Baaghi TV

Author: Ayesha Rehmani

  • اسلام آباد ہائیکورٹ کا ایم ڈی کیٹ ٹیسٹ دوبارہ لینے کا حکم

    اسلام آباد ہائیکورٹ کا ایم ڈی کیٹ ٹیسٹ دوبارہ لینے کا حکم

    اسلام آباد ہائیکورٹ نے ایم ڈی کیٹ ٹیسٹ کے خلاف درخواست منظور کرتے ہوئے شہید ذوالفقار علی بھٹو میڈیکل یونیورسٹی کو ایک ماہ میں دوبارہ ٹیسٹ لینے کا حکم دے دیا۔

    باغی ٹی وی: اسلام آباد ہائیکورٹ کے جسٹس ارباب محمد طاہر نے ایم ڈی کیٹ ٹیسٹ میں نصاب سے باہر سوالات کے خلاف متاثرہ طلبا کی درخواستوں پر سماعت کی، پی ایم ڈی سی رپورٹ کے مطابق ایم ڈی کیٹ پیپر میں سوالات آؤٹ آف سلیبس تھے۔

    عدالت نے طلبا کی درخواست منظور کرتے ہوئے حکم دیا کہ شہید ذوالفقار علی بھٹو یونیورسٹی ایک ماہ میں دوبارہ ایم ڈی کیٹ ٹیسٹ لے، وکیل قاضی عادل ایڈووکیٹ کا کہنا ہےکہ امتحان میں 30 سوالات نصاب سے باہر کے تھے، ایک طرف اسلام آباد میں صرف تین لوگوں کا رزلٹ 190 سے اوپر آیا دوسری طرف پنجاب میں 2800 طلبہ ہیں ان کا مقابلہ کیسے ہوگا۔

    فیصلے پر طلبا نے اطمینان اور خوشی کا اظہار کرتے ہوئے کہا کہ ان کا مستقل خراب ہونے سے بچ گیا،متاثرہ طلباکے وکیل کا کہنا ہے کہ پیپر کی تیاری کے لیے ماہرین سے پیپر بنوایا جائے تاکہ طلبہ دوسری یونیورسٹیز میں جاکر مقابلہ کر سکیں۔

  • پی آئی اے کی نجکاری کیخلاف درخواست ،وفاقی حکومت کو نو ٹس جاری

    پی آئی اے کی نجکاری کیخلاف درخواست ،وفاقی حکومت کو نو ٹس جاری

    لاہور ہائیکورٹ راولپنڈی بینچ نے قومی ایئر لائن (پی آئی اے) کی نجکاری کا عمل رکوانے کے لیے دائر پٹیشن سماعت کے لیے منظور کر لی۔

    باغی ٹی وی : پی آئی اے کی نجکاری کے خلاف پٹیشن پر لاہور ہائیکورٹ راولپنڈی بینچ کے جسٹس محمد رضا قریشی نے سماعت کی، نزاکت حسین ایڈووکیٹ نے درخواست دائر کی-

    درخواستگزار کی جانب سے دائر درخواست میں موقف اختیار کیا کہ پرائیوٹائزیشن کمیشن 31 اکتوبر کو نجکاری کرنے جا رہی ہے جبکہ نجکاری کے حوالے سے ابھی تک ویلیو ایشن بھی نہیں ہوئی تو فروخت یا نجکاری کیسے ممکن ہے؟

    درخواست میں عدالت سے استدعا کی گئی کہ پی آئی اے نجکاری عمل روکنے کا حکم جاری کیا جائے جس پر عدالت نے قرار دیا کہ نجکاری کے عمل میں ایک وقت لگتا ہے، آئندہ سماعت پر فریقین کو سن لیتے ہیں بعد ازاں عدالت نے وفاقی حکومت کو نوٹس جاری کر کے 5 نومبر کو جواب طلب کر لیا۔

    واضح رہے کہ پی آئی کی نجکاری رواً ماہ یکم اکتوبر کو ہونی تھی جو نہیں ہوئی یکم اکتوبر کو ہونے والے بولی کے عمل کو ملتوی کرنے سے متعلق کوئی باضابطہ اعلان نہیں کیا گیا، تاہم سیکریٹری نجکاری عثمان اختر باجوہ نے بتایا تھا کہ بولی لگانے کی تاریخ کو آگے بڑھا کر 31 اکتوبر کر دیا گیا ہے کیونکہ اس عمل میں حصہ لینے والے کچھ مزید وقت لینا چاہتے تھے-

