Baaghi TV

Author: Ayesha Rehmani

  • آرمی چیف کی کرسمس تقریب میں شرکت

    آرمی چیف کی کرسمس تقریب میں شرکت

    راولپنڈی: آرمی چیف جنرل عاصم منیر کا کہنا ہے کہ کرسمس ہمدردی، سخاوت اور خیرسگالی کا اظہار ہے۔

    باغی ٹی وی: پاک فوج کے شعبہ تعلقات عامہ( آئی ایس پی آر) کے مطابق آرمی چیف جنرل عاصم منیر نے سینٹ جوزف کیتھولک کیتھیڈرل چرچ میں کرسمس تقریب میں شرکت کی اور مسیحی برادری سے یکجہتی کا اظہار کرتے ہوئے ملک بھرمیں مسیحی برادری کو کرسمس کی دلی مبارکباد دی جبکہ مسیحی برادری نے چرچ آمد پر آرمی چیف کا پرتپاک خیرمقدم کیا۔

    آئی ایس پی آر کے مطابق آرمی چیف نے ملکی ثقافتی، سماجی، اقتصادی اور قومی ترقی میں اقلیتوں بالخصوص مسیحی برادری کی شراکت کا اعتراف کرتے ہوئے کہا کہ مسیحی برادری قوم کے لیے فخر اور طاقت کا باعث ہیں، کرسمس ہمدردی، سخاوت اور خیرسگالی کا اظہار ہے۔

    مسلمان، کرسچن، ہندو، سکھ اور دیگر مذاہب کے لوگ میر ے سر کا تاج ہیں،مریم نواز

    آئی ایس پی آر کےمطابق آرمی چیف نے قائداعظم محمد علی جناح کو بھی زبردست خراج عقیدت پیش کیا، آرمی چیف نے کہا کہ قائدا عظم کے آزادی،مساوات، مذہبی رواداری کے نظریات چیلنجز سے نمٹنے کے لیے قوم کی رہنمائی کرتے ہیں، قائداعظم کے نظریا ت علاقائی سالمیت کے تحفظ سے لے کر اندرونی استحکام کوفروغ دینے کے لیے حوصلہ افزائی کرتےہیں۔

    ملک کو نقصان پہچانے والے خود کو پاکستانی نہیں کہہ سکتے،امیر مقام

    آرمی چیف نے کہا کہ قائد کی دور اندیش قیادت، غیرمتزلزل عزم نے پاکستان کی تعمیرکی راہ ہموارکی، ایمان، اتحاد اور نظم وضبط کے اصولوں پر ثابت قدمی نے قوم کی تعمیر کا خاکہ بھی فراہم کیا، پاکستان کو قائدکے تصورکردہ پرامن، خوشحال ملک میں تبدیل کرنےکے اپنے اجتماعی عزم کا اعادہ کریں اور تمام شہری اس کے لیے انتھک محنت کریں۔

    جنوبی وزیرستان میں انٹیلیجنس بیسڈ آپریشن، 13 خوارج ہلاک

  • مسلمان، کرسچن، ہندو، سکھ اور دیگر مذاہب کے لوگ میر ے سر کا تاج ہیں،مریم نواز

    مسلمان، کرسچن، ہندو، سکھ اور دیگر مذاہب کے لوگ میر ے سر کا تاج ہیں،مریم نواز

    لاہور: وزیراعلیٰ پنجاب مریم نواز شریف نے کہا ہے کہ پنجاب کے عوام کی حفاظت اور ترقی میری ذمہ داری ہے، میں آپ کی وزیر اعلیٰ ہوں اور آپ کے لیے دن رات کام کر رہی ہوں، میرے لیے اقلیت اور اکثریت سب برابر ہیں-

    باغی ٹی وی: لاہور کے سب سے بڑے چرچ ہاؤس آف پرئیر میں کرسمس کی تقریب سے خطاب کرتے ہوئے وزیراعلیٰ نے کہا کہ پاکستان کی تاریخ میں پہلی مرتبہ منیارٹی کارڈ شروع کر رہے ہیں منیارٹی کارڈ 2025 کے شروع میں لانچ کر دیا جائے گا اور اقلیتی برادری کی جتنی مالی معاونت کر پائے، کریں گے تاکہ نادار اقلیتی بہن بھائی کسی کے آگے ہاتھ نہ پھیلائیں،اور گزر بسر کے لیے ہر تین ماہ بعد مالی معاونت فراہم کی جائے گی –
    pmln
    مریم نواز شریف نے کہا کہ ریاست ماں کی طرح ہوتی ہے اور آپ کی وزیراعلیٰ آپ کی ماں کی طرح ہے اور ماں اپنے بچوں میں تفریق نہیں کرتی میرے دل و دماغ میں مذہب کے نام پر کوئی تفریق نہیں ہے مسلمان، کرسچن، ہندو، سکھ اور دیگر مذاہب کے لوگ میر ے سر کا تاج ہیں، پنجاب حکومت کے ہر پراجیکٹ میں سب برادریوں کا برابر کا حصہ ہے۔

