Baaghi TV

Author: Ayesha Rehmani

  • فوجی عدالتوں سے سزا پر امریکا، برطانیہ اور یورپی یونین کے بیانات پر پاکستان کا جواب

    فوجی عدالتوں سے سزا پر امریکا، برطانیہ اور یورپی یونین کے بیانات پر پاکستان کا جواب

    اسلام آباد: پاکستان نے سانحہ نو 9 مئی میں فوجی عدالتوں سے سزا کے معاملے پر امریکا، برطانیہ اور یورپی یونین کو دو ٹوک جواب دیا ہے-

    باغی ٹی وی: فوجی عدالتوں کے حالیہ فیصلوں پر امریکی، برطانوی اور یورپی یونین بیانات کے حوالے سے پوچھے گئے ایک سوال کے جواب میں دفتر خارجہ کی ترجمان نے ردعمل دیتے ہوئے کہا ہے کہ پاکستان اپنے تمام بین الاقوامی انسانی حقوق کے فرائض کی تکمیل کے لیے مکمل طور پر پرعزم ہے، پاکستان کا قانونی نظام بین الاقوامی انسانی حقوق کے قوانین، بشمول بین الاقوامی معاہدہ برائے شہری و سیاسی حقوق کے اصولوں کے مطابق ہے۔

    خلا میں 140 کھرب سمندروں سے بھی زیادہ بڑا پانی کا ذخیرہ دریافت

    ترجمان دفتر خارجہ نے کہا کہ یہ اعلیٰ عدالتوں کے ذریعے عدالتی نظرثانی کے مواقع فراہم کرتا اور انسانی حقوق و بنیا د ی آزادیوں کے فروغ و تحفظ کی ضمانت دیتا ہے، یہ فیصلے پارلیمنٹ کے ذریعے منظور شدہ قانون اور سپریم کورٹ آف پاکستان کے فیصلوں کے تحت کیے گئے ہیں پاکستان جمہوریت، انسانی حقوق، اور قانون کی حکمرانی کے اصولوں کے فروغ کے لیے تعمیری اور بامقصد مکالمے پر یقین رکھتا ہے۔

    ایران کا واٹس ایپ پر پابندی ختم کرنے کا فیصلہ

    دفتر خارجہ نے کہا کہ ہم جی ایس پی پلس اسکیم اور بنیادی بین الاقوامی انسانی حقوق کے کنونشنز کے تحت اپنی ذمہ داریوں پر عمل کرنے کے لیے مکمل طور پر پرعزم ہیں اور اپنے بین الاقوامی شراکت داروں، بشمول یورپی یونین، کے ساتھ انسانی حقوق کے بین الاقوامی قوانین کے نفاذ کو یقینی بنانے کے لیے رابطے جاری رکھیں گے۔

    ہم وزارت تعلیم کی رجسٹریشن کے تحت رہنا چاہتے ہیں، جامعہ بنوریہ عالمیہ

    واضح رہے کہ امریکا نے 9 مئی کے مقدمات میں فوجی عدالتوں کی جانب سے شہریوں کو سزائیں سنائے جانے پر سخت تشویش کا اظہار کیا امریکی محکمہ خارجہ نے پاکستان کی فوجی عدالتوں کی کارروائی پر گہری تشویش کا اظہار کرتے ہوئے اپنے ایک بیان میں کہا تھا کہ وائٹ ہاؤس کو 9 مئی کے مظاہروں میں ملوث شہریوں کے خلاف فوجی ٹریبونلز کی جانب سے سزاؤں کی سنائی جانے والی کارروائی پر تحفظات ہیں ،امریکی حکومت نے ان سزاؤں کو منصفانہ ٹرائل کے اصولوں کے خلاف قرار دیتے ہوئے انصاف کے تقاضے پورے کرنے پر بھی زور دیا تھا۔

    دن رات کام کرنے سے ہی قومیں ترقی کرتی ہیں، وزیراعظم

    دریں اثنا یورپی یونین نے بھی فوجی عدالتوں سے 9 مئی مجرمان کی سزاؤں کے فیصلے پر ردعمل دیتے ہوئے سخت تشویش کا اظہار کیا اور کہا تھا کہ پاکستان کی جانب سے شہریوں کے خلاف فوجی عدالتوں میں کیے جانے والے فیصلے بین الاقوامی معاہدوں کی خلاف ورزی ہیں، یورپی یونین نے اپنے بیان پاکستان پر زور دیا تھا کہ وہ اپنے شہریوں کے حقوق کی حفاظت کرے اور ان کے خلاف منصفانہ ٹرائل کی ضمانت دے۔

