Author: Ayesha Rehmani

واشنگٹن: امریکا میں ری پبلکن پارٹی کے صدارتی امیدوار ڈونلڈ ٹرمپ نے کہا کہ اگر وہ نومبر میں صدارتی الیکشن ہار گئے تو وہ دوبارہ نہیں لڑیں گے۔

باغی ٹی وی : میڈیا رپورٹس کے مطابق ڈونلڈ ٹرمپ اپنی ری پبلکن پارٹی کی جانب سے مسلسل تیسری مرتبہ صدارتی انتخابات میں حصہ لے رہے ہیں اور ممکنہ طور پر یہ ان کے آخری انتخابات ہوں گے۔

میڈیا سے گفتگو کے دوران ڈونلڈ ٹرمپ کا کہنا تھا کہ مباحثے کے لیے اب بہت دیر ہوچکی ہے، ووٹنگ شروع ہے، وہ نومبر میں ہونے والے امریکا کے صدارتی انتخابات بھاری اکثریت سے جیت جائیں گے، اگر وہ کملا ہیرس سے ہار گئے تو یہ ان کے آخری انتخابات ہوں گے تاہم انہیں امید ہے کہ وہ 5 نومبر کو ہونے والے انتخابات میں کامیاب ہو جائیں گے۔

واضح رہے کہ امریکا میں صدارتی انتخابات 5نومبر کو ہوں گے، انتخابات سے قبل ہونے والے مقبولیت کے سرویز میں موجودہ امریکی نائب صدر اور ڈیموکریٹک پارٹی کی صدارتی امیدوار کملا ہیرس اور ڈونلڈ ٹرمپ میں سخت مقابلے کا امکان ہے،موجودہ امریکی صدر جوبائیڈن کی جانب سے صدارتی دوڑ سے باہر ہونے کے بعد ڈیموکریٹک پارٹی کی حمایت میں اضافہ دیکھا گیا ہے۔

شمالی کیرولائنا میں ریلی سے خطاب کے دوران کملاہیرس نے کہا تھا امریکی ووٹرز چاہتے ہیں کہ ٹرمپ کے ساتھ ایک اور مباحثہ ہو۔ دوسری جانب سابق امریکی صدر ڈونلڈ ٹرمپ نے کملاہیرس کے ساتھ ایک اور مباحثہ کرنے سے انکار کردیا تھا ٹرمپ نے کہاتھا کہ کملاہیرس کے ساتھ ایک اور مباحثے میں حصہ نہیں لوں گا، ایک مباحثہ جون میں بائیڈن دوسرا کملاہیرس کے ساتھ ہوا،اب پانچ نومبر سے پہلے کوئی تیسرا مباحثہ نہیں ہوگا۔

تہران:ایرانی رکن پارلیمنٹ نے دعویٰ کیا ہے کہ رواں برس مئی میں ایران کے سابق صدر ابراہیم رئیسی کا ہیلی کاپٹر پیجر پھٹنے سے کریش ہوگیا تھا۔

باغی ٹی وی: واضح رہے کہ مئی کے وسط میں مشرقی آذر بائیجان صوبے میں ایرانی صدرابراہیم رئیسی کے ہیلی کاپٹر کو حادثہ پیش آیا تھا جس میں ابراہیم رئیسی، وزیر خارجہ امیر عبداللہیان، مشرقی آذر بائیجان کے گورنر مالک رحمتی، تبریز کے امام سید محمد الہاشم، صدر کے سیکیورٹی یونٹ کے کمانڈر سردار سید مہدی موسوی سمیت بارڈی گارڈ اور ہیلی کاپٹر عملہ جاں بحق ہوگئے تھےبعدازاں ایرانی حکام نے تحقیقات کے بعد تصدیق کی تھی کہ ایرانی صدر کے ہیلی کاپٹر کو کسی نے نشانہ نہیں بنایا بلکہ وہ موسم کی خرابی کے باعث حادثے کا شکار ہوا۔

ہائے کیا لوگ مرے حلقہ احباب میں تھے

اب اس معاملے پر ایرانی رکن پارلیمنٹ احمد بخشائیش اردستانی ایرانی خبر رساں اداروں کو بتایا کہ ہیلی کاپٹر حادثے میں ایران کے صدرابراہیم رئیسی کی ہلاکت میں ایک ممکنہ وجہ ان کا پیجر کا دھماکہ بھی ہوسکتا ہے سابق ایرانی صدر رئیسی ایک پیجر استعمال کرتے تھے، اگرچہ ان کے پیجر کی قسم حزب اللہ کے زیر استعمال پیجرسے مختلف ہوسکتی ہے تاہم، ہیلی کاپٹر کے حادثے میں پیجر دھماکہ نظر انداز نہیں کیا جاسکتا۔

