Baaghi TV

Author: Ayesha Rehmani

  • بابر اعظم کا ٹیم کیلئے سوشل میڈیا پر پیغام

    بابر اعظم کا ٹیم کیلئے سوشل میڈیا پر پیغام

    حیدر آباد،دکن: قومی ٹیم کے کپتان بابر اعظم نے ورلڈکپ میں سری لنکا کے خلاف شاندار کامیابی کے بعد سوشل میڈیا پر بیان جاری کیا ہے-

    باغی ٹی وی: گزشتہ روز راجیو گاندھی انٹرنیشنل اسٹیڈیم حیدرآباد میں سری لنکا کیخلاف پاکستان نے ریکارڈ ساز جیت درج کی تھی، اس میچ میں آئی لینڈرز نے مقررہ 50 اوورز میں 9 وکٹوں کے نقصان پر 344 رنز بنائے، کوشال مینڈس 122 اور سمارا وکرما 108 رنز بناکر نمایاں رہےہدف کے تعاقب میں قومی ٹیم نے 4 وکٹوں کےنقصان پر 49 ویں اوور میں 345 رنز کا پہاڑ جیسا ٹارگٹ حاصل کرلیا، عبداللہ شفیق نے 113 جبکہ محمد رضوان 131 رنز بناکر ناٹ آؤٹ رہے۔

    حیدرآباد،دکن:بابر اعظم نے گراؤنڈ سٹاف کو اپنی شرٹ تحفے میں دیدی

    پاکستانی بیٹنگ کی خاص بات ورلڈکپ میں اپنا پہلا میچ کھیلنے والے عبد اللہ شفیق اور وکٹ کیپر محمد رضوان کی شاندار سنچریاں تھیں جن کی بدولت گرین شرٹس نے اتنا بڑا ہدف کامیابی سے حاصل کیا اور محمد رضوان کو شاندار بلے بازی کا میچ کا بہترین کھلاڑی بھی قرار دیا گیا، پاکستان نے سری لنکا کی جانب سے دیا گیا 345 رنز کا ہدف صرف 4 وکٹوں کے نقصان پر پورا کر کے ورلڈکپ کی 48 سالہ تاریخ کا سب سے بڑا ٹوٹل 10 گیندوں قبل حاصل کر لیا۔

    عبد اللہ شفیق اور محمد رضوان نے کونسے ریکارڈ توڑے

    https://x.com/babarazam258/status/1711819818025058790?s=20
    میچ کے بعد قومی ٹیم کے کپتان بابر اعظم نے سوشل میڈیا پر جاری بیان میں لکھا کہ میرے لڑکوں کی کمر پر تھپکی جو کبھی بھی نا نہیں کہتے، محمد رضوان اور عبد اللہ شفیق نے خطرناک بولنگ کے بعد جیت کی بنیاد رکھی۔

    عبداللہ شفیق بھارت میں ورلڈ کپ کے دوران سنچری بنانے والے پہلے پاکستانی بن گئے

  • حیدرآباد،دکن:بابر اعظم نے گراؤنڈ سٹاف کو اپنی شرٹ تحفے میں دیدی

    حیدرآباد،دکن:بابر اعظم نے گراؤنڈ سٹاف کو اپنی شرٹ تحفے میں دیدی

    حیدر آباد،دکن: آئی سی سی ورلڈکپ میں سری لنکا کے خلاف شاندار فتح کے بعد پاکستان کرکٹ ٹیم کے کھلاڑی حیدرآباد دکن کے راجیو گاندھی اسٹیڈیم کےگراؤنڈ اسٹاف کے ساتھ گُھل مل گئے۔

    باغی ٹی وی: سماجی رابطے کی سائٹ ایکس پر قومی کرکٹ ٹیم کے کھلاڑیوں نے اسٹیڈیم کے گراؤنڈ اسٹاف کے ہمراہ تصاویر بنوائیں جبکہ کپتان بابراعظم نے اپنی شرٹ بھی تحفے میں دی،آئی سی سی نے قومی ٹیم کے کھلاڑیوں کے گراؤنڈ اسٹاف کے ساتھ گزارے لمحات کی ویڈیو بھی شیئر کی جس کو مداحوں کی جانب سے خوب سراہا جارہا ہے۔
    https://x.com/TheRealPCB/status/1711806451008897366?s=20
    گزشتہ روز راجیو گاندھی انٹرنیشنل اسٹیڈیم حیدرآباد میں سری لنکا کیخلاف پاکستان نے ریکارڈ ساز جیت درج کی تھی، اس میچ میں آئی لینڈرز نے مقررہ 50 اوورز میں 9 وکٹوں کے نقصان پر 344 رنز بنائے، کوشال مینڈس 122 اور سمارا وکرما 108 رنز بناکر نمایاں رہےہدف کے تعاقب میں قومی ٹیم نے 4 وکٹوں کےنقصان پر 49 ویں اوور میں 345 رنز کا پہاڑ جیسا ٹارگٹ حاصل کرلیا، عبداللہ شفیق نے 113 جبکہ محمد رضوان 131 رنز بناکر ناٹ آؤٹ رہے۔

