Author: Ayesha Rehmani

ہیگ: پاکستان کو کیمیائی ہتھیاروں کے خلاف تنظیم اوپی سی ڈبلیو کے ایگزیکٹوبورڈ کا رکن منتخب کرلیا گیا –

باغی ٹی وی: کیمیائی ہتھیاروں کے امتناع کی تنظیم کا اجلاس ہیگ میں ہوا جس میں ایشیا سے بنگلادیش، ایران، ملایشیا اور پاکستان، افریقا سے الجزائر، گھانا، نائجیریا، جنوبی افریقا، مشرقی یورپ سے لیتھوینیا، پولینڈ اور یوکرین، مغربی یورپ سے بیلجیم، ڈنمارک، یونان، اسپین اور نیوزی لینڈ کو ایگزیکٹوبورڈ میں شامل کیا گیا ہےجبکہ لاطینی امریکا اور کیربین خطے سے چلی، ایکواڈور، السلواڈور اور گوئٹے مالا بھی ایگزیکٹو کونسل کے رکن منتخب کرلیے گئے ہیں ووٹنگ میں 98 ممالک نے اراکین کی تبدیلی کے حق میں ووٹ دیا جب کہ 8 نے مخالفت کی اور 21 غیر حاضر رہے جبکہ روس کو اس کونسل سے نکال دیا گیا ہے۔

واضح رہے 41 اراکین پر مشتمل اس کونسل میں رکن ممالک کو 2 برس کے لیے منتخب کیا جاتا ہے۔

توہین الیکشن کمیشن کیس: چیئرمین پی ٹی آئی آج بھی پٔیش نہ ہو سکے

ریفرنس میں نوازشریف کی گاڑی لکھی جس کی واپسی کا ریکارڈ نہیں،وکیل نواز شریف

ایک ٹوٹی ہوئی زنجیر کی فریاد ہیں ہم ، اور دنیا یہ سمجھتی ہے …

اسلام آباد: پاکستان انٹرنیشنل ایئرلائن پی آئی اے کے اکاونٹس منجمد ہونے کا معاملہ، ایف بی آر نے پی آئی کے تمام منجمد اکاونٹس بحال کردیئے-

باغی ٹی وی : ایف بی آر نے ملک بھر میں پی آئی اے کے تمام اکاونٹس بحال کرنے کے احکامات جاری کر دیئے ہیں ترجمان پی آئی اے کے مطابق 55 ارب روپے کی فیڈرل ایکسائز ڈیوٹی کی عدم ادائیگی پر اکاونٹس منجمد کئے گئے تھے پی آئی اے اور ایف بی آر کا لارج ٹیکس یونٹ مسئلے کے حل کیلئے مسلسل رابطے میں رہا-

واضح رہے کہ فیڈرل بیورو آف ریونیو (ایف بی آر) نے ٹیکس کی عدم ادائیگی پر قومی ائیرلائن پی آئی اے کے تمام بینک اکاؤنٹس منجمد کر دئیے تھے، ملک بھر کے بینکوں میں پی آئی اے کے 28 اکاؤنٹس ہیں، پی آئی اے کو مجموعی طور پر ساڑھے 4ارب کی ادائیگی کرنی ہے،پی آئی اے نے فروری سے لے کر اب تک ریٹرن فائل نہیں کئے، ٹریبونل کے آرڈر پر 2ارب 70کروڑ روپے ادا کرنے ہیں، ادائیگی نہ ہونے پر اکاؤنٹس منجمد کردئیے گئے ہیں ائیر لائن نے مسافروں سے ٹکٹ کی مد میں لی گئی رقم ایف بی آر کو ادا نہیں کی،پاکستان اسٹیٹ آئل نے بھی پی آئی اے کے جہازوں کو ایندھن بند کرنے کی دھمکی دے دی،پی ایس او نے پی آئی اے سے 1.5ارب روپے فوری ادائیگی کا مطالبہ کیا ہے۔

پاکستان اسٹاک ایکسچینج میں کاروبار کا مثبت آغاز

پی آئی اے ذرائع نے بتایاکہ ایاسا کے آڈٹ کے دوران ایف بی آر، پی ایس او کے ایسے اقدامات بدقسمتی ہے، ایاسا آڈٹ کے بعد پی آئی اے پر یورپ میں پابندی ہٹ سکتی ہے یورپ اور برطانیہ کی پروازیں بحال ہوجائیں گی،پی آئی اے ترجمان نے ایف بی آر کی جانب سے بینک اکاؤنٹس منجمد کرنے کی تصدیق کی ہے۔