    ملک کی پانچوں ہائیکورٹس میں ایڈیشنل ججز کی نامزدگیاں طلب

  • خلا میں 140 کھرب سمندروں سے بھی زیادہ بڑا پانی کا ذخیرہ دریافت

    خلا میں 140 کھرب سمندروں سے بھی زیادہ بڑا پانی کا ذخیرہ دریافت

    سائنسدانوں کو کائنات کے ایک دور دراز حصے میں پانی کا ایک بہت بڑا ذخیرہ ملا ہے۔

    باغی ٹی وی: رپورٹ کے مطابق پانی کا یہ ذخیرہ ایک خاص قسم کے ستارے کے گرد چکر لگا رہا ہے جسے کواسر(quasar) کہا جاتا ہے جو 12 بلین نوری سال کی ناقابل یقین حد تک فاصلے پر موجود ہے پانی کا یہ ذخیرہ اس وقت سے خلا میں سفر کر رہا ہے جب کائنات بہت چھوٹی تھی، یہ دور دراز پانی کا ذخیرہ ناقابل یقین حد تک بڑا ہے، جس میں زمین کے تمام سمندروں سے تقریباً 140 کھرب سمندروں سے بھی زیادہ پانی موجود ہے یہ ایک بہت بڑے بلیک ہول کے قریب واقع ہے جو ہمارے سورج سے تقریباً 20 بلین گنا بڑا ہے۔

    ایران کا واٹس ایپ پر پابندی ختم کرنے کا فیصلہ

    سائنسدانوں کے مطابق خلا میں ایک بہت بڑا بلیک ہول اے پی ایم 08279+5255 نامی کواسر سے گھرا ہوا ہے، جو کہ ایک ہزار ٹریلین سورج کے برابر توانائی کی ایک بڑی مقدار جاری کرتا ہےاس کواسر میں پوری کائنات کا سب سے بڑا اور سب سے زیادہ دور معلوم پانی کا ذخیرہ ہے۔

    خلائی تحقیقات کے ادارے ناسا کے سائنسدان بریڈ فورڈ نے کہا کہ اس کواسر کی خاص بات یہ ہے کہ یہ بہت زیادہ مقدار میں پانی بنا رہا ہے اس سے معلوم ہوتا ہے کہ پانی پوری کائنات میں ابتداء سے ہی عام ہے۔

    ہم وزارت تعلیم کی رجسٹریشن کے تحت رہنا چاہتے ہیں، جامعہ بنوریہ عالمیہ

    کواسر پہلی بار 50 سال قبل دریافت کیا گیا تھا، اس وقت طاقتور دوربینوں کی مدد سے خلا کے دور دراز حصوں میں پراسرار روشنی کو دیکھا گیا تھا،تحقیق سے معلوم ہوا کہ وہ چیزیں عام ستارے نہیں تھے وہ ناقابل یقین حد تک روشن ہیں اور بہت دور کہکشاؤں کے مراکز میں پائے جاتے ہیں وہ اس قدر چمکتے ہیں کہ وہ ان کہکشاؤں میں موجود تمام ستاروں کو پیچھے چھوڑ دیتے ہیں، ان کے مرکز میں بڑے بڑے بلیک ہولز موجود ہیں، جو سورج سے لاکھوں یا اربوں گنا زیادہ گرم ہیں جیسے جیسے ان کے ارد گرد گیس اور دھول گھومتی ہے، وہ زیادہ سے زیادہ گرم ہوتے جاتے ہیں، بہت زیادہ توانائی خارج کرتے ہیں۔

    ہم وزارت تعلیم کی رجسٹریشن کے تحت رہنا چاہتے ہیں، جامعہ بنوریہ عالمیہ

  • ایران کا واٹس ایپ پر پابندی ختم کرنے کا فیصلہ

    ایران کا واٹس ایپ پر پابندی ختم کرنے کا فیصلہ

    تہران: ایران کی سائبر اسپیس کونسل نے مقبول ترین میسجنگ ایپلیکیشن واٹس ایپ پر پابندی ختم کرنے کا فیصلہ کرلیا۔

    باغی ٹی وی: ایران کی سرکاری خبر رساں ایجنسی کے مطابق ملک کی سائبر اسپیس کونسل، جو انٹرنیٹ کے تحفظ کی ذمہ دار ہے، نے آج واٹس ایپ پر عائد پابندی ختم کرنے کا فیصلہ کیا ہے سائبر اسپیس کونسل کے ارکان نے متفقہ طور پر واٹس ایپ اور گوگل پلے پر پابندی ختم کرنے کے حق میں ووٹ دیا ، یہ پابندیاں ختم کرنے کے منصوبے کا پہلا قدم ہے۔

    واضح رہے کہ ایران میں واٹس ایپ پر گزشتہ 2 سال سے پابندی عائد ہے،ایران میں پولیس کی حراست میں لڑکی کی ہلاکت کے بعد شروع ہونے والے مظاہروں کے دوران ملک میں انسٹاگرام اور واٹس ایپ کی سروس کو بند کردیا گیا تھا-

    ہم وزارت تعلیم کی رجسٹریشن کے تحت رہنا چاہتے ہیں، جامعہ بنوریہ عالمیہ

    رپورٹس میں کہا گیا تھا کہ ایران میں حکومت نے شہریوں کی انٹرنیٹ تک رسائی کو اس لیے روکا ہے تاکہ مظاہرین ملک میں جاری مظاہروں کی ویڈیوز اور تصاویر شیئر کرکے دیگر لوگوں کی حمایت حاصل نہ کرسکیں اور ناہی میڈیا کو ملک میں جاری بدامنی اور ہنگامی صورتحال سے متعلق قابل اعتماد رپورٹس مل سکیں،جبکہ ایران کے وزیر مواصلات نے کہا تھا کہ خبر رساں اداروں نے ملک میں انٹرنیٹ سروس کو بلاک کرنے کے حوالے سے ان کے بیان کو غلط انداز سے پیش کیا۔

    نجی کمپنی کی تیل لائن سے اربوں کی چوری میں ٹی ٹی پی کے ملوث ہونے کا انکشاف

  • ہم وزارت تعلیم کی رجسٹریشن کے تحت رہنا چاہتے ہیں، جامعہ بنوریہ عالمیہ

    ہم وزارت تعلیم کی رجسٹریشن کے تحت رہنا چاہتے ہیں، جامعہ بنوریہ عالمیہ

    کراچی: جامعہ بنوریہ عالمیہ کے نائب مہتمم شیخ فرحان نعیم نے کہا ہے کہ ہم وزارت تعلیم کی رجسٹریشن کے تحت رہنا چاہتے ہیں۔

    باغی ٹی وی: کراچی میں پریس کانفرنس کرتے ہوئے مفتی فرحان نعیم نے کہا کہ پرویز مشرف کے دور میں غیر ملکی طلبہ کے ویزوں پر پابندی عائد کی گئی تھی جس سے بے شمار مشکلات کا سامنا کرنا پڑا، مفتی نعیم کی کوششوں سے 2019 میں تمام مکاتب فکر کے اکابر علما کا وفاقی وزارت تعلیم سے معاہدہ ہوا جس کے تحت مدارس کی رجسٹریشن کا عمل شروع ہوا اور طلبہ کے مسائل حل ہوئے۔

    مفتی فرحان نعیم نے کہا کہ حکومت پاکستان اور متعلقہ اداروں نے سنجیدگی سے مسائل کا حل نکالا جس سے مدارس کا عالمی وقار بلند ہوا اور پاکستان کی مذہبی و تعلیمی حیثیت مزید مستحکم ہوئی، ہماری جامعہ کے مسائل وازت تعلیم سے حل ہوئے لہٰذا ہم اسی رجسٹریشن کے تحت رہنا چاہتے ہیں تاکہ معاملات اسی طرح چلتے رہیں۔

    دن رات کام کرنے سے ہی قومیں ترقی کرتی ہیں، وزیراعظم

    مفتی فرحان نعیم نے کہا کہ ہمارا روز اوّل سے یہی موقف ہے کہ سب ہمارے لیے قابل احترام و اعتماد ہیں، مدارس اپنی ضروریات کے مطابق وزارت تعلیم یا سوسائٹی ایکٹ کے تحت رجسٹریشن کراسکتے ہیں، مولانا فضل الرحمان اور مفتی تقی عثمانی ہمارے بڑے ہیں، یہ دور اندیشی کا فیصلہ کرتے ہیں، ہمارے مسائل سے یہ دونوں واقف ہیں، مولانا فضل الرحمان غلط کیسے ہوسکتے ہیں، اگر مولانا فضل الرحمان سوسائٹی ایکٹ میں رہنا چاہتے ہیں تو کوئی مسئلہ نہیں ہے، ہم وزارت تعلیم کے بغیرنہیں چل سکتے حکومت اس پر کام کررہی ہے جو وزرات تعلیم میں رہنا چاہتے ہیں وہ رہیں جو سوسائٹی ایکٹ میں رہنا چاہتے ہیں وہ رہیں۔

    نجی کمپنی کی تیل لائن سے اربوں کی چوری میں ٹی ٹی پی کے ملوث ہونے کا انکشاف

  • دن رات کام کرنے سے ہی قومیں ترقی کرتی ہیں، وزیراعظم

    دن رات کام کرنے سے ہی قومیں ترقی کرتی ہیں، وزیراعظم

    اسلام آباد: وزیراعظم شہباز شریف نے اسلام آباد میں جناح ایونیو انٹرچینج انڈر پاس کا افتتاح کر دیا-

    باغی ٹی وی : اسلام آباد میں جناح ایونیو انٹرچینج انڈرپاس کی افتتاحی تقریب ہوئی، وزیراعظم، وزیرداخلہ محسن نقوی، وزیراطلاعات عطاتارڑ سمیت دیگر وزرا کے ساتھ تقریب میں شریک ہوئے، کیپٹیل ڈیولپمنٹ اتھارٹی (سی ڈی اے) کے چیئرمین نے وزیر اعظم کو جناح ایونیو انٹرچینج کے حوالے سے بریفنگ دی جس میں بتایا گیا کہ جناح ایونیو انٹرچینج منصوبے میں سیفٹی اور سیکیورٹی کو یقینی بنایا گیاجناح ایونیو انٹرچینج منصوبے کےپہلے مرحلے میں 950 میٹر انڈر پاس مکمل کیا گیا-
    pmln

    فصلوں سے لکڑیاں کیوں اٹھائیں، زمیندار نے خاتون پر پالتو کتے چھوڑ دیئے

    افتتاحی تقریب سے خطاب کرتے ہوئے وزیر اعظم شہباز شریف کا کہنا تھا کہ آج سے 42 دن پہلے اس منصوبے کا سنگ بنیاد رکھا گیا تھا، 42 دن کی ریکارڈ مدت میں منصوبے کو مکمل کیا گیا، دن رات کام کرنے سے ہی قومیں ترقی کرتی ہیں، چیئرمین سی ڈی اے، ان کی ٹیم اور کنٹریکٹرز کو بھی مبارکباد پیش کرتا ہوں۔

    نجی کمپنی کی تیل لائن سے اربوں کی چوری میں ٹی ٹی پی کے ملوث ہونے کا انکشاف

    وزیراعطم نے کہا کہ فلائی اوور مکمل ہونے سے اسلام آباد اور راولپنڈی کے ٹریفک مسائل حل ہوں گے، سرینا چوک منصوبے پر بھی کام ہورہا ہے، یقین ہے اسی برق رفتاری سے سرینا چوک منصوبہ بھی مکمل ہوگا، اسلام آباد ٹریفک پولیس نے تعمیر کے دوران ٹریفک کا ماحول برقراررکھا، محسن نقوی اور ٹیم نے دن رات محنت کی، محسن نقوی راتوں کو بھی منصوبے کا دورہ کر کے کام کا جائزہ لیتے رہے، انشا اللہ اسی رفتار سے ترقی کا سفر جاری رہے گا، پاکستان کی ترقی اور خوشحالی آگے لے کر جائیں گے۔

    pmln

    ملک کی پانچوں ہائیکورٹس میں ایڈیشنل ججز کی نامزدگیاں طلب

    وزیرداخلہ محسن نقوی نے تقریب سے خطاب کرتے ہوئے کہا کہ سی ڈی اے کی ٹیم نے دن رات محنت کی، ایک ہزار 8 گھنٹوں میں منصوبے کو مکمل کیا, جناح ایونیو انٹرچینج انڈر پاس منصوبے کو 42دنوں میں مکمل کیا گیا، جتنی بھی محنت کر لیں مگر وزیراعظم صاحب آپ کا مقابلہ تو نہیں کر سکتے۔