    عبد اللہ شفیق اور محمد رضوان نے کونسے ریکارڈ توڑے

    پاکستانی اوپنر امام الحق ورلڈ کپ میچ کے دوسرے 3000 ون ڈے رنز مکمل کرنے …

    عبداللہ شفیق بھارت میں ورلڈ کپ کے دوران سنچری بنانے والے پہلے پاکستانی بن گئے

    واضح رہے کہ قومی ٹیم ایونٹ میں اپنا اگلا میچ روایتی حریف بھارت کیخلاف 14 اکتوبر احمد آباد میں کھیلے گی۔

  • لندن:لوٹن ائیرپورٹ پر اچانک آگ بھڑک اٹھی

    لندن:لوٹن ائیرپورٹ پر اچانک آگ بھڑک اٹھی

    لندن : لوٹن ائیرپورٹ پر اچانک آگ بھڑک اٹھی جس کے سبب تمام پروازیں معطل کردی گئیں۔

    باغی ٹی وی : غیر ملکی میڈیا کے مطابق آگ کارپارکنگ میں لگی جس کی وجہ سے ائیرپورٹ کے ٹرمینل 2 تک پہنچنا ناممکن ہوگیا، انتظا میہ نے لوگوں کو خبردار کیا ہےکہ وہ ائیرپورٹ آنے سے گریز کریں، آگ ایک گاڑی میں لگی تھی جو تیزی سے پھیلی اور اس نے ائیرپورٹ کو لپیٹ میں لے لیا آگ سے پارکنگ ایریا کا تھرڈ فلور 80 فیصد متاثر ہوا ہے تاہم گاڑی میں آگ لگنے کی وجہ معلوم نہیں ہوسکی۔
    https://x.com/pontius_is_goat/status/1711849355748016444?s=20

    افغانستان میں ایک بار پھر شدید زلزلے کے جھٹکے محسوس کیے گئے

    سوشل میڈیا پر پوسٹ کی گئی فوٹیج میں کثیر المنزلہ کار پارک کی اوپری منزل سے آگ کے شعلے اور دھواں اٹھتے ہوئے دکھایا گیا، ساتھ ہی زور دار دھماکوں کی آوازیں بھی آ رہی تھیں،بدھ کی صبح جاری ہونے والے ایک بیان میں ائیر پورٹ انتظامیہ نے لوگوں کو ہوائی اڈے کا سفر نہ کرنے کا مشورہ دیا،کہا کہ ہمارے مسافروں اور عملے کی حفاظت ہماری اولین ترجیح ہے۔ اس لیے ہم نے تمام پروازیں بدھ 11 اکتوبر کی رات 12 بجے تک معطل کرنے کا فیصلہ کیا ہے-

    ایسٹ آف انگلینڈ ایمبولینس سروس نے کہا کہ ایک شہری اور چھ فائر فائٹرز دھویں کے سانس لینے سے متاثر ہوئےکوئی جانی نقصان نہیں ہوا-

    گھریلو صارفین کیلئے ے گیس کی قیمتوں میں دگنا اضافے کا امکان

  • گھریلو صارفین کیلئے ے گیس کی قیمتوں میں دگنا اضافے کا امکان

    گھریلو صارفین کیلئے ے گیس کی قیمتوں میں دگنا اضافے کا امکان

    گھریلو صارفین کے لئے گیس کی قیمتوں میں رواں ماہ سے ہی دگنا اضافہ کیے جانے کا امکان ہے۔

