ایران نے راکٹ لانچز کے منصوبے کے پیش نظر نوٹم جاری کر دیا۔
ایرانی میڈیا کے مطابق جاری کردہ نوٹم میں پائلٹس، فلائٹ عملے اور فضائی حدود استعمال کرنے والے دیگر افراد کو حفاظتی اقدامات اختیار کرنے اور متعلقہ علاقوں میں محتاط رہنے کی ہدایت کی گئی ہے ایران نے رواں ہفتے آبنائے ہرمز میں بحری مشقیں بھی کیں جبکہ جمعرات سے روس کے ساتھ مشترکہ بحری مشقوں کا منصوبہ بھی بنایا گیا ہے ان مشقوں کو خطے میں جاری کشیدگی کے تناظر میں اہم قرار دیا جا رہا ہے۔
رمضان المبارک کا چاند دیکھنے کے لیے مرکزی رویت ہلال کمیٹی کے اجلاس پشاور میں شروع ہوگیا، جس کی صدارت چیئرمین رویت ہلال کمیٹی مولانا عبدالخبیر آزاد کررہے ہیں۔
مولانا عبدالخبیر آزاد کے مطابق زونل رویت ہلال کمیٹیاں لاہور، کراچی، کوئٹہ اور اسلام آباد میں الگ الگ اجلاس منعقد کریں گی، انہوں نے کہاکہ حالیہ سالوں میں رمضان کا آغاز ایک ہی دن ہوتا رہا ہے، اور انشااللہ اس بار بھی یہی صورت حال متوقع ہے،وزارت سائنس و ٹیکنالوجی، محکمہ موسمیات اور سپارکو بھی رویت ہلال کمیٹی کا حصہ ہیں اور چاند دیکھنے میں معاونت فراہم کریں گے۔
سپارکو کے مطابق رمضان المبارک کا چاند آج نظر آنے کا قوی امکان ہے، جس کے باعث 19 فروری کو پاکستان میں پہلا روزہ ہونے کا امکان ہےغروب آفتاب کے وقت چاند کی عمر قریباً 25 گھنٹے اور 48 منٹ ہوگی ساحلی علاقوں میں سورج غروب ہونے اور چاند غروب ہونے کے درمیان قریباً 59 منٹ کا فرق ہوگا، جس سے آنکھ سے چاند دیکھنے کے امکانات بڑھ جائیں گے۔‘
وزیراعلیٰ خیبرپختونخوا سہیل آفریدی نے عمران خان کی رہائی کے لیے ’’بانی رہائی فورس ‘‘بنانے کا اعلان کیا ہے۔
سپریم کورٹ کے باہر میڈیا سے بات کرتے ہوئے وزہراعلیٰ خیبرپختونخوا سہیل آفریدی نے اعلان کیا کہ انہیں بانی پی ٹی آئی کی جانب سے اسٹریٹ موو منٹ کی ذمہ داری سونپی گئی ہے عدالتی احکامات کو نظر انداز کیا جا رہا ہے اور بانی پی ٹی آئی کو ذاتی معالجین تک رسائی بھی فراہم نہیں کی جا رہی موجودہ صورتحال جمہوریت، آئین کی بالادستی اور آزاد میڈیا کے لیے خطرہ ہے۔
سہیل آفریدی نے “بانی رہائی فورس” کے قیام کا اعلان کرتے ہوئے کہا کہ اس فورس کی باقاعدہ رجسٹریشن کی جائے گی اور یہ مکمل طور پر پرامن جدوجہد کرے گی، اس فورس میں پی ٹی آئی، آئی ایس ایف اور وومن ونگ سمیت تمام طبقات شامل ہوں گےعید کے فوراً بعد پشاور میں فورس کے اراکین سے حلف لیا جائے گا،ان کا کہنا تھا کہ فورس کا باقاعدہ چین آف کمانڈ ہوگا اور جسے بانی پی ٹی آئی ذمہ داری دیں گے، وہی اس فورس کی قیادت کرے گا پہلے مکمل تیاری کی جائے گی اور پھر جدوجہد کا آغاز ہوگا۔
رمضان المبارک میں گیس فراہمی کا نیا شیڈول جاری
سہیل آفریدی نے کہا کہ جو لوگ انہیں عہدے سے ہٹانے کی خواہش رکھتے ہیں وہ یاد رکھیں کہ عزت اور ذلت اللہ کے ہاتھ میں ہےانہیں ہٹانے سے متعلق پیغام کس نے دیا، اس بارے میں بانی پی ٹی آئی کی بہنوں سے پوچھا جائے۔
سی ٹی ڈی کی بلوچستان میں کامیاب کارروائیاں،صدر مملکت کا خراجِ تحسین
اسلام آباد:وزیراعظم شہباز شریف نے پاکستان ہاکی فیڈریشن کے معاملات میں بدانتظامی اور عالمی سطح پر ملک کی بدنامی کا سخت نوٹس لیتے ہوئے فیڈریشن کے خلاف فیصلہ کن کارروائی کا عندیہ دے دیا ہے۔
ذرائع کے مطابق وزیراعظم نے حالیہ دورہ آسٹریلیا کے دوران قومی ہاکی ٹیم کی کارکردگی اور فیڈریشن کے معاملات پر شدید تشویش کا اظہار کیا ہے وزیراعظم کے احکامات کی روشنی میں وزارتِ بین الصوبائی رابطہ نے واقعے کی باضابطہ انکوائری کرانے کا فیصلہ کیا ہے، جبکہ میڈیا رپورٹس کی روشنی میں حکومتی سطح پر بھی تحقیقات کا آغاز کیا جا رہا ہے۔
وزیراعظم شہباز شریف نے واضح کیا ہے کہ ہاکی کے معاملات میں کسی قسم کی غفلت برداشت نہیں کی جائے گی انہوں نے ہدایت کی ہے کہ شفاف تحقیقات کے بعد قصوروار ثابت ہونے والے افراد کے خلاف فوری اور سخت قانونی کارروائی کی جائے۔
رمضان المبارک میں گیس فراہمی کا نیا شیڈول جاری
ذرائع کاکہنا ہے کہ حکومت صدر پاکستان ہاکی فیڈریشن سے استعفیٰ طلب کرنے پر بھی سنجیدگی سے مشاورت کر رہی ہے حکومت کھیلوں کے فروغ اور اس طرح کے واقعات کی مستقل روک تھام کے لیے پرعزم ہے تاکہ قومی کھیل کے وقار کو بحال کیا جا سکے۔
غزہ پر قبضہ برقرار رہا تو اسلحہ ترک نہیں کریں گے، حماس کا دوٹوک موقف
سوئی ناردرن گیس پائپ لائنز لمیٹڈ (SNGPL) نے ماہِ رمضان کے دوران صارفین کو ریلیف فراہم کرنے کے لیے گیس فراہمی کا نیا شیڈول جاری کر دیا ہے-
ترجمان کے مطابق نئے شیڈول کے تحت لاہور اور پنجاب کے دیگر شہروں میں روزانہ صبح 3 بجے سے رات 10 بج کر 30 منٹ تک گیس دستیاب ہوگی، رمضان المبارک میں سحری اور افطار کے اوقات میں گیس کی طلب میں نمایاں اضافہ ہو جاتا ہے، جس کے پیش نظر سپلائی کے نظام کو ازسرِنو ترتیب دیا گیا ہے تاکہ صارفین کو زیادہ سے زیادہ سہولت فراہم کی جا سکے، نئے شیڈول کا اطلاق فوری طور پر ہوگا اور اس پر سختی سے عملدرآمد یقینی بنایا جائے گا۔
ترجمان کے مطابق رمضان کے مقدس مہینے میں صارفین کو درپیش مشکلات کو کم کرنا کمپنی کی اولین ترجیح ہے، اگر کسی علاقے میں کم گیس پریشر یا سپلائی میں تعطل کی شکایت سامنے آئے تو صارفین فوری طور پر ہیلپ لائن نمبر 1199 پر رابطہ کر کے اپنی شکایت درج کرا سکتے ہیں شکایات کے ازالے کے لیے خصوصی ٹیمیں تشکیل دے دی گئی ہیں جو موصول ہونے والی درخواستوں پر فوری کارروائی کریں گی گیس کے متوازن استعمال اور ضیاع سے بچاؤ کے لیے صارفین کا تعاون بھی ناگزیر ہے تاکہ رمضان کے دوران سب کو بلا رکاوٹ سہولت فراہم کی جا سکے۔
