پاکستان شوبز انڈسٹری کی نامور اداکارہ اشنا شاہ نے خواتین اور خاص طور پر نوجوان لڑکیوں کو مشورہ دیا ہے کہ وہ رومانس سے دور رہیں تو بہتر ہے ’بوائے فرینڈ‘ یا کسی دوست سمیت خاندان کے کسی بھی فرد کو اتنی اہمیت نہ دیں اور سر پر اتنا نہ چڑھائیں کہ وہ ان کی زندگی خراب کردے۔

باغی ٹی وی : میرا سیٹھی کے ساتھ بات کرتے ہوئے اشنا شاہ نے ذاتی زندگی اور رومانوی مسائل پر کھل کر بات کی اشنا شاہ نے میرا سیٹھی کو دیئے گئے انٹرویو کے حوالے سے اپنی انسٹاگرام پوسٹ میں بتایا کہ ان کا مذکورہ انٹرویو اکتوبر 2020 میں ریکارڈ کیا گیا تھا، جسے چند ماہ بعد اب نشر کیا جا رہا ہے جس وجہ سے بعض باتیں غیر اہم بھی لگیں گی۔

انٹرویو کے دوران اشنا شاہ نے اپنی ذاتی زندگی کے حوالے سے بات کرتے ہوئے بتایا کہ ان کا بچپن کینیڈا میں گزارا ان کے والدین کے درمیان طلاق ہوگئی تھی اور وہ والد کے ساتھ کینیڈا منتقل ہوگئی تھیں تاہم 7 سال قبل انہوں نے پاکستانی شوبز انڈسٹری میں اپنا کیریئر شروع کیا۔

اداکارہ نے بتایا کہ ان کی والدہ ’سید‘ تھیں جس وجہ سے انہوں نے اپنے نام کے آخر میں ’شاہ‘ لگایا اور انہیں کئی لوگ اپنے نام سے ’شاہ‘ کا لفظ ہٹانے کی دھمکیاں بھی دیتے رہے ہیں۔

می ٹو سے متعلق پوچھے گئے ساول کے جواب میں اشنا شاہ نے بتایا کہ وہ خواتین کو ہراساں کرنے کی مہم ’می ٹو‘ پر اس لیے بات نہیں کرتیں کہ مذکورہ معاملے پر بہت سارے لوگ بات کر رہے ہیں تاہم انہوں نے دیگر سماجی مسائل پر کھل کر بات کرنے کے ٹھان رکھی ہے اور وہ ان پر بات کرتی رہتی ہیں۔

می ٹو سے متعلق دلیل نہ دینے سے متعلق بات کرنے کی انہوں نے دلیل دی کہ ’می ٹو‘ مہم پر بات کرنے کےکچھ نقصانات بھی ہیں کیوںکہ اگر اس مہم پر بات کرتے ہوئے کوئی کسی پر خواتین کو جنسی طور پر ہراساں کرنے کا الزام لگائے تو مذکورہ الزام کو ثابت کرنے کے شواہد نہیں ہوتے جس وجہ سے الزام لگانے والی کی عزت بھی خراب ہوسکتی ہے۔

اداکارہ نے کہا تھا کہ انہیں یقین ہے کہ ملک کی تمام خواتین نے زندگی میں کم از کم ایک بار کسی نہ کسی طرح کی ہراسانی کا سامنا کیا ہوگا اس لیے ’می ٹو‘ مہم پر بات کرنے والی بھی زیادہ تر خواتین ہی ہیں۔

ایک سوال کے جواب میں انہوں نے اعتراف کیا کہ وہ ’فیمنسٹ‘ ہیں اور ساتھ ہی کہا کہ اب تو بہت سارے مرد بھی خود کو ’فیمنسٹ‘ کہتے ہیں۔

شادی سے متعلق پوچھے گئے سوال پر اشنا شاہ نے بتایا کہ وہ ایسے شخص کو شریک حیات بنانا پسند کریں گی جو وفادار، پر خلوص، ایماندار اور سچا ہو۔

ایک اور سوال کے جواب میں اداکارہ نے اعتراف کیا کہ ماضی میں متعدد بار ان کا دل ٹوٹا اور ایسے واقعات سے ہی انہوں نے سبق سیکھا اور انہیں بہتر شخص کی سمجھ آئی۔

انہوں نے بتایا کہ 4 سال قبل ایک شخص کے خراب رویے کی وجہ سے وہ کافی زیادہ افسردہ تھیں اور انہوں نے شوٹنگ کے دوران ہی رونا شروع کردیا تو ہدایت کار نے انہیں کہا کہ زندگی میں کسی بھی شخص کو سر پر اتنا سوار نہ کرو کہ وہ آپ کی زندگی خراب کرے‘۔

