Baaghi TV

Author: Ayesha Rehmani

  • اسلام آباد بلدیاتی انتخابات کا معاملہ، سیکریٹری داخلہ، الیکشن کمیشن اور چیف کمشنر سے رپورٹ طلب

    اسلام آباد بلدیاتی انتخابات کا معاملہ، سیکریٹری داخلہ، الیکشن کمیشن اور چیف کمشنر سے رپورٹ طلب

    اسلام آباد ہائیکورٹ نے وفاقی دارلحکومت میں بلدیاتی انتخابات نا کرانے کیخلاف درخواست کا تحریری حکم نامہ جاری کردیا-

    جسٹس ارباب محمد طاہر نے 4صفحات پر مشتمل تحریری حکم نامہ جاری کیا جس میں اسلام آباد ہائیکورٹ نے حکمنامےمیں حکومت سے جواب طلب کیا کہ بلدیاتی انتخابات کیوں نہیں کرائے گئے؟ اسلام آباد ہائیکورٹ نے سیکریٹری داخلہ، چیف کمشنر اور الیکشن کمیشن سے رپورٹ طلب کرلی کہا کہ سیکریٹری داخلہ، الیکشن کمیشن اور چیف کمشنر دو ہفتوں میں رپورٹ جمع کروائیں-

    تحریری حکمنامے میں کہا کہ وفاقی حکومت کیوں اسلام آباد کے بلدیاتی انتخابات کرانے سے گریزاں ہے؟اسلام آباد ہائیکورٹ کے سنگل بنچ نے 31 دسمبر کو بلدیاتی انتخابات کا حکم دیا، اسلام آباد ہائیکورٹ کے ڈویژن بینچ نے بھی 120 دن میں بلدیاتی انتخابات کا حکم دیا، ڈویژن بینچ کے 2 مارچ 2023 کے حکم پر بھی تاحال عمل درآمد نہ ہو سکا-

    حماس کے ایک ہزار سے زائد ممبران ترکیہ کے اسپتالوں میں زیر علاج ہیں،ترک …

    عدالت نے کہا کہ ذبح خانے کیس میں ایڈمنسٹریٹر اسلام آباد کی تعیناتی کے اختیارات پر سوال اٹھایا گیا، قانون کے مطابق ایڈمنسٹریٹر میونسپل کارپوریشن کا تقرر 6ماہ کیلئے کیا جا سکتا ہے،ایڈمنسٹریٹر میونسپل کارپوریشن آئندہ سماعت تحریری رپورٹ جمع کروائیں، ایڈمنسٹریٹر بتائیں کہ کیا پارلیمنٹ نے لوکل گورنمنٹ ایکٹ کے تحت ان کی مدت میں توسیع کی؟ کیس کی آئندہ سماعت 29 مئی کو مقرر کی جاتی ہے-

    سلمان خان کے گھر کے باہر فائرنگ کے کیس میں ملوث چھٹا ملزم بھی گرفتار

  • سونالی بیندرے نے سابق فاسٹ بولر شعیب اختر کے وائرل بیان پر ردعمل دیدیا

    سونالی بیندرے نے سابق فاسٹ بولر شعیب اختر کے وائرل بیان پر ردعمل دیدیا

    ممبئی: بالی ووڈ اداکارہ سونالی بیندرے اور سابق پاکستانی کرکٹر شعیب اختر کا نام ایک بار پھر بھارتی سوشل میڈیا پر گردش کرنے لگا۔

    ایک انٹرویو میں سونالی بیندرے سے سوال ہوا کہ کیا شعیب اختر ان کو پسند کرتے تھے؟ اس پر سونالی نے جواب دیا کہ اس بارے میں صحیح سے علم نہیں،جعلی خبریں پہلے بھی ہوتی تھیں اور اب بھی ہیں،میزبان نے کہا کہ شعیب اختر نے مذاق میں یہ بھی کہا تھا کہ میں سونالی کو پروپوز کروں گا اگر وہ نہیں مانیں گی تو اغوا کرلیں گے، اس بیان کے بعد گوگل پر بھی آپ دونوں کا نام ساتھ دیکھا گیا تو آپ اس حوالے سے کیا کہیں گی؟ اس پر سونالی بیندرے قہقہہ لگاتے ہوئے کہا کہ میں نہیں جانتی کہ انہوں نے واقعی ایسا کہا تھا۔

    سونالی بیندرے کا جواب سُن کر میزبان نے کہا کہ شعیب اختر نے مذاق میں ایسا کہا تھا، وہ یہ کہنا چاہ رہے تھے کہ آپ اُنہیں بہت پسند ہیں اور وہ آپ کے مداح ہیں،جس پر سونالی بیندرے نے کہا کہ اگر شعیب اختر نے مذاق میں یہ سب کہا ہے تو اچھی بات ہے کیونکہ سب کی محبت سے ہی تو میرا کیریئر بنا ہے۔

    پاکستان اورامریکا دہشتگرد گروپوں کے خاتمے کیلئے کی جانے والی کوششوں پر متفق

    اداکارہ نے یہ بھی بتایا کہ انہیں کرکٹ پسند نہیں ہے۔ البتہ ان کے شوہر گولڈی بہل اور بیٹے رنویر اس گیم کو دیکھنے سے لطف اندوز ہوتے ہیں تاہم اداکارہ نے انکشاف کیا کہ انہیں کرکٹ اسٹیڈیم جانا اور آئی پی ایل کے میچ دیکھنا پسند نہیں ہے، کیونکہ انہیں یہ تکلیف دہ اور شور محسوس ہوتا ہے۔

    سلمان خان کے گھر کے باہر فائرنگ کے کیس میں ملوث چھٹا ملزم بھی گرفتار

    واضح رہے کہ شعیب اختر نے گزشتہ سال اپنے یوٹیوب چینل کے وی لاگ میں اپنی اور سونالی بیندرے سے متعلق تمام افواہوں کی تردید کی تھی، اُن کا کہنا تھا کہ وہ کبھی سونالی بیندرے سے ملے ہی نہیں اور نہ ہی وہ اُن کے مداح ہیں بھارتی میڈیا کے بڑے بڑے چینلز اور اخبار اُن کے خلاف جھوٹی خبریں چلا رہے ہیں، اُنہوں نے کبھی سونالی بیندرے کو پروپوز کرنے سے متعلق کوئی بیان نہیں دیا،وہ کینسر سے جنگ لڑنے پر سونالی بیندرے کو داد دیتے ہیں کیونکہ ایک خاتون کے لیے اتنی بڑی جنگ لڑنا آسان نہیں ہوتا۔

    حماس کے ایک ہزار سے زائد ممبران ترکیہ کے اسپتالوں میں زیر علاج ہیں،ترک …

  • انگلینڈ کے خلاف اچھی کرکٹ دیکھنے کو ملے گی،بابر اعظم

    انگلینڈ کے خلاف اچھی کرکٹ دیکھنے کو ملے گی،بابر اعظم

    لاہور: قومی ٹیم کے کپتان بابر اعظم نے کہا ہے کہ آئرلینڈ کے خلاف سیریز میں پہلے میچ کے بعد ٹیم کی بیٹنگ میں کافی بہتری آئی، انفرادی کارکردگی میں رضوان اور فخر نمایاں رہے۔

    قومی ٹیم کے کپتان بابر اعظم نے کہا ہے کہ آئرلینڈ کے خلاف سیریز سے کارکردگی میں بہتری آئی، پہلے میچ کے بعد ٹیم کی بیٹنگ میں کافی بہتری آئی، انفرادی کارکردگی میں رضوان اور فخر نمایاں رہے،لوئر آرڈر میں افتخار اور اعظم خان کی بیٹنگ خوش آئند ہے، آنے والی سیریز میں بھی آپ کو مثبت ارادے نظر آئیں گے،باؤلنگ میں پہلے میچ کے بعد سینئر باؤلرز نے ذمہ داری لی، عماد وسیم مشکل صورتحال میں بہت اچھی باؤلنگ کر رہے ہیں جو بھی پلان ہے اس پر اب عمل درآمد ہو رہا ہے،کوشش ہوگی کہ انگلینڈ کے خلاف اسی مومینٹم کو برقرار رکھیں،انگلینڈ کے خلاف اچھی کرکٹ دیکھنے کو ملے گی،

    واضح رہے کہ پاکستان نے آئر لینڈ کے خلاف سیریز ایک دو سے جیتی ہے، پہلے میچ میں پاکستان کو شکست کا سامنا کرنا پڑا تھا –

  • افغان فضائیہ کا ہیلی کاپٹر گر کر تباہ ،ایک شخص ہلاک ، 12زخمی

    افغان فضائیہ کا ہیلی کاپٹر گر کر تباہ ،ایک شخص ہلاک ، 12زخمی

    کابل: افغان صوبے غور میں افغان فضائیہ کا ہیلی کاپٹر گر کر تباہ ہو گیا۔

    باغی ٹی وی: افغان وزارت دفاع کا کہنا ہے کہ ہیلی کاپٹر حادثے میں ایک شخص ہلاک جبکہ 12زخمی ہوئے،ترجمان کا کہنا ہے کہ ہیلی کاپٹر تکنیکی خرابی کے سبب ایمرجنسی لینڈنگ کے دوران گرا،ہیلی کاپٹر ریسکیو آپریشن میں مصروف تھا، حادثے کی تحقیقات کی جارہی ہیں۔

    روئٹرز کے مطابق افغانستان کی طالبان کے زیرانتظام وزارت قومی دفاع نے ایک بیان میں کہا کہ ایم آئی 17 طیارے کو "تکنیکی مسائل” کا سامنا کرنا پڑا جب اس نے وسطی صوبہ غور میں دریا میں گرنے والے لوگوں کی لاشیں نکالنے کی کوشش کی 2021 میں امریکی زیرقیادت غیر ملکی افواج کے انخلا کے بعد اور اس کے گرنے والی ریپبلکن حکومت کی افواج سے متعدد طیارے وراثت میں ملے۔

    حماس کے ایک ہزار سے زائد ممبران ترکیہ کے اسپتالوں میں زیر علاج ہیں،ترک …

    یہ واضح نہیں ہے کہ طالبان کتنے طیارے اور کس قسم کی مرمت کرنے میں کامیاب ہوئے ہیں، لیکن روسی ایم آئی 17 یوٹیلیٹی ہیلی کاپٹر اکثر امدادی کارروائیوں میں استعمال ہوتے رہے ہیں ، بشمول حالیہ سیلاب جس میں ملک کے شمال مغربی حصے میں سینکڑوں افراد ہلاک ہوئے تھے۔

    پاکستان اورامریکا دہشتگرد گروپوں کے خاتمے کیلئے کی جانے والی کوششوں پر متفق

  • آئندہ بجٹ میں تاجر دوست ایپ میں شامل نہ ہونیوالوں کیخلاف کارروائی کا فیصلہ

    آئندہ بجٹ میں تاجر دوست ایپ میں شامل نہ ہونیوالوں کیخلاف کارروائی کا فیصلہ

    اسلام آباد: ایف بی آر نے آئندہ بجٹ میں نان فائلرزپرٹیکس بڑھانےکامنصوبہ بنالیا –

    ایف بی آر ذرائع کے مطابق تاجردوست ایپ میں شامل نہ ہونےپرنوٹس بھیجےجائیں گے، آئندہ بجٹ میں تاجردوست ایپ رجسٹرڈنہ ہونےپرجرمانےعائد کرنےتجاویزشامل ہیں غیررجسٹرڈ کاروبارکیخلاف انکم ٹیکس آرڈیننس سیکشن 182 کےتحت کارروائی ہوگی، تاجردوست ایپ غیررجسٹرڈ کاروبارپر10ہزار روپے جرمانہ عائد ہوسکتا ہے، نان فائلرز کے بینکوں سے کیش نکلوانے پرمزید ٹیکس لگانے کا پلان بھی زیر غور ہے۔

    ذرائع کے مطابق نان فائلرزکے بینکوں سے50 ہزارروپے زائد رقم نکالنے پر0.6 فیصد ایڈوانس ٹیکس عائد ہوگا، جبکہ آیندہ بجٹ میں کیش نکالنے پر ٹیکس کی شرح 0.9 فیصد کرنے کی تجویز ہے،ایڈوانس ٹیکس کی مد میں مزید15ارب روپے سے زائد جمع کرنے کا تخمینہ ہے۔

    ایف آئی اےکی کارروائی، اشتہاری ملزم گرفتار

    پاکستان اورامریکا دہشتگرد گروپوں کے خاتمے کیلئے کی جانے والی کوششوں پر متفق

    حماس کے ایک ہزار سے زائد ممبران ترکیہ کے اسپتالوں میں زیر علاج ہیں،ترک …

  • پاکستان کی آئی ایم ایف کو گیس اور بجلی کی قیمت بڑھانے کی یقین دہانی

    پاکستان کی آئی ایم ایف کو گیس اور بجلی کی قیمت بڑھانے کی یقین دہانی

    اسلام آباد: پاکستان نے آئی ایم ایف کو جولائی میں گیس اور بجلی کی قیمت بڑھانے کی یقین دہانی کرادی۔

    ذرائع کے مطابق آئی ایم ایف اور وزارت خزانہ حکام کے درمیان جاری مذاکرات میں کرنٹ اکاؤنٹ خسارے اور پرائمری خسارے میں کمی کے لیے بات چیت جاری ہے جب کہ اگلے سال کے بجٹ اہداف پر آئی ایم ایف کو بریفنگ دی جاچکی ہے۔

    ذرائع کا کہنا ہےکہ آئی ایم ایف نے گردشی قرض میں اضافے پر تشویش کا اظہار کر دیا ہے، پاور سیکٹر کے گردشی قرضے میں 150 ارب روپے کا اضافہ ہوگیا ہے اور پاکستان نے رواں سال کےآخر تک گردشی قرض 2300 ارب روپے تک محدود رکھنے کا وعدہ کیاہے، پاکستان کی جانب سے آئی ایم ایف کو جولائی میں گیس اور بجلی کی قیمت بڑھانے کی یقین دہانی کرائی گئی ہے۔

    اس کے علاوہ آئی ایم ایف کو ایس آئی ایف سی کے آپریشنز میں شفافیت کی یقین دہانی کرائی گئی جب کہ حکام نے بریفنگ میں کہا کہ سرمایہ کاری پبلک انویسٹمنٹ مینجمنٹ فریم ورک کے تحت ہوگی، ایس آئی ایف سی کے ذریعے سرمایہ کاری کے غیر مساوی مواقع پیدا نہیں ہوں گے، کسی قسم کی ترغیبات یا گارنٹی شدہ واپسی کا کوئی وعدہ نہیں کیا جائے گا آئی ایم ایف کو ملک میں سرمایہ کاری کے ماحول کو مسخ نہ کرنے کی یقین ہانی بھی کرائی گئی جس میں کہا گیا کہ ایس آئی ایف سی کے لیے شفافیت کا طریقہ کار اپنایا جائے گا،آئی ایم ایف کو سینٹرل مانیٹرنگ یونٹ کی آپریشنل کپیسٹی بہتر بنانے کی یقین دہانی کرائی گئی ہے۔

  • مشتری سے 50 فیصد بڑا لیکن وزن میں روئی سے بھی ہلکا اور ملائم سیارہ دریافت

    مشتری سے 50 فیصد بڑا لیکن وزن میں روئی سے بھی ہلکا اور ملائم سیارہ دریافت

    سائنسدانوں نے حال ہی میں انہوں ایک ایسے بڑے حجم والا سیارہ دریافت کیا ہے جو زمین سے 2600 گنا بڑا لیکن وزن میں انتہائی ہلکا پھلکا ہے۔

    غیر ملکی میڈیا رپورٹ کے مطابق نئے سیارے کو ابتدائی طور پر وائڈ اینگل سرچ فار پلینٹس (WASP) کی مدد سے دیکھا گیازمین سے 12 سو نوری سال کے فاصلے پر واقع ”WASP-193b“ نامی نیا سیارہ مشتری سے 50 فیصد او ر زمین سے 2600 گنا بڑا ہے لیکن اس کا وزن روئی سے بھی ہلکا اور یہ بہت ملائم ہے۔

    ناسا کے مطابق کاٹن کینڈی کی کثافت والے اس حیرت انگیز سیارے کو ”Super-Puffs“ کا نام دیا گیا ہے سیارہ انتہائی کم کثافت رکھتا ہے، جس کا حجم اور سائز مشتری سے بالترتیب 0.14 اور 1.5 گنا زیادہ ہے جس کے نتیجے میں کثافت تقریباً 0.059 گرام فی کیوبک سینٹی میٹر بنتی ہے، جو کاٹن کینڈی جتنی ہے۔

    روسی وزارت دفاع کا ایک اور سینئیر افسر رشوت لینے کے الزام میں گرفتار

    ایم آئی ٹی کے پروفیسر اور تحقیق کے شریک مصنف جولین ڈی وٹ کا کہنا ہے کہ سیارہ اتنا ہلکا ہے کہ ایک مشابہ، ٹھوس سیارے کے مواد کے بارے میں سوچنا مشکل ہے، سیارہ بنیادی طور پر روئی جیسا نرم و ملائم ہے،محققین کو شبہ ہے کہ WASP-193b زیادہ تر ہائیڈروجن اور ہیلیم سے بنا ہے، جس کا ماحول مشتری کے اپنے ماحول سے دسیوں ہزار کلومیٹر تک پھیلا ہوا ہے، تاہم، سیاروں کی تشکیل کے موجودہ نظریات ابھی تک اس بات کی وضاحت نہیں کر سکتے کہ کسی سیارے کا ماحول اس حد تک کیسے پھیل سکتا ہے۔

    ایف آئی اےکی کارروائی، اشتہاری ملزم گرفتار

  • گینگسٹر لارنس بشنوئی کمیونٹی نےسلمان خان کی جان بخشنے کیلئے شرط رکھ دی

    گینگسٹر لارنس بشنوئی کمیونٹی نےسلمان خان کی جان بخشنے کیلئے شرط رکھ دی

    ممبئی: بالی ووڈ اداکارسلمان خان کی جان بخشنے کے لیے گینگسٹر لارنس بشنوئی کمیونٹی نے اہم شرط رکھ دی ہے۔

    بھارتی میڈیا کے مطابق سلمان خان کی سابقہ گرل فرینڈ سومی علی نے اپنے ایک انٹرویو کے دوران گینگسٹر لارنس بشنوئی سے معافی مانگی تھی، سومی علی نے کہا تھا کہ کالے ہرن کے شکار کے واقعے کو کئی سال گزر چکے ہیں، اُس وقت سلمان خان کی عُمر بھی کم تھی، اُن سے انجانے میں غلطی ہوگئی تھی لہٰذا میں بشنوئی گینگ کے سربراہ سے درخواست کرنا چاہتی ہوں کہ اس واقعے کو بھول جائیں، میں سلمان خان کی طرف سے معافی مانگ رہی ہوں، سلمان خان کو معاف کردیں کیونکہ اس طرح کسی بھی انسان کی جان لینا یا قتل کی دھمکیاں دینا ناقابلِ قبول ہے، سلمان خان کو قتل کرنے یا نقصان پہنچانے سے کالے ہرن واپس نہیں آجائیں گے، اگر آپ انصاف چاہتے ہیں تو عدالت جائیں۔

    سومی علی کے معافی نامے کے بعد بشنوئی کمیونٹی کے صدر دیویندر بودیا نے سلمان خان کی زندگی بخشنے کے لیے اپنی شرط بتائی،کہا کہ ہم سومی علی کی طرف سے مانگی گئی معافی کو قبول نہیں کریں گے کیونکہ قصوروار سومی علی نہیں بلکہ سلمان خان ہیں، اگر سلمان خان خود آکر ہم سے اپنی غلطی کی معافی مانگ لیں گے تو ہم اُنہیں معاف کرنے کے بارے میں سوچ سکتے ہیں اور اداکار ہمیں یہ بھی یقین دہانی کروائیں کہ وہ مستقبل میں دوبارہ ایسی کوئی غلطی نہیں کریں گے،سلمان خان اپنی معافی کے ساتھ ہمیں اس بات کا یقین بھی دلائیں گے کہ وہ ہمیشہ جنگلی حیات و ماحولیات کے تحفظ کے لیے کام کریں گے-

    سلمان خان کے گھر کے باہر فائرنگ کے کیس میں ملوث چھٹا ملزم بھی گرفتار

    حماس کے ایک ہزار سے زائد ممبران ترکیہ کے اسپتالوں میں زیر علاج ہیں،ترک …

    روسی وزارت دفاع کا ایک اور سینئیر افسر رشوت لینے کے الزام میں گرفتار

  • ایف آئی اےکی کارروائی، اشتہاری ملزم گرفتار

    ایف آئی اےکی کارروائی، اشتہاری ملزم گرفتار

    ڈیرہ غازی خان :ایف آئی اے، انٹرپول اور امیگریشن کی مشترکہ کارروائی، اشتہاری ملزم گرفتار کرلیا گیا۔

    باغی ٹی وی: تفصیلات کے مطابق ملزم جہان خان 2022 میں قتل کرکے بیرون ملک فرار ہوگیا تھا، وہ پنجاب پولیس کو مطلوب تھاملزم کےخلاف ڈیرہ غازی خان میں قتل کی دفعات کے تحت مقدمہ درج کیا گیا تھا ایف آئی اے، این سی بی انٹرپول نے ملزم کی گرفتاری کے لیے ریڈ نوٹس جاری کیا تھا۔

    ملزم بین الاقوامی عمان سے پاکستان پہنچا تھا، اسے لاہور ایئر پورٹ سے گرفتار کرکے پولیس کے حوالے کردیا گیا ایف آئی اے، این سی بی انٹرپول پاکستان نے گزشتہ 6 ماہ کے دوران سنگین جرائم میں مطلوب 66 ملزمان کو مختلف ممالک سےگرفتارکیا ہے ان پر قتل، اقدام قتل، ڈکیتی، اغوا؎ اور کرپشن کے مقدمات تھے ۔

    انسانی اسمگلنگ میں ملوث ملزم گرفتار

     

    قبل ازیں پشاور میں ایف آئی اے حکام کے مطابق ملزم ذیشان شہریوں کو ایران سے ترکی بارڈر پار کروانے کے لیے 3 لاکھ روپے فی کس بٹورتا تھا جب کہ متاثرہ شہریوں کو بارڈر سکیورٹی نے ایران سے ڈی پورٹ کردیا تھاملزم کے خلاف انسانی اسمگلنگ سے متعلق رپورٹ درج تھی، ملزم ضمانت قبل از گرفتاری کے لیے عدالت میں پیش ہوا جہاں ضمانت کی درخواست خارج ہونے پر ملزم کو گرفتار کیا گیا۔

    او جی سی ڈی ایل کے ملازمین کی گاڑی پر فائرنگ ، ایک ملازم …

    کوہاٹ اور گھوٹکی میں فائرنگ،پولیس اہلکار سمیت 4 افراد جاں

  • غزہ : سرائیلی فوج کے حملوں میں مزید 82 فلسطینی شہید،1اسرائیلی فوجی سمیت 2 افراد ہلاک اور 5 زخمی