کمیونسٹ نظریے کے حامی انورا کمارا سری لنکا کے نئے صدر منتخب

انہوں نے کہا کہ ایران نے پیجرز کی خریداری میں کردار ادا کیا،ایرانی افواج نے یقینی طور پر حزب اللہ کے پیجرز کی خریداری میں کردار ادا کیا ہے اور اس لیے ہماری اپنی انٹیلی جنس ایجنسیوں کو بھی اس معاملے کی تحقیقات کرنی چاہئیں“۔

ایرانی رکن پارلیمنٹ احمد بخشائیش اردستانی کا بیان ایسے وقت پر سامنے آیا ہے جب اسرائیل نے لبنان میں حزب اللہ کے کمیونیکشن نیٹ ورک کو ہائی جیک کرکے ان کے زیر استعمال پیجر کو دھماکے سے اڑا دیا جس کے نتیجے میں بچوں اور خواتین سمیت 11 افراد جاں بحق اور ڈھائی ہزار سے زائد لوگ زخمی ہوگئے تھے۔

امریکا کااسرائیل اور لبنان کے درمیان سرحدی کشیدگی میں اضافے پر تشویش کا اظہار

ڈھاکا: کمیونسٹ نظریے کے حامی انورا کمارا ڈسانائیکے سری لنکا کے نئے صدر منتخب ہوگئے۔

باغی ٹی وی : سری لنکا کے صدارتی الیکشن میں کمیونسٹ نظریے پر یقین رکھنے والے انوورا کمارا نے کامیابی حاصل کرلی، انہوں نے 10 لاکھ ووٹوں میں سے تقریباً 53 فیصد ووٹ حاصل کیے،انورا کمارا نے انتخابات میں اپنے مدمقابل اپوزیشن رہنما ساجیت پریما داسا کو شکست دی۔

انتخابات میں فتح کے بعد انورا کمارا کا کہنا تھا ترقی و استحکام کے ہمارے خواب نئی شروعات سے پورے ہوں گے اور سنہالیوں، تاملوں، مسلمانوں اور تمام سری لنکن شہریوں کا اتحاد ہی نئی شروعات کی بنیاد ہے۔

واضح رہے کہ سری لنکا میں 2022 کے بدترین معاشی بحران کے بعد پہلے صدارتی انتخابات گزشتہ روز ہوئے تھے۔

پاکستان میں آئی پی پیز کا کردار،ہوشربا انکشافات منظرعام پر آگئے

صدر مملکت آصف زرداری کی مبارکباد
صدر مملکت آصف زرداری نے سری لنکا کے نومنتخب صدر انورا کمارا کو کامیابی پر مبارکباد پیش کی ہے ، انہوں نے کہا پاکستان سری لنکا کے ساتھ اپنے تعلقات کو بہت اہمیت دیتا ہے، دونوں ممالک باہمی دلچسپی کے مختلف شعبوں میں بہترین تعاون کرتے آئے ہیں،صدر انورا کمارا کی قیادت میں دونوں ممالک کے درمیان دوطرفہ تعلقات مزید مضبوط ہوں گےانہوں نے سری لنکا کی قیادت، عوام کے لیے مسلسل خوشحالی کی خواہش کا اظہار کیا۔

وزیراعظم شہباز شریف کی مبارکباد
دوسری جانب وزیراعظم شہبازشریف نے بھی سری لنکا کے نومنتخب صدر کو مبارکباد دی اور ان کا کہنا تھا کہ پاکستان سری لنکا تعلقات مزید مضبوط بنانے اور مل کر کام کرنے کے خواہاں ہیں۔

لیہ: تیز رفتار بس کی ٹریکٹر ٹرالی کوٹکر، 3 افراد جاں بحق، 15 زخمی

واشنگٹن:امریکا نے اسرائیل اور لبنان کے درمیان سرحدی کشیدگی میں اضافے پر تشویش کا اظہار کیا ہے-