    باغی ٹی وی: ذرائع پیٹرولیم ڈویژن کے مطابق حکومت غیر محفوظ گھریلو صارفین کے لیے گیس کی قیمتوں میں 129 فیصد، کمرشل 136 فیصد، برآمدی شعبے کے لئے 71 فیصد، نان ایکسپورٹ انڈسٹری کے لئے 117 فیصد اور سی این جی کی قیمتوں میں 144 فیصد اضافے کے لیے تیار ہے۔

    پیٹرولیم ڈویژن ذرائع کا کہنا ہے کہ یکم اکتوبر سے گھریلو صارفین سمیت روٹی و تندور کا کاروبار کرنے والے صارفین اور اینگرو فرٹیلائزر پلانٹ فیڈ گیس کے لیے گیس کی قیمتوں میں کوئی تبدیلی نہیں کی جائے گی تاہم محفوظ صارفین کے لیے فکسڈ ریٹ 10 روپے سے بڑھا کر 400 روپے، 600 ایم ایم بی ٹی یو تک استعمال کرنے والے غیر محفوظ گھریلو صارفین کے لیے 460 روپے سے بڑھا کر 1000 روپے اور 3100 ایم ایم بی ٹی یو تک استعمال کرنے والے صارفین کے لیے فکسڈ ریٹ 460 روپے سے بڑھا کر 2000 روپے کر دیا گیا ہے۔

    افغانستان میں ایک بار پھر شدید زلزلے کے جھٹکے محسوس کیے گئے

    آئل اینڈ گیس ریگولیٹری اتھارٹی (اوگرا) نے رواں مالی سال کے لئے سوئی ناردرن گیس پائپ لائن لمیٹڈ (ایس این جی پی ایل) اور سوئی سدرن گیس کمپنی (ایس ایس جی سی) کے لئے تخمینہ محصولات کی ضروریات کا تعین 02 جون 2023 کو جاری کیا جس کے مطابق ایس این جی پی ایل کو 358 ارب روپے اور ایس ایس جی سی ایل کو 339 ارب روپے کی آمدنی کی ضرورت ہے۔

    سند ھ کے مختلف اضلاع میں بجلی چوری کی تفصیلات جاری

    گیس کے شعبے میں کوئی سبسڈی نہیں ہے جب کہ ہر مالیکیول کی اوسط مقررہ قیمت 1291 روپے فی ایم ایم بی ٹی یو ہے لیکن گھریلو صارفین کی محفوظ کیٹیگری اب بھی 121 روپے سے 250 روپے فی ایم ایم بی ٹی یو ٹیرف ادا کر رہی ہے 57 فیصد گھریلو صارفین کے لئے گیس ٹیرف میں کوئی اضافہ نہیں کیا جائے گا تاہم اس زمرے کے لئے فکسڈ ماہانہ چارج 10 روپے سے بڑھا کر 400 روپے کرنے کی تجویز ہے اور غیر محفوظ گھریلو صارفین کے لئے ٹیرف میں ابتدائی سلیب میں معمولی اضافہ ہوگا۔

    سکھرحیدرآباد موٹروے کرپشن کیس:ملزمان کے خلاف کرپشن کے ثبوت مل گئے

  • سکھرحیدرآباد موٹروے کرپشن کیس:ملزمان کے خلاف کرپشن کے ثبوت مل گئے

    سکھرحیدرآباد موٹروے کرپشن کیس:ملزمان کے خلاف کرپشن کے ثبوت مل گئے

    سندھ: سکھرحیدرآباد موٹروے کرپشن کیس میں سابق ڈی سی مٹیاری عدنان رشید اور اسلم پیرزادہ کے خلاف کرپشن کے ثبوت مل گئے۔

    باغی ٹی وی : نیب حکام کے مطابق کرپشن کے الزام میں گرفتار دونوں ملزمان کے موبائل کے ایس ایم ایس، وائس ریکارڈ میسج اور کال ڈیٹا کی فارنزک رپورٹ آگئی ہے گرفتارملزمان کے موبائل سے کرپشن کی رقم تقسیم کرنے کے ثبوت ملے ہیں سکھر حیدرآباد موٹروے کرپشن کیس میں گرفتار دونوں ملزمان سابق ڈی سی عدنان رشید اور اسلم پیرزادہ نواب شاہ اورمٹیاری کی سیاسی شخصیات سے رابطے میں تھے۔نیب حکام کے مطابق فارنزک رپورٹ کی کاپی احتساب عدالت میں جمع کرائیں گے۔