    نجکاری کمیشن نے ابتدائی طور پر 6 بولی دہندگان کو اہل قرار دیا ہے، جن میں فلائی جناح، وائی بی ہولڈنگز (پرائیویٹ) لمیٹڈ کی سربراہی میں ایک کنسورشیم، ایئر بلیو لمیٹڈ، پاک ایتھانول (پرائیویٹ) لمیٹڈ کی سربراہی میں ایک کنسورشیم، عارف حبیب کارپوریشن لمیٹڈ اور بلیو ورلڈ سٹی شامل ہے۔

  • ضلع اورکزئی میں مسلح افراد کی پولیو ٹیم پر فائرنگ،1 پولیس اہلکار شہید اور دوسرا زخمی

    ضلع اورکزئی میں مسلح افراد کی پولیو ٹیم پر فائرنگ،1 پولیس اہلکار شہید اور دوسرا زخمی

    خیبر پختونخوا کے ضلع اورکزئی میں مسلح افراد نے پولیو ٹیم پر فائرنگ کردی ،جس میں ایک پولیس اہلکار شہید ہو گیا-

    باغی ٹی وی : پولیس کے مطابق اپراورکزئی کے علاقے ڈبوری بادان کلے میں پولیو ٹیم اپنے فرائض انجام دے رہی تھی کہ مسلح افراد نے فائرنگ کردی جس کے نتیجے میں ایک پولیس اہلکار شہید اور دوسرا زخمی ہوگیا،واقعے کی اطلاع ملتے ہی پولیس اور ایف سی موقع پرپہنچ گئی جس کے بعد ملزمان کی گرفتاری کیلئے سرچ آپریشن شروع کردیا گیا ہے۔

    رواں سال ملک بھر میں پولیو سے متاثرہ بچوں کی تعداد 39 ہوگئی ہے سندھ میں پولیو سے متاثرہ بچوں کی تعداد 12 ہے، رواں سال کراچی سے پولیو کے 4 کیس رپورٹ ہوئے، بلوچستان میں پولیو سے متاثرہ بچوں کی تعداد 20 ہے جب کہ خیبرپختونخوا میں پولیو سے متاثرہ بچوں کی تعداد 5، پنجاب اور اسلام آباد سے ایک ایک بچہ پولیو وائرس سے متاثر ہوا۔

    مانچسٹر میں مسجدکو مشکوک خط موصول

    دوسری جانب خیبرپختونخوا کے ضلع کرم کے علاقے چار خیل میں نامعلوم حملہ آوروں کی فائرنگ سے فرنٹیئر کور (ایف سی) کے 2 اہلکار شہید ہو گئے یہ حملہ ایک ایسے وقت میں کیا گیا ہے، جب ضلع میں بے یقینی صورتحال کی وجہ سے 15 لاکھ باشندوں کو روزمرہ کی اشیا کی شدید قلت کا سامنا ہے جبکہ کئی سڑکیں بند ہیں اور پبلک ٹرانسپورٹ بھی بند ہے۔

    پولیس ذرائع نے بتایا کہ ایف سی اہلکار سڑک استعمال کرنے والوں کی حفاظت کے لئے تعینات تھے کہ نامعلوم مسلح افراد نے ان پر حملہ کر دیا، جس کے نتیجے میں دو اہلکار ایف سی زخمی ہوئے، جنہیں کمبائنڈ ملٹری ہسپتال (سی ایم ایچ) ٹل منتقل کیا گیا۔بعدازاں پولیس نے بتایا کہ دونوں اہلکار جانبر نہ ہوسکے۔

    دہشتگردوں سے مل کر 12 کلو سونا لوٹنے والے سی ٹی ڈی اہلکار سمیت دو …

  • دہشتگردوں سے مل کر 12 کلو سونا لوٹنے والے سی ٹی ڈی اہلکار سمیت دو ملزمان گرفتار

    دہشتگردوں سے مل کر 12 کلو سونا لوٹنے والے سی ٹی ڈی اہلکار سمیت دو ملزمان گرفتار

    سی ٹی ڈی خیبر نے دہشتگردوں سے مل کر 12 کلو سونا لوٹنے والے اپنے اہلکار سمیت دو ملزمان کو گرفتار کیا ہے۔