    پاکستان اسٹاک ایکسچینج میں آج کاروبار کا منفی دن رہا،سونا اور ڈالر سستا

    محسن نقوی نے کہا کہ ہم مارچ تک اسلام آباد کے لوگوں کیلئے نرسری بنائیں گے،نرسری میں معیاری پھول اور درخت ملیں گے، وزیراعظم کی ہدایت ہے کہ اسلام آباد میں فائیو اسٹار ہوٹل بنائے جائیں، 10دن میں فائیو اسٹار ہوٹل کا پلان بنا کر وزیراعظم کو دیں گے، ایف 10چوک پر بھی ہم کام کررہے ہیں، سرینا چوک کا انڈر پاس ہم 60دن میں مکمل کریں گے،ہم قذافی اسٹیڈیم اپ گریڈیشن 75دن میں مکمل کررہے ہیں۔

  • نجی کمپنی کی تیل لائن سے اربوں کی چوری میں ٹی ٹی پی کے ملوث ہونے کا انکشاف

    نجی کمپنی کی تیل لائن سے اربوں کی چوری میں ٹی ٹی پی کے ملوث ہونے کا انکشاف

    کراچی: سندھ میں نجی کمپنی کی تیل لائن سے اربوں روپے تیل کی چوری میں کالعدم تحریک طالبان (ٹی ٹی پی) کے ملوث ہونے کا انکشاف ہوا ہے۔

    باغی ٹی وی: سی ٹی ڈی حکام کے مطابق سندھ میں پارکو لائن سے اربوں روپے تیل کی چوری کا انکشاف ہوا ہے اور سی ٹی ڈی نے ٹیرر فنانسنگ کا مقدمہ درج کرلیا جبکہ سی ٹی ڈی نے کالعدم تنظیم کیلئے رقم جمع کرنے والےاہم سہولت کار کو گرفتار کرلیا ہے-

    سی ٹی ڈی حکام کے مطابق مرکزی ملزم محمد عثمان کو خفیہ اطلاع پر لسبیلہ سے گرفتار کیا گیا، گرفتار ملزم نجی کمپنی کی لائن سے تیل چوری کرکے فنڈ جمع کرتا تھا،کراچی بھر سے کالعدم تنظیموں کو غیرقانونی کارروبار سے فنڈنگ ہوتی ہے، گزشتہ پانچ سال میں نجی کمپنی کی لائن سے چور ی کے 23 مقدمات درج ہوچکے ہیں۔

    فصلوں سے لکڑیاں کیوں اٹھائیں، زمیندار نے خاتون پر پالتو کتے چھوڑ دیئے

    پاکستان اسٹاک ایکسچینج میں آج کاروبار کا منفی دن رہا،سونا اور ڈالر سستا

    ٹیکس اتھارٹی اور ٹیکس دہندگان کے درمیان اعتماد بحال کریں گے،وزیر خزانہ

  • فصلوں سے لکڑیاں کیوں اٹھائیں، زمیندار نے خاتون پر پالتو کتے چھوڑ دیئے

    فصلوں سے لکڑیاں کیوں اٹھائیں، زمیندار نے خاتون پر پالتو کتے چھوڑ دیئے

    بہاولپور: فصلوں سے لکڑیاں اٹھانے پر مبینہ طور پر زمیندار نے خاتون پر پالتو کتے چھوڑ دیئے۔

    باغی ٹی وی: بہاولپور میں یزمان کے علاقہ چک 128 ڈی این بی میں پالتو کتوں کے حملے سے محنت کش کی بیوی شدید زخمی ہوگئی، خاتون کو تشویشنا ک حالت میں بہاول وکٹوریہ اسپتال منتقل کردیا گیا۔

