اسلام آباد: شنگھائی تعاون تنظیم ( ایس سی او) اجلاس میں شرکت کے لیے غیرملکی وفود کی آمد کاسلسلہ شروع ہوگیا ہے،روس ،چین کرغستان ، ایران اور بھارتی وفود پاکستان پہنچ گئے-
باغی ٹی وی : باخبر ذرائع کے مطابق ایس سی او سربراہی کانفرنس میں شرکت کے لیے غیر ملکی وفود کی آمد کا سلسلہ شروع ہوگیا ہے اور اس سلسلے میں بھارت کا 4 رکنی سرکاری وفد پاکستان پہنچ گیا ہےروس کا 76رکنی جبکہ چین کا 15رکنی وفد بھی شنگھائی تعاون تنظیم اجلاس میں شرکت کے لیے اسلام آباد پہنچا ہےکرغستان کا 4 رکنی اور ایران کا 2رکنی وفد بھی اسلام آباد پہنچ گیا ہے جبکہ شنگھائی تعاون تنظیم کے7 نمائندے بھی پاکستان پہنچ چکے ہیں۔
واضح رہے شنگھائی تعاون تنظیم کا اجلاس 15 سے 16 اکتوبر کے درمیان اسلام آباد میں ہوگا جس میں مختلف ممالک کے 200 وفود شرکت کریں گے جس کے لئے اسلام آباد میں شنگھائی تعاون تنظیم کے اعلیٰ سطح اجلاس کی ساری تیاریاں ہوگئی ہیں راولپنڈی اور اسلام آباد کے جڑواں شہروں میں کئی شاہراہیں نقل و حمل کے لیے بند ہیں۔
جڑواں شہروں میں محکمہ ٹریفک پولیس کے نے سربراہی اجلاس کے دونوں میں ٹریفک پلان پیش کردیا۔ سڑکوں کی بندش کا اطلاق 14 سے 16 اکتوبر تک ہو گا۔
اسلام آباد
پشاور سے روات: جی ٹی روڈ، ٹیکسلا، موٹروے، چک بیلی روڈ، اور روات استعمال کریں، لاہور (جی ٹی روڈ) سے پشاور: روات، چک بیلی روڈ، چک بیلی انٹر چینج، موٹروے، اور ٹیکسلا استعمال کریں، مارگلہ روڈ سے راولپنڈی: 9th ایونیو استعمال کریں، فیصل ایونیو سے زیرو پوائنٹ: ٹریفک کو 9 ویں ایونیو کی طرف موڑ دیا جائے گا۔
اسی طرح بہارہ کہو سے راولپنڈی: کورنگ روڈ اور لہترڑ روڈ بنی گالہ کے راستے استعمال کریں، راولپنڈی سے اسلام آباد: مری روڈ (صدر) سے 9ویں ایونیو کا استعمال کریں، فیصل ایونیو (زیرو پوائنٹ) تا کورل چوک: ایکسپریس وے دونوں سمتوں سے بند رہے گا، کرنل شیر خان شہید روڈ تا فیض آباد: 9th ایونیو سگنل اور اسٹیڈیم روڈ استعمال کریں، ہیوی ٹریفک (پشاور سے لاہور): ٹیکسلا، موٹروے، ترنول پھاٹک، فتح جنگ روڈ انٹرچینج، اور موٹر وے کا استعمال کریں، ہیوی ٹریفک (لاہور جی ٹی روڈ سے اسلام آباد/راولپنڈی): چک بیلی روڈ، چک بیلی انٹر چینج، اور موٹر وے استعمال کریں۔
راولپنڈی
موومنٹ کے دوران چوہان چوک سے ائیرپورٹ روڈ کی طرف ٹریفک کی اجازت نہیں ہوگی، کورل چوک کی طرف جانے والی ٹریفک کو چوہان چوک سے راول روڈ، شاہین چوک، مری روڈ کی طرف موڑ دیا جائے گا، جھنڈا ٹرن سے امر چوک کی طرف آنے والی ٹریفک کو امر چوک سے سکیم 3 یا کچہری چوک کی طرف موڑ دیا جائے گا، امر چوک سے چوہان چوک کی طرف آنے والی ٹریفک کو آغا ز فلائی اوور رحیم آباد سے رحیم آباد کی طرف موڑ دیا جائے گا۔
اسی طرح انیکسی چوک سے امر چوک کی طرف آنے والی ٹریفک کو جھنڈا روڈ (جھنڈا ٹرن) اور راشد منہاس روڈ کے راستے موڑ دیا جائے گا مشتاق بیگ شہید روڈ سے ایئرپورٹ روڈ کی طرف آنے والی ٹریفک کو انیکسی چوک سے کچہری چوک کی طرف موڑ دیا جائے گاکچہری چوک سے ایئرپورٹ روڈ کی طرف آنے والی ٹریفک کو راشد منہاس روڈ اور مریر چوک کی طرف موڑ دیا جائے گا مال روڈ سے کچہری چوک کی طرف آنے والی ٹریفک کو شالیمار چوک سے سرور روڈ، پنجاب سٹریٹ اور راشد منہاس روڈ کی طرف موڑ دیا جائے گا،اس دوران ہیوی ٹریفک کو موٹروے سے باہر جانے کی اجازت نہیں ہوگی۔