    ملک کو نقصان پہچانے والے خود کو پاکستانی نہیں کہہ سکتے،امیر مقام

    مریم نواز نے کہا کہ کرسمس کی تقریب میں اس لیے آئی ہوں کہ آپ کو احساس ہو کہ میں آپ کا حصہ ہوں اور آپ میرا حصہ ہیں، جو اقلیتی بہن بھائیوں کو تکلیف دے گا وہ مجھے تکلیف دے گا، اقلیتی برادری کی حفاظت کرنا ہم سب کی ذمہ داری ہے میرا دفتر، دل اور گھر کے دروازے اقلیتی برادری کے لیے ہمیشہ کھلے ہیں، مسیحی برادری کے لیے انکلیوزو سوسائٹی کے قیام پر خصوصی توجہ دے رہی ہوں جبکہ مسیحی برادری کے لیے بجٹ 200فیصد تک بڑھا دیا ہے، میرا بس چلے تو بجٹ کو 5ہزار فیصد تک بڑھا دوں کیونکہ مسیحی برادری کا بجٹ بڑھانا کسی قسم کا احسان نہیں بلکہ آپ کا حق ہے۔

    جنوبی وزیرستان میں انٹیلیجنس بیسڈ آپریشن، 13 خوارج ہلاک

    انہوں نے مزید کہا کہ گھر سے آتے ہوئے محمد نواز شریف نے مسیحی برادری کو کرسمس کی مبارکباد دینے کا پیغام دیا محمد نوازشریف نے مجھے سکھایا ہے کہ قرآن پاک کی پہلی آیت ہے الحمد للہ رب العالمین، تمام تعریفیں اس رب کے لیے جو تمام جہانوں کا مالک ہے، صرف مسلمانوں کا مالک نہیں ہے نواز شریف اکثر کہتے ہیں کہ منیارٹی کا لفظ استعمال نہ کیا کرو، اقلیتیں ہم سے بھی زیادہ پاکستانی ہیں۔

    روس نے جنوبی افریقا میں امریکا کا منصوبہ بے نقاب کر دیا

    مریم نواز نے کہا کہ ایسٹر کی تقریب میں مریم آباد گئی، مسیحی برادری کو مبارکباد دینے گھروں میں گئی، مسیحی برادری نے بتایا کہ مریم آباد چرچ میں ایسٹر منانے کے لیے چیف منسٹر 120 سال بعد آیا ہے میری تمام تر توجہ اقلیتی برادری کے لیے بہتر پاکستان اور بہتر پنجاب بنانے پر ہے مسیحی برادری کے لیے ایسا پنجاب بنا رہے ہیں کہ ان کو کسی قسم کا کوئی ڈر، خوف یا خطرہ لاحق نہ ہو۔

    تقریب کے اختتام پر وزیراعلیٰ پنجاب نے کہا کہ میں آپ کی خوشیوں میں برابر کی شریک ہوں، دعا ہے اللہ تعالی اقلیتی آبادی کو ہمیشہ شادو آباد اور خوش رکھے جب مجھے پتہ چلا کہ کرسمس تقریب میں 10ہزار لوگ ہیں تو میں 10ہزار کیک لائی ہوں، کرسمس کے 10ہزار کیک مریم نواز شریف کی محبت کا ایک چھوٹا سا نذرانہ ہے۔

    خراٹوں کے علاج کی پہلی میڈیسن کی منظوری

    دوسری جانب وزیراعظم شہباز شریف نے کہا ہے کہ دنیا کو مل کر فلسطین میں خون کی ہولی ختم کرانے کے لیے پورا زور لگانا ہوگا۔