    متاثرہ خاتون کے شوہر کا کہنا ہےکہ اس کی بیوی گھر میں جلانے کے لیے علاقے سے لکڑیاں اٹھانےگئی تو زمیندار اور اس کے ساتھیوں نے پرانی رنجش کی بنا پر میری بیوی پر کتے چھوڑ دیئے اور شکاری کتوں نے میری بیوی کو بُری طرح نوچ ڈالا –

    ملک کی پانچوں ہائیکورٹس میں ایڈیشنل ججز کی نامزدگیاں طلب

    محنت کش نے اپنی بیوی پر کتوں سے حملہ کرانے والے ملزمان کی فوری گرفتاری اور انصاف کے لیے وزیراعلیٰ پنجاب سے نوٹس لینےکا مطالبہ کیا ہے، جبکہ پولیس نے خاتون پرکتےچھوڑنےکا مقدمہ شوہر کی مدعیت میں مقامی زمیندار کے خلاف درج کرلیا اور ملزمان کی تلاش شروع کردی۔

    پاکستان اسٹاک ایکسچینج میں آج کاروبار کا منفی دن رہا،سونا اور ڈالر سستا

  • ملک کی پانچوں ہائیکورٹس میں ایڈیشنل ججز کی نامزدگیاں طلب

    ملک کی پانچوں ہائیکورٹس میں ایڈیشنل ججز کی نامزدگیاں طلب

    اسلام آباد: جوڈیشل کمیشن نے ملک بھر کی پانچوں ہائیکورٹس میں 38 ایڈیشنل ججز کی نامزدگیاں طلب کر لیں۔

    باغی ٹی وی : تفصیلات کے مطابق جوڈیشل کمیشن کی جانب سے سندھ ہائی کورٹ میں 12 ایڈیشنل ججز کیلئے نامزدگیاں طلب کی گئی ہیں، اسلام آباد ہائی کورٹ میں 4 ایڈیشنل ججز کیلئے نامزدگیاں طلب کی گئیں،اسی طرح لاہور ہائیکورٹ میں 10 ایڈیشنل ججز جبکہ پشاور ہائی کورٹ میں 9 ایڈیشنل ججز کیلئے نامزدگیاں طلب کی گئی ہیں علاوہ ازیں بلوچستان ہائیکورٹ میں 3 ایڈیشنل ججز کیلئے نامزدگیاں طلب کی گئیں۔

    پاکستان اسٹاک ایکسچینج میں آج کاروبار کا منفی دن رہا،سونا اور ڈالر سستا

    دوسری جانب ڈسٹرکٹ اینڈ سیشن کورٹس اسلام آبادمیں موسم سرما کی تعطیلات کا اعلان کر دیاگیا، ڈسٹرکٹ کورٹس میں موسم سرما کی تعطیلات 24دسمبر سے یکم جنوری تک ہوں گی،سردیوں کی چھٹیوں کے دوران ڈیوٹی ججز مرحلہ وار ذمہ داریاں سرانجام دیں گے اور ایمرجنسی نوعیت کے کیسز کی سماعت کریں گے، تعطیلات کے دوران ڈیوٹی سرانجام دینے والے ججز کا روسٹر بھی جاری کردیا گیا۔

    عمران خان نے سول نافرمانی کی کال واپس لینے کا حکومتی مطالبہ مسترد کر دیا

  • پاکستان اسٹاک ایکسچینج میں آج کاروبار کا منفی دن رہا،سونا اور ڈالر سستا

    پاکستان اسٹاک ایکسچینج میں آج کاروبار کا منفی دن رہا،سونا اور ڈالر سستا

    کراچی: پاکستان اسٹاک ایکسچینج میں آج کاروبار کا منفی دن رہا اور 100 انڈیکس میں کمی دیکھی گئی۔