    واضح رہے کہ ایم 6 موٹر وے منصوبے کیلئے نیشنل ہائی وے اتھارٹی نے زمینوں کی خریداری کیلئے ڈپٹی کمشنر مٹیاری اور نوشہرو فیروز کو 7 ارب 71 کروڑ 16 لاکھ روپے سے زائد کے فنڈز جاری کیے لیکن زمینوں کی خریداری کے معاملے میں مبینہ طور پر قواعد ضوابط کا خیال نہیں رکھا گیا3 ارب 61 کروڑ روپے سے زائد وصول کرنے والا ڈپٹی کمشنر نوشہروفیروز تاشفین عالم غیر ملکی پرواز سے آذربائیجان فرار ہوگیا۔

    اوچ شریف: مبینہ پولیس مقابلہ ،2 ڈکیت ساتھیوں کی فائرنگ سے ہلاک

    دوسری جانب 4 ارب روپے سے زائد وصول کرنے والے ڈپٹی کمشنر مٹیاری کی نگرانی میں مبینہ طورپر سوا 2 ارب روپے کیش نکالے گئے لیکن مبینہ طور پر زمین نہیں خریدی گئی سندھ حکومت نے مبینہ کرپشن کی تحقیقات کیلئے کمیٹی بنائی تھی اور اینٹی کرپشن سندھ نے مقدمات بھی درج کیے تھے۔

    افغانستان میں ایک بار پھر شدید زلزلے کے جھٹکے محسوس کیے گئے

  • سند ھ کے مختلف اضلاع میں بجلی چوری کی تفصیلات جاری

    سند ھ کے مختلف اضلاع میں بجلی چوری کی تفصیلات جاری

    کراچی:سیکرٹری پاور ڈویژن راشد لنگڑیال نے سوشل میڈیا پر سندھ کے مختلف اضلاع میں بجلی چوری کی تفصیلات جاری کر دیں۔

    باغی ٹی وی : کراچی کے علاوہ سندھ کے دیگر اضلاع کے اعداد و شمار جاری کرتے ہوئے سیکرٹری پاور ڈویژن کا کہنا تھا کہ مختلف اضلاع میں 30 سے 50 فیصد سے زائد بجلی چوری ہو رہی ہے تاہم تھر پار کر اور جامشورو میں بجلی نقصانات صرف 11 سے 15 فیصد تک ہیں سندھ کے 8 اضلاع میں بجلی چوری 50 فیصد، 15 اضلاع میں 40 فیصد اور 19 اضلاع میں بجلی چوری 30 فیصد سے زائد ہے۔
    https://x.com/Rashidlangrial/status/1711561109453320461?s=20
    سیکرٹری پاور ڈویژن کے اعداد و شمار کے مطابق بجلی چوری کے نقصانات میں 59 فیصد کے ساتھ جیکب آباد سرفہرست ہے، سجاول 58 فیصد سے دوسرے اور لاڑکانہ 57 فیصد کے ساتھ تیسرے نمبر پر ہے سندھ کے دیگر اضلاع میں بجلی چوری کے نقصانات کشمور میں 56 فیصد، شکارپور، قمبر شہدادکوٹ، دادو اور نوشہروفیروز میں 52 فیصد ہیں۔

    بجلی چوروں کے خلاف کارروائیاں، 18 ارب 39 کروڑ 80 لاکھ روپے وصول کر لئے، سیکرٹری پاور ڈویژن

    جاری اعدادو شمار کے مطابق مٹیاری میں بجلی چوری کے نقصانات 49 فیصد، خیرپور میں 48 فیصد، شہید بے نظیر آباد اور میرپورخاص میں 43 فیصد ہیں گھوٹکی اور ٹھٹہ میں بجلی چوری کے نقصانات 41 فیصد جبکہ سانگھڑ میں 32 اور بدین میں 31 فیصد ہیں سکھر میں بجلی چوری کے نقصانات 30 فیصد جبکہ عمرکوٹ میں بجلی چوری کے نقصانات 27 فیصد ہیں۔

    قبل ازیں راشد لنگڑیال کا کہنا تھا کہ بجلی چوری سے 18 ارب 39 کروڑ 80 لاکھ روپے وصول کیے، ایک ماہ میں 13 ہزار 778 بجلی چوروں کو گرفتار کیا، بجلی چوری کے خلاف کارروائیوں کا آغاز7ستمبر کو کیا گیا، مہم کو چوری روکنا، بلز ادائیگی بہتر اور بجلی چوروں کو گرفتار کرنے کے لیے ڈیزائن کیا تھا۔

