Baaghi TV

Author: Ayesha Rehmani

  • پاک بھارت میچ کے اعلان کے بعد احمد آباد جانے والے جہاز کے کرایوں میں بھی اضافہ

    پاک بھارت میچ کے اعلان کے بعد احمد آباد جانے والے جہاز کے کرایوں میں بھی اضافہ

    انٹرنیشنل کرکٹ کونسل (آئی سی سی) کرکٹ ورلڈکپ 2023 میں پاکستان اور بھارت کے درمیان مقابلہ دیکھنے کیلئے احمد آباد جانے والے جہاز کے کرایوں میں بھی اضافہ ہو گیا۔

    باغی ٹی وی: بھارتی میڈیا کے مطابق روایتی حریف پاک و بھارت کے درمیان کرکٹ ورلڈکپ 2023 کے اعلان کے بعد ہوٹلوں کے کرایوں کے بعد احمد آباد کے لیے جہاز کے کرایوں میں بھی اضافہ ہو گیا ہے، احمد آباد جانے والی فلائٹس کے کرائے آسمان سے باتیں کرنے لگے، پاک بھارت میچ کے اعلان کے بعد ٹکٹوں میں 5 گنا اضافہ ہوا ہے-

    بھارتی میڈیا کی رپورٹس کے مطابق آئی سی سی کی جانب سے ون ڈے ورلڈکپ شیڈول کے مطابق روایتی حریف پاکستان اور بھارت کی ٹیمیں 15 اکتوبر کو ایک دوسرے کے مدمقابل آئیں گی تاہم اس سے قبل ہوٹلز کے کرائیوں میں معمول سے 10 سے 15 فیصد اضافہ ہوا تھا لیکن اب ہوائی سفر کی قیمتوں میں بھی اضافہ دیکھا جارہا ہے نئی دہلی، احمد آباد اور ممبئی احمد آباد کے سیکٹرز کی ٹکٹوں میں زیادہ اضافہ دیکھا گیا ہے،اس وقت دہلی اور ممبئی سے ون وے ڈائریکٹ ٹکٹ 15 سے 22 ہزار روپے میں بک ہو رہی ہے۔

    گال ٹیسٹ میچ دوبارہ شروع،سری لنکا کی دوسری وکٹ گر گئی

    پاک بھارت میچ کے اعلان کے بعد ٹکٹوں میں 5 گنا اضافہ ہوا ہے جبکہ دارالحکومت نئی دہلی اور ممبئی سے احمد آباد آنے والی فلائٹس کے ٹکٹس کی قیمتیں 15 سے 22 ہزار بھارتی روپے میں بُک ہورہی ہیں ٹریول ایجنٹ کا کہنا ہے کہ پاک بھارت میچ کے اعلان کے بعد ٹکٹوں میں 5 گنا اضافہ ہوا ہے،اگست ستمبر میں یہی ٹکٹ 3 ہزار روپے تک میں دستیاب ہیں –

    قبل ازیں بھارتی میڈیا نے ہی رپورٹ کیا تھا کہ ہوٹل کے کرائے بھی آسمان سے باتیں کر رہے ہیںپاک بھارت میچ کے دوران ہوٹلز بکنگ کی معلومات میں بتایا گیا تھا کہ ہوٹلز کے ڈیلکس کمرے کی قیمت 5 ہزار 699 روپے سے بڑھ کر 71 ہزار 999 بھارتی روپے تک پہنچ گئی ہے۔

    جنوبی کوریا میں طوفانی بارشیں،24 افراد ہلاک، ہزاروں افراد کا انخلا

  • امریکی ریاست الاسکا میں 7.2 شدت کے زلزلے کے جھٹکے،سونامی کی وارننگ جاری

    امریکی ریاست الاسکا میں 7.2 شدت کے زلزلے کے جھٹکے،سونامی کی وارننگ جاری

    امریکی ریاست الاسکا میں اتوار کو علی الصبح 7.2 شدت کے زلزلے کے جھٹکے محسوس کیے گئے،جس کے بعد سونامی کی وارننگ جاری کر دی گئی۔

    باغی ٹی وی: امریکی زلزلہ پیما مرکز نے پہلے زلزلے کی گہرائی 9.3کلو میٹر اور کی شدت 7.4 بتائی تھی مگر پھر اسے بدل دیا بعد ازاں بتایا گیا کہ زلزلے کی گہرائی 32.6 کلومیٹر جبکہ اس کی شدت 7.2 تھی،امریکی سونامی وارننگ سسٹم کی جانب سے زلزلے کے بعد قریب واقع علاقوں کے لیے سونامی کی وارننگ جاری کی گئی۔


    الاسکا زلزلہ پیما مرکز نے بتایا کہ Aleutian آئی لینڈز میں شدید جھٹکے محسوس کیے گئے، تاہم فوری طور پر کسی جانی نقصان کو رپورٹ نہیں کیا گیا اس زلزلے سے بہت کم افراد کے متاثر ہونے کا امکان ہے کیونکہ ان علاقوں میں آبادی نہ ہونے کے برابر ہے۔

    گال ٹیسٹ میچ دوبارہ شروع،سری لنکا کی دوسری وکٹ گر گئی

    الاسکا زلزلہ مرکز نے کہا کہ یہ واقعہ ایلیوٹین جزائر، الاسکا جزیرہ نما اور کک انلیٹ علاقوں میں بڑے پیمانے پر محسوس کیا گیا ایک بیان میں، نیشنل سونامی وارننگ سینٹر نے کہا کہ سونامی وارننگ جنوبی الاسکا اور جزیرہ نما الاسکا کے لیے نافذ العمل ہے، کینیڈی کے داخلی راستے سے پیسفک ساحل، الاسکا (ہومر کے 40 میل SW) سے انمان پاس، الاسکا (80 میل انالاسکا کے NE) تک۔

    جنوبی کوریا میں طوفانی بارشیں،24 افراد ہلاک، ہزاروں افراد کا انخلا

    شمالی امریکہ میں دیگر امریکی اور کینیڈا کے بحر الکاہل کے ساحلوں کے لیے سونامی کے خطرے کی سطح کا جائزہ لیا جا رہا ہے مزید معلومات ضمنی پیغامات میں فراہم کی جائیں گی،الاسکا آتش فشاں آبزرویٹری نے شیشالدین آتش فشاں کے لئے ایک اور خطرے کا نوٹس بھی فراہم کیا جب اس نے راکھ کا ایک بڑا ٹکڑا بھیجا۔

    خیال رہے کہ الاسکا کے اس علاقے میں اکثر زلزلے آتے رہتے ہیں۔

    پاکستان اور سری لنکا کے درمیان پہلا ٹیسٹ کل سے گال میں شروع ہوگا

  • جنوبی کوریا میں طوفانی بارشیں،سڑکوں کے ساتھ ساتھ سرنگیں بھی زیