اسلام آباد: سپریم کورٹ پریکٹس اینڈ پروسیجر ایکٹ کے تفصیلی فیصلے میں جسٹس یحییٰ آفریدی کا اضافی نوٹ جاری کیا گیا ہے-

باغی ٹی وی : 24 صفحات پر مشتمل اضافی نوٹ میں جسٹس یحییٰ آفریدی نے لکھا کہ پریکٹس اینڈ پروسیجر ایکٹ میں اپیل کا حق دینے کا سیکشن 5 کالعدم قرار دیا جاتا ہے، آرٹیکل 184 تین کے فیصلوں کے خلاف اپیل کا حق دینا آئینی ترمیم سے ممکن ہے اپیل کا حق دینا بلا شبہ ایک مثبت اقدام ہے، اگر پارلیمنٹ 184 تین کے کیسز میں اپیل دینا چاہتی ہے تو آئینی ترمیم کا درست راستہ اپنائے، سادہ قانون سازی سے پریکٹس اینڈ پروسیجر ایکٹ کا سیکشن 5 پارلیمنٹ کے دائرہ اختیار سے تجاوز ہے۔

بجلی کی فی یونٹ قیمت میں اضافے پر سماعت،فیصلہ محفوظ

جسٹس یحییٰ آفریدی نے اضافی نوٹ میں کہا کہ اٹارنی جنرل اور ایکٹ کے حامی تمام وکلاء پارلیمنٹ کی مداخلت کا دفاع کرنے میں ناکام رہے، پارلیمنٹ نے سپریم کورٹ کے فیصلوں میں اپیل کا حق دے کر ایک نیا دائرہ اختیار متعارف کرایا پارلیمنٹ سادہ قانون سازی سے سپریم کورٹ کے اصل دائرہ اختیار میں اپیل شامل نہیں کر سکتا۔

ڈیرہ اسماعیل خان میں سیکیورٹی فورسز پر حملے کے اہم شواہد مل گئے

واضح رہے کہ جسٹس یحییٰ آفریدی پریکٹس اینڈ پروسیجر کا سیکشن 5 کالعدم قرار دینے والے 6 ججز میں شامل تھے۔

باغی ٹی وی : نیپرا نے نے بجلی کی فی یونٹ قیمت میں 4 روپے 66 پیسے اضافے کی درخواست پر سماعت مکمل کرتے ہوئے فیصلہ محفوظ کرلیا۔

باغی ٹی وی : چیئرمین نیپرا وسیم مختارکی زیرصدارت نومبر کی ماہانہ فیول ایڈجسٹمنٹ کی درخواست پرسماعت ہوئی، سینٹرل پاور پرچیزنگ ایجنسی نے4 روپے 66 پیسے فی یونٹ اضافہ مانگ رکھا ہے اتھارٹی اعداد و شمار کے جائزے کے بعد فیصلہ جاری کرے گی۔

دوران سماعت نیپرا کو بریفنگ دی گئی کہ نومبرمیں بجلی کی طلب میں بڑی حدتک کمی ہوئی ہے، گزشتہ سال نومبر کے مقابلےمیں اس سال بجلی کی پیداوارمیں 10 فیصد تک کمی ہوئی، درخواست میں مانگے اضافے کا بوجھ جی ایس ٹی کے بغیر 33 ارب 90 کروڑ روپے بنتا ہے جی ایس ٹی سمیت ایڈجسٹمنٹ کا اضافی بوجھ 40 ارب روپے بنتا ہے بجلی قیمتوں میں بھاری فیول کاسٹ ایڈجسمنٹ کے معاملے پر محکمہ بجلی میں منصوبہ بندی نہ ہونےکا انکشاف ہے۔

ممبر نیپرا کے مطابق محکمہ بجلی نےمینٹیننس کے نام پر سستے پلانٹس بند رکھے ہیں، سردیوں میں آپ سستےپلانٹس چلا نہیں سکتےجس سےفیول کاسٹ میں اضافہ ہوتا ہے، گرمیوں میں سستے اورمہنگے پلانٹس چلتے ہیں جس سے بھی بھاری اضافہ ہوتا ہے، پلانٹس کا شیڈول 3 ماہ پہلے سے آپ کے پاس ہوتا ہے سستے پلانٹس کو کیوں بند رکھا گیا؟ لگتا ہے آپ کے پاس پلاننگ کی کمی ہے اوور بلنگ کے معاملے پر بجلی کمپنیوں سے وضاحت مانگ لی-

سی پی پی اے نے کہا کہ اس ماہ 2 روپے 12 پیسےکی سابقہ ایڈجسٹمنٹ مانگی ہیں، اس وقت صرف فرنس آئل والے پلانٹس سے بجلی پیدا کررہے ہیں ،بعد ازاں نیپرا اتھارٹی نے ایف سی اے پر سماعت مکمل کرتے ہوئے فیصلہ محفوظ کر لیا

اسلام آباد: وزارت خزانہ کی ماہانہ اقتصادی رپورٹ میں بتایا گیا ہے کہ جنوری 2024 میں مہنگائی 25 فیصد تک رہنے کی توقع ہے۔