    باغی ٹی وی : آج کاروباری دن کے اختتام پر 100 انڈیکس 1509 پوائنٹس کی کمی کے بعد ایک لاکھ 12 ہزار 414 پوائنٹس پر بند ہوا، آج کاروباری دن میں 100 انڈیکس 2 ہزار 742 پوائنٹس کے بینڈ میں رہا جبکہ انڈیکس کی بلند ترین سطح ایک لاکھ 15 ہزار 36 رہی، بازار میں آج 88 کروڑ شیئرز کے سودے 54 ارب روپے میں طے ہوئے جبکہ مارکیٹ کیپٹلائزیشن 194 ارب روپے کم ہوکر 14 ہزار 251 ارب روپے ہے،جبکہ گزشتہ روز کاروبار کے اختتام پر انڈیکس ایک لاکھ 13 ہزار 925 کی سطح پر بند ہوا تھا۔

    عمران خان نے سول نافرمانی کی کال واپس لینے کا حکومتی مطالبہ مسترد کر دیا

    دوسری جانب ملک بھر میں سونا سستا ہو ا فی تولہ قیمت میں 800 روپے کی کمی ہو ئی،آل پاکستان جیمز اینڈ جیولرز ایسوسی ایشن کے مطابق 800 روپے کی کمی کے بعد سونے کی فی تولہ قیمت 2 لاکھ 72 ہزار 600 روپے ہو گئی ہے،دس گرام سونے کی قیمت میں 685 روپے کی کمی ہوئی ہے جس کے بعد دس گرام سونا 2 لاکھ 33 ہزار 711 روپے کا تولہ ہو گیا ہے، عالمی بازار میں سونے کا بھاؤ 8 ڈالر کم ہوکر 2614 ڈالر فی اونس ہے۔

    اسرائیل میں اتنا دم خم نہیں،وہ حماس کا مقابلہ نہیں کرسکتا،حافظ نعیم

    علاوہ ازیں انٹربینک تبادلہ میں ڈالر کی قدر میں کمی ہوگئی، اسٹیٹ بینک آف پاکستان کے مطابق آج انٹربینک میں ڈالر 278 روپے 47 پیسے پر بند ہوا، انٹربینک میں آج ڈالر 10 پیسے سستا ہوا ہے، انٹربینک میں گزشتہ روز ڈالر 278 روپے 57 پیسے پر بند ہوا تھا۔

    آئی سی سی نے چیمپئنز ٹرافی کے شیڈول کا اعلان کر دیا

  • عمران خان نے سول نافرمانی کی کال واپس لینے کا حکومتی مطالبہ مسترد کر دیا

    عمران خان نے سول نافرمانی کی کال واپس لینے کا حکومتی مطالبہ مسترد کر دیا

    راولپنڈی: پاکستان تحریک انصاف ( پی ٹی آئی) کے بانی چیئرمین عمران خان نے سول نافرمانی کی کال واپس لینے کا حکومتی مطالبہ مسترد کر دیا جبکہ پارٹی کو مذاکرات جاری رکھنے کی ہدایت کی ہے-

    باغی ٹی وی:بشریٰ بی بی خیبرپختونخوا حکومت کے سرکاری پروٹوکول میں اڈیالہ جیل پہنچیں، ان کی سیکیورٹی پر 12 سرکاری اہلکار تعینات تھے جبکہ 2 بلٹ پروف گاڑیاں بھی سرکاری پروٹوکول میں شامل تھیں بشریٰ بی بی بانی پی ٹی آئی سے ملاقات کے بعد جیل سے روانہ ہوگئیں جس کے بعد چئیرمین پی ٹی آئی بیرسٹر گوہر علی خان، سابق صدر سپریم کورٹ بار قاضی انور، وکلاعلی بخاری اور علی اعجاز بٹر اور فیصل چوہدری نے بھی اڈیالہ جیل پہنچ کر عمران خان سے ملاقات کی۔

    اسرائیل میں اتنا دم خم نہیں،وہ حماس کا مقابلہ نہیں کرسکتا،حافظ نعیم

    ذرائع کے مطابق عمران خان نے پارٹی کو حکومت سے مذاکرات جاری رکھنے کی ہدایت کرتے ہوئے سول نافرمانی کی کال واپس لینے کا مطالبہ مسترد کردیا ،کہا کہ جب تک حکومت مذاکرات سے متعلق سنجیدگی نہیں دکھاتی کال واپس نہیں لی جائے گی 9 مئی اور 26 نومبر کے واقعات پر جوڈیشل کمیشن بنایا جائے، حکومت مذاکرات کو لٹکائے گی، مذاکرات کو جلد از جلد پایہ تکمیل کی طرف لے کر جائیں اور سنجیدہ اور بامعنی مذاکرات ہونے چاہییں، سپریم کورٹ کے ججز کے حالیہ ریمارکس حوصلہ افزا ہیں، شکر ہے کہ موجودہ حالات کا سپریم کورٹ کو احساس ہوگیا ہے۔