    وزیر اعظم شہباز شریف نے اسلام آباد میں کرسمس کی خصوصی تقریب سے خطاب کرتے ہوئے مسیحی برادری کو مذہبی تہوار کی مبارکباد دی، اس موقع پر وزیراعظم شہباز شریف نے کہا کہ سب کو مل کر دنیا میں امن، ترقی اور خوشحالی کے لیے کام کرنا چاہیے، آج کے دن سبق ملتا ہے کہ بھائی چارے کو فروغ دیں، آج دنیا میں قتل و غارت کا بازار گرم ہے، ہزاروں فلسطینی شہید کیے جا چکے ہیں، دنیا کو مل کر فلسطین میں خون کی ہولی ختم کرانے کے لیے پورا زور لگانا ہوگا۔

    اسماعیل ہنیہ کا قتل: ایران کا اسرائیل کے خلاف جوابی کارروائی کا عندیہ

  • ملک کو نقصان پہچانے والے خود کو پاکستانی نہیں کہہ سکتے،امیر مقام

    ملک کو نقصان پہچانے والے خود کو پاکستانی نہیں کہہ سکتے،امیر مقام

    پشاور:وفاقی وزیر امیر مقام نے کہا ہے کہ کچھ لوگ ملک میں انتشار پھیلا رہے ہیں، سیاست بعد میں ہے سب سے پہلے ملک ہے اور ملک کو نقصان پہچانے والے خود کو پاکستانی نہیں کہہ سکتے-

    باغی ٹی وی: پشاور میں تقریب سے خطاب کرتے ہوئے انہوں ںے کہا کہ قائد اعظم اور ان کے ساتھیوں نے آزاد ملک بنایا، ہر ضلع میں اس حوالے سے تقریبات ہورہی ہیں، یہ ملک قربانیوں سے حاصل کیا گیا ہے اور اب اس کا تحفظ کرنا ہم سب کی ذمہ داری ہے، آج پاکستان ایٹمی طاقت ہے اور کوئی پاکستان کو میلی آنکھ سے دیکھ نہیں سکتاافواج پاکستان نے ملک کے لئے قربانیوں دی ہیں، جو لوگ اداروں کے خلاف باتیں کرتے ہیں انہیں اپنے گریبان میں جھانکنا چاہیے۔

    انہوں نے کہا کہ ہم پاکستان کے میزائل پروگرام اور ایٹمی طاقت پر کسی کی ڈکٹیشن نہیں مانیں گے، امریکا اور یورپ کی دھمکیوں میں نہیں آئیں گے، ہر بچہ اس ملک کے تحفظ کے لئے تیار ہے، ہم نے فیصلہ کیا ہے کسی بھی ملک کی ڈکٹیشن نہیں لیں گے، کل وزیر اعظم نے تمام بیرون قوتوں کو دو ٹوک جواب دیا ہے اس معاملے پر ہم سب کو مل کر آگے بڑھنا ہے۔

    جنوبی وزیرستان میں انٹیلیجنس بیسڈ آپریشن، 13 خوارج ہلاک

    ان کا کہنا تھا کہ سول نافرمانی سے نقصان پاکستان کا ہوگا یہ اس ملک کا نقصان ہے اداروں کا نقصان نہیں، یہ بات قابل برداشت نہیں، پی ٹی آئی کو جس طرح لایا گیا سب کے سامنے ہے، میثاق جمہوریت کی ہم نے ہمیشہ بات کی ہے آج مذاکرات کی بات کرنے والے پہلے کیوں بھاگ رہے تھے، دیر آید درست آید ہم تو پہلے سے مذاکرات کی بات کررہے تھے مگر یہی لوگ صوبے کی وسائل کو مرکز پر چڑھائی کے لیے استعمال کررہے ہیں۔

    پاکستان کا آئین اقلیتی برادریوں کے حقوق کے تحفظ کا ضامن ہے،محسن نقوی

    انہوں نے کے پی کے عوام سے کہا کہ پی ٹی آئی کو عوام نے تیسری بار مینڈیٹ دیا ہے انہیں عوام کو ڈیلیور کرنا چاہیے یہ لوگ پنجاب کو دیکھیں وہاں پر کتنا کام ہو رہا ہے مگر یہاں یہ لوگ انتشار پھیلا رہے ہیں، یہ لوگ اسلام آباد پر چڑھائی کے بجائے مسائل کے حل تلاش کریں، ہماری سیاست ایک شخص کے آگے پیچھے نہیں گھوم رہی آرمی چیف اور حکومت کا مقصد عوام کی خدمت اور ملک میں استحکام لانا ہے، ہم سب کو یہ عہد کرنا چاہیے کہ سب سے پہلے پاکستان اور پھر سیاست ہے، کے پی حکومت کو کاموں کے مقابلے میں پنجاب حکومت سے مقابلہ کرنا چاہیے۔