    افغانستان میں ایک بار پھر شدید زلزلے کے جھٹکے محسوس کیے گئے

  • افغانستان میں ایک بار پھر شدید زلزلے کے جھٹکے محسوس کیے گئے

    افغانستان میں ایک بار پھر شدید زلزلے کے جھٹکے محسوس کیے گئے

    کابل: شمال مغربی افغانستان میں ایک بار پھر شدید زلزلے کے جھٹکے محسوس کیے گئے۔

    باغی ٹی وی: غیر ملکی خبر رساں ایجنسی کے مطابق شمال مغربی افغانستان میں علی الصبح کو آنے والے زلزلے کی شدت ریکٹر اسکیل پر 6.3 تھی،زلزلہ پیما مرکز کے مطابق زلزلے کی گہرائی 10 کلومیٹر تھی زلزلے کا مرکز افغانستان کے شہر ہیرات سے 28 کلومیٹر کے فاصلے پر تھا۔

    دوسری جانب افغانستان میں جمعہ کو آنے والے زلزلے سے اموات کی تعداد 4 ہزار سے تجاوز کر گئی جبکہ 9 ہزار سے زائد افراد زخمی ہیں افغان ڈیزاسٹر مینجمنٹ اتھارٹی کے ترجمان کے مطابق صوبے ہرات میں زلزلے سے 2 ہزار گھر مکمل تباہ ہو چکے ہیں جب کہ زلزلے سے متاثرہ علاقوں میں امدادی کارروائیاں جاری ہیں۔

    افغانستان زلزلہ: ہلاکتوں کی تعداد 4 ہزار ہو گئی

    قدرتی آفات سےنمٹنے کے ادارے کےترجمان ملا جان صائق نےکہا ہے کہ تین صوبوں میں زلزلے سے کافی نقصان ہوا ہے دو سر ی جانب چین نے زلزلہ متاثرین کی مدد کیلئے 2 لاکھ ڈالر کی رقم افغانستان کے حوالے کر دی ہے، امریکی جیولوجیکل سروے کی ایک ابتدائی رپورٹ میں کہا گیا ہے کہ یہ تباہی ممکنہ طور بڑی ہے، جس کے نتیجے میں کئی افراد کے جاں بحق ہونے کا خدشہ ہے ہرات کے شمال مغرب میں 21.7 میل دور 5.9 شدت کا زلزلہ، زندہ جان سے شمال مشرق میں 20.5 میل دور 6.3 شدت کا زلزلہ اور ایک اور 6.3 شدت کا زلزلہ شامل ہے۔

    سکیورٹی فورسز کی کارروائیوں میں 2 دہشت گرد ہلاک

  • بابراعظم نے پاکستان کرکٹ کو ایک معیار دیا ہے،رمیز راجا

    بابراعظم نے پاکستان کرکٹ کو ایک معیار دیا ہے،رمیز راجا

    حیدرآباد ،دکن:سابق چیئرمین پاکستان کرکٹ بورڈ (پی سی بی ) رمیز راجا کا کہنا ہے کہ جب بابر اعظم جیسے کلاسیکل بیٹسمین پاکستان میں پیدا ہوتے ہیں تو ہم بے حد پرجوش ہوجاتے ہیں-

    باغی ٹی وی: بھارت میں ورلڈکپ کے دوران ایک شو میں میزبان نے رمیز راجا سے سوال کیا کہ آپ کو بابر اتنے پسند ہیں کہ آپ نے انہیں شادی کرنے کا کہہ دیا؟ اس پر رمیز راجا نے بتایا کہ میں نے ان سے محبت کا اظہار کیا تھا کیوں کہ میں ان کی اتنی تعریفیں کررہا تھا،بابر اعظم کو دیکھ کر ایسا محسوس ہوتا ہے جیسے کوئی خزانہ نکل آیا ہو ، بابر نے ٹیم کے اتار چڑھاؤ کو دیکھتے ہوئے اس ٹیم کو سنبھالا ہوا ہے، 28 سال کی عمر میں بابر نے اتنی کامیابی حاصل کرلی ہے کہ آج پاکستان بھارت سے کڑا مقابلہ کرسکتا ہے اس کا زیادہ تر کریڈٹ بابر اعظم کو ہی جاتا ہے۔

