Author: Ayesha Rehmani

اسلام آباد: حکومت اور پاکستان تحریک انصاف (پی ٹی آئی) کی مذاکراتی کمیٹیوں کے درمیان مذاکرات کا دوسرا دور 2 جنوری کو ہوگا جس کا نوٹیفکیشن جاری کر دیا گیا۔

باغی ٹی وی : حکومت اور پاکستان تحریک انصاف کے درمیان مذاکرات کا دوسرا دور 2 جنوری کو ہو گا جس کا باضابطہ طور پر نوٹیفکیشن قومی اسمبلی سیکریٹریٹ نے جاری کر دیا۔

جاری اعلامیے کے مطابق مذاکراتی کمیٹی کا اجلاس 2 جنوری کو صبح ساڑھے گیارہ بجے طلب کیا گیا ہے، حکومت اور پی ٹی آئی کے درمیا ن مذاکراتی کمیٹی کا اجلاس ان کیمرہ ہوگا جس کی صدارت اسپیکر ایاز صادق کریں گے، 2 جنوری کو ہونے والے مذاکراتی اجلاس میں پا کستان تحریک انصاف اپنا چارٹر آف ڈیمانڈ پیش کرے گی۔

واضح رہے کہ 23 دسمبر کو پاکستان تحریک انصاف اور حکومتی کمیٹیوں کے درمیان ہونے والی پہلی ملاقات میں مذاکرات جاری رکھنے پر اتفاق کیا گیا تھا۔

اگرضرورت پڑی تو پارا چنارجانے کیلئے تیار ہیں،علامہ طاہر اشرفی

صدر کا 6 بینکوں کو متاثرین کو رقم واپس کرنے کا حکم

آئی سی سی ٹیسٹ کرکٹر آف دی ایئر کی نامزدگیوں کا اعلان

اسلام آباد: چیئرمین پاکستان علماکونسل علامہ طاہر اشرفی کا کہنا ہے کہ مدارس کی رجسٹریشن اہم قدم ہے ، اگر کسی نے وزارت تعلیم کےساتھ نہیں جانا وہ نہ جائے۔

باغی ٹی وی : اسلام آباد میں تقریب سے خطاب کرتے ہوئے انہوں نے کہا کہ آرڈیننس کے تحت ڈی جی آر ای کے نظام کو سب نے تسلیم کر لیا ہے ، ملک بھر میں 18 ہزارسے زائد مدارس کی رجسٹریشن ہوچکی ہے، مدارس کی رجسٹریشن اہم قدم ہے ، اگر کسی نے وزارت تعلیم کےساتھ نہیں جانا وہ نہ جائے،ہم کل بھی مدارس کے چوکیدار تھے اور آج بھی ہیں جبکہ آئندہ بھی رہیں گے-

مدارس رجسٹریشن آرڈیننس کے تحت وزارت تعلیم اور صنعت و تجارت دونوں میں سے کسی بھی وزارت میں مدارس کی رجسٹریشن کرائی جا سکتی ہے وزارت تعلیم سے بھی مدارس کی رجسٹریشن جاری ہے وزارت تعلیم سے رجسٹریشن کو سب نے تسلیم کیا ہوا ہے دونوں نقطہ نظر کو اس آرڈیننس میں تسلیم کیا گیا ہے جو وزارت صنعت کے ساتھ جانا چاہتے ہیں ہمیں کوئی اعتراض نہیں، ہم کل اور آئندہ بھی مدارس کے چوکیدار رہیں گے۔

صدر کا 6 بینکوں کو متاثرین کو رقم واپس کرنے کا حکم

چیئرمین پاکستان علما کونسل نے پریس کانفرنس کے دوران مزید کہا کہ پارا چنارکے حالات پرپورا ملک پریشان ہےمسائل کا حل طاقت سے نہیں مذاکرات سے ہوتا ہےہم سب پاکستانی ہیں، ہم کوشش کررہے ہیں، اگرضرورت پڑی تو پارا چنارجانے کیلئے تیار ہیں ہم سب پاکستانی،آیئے پاکستان زندہ باد کہتے ہوئے مسئلہ حل کریں، زمین کے تنازعے کو بات چیت سے حل کیا جائے اور خیبرپختونخوا حکو مت سے گزارش ہے سنجیدگی کا مظاہرہ کیا جائے۔

یو اے ای میں چھوٹے طیارہ سمندر میں گر کر تباہ،خاتون پائلٹ سمیت 2 افراد جاں بحق

ان کا کہنا تھا کہ ادویات نہ ملنے سے اموات ہو رہی ہیں یا لوگ پریشان ہیں تو یہ ہم سب کیلئے لمحہ فکریہ ہونا چاہئےتمام اکابرین سے کہتا ہوں تلخیوں کے بجائے صبر سے کام لیا جائےکراچی سمیت جہاں راستے بند ہیں اور لوگوں کی مشکلات کا خیال کرنا چاہئے پاکستان کے لوگوں کیلئے کوشش کریں تاکہ اس صورتحال سے باہر نکلا جائےملک کی خاطر آپس کے اختلافات کو ختم کرنا ہوگا بات چیت سے تمام مسا ئل کا حل نکل سکتا ہے۔ ہم تمام فریقین سے اپیل کرتے ہیں کہ وہ بھائی چارے کی فضاءکیلئے اپنا کردار ادا کریں۔