غزہ پر قبضہ برقرار رہا تو اسلحہ ترک نہیں کریں گے، حماس کا دوٹوک موقف
سونے کی قیمت میں نمایاں اضافہ ریکارڈ
سی ٹی ڈی کی بلوچستان میں کامیاب کارروائیاں،صدر مملکت کا خراجِ تحسین
حماس نے اسرائیل کا 60 روز میں غیر مسلح ہونے کا الٹی میٹم مسترد کردیا۔
عرب میڈیا رپورٹس کے مطابق حماس کے سینئر رہنما محمود مرداوی نے بیان میں کہا ہے کہ جب تک غزہ پر اسرائیلی قبضہ برقرار ہے، اسلحہ ترک کرنے کا سوال ہی پیدا نہیں ہوتا،اسرائیلی دھمکیاں حماس کے مؤقف کو تبدیل نہیں کر سکتیں اور مزاحمت جاری رہے گی، اسرائیل کی جانب سے حماس کو غیر مسلح ہونے کے لیے دی گئی مہلت کے بعد خطے میں کشیدگی مزید بڑھنے کا خدشہ ظاہر کیا جا رہا ہے،غزہ میں جاری صورتحال اور اسرائیلی اقدامات کے تناظر میں کسی بھی قسم کی یکطرفہ شرط قبول نہیں کی جا سکتی۔
سیاسی مبصرین کے مطابق اس بیان کے بعد دونوں فریقین کے درمیان کشیدگی میں کمی کے امکانات کم دکھائی دے رہے ہیں، جبکہ خطے میں امن کوششوں کو بھی ایک نیا دھچکا لگنے کا امکان ہے صورتحال پر عالمی برادری کی نظر ہے، تاہم فی الحال زمینی حقائق میں کسی فوری تبدیلی کے آثار نظر نہیں آ رہے۔
سونے کی قیمت میں نمایاں اضافہ ریکارڈ
سی ٹی ڈی کی بلوچستان میں کامیاب کارروائیاں،صدر مملکت کا خراجِ تحسین
سی ٹی ڈی کی بلوچستان میں کامیاب کارروائیاں،صدر مملکت کا خراجِ تحسین
پاکستان اور عالمی مارکیٹ میں سونے کی قیمت میں کمی کے بعد آج پھر اضافہ دیکھنے میں آ یا ہے۔
پاکستان میں فی تولہ سونے کی قیمت میں 1300 روپے کا اضافہ ہوگیاملک میں فی تولہ سونا 1300 روپے اضافے کے بعد 516,062 روپے کا ہوگیا جب کہ 10 گرام سونا 1114 روپے اضافے کے بعد 442,439 روپے کا ہو گیاہےاس کے علاوہ 10 گرام 22 قیراط سونے کی قیمت 405,583 روپے ہوگئی،جبکہ بین الاقوامی بلین مارکیٹ میں فی اونس سونے کی قیمت 13ڈالر کے اضافے سے 4ہزار 933ڈالر کی سطح پر آگئی۔
فی تولہ چاندی کی قیمت 32روپے کے اضافے سے 8ہزار 046روپے کی سطح پر آگئی، فی دس گرام چاندی کی قیمت بھی 28روپے کے اضافے سے 6ہزار 898روپے کی سطح پر آگئی۔
سی ٹی ڈی کی بلوچستان میں کامیاب کارروائیاں،صدر مملکت کا خراجِ تحسین
بانی پی ٹی آئی کی بینائی میں نمایاں بہتری آئی ہے، بیرسٹر گوہر
مارچ میں فائیو جی سپیکٹرم کی نیلامی کی جائے گی،چیئرمین پی ٹی اے
آصف علی زرداری نے کوئٹہ اور بارکھان میں دہشتگردوں کے خلاف کامیاب کارروائیوں پر کاؤنٹر ٹیررازم ڈیپارٹمنٹ(سی ٹی ڈی) بلوچستان کو خراجِ تحسین پیش کیا ہے۔
صدر مملکت نے کارروائیوں کے دوران فتنتہ الخوارج سے تعلق رکھنے والے 14 دہشتگردوں کو ہلاک کرنے والے اہلکاروں کی پیشہ ورانہ صلاحیتوں اور جرات کو سراہتے ہوئے کہا کہ سیکیورٹی فورسز ملک میں امن و استحکام کے قیام کے لیے قابلِ قدر خدمات انجام دے رہی ہیں،انہوں نے فائرنگ کے تبادلے میں زخمی ہونے والے سی ٹی ڈی اہلکاروں کی جلد صحت یابی کے لیے دعا بھی کی۔