    ہم متحد ہوئے تو ملک کو ترقی یافتہ بناسکتے ہیں،مراد علی شاہ

  • جنوبی وزیرستان میں انٹیلیجنس بیسڈ آپریشن، 13 خوارج ہلاک

    جنوبی وزیرستان میں انٹیلیجنس بیسڈ آپریشن، 13 خوارج ہلاک

    راولپنڈی: سکیورٹی فورسز نے جنوبی وزیرستان کے ضلع سراروغہ میں خوارج کی موجودگی کی اطلاع پر انٹیلی جنس بیسڈ آپریشن کیا، جس کے نتیجے میں 13 خوارج ہلاک کئے گئے۔

    باغی ٹی وی: پاک فوج کے شعبہ تعلقات عامہ (آئی ایس پی آر) کے مطابق 24 اور 25 دسمبر 2024 کو کئے گئے آپریشن کے دوران سکیورٹی فورسز نے خوارج کے ٹھکانے کو مؤثر طریقے سے نشانہ بنایا، جس کے نتیجے میں 13 خوارج مارے گئے۔

    آئی ایس پی آر کے مطابق مارے گئے خوارج سکیورٹی فورسز کے خلاف دہشت گردی کی متعدد کارروائیوں کے ساتھ ساتھ بے گناہ شہر یوں کےقتل میں بھی سرگرم رہے علاقے میں پائےجانے والے دیگر خوارج کو ختم کرنے کے لیےسینیٹائزیشن آپریشن کیا جا رہا ہے، کیونکہ پاکستان کی سیکیورٹی فورسز ملک سے دہشت گردی کی لعنت کو ختم کرنے کے لیے پرعزم ہیں۔

    جنوبی وزیرستان میں فتنہ الخوارج کے 13 دہشت گردوں کو ہلاک کرنے پر صدر آصف علی زرداری اور وزیراعظم شہباز شریف نے سیکورٹی فورسز کو خراج تحسین پیش کیا ہے۔

    مملکت آصف علی زرداری نے بیان میں جنوبی وزیرستان میں انٹیلیجنس پر مبنی کامیاب آپریشن کے دوران 13 خوارج کی ہلاکت پر سکیورٹی فورسز کی بہادری کو سراہتے ہوئے ملک سے فتنتہ الخوارج کے مکمل خاتمے کے عزم کا اعادہ کیا سیکورٹی فورسز دہشتگردی کے عفریت کے خاتمے کے لیے کارروائیاں کررہی ہیں، پوری قوم دہشتگردی کے خلاف متحد ہے۔ دہشتگردی کے مکمل خاتمے تک فتنتہ الخوارج کے خلاف کارروائیاں جاری رہیں گی۔

    وزیراعظم شہباز شریف نے ضلع جنوبی وزیرستان کے علاقے سراروغا میں 13 خوارج کو نے پر سیکیورٹی فورسز کو خراج تحسین پیش کیا۔ وزیراعظم نے کہا کہ انسانیت کے دشمنوں کے مذموم عزائم کو اسی طرح خاک میں ملاتے رہیں گے قوم کو سیکورٹی فورسز کے نڈر جوانوں پر فخر ہے۔ ملک سے فتنہ الخوارج اور دہشتگردی کے مکمل سد باب تک ہماری دہشتگردوں کے خلاف جنگ جاری رہے گی۔

  • پاکستان کا آئین اقلیتی برادریوں کے حقوق کے تحفظ کا ضامن ہے،محسن نقوی

    پاکستان کا آئین اقلیتی برادریوں کے حقوق کے تحفظ کا ضامن ہے،محسن نقوی

    اسلام آباد: وفاقی وزیر داخلہ محسن نقوی نے کہا ہے کہ پاکستان میں تمام اقلیتوں کو ہر طرح کی آزادی حاصل ہے،کرسمس پر مسیحی برادری کی خوشیوں میں برابر کے شریک ہیں-