    ذرائع کے مطابق عمران خان نے حامد رضا کو مذاکراتی کمیٹی کا ترجمان مقرر کرنے کی ہدایت دے دی جبکہ فیصل چوہدری نے حامد رضا کو ترجمان مقرر کرنے کے اطلاعات کی تصدیق کر دی-

    آئی سی سی نے چیمپئنز ٹرافی کے شیڈول کا اعلان کر دیا

    دوسری جانب عمران خان سے ملاقات کے بعد اڈیالہ جیل کے باہر میڈیا سے گفتگو کرتے ہوئے چیئرمین پی ٹی آئی بیرسٹر گوہر نے کہا کہ خان صاحب کو مذاکرات کے آغاز کے بارے میں آگاہ کردیا مگر انھوں نے کہا ہے کہ ٹائم فریم ہونا چاہیئے، جو ہمارے جائز مطالبات ہیں ان پر جلد از جلد مگر ایک مقررہ وقت کے اندر کوئی پیش رفت ہونی چاہیئے۔

    بیرسٹر گوہر نے کہا کہ عمران خان سے کوئی بین الاقوامی معاملہ ڈسکس نہیں ہوا، خان صاحب کی ہدایت ہے کہ فارن پالیسی کے معاملات پر چیئرمین، سیکرٹری اور انفارمیشن سیکرٹری کے سوا کوئی بات نہیں کرے گا، سول نافرمانی کی تحریک پر کوئی بات نہیں ہوئی صرف مذاکرات پر بات ہوئی۔

    بلاول بھٹو زرداری کی آئی بی اے یونیورسٹی سکھر کے 11ویں کانووکیشن میں شرکت

    چیئرمین پی ٹی آئی کا مزید کہنا تھا کہ ہمارے 4 لوگ کل مذاکراتی عمل کا حصہ نہیں بن سکے جس کا اسپیکر قومی اسمبلی کو پہلے سے بتا دیا تھا، مذاکرات کے اگلے دور میں چارٹر آف ڈیمانڈ حکومت کے آگے رکھیں گے اور اس پر آگے بڑھیں گے، کوشش ہے کہ مذاکرات کے باقاعدہ آغاز سے قبل مذاکراتی کمیٹی کی عمران خان سے ملاقات ہوجائے، علی امین اپیکس کمیٹی میں شرکت کے باعث مذاکراتی عمل کا حصہ نہیں بن سکیں۔

    ہمیں نئی نسل کے ڈیجیٹل حقوق کے لئے جدو جہد کرنا ہو گی،بلاول بھٹو

    انہوں نے کہا کہ کمیٹی بانی پی ٹی آئی عمران خان نے بنائی ہے مجھ سمیت بہت سارے لوگ اس میں شامل نہیں، ہم مذاکرات کے عمل پر پُرامید ہیں، کوشش کرنی چاہیے کہ سارے مسائل کا حل ضرور نکل آئے، بانی پی ٹی آئی پر جتنے مقدمات بنے وہ سارے سیاسی ہیں، ان سب میں ان کی ضمانت ہوچکی ہے ایک ہی ریفرنس بچاتھا جس کا فیصلہ آئندہ ماہ ہونا ہے ہمیں امید ہے کہ اگر فیئر ٹرائل ہوگا تو عمران خان اس میں بھی بری ہوں گے اور ضمانت بھی ملے گی، 2 جنوری کو ہمارے تمام کمیٹی ممبران مذاکرات کا حصہ ہوں گے، ہم تحریری طور پر اپنے مطالبات حکومت کے سامنے رکھیں گے۔

    واضح رہے کہ گزشتہ روز حکومتی ٹیم سے مذاکرات کے پہلے دور میں پی ٹی آئی کی مذاکراتی ٹیم نے عمران خان سے ملاقات کرانے کا مطالبہ کیا تھا۔