صدر آصف زرداری کا کہنا تھا کہ پوری قوم اپنے بہادر جوانوں کی قربانیوں اور عزم کو قدر کی نگاہ سے دیکھتی ہے،سی ٹی ڈی بلوچستان دہشت گردی کے خلاف وطنِ عزیز کی حفاظت میں نمایاں کردار ادا کر رہی ہے اور ملک سے بیرونی سرپرستی میں ہونے والی دہشتگردی کا خاتمہ حکومت کی اولین ترجیح ہے۔
انہوں نے اس عزم کا اعادہ کیا کہ دہشتگرد عناصر کے خلاف کارروائیاں بلا امتیاز جاری رکھی جائیں گی تاکہ پاکستان کو امن کا گہوارہ بنایا جا سکے۔
بانی پی ٹی آئی کی بینائی میں نمایاں بہتری آئی ہے، بیرسٹر گوہر
بانی پی ٹی آئی کی بینائی میں نمایاں بہتری آئی ہے، بیرسٹر گوہر
اسرائیل نے مسجدالاقصیٰ کے امام کو گرفتار کر لیا،حماس کی شدید مذمت
چیئرمین پی ٹی آئی بیرسٹر گوہر علی خان نے کہا ہے کہ عمران خان کی بینائی میں نمایاں بہتری آئی ہے، جس کے بعد دھرنا ختم کرنے کا فیصلہ کیا گیا۔
پارلیمنٹ ہاؤس کے باہر میڈیا سے گفتگو کرتے ہوئے گوہر علی خان نے کہا کہ پارٹی کی خواہش بدستور یہی ہے کہ عمران خان کو اسپتال منتقل کیا جائے تاکہ ان کا مکمل اور شفاف طبی معائنہ ممکن ہو سکے دھرنے کا اعلان اس رپورٹ کے بعد کیا گیا تھا جس میں دعویٰ کیا گیا کہ عمران خان کی بینائی 85 فیصد تک متاثر ہو چکی ہے یہ خبر نہایت تشویشناک تھی اور اسی باعث احتجاج کا فیصلہ کیا گیا۔
تاہم بعد ازاں بتایا گیا کہ عمران خان کی آنکھ کی حالت میں خاطر خواہ بہتری آئی ہے، جس کے بعد دھرنا ختم کرنے کا اعلان کیا گیا عمران خان کو اسپتال منتقل کر کے ان کے ذاتی معالجین، پارٹی کے ڈاکٹروں اور اہلِ خانہ کی موجودگی میں علاج کی سہولت دی جانی چاہیے تھی، حکومت کو اس امر کا ادراک ہونا چاہیے کہ ملاقاتوں پر پابندی ہی بیشتر مسائل کی بنیادی وجہ ہے۔
مارچ میں فائیو جی سپیکٹرم کی نیلامی کی جائے گی،چیئرمین پی ٹی اے
چیئرمین پی ٹی آئی کا کہنا تھا کہ اگر ملاقاتوں کی اجازت ہوتی تو پارٹی قیادت کو بروقت معلوم ہو جاتا کہ عمران خان کی صحت کی صورتحال کیا ہے، کیا علاج ہو رہا ہے اور کسی ممکنہ آپریشن یا طبی پیش رفت کی تفصیلات کیا ہیں اہلِ خانہ، وکلا اور معالجین کو ملاقات کی اجازت نہ دینا زیادتی ہے، خصوصاً جب بات ایک سابق وزیرِاعظم اور ملک کے مقبول سیاسی رہنما کی ہو۔
مارچ میں فائیو جی سپیکٹرم کی نیلامی کی جائے گی،چیئرمین پی ٹی اے
چیئرمین پی ٹی اے نے بتایا کہ مارچ میں فائیو جی سپیکٹرم کی نیلامی کی جائے گی-
