Baaghi TV

Author: Ayesha Rehmani

  • سلمان خان کے خاندان میں افسوس کا سماں

    سلمان خان کے خاندان میں افسوس کا سماں

    ممبئی:بالی ووڈ اسٹار سلمان خان کا قریبی دوست اس دنیا میں نہ رہا جس کے بعد خاندان کے افراد غم میں مبتلا ہوگئے۔

    بھارتی میڈیا کے مطابق بالی ووڈ اداکار سلمان خان کا پالتو کتا ’ٹورو‘ چل بسا جس کی خبر اداکار کی دوست اور اداکارہ لولیا ونتور نے اپنے انسٹاگرام اکاؤنٹ پر شئیر کی،اور لکھا کہ ٹورو کو ہمیشہ یاد رکھا جائے گا،اداکارہ نے ایک ویڈیو بھی شئیر کی جس میں سلمان خان کے پالتو کتے کے مختلف کلپس کو جوڑ کر دکھایا گیا۔

    بھارتی میڈیا کے مطابق سلمان خان جانوروں سے بہت محبت کرتے ہیں اور اکثر سوشل میڈیا پر اپنے کتے ٹورو کے ساتھ تصاویر اور ویڈیوز شیئر کرتے رہتے تھے، انہوں نے ٹورو کو ایک وفادار اور محبت کرنے والا دوست سمجھا۔

    واضح رہے کہ سلمان خان ان دنوں اپنی نئی فلم سکندر کی شوٹنگ میں مصروف ہیں وہ اس فلم میں رشمیکا منڈنا کے ساتھ اداکا رہ کرتے نظر آئیں گے، جس کی ہدایت کاری اے آر مروگاداس کر رہے ہیں سلمان فلم میں دو مختلف کرداروں میں دکھائی دیں گے، مداحوں کو ان کی نئی فلم آںے کا بے صبری سے انتظار ہے۔

  • نادرا کی پاک آئی ڈی ویب سائٹ بند

    نادرا کی پاک آئی ڈی ویب سائٹ بند

    اسلام آباد: وفاقی حکومت نے نادرا کی پاک آئی ڈی ویب سائٹ کل سے بند کرنے اور اور اس کی جگہ نادرا موبائل ایپ لانچ کرنے اور 3 نئے ریجنل دفاتر کے قیام کا فیصلہ کیا ہے-

    باغی ٹی وی : اس حوالے سے وزیر داخلہ محسن نقوی نے کہا کہ نادرا پاک آئی ڈی ویب سائٹ کل سے بند کی جا رہی ہے اور اس کی جگہ نادرا موبائل ایپ لانچ کرنے اور 3 نئے ریجنل دفاتر کے قیام کا فیصلہ کیا ہے، 3 نئے ریجنل سینٹر آزاد جموں و کشمیر، گوادر اور گلگت بلتستان میں بنائے جائیں گے، نئے ریجنل دفاتر 31 مارچ سے کام شروع کر دیں گے۔

    انہوں نے کہا کہ نادرا کی پاک آئی ڈی ویب سائٹ بند کر کے تمام خدمات موبائل ایپ پر فراہم کی جائیں گی، ویب سائٹ کے استعمال میں شہریوں بالخصوص بیرون ملک مقیم پاکستانیوں کو مشکلات پیش آتی تھیں، جعلساز عناصر جعلی ویب سائٹس کے ذریعے شناختی دستاویزات بنوانے میں معاونت کا کاروبار کر رہے تھے شہریوں کی ذاتی معلومات حاصل کر کے ان کا غلط استعمال کرنے کی کوشش کی جاتی تھی، وزارت داخلہ اور وزارت خارجہ نے جعلساز عناصر کا سختی سے نوٹس لیا، نادرا دیگر اداروں کے ساتھ ملکر ساتھ ان عناصر کے خلاف کارروائی کو یقینی بنا رہا ہے۔

    جمائما گولڈ اسمتھ کی برطانیہ میں جنسی جرائم کو مسلمانوں سے جوڑنے والوں پر تنقید

    محسن نقوی نے کہا کہ نادرا کی موبائل ایپ کو پہلے سے بہت مزید بہتر بنا دیا گیا ہے، شناختی کارڈ، نائکوپ، پی او سی، ب فارم، ایف آر سی سمیت تمام خدمات موبائل ایپ پر دستیاب ہیں، شہری گھر بیٹھے موبائل ایپ پر شناختی دستاویزات کی تمام تر کارروائی مکمل کر سکتے ہیں۔

