Baaghi TV

Author: Ayesha Rehmani

  • پاکستان ہاکی فیڈریشن کوبحال کر دیا گیا،لیٹر جاری

    پاکستان ہاکی فیڈریشن کوبحال کر دیا گیا،لیٹر جاری

    اسلام‌ آباد: پاکستان ہاکی فیڈریشن کو بحال کردیا گیا ہے-

    باغی ٹی وی : 24 اگست کو صدر پی ایچ ایف خالد سجاد کھوکھر نے فیڈریشن کو ختم کرنے کا اعلان کرتے ہوئے پی ایچ ایف کے سیکرٹری سمیت تمام عہدیداروں کو ہٹا دیا تھا،خالد سجاد کھوکھر نے بتایا تھاکہ پی ایچ ایف کے تمام ممبران کو 31 اگست کو کانفرنس میٹنگ میں اعتماد کاووٹ لیناپڑے گا، یہ فیصلہ پاکستان اسپورٹس بورڈ کی 16 اگست کو ہونے والی میٹنگ میں کیا گیا تاہم اب پی ایچ ایف صدر برگیڈیئر ریٹائرڈ خالد سجاد کھوکھر نے سیکرٹری سمیت تمام عہدیداران کو کام جاری رکھنےکیلئےلیٹر جاری کردیا ہے،دوسری جانب پی ایچ ایف کا کانگریس کا اجلاس بھی ملتوی کردیا گیا ہے اجلاس 31 اگست کو اسلام آباد میں شیڈول تھا صدر پی ایچ ایف نے 23 اگست کو جاری ہونے والے لیٹر کو منسوخ کردیا، پی ایچ ایف کے ایگزیکٹو بورڈ ممبران نے مشاورت کے بعد اجلاس ملتوی کرنے سفارش کی جسے منظور کرلیا گیا۔

    مڈغاسکراسٹیڈیم میں بھگڈر مچنے سے12 افراد ہلاک جبکہ 80 زخمی

    یاد رہے کہ چند روز قبل یہ خبر سامنے آئی تھی کہ پاکستان اسپورٹس بورڈ (پی ایس بی) نے پاکستان ہاکی فیڈریشن کے تمام آفیشلز کو معطل کر دیا ہے اور وزیراعظم آفس کی ہدایات پر تمام عہدیداروں کی معطلی کا نوٹیفکیشن بھی جاری کر دیا گیا ہےجاری نوٹیفکیشن میں کہا گیا تھا کہ پاکستان اسپورٹس بورڈ کی نگرانی میں ملک بھر میں کلبوں کی اسکروٹنی کروائی جائے گی۔

    شہباز شریف بھی پاکستانی کرکٹرز کی بولنگ کے مداح

  • مانسہرہ میں بس کھائی میں گرنے سے 2 خواتین سمیت 6 افراد جاں بحق

    مانسہرہ میں بس کھائی میں گرنے سے 2 خواتین سمیت 6 افراد جاں بحق

    مانسہرہ: مسافر بس کھائی میں گرنے سے دو خواتین سمیت چھ افراد جاں بحق اور کئی زخمی ہوگئے۔

    باغی ٹی وی: مانسہرہ ایکسپریس وے پر ہاتھی میرا کے مقام پر حادثے کا شکار ہونے والی مسافر وین بٹگرام سے مانسہرہ آرہی تھی کہ بے قابو ہو کر کھائی میں گر گئی، جس کے باعث 6 افراد جاں بحق اور 7 زخمی ہو گئے، جن میں 2 خواتین شامل ہیں۔

    حادثے کی اطلاع ملتے ہی پولیس اور امدادی ادارے موقع پر پہنچ گئے، جہاں انہوں نے امدادی سرگرمیوں کا آغاز شروع کیا جبکہ زخمیوں اور جاں بحق ہونے والوں کو کنگ عبداللہ اسپتال مانسہرہ منتقل کردیا گیا،حادثہ گاڑی کا ٹائر نکلنے کی وجہ سے پیش آیا، جس کے بعد گاڑی بے قابو ہوئی اور پل سے نیچے جا گری۔