پاکستان ٹیلی کمیونیکیشن اتھارٹی (پی ٹی اے) میجر جنرل (ر) حفیظ الرحمن نے پریس کانفرنس میں بتایا کہ مارچ میں فائیو جی سپیکٹرم کی نیلامی کی جائے گی، جبکہ امیدوار کمپنیاں 27 فروری تک اپنی بولیاں جمع کرا سکتی ہیں ڈی جی لائسنسنگ عامر شہزاد کے مطابق نیلامی میں حصہ لینے والی کمپنیوں کو 15 ملین ڈالر سیکیورٹی ڈپازٹ (بینک گارنٹی) جمع کرانا ہوگی۔
ڈی جی لائسنسنگ نے بریفنگ دیتے ہوئے کہا کہ سپیکٹرم کی دستیابی کے حوالے سے پاکستان اس وقت خطے میں نچلے درجے پر تھا، جو ایک بڑا چیلنج تھا تاہم حکومت نے 597.2 میگا ہرٹز سپیکٹرم کی دستیابی یقینی بنا دی ہے،کوالٹی آف سروس اور کوریج بڑھانے کے لیے سپیکٹرم نیلامی کا فیصلہ کیا گیا ہے ، جبکہ فائیو جی لانچ کے لیے 9 سالہ مرحلہ وار پروگرام تیار کیا گیا ہے۔
اسرائیل نے مسجدالاقصیٰ کے امام کو گرفتار کر لیا،حماس کی شدید مذمت
ہر آپریٹر ہر سال ایک ہزار نئی سائٹس لگائے گا ان میں سے 200 سائٹس ان علاقوں میں ہوں گی جہاں نیٹ ورک کے مسائل ہیں دیہی اور شہری علاقوں کے لیے باقاعدہ کوریج پلان جمع کرانا ہوگا، ٹاور فائبرائزیشن کو لازمی قرار دیا گیا ہے اور ہر سال اس میں اضافہ کرنا ہوگا،فائیو جی سروسز پہلے مرحلے میں وفاقی اور صوبائی دارالحکومتوں میں متعارف کرائی جائیں گی، ڈی جی لائسنسنگ نے واضح کیا کہ فائیو جی سروسز فوری طور پر پورے ملک میں دستیاب نہیں ہوں گی بلکہ مرحلہ وار توسیع کی جائے گی۔
پہلے 2 سال کے لیے فور جی ڈاؤن لوڈ اسپیڈ کم از کم 20 ایم بی پی ایس مقرر کی گئی ہے فائیو جی لانچ کے وقت ڈاؤن لوڈ اسپیڈ 50 ایم بی پی ایس ہو گی تخمینہ ہے کہ فائیو جی آکشن کے بعد ملک میں موبائل انٹرنیٹ اسپیڈ میں 25 فیصد تک اضافہ ہوگا راونڈ ون میں آپریٹرز کے لیے 2600 اور 3500 میگا ہرٹز بینڈ میں سپیکٹرم خریدنا لازمی ہوگا سپیکٹرم کیپ بھی مقرر کی گئی ہے تاکہ کوئی ایک آپریٹر کسی ایک بینڈ میں تمام سپیکٹرم حاصل نہ کر سکے۔
رمضان المبارک 2026 : وفاق نےدفتری اوقات کا اعلان کردیا
چیئرمین پاکستان ٹیلی کمیونیکیشن اتھارٹی (پی ٹی اے) نے بتایا کہ فائیو جی سروس کے آغاز کے ساتھ ہی مارکیٹ میں فائیو جی انیبلڈ اسمارٹ فونز 35 ہزار سے 45 ہزار روپے کی قیمت میں دستیاب ہوں گے، ٹیلی کام کمپنیاں صارفین کی سہولت کے لیے یہ فونز آسان اقساط پر بھی فراہم کریں گی تاکہ زیادہ سے زیادہ لوگ نئی ٹیکنالوجی سے فائدہ اٹھا سکیں۔
پی ٹی اے حکام کے مطابق حکومت نے ٹیلی کام آپریٹرز کے مطالبے پر آکشن کے روز ڈالر ریٹ فکس کرنے کا فیصلہ کیا ہے،چیئرمین پی ٹی اے نے موبائل فونز پر ٹیکس سے متعلق وضاحت کرتے ہوئے کہا کہ فونز کی خریداری پر وصول کیا جانے والا ٹیکس پی ٹی اے کو نہیں بلکہ فیڈرل بورڈ آف ریونیو ( ایف بی آر) کو جاتا ہےانہیں آئی فون پر عائد ٹیکس کی مخصوص تفصیلات کا علم نہیں۔
پاک سعودیہ معیشت سے متعلق ایک اور اسٹریٹجک منصوبے کی تیاری کر رہے ہیں،سعودی سفیر