    باغی ٹی وی: نجی خبررساں ادارے کے مطابق پاکستان میں دہشت گرد کارروائی کے لئے فنڈنگ کا منصوبہ بےنقاب ہوگیا سی ٹی ڈی اہلکاروں کے منصوبے میں ملوث ہونے کا ثبوت سامنے آگیا نجی کارگو ٹرک کے ڈرائیور سے 12 کلو سونا قبضے میں لے کر فروخت کر کے آدھا حصہ ٹی ٹی پی اور باقی آپس میں تقسیم کرنے کا پلان بنایا گیا تھا –

    سی ٹی ڈی ذرائع کا کہنا ہے کہ سی ٹی ڈی اے ایس آئی نعمان نے نجی کارگو ٹرک کے ڈرائیور سے بارہ کلو سونا قبضے میں لے کر ہڑپنے کا منصوبہ بنایا تھا ہمارے افسران نے ملزمان کو حراست میں لیا اور سی ٹی ڈی اہلکار گل زادہ کے انکشافات کے بعد تمام گروپ کی نشاندہی ہوئی، واقعے کی رپورٹ ضلع خیبر کے سی ٹی ڈی تھانے میں درج کر کے مزید تحقیقات شروع کر دی گئیں ہیں۔

    مانچسٹر میں مسجدکو مشکوک خط موصول

    ماہرہ خان کو ریمپ واک پر شدید تنقید کا سامنا

    مونس الٰہی کی گرفتاری کے لئے ریڈ وارنٹ انٹرنیشل پولیس کو بھجوا دیا گیا

  • سونے کی فی تولہ قیمت میں اضافہ،پی ایس ایکس میں زبردست تیزی کا رجحان برقرار

    سونے کی فی تولہ قیمت میں اضافہ،پی ایس ایکس میں زبردست تیزی کا رجحان برقرار

    کراچی: پاکستان میں آج سونے کی فی تولہ قیمت میں 1300 روپے سے زائد کا اضافہ ہوا ہے۔

    باغی ٹی وی : آل پاکستان جیمز اینڈ جیولرز ایسوسی ایشن کے مطابق آج منگل کو 24 قیراط کے حامل فی تولہ سونے کی قیمت 1600 روپے کے اضافے سے 285000روپے کی سطح پر آگئی اور 10 گرام سونے کی قیمت بھی 1372روپے کے اضافے سے 244342روپے کی سطح پر آگئی۔

    اس کے برعکس فی تولہ چاندی کی قیمت بغیر کسی تبدیلی کے 3350روپے کی سطح پر مستحکم رہی اور 10 گرام چاندی کی قیمت بھی بغیر کسی تبدیلی کے 2872.08 روپے کی سطح پر مستحکم رہی،دوسری جانب بین الاقوامی بلین مارکیٹ میں فی اونس سونے کی قیمت 16ڈالر کے اضافے سے 2755ڈالر کی سطح پر آگئی۔

    واضح رہے کہ گزشتہ روز سونے کی قیمت میں 900 روپے کی کمی ہوئی تھی۔

    فخر زمان نے اپنے پلیئر ایجنٹ سے علیحدگی اختیار کر لی

    دوسری جانب پاکستان اسٹاک ایکسچینج (پی ایس ایکس) میں زبردست تیزی کا رجحان مسلسل کئی روز سے برقرار ہے، آج بھی 100 انڈیکس میں 800 پوائنٹس کا اضافہ ہوا ہے کاروباری ہفتے کے دوسرے روز پاکستان اسٹاک مارکیٹ میں کاروبار کے آغاز سے تیزی کا تسلسل جاری ہے، اسٹاک ایکسچینج میں 800 پوائنٹس کا اضافہ ہوا جس کے ساتھ پاکستان اسٹاک مارکیٹ میں ہنڈرڈ انڈیکس میں 91 ہزار کی حد بحال ہوگئی، گزشتہ کاروباری دن کے اختتام پر ہنڈرڈ انڈیکس 91 ہزار کی حد عبور کر گیا تھا تاہم کاروبار کے اختتام پر انڈیکس منفی زون میں چلا گیا تھا۔

    ادھر انٹر بینک میں امریکی کرنسی کی قدر میں 4 پیسے کمی آئی جس کے ساتھ ڈالر کی قیمت 277.68 روپے سے کم ہو کر 277.64 روپے ہو گئی۔

    مانچسٹر میں مسجدکو مشکوک خط موصول

  • مانچسٹر میں مسجدکو مشکوک خط موصول

    مانچسٹر میں مسجدکو مشکوک خط موصول

    مانچسٹر میں پرسیٹویچ میں واقع مسجد بلال کو مشکوک خط موصول ہونے کے بعد احتیاطی تدابیر کے طور پر مسجد کو بند کردیا گیا۔