    وینا ملک کے نئے فوٹو شوٹ کی چرچے

  • جمائما گولڈ اسمتھ کی برطانیہ میں جنسی جرائم کو مسلمانوں سے جوڑنے والوں پر تنقید

    جمائما گولڈ اسمتھ کی برطانیہ میں جنسی جرائم کو مسلمانوں سے جوڑنے والوں پر تنقید

    لندن:بانی پی ٹی آئی عمرا ن خان کی سابق اہلیہ جمائما گولڈ اسمتھ نے برطانیہ میں جنسی جرائم کو مسلمانوں سے جوڑنے والوں کو منہ توڑ جواب دیا ہے-

    باغی ٹی وی: جمائما گولڈ اسمتھ نے سوشل میڈیا ویب سائٹ ایکس پر اپنی پوسٹ میں لکھا ہے کہ یہ افسوس کی بات ہے کہ برطانیہ میں جنسی زیادتی تمام کمیونٹیز، سماجی و اقتصادی پسِ منظر، مختلف نسلوں اور عقائد پر محیط ہے 1970ء سے 2015ء کے دوران انگلینڈ اور ویلز میں کیتھولک چرچ میں بچوں کے جنسی استحصال کے 3 ہزار واقعات پیش آئے جن میں سے 936 واقعات مبینہ طور پر پیڈو فائلز (بچوں سے زیادتی کے) تھے۔

    جمائما گولڈ اسمتھ نے لکھا ہے کہ ان واقعات میں 133 مجرموں کو سزائیں سنائی گئیں اور 52 پادریوں کو برطرف کیا گیا2016ء کے بعد سے ہر سال 100 سے زیادہ جنسی زیادتی کے کیس رپورٹ ہوئے ہیں۔

    وینا ملک کے نئے فوٹو شوٹ کی چرچے

    جمائما نے لکھا کہ برطانیہ کے بورڈنگ اسکولز میں 2012ء سے 2018ء کے دوران ہزاروں مبینہ متاثرین سامنے آئے، صرف 2012ء سے اب تک 425 ملزمان پکڑے گئے جن میں سے 160 پر فردِ جرم عائد کی گئی، ان مقدمات میں سے 171 مقدمات ایسے تھے جن میں بچوں کے ساتھ تاریخی بدسلوکی سے کی گئی تھی اور کم از کم 125 ملزمان تو حالیہ واقعات میں ملوث تھے۔

    اُنہوں نے لکھا کہ 1997ء سے 2013ء کے دوران یو کے ایشین گرومنگ گینگز کے کم از کم 1400 متاثرین سامنے آئے، ان واقعات میں 60 بچوں سے زیادتی کرنے والوں کو سزا سنائی گئی۔

    ایران سے نمٹنے کیلئے ٹرمپ حکومت کا ابتدائی 100 دن کا منصوبہ پیش

    جمائما نے کہا کہ مندرجہ بالا تمام واقعات کے متاثرین کی صحیح تعداد واضح نہیں ہے کیونکہ ایسے معاملات اکثر سالوں تک رپورٹ ہی نہیں ہوتے اور قانون نافذ کرنے والے ادارے مجرموں کے خلاف کارروائی کرنے اور متاثرین کو تحفظ فراہم کرنے میں متعدد بار ناکام ہوئے،ان تمام واقعات میں خطرہ مختلف کمیونٹیز کے مرد ہیں جو کہ اپنی طاقت کا غلط استعمال کرتے ہیں-

  • وینا ملک کے نئے فوٹو شوٹ کی چرچے

    وینا ملک کے نئے فوٹو شوٹ کی چرچے

    کراچی: اداکارہ ، ماڈل اور میزبان وینا ملک کے نئے گلیمرس فوٹو شوٹ کے انٹرنیٹ پر چرچے ہیں-

    باغی ٹی وی : وینا ملک نے حال ہی میں نیا گلیمرس فوٹو شوٹ کروایا ہے فوٹو شوٹ کی ویڈیو اور تصویریں اپنے سوشل میڈیا اکاؤنٹ انسٹاگرام پر شیئر کی ہیں، جس میں اُنہیں سنہری اور کوپر رنگ کے مغربی لباس میں دیکھا جا سکتا ہے،جبکہ وینا ملک نے اپنے چہرے، گردن اور بازوؤں پر بھی سنہری رنگ کیا ہوا ہے۔