    غزہ : سرائیلی فوج کے حملوں میں مزید 82 فلسطینی شہید،1اسرائیلی فوجی سمیت 2 افراد ہلاک اور 5 زخمی

    غزہ: اسرائیلی فوج نے غزہ میں حملے بڑھا دیے ہیں ، غزہ میں گزشتہ 24 گھنٹوں کے دوران اسرائیلی فوج کے حملوں میں مزید 82 فلسطینی شہید ہوگئے۔

    باغی ٹی وی : غزہ کی وزارت صحت کا کہنا ہےکہ 7 اکتوبر سے جاری اسرائیلی جارحیت کے نتیجے میں اب تک 35 ہزا سے زائد افراد شہید اور 78 ہزار سے زائد افراد زخمی ہوچکے ہیں۔

    عرب میڈیا کے مطابق رفح اور جبالیہ کیمپ کے علاقوں میں اس وقت اسرائیلی فوج اور حماس کے جنگجوؤں کے درمیان شدید جھڑپیں جاری ہیں، اسرائیلی ٹینکوں، بلڈوزروں اور بکتربند گاڑیوں نے جبالیہ میں بےگھرافراد کے مراکز کا بھی محاصرہ کرلیا صیہونی غزہ کے مظلوم شہریوں کیلئے امداد لانے والی گاڑیوں اور ٹرکوں پر بھی حملے کررہے ہیں جب کہ رفح کے قریب واقع یورپین اسپتال کو جنریٹرز کیلئے ایندھن نہ ہونے کی وجہ سے بند کردیا گیا ہے۔

    بچے سے بدفعلی کرنیوالے کو قتل کرنیوالا ملزم گرفتار

    اقوام متحدہ کے مطابق رفح میں اسرائیلی فوج کی زمینی کارروائی کے آغاز کے بعد اب تک 4 لاکھ سے زائد افراد رفح چھوڑ کر غزہ کے دیگر شہروں اور کیمپوں میں چلے گئے ہیں، یہ تمام شہری بے سروسامانی کی حالت میں ہیں۔

    دوسری جانب مختلف حملوں میں ایک اسرائیلی فوجی سمیت 2 افراد ہلاک اور 5 زخمی ہوگئےٹائمز آف اسرائیل کے مطابق جنوبی غزہ کی پٹی میں لڑائی کے دوران ایک اسرائیلی فوجی مارا گیا اسرائیلی فوج نے اسے رفح میں اپنی پہلی ہلاکت قرار دیا ہے، ہلاک فوجی کی شناخت 19 سالہ سارجنٹ ایرا یائر گسپان کے نام سے ہوئی۔

    اسحاق ڈارکی بطورنائب وزیراعظم تقرری کیخلاف دائر درخواست پر فیصلہ محفوظ

    دوسرے واقعے میں لبنان سے حزب اللہ نے اسرائیلی فوجی پوزیشن پر اینٹی ٹینک گائیڈڈ میزائل حملہ کیا جس سے ایک اسرائیلی شہری ہلاک اور پانچ فوجی زخمی ہو گئے، حزب اللہ نے حملے کی ذمہ داری قبول کرتے ہوئے کہا کہ اس نے تین میزائل داغے تھے پہلے میزائل حملے میں اسرائیلی فوجی زخمی ہوئے تھے، جس کے بعد ایک اسرائیلی شہری فوجی پوزیشن پر پہنچا تو وہاں مزید میزائل کیے گئے جس کی زد میں آکر وہ ہلاک ہوگیا۔

    اسرائیلی فوج (آئی ڈی ایف) نے کہا کہ اس نے جوابی کارروائی کرتے ہوئے جنوبی لبنان کے دو علاقوں آئتہ الشاب اور کفر قلعہ میں حزب اللہ کے کی عمارتوں کو نشانہ بنایا۔

    توشہ خانہ تحائف کے قوانین میں ترامیم منظور