Author: Ayesha Rehmani

واشنگٹن: امریکا نے ایران پر الزام عائد کرتے ہوئے ایف 16 طیارے خلیج بھیجنے کا اعلان کر دیا۔

باغی ٹی وی: غیر ملکی خبر رساں ایجنسی کے مطابق آبنائے ہرمز میں ایران کی جانب سے بحری جہازوں کو پکڑنے اور سفر سے روکنے کی کوششوں کے تناظر میں امریکہ اس علاقے میں گزشتہ ایک ہفتے سے ’’ اے 10 ‘‘ لڑاکا طیارہ اڑا رہا ہے تاہم امریکہ نے اعلان کردیا ہے کہ وہ اس ہفتے کے آخر میں خطے میں ’’ ایف 16‘‘ طیاروں کا نیا بحری بیڑہ خلیج میں بھیجے گا یہ اقدام ایران کی جانب سے آبنائے ہرمز میں تیل کے بحری ٹینکرز پر قبضہ کی ایرانی کوششوں کے جواب میں کیا جارہا ہے۔

پینٹا گون کی جانب سے کہا گیا ہے کہ ایران کی جانب سے آبنائے ہرمز میں تیل کے بحری ٹینکرز پر قبضہ کرنے کی کوشش کی گئی جس کے جواب میں ایف 16 طیارے بھیجے جا رہے ہیں۔

سینئر امریکی فوجی اہلکار نے روس، ایران اور شام کے درمیان بڑھتے ہوئے قریبی تعلقات پر تشویش کا اظہار کرتے ہوئے کہا کہ یہ تینوں ممالک امریکہ کو شام سے باہر دھکیلنا چاہتے ہیں فضا میں امریکہ کی موجودگی سے نگرانی کا موقع ملے گا کہ خطے میں کون سے بحری جہاز موجود ہیں اور وہ کیا لے کر جاتے ہیں اور ان کا مالک کون ہے جس سے امریکہ کو یہ بھی اندازہ ہو گا کہ کون سے بحری جہازوں کو خطرہ لاحق ہو سکتا ہے۔

جنوبی کوریا میں طوفانی بارشیں،24 افراد ہلاک، ہزاروں افراد کا انخلا

سینئر امریکی عہددیدار نے نام ظاہر نہ کرنے کی شرط پر بتایا کہ امریکہ کے لڑاکا طیارے ’’ اے 10‘‘ ڈیڑھ ہفتہ سے آبنائے ہرمز اور وسیع تر خلیجی علاقوں پر پرواز کر رہے ہیں۔ اس موجودگی کو مزید مضبوط بنانے کے لیے ہم اس ہفتے کے آخر میں ایف 16اڑانا شروع کر رہے ہیں۔

امریکی بحریہ کے مطابق ابھی گزشتہ ہفتے ہی ایران نے آبنائے ہرمز کے قریب تیل کے دو ٹینکوں پر قبضہ کرنے کی کوشش کی اور ان میں سے ایک پر گولیاں چلائی تھیں امریکی فوجی عہدیدار نے کہا کہ جیٹ طیاروں کو گولہ بارود سے لیس کیا گیا ہے۔ ان طیاروں میں لیزر گائیڈڈ بم بھی ہیں جو تیز کشتیوں کے خلاف جانے کے لیے کارآمد ہوں گے ’’ اے 10 ‘‘ طیارہ نے اپنی قابلیت ثابت کی ہے۔ یہ مخصوص طیارہ اس ماحول میں کارگر ہے جہاں فضائی خطرات یا سطح سے فضا میں مار کرنے والے میزائل کے خطرے سے متعلق کوئی تشویش نہ ہو۔

پیٹرولیم مصنوعات کی قیمتوں میں کمی

واضح رہے گزشتہ ہفتے کے دوران روسی لڑاکا طیاروں نے شام میں داعش مخالف مشن کے دوران تین الگ الگ مرتبہ امریکی ڈرونز کو ہراساں کیا اور بعض صورتوں میں ان کے سامنے شعلے گرائے۔ مشرق وسطیٰ میں امریکہ کے اعلیٰ فوجی جنرل نے خبردار کیا ہے کہ روس کی بار بار خلاف ورزیاں خطے میں ایک اہم حفاظتی مسئلہ بن رہی ہیں۔ روس گزشتہ کئی مہینوں میں درجنوں بار ایسی خلاف ورزی کر چکا ہے۔

افغان طالبان نے پاکستانی وزیر دفاع خواجہ آصف کے بیان پر ردعمل دیتے ہوئے کہا ہے کہ دوحہ معاہدے پر امریکہ کے ساتھ دستخط کیے ہیں، افغانستان کی سرزمین پاکستان کے خلاف استعمال نہیں ہوگی-

باغی ٹی وی : وزیر دفاع خواجہ آصف نے دعویٰ کرتے ہوئے کہاکہ افغانستان میں طالبان کی حکومت پڑوسیوں کے حقوق پرعمل نہیں کرتی اور نہ ہی دوحہ معاہدے کی پابند ہے،قطرکے دارالحکومت دوحہ میں طالبان کے امریکہ کے ساتھ ہونےوالےمعاہدے میں طالبان کے نمائندوں نے وعدہ کیا تھا کہ وہ افغانستان میں عسکریت پسندوں کو جگہ نہیں دیں گےساتھ ہی اپنےملک کی سرزمین دوسرےممالک کےخلاف استعمال نہیں ہونے دی جائے گی۔