    وینا ملک کے اس منفرد اور حسین فوٹو شوٹ کو مداحوں کی جانب سے بے حد پسند کیا گیاہے، اداکارہ کی ان پوسٹس پر وینا ملک کے فالوورز ان کے حُسن کی تعریف کر رہے ہیں، مداحوں کا کہنا ہے کہ وینا ملک ایک بہترین اداکارہ ہیں جن کی حسِ مزاح بھی لاجواب ہے۔

    ایران سے نمٹنے کیلئے ٹرمپ حکومت کا ابتدائی 100 دن کا منصوبہ پیش

    قبل ازیں وینا ملک کا ایک انٹرویو وائرل ہوا جس میں اداکارہ نے مفتی قوی کو ایک بار پھر آڑے ہاتھوں لیا اُنہوں نے مفتی قوی سے متعلق پوچھے گئے سوال کا جواب دیتے ہوئے کہا کہ مفتی قوی کو کوئی حق نہیں کہ وہ میرے کام کے بارے میں ٹیلی ویژن پر کھلے عام تنقید کریں اور میرے پاس آزادی ہے کہ اپنی مرضی سے جو بھی کرنا چاہوں کر سکتی ہوں۔

    ٹیسٹ فاسٹ بولر میر حمزہ فیلڈنگ کے دوران زخمی

    اُنہوں نے قرآن پاک کی اہمیت پر اپنے خیالات کا اظہار کرتے ہوئے نوجوان نسل کو ذاتی ترقی اور روحانی آزادی کے لیے قرآن کی آیات کو پڑھنے اور سمجھنے کی ترغیب دی،اداکارہ نے اپنے مذہبی سفر پر سوال اٹھانے والے ناقدین سے سوال کیا کہ یہ کہاں لکھا ہے کہ اسکرٹ پہننے کے بعد اللّٰہ سے معافی نہیں مانگی جا سکتی؟حجاب پہننے کا فیصلہ اپنے اندر ہونے والی روحانی تبدیلی کی بنیاد پر کیا تھا، میں دل سے ابھی بھی ویسی ہی انسان ہوں جیسی پہلے تھی-

    ٹرمپ حلف برداری تقریب کے 20 دعوت نامے ملے، سلمان اکرم راجہ

  • ایران سے نمٹنے کیلئے ٹرمپ حکومت کا ابتدائی 100 دن کا منصوبہ پیش

    ایران سے نمٹنے کیلئے ٹرمپ حکومت کا ابتدائی 100 دن کا منصوبہ پیش

    نیو یارک: یونائیٹڈ اگینسٹ نیوکلیئر ایران (یو اے این آئی) کی جانب سے ٹرمپ حکومت کی نئی مدت کے پہلے 100 دنوں کے دوران ایران کے بارے میں امریکی پالیسی کو از سر نو تشکیل دینے کی سفارشات شامل ہیں۔

    باغی ٹی وی: یونائیٹڈ اگینسٹ نیوکلیئر ایران (UANI) امریکا میں وہ تنظیم ہے جو ایران کو ایک علاقائی سپر پاور بننے کے اپنے عزائم کو حاصل کرنے سے روکنا چاہتی ہے۔

    رپورٹ کے مطابق امریکا میں یہ غیر جانبدار تنظیم تہران کو عالمی سطح پر دہشت گردی اور علاقائی عدم استحکام کا ایک بڑا ذریعہ سمجھتی ہے مذکورہ تنظیم کا منصوبہ امریکی حکومت کے لیے قومی طاقت کے چار اہم محوروں پر مبنی ”جامع حکمت عملی“ پر انحصار کرتا ہے، یہ چار محور سفارتی، معلوماتی، فوجی اور اقتصادی ہیں۔

    ٹیسٹ فاسٹ بولر میر حمزہ فیلڈنگ کے دوران زخمی

    اس کی اہم سفارشات میں اقوام متحدہ کے ذریعے بین الاقوامی پابندیاں دوبارہ لگانے کے طریقہ کار کو فعال کرنا، ایران سے ایٹمی پروگرام میں ”زیرو افزودگی یا دوبارہ پروسیسنگ“ کی پالیسی پر عمل کرنا شامل ہے۔