    باغی ٹی وی :غیر ملکی میڈیا کی رپورٹ کے مطابق پریسٹویچ کی بلال مسجد کو بڑا کیمیائی انتباہ موصول ہوا، خط میں نامعلوم مادہ پر مشتمل مشکو ک پیکج موصول ہونے کے بعد ایمرجنسی ٹیمیں بوری اولڈ روڈ پر واقع عمارت کے قریب پہنچ گئیں،حکام اس واقعے کے پیچھے محرکات کو بے نقاب کرنے اور مسجد کو ملنے والے پراسرار خط کی اصل نوعیت کا پتہ لگانے کے لیے کام کر رہے ہیں۔

    گریٹر مانچسٹر پولیس نے اس حوالے سے کہا کہ معاملے کی تفتیش کی جا رہی ہے کہ آیا یہ کسی نے جان بوجھ کر خوف پھیلانے کے لیے کیا یا واقعی کیمیکل کے استعمال سے نقصان پہنچانے کی حقیقی کوشش تھی۔

    گریٹر مانچسٹر فائر اینڈ ریسکیو سروس (GMFRS) کے ایک ترجمان نے کہا کہ فائر فائٹرز کو گریٹر مانچسٹر پولیس کی مدد کے لیے بلایا گیا تاکہ پریسٹویچ میں بیوری اولڈ روڈ پر واقع ایک احاطے میں ایک واقعے میں گریٹر مانچسٹر پولیس کی مدد کی جا سکے۔

  • ماہرہ خان کو ریمپ واک پر شدید تنقید کا سامنا

    ماہرہ خان کو ریمپ واک پر شدید تنقید کا سامنا

    کراچی: پاکستان کی صف اول کی اداکارہ ماہرہ خان کو فیشن شو میں ریمپ واک کرنے پر شدید تنقید کا نشانہ بنایا جارہا ہے۔

    باغی ٹی وی : حال ہی میں ماہرہ خان ایک فیشن شو میں پرجوش انداز میں واک کرتی نظر آئیں جس کی ویڈیو سوشل میڈیا پر خوب وائرل ہورہی ہے تاہم مداحوں اور سوشل میڈیا صارفین کو اداکارہ و ماڈل کا یہ انداز بلکل پسند نہیں آیا اور انہوں نے ماہرہ کے اس پرجوش انداز کو ضرورت سے زیادہ پُر اعتماد اور غیر پیشہ وارانہ رویہ قرار دے دیا۔

    صارفین نے کہا کہ ماہرہ خان جلدی میں لگ رہی ہیں، ایسا لگ رہا ہے کہ وہ اس کے بعد کسی سے لڑنے جا رہی ہیں۔ کئی صارفین نے کہا کہ وہ خوبصورت ہونے کے بجائے حد سے زیادہ پراعتماد نظر آتی ہیں ایک سوشل میڈیا صارف نے لکھا کہ ایسا لگتا ہے کہ ان کی چہل قدمی عالیہ بھٹ کی حالیہ واک سے متاثر ہے،ایک صارف نے کہا کہ ڈبلیو ڈبلیو ای کے ریسلرز ہی اس طرح انٹری مارتے ہیں-

    واضح رہے کہ ماہرہ خان ان دنوں نیٹ فلکس پر اپنی آنے والی فلم ’جو بچے ہیں سنگ سمٹ لو‘ کی شوٹنگ میں مصروف ہیں۔ گزشتہ سال اداکارہ نے سلیم کریم سے دوسری شادی کی تھی-

  • ڈیرہ مراد جمالی میں مسلح افراد کی فائرنگ،خاتون سمیت 2 افراد قتل

    ڈیرہ مراد جمالی میں مسلح افراد کی فائرنگ،خاتون سمیت 2 افراد قتل

    ڈیرہ مراد جمالی میں مسلح افراد نے فائرنگ کرکے خاتون سمیت 2 افراد کو قتل کردیا۔

    باغی ٹی وی: ڈیرہ مراد جمالی کی تحصیل نصیر آباد کے پولیس تھانہ فلیجی کی حدود گوٹھ بانڑی میں مسلح افراد نے فائرنگ کرکے خاتون سمیت 2 افراد کو قتل کردیا،واقعے کی وجہ سیاہ کاری بتائی گئی ہے جبکہ لاشیں ڈسٹرکٹ اسپتال منتقل کردی گئی، ضروری کارروائی کے بعد لاشیں ورثا کے حوالے کردی گئیں، پولیس نے دوہرے قتلِ کا مقدمہ درج کرکے مزید تفتیش شروع کر دی ہے۔