افغانستان ھمسایہ اور برادر ملک ھونے کا حق نہیں ادا کر رہا اور نہ ھی دوہہ معاہدے کی پاسداری کر رہا ھے. 50/60 لاکھ افغانوں کو تمامتر حقوق کیساتھ پاکستان میں 40/50 سال پناہ میسر ھے. اسکے بر عکس پاکستانیوں کا خون بہانے والے دھشت گردوں کو افغان سر زمین پہ پناہ گائیں میسر ھیں. یہ صورت…

— Khawaja M. Asif (@KhawajaMAsif) July 15, 2023

وزیر دفاع خواجہ آصف نے سماجی رابطے کی ویب سائٹ ٹوئٹر پر دعویٰ کرتے ہوئے کہا تھا کہ گزشتہ 40-50 سالوں سے 50-60 ملین افغان باشندے اپنے حقوق کے لیے پاکستان میں پناہ لیے ہوئے ہیں لیکن اس کے برعکس پاکستانیوں کا خون بہانے والے دہشتگرد اس سرزمین پرموجود ہیں، جن کا تعلق افغانستان سے ہے یہ صورتحال جاری نہیں رہنی چاہیے، پاکستان اپنی سرزمین اور شہریوں کے تحفظ کیلئے اپنے تمام تر وسائل بروئے کار لائے گا۔

قرآن پاک کی بے حرمتی: طالبان حکومت نےافغانستان میں سویڈن کی تمام سرگرمیاں معطل کردیں

اس حوالے سے طالبان کے ترجمان ذبیح اللہ مجاہد نے برطانوی خبررساں ادارے سے بات کرتے ہوئے کہا کہ دوحہ معاہدے پر امریکہ کے ساتھ دستخط کیے ہیں، افغانستان کی سرزمین پاکستان کے خلاف استعمال نہیں ہوگی اور پاکستان ایک برادر اور مسلم ملک ہے، ہم اسے ایسا ہی سمجھتے ہیں، اگر پاکستان کی حکومت ان کو ثبوت دیتی ہے تو وہ پاکستانی طالبان کے خلاف اقدامات کریں گے پاکستانی فریق نے ملاقاتیں بھی کی ہیں-

طالبان کے ترجمان ذبیح اللہ مجاہد سے جب پوچھا گیا کہ اگر پاک فوج افغانستان کی سرزمین پر دوبارہ حملہ کرتی ہے تو ان کا کیا ردعمل ہوگا؟انہوں نے جواب دیا کہ ہم سنجیدگی سے اس کی روک تھام کرتے ہیں اور کسی کو اپنی سرزمین پر تجاوزات کی اجازت نہیں دیتے ان مذاکرات کے لیے پاکستانی طالبان کے نمائندے شمالی وزیرستان سے آئے تھے اور اب جب کہ یہ مذاکرات بے نتیجہ ہو چکے ہیں، مذاکرات کی ثالثی بھی ختم ہو گئی ہے۔

پاکستان کو اپنا مسئلہ خود حل کرنا چاہیے،افغان طالبان

دریں اثنا، افغان طالبان کے ترجمان بیح اللہ مجاہد نے ایک حالیہ بیان میں دعویٰ کیا کہ عبوری حکومت اپنی سرزمین کسی بھی ملک کے خلاف استعمال نہیں ہونے دے رہی ہے اور یہ کہ ٹی ٹی پی سے نمٹنے کے لیے پاکستان کا مسئلہ ہے۔

واضح رہے کہ حال میں ہی بلوچستان میں دہشت گردوں کے حملوں میں 9 پاکستانی فوجی شہید ہوئے تھے جبکہ پاک فوج کے سربراہ نے کہا تھا کہ فوج کو افغانستان میں پاکستانی طالبان تحریک کے ٹھکانوں کو نشانہ بنانا چاہیے۔

انٹر سروسز پبلک ریلیشنز (آئی ایس پی آر) کی جانب سے جاری کردہ ایک بیان میں کہا گیا تھا کہ پاکستان کی مسلح افواج کو افغانستان میں ٹی ٹی پی کے لیے دستیاب محفوظ پناہ گاہوں اور کارروائی کی آزادی پر شدید تحفظات ہیں-

ترکیہ نےسویڈن کی نیٹو رکنیت کیلئےحمایت کر دی

آرمی چیف کے حوالے سے کہا گیا کہ ’یہ توقع ہے کہ عبوری افغان حکومت حقیقی معنوں میں اور دوحہ معاہدے میں کیے گئے وعدوں کے مطابق اپنی سرزمین کو کسی بھی ملک کے خلاف دہشت گردی کے لیے استعمال کرنے کی اجازت نہیں دے گی،ج پاکستان میں دہشت گردی کی حالیہ کارروائیوں میں افغان شہری ملوث تھے۔ آرمی چیف نے کہا کہ پاکستان میں دہشت گردی کی کارروائیوں میں افغان شہریوں کی شمولیت ایک اوراہم تشویش ہے جس پر توجہ دینے کی ضرورت ہےاس طرح کے حملے ناقابل برداشت ہیں اور پاکستان کی سیکورٹی فورسز کی جانب سے موثر جواب دیا جائے گا-

انہوں نے مزید کہا کہ دہشت گردوں کے خلاف کارروائیاں بلاتاخیر جاری رہیں گی اور مسلح افواج ملک سے دہشت گردی کے ناسور کو جڑ سے اکھاڑ پھینکنے تک آرام سے نہیں بیٹھیں گی۔ آرمی چیف کے بیان میں ٹی ٹی پی کے خطرے سے نمٹنے کے لیے افغان طالبان کی جانب سے تعاون کی کمی کی وجہ سے پاکستان کی جانب سے مایوسی کا اظہار کیا گیا۔

اسلامی تعلیمات سےمتاثرہوکراسلام قبول کیاہے،سیر کے دوران آیا صوفیا میں اسلام قبول کرنے والا روسی …