    سربراہ بی این پی عوامی اور سابق صوبائی وزیر اسد بلوچ کے گھر پر …

    دوسری جانب کراچی کے علاقے جمشید کوارٹر میں لسبیلہ چوک کے قریب نالے میں دھماکےکے بعد لاپتہ ہونے والے نوجوان کی لاش مل گئی،گزشتہ روز لسبیلہ چوک کے قریب نالے میں دھماکے سے 8 افراد زخمی اور متعدد دکانیں تباہ ہوگئی تھیں دھماکےکے بعد سے نجی کوریئرکمپنی کا ایک ملازم لاریب لاپتہ تھا جس کی اب لاش مل گئی ہے پولیس کے مطابق جائے وقوعہ پر نالے سے ملبےکی صفائی کے دوران لاریب کی لاش ملی ہے۔

    بھارتی ریاست تامل ناڈو میں ٹرین میں آگ لگنے سے 10 افراد ہلاک ہوگئے, یہ حادثہ ریاست تامل ناڈو کے مدورائی ریلوے اسٹیشن پر ہفتے کے روز پیش آیا جہاں ٹرین کے اسٹیشنری کمپارٹمنٹ میں اچانک آگ بھڑک اٹھی جس کے نتیجے میں 10 افراد جھلس کر ہلاک ہوگئے۔

    لائیو نشریات کے دوران بی بی سی اینکر کی زبان پھسل گئی

    مقامی پولیس حکام کے مطابق ٹرین کی پرائیوٹ کوچ میں سوار مسافر کی جانب سے چائے بنانے کے لیے گیس سلنڈر کا استعمال کیا گیا جس کی وجہ سے کوچ میں آگ لگ گئی اور زور دار دھماکا ہوا حادثہ صبح سوا 5 بجے کے قریب پیش آیا جس کے بعد فائر فائٹرز 7 بجے ریلوے اسٹیشن پہنچے اور آگ پر قابو پایا جب کہ حادثے کے زخمیوں کو فوری طبی امداد کے لیے اسپتال منتقل کیا گیا ہے ٹرین میں سوار مسافروں کا تعلق ریاست اترپردیش سے تھا اوریہ مذہبی رسومات کی ادائیگی کے لیے جارہے تھے-

    مڈغاسکراسٹیڈیم میں بھگڈر مچنے سے12 افراد ہلاک جبکہ 80 زخمی

  • بجلی بلوں کے خلاف مظاہرے،کنٹرول روم قائم کرنے کیلئے حکم نامہ جاری

    بجلی بلوں کے خلاف مظاہرے،کنٹرول روم قائم کرنے کیلئے حکم نامہ جاری

    اسلام آباد: بجلی بلوں کے خلاف مظاہروں پر پاور ڈویژن نے جوابی حکمت عملی بنا لی-

    باغی ٹی وی: پاور ڈویژن نے کنٹرول روم قائم کرنے کیلئے حکم نامہ جاری کردیا گیا، ملک بھر میں بجلی کی تمام تقسیم کار کمپنیوں سے مربوط کوارڈینیشن کیلئے پاور ڈویژن میں مرکزی کنٹرول روم قائم کیا جائے گا،کنٹرول روم میں تعینات افسرن تقسیم کار کمپنیوں اور متعلقہ صوبوں کے آئی جیز اور چیف سیکرٹری سے امن و امان کی صورتحال بگڑنے پر رابطہ کرے گا کنٹرول روم میں تعینات افسران عوامی رد عمل کے نتیجے میں بجلی دفاتر کو ہونے والے نقصانات کی تفصیلی رپورٹ بھی مرتب کرکے اعلیٰ حکام کو پیش کریں گے۔

    وفاقی دارالحکومت اسلام آباد میں قائم مرکزی کنٹرول روم آج 25 اگست سے 31 اگست تک قائم کیا گیا ہے، مرکزی کنٹرول روم میں روزانہ پاور ڈویژن کا ایک جوائنٹ سیکرٹری، ڈپٹی سیکرٹری اور سیکشن افسران شفٹوں میں 24 گھنٹے کام کریں گے، اس حوالے سے پاور ڈویژن نے آفس آرڈر جاری کردیا ہے۔