باغی ٹی وی: وزارت خزانہ نے ماہانہ اقتصادی رپورٹ جاری کر دی ہے، جس کے مطابق ملکی معیشت کی بتدریج بحالی کا عمل جاری ہے، نومبرمیں پی ایس ایکس میں بہترین کارکردگی کا مظاہرہ کیا، اور زرعی شعبہ کی کارکردگی مثبت دکھائی دے رہی ہے،سٹاک مارکیٹ کی گزشتہ پانچ ماہ کی سرگرمیوں کے معیشت پر مثبت اترات مرتب ہوئے-

رپورٹ میں بتایا گیا کہ گندم کی کاشت ہدف کے مطابق ہوئی، ربیع سیزن کے پیداواری اہداف حاصل کر لیے گئے ہیں، پنجاب میں گندم کے پیداواری رقبے میں 2 فیصد اضافہ ہوا، جب کہ غیر ملکی سرمایہ کاری میں8.1 فیصد اضافہ ہوا ہے، ٹریکٹروں کی پیداوار میں 60.7 فیصد اورسیل میں 98.2 فیصد اضافہ ہوا، یوریا کھاد کی کھپت میں 5.6 فیصد اور ڈی اے پی میں 42 فیصد اضافہ ہوا۔

ٹریفک قوانین کی خلاف ورزیوں پر یکم جنوری سے جرمانوں کی نئی شرح لاگو

اقتصادی رپورٹ میں بتایا گیا ہے کہ نومبر میں ترسیلات زر میں سالانہ بنیادوں پر 3.6 فیصد اضافہ ہوا، جولائی سے اکتوبرتک اخراجات میں 35 فیصد اضافہ ہوا، اس دوران جاری اخراجات میں 44 فیصد اضافہ ہوا جولائی سے اکتوبر تک سود ادائیگیوں میں 63 فیصد اضافہ ہوا، دسمبر میں مہنگائی 28.5 فیصد اور جنوری 2024 میں مہنگائی 25 فیصد تک رہنے کی توقع ہے-

رپورٹ کے مطابق جولائی سے نومبر تک برآمدات میں 5 فیصد اضافہ ہوا، جب کہ جولائی سے نومبر تک درآمدات 16 فیصد کم ہوئیں، اس دوران جاری کھاتوں کاخسارہ 64.5 فیصد کم ہوا، جولائی سےاکتوبرتک بجٹ خسارےمیں31.9 فیصد کمی ہوئی-

پریکٹس اینڈ پروسیجر ایکٹ کیس کا تفصیلی فیصلہ جاری

وزارت خزانہ کے مطابق گزشتہ مالی سال میں اسی عرصہ میں کرنٹ اکاؤنٹ خسارہ 3.3 ارب ڈالر تھا، چینی سرمایہ کاری کی وجہ سے براہ راست سرمایہ کاری میں 8.1 فیصد اضافہ ہوا، جولائی تا نومبر سرمایہ کاری 656.1ملین ڈالر رہی، پالیسی ریٹ کو گزشتہ سطح 22 فیصد تک برقرار رکھا گیا، صارفین کیلئےاشیاٗ کی خریدوفرخت کا انڈیکس نومبر میں 3.1 فیصد رہا-

اسلام آباد: موٹرویز،ہائی ویزاور ایکسپریس وے پر ٹریفک قوانین کی خلاف ورزیوں پر یکم جنوری 2024سے جرمانوں کی نئی شرح لاگو کردی جائے گی ۔

باغی ٹی وی : ترجمان موٹر وے پولیس کے مطابق حدر رفتار کی خلاف ورزی پر موٹر سائیکل سوار کو1500،کار کو 2500، مسافر بردار گاڑی 10,000اورمال بردار گاڑی کو 5000 روپے جرمانہ ، لاپرواہی سے موٹر سائیکل، کار اور ایل ٹی وی چلانے پر 1500روپے جبکہ پی ایس وی اور ایچ ٹی وی گاڑی کو 5000جرمانہ عائد کیا جائے گا۔

موٹر وے پولیس کے مطابق بغیر لائسنس موٹرسائیکل، کار اور ایل ٹی وی گاڑی چلانے پر 5000جبکہ مسافر بردار اور مال بردار گاڑیوں (ایچ ٹی وی ) پر 10,000روپے جرمانہ ،مقررہ حد سے زیادہ وزن لادنے پر مال بردار گاڑی پر 10,000جرمانہ جبکہ ایمرجنسی گاڑیوں کو راستہ نہ دینے پر 5000جرمانہ عائد کیا جائے گا-

پنجاب حکومت کا لائسنس کی فیسوں میں اضافے کا فیصلہ

ترجمان کے مطابق جرمانوں کی شرح میں اضافے کا فیصلہ حادثات پر قابو پانے اور ٹریفک قوانین پرموثر عمل درآمد کیلئے کیا گیا ہے ،بھاری جرمانوں سے بچنے کیلئے شہری ہر صورت میں ٹریفک قوانین پر عمل کریں اوراپنے سفر کو محفوظ بنائیں سفر کے دوران شہریوں کی جان و مال کا تحفظ موٹروے پولیس کی اولین ترجیح ہے۔

سابق وفاقی وزیر ساتھیوں اور سپورٹرز کے ہمراہ ن لیگ میں شامل