    بھارتی ٹیم کا اہم کھلاڑی اسپتال داخل،پاکستان کیخلاف میچ میں شرکت مشکوک

    انہوں نے کپتان بابر اعظم کو پاکستان میں اتنی اہمیت ملنے کی وجہ ان کی کم عمری میں کامیاب کپتانی کو قرار دیتے ہوئے کہا کہ بابراعظم نے پاکستان کرکٹ کو ایک معیار دیا ہے، ان کا شمار دنیا کے نامی گرامی بیٹسمینوں میں کیا جاتا ہے،جب بابر اعظم جیسے کلاسیکل بیٹسمین پاکستان میں پیدا ہوتے ہیں تو ہم بے حد پرجوش ہوجاتے ہیں کیوں کہ بیٹرز پروڈیوس کرنے میں پاکستان کوئی بہت اچھی تاریخ نہیں رکھتا اگرچہ بھارت یہ تاریخ رکھتا ہے شاید یہی وجہ ہے کہ بھارتی کسی نئے بلے باز کو دیکھ کر زیادہ پرجوش نہیں ہوتے۔

    ورلڈکپ: سری لنکا کا پاکستان کیخلاف ٹاس جیت کر بیٹنگ کا فیصلہ

  • آئی ایم ایف کی ورلڈ اکنامک آؤٹ لک رپورٹ جاری

    آئی ایم ایف کی ورلڈ اکنامک آؤٹ لک رپورٹ جاری

    اسلام آباد: بین الاقوامی مالیاتی فنڈ (آئی ایم ایف) نے ورلڈ اکنامک آؤٹ لک رپورٹ جاری کر دی۔

    باغی ٹی وی : رپوٹ میں آئی ایم ایف نے نے پاکستان میں رواں سال معاشی شرح نمو 2.5 فیصد اور مہنگائی کی شرح 23.6 فیصد رہنے کی پیشگوئی کردی ہےآئی ایم ایف کے مطابق سال 2028 تک جی ڈی پی گروتھ 5 فیصد تک جانے کا تخمینہ لگایا گیا ہے جب کہ س سال پاکستان میں بے روزگاری کم ہو کر 8 فیصد پر آنے کا امکان ہے جو کہ گزشتہ مالی سال ساڑھے 8 فیصد تھی اس سال پاکستان کا کرنٹ اکاونٹ خسارہ جی ڈی پی کا 1.8 فیصد رہے گا،البتہ عالمی سطح پر کورونا وبا اور روس یوکرین جنگ کے اثرات برقرار رہیں گے۔

    ادھر آئی ایم ایف نے رواں سال کے لیے عالمی شرح نمو کا تخمینہ 2.9 فیصد رہنے کی پیشگوئی کردی ہے، جو جولائی میں کی گئی پیشگوئی سے 0.1 فیصد کم ہے علاوہ ازیں رپورٹ میں رواں سال 0.6 فیصد پوائنٹس اضافے کے ساتھ افراط زر 5.8 فیصد رہنے کی پیش گوئی کی-

    ورلڈ کپ 2023: پاکستانی صحافیوں کے ویزے میں تاخیرپربھارتی صحافی بول پڑے

    بنیادی پیشن گوئی عالمی شرح نمو 2022 میں 3.5 فیصد سے 2023 میں 3.0 فیصد اور 2024 میں 2.9 فیصد رہنے کی ہے، جو تاریخی (2000-19) کی اوسط 3.8 فیصد سے بہت کم ہے ترقی یافتہ معیشتوں کے 2022 میں 2.6 فیصد سے 2023 میں 1.5 فیصد اور 2024 میں 1.4 فیصد تک سست ہونے کی توقع ہے ابھرتی ہوئی منڈیوں اور ترقی پذیر معیشتوں میں 2022 میں 4.1 فیصد سے 2023 اور 2024 دونوں میں 4.0 فیصد تک ترقی میں معمولی کمی متوقع ہے۔

    عالمی افراط زر 2022 میں 8.7 فیصد سے 2022 میں 6.9 فیصد اور 2023 میں 5.8 فیصد تک بتدریج گرنے کی پیش گوئی کی گئی ہے۔ 2024، کم بین الاقوامی اشیاء کی قیمتوں کی مدد سے سخت مانیٹری پالیسی کی وجہ سے۔ بنیادی افراط زر میں عام طور پر مزید بتدریج کمی متوقع ہے، اور زیادہ تر معاملات میں افراط زر کے 2025 تک ہدف پر واپس آنے کی توقع نہیں ہے۔