    باغی ٹی وی: کرسمس کے حوالے سے مسیحی برادری کو مبارک باد دیتے ہوئے اپنے بیان میں وفاقی وزیر داخلہ محسن نقوی نے کہا کہ کرسمس کا تہوار محبت، امن اور بھائی چارے کی علامت ہے حضرت عیسیٰ علیہ السلام کو پوری انسانیت کے لیے امن، بھائی چارے اور احترام کی علامت بنا کر اس دنیا میں بھیجا گیا، حضرت عیسیٰ علیہ السلام نے رواداری، محبت اور ہمدردی کی اعلیٰ اقدار کی تبلیغ کی ان کی تعلیمات کامحور ایک طبقہ نہیں بلکہ پوری انسانیت تھی۔

    وزیر داخلہ کا کہنا تھا کہ کرسمس پر مسیحی برادری کی خوشیوں میں برابر کے شریک ہیں آج کا دن خوشیوں کے ساتھ انسانیت کے احترام کا پیغام بھی دیتا ہے قائداعظم محمد علی جناحؒ نے قومی پرچم میں سفید رنگ اقلیتوں کے لیے رکھا اقلیتوں کے حقوق کا تحفظ ہمارا فرض ہے پاکستان میں تمام اقلیتوں کو ہر طرح سے مکمل آزادی حاصل ہے۔

    روس نے جنوبی افریقا میں امریکا کا منصوبہ بے نقاب کر دیا

    انہوں نے کہا کہ پاکستان کا آئین اقلیتی برادریوں کے حقوق کے تحفظ کا ضامن ہے،پاکستان کی تعمیر و ترقی میں مسیحی برادری کا کردار شک و شبہ سے بالاتر ہے،دعاگو ہوں کہ کرسمس مسیحی برادری کے لیے مزید کامیابیاں لے کر آئے۔

    ہم متحد ہوئے تو ملک کو ترقی یافتہ بناسکتے ہیں،مراد علی شاہ

  • روس نے جنوبی افریقا میں امریکا کا منصوبہ بے نقاب کر دیا

    روس نے جنوبی افریقا میں امریکا کا منصوبہ بے نقاب کر دیا

    ماسکو: روس کی جانب سے دعویٰ کیا گیا ہے کہ امریکا نے افریقا میں کیمیائی ہتھیاروں کی تیاری کے منصوبے کا آغاز کردیا ہے۔

    باغی ٹی وی: میڈیا رپورٹس کے مطابق روسی وزارت دفاع کے مطابق امریکا افریقی ممالک میں بائیوویپن کے غیرقانونی منصوبوں میں مصروف ہے اور امریکی خفیہ فوجی اور حیاتیاتی سرگرمیوں کو بےنقاب کرنے کیلئےکوشاں ہیں-

    میڈیا رپورٹس کے مطابق روس کے تابکاری، کیمیکل اور حیاتیاتی دستوں کے نائب سربراہ میجر جنرل الیکسی رٹیشیف نے الزامات لگاتے ہوئے کہا کہ امریکا افریقی ممالک میں بیماریوں کی نگرانی کے نام پر بائیولیب سے فائدہ اٹھا رہا ہے،امریکا بائیولیب کی آڑ میں اپنی جوہری حیاتیاتی صلاحیتوں کو بڑھا رہا ہے جس سے امریکا افریقی ممالک میں بی ٹی ڈبلیو سی کنونشن کی خلاف ورزی کر رہا ہے۔

    ہم متحد ہوئے تو ملک کو ترقی یافتہ بناسکتے ہیں،مراد علی شاہ

    اسماعیل ہنیہ کا قتل: ایران کا اسرائیل کے خلاف جوابی کارروائی کا عندیہ

    خراٹوں کے علاج کی پہلی میڈیسن کی منظوری

  • ہم متحد ہوئے تو ملک کو ترقی یافتہ بناسکتے ہیں،مراد علی شاہ

    ہم متحد ہوئے تو ملک کو ترقی یافتہ بناسکتے ہیں،مراد علی شاہ

    کراچی : وزیر اعلیٰ سندھ مراد علی شاہ نے کہاہے کہ دشمن نقصان پہنچانے کی کوشش کرتا ہے مگر ہم متحد ہوئے تو ملک کو ترقی یافتہ بناسکتے ہیں-

    باغی ٹی وی : وزیراعلیٰ سندھ مراد علی شاہ اور گورنر سندھ کامراں ٹیسوری نے بانی پاکستان قائداعظم محمد علی جناح کے یومِ پیدائش کے موقع پر گورنر سندھ کے ہمراہ مزار قائد پر حاضری دی،اس موقع پر میڈیا سے گفتگو کرتے ہوئے مراد علی شاہ نے کہا کہ دشمن نقصان پہنچانے کی کوشش کرتا ہے مگر ہم متحد ہوئے تو ملک کو ترقی یافتہ بناسکتے ہیں، صدر آصف علی زرداری اور نواز شریف کی قیادت میں حکومت معاشی استحکام کی کوشش کر رہی ہے۔