    فخر زمان نے اپنے پلیئر ایجنٹ سے علیحدگی اختیار کر لی

    دوسری جانب صوبائی حکومت کے ترجمان شاہد رند نے واقعے کی تصدیق کرتے ہوئے بتایا کہ پنجگورکے علاقے پروم میں ڈیم کی دیکھ بھال پرمامور مقامی افراد پر فائرنگ کی گئی نامعلوم مسلح ملزمان کی فائرنگ کے نتیجے میں 5 افراد جاں بحق اور 2 زخمی ہوگئے، جاں بحق افراد کی میتیں ٹیچنگ اسپتال پنجگور منتقل کر دیا گیا ہے، 2 زخمیوں کی حالت خطرے سے باہر ہے، ضلعی انتظامی افسران جائے موقع پر موجود ہیں، واقعے کی تحقیقات کی جاررہی ہیں۔

    لیویز کے مطابق واقعے کے بعد ملزمان فرار ہوگئے جن کی تلاش کے لیے سرچ آپریشن جاری ہے، واقعے سے متعلق مزید تفتیش جاری ہے۔

    ملک کے مختلف شہروں میں گرج چمک کے ساتھ بارش کا امکان

  • قریبی ذرائع کی فخر زمان کے پلیئر ایجنٹ سے علیحدگی اختیار کرنے کی تردید

    قریبی ذرائع کی فخر زمان کے پلیئر ایجنٹ سے علیحدگی اختیار کرنے کی تردید

    اسلام آباد: قومی کرکٹ ٹیم کے اوپننگ بیٹر فخر زمان کے پلیئر ایجنٹ کی تبدیلی سے متعلق ان کے قریبی ذرائع نے تردید کردی۔

    باغی ٹی وی: واضح رہے کہ فخر زمان کے بڑے بھائی گوہر زمان نے آج صبح سوشل میڈیا پوسٹ پر فخر زمان کی اپنے پلیئر ایجنٹ سے علیحدگی کا بتایا تھا،ایکس پر جاری پیغام میں گوہر زمان نے کہا تھا کہ بڑے بھائی کی حیثیت سے تصدیق کرتا ہوں کہ فخر زمان کمپنی کا حصہ نہیں رہے۔
    sports

    ذرائع کے مطابق مبینہ طور پر سوشل میڈیا پوسٹ کی وجہ سے فخر زمان نے کمپنی کو چھوڑا ہے، فخر زمان کے قریبی لوگوں کو شک ہے کہ ایک اور کرکٹر کو فائدہ پہنچانے کے لیے پوسٹ کی گئی اور سوشل میڈیا پوسٹ کی وجہ سے فخر زمان مشکل میں پھنس گئے۔

    تاہم اب فخر زمان کے قریبی ذرائع نے اس بات کی تردید کر دی ہے کہ نے پلیئر ایجنٹ تبدیل نہیں کیا ہے ساتھ ہی ان کے بھائی گوہر زمان کی جانب سے ٹوئٹ بھی ڈیلیٹ کر دی گئی ہے-

    فخر زمان کو بابر کے حق میں بولنا پڑا مہنگا،بابر اعظم فخر کونکالے جانے پر …

    واضح رہے کہ فخر زمان کو نہ سینٹرل کنٹریکٹ ملا اور نہ ہی وائٹ بال ٹیم میں جگہ مل سکی جب کہ سوشل میڈیا پوسٹ سے قبل فخر زمان کا نام کپتان کی دوڑ میں بھی لیا جا رہا تھا،فخر زمان نے بابراعظم کو ڈراپ کرنے پر اُن کے حق میں بیان دیا تھا،نہوں نے کہا تھا کہ بابراعظم کو ڈراپ کرنے کی خبریں باعث تشویش ہیں، دنیا میں ملک کے بہترین بیٹر کو ڈراپ کرنے کے بعد منفی پیغام جائے گا،بھارت نے ویرات کوہلی کو 3 سال خراب فارم کے باوجود ڈراپ نہیں کیا، گھبراہٹ میں فیصلے کرنے کے بجائے اپنے کھلاڑیوں کا تحفظ کریں۔

    فخر زمان کی اس سوشل میڈیا پوسٹ کے بعد پی سی بی نے فخر زمان کو شوکاز نوٹس بھی جاری کیا تھا جس کا جواب فخر زمان نے دے دیا ہے۔