    مڈغاسکراسٹیڈیم میں بھگڈر مچنے سے12 افراد ہلاک جبکہ 80 زخمی

    واضح رہے کہ بجلی کے بل زیادہ آنے کے خلاف ملک کے مختلف شہروں میں دوسرے روز بھی احتجاجی مظاہرے جاری ہیں،سرگودھا میں تاجروں نے بجلی کے زائد بلوں کے خلاف احتجاجاً بجلی کے بل ادا نہ کرنے کا اعلان کرتے ہوئے بلز جلا دیے، تاجروں نے احتجاج کرتے ہوئے سڑک بلاک کردی جس کی وجہ سے ٹریفک کی روانی شدید متاثر ہوئی راولپنڈی، پشاور، چھانگا مانگا روڈ، دربار شیخ علم دین اور مستووال میں بھی شہریوں نے احتجاج کیا جب کہ شیخوپورہ میں وکیلوں نے احتجاج کے دوران بجلی کے بل جلادیئے مظاہرین کا کہنا تھا کہ بلوں میں اضافہ کسی صورت قبول نہیں کیا جائے گا۔

    لائیو نشریات کے دوران بی بی سی اینکر کی زبان پھسل گئی


    دوسری جانب نگران وزیراعظم انوارالحق کاکڑ نے بجلی کے بھاری بلوں کے معاملے کا نوٹس لے لیا،وزیراعظم آفس کے سوشل میڈیا اکاؤنٹس سے جاری بیان میں بتایا گیا ہے کہ نگران وزیراعظم انوار الحق کاکڑ نے بجلی کے بھاری بِلوں کے معاملے پر کل وزیراعظم ہاؤس میں ہنگامی اجلاس طلب کر لیا ہے اجلاس میں وزارت بجلی اور تقسیم کار کمپنیوں سے بریفنگ لی جائے گی، صارفین کو بجلی بِلوں سے متعلق زیادہ سے زیادہ ریلیف دینے پر مشاورت کی جائے گی۔

    سربراہ بی این پی عوامی اور سابق صوبائی وزیر اسد بلوچ کے گھر پر …

  • چیئرمین پی ٹی آئی کو پنجاب میں الیکشن میں دلچسپی نہیں تھی،پرویز خٹک

    چیئرمین پی ٹی آئی کو پنجاب میں الیکشن میں دلچسپی نہیں تھی،پرویز خٹک

    پشاور: پاکستان تحریک انصاف پارلیمنٹیرین کے چیئرمین پرویز خٹک نے کہا ہے کہ عمران خان فوج کے خلاف انقلاب لانا چاہتے تھے-

    باغی ٹی وی: تفصیلات کے مطابق سابق وزیراعلی خیبر پختونخواہ پرویز خٹک نےپشاور میں صحافیوں سے گفتگو میں کہا ہے کہ بلین ٹری سونامی اور بی آر ٹی جیسے منصوبوں کو تنقید کے بعد بھی پورا کیا، نیب نے بلایا اور ٹیکنیکل چیزوں پر بات کی، میرے خیال میں عام انتخابات اگلے سال فروری میں ہو ں گے، لوگ انتخابات سے متعلق عدالتوں میں چلے گئے تو مزید تاخیر ہوسکتی ہے۔

    پرویز خٹک نے کا کہ چیئرمین پی ٹی آئی کے خلاف 4 کیسز بہت زیادہ تشویشناک ہیں، توشہ خانہ سے خریدی گئی گھڑی کو کلیئر نہ کرنا چیئر مین پی ٹی آئی کیخلاف بڑا کیس ہے، سائفر کو جلسوں میں دکھانا چیئرمین پی ٹی آئی کی دوسری بڑی غلطی تھی، 190ملین پاؤنڈ کا کیس چیئرمین پی ٹی آئی کیخلاف تیسرا بڑا کیس ہے، 9مئی کے واقعات پی ٹی آئی کے خلاف چوتھا بڑا کیس ہے، ہمیں کابینہ کے اجلاس میں بند لفافہ دیکھا کر دستخط لیے گئے-