باغی ٹی وی : امریکی نیشنل سکیورٹی کے ترجمان جان کربی نے کہا کہ اسرائیل پر واضح کرچکے ہیں کہ ہم نہیں سمجھتے کہ خطے میں فوجی کشیدگی میں اضافہ کسی بھی طرح اسرائیل کے حق میں بہتر ثابت ہو سکتا ہے اسرائیلی وزیراعظم کہتے ہیں کہ شمالی اسرائیلی علاقوں میں یہودی آبادکاروں کی واپسی تک آپریشن جاری رہے گا تاہم انہیں بتانا چاہتے ہیں کہ نیتن یاہو جن لوگوں کو واپس ان علاقوں میں لانا چاہتے ہیں کشیدگی میں اضافہ ان کے حق میں بھی بہتر نہیں ہو سکتا۔

کربی نے کہا لبنان اور اسرائیل کے درمیان کشیدگی کی صورتحال چند روز قبل کے مقابلے میں اس وقت بہت ہی خراب ہو چکی ہے، لیکن ہمیں اب بھی یقین ہے کہ اس صورتحال کے باوجود بھی مسائل کے سفارتی حل کیلئے وقت اور مواقع ضرور موجود ہوں گے اور ہم اسی پر کام کر رہے ہیں، اسرائیل سمیت خطے میں تنازعے اور کشیدگی میں اضافے کیلئے کوشاں ہیں۔

واضح رہے کہ گزشتہ ہفتے کے دوران اسرائیل اور لبنانی مزاحمتی تنظیم حزب اللہ کے درمیان کشیدگی میں اضافہ ہو گیا ہے، جمعے کے روز بیروت پر اسرائیلی حملے کے نتیجے میں 45 افراد جاں بحق ہوگئے تھے جبکہ اس سے قبل کمیونیکیشن ڈیوائسز میں دھماکوں کے نتیجے میں لبنانی مزاحمتی تنظیم حزب اللہ کے اراکین سمیت 39 سویلینز جاں بحق جبکہ 4 ہزار سے زائد زخمی ہوگئے تھے۔

عالمی شہرت یافتہ فٹ بال اسٹار کرسٹیانو رونالڈو کی ایک ویڈیو سوشل میڈیا کے مختلف پلیٹ فارمز پر وائرل ہو رہی ہے جس میں کھلاڑی سے متعلق دعویٰ ظاہر کیا جا رہا ہے کہ قرآن کی تلاوت کرنے والے کرسٹیانو رونالڈو ہیں،تاہم اب اس کی حقیقت سامنے آ گئی ہے-

باغی ٹی وی : سٹار فٹبال سے منسوب مذکورہ ویڈیو کو فیسبک، انسٹاگرام اور دیگر سوشل پلیٹ فارمز پر صارفین کی بڑی تعداد شئیر کر رہی ہے اور کیپشن میں لکھ رہی ہے کہ کرسٹیانو رونالڈو مسجد میں بیٹھ کر قرآن کی تلاوت کر رہے ہیں،پوسٹ کے کیپشن میں لکھا گیا کہ ’قرآن مجید کی تلاوت کرنے والا شخص کوئی اور نہیں بلکہ کرسٹیانو رونالڈو ہے۔‘

تاہم اب ویڈیو کی حقیقت سامنے آئی تو معلوم ہوا کہ ویڈیو میں دکھائی دینے والا شخص رونالڈو کا ہمشکل ہے جس کا نام ’بیور عبداللہ‘ بتایا گیا ہے،عبداللہ کی جانب سے اپنی قرآن مجید پڑھنے کی ویڈیو ٹِک ٹاک پر شیئر کی گئی تھی جو دیکھتے ہی دیکھتے وائرل ہوگئی۔

تونسہ: 10 کروڑ روپے سے زائد مالیت کا نایاب نسل کا عقاب برآمد ،ملزم …

عبداللہ کی رونالڈو سےبہت زیادہ ممثلت کی وجہ سے انہیں اتنی پزیرائی ملی کہ ان کے ٹِک ٹاک اکاؤنٹ پر 1.7 ملین سے زائد فالوورز ہو گئے کرسٹیانو رونالڈو کی طرح دکھنے والے بیور عبداللہ کی جانب سے فیس بُک پر شیئر کی گئی معلومات کے مطابق وہ عراق چھوڑ کر 2019 میں برطانیہ گئے اور وہاں ملازمت میں لگ گئے،ان کی وائرل ویڈیو بھی 3 سال پرانی ہے جو دوبارہ سوشل میڈیا کی زینت بن رہی ہے۔

حزب اللہ کا جوابی وار،اسرائیل پر میزائل حملے،فوجی اڈہ نشانہ،یہودی چھپنے پر مجبور