اشنا شاہ نے اپنے دل ٹوٹنے کے واقعات کو یاد کرتے ہوئے نوجوان لڑکیوں کو بھی مشورہ دیا کہ وہ رومانس سے دور رہیں تو بہتر ہے ’بوائے فرینڈ‘ یا کسی دوست سمیت خاندان کے کسی بھی فرد کو اتنی اہمیت نہ دیں اور سر پر اتنا نہ چڑھائیں کہ وہ ان کی زندگی خراب کردے۔

انہوں نے نوجوان لڑکیوں کو مخاطب ہوتے ہوئے کہا کہ اگر رومانوی جذبات سے دور رہیں تو وہ ان کی زندگی سکون سے گزرے گی اور وہ جلدی سے آگے بڑھتی جائیں گی-

پاکستان شوبز انڈسٹری کی نامور اور صف اول کی اداکارہ ماہرہ خان کا کہنا ہے کہ ماضی میں ہمایوں سعید کو دل پھینک سمجھتی تھی لیکن جب شوٹنگ کے دوران ہمایوں سعید سے ملی اور غلط فہمی دور ہوئی تو ہم دونوں کی بہت اچھی دوستی ہوگئی۔

باغی ٹی وی : اداکارہ ماہرہ خان اور ہمایوں سعید نے حال ہی میں اداکار و میزبان واسع چوہدری کے شو میں شرکت کی جہاں پر انٹرویو کے دوران ماہرہ خان نے کہا کہ جب میں ہمایوں سعید کے ساتھ پہلا ڈرامہ ’نیت‘ کررہی تھی تو میں نے ہمایوں کو صاف صاف کہہ دیا تھا کہ میں صرف کام سے کام رکھتی ہوں اور اس کے علاوہ نہ تو میری کسی چیز میں دلچسپی ہے اور نہ ہی میرا تعلق ہے۔

ماہرہ خان نے کہا کہ میں ڈرامہ ’نیت ‘ کی شوٹنگ کے بعد ہمایوں کے ساتھ برگر کھانے گئی تو میں نے ہمایوں سے کہا کہ میں نے سنا ہے کہ آپ لڑکیوں کے معاملے میں کافی دل پھینک آدمی ہیں-

ماہرہ نے مزید کہا کہ میری بات پر ہمایوں بہت ہنسے اور کہا کہ میں کبھی لڑکیوں کے پیچھے نہیں بھاگا بلکہ لڑکیاں ہمیشہ میرے پیچھے آئی ہیں۔

اداکارہ ماہرہ خان نے کہا کہ جب ڈرامہ سیریل ’نیت‘ کی شوٹنگ کے دوران ہمایوں سعید سے ملی اور غلط فہمی دور ہوئی تو ہم دونوں کی بہت اچھی دوستی ہوگئی۔

واضح رہے کہ اسی انٹرویو میں واسع چوہدری ماہرہ سے سوال کیا کہ حسن شہریار کے ساتھ آن لائن سیشن شو ہی آپ نے سالم کریم سے رشتے سے متعلق بات کی اور آپ نے حسن شہریار کے شو میں ہی یہ بات کرنے کا انتخاب کیوں کیا۔

میزبان کے سوال پر ماہرہ خان نے جواب دیتے ہوئے کہا کہ سچ کہیں تو میں نے حسن کے شو میں یہ بات کرنے کا فیصلہ نہیں کیا تھا حتٰی کہ میں نے کسی بھی شو میں اپنی ذاتی زندگی پر بات کرنا نہیں چاہتی۔ انہیں میں نے کہا بھی تھا کہ میں اس موضوع پر بات نہیں کروں گی۔

ماہرہ خان نے یہ بھی کہا تھا کہ میرے متعلق حسن شہریار کو کافی باتوں کا علم ہے اور انہیں وہ بات بھی پتا تھی اسی لیے جب بات سے بات نکلی تو اُن کی زبان سے نام بھی پھسل گیا اور سب کچھ بتا دیا۔ لیکن میں نے اُن کی بات کی تردید نہیں کی اس لیے کہ میں اُن لوگوں میں سے نہیں ہوں جو سچ کو تسلیم کرنے سے انکار کر دیتے ہیں۔