    لائیو نشریات کے دوران بی بی سی اینکر کی زبان پھسل گئی

    سابق وزیر دفاع پرویز خٹک نے کہا کہ چئیرمین پی ٹی آئی فوج کے خلاف انقلاب لانا چاہتا تھے، عمران خان 18 ویں ترمیم کے خلاف تھے، وہ صدراتی نظام لانا چاہتے تھے، نگراں وزیراعلیٰ خیبرپختونخوا وزیر اعلیٰ بنے سیکرٹری نہ بنے، گورنر خیبرپختونخوا پہلے سیاسی مداخت کرتا تھا اب کچھ ٹھیک ہے پی ٹی آئی کا ایک سوشل میڈیا نیٹ ورک ہے، سوشل میڈیا نیٹ ورک کے ذریعے لوگوں کے خلاف ٹارگٹ دیا جاتا ہے، پی ٹی آئی پختونخوا کے اہم رہنما جلد پارلیمنٹرین کا حصہ ہوں گے، 2 ماہ میں پارٹی ایک طاقت بن کر ابھرے گی۔

    مڈغاسکراسٹیڈیم میں بھگڈر مچنے سے12 افراد ہلاک جبکہ 80 زخمی

    پرویز خٹک نے کہا کہ اپریل 2022 کے بعد الیکشن کیلئے جنرل فیض اور باجوہ نے تین مرتبہ مواقع فراہم کیے اور ماحول بنایا لیکن چیئرمین پی ٹی آئی نے نہیں مانے، جنرل باجوہ نے کہا کہ شہباز شریف لکھ کر دیں گے کہ اسمبلی تحلیل ہو جائے گی انہوں نے عمران خان کو کہا کہ دھرنا ختم کردو لیکن وہ نہیں مانے جنرل باجوہ نے ہمارا بہت ساتھ دیا، آخر میں باجوہ نے بھی ہاتھ کھڑے کر دیئے چیئرمین پی ٹی آئی کو پنجاب میں الیکشن میں دلچسپی نہیں تھی۔

    سربراہ بی این پی عوامی اور سابق صوبائی وزیر اسد بلوچ کے گھر پر …

    انہوں نے کہا کہ میرا اور میری جماعت کامقصد خیبرپختونخوا میں حکومت بنانا ہے۔ ہر حلقے میں دو بہترین امیدوار لائیں گے خیبرپختونخوا میں معاشی بحران کی ذمہ داری پی ٹی آئی حکومت تھی پارٹی میں 90 فیصد الیکٹ ایبلز میں میں لے کر آیا تھا-

  • سربراہ بی این پی عوامی اور سابق صوبائی وزیر اسد بلوچ کے گھر پر دستی بم حملہ

    سربراہ بی این پی عوامی اور سابق صوبائی وزیر اسد بلوچ کے گھر پر دستی بم حملہ

    کوئٹہ جناح ٹاؤن میں سربراہ بی این پی عوامی اور سابق صوبائی وزیر اسد بلوچ کے گھر پر دستی بم حملہ ہوا ہے۔

    باغی ٹی وی: پولیس کے مطابق دستی بم گھر کے قریب گرا اور زوردار دھماکے سے پھٹ گیا دھماکے سے ایک شخص زخمی ہوا جسے اسپتال منتقل کردیا گیا، جناح ٹاؤن میں دستی بم حملے کے بعد علاقے میں خوف و ہراس پھیل گیا پولیس اور ریسکیو ٹیمیں جائے وقوعہ پر پہنچ گئیں ۔

    دوسری جانب خیبر پختونخوا کے قبائلی علاقے علی مسجد میں خودکش حملہ کرنے والا سہولت کار انسداد دہشت گردی پولیس کے ساتھ جھڑپ میں مارا گیا۔پولیس کے مطابق گزشتہ روز خیبر کے علاقے سور کمر میں سی ٹی ڈی پولیس اور دہشت گردوں کے درمیان فائرنگ کا تبادلہ ہوا، جس میں ایک دہشت گرد ابوذر آفریدی جو کہ علی مسجد کا خودکش حملہ آور تھا مارا گیا۔