    تہران پر دباؤ کو بڑھانے کے لیے اتحادیوں اور عالمی شراکت داروں کے ساتھ مل کر ایک اتحاد تشکیل دینا۔ ایرانی عوام کی مدد کے لیے ”ڈیموکریسی فنڈ“ بنانے کے لیے ایرانی اثاثوں کو ضبط اور ری ڈائریکٹ کرنا۔

    امریکی شہریوں کو نقصان پہنچانے پر ایرانی پاسداران انقلاب اور ایرانی خفیہ ایجنسی کی تنصیبات کے خلاف فوجی حملے کرنا۔

    ٹرمپ حلف برداری تقریب کے 20 دعوت نامے ملے، سلمان اکرم راجہ

    امریکی پابندیوں سے بچنے والے پورے ایرانی گھوسٹ بیڑے کی نشاندہی کرنا اور پائلٹس کیلئے انعامی پروگرام شروع کرنا کہ وہ اپنے جہازوں پر ایرانی تیل کی نقل و حمل نہ کریں۔

    اس تنظیم کا کہنا ہے کہ قومی طاقت کے اوزار (DIME) پر مبنی اس جامع نقطہ نظر کے ذریعے ٹرمپ حکومت ایرانی حکومت کو کمزور کر سکتی ہے، جبکہ ایرانی عوام کو ان کی اپنی خواہشات کا احساس کرنے کے لیے جگہ فراہم کر سکتی ہے پہلے 100 دنوں کے اندر ان سفارشات پر عمل کرنا شروع کر کے آنے والی انتظامیہ اس بات کو یقینی بنائے گی کہ اسلامی جمہوریہ کو اپنی دہائیوں سے جاری جارحیت اور جبر کی مہم کی اصل قیمت کا سامنا کرنا پڑے۔
    نومئی مقدمے،عمران خان کی درخواست ضمانت پر نوٹس جاری
    دوسری جانب ایرانی صدرمسعود پیزشکیان نے سابق امریکی صدر ڈونلڈ ٹرمپ کے قتل کی سازش کے الزامات کو بے بنیاد قرار دیتے ہوئے سختی سے مسترد کر دیا ہے۔ انہوں نے کہا کہ یہ الزامات ”ایرانوفوبیا“ کو فروغ دینے کی کوشش ہیں اور ایران کی جانب سے ایسے اقدامات کی مسلسل تردید کی گئی ہے۔

    ٹرمپ حلف برداری تقریب کے 20 دعوت نامے ملے، سلمان اکرم راجہ

    اپنے غیرملکی میڈیا انٹرویو میں مسعود پیزشکیان نے کہا کہ ایران نے کبھی بھی ٹرمپ کو نقصان پہنچانے کی کوشش نہیں کی اور اکتوبر میں سوئس سفارت کاروں کے ذریعے امریکہ کو تحریری یقین دہانی بھیجی تھی۔

  • ٹیسٹ فاسٹ بولر میر حمزہ فیلڈنگ کے دوران زخمی

    ٹیسٹ فاسٹ بولر میر حمزہ فیلڈنگ کے دوران زخمی

    کراچی: ٹیسٹ فاسٹ بولر میر حمزہ فیلڈنگ کے دوران زخمی ہوگئے-

    باغی ٹی وی: 32سالہ بائیں ہاتھ کے فاسٹ بولر میر حمزہ پریذیڈنٹ ٹرافی گریڈ ون کرکٹ ٹورنامنٹ میں فیلڈنگ کرتے ہوئے زخمی ہوئے میر حمزہ غنی گلاس کے لیے ایشال ایسوسی ایٹس کے خلاف کھیل رہے ہیں۔

    ایچ پی سی اوول گراؤنڈ پر میچ کے دوسرے دن میر حمزہ ڈائیو لگا کر کیچ کرتے ہوئے زخمی ہوگئے، ان کی کہنی زخمی ہوئی جس کے سبب ان کو گراؤنڈ سے باہر آنا پڑا،غنی گلاس کے کوچ ٹیسٹ وکٹ کیپر کامران اکمل نے میر حمزہ کے زخمی ہونے کو افسوسناک صورتحال قرار دیا،کامران اکمل کا کہنا تھاکہ آؤٹ فیلڈ پر گھاس نام کی کوئی چیز نہیں ہے، مٹی پر کھلاڑی ڈائیو ماریں گے، تو یہی ہوگا۔