حماس نے اسرائیلی فوجیوں کی رہائی کے بدلے اپنے شرائط پیش کر دیں،12 …

اسلام آباد: احتساب عدالت اسلام آباد میں سابق وزرائے اعظم نوازشریف، یوسف رضا گیلانی اور سابق صدر آصف زرداری کے خلاف توشہ خانہ کیس کی سماعت شروع ہو گئی ہے-

باغی ٹی وی : احتساب عدالت کے جج محمد بشیر نے سماعت کی، نوازشریف کے وکیل قاضی مصباح اور پلیڈر راناعرفان عدالت میں پیش ہوئے، جب کہ نیب پراسیکیوٹرعرفان بھولا اور سہیل عارف بھی عدالت میں پیش ہوئے،توشہ خانہ ریفرنس میں سابق وزیراعظم نوازشریف نیب میں شامل تفتیش ہوگئے ہیں اور انہوں نے نیب کے سوالنامے کا جواب جمع کروا دیا ہے۔

وکیل صفائی نے عدالت کو بتایا کہ شامل تفتیش ہو گئے ہیں سوالات دے دئیے گئے ہیں اور ان کے جوابات بھی فراہم کردئیے گئے ہیں،ذرائع نے بتایا کہ نیب نے نوازشریف سے توشہ خانہ گاڑیوں کے کیس میں 10سے زائد سوالات کا جواب مانگا تھا، جس پر نوازشریف نے اپنے وکیل کے ذریعے گزشتہ روز نیب کو سوالات کا جواب جمع کرادیا نیب تفتیشی افسر نے احتساب عدالت کو آگاہ کردیا ہے

وکیل قاضی مصباح نے مؤقف اختیار کیا کہ نوازشریف شامل تفتیش ہو چکے،سوالنامہ مہیا کیا گیا تھا ان کے خلاف 2019 میں سوالنامہ ریفرنس بنایا گیا تھا، 2019 میں نوازشریف انتہائی علیل تھے، انہوں نے گاڑی لینے کا کوئی مطالبہ نہیں کیا تھا، اور یہ ریکارڈ پرموجود ہے کہ نوازشریف نے گاڑی نہیں مانگی تھی۔

نیب پراسیکیوٹر نے تصدیق کرتے ہوئے عدالت کو بتایا کہ نوازشریف کی جانب سے جواب جمع ہو گیا ہے، یہ تفتیشی نے بتا دیا ہے، مزید کارروائی ہو گی،اس کیلئے کچھ وقت درکار ہو گا،ریفرنس میں نوازشریف کی گاڑی لکھی جس کی واپسی کا ریکارڈ نہیں، جب کہ ایسے دستاویز نہیں کہ نوازشریف نے کوئی گاڑی مانگی ہو۔

پاکستان اسٹاک ایکسچینج میں کاروبار کا مثبت آغاز

جج محمد بشیر نے نیب پراسیکیوٹر سے استفسار کیا کہ اب اس پر کیا کریں گے، جس پر نیب پراسیکیوٹر نے کہا کہ ابھی نوازشریف کا بیان دیکھیں گے، پھر مزید کارروائی ہوگی،احتساب عدالت نے توشہ خانہ کیس کی سماعت 20 دسمبر تک ملتوی کردی۔

نوبیل انعام یافتہ امریکی سفارتکار ہنری کسنجر کا 100 سال کی عمر میں انتقال

اسلام آباد: چیئرمین پی ٹی آئی کیخلاف توہین الیکشن کمیشن کیس پر سماعت ہوئی،چئیرمین پی ٹی آئی کے وکیل پیش ہوئے-

باغی ٹی وی: ‏توہین الیکشن کمیشن اور توہین چیف الیکشن کمشنر کیسز میں ممبر سندھ نثاردرانی کی سربراہی میں چاررکنی بنچ کی سماعت شروع ہوئی ، چیئرمین پی ٹی آئی اور فواد چوہدری آج بھی پیش نہ ہوسکے اسد عمر ذاتی حیثیت میں کمیشن کے سامنے پیش ہوئے جبکہ
چیئرمین پی ٹی آئی کیجانب سے ان کے وکیل شعیب شاہین جبکہ فواد چوہدری کے وکیل فیصل چوہدری کمیشن کے سامنے پیش ہوئے-