    مڈغاسکراسٹیڈیم میں بھگڈر مچنے سے12 افراد ہلاک جبکہ 80 زخمی

    پولیس کے مطابق مارے گئے دہشت گرد ابوذر کا تعلق لنڈی کوتل کے علاقے سلطان خیل سے تھا جس کی لاش کو جمرود اسپتال پہنچایا گیا۔ 25 جولائی کو خیبر کی علی مسجد میں دو خودکش حملہ آوروں کا تعاقب کرتے ہوئے خودکش حملہ آور نے اپنے پیچھے دھماکا خیز مواد پھینکا جس سے زوردار دھماکہ ہوا، جس میں ایڈیشنل ایس ایچ اور عدنان آفریدی شہید ہوگئے۔

    خیبر پختونخوا کے ضلع خیبر علی مسجد میں دھماکہ کرنے والے کا سہولت کار مارا …

    پرویز الہی کی رہائی ،پنجاب حکومت کی اپیل خارج کرنے کا فیصلہ جاری

  • لائیو نشریات کے دوران بی بی سی اینکر کی زبان پھسل گئی

    لائیو نشریات کے دوران بی بی سی اینکر کی زبان پھسل گئی

    براہ راست نشریات کے دوران بی بی سی کے اینکر کی زبان پھنسل گئی جس کی ویڈیو انہوں نے خود ہی سوشل میڈیا پر شئیر کر دی-

    باغی ٹی وی :بی بی سی کے اینکر گیرتھ بارلو نے اپنی ویڈیو کو سوشل میڈیا ویب سائٹ ایکس پر شیئر کیا اس 12 سیکنڈ کے کلپ میں دیکھا جاسکتا ہے کہ بارلو ایک سیگمنٹ شروع کرنے کے لیے تیار ہیں ویڈیو میں کیمرے میں اینکر کو دکھایا جاتا ہے اور اینکر ‘آپ بی بی سی دیکھ رہے ہیں’کا روایتی جملہ بھول جاتا ہے اور اس کی جگہ ‘میں بی بی سی دیکھ رہا ہوں’ بولتا ہے۔


    اس کے بعد اینکر نے اپنی ہی غلطی کو مزاحیہ انداز میں درست کرتے ہوئے کہا کہ میں نہیں آپ بی بی سی دیکھ رہے ہیں،نیوز اینکر بارلو نے ویڈیو شئیر کرتے ہوئے کیپشن میں لکھا کہ کیا کوئی مجھے یاد دلا سکتا ہے کہ کون خبریں دیکھ رہا ہے-

    مڈغاسکراسٹیڈیم میں بھگڈر مچنے سے12 افراد ہلاک جبکہ 80 زخمی

    ٹویٹر صارفین کی ایک بڑی تعداد نے اس ویڈیو پر اپنے ردعمل کا اظہار کیا، کچھ نے اسے مزاحیہ کہا تو دوسروں نے مذاق میں اسے ”شاندار“ کہا، تو کسی نے مزاحیہ جواب دیتے ہوئے لکھا ابھی کوئی نیوز نہیں دیکھ رہا۔

    واضح رہے کہ یہ پہلا موقع نہیں ہے کہ بی بی سی کے کسی پریزینٹر نے اسکرین پر ہوئی اپنی مزاحیہ غلطی وائرل کی ہو،چند ماہ قبل اینکر لوکویسا براک بھی وائرل ہوئی تھیں، انہیں پتا ہی نہیں چلا تھا کہ وہ لائیو ہوچکی ہیں اینکر لوکویسا براک سیگمنٹ کے اختتام پر آخری کلمات ادا کرنے کے بعد اپنے دونوں ہاتھوں انگڑائی لینے کے انداز میں اوپر اٹھا کر کہتی ہیں ’اوکے‘، لیکن اسی وقت کیمرہ دوبارہ اینکر کی طرف کر دیا جاتا ہے اور یہ مناظر آن ایئر ہوجاتے ہیں۔