    اے جذبہ دل گر میں چاہوں ہر چیز مقابل آ جائے

    آؤٹ لک رپورٹ میں آئی ایم ایف کا کہنا ہے کہ افراط زر میں اضافہ مرکزی بینکوں کو طویل عرصے تک شرح سود کو بلند رکھنے پر مجبور کر سکتا ہے، جس کا ممکنہ طور پر عالمی ترقی پر منفی اثر پڑے گا۔

    آئی ایم ایف نے ڈبلیو ای او میں کہا کہ عالمی معیشت نے قابل ذکر لچک کا مظاہرہ کیا کیونکہ یہ کووڈ 19 وبا، یوکرین پر روس کے حملے اور زندگی گزارنے کے اخراجات کے بحران سے بحالی جاری رکھے ہوئے ہیں رپورٹ میں یہ بھی کہا گیا ہے کہ عالمی سطح پر بڑھتے ہوئے اختلافات کے ساتھ ترقی سست روی کا شکار ہے۔

    افغانستان زلزلہ: ہلاکتوں کی تعداد 4 ہزار ہو گئی

  • پی ٹی آئی میانوالی کے صدر سلیم گل نے پارٹی کو خیرباد کہہ دیا

    پی ٹی آئی میانوالی کے صدر سلیم گل نے پارٹی کو خیرباد کہہ دیا

    میانوالی: پاکستان تحریک انصاف پی ٹی آئی میانوالی کے صدر سلیم گل نے پارٹی کو خیرباد کہہ دیا-

    باغی ٹی وی: سلیم گل 5 ماہ روپوشی کے بعد منظرعام پر آئے اور پریس کانفرنس میں پارٹی کو باد کہنے کا اعلان کرتے ہوئے کہا کہ چئیرمین پی ٹی آئی کومفاد پرست لوگوں نے مس گائیڈ کیا، موجودہ حالات میں پی ٹی آئی چھوڑنے کا اعلان کرتا ہوں 9 مئی کے واقعات کی بھی مذمت کرتا ہوں۔

    واضح رہے کہ پریس کانفرنس میں ضلعی صدر سلیم گل کے علاوہ محسن شہزاد صدر تحصیل عیسیٰ خیل، شوکت خان نائب صدر ، محمد افضل اور جمال خان بھی موجود تھے، اور موجود ساتوں رہنماؤں پر دہشت گردی کے مقدمات درج ہیں۔

    صداقت عباسی نے بھی عمران خان کو خیرآباد کہہ دیا

    قبل ازیں تحریک انصاف کے رہنماء صداقت علیی عباسی نے تحریک انصاف اور سیاست کو چھوڑنے کا اعلان کیا تھا نجی ٹی وی سے بات کرتے ہوئے انہوں نے کہا کہ میں کہیں غائب نہیں تھا بلکہ اپنے دوست کے ہاں گیا تھا کیونکہ 9 مئی واقعہ کے بعد پولیس نے پکڑ دکھڑ شروع کی ہوئی تھی، عمران خان کا بیانیہ جو اداروں کیخلاف تھا اسی کے نتیجہ میں 9 مئی کا واقعہ پیش آیا ہے اور اس سے قبل عمران خان کہتے تھے کہ ہماری لڑائی اداروں کیساتھ ہے۔

    رواں سال کا دوسرا اور آخری سورج گرہن 14 اکتوبر کو ہوگا

    انہوں نے یہ بھی کہا تھا کہ 4 مئی کو پلان ہوا کہ 6 مئی کو ایک ریلی ہوگی جس میں اداروں کو دباؤ میں لانا ہے کیونکہ عمران خان کو گرفتار کیا گیا تو پھر نشانہ حساس تنصیبات ہوں گی، جبکہ 7 مئی کو ایک اور میٹنگ ہوئی تھی جس میں عمران خان اور پارٹی رہنماؤں نے کہا کہ اگر عمران خان کو گرفتار کیا گیا تو پھر لوگ حساس اداروں کے خلاف کاروائی کریں اور ان کی بلڈنگ پر پہنچ کر توڑ پھوڑ کریں-

    نگراں وزیراعظم کی وزیرِ اعلیٰ بلوچستان سے ملاقات