    کبھی بھی کپتانی کی خواہش ظاہر نہیں کی،محمد رضوان

    پی سی بی کا کہنا ہے کہ فخر زمان کو اُن کے بیان اور فٹنس مسائل کے سبب سینٹرل کنٹریکٹ کا حصہ نہیں بنایا گیا ہے قومی وائٹ بال فارمیٹ کے کپتان کا اعلان کرتے ہوئے اپنی پریس کانفرنس کے دوران چیئرمین پی سی بی محسن نقوی نے بھی فخر زمان کا تذکرہ کیا،کہا کہ ’فخر زمان کے ٹوئٹ کا ایشو ہے‘، تاہم ساتھ میں یہ بھی کہا کہ ’زیادہ مسئلہ فٹنس کا ہے۔‘

  • ملک کے مختلف شہروں میں گرج چمک کے ساتھ بارش کا امکان

    ملک کے مختلف شہروں میں گرج چمک کے ساتھ بارش کا امکان

    اسلام آباد: محکمہ موسمیات نے ملک کے مختلف شہروں میں گرج چمک کے ساتھ بارش کا امکان ظاہر کیا ہے-

    باغی ٹی وی: محکمہ موسمیات کے مطابق ملک کے بیشتر میدانی علاقوں میں موسم خشک رہے گا تاہم بالائی خیبرپختونخوا، گلگت بلتستان، کشمیر اور بالائی پنجاب میں مطلع ابرآلود رہنے کے علاوہ تیز ہوائیں چلنے اور گرج چمک کے ساتھ بارش اور پہاڑوں پر ہلکی برفباری کا امکان ہے،اسلام آباد اور گرد و نواح میں مطلع ابرآلود رہنے کے علاوہ تیز ہوائیں چلنے اور گرج چمک کے ساتھ بارش ہونے کا امکان ہے۔

    محکمہ موسمیات کے مطابق مری، گلیات، راولپنڈی، اٹک چکوال اور جہلم میں مطلع جزوی ابر آلود رہنے کے علاوہ صبح کے اوقات میں تیز ہوائیں چلنے اور گرج چمک کے ساتھ بارش ہونے کا امکان ہے، اس دوران چند مقامات پر ژالہ باری کی بھی توقع ہے تاہم میانوالی، خوشاب، سرگودھا، گجرات، گوجرانوالہ، منڈی بہاؤ الدین، لاہور اور سیالکوٹ میں تیز ہوائیں چلنے کی توقع ہے، پنجاب کے دیگر اضلاع میں موسم خشک رہے گا۔

    حکومت ہمیں مجبور کر رہی ہے کہ ہم پر امن نہ رہیں،علی امین

    محکمہ موسمیات کے مطابق چترال، دیر، سوات، کوہستان، شانگلہ، بونیر، مالاکنڈ، باجوڑ، مانسہرہ اور ایبٹ آبادمیں تیز ہواؤں اور گرج چمک کے ساتھ بارش ہونے کا امکان ہے جبکہ پشاور، خیبر، مہمند، صوابی، ہری پور، نوشہرہ، مردان، کوہاٹ، کرم، ہنگو اور کرک میں جھکڑ چلنے اور گرج چمک کے ساتھ چند مقامات پر بارش کی توقع ہے اس دوران چند مقامات پر ژالہ باری بھی ہو سکتی ہے۔

    محکمہ موسمیات کے مطابق بلوچستان کے بیشتر اضلاع میں موسم خشک رہنے کا امکان ہے جبکہ شمالی اضلاع میں مطلع جزوی ابر آلود رہے گا سندھ کے بیشتر اضلاع میں بھی موسم گرم اور خشک رہنے کی پیشگوئی کی گئی ہے-

    بشریٰ بی بی کو درج مقدمات میں 14 روز تک گرفتار نہ کرنے کا حکم

    دوسری جانب وادی نیلم میں گرج چمک کے ساتھ موسلادھار بارش کا سلسلہ جاری ہے، سیاحتی مقامات رتی گلی،بابون ویلی،پتلیاں جھیل سمیت بلند سیاحتی مقامات اور پہاڑوں پر برفباری بھی ہوئی ہے،بارش اور پہاڑوں پر برف باری کے باعث موسم سرد ہوگیا ہے، ضلعی انتظامیہ کے مطابق موسلادھار بارش کے باعث شاہراہ نیلم پرلینڈ سلائیڈنگ کا خطرہ ہے، بارش کے دوران سیاح اور شہری احتیاطی تدابیر اختیار کریں۔