    ٹرین کی بوگی میں آگ لگنے سے دس مسافروں کی موت


    اینکر کو جب احساس ہوتا ہے کہ وہ دوبارہ لائیو آگئی ہیں تو وہ چونک جاتی ہیں اور پریشانی سے ان کی آنکھیں کھلی کی کھلی رہ جاتی ہیں اس حرکت کے بعد لائیو آن ایئر کے دوران اینکر اپنے بازو فوراً نیچے کرلیتی ہیں اور اپنا سر اپنی میز پر رکھے نوٹس کی طرف کر لیتی ہیں اینکر کو کئی سیکنڈ تک خاموشی سے اپنی میز پر گھورتے ہوئے بھی دیکھا گیا۔

  • مڈغاسکراسٹیڈیم میں بھگڈر مچنے سے12 افراد ہلاک جبکہ 80 زخمی

    مڈغاسکراسٹیڈیم میں بھگڈر مچنے سے12 افراد ہلاک جبکہ 80 زخمی

    مشرقی افریقا کے ملک مڈغاسکر میں انڈین اوشن آئی لینڈ گیمز کی افتتاحی تقریب کے دوران بھگڈر مچنے سے12 افراد ہلاک جبکہ 80 افراد زخمی ہو گئے۔

    باغی ٹی وی: غیر ملکی میڈیا رپورٹس کے مطابق اسٹیڈیم کے باہر شائقین کا ایک بڑا ہجوم موجود تھا داخلی دروازے پر بھگدڑ مچنے سے12 افراد ہلاک ہوگئے ، 11 افراد کی حالت تشویشناک بتائی گئی ہے جبکہ 80 افراد زخمی ہو ئے ہیں،مڈغاسکر کے وزیراعظم حادثے کے موقع پر اسٹیڈیم میں مومود تھے، انہوں نے حادثے کو المناک قرار دیا جبکہ قیمتی جانوں کے نقصان پر ایک منٹ کی خاموشی اختیار کرنے کا کہا۔

    انہوں نے کہا کہ زخمیوں میں سے 11 کی حالت تشویشناک ہے ریاست زخمیوں کے طبی اخراجات خود برداشت کر رہی ہے، میں تمام متاثرہ خاندانوں سے انہوں نے اظہار تعزیت کرتا ہوں-

    ایشیا کپ،ڈی آئی جی آپریشنز کا قذافی سٹیڈیم کا دورہ، سکیورٹی اقدامات کا جائزہ

    سوشل میڈیا پر شیئر کی جانے والی ویڈیوز میں ریڈ کراس کے کارکنوں کو ایتھلیٹکس ٹریک کے قریب درجنوں زخمیوں کا علاج کرتے ہوئے دکھایا گیا ہے،خیال رہے کہ انڈین اوشن آئی لینڈ گیمز کا گیارہواں ایڈیشن 25 اگست سے 3 سمتبر تک جارہے گا۔

    قبل ازیں 2018 میں مڈغاسکر اور سینیگال کے درمیان افریقن کپ آف نیشنز فٹ بال ٹورنامنٹ کے لیے کوالیفائنگ گیم سے قبل کرش میں ایک شخص ہلاک اور کم از کم 37 زخمی ہو گئے2019 میں، اسٹیڈیم میں ایک کنسرٹ میں بھگدڑ مچنے سے کم از کم 15 افراد ہلاک ہوئے انڈین اوشین آئی لینڈ گیمز ایک کثیر کھیلوں کا ایونٹ ہے جس میں خطے کے ممالک شامل ہیں-

    خوشی کی بات ہے کہ پاکستان میچ جیتا، اس جیت کی ہمیں ضرورت تھی،نسیم شاہ

  • سونے کی قیمت میں کمی

    سونے کی قیمت میں کمی

    اسلام آباد: کاروباری ہفتے کے آخری روز ملک میں سونے کی قیمت میں کمی ہوئی ہے۔

    باغی ٹی وی: سندھ صرافہ بازار ایسوسی ایشن کے مطابق سونے کی قیمت ایک ہزار روپے کمی سے دو لاکھ 34 ہزار 500 روپے ہو گئی ہے جبکہ دس گرام سونے کا بھاﺅ 857 روپے کم ہو کر 2 لاکھ 10 ہزار 46 روپے ہو گیا ہے عالمی بازار میں سونے کا بھاﺅ پانچ ڈالر کم ہو کر 1914 ڈالر فی اونس ہے-