    اسماعیل ہنیہ کا قتل: ایران کا اسرائیل کے خلاف جوابی کارروائی کا عندیہ

    انہوں نے کہا کہ سکیورٹی فورسز اور جمہوریت کے شہدا کو یاد رکھنا چاہیے، ذوالفقار علی بھٹو شہید نے ملک کو ایٹمی طاقت بنایا، محترمہ بینظیر بھٹو شہید نے ملک کو میزائل سے لیس کیا وفاق اور سندھ حکومت غیر قانونی مقیم افراد کو نکالنے کے لیے پرعزم ہیں، غیر قانونی مقیم افغانوں کو شناخت کرکے نکالا گیا اور اب بھی اس پر کام جاری ہے۔

    خراٹوں کے علاج کی پہلی میڈیسن کی منظوری

    اس موقع پر گورنر سندھ کامران ٹیسوری نے کہا کہ آج پاکستان مشکل دور سے گزر رہا ہے، ہم سب مل کر محنت کر رہے ہیں، کوشش ہے کہ پاکستان کو وہاں لے کر آئیں جس کا خواب قائداعظم نے دیکھا تھا، ہم اس مشکل دور سے گزر جائیں گے اور ملک ضرور ترقی کرے گا۔

    پی ایس ایل 10، مستفیض الرحمان نے رجسٹریشن کروا لی

    انہوں نے کہا کہ دوست ممالک اس مشکل وقت میں پاکستان کے ساتھ کھڑے ہیں مگر بیرونی طاقتیں پاکستان کو صحیح سمت میں جانے سے روکنے کے لیے تیار کھڑی ہیں، کرم کے واقعات میں بھی بیرونی ہاتھ ملوث ہےسپہ سالار ملک کو معاشی بحران سے نکالنے کے لیے حکومت کے شانہ بشانہ کھڑے ہیں، اسٹاک ایکسچینج ترقی کی طرف گامزن ہے، شرح سود بھی کم ہو رہی ہے۔

    آذربائیجان کا طیارہ تباہ،70 افراد تھے سوار

  • اسماعیل ہنیہ کا قتل: ایران کا اسرائیل کے خلاف جوابی کارروائی کا عندیہ

    اسماعیل ہنیہ کا قتل: ایران کا اسرائیل کے خلاف جوابی کارروائی کا عندیہ

    تہران: ایران نے حماس رہنما اسماعیل ہنیہ کے قتل پر اسرائیل کے خلاف جوابی کارروائی کا عندیہ دیا ہے-

    باغی ٹی وی : اقوام متحدہ میں ایرانی سفیر امیر سعید نے سیکرٹری جنرل یو این انتونیو گوتریس کو خط لکھا ہے خط میں ایرانی سفیر نے کہا اسرائیل نے اسماعیل ہنیہ کو شہید کرکے سنگین جرم کیا اور اس گھناؤنے جرم کی باضابطہ ذمہ داری قبول کی، ایران اسرائیل پر جوابی کارروائی کا حق محفوظ رکھتا ہے ، اسرائیل عالمی اور علاقائی امن و سلامتی کے لیے سنگین خطرہ ہے۔

    واضح رہے کہ اسرائیلی وزیردفاع نے گزشتہ روز حماس رہنما اسماعیل ہنیہ کے قتل کا باضابطہ اعتراف کیا تھا،اس نے کہا تھا کہ اسرائیل حوثیوں پر ‘سخت حملہ‘ کرے گا اور اس کی قیادت کو ’ختم‘ کر دے گا۔

    خراٹوں کے علاج کی پہلی میڈیسن کی منظوری

    کاٹز نے حزب اللہ اور حماس کے رواں سال شہید ہونے والے ہنماؤں کا حوالہ دیتے ہوئے کہا تھا کہ جیسے ہم نے تہران، غزہ اور لبنان میں ہنیہ، سنوار، اور نصر اللہ کے ساتھ کیا تھا، ہم حدیدہ اور صنعا میں بھی ایسا ہی کریں گے۔