آئی سی سی ٹیسٹ کرکٹر آف دی ایئر کی نامزدگیوں کا اعلان

اسلام آباد: صدر مملکت آصف علی زرداری نے بینک فراڈ کے 31 متاثرین کو ریلیف فراہمی کی ہدایت کی جبکہ 6 بینکوں کو متاثرین کو 24.136 ملین واپس کرنے کا حکم دیا گیا ہے۔

باغی ٹی وی : ایوان صدر اسلام آباد کے اعلامیے کے مطابق صدر مملکت نے بینکنگ محتسب کے فیصلوں کےخلاف دائر 31 درخو ا ستوں پر فیصلے کر دئیے آصف زرداری نے فراڈ متاثرین کے حق میں بینکنگ محتسب کے فیصلوں کو برقرار رکھا ہے فیصلے عوام کو ا نصاف اور فوری ریلیف فراہم کرنے کے صدر مملکت کے عزم کے عکاس ہیں۔

صدر آصف زرداری نے یونائیٹڈ بینک لمیٹڈ کی 12 درخواستوں کو مسترد کردیا۔ یونائیٹڈ بینک لمیٹڈ کے 12 صارفین کو 1 کروڑ 15 لاکھ روپے جبکہ مسلم کمرشل بینک کے 10 صارفین کو 52 لاکھ روپے سے زائد رقم واپس کرنے کی ہدایت کی گئی ہے،الائیڈ بینک لمیٹڈ کی جانب سے دائر 5 درخواستیں بھی خارج کر دی گئیں، الائیڈ بینک لمیٹڈ کو متاثرہ صارفین کو 40 لاکھ سے زائد رقم واپس کرنے کا حکم دیا گیا ہے-

یو اے ای میں چھوٹے طیارہ سمندر میں گر کر تباہ،خاتون پائلٹ سمیت 2 افراد جاں بحق

بینک آف پنجاب کی دائر کردہ 3 درخواستیں بھی خارج کردی گئیں جبکہ صدر کا کہنا ہے کہ بینک آف پنجاب فراڈ سے متاثرہ 3 صارفین کو 23 لاکھ سے زائد رقم واپس کرے، عسکری بینک لمیٹڈ کو ایک کیس میں 490,000 روپے واپس کرنے اور حبیب بینک لمیٹڈ کے کیس میں ایک صارف کو 420,000 روپے ادا کرنے کی ہدایت کی گئی ہے۔

اعلامیے کے مطابق متاثرین کو نوسرباز افراد نے خود کو بینک کا نمائندہ ظاہر کرکے دھوکا دیا، نوسرباز افراد نے دھوکا دہی پر مبنی فون کالز کے ذریعے صارفین سے بینکنگ کی حساس تفصیلات حاصل کیں، صارفین سے ذاتی بینکنگ تفصیلات حاصل کرنے کے بعد صارفین کے اکاؤنٹس سے رقوم نکلوالیں گئیں، صارفین نے فراڈ سے ہتھیائی رقم واپس لینے کے لیے بینکوں سے رجوع کیا لیکن ریلیف نہ دیا گیا۔

نجی اسکولوں سے ٹیکس وصول کرکے سرکاری اسکولوں میں استعمال کرنے کا فیصلہ

متاثرہ فریقوں نے ریلیف کے حصول کیلئے بینکنگ محتسب سے رجوع کیا، بینکوں نے محتسب کے فیصلوں کو چیلنج کرتے ہوئے صدر مملکت کو الگ الگ درخواستیں دائر کیں، سماعت اور متعلقہ ریکارڈ کا جائزہ لینے کے بعد حتمی فیصلے سنائے گئے۔

صدر مملکت نے مالیاتی دھوکا دہی سے شہریوں کے بچاؤ میں بینکنگ محتسب کے کردار پر زور دیتے ہوئے کہا کہ بینکنگ محتسب شکایات کے فوری حل کے لیے اہم ادارہ ہے، بینکنگ محتسب طویل قانونی طریقہ کار کے بوجھ کے بغیر متاثرین کو بروقت انصاف فراہم کرتا ہے، عوام بینکنگ تنازعات ، فراڈ سے نمٹنے کے لیے بینکنگ محتسب کی خدمات سے استفادہ کریں۔

یکم رجب المرجب جمعرات کو ہو گی ، سیکرٹری جنرل رویت ہلال