    دوسری جانب ڈالر کے انٹربینک ریٹ 301 اور اوپن ریٹ 314 روپے کی بلند ترین سطح پر آگئے،ہفتہ وار کاروبار میں ڈالر، پاؤنڈ، یورو، درہم اور ریال کی قدر میں اضافہ ہوا جب کہ ڈالر کے انٹربینک اور اوپن ریٹ میں فرق بڑھ کر 13 روپے ہوگیا ہفتہ وار کاروبار کے دوران انٹربینک مارکیٹ میں ڈالرکی قدر 5.23 روپے بڑھ کر 301 روپےکی سطح پربند ہوئی جبکہ اوپن کرنسی مارکیٹ میں ڈالر کی قدر 12 روپے بڑھ کر 314 روپے ہوگئی۔

    ڈالر 300 روپے کی سطح عبور کرگیا

    اسی طرح برطانوی پاؤنڈ کے انٹربینک ریٹ 2.82 روپے بڑھ کر 378.87 روپے ہوگئےجبکہ اوپن مارکیٹ میں برطانوی پاؤنڈ کی قدر 13 روپے بڑھ کر 398 روپے رہی،انٹربینک میں یورو کرنسی کی قدر 3.21 روپے بڑھ کر 324.81 روپے ہوگئی جبکہ اوپن مارکیٹ میں یورو کی قدر 11 روپے بڑھ کر 339 روپے ہوگئی انٹربینک میں ریال کی قدر 1.37 روپے بڑھ کر 80.23 روپے پر بند ہوئی جبکہ اوپن مارکیٹ میں ریال 3.50 روپے بڑھ کر 84 روپے پر بند ہوئی انٹربینک میں درہم کی قدر 1.42 روپے بڑھ کر 81.94 روپے ہوگئی جبکہ اوپن مارکیٹ میں درہم کی قدر 3.50 روپے بڑھ کر 87روپے ہوگئی۔

    ڈالر کی ایک بار پھر اونچی اڑان

  • نیب ترمیم کیس سماعت کے لیے مقرر

    نیب ترمیم کیس سماعت کے لیے مقرر

    اسلام آباد: سپریم کورٹ میں نیب ترمیم کیس سماعت کے لیے مقرر کردیا گیا ہے۔

    باغی ٹی وی: سپریم کورٹ نے نیب ترمیم کیس سماعت کے لیے مقرر کردیا، کیس کی سماعت 29 اگست کو ہوگی ،چیف جسٹس عمر عطاء بندیال کی سربراہی میں سپریم کورٹ کا 3 رکنی بینچ کیس کی سماعت کرے گا جسٹس اعجازالاحسن اور جسٹس منصورعلی شاہ بھی 3 رکنی بینچ کا حصہ ہوں گے۔

    واضح رہے کہ نیب ترمیم کیس سماعت کیلئے مقرر کرنے پر جسٹس منصور علی شاہ تحفظات کا اظہار کرچکے ہیں۔

    یاد رہے کہ رہے کہ رواں سال جون میں مسلم لیگ (ن) کی زیر قیادت اتحادی حکومت نے نیب آرڈیننس میں 27 اہم ترامیم متعارف کروائی تھیں لیکن صدر مملکت ڈاکٹر عارف علوی نے ان کی منظوری نہیں دی تھی، تاہم اس بل کو پارلیمنٹ کے مشترکہ اجلاس میں منظور کیا گیا اور بعد میں اسے نوٹیفائی کیا گیا تھا۔

    سائفر مجھ سے گم ہو گیا ،عمران خان کا تحقیقاتی ٹیم کے سامنے اعتراف

    نیب (دوسری ترمیم) بل 2021 میں کہا گیا ہے کہ نیب کا ڈپٹی چیئرمین، جو وفاقی حکومت کی جانب سے مقرر کیا جائے گا، چیئرمین کی مدت ملازمت پوری ہونے کے بعد بیورو کا قائم مقام چیئرمین بن جائے گا، بل میں چیئرمین نیب اور بیورو کے پراسیکیوٹر جنرل کی 4 سال کی مدت بھی کم کر کے 3 سال کردی گئی ہے۔