    نومئی مقدمے،عمران خان کی درخواست ضمانت پر نوٹس جاری

    چند دن قبل اسی گراؤنڈ پر سوئی سدرن گیس کے کوچ محمد حفیظ نے بھی پریذیڈنٹ کپ کے انتظامات پر سوالات اٹھاتے ہوئے پی سی بی کو شدید تنقید کا نشانہ بنایا تھا۔

    واضح رہے کہ میر حمزہ کو کراچی کنگز نے پاکستان سپر لیگ ڈرافٹ میں ’سلور‘ کیٹیگری میں سیزن10 کے لیے منتخب کیا ہے۔

    ٹرمپ حلف برداری تقریب کے 20 دعوت نامے ملے، سلمان اکرم راجہ

  • ”گنیش چترتھی تہوار“ پر مسلم گنپتی بھگوان کے مجسمے نے نئی جنگ چھیڑ دی

    ”گنیش چترتھی تہوار“ پر مسلم گنپتی بھگوان کے مجسمے نے نئی جنگ چھیڑ دی

    تلنگانہ: سکندرآباد میں ”گنیش چترتھی تہوار“ ہر گنپتی کی مورتی ’مسلمان جیسی‘ شکل کے الزامات کی وجہ سے بد امنی کا باعث بن گئی-

    باغی ٹی وی: بھارتی میڈیا رپورٹ کے مطابق بھارتی ریاست تلنگانہ کے شہر سکندر آباد میں جاری گنیش چترتھی تہوار کے دوران ہندوؤں کے دیوتا گنپتی کی مورتی ’مسلمان جیسی‘ شکل کے الزامات کی وجہ سے تنازعہ کا مرکز بن گئی ہے یہ مورتی سکندرآباد میں سالانہ گنپتی تہوار کے دوران قائم کی گئی تھی۔

    منتظمین نے واضح کیا کہ پنڈال کا تھیم بالی ووڈ فلم ”باجی راؤ مستانی“ سے متاثر تھا، جس کی وجہ سے یہ غلط فہمی پیدا ہوئی ینگ لیو یوتھ ایسوسی ایشن کی طرف سے بنائے گئے گنپتی مورتی کے لباس پر تنازع شروع ہوا جو باجی راؤ مستانی میں اداکار رنویر سنگھ کے پہننے والے لباس سے مشابہت رکھتا تھا تاہم کچھ گروپوں کی طرف سے اس مورتی کی مماثلت کو قبول نہیں کیا گیا اور بدامنی کا باعث بنی اور سوشل میڈیا پر ایک ہنگامہ کھڑا ہوگیا اور لوگوں سے مذہبی جذبات کو ٹھیس پہنچانے اورہندو مذہب کے خلاف ایک سازش قرار دیا۔

    بنگلہ دیشی دفاعی وفد کی ایئرچیف سے ملاقات،فوجی شراکت داری کو مزید مضبوط کرنے کے عزم کا اعادہ

    دوسری جانب آرگنائزنگ کمیٹی کے ایک رکن نے اس سلسلے میں کہا کہ “ہم نے جان بوجھ کر ”باجی راؤ مستانی“ تھیم کا انتخاب نہیں کیا بدقسمتی سے جس طرح سے چیزیں سامنے آئیں اس سے غلط فہمیاں پیدا ہوئیں ہمارا مقصد کبھی بھی کسی کے جذبات کو ٹھیس پہنچانا نہیں تھا-
    ملک میں پولیو کا ایک اور کیس سامنے آگیا,کیسز کی تعداد 72 تک پہنچ گئی

    منتظمین نے سوشل میڈیا پر نامناسب تبصروں پر ناراضگی کا اظہار کیا انہوں نے واضح کیا کہ یہ مسئلہ اس مورتی کے ڈیزائنر کے وجہ سے پیدا ہوا اور اس کی زمے داری اس پر عائد ہوتی ہےان تنازعات کے باوجود ینگ لیو کی یوتھ ایسوسی ایشن ان تقریبات کو پرامن طریقے سے جاری رکھنے کے لیے پرعزم ہے وہ کمیونٹی پر زور دے رہے ہیں کہ وہ حقیقی طور پر اپنے حقیقی مقاصد کو سمجھیں۔