ماہرہ خان نے اپنے قریبی دوست سالم کریم سےتعلق پر خاموشی توڑ دی

پاکستان شوبز انڈسٹری کی عالمی شہرت یافتہ اداکارہ سجل علی کی وزیراعظم عمران خان کی سابقہ اہلیہ و برطانوی پروڈیوسر جمائما گولڈ اسمتھ کے ساتھ تصویریں سوشل میڈیا پر وائرل ہورہی ہیں۔

باغی ٹی وی : سماجی رابطے کی ویب سائٹ انسٹاگرام پر سجل علی نے اپنی کچھ نئی تصویریں شیئر کیں جن میں اُن کے ہمراہ جمائما گولڈ اسمتھ بھی ہیں۔

تصویروں میں دیکھا جاسکتا ہے کہ سجل اور جمائما کسی کمرے میں موجود ہیں جبکہ دونوں نے مغربی طرز کا لباس زیب تن کیا ہوا ہے اور دونوں خوشگوار موڈ میں ہیں-

سجل علی نے اپنی اس پوسٹ کے کیپشن میں ایک ہیش ٹیگ MemoriesForALifeTime کا استعمال کیا۔

واضح رہے کہ سجل علی برطانوی فلم پروڈیوسر جمائما گولڈ اسمتھ کی پروڈکشن میں بننے والی فلم میں جلوہ گر ہوں گی اور اس بات کی تصدیق خود جمائما گولڈ اسمتھ نے اپنے سوشل میڈیا پیغام کے ذریعے کی۔

جمائما کی پروڈکشن میں بننے والی فلم ’واٹس لو گاٹ ٹو ڈو وِد اِٹ‘ کی شوٹنگ لندن میں شروع ہوگئی ہے، جسے شیکھر کپور ڈائیریکٹ کر رہے ہیں جبکہ اس فلم کی کاسٹ میں شبانہ اعظمی بھی شامل ہیں۔

غیر ملکی میڈیا رپورٹ کے مطابق اس فلم کی کہانی جمائما خان نے خود لکھی ہے جو ان کی وزیراعظم عمران خان کے ساتھ محبت اور شادی کی کہانی سے متاثر ہو کر لکھی گئی ہے۔

پاکستان کی نوجوان اور ابھرتی ہوئی اداکارہ علیزے شاہ اور معورف گلوکار علی ظفر کے چھوٹے بھائی دانیال ظفر کی ویڈیو سوشل میڈیا پر وائرل ہو رہی ہے۔

باغی ٹی وی : عالمی شہرت یافتہ گلوکار علی ظفر کے چھوٹے بھائی دانیال ظفر بھی پیشے کے لحاظ سے گلوکار ہیں اور ماڈلنگ بھی کرتے ہیں تاہم اب اُنہوں نے باقاعدہ اداکاری کا بھی آغاز کر دیا ہے۔

دانیال ظفر اور اداکارہ علیزے شاہ کی دوستی کے آج کل سوشل میڈیا پر خوب چرچے ہو رہے ہیں، دانیال عزیز کی جانب سے شیئر کی گئی ویڈیوز سے بھی اندازہ لگایا جا سکتا ہے کہ دونوں میں کافی اچھی ہے۔

دانیال ظفر کی جانب سے اپنے سوشل میڈیا اکاؤنٹ انسٹاگرام پر ایک اسٹوری شیئر کی گئی ہے جس میں وہ علیزے شاہ کو ڈراتے ہوئے دیکھے جا سکتے ہیں۔

دانیال ظفر کی ویڈیو اسٹوری سے بخوبی اندازہ لگایا جا سکتا ہے کہ دونوں کسی پروجیکٹ میں ایک ساتھ کام کر رہے ہیں اور سیٹ پر موجود ہیں۔

دانیال عزیز کی نئی ویڈیو میں دیکھا جا سکتا ہے کہ علیزے شاہ اپنے موبائل میں مصروف ہیں جبکہ دانیال عزیز اِنہیں ایک اونچی آواز کے ذریعے ڈراتے ہیں جس پر علیزے شاہ ڈر جاتی ہیں علیزے شاہ کے رویئے سے معلوم ہو رہا ہے کہ اُنہیں بار بار ڈرانا دانیال ظفر کی عادت ہے۔

دانیال ظفر کی یہ ویڈیو سوشل میڈیا پر بھی خوب وائرل ہورہی ہے اور مداحوں کی جانب سے ان دونوں کو ایک ساتھ اسکرین پر دیکھنے کی خواہش کا اظہار کیا جا رہا ہے۔

واضح رہے کہ اس سے قبل بھی ایک ویڈیو وائرل ہو ئی تھی جس میں دانیال ظفر کو علیزے شاہ کو ڈراتے ہوئے دیکھا گیا تھا-