    جی ایچ کیو حملہ کیس، دو ملزمان اشتہاری قرار

    واضح رہے کہ رواں سال جولائی میں فلسطینی مزاحمتی تنظیم حماس کے سربراہ اسماعیل ہنیہ نئے ایرانی صدر مسعود پزشکیان کی تقریب حلف برداری میں شرکت کے لیے ایران کے دارالحکومت تہران میں موجود تھے جب انھیں ایک فضائی حملے میں نشانہ بنایا گیا۔ حماس اور ایرانی حکام نے فوری طور پر اس حملے کا الزام اسرائیل پر عائد کیا تھا تاہم اسرائیلی وزیر دفاع کے حالیہ بیان سے قبل اسرائیل کی جانب سے اس الزام کی نہ تو کبھی تردید کی گئی تھی نہ تصدیق۔

    کرسمس کا تہوار محبت، اخوت اور امن کا پیغام دیتا ہے،سحر کامران

  • خراٹوں کے علاج کی پہلی میڈیسن کی منظوری

    خراٹوں کے علاج کی پہلی میڈیسن کی منظوری

    امریکا میں خراٹوں کے علاج کی پہلی میڈیسن کی منظوری دے دی گئی-

    باغی ٹی وی :نیند کے دوران خراٹے لینا ایسا عمل ہے جس سے نہ صرف آس پاس کے افراد متاثر ہوتے ہیں بلکہ خراٹے لینے والے شخص کی نیند پر بھی گہرے اثرات مرتب ہوتے ہیں،خراٹے لینے والے صرف 2 فیصد افراد کو کوئی سنگین پیچیدگی لاحق ہوتی ہے ورنہ 98 فیصد افراد میں عام وجہ ناک سے لے کر گردن کے نیچے تک کی جگہ میں کوئی رکاوٹ ہونا ہوتی ہے۔

    بہت زیادہ وزن، زیادہ تھکاوٹ، کسی بیماری جیسے بلڈ پریشر یا شوگر کی دوائیں لینا، اینٹی ڈپریسنٹس لینا، ناک کے مسائل جیسے ناک کی ہڈی یا گوشت بڑھا ہوا ہونا، ہڈی ٹیڑھی ہونا یا غدود ہونا خراٹوں کی وجوہات ہوسکتے ہیں،ماہرین کے مطابق خراٹے لینے سے نہ صرف آس پاس موجود افراد کی نیند خراب ہوتی ہے، بلکہ خود اس شخص کی نیند بھی متاثر ہوتی ہے، خراٹے لینے والا شخص گہری نیند نہیں سو پاتا، اور نیند پوری نہ ہونے سے نتیجتاً اگلے دن اس کی کارکردگی متاثر ہوتی ہے۔

    جی ایچ کیو حملہ کیس، دو ملزمان اشتہاری قرار

    اکثر خراٹوں کی وجہ obstructive sleep apnea (او ایس اے) نامی عارضہ ہوتا ہےاو ایس اے کے شکار افراد کی سانس نیند کے دوران بار بار رکتی ہے جس سے خراٹوں کے ساتھ ساتھ متعدد طبی پیچیدگیوں کا خطرہ بھی بڑھتا ہے، اب خراٹوں کا شکار بنانے والے اس عارضے کا علاج کرنے والی پہلی دوا کی امریکا میں منظوری دی گئی ہے۔

    او ایس اے کے علاج کے لیے زیپ باؤنڈ نامی دوا کی منظوری یو ایس فوڈ اینڈ ڈرگ ایڈمنسٹریشن (ایف ڈی اے) کی جانب سے دی گئی اس دوا کے کلینیکل ٹرائل میں دریافت کیا گیا تھا کہ زیپ باؤنڈ کے استعمال سے او ایس اے سے متاثر موٹاپے کے شکار افراد میں سانس رکنے کی شرح میں 63 فیصد تک کمی آتی ہے۔

    پی ایس ایل 10، مستفیض الرحمان نے رجسٹریشن کروا لی

    ایک سال تک جاری رہنے والا ٹرائل 2 مرحلوں میں ہوا تھاایک مرحلے میں ایسے افراد شامل تھے جن کو صرف زیپ باؤنڈ کا استعمال کرایا گیا اور دوا کے نتائج کا موازنہ placebo استعمال کرنے والے گروپ کے ساتھ کیا گیا،دوسرے مرحلے میں زیپ باؤنڈ کے ساتھ لوگوں کو پازیٹیو ائیرویز پریشر (پی اے پی) ڈیوائس کا استعمال کرایا گیا۔