    لاس اینجلس آتشزدگی کی تحقیقات میں نئے انکشافات

    کمیٹی کے رکن نے کہا کہ ہم صرف اپنے گنپتی بپا کے جشن کو جاری رکھنا چاہتے ہیں اور ہم اس تنازعے کو بڑھانا نہیں چاہتے-

  • بنگلہ دیشی دفاعی وفد کی ایئرچیف سے ملاقات،فوجی شراکت داری کو مزید مضبوط کرنے کے عزم کا اعادہ

    بنگلہ دیشی دفاعی وفد کی ایئرچیف سے ملاقات،فوجی شراکت داری کو مزید مضبوط کرنے کے عزم کا اعادہ

    اسلام آباد: بنگلہ دیش کے اعلیٰ سطح دفاعی وفد نے پاک ایئرفورس کے سربراہ سے ملاقات کی –

    باغی ٹی وی: آئی ایس پی آر کے مطابق پاکستان ایئر فورس کے سربراہ، ایئر چیف مارشل ظہیر احمد بابر سدھو سے بنگلہ دیش کے اعلیٰ سطح دفاعی وفد نے ایئر ہیڈکوارٹر اسلام آباد میں ملاقات کی وفد کی قیادت لیفٹیننٹ جنرل ایس ایم قمر الحسن، پرنسپل اسٹاف آفیسر، آرمڈ فورسز ڈویژن، بنگلہ دیش نے کی۔

    آئی ایس پی آر کے مطابق ملاقات کے دوران ایئر چیف مارشل ظہیر احمد بابر سدھو نے دونوں ممالک کی ایئر فورسز کے درمیان فوجی شراکت داری کو مزید مضبوط کرنے کے عزم کا اعادہ کیا فضائیہ کے سربراہ نے مشترکہ تربیتی منصوبوں اور تعاون کے نئے مواقع تلاش کرنے پر زور دیا۔

    <a href="https://login.baaghitv.com/polio-ka-aik-or-case-samneyاسرائیل نے یحیٰی سنوار کی لاش حماس کے حوالے کرنے سے انکار کردیا-a-gaya/”>ملک میں پولیو کا ایک اور کیس سامنے آگیا,کیسز کی تعداد 72 تک پہنچ گئی

    آئی ایس پی آر کے مطابق لیفٹیننٹ جنرل ایس ایم قمرالحسن نے پاکستان ایئر فورس کے جدید منصوبوں، اعلیٰ ٹیکنالوجی اور مقامی سطح پر تیار کیے گئے تکنیکی ڈھانچے کی تعریف کی وفد نے جے ایف-17 تھنڈر جنگی طیاروں کی تیاری سمیت دیگر جدید عسکری سازوسامان میں گہری دلچسپی ظاہر کی۔

    آئی ایس پی آر کے مطابق یہ ملاقات دونوں ممالک کے درمیان فوجی شراکت داری کو مضبوط بنانے، تعاون کو فروغ دینے اور تعلقات کو مستحکم کرنے کے عزم کی عکاسی کرتی ہے۔

  • لاس اینجلس آتشزدگی کی تحقیقات میں نئے انکشافات

    لاس اینجلس آتشزدگی کی تحقیقات میں نئے انکشافات

    کیلیفورنیا: لاس اینجلس کے جنگلات میں لگنے والی آگ سے متعلق تحقیقات کے دوران معلوم ہوا کہ آگ کا آغاز 7 جنوری سے نہیں بلکہ یکم جنوری سے ہو گیا تھا۔

    باغی ٹی وی: امریکی نشریاتی ادارے کے مطابق آتشزدگی کی تحقیقات کے دوران معلوم ہوا کہ آگ کا آغاز 7 جنوری سے نہیں بلکہ یکم جنوری سے ہو گیا تھا متاثرہ علاقے کے رہائشیوں نے بتایا کہ انہی پہاڑوں پر ایک جگہ بھی یکم جنوری کو آگ لگی تھی تاہم اس آگ سے مختصر رقبہ متاثر ہوا تھا۔

    رہائشیوں نے شکوہ کیا کہ انتظامیہ نے اس آگ پر توجہ نہیں دی اور اسے بڑھنے سے روکنے کے لیے کوئی خاص قدم نہیں اُٹھایا گیا بعد ازاں لگنے والی آگ کو بجھانے میں پیشہ ورانہ طریقہ کار اختیار کرنے کے بجائے عجلت سے کام لیا گیا۔متاثرہ علاقوں کے رہائشیوں نے آگ سے متعلق معلومات کے تاخیر سے لوگوں تک پہنچانے کا الزام بھی عائد کیا جس کے باعث زیادہ نقصان ہوا۔