    قانون کی منظوری کے بعد نیب وفاقی، صوبائی یا مقامی ٹیکس کے معاملات پر کارروائی نہیں کر سکے گا، مزید یہ کہ ملک میں کام کرنے والے ریگولیٹری اداروں کو بھی نیب کے دائرہ کار سے باہر نکال دیا گیا ہے۔

    بل میں کہا گیا ہے کہ اس آرڈیننس کے تحت افراد یا لین دین سے متعلق زیر التوا تمام پوچھ گچھ، تحقیقات، ٹرائلز یا کارروائیاں متعلقہ قوانین کے تحت متعلقہ حکام، محکموں اور عدالتوں کو منتقل کی جائیں گی، بل نے احتساب عدالتوں کے ججوں کے لیے 3 سال کی مدت بھی مقرر کی ہے، یہ عدالتوں کو ایک سال کے اندر کیس کا فیصلہ کرنے کا پابند بھی بنائے گا۔

    پرویز الہی کی رہائی ،پنجاب حکومت کی اپیل خارج کرنے کا فیصلہ جاری

    مجوزہ قانون کے تحت نیب کو پابند کیا گیا ہے کہ وہ ملزم کی گرفتاری سے قبل اس کے خلاف شواہد کی دستیابی کو یقینی بنائے، بل میں شامل کی گئی ایک اہم ترمیم کے مطابق یہ ایکٹ قومی احتساب آرڈیننس 1999 کے شروع ہونے اور اس کے بعد سے نافذ سمجھا جائے گا۔

  • پرویز الہی کی رہائی ،پنجاب حکومت کی اپیل خارج کرنے کا فیصلہ جاری

    پرویز الہی کی رہائی ،پنجاب حکومت کی اپیل خارج کرنے کا فیصلہ جاری

    لاہور ہائیکورٹ نے سابق وزیراعلیٰ پنجاب چوہدری پرویزالہٰی کی رہائی کے سنگل بینچ کے فیصلے کے خلاف پنجاب حکومت کی اپیل خارج کرنے کا فیصلہ جاری کر دیا-

    باغی ٹی وی : لاہور ہائیکورٹ کے جسٹس محمد وحید خان اور جسٹس سلطان تنویر نے پنجاب حکومت کی اپیل خارج کرنے کا 9 صفحات پر مشتمل فیصلہ جاری کیا، فیصلے میں کہا گیا کہ سنگل بینچ کی جانب سے پرویز الہٰی کو دیا گیا ریلیف قانون کے اصولوں سے مطابقت رکھتا ہے، سنگل بینچ کا فیصلہ انہی اصولوں پر ہے جو سپریم کورٹ اور ہائیکورٹ نے دیئے ہیں۔

    فیصلے میں کہا گیا کہ ایڈووکیٹ جنرل خالد اسحاق نے کہا کہ سنگل بینچ نے فیصلے میں مانگی گئی استدعا سے بھی تجاوز کیا، سنگل بینچ نے درخواست میں کی گئی استدعا کے مطابق ہی ریلیف دیا ایڈووکیٹ جنرل کا یہ اعتراض درست نہیں، سنگل بینچ کے فیصلے میں مداخلت کی ضرورت نہیں اس لیے اپیل خارج کی جاتی ہے۔

    سعودی تحائف فروخت کرنے پربرازیل کے سابق صدر کی گرفتاری کا امکان

    واضح رہے کہ لاہور ہائیکورٹ کے 2 رکنی بینچ نے 21 اگست کو حکومت کی اپیل خارج کرنے کا فیصلہ سنایا تھا دوسری جانب لاہور کی مقامی عدالت نے سابق وزیراعلیٰ پنجاب پرویز الہٰی کے پرنسپل سیکرٹری محمد خان بھٹی کے تقرر تبادلوں میں رشوت اور ترقیاتی منصو بو ں میں مبینہ کرپشن کیس میں جوڈیشل ریمانڈ میں 14 روزکی توسیع کردی،عدالت نے ہدایت کی کہ ملزم کو دوبارہ 9 ستمبر کو پیش کیا جا ئے-

    چینی حکومت کا عوام کوبچے پیدا کرنے پراُکسانےکا نیا طریقہ