    پی اے پی ڈیوائس کو ابھی او ایس اے کے علاج کے لیے استعمال کیا جاتا ہے اس گروپ کے نتائج کا موازنہ placebo استعمال کرنے والے افراد سے کیا گیا۔

    کرسمس کا تہوار محبت، اخوت اور امن کا پیغام دیتا ہے،سحر کامران

    ماہرین کے مطابق یہ او ایس اے کا علاج کرنے والی پہلی دوا ہے اس دوا کے استعمال سے جسمانی وزن میں کمی آتی ہے جس سے او ایس اے کے مسئلے پر قابو پانے میں مدد ملتی ہے، ایف ڈی اے کے کی منظوری کے بعد ڈاکٹروں اور مریضوں کو موٹاپے اور او ایس اے جیسے دونوں مسائل کا علاج کرنے میں مدد ملے گی۔

    محققین کے مطابق اس دوا پر ہونے والی دیگر تحقیقی کام میں دریافت کیا گیا تھا کہ اس کے استعمال سے ہارٹ فیلیئر اور گردوں کے امراض کا پھیلاؤ بھی رک جاتا ہے او ایس اے اب بھی ایسا مرض ہے جس کی اکثر تشخیص نہیں ہوتی، حالانکہ اس کے نتیجے میں دل کی شریانوں کے امراض کا خطرہ بڑھتا ہے، ایسا ہی موٹاپے سے بھی ہوتا ہے تو دونوں کا علاج کرنا صحت کے لیے بہترین ثابت ہوگا۔

    وزیراعظم کی ہدایت،پاراچنار میں امدادی سرگرمیوں کیلئے ہیلی کاپٹر مختص

  • امریکی سپر اسٹور پر یحییٰ سنوار کی تصاویر والی ٹی شرٹس فروخت،اسرائیل آگ بگولہ

    امریکی سپر اسٹور پر یحییٰ سنوار کی تصاویر والی ٹی شرٹس فروخت،اسرائیل آگ بگولہ

    امریکا کے سپر اسٹور وال مارٹ میں حماس کے سابق سربراہ یحییٰ سنوار کی تصاویر والی ٹی شرٹس کے فروخت ہونے پر اسرائیل کو مرچیں لگ گئیں-

    باغی ٹی وی:ٹائمز آف اسرائیل کے مطابق اسرائیل میں سپر اسٹور کے خلاف شدید غم و غصے کی لہر دوڑ گئی ہے، کیونکہ امریکی کمپنی نے اپنی آن لائن پلیٹ فارم پر حماس کے رہنما یحییٰ سنوار کی تصویر والے ٹی شرٹس فروخت کے لیے پیش کیے ہیں، جن میں انہیں ہیرو کے طور پر پیش کیا گیا ہے۔

    فوجی عدالتوں سے سزا پر امریکا، برطانیہ اور یورپی یونین کے بیانات پر پاکستان کا جواب

    یحییٰ سنوار کی ایک ٹی شرٹ کو "یحییٰ سنوار ’ہم جیتیں گے یا مریں گے” کا نام دیا گیا ہے جسے وال مارٹ کی ویب سائٹ پر فروخت کیلئے پیش کیا گیا ہے،جس کے بعد کئی اسرائیلی اخبارات اور ٹی وی چینلز پر وال مارٹ پر شدید تنقید کی گئی، بعد ازاں اسرائیلی میڈیا نے دعویٰ کیا کہ وال مارٹ نے یحییٰ سنوار کی تصویر والی ٹی شرٹس اپنی ویب سائٹ سے ہٹا دیں۔

    ایران کا واٹس ایپ پر پابندی ختم کرنے کا فیصلہ

    رپورٹ کے مطابق حزب اللہ کے سابق رہنما حسن نصر اللہ کی کم ریزولوشن تصویر والی ایک اور قمیض Walmart ویب سائٹ پر فروخت کے لیے باقی ہے،ٹیکساس میں مقیم تھرڈ پارٹی وینڈر کی طرف سے فروخت ہونے والی اس شرٹ کا عنوان ہے "اسرائیلی فضائی حملوں کے بعد نصر اللہ محفوظ”جبکہ 27 اکتوبر کے فضائی حملے میں شہید ہو گئے تھے-

    وال مارٹ کی جانب سے فوری طور پر کوئی تبصرہ نہیں کیا گیا ہے۔