    ملک میں پولیو کا ایک اور کیس سامنے آگیا,کیسز کی تعداد 72 تک پہنچ گئی
    fire
    امریکی میڈیا نے بھی 2 جنوری اور 7 جنوری کی سیٹلائٹ تصاویر بھی جاری کیں جن میں ایک ہی مقام سے آگ کا دھواں اٹھتا ہوا دیکھا گیا،رہائشیوں کا بتانا ہے کہ ان پہاڑوں پر یکم جنوری کو بھی ایک آگ لگی تھی جس سے 10ایکڑ سے کچھ کم رقبہ متاثر ہوا تھا لیکن اسے بہت حد تک نظر انداز کیا گیا۔

    رہائشیوں کا کہنا ہے کہ یکم جنوری اور 7 جنوری کو لگنے والی آگ میں یقینی طور پر کوئی تعلق ہے، رہائشیوں کا یہ بھی خیال ہے کہ یکم جنوری کو لگنے والی آگ نئے سال کے جشن پر ہونے والی آتش بازی کے نتیجے میں لگی۔

    اسرائیل نے یحیٰی سنوار کی لاش حماس کے حوالے کرنے سے انکار کردیا

    واضح رہے کہ لاس اینجلس میں ایک سے زائد مقامات میں آگ لگی ہوئی ہے جن میں پیسیفک پیلیسیڈز میں لگنے والی آگ بھی شامل ہے، یہ آگ اب تک 23 ہزار ایکڑ سے زائد رقبے کو متاثر کرچکی ہے۔

  • ملک میں پولیو کا ایک اور کیس سامنے آگیا,کیسز کی تعداد 72 تک پہنچ گئی

    ملک میں پولیو کا ایک اور کیس سامنے آگیا,کیسز کی تعداد 72 تک پہنچ گئی

    خیبرپختونخوا کے ضلع ڈیرہ اسماعیل خان سے پولیو کا ایک اور کیس سامنے آگیا-

    باغی ٹی وی: انسداد پولیو پروگرام کی جانب سے جاری اعلامیے میں بتایا گیا ہے کہ ڈی آئی خان کی رہائشی بچی کے نمونے 31 دسمبر کو لے گئے جن کے ٹیسٹ کی رپورٹ آنے پر اُسے پولیو کی تصدیق ہوئی جس کے بعد سال 2024 میں رپورٹ ہونے والے پولیو کیسز کی تعداد 72 تک پہنچ گئی۔

    اعلامیے کے مطابق پولیو وائرس ٹائپ ون ڈی آئی خان کی رہائشی بچی میں پایا گیا اس کے بعد ڈی آئی خان میں گزشتہ سال کے دورا ن پولیو کیسز کی مجموعی تعداد 11 ہو گئی،پاکستان میں اب تک رپورٹ ہونے والے پولیو کیسز میں سے 27 بلوچستان، 22 خیبر پختونخوا، 21 سندھ، اور ایک ایک پنجاب اور اسلام آباد سے سامنے آئے ہیں۔

    اسرائیل نے یحیٰی سنوار کی لاش حماس کے حوالے کرنے سے انکار کردیا

    دوسری جانب رواں برس کی پہلی انسداد پولیو مہم ملک بھر میں 3 فروری سے شروع ہوگی اور 9 فروری 2025 تک جاری رہے گی، والدین کے لیے یقینی بنانا بہت ضروری ہے کہ وہ اپنے 5 سال سے کم عمر کے تمام بچوں کو ویکسین لگوائیں۔

    واضح رہے کہ پولیو مفلوج کرنے والی بیماری ہے، جس کا کوئی علاج نہیں، پولیو کے قطروں کی متعدد خوراکیں اور 5 سال سے کم عمر کے تمام بچوں کے لیے معمول کے قطرے پلانے کے شیڈول کی تکمیل بچوں کو اس خوفناک بیماری کے خلاف اعلیٰ قوت مدافعت فراہم کرنے کے لیے ضروری ہے۔

    انگلش کرکٹرنے پی ایس ایل کی خاطر ریٹائرمنٹ لے لی