ممبر نثار درانی نے کہا کہ وزارت داخلہ نے رپورٹ دی ہے کہ حالت بہتر نہیں کہ چیئرمین پی ٹی آئی کو پیش کیا جائے،انہوں نے کہا ہے جیل کے اندر ٹرائل کیا جاسکتا ہے، عمران خان کے وکیل شعیب شاہین نے کہا کہ ہمیں رپورٹ کی کاپی نہیں مل سکی، اگر رپورٹ خفیہ نہیں تو ہمیں بھی دی جائے،رپورٹ کی کاپی ملے گی تو ہم کیس کی تیاری کرسکیں گے،ہمیں وزارت قانون کی رپورٹ دی جائے جس میں جیل ٹرائل کا کہا گیا ہے –

ممبر سندھ نثار درانی نے کہا کہ یہ وہی رپورٹ ہے جو ہائیکورٹ و دیگر عدالتوں میں بھی پیش کی گئی ہے،جبکہ شعیب شاہین نے کہا کہ رپورٹ خفیہ تو نہیں اس لئے فراہم کی جائے، نثار درانی نے کہا کہ رپورٹ کی کاپی آپکو فراہم کردیتے ہیں، توہین الیکشن کمیشن کا کیس ہے ڈیڑھ سال گزر گیا ، چئیرمین پی ٹی آئی کے وکیل نے کہا کہ سب سے بڑی سیاسی جماعت کے سربراہ کے جیل ٹرائل سے منفی پیغام جاتا ہے-

ممبر بلوچستان شاہ محمد جتوئی نے کہا کہ ہم نے ملزم کو نہیں قانون کو دیکھنا ہے، ایسی باتیں کمیشن کے سامنے نہ کریں ،شیب شاہین نے کہا کہ الیکشن کمیشن بااختیار آئینی ادارہ ہے،نثار درانی نے کہا کہ پہلے آپ اسی ادارے کے خلاف باتین اور توہین کررہے تھے، آپ کیس کو پروسیڈ بھی کرنا چاہتے ہیں اور پھر حاضر بھی نہیں ہوتے-

شعیب شاہین نے کہا کہ وکلاء کو بھی اجازت نہیں کہ چیئرمین پی ٹی آئی سے ملاقات کرسکیں، ہم نے پروڈکشن آرڈر کی درخواست کی، ممبر نثار درانی نے کہا کہ ہم نے تو پروڈکشن آرڈر جاری کردیا، شعیب شاہین نے کہا کہ آپ کے آرڈر پر جان بوجھ کر عمل نہیں کیا جارہا-

ممبران کمیشن نے کہا کہ ہمارے پاس کوئی اپنی فورس تو نہیں ہے ان کو لانے میں رسک ہے، بعد ازاں کیس کی سماعت چھ دسمبر تک ملتوی کردی گئی-

چیئرمین پی ٹی آئی کے خلاف توہین الیکشن کمیشن اورتوہین چیف الیکشن کمشنر کیسز کی سماعت آج ہوگی، ممبرسندھ نثاردرانی کی سربراہی میں چاررکنی بنچ کیس پرسماعت کرے گا توہین عدالت کیس میں آج چیئرمین پی ٹی آئی کیخلاف فرد جرم کی کاروائی عمل میں لائی جائے گی، اور فرد جرم عائد ہونے کا امکان ہے۔

چیئرمین پی ٹی آئی اور سابق وزیر اعظم کو سیکیورٹی خدشات کے باعث الیکشن کمیشن کے سامنے پیش نہ کیے جانے کا امکان ہے چیئرمین پی ٹی آئی کو گزشتہ سماعت پر بھی پیش نہیں کیا گیا تھا،توہین الیکشن کمیشن کیس میں سابق وفاقی وزیر فواد چودھری بھی گرفتاری کے باعث گزشتہ سماعت میں پیش نہیں ہو سکے تھے۔ پی ٹی آئی رہنما اسد عمر بھی توہین الیکشن کمیشن کیس کی گزشتہ سماعت میں غیر حاضر تھے، آج اسد عمر اور فواد چوہدری کو بھی ذاتی حیثیت میں طلب کیا گیا ہے،جبکہ آج کی سماعت میں اسد عمر اور فواد چودھری پر بھی فرد جرم لگنے کا امکان ہے۔

پاکستان اسٹاک ایکسچینج میں کاروبار کا مثبت آغاز

حماس نے اسرائیلی فوجیوں کی رہائی کے بدلے اپنے شرائط پیش کر دیں،12 …

نوبیل انعام یافتہ امریکی سفارتکار ہنری کسنجر کا 100 سال کی عمر میں انتقال