹی وی میڈیا سے وابستہ صحافیوں کیلئے وزیر اعظم ہاؤسنگ پراجیکٹ سے ذاتی گھر اور صحت کارڈ کی سہولت دیں گے ، تنخواہوں کی ادائیگی لازمی کرنے کیلئے قانون سازی اور انشورنس لا رہے ہیں، پریس کلب کو سہولتیں دینا بھی میری پالیسی ہو گی۔ Digital Media کو مکمل سپورٹ دیں گے

— Ch Fawad Hussain (@fawadchaudhry) April 21, 2021

وفاقی وزیر نے کہا کہ تنخواہوں کی ادائیگی لازمی کرنے کیلئے قانون سازی اور انشورنس لا رہے ہیں، پریس کلب کو سہولتیں دینا بھی میری پالیسی ہو گی اور ڈیجیٹل میڈیا کو مکمل سپورٹ دیں گے-

فلم اور ڈرامہ کا Revival پہلی ترجیح ہے، سرسید احمد خان اور ٹیپو سلطان کی زندگیوں پر عالمی سطح کی پروڈکشن پر کام شروع کیا جا رہا ہے، نوجوان ڈرامہ اور فلم سازوں کو کامیاب جوان پروگرام سے پانچ کروڑ روپے تک قرضے کی سہولت دیں گے

— Ch Fawad Hussain (@fawadchaudhry) April 21, 2021

فواد چوہدری نے کہا کہ فلم اور ڈرامہ کا Revival پہلی ترجیح ہے، سرسید احمد خان اور ٹیپو سلطان کی زندگیوں پر عالمی سطح کی پروڈکشن پر کام شروع کیا جا رہا ہے، نوجوان ڈرامہ اور فلم سازوں کو کامیاب جوان پروگرام سے پانچ کروڑ روپے تک قرضے کی سہولت دیں گے-

وزارت اطلاعات میں اصلاحات کا جو سلسلہ 2018 میں شروع کیا تھا اسے وہیں سے دوبارہ شروع کیا جا رہا ہے، #PTVNews کو HD کرنے کا منصوبہ جو 2019 سے التواء میں تھا یکم جون تک مکمل کرنے کی ڈیڈ لائین دی ہے انشاللہ یکم جون سے #PTVNews مکمل HD پر چلاجائیگا، اسی سال #PTVSports بھی HDکریں گے

— Ch Fawad Hussain (@fawadchaudhry) April 21, 2021

انہوں نے ایک اور پوسٹ میں مزید کہا کہ وزارت اطلاعات میں اصلاحات کا جو سلسلہ 2018 میں شروع کیا تھا اسے وہیں سے دوبارہ شروع کیا جا رہا ہے، PTVNews کو HD کرنے کا منصوبہ جو 2019 سے التواء میں تھا یکم جون تک مکمل کرنے کی ڈیڈ لائین دی ہے انشاللہ یکم جون سے PTVNews مکمل HD پر چلاجائیگا، اسی سال PTVSports بھی HDکریں گے-

پاکستان کے معروف اداکار، گلوکار، کامیڈین علی گُل پیر کی جانب سے معروف اداکارہ حنا الطاف کی پیروڈی ویڈیو بنائی گئی ہے جو دیکھتے ہی انٹرنیٹ پر وائرل ہو گئی-

باغی ٹی وی : معروف شخصیی پیروڈی ویڈیو بنانے کے حوالے سے مشہور علی گُل پیر نےحال ہی میں علی گُل پیر کی جانب سے حنا الطاف کی پیروڈی بنائی گئی ہے جو کہ انٹر نیٹ پر خوب مقبول ہو رہی ہے-

علی گُل پیر نے حنا الطاف کے ایک انٹرویو پر یہ پیروڈی بنائی ہے حنا الطاف ندا یاسر کو دیئے گئے اس انٹرویو کے دوران کھانے پینے سے اپنی رغبت کا اظہار کرتے ہوئے بتا رہی ہیں کہ ایک دن انہوں نے انڈے والا برگر لیا آدھا راستے میں کھا لیا آدھا رکھ لیا گھر جا کر کھاؤں گی جب مجھے بھوک لگی اپنی دوست کو فریج سے برگر لینے بھیجا برگر غائب تھا –

انہوں نے مزید بتایا کہ ایک دن حلوہ ان کی حلوہ پوری کے ساتھ بھی ایسا ہی ہوا انہوں کا کہنا تھا کہ انہیں انڈے والا برگر اور حلوہ پوری جیسی غذائیں بہت پسند ہیں اور اگر کوئی اُن کا کھانا پوچھے بغیر کھا لے تو انہیں بہت غصہ آتا ہے۔

علی گُل پیر نے اس انٹرویو پر اپنے روایتی انداز میں حنا الطاف کی نقل اتارتے ہوئے مزاحیہ ویڈیو بنا کر اپنے سوشل میڈیا پر شیئر کی ہے۔

حنا الطاف کی پیروڈی ویڈیو دیکھتے ہی انٹرنیٹ پر وائرل ہوگئی ویڈیو نے نہ صرف صارفین بلکہ حنا الطاف اور ایمن خان نے بھی خوب قہقہے لگائے-

اور حنا الطاف نے اپنی اسٹوری میں علی گل پیر کا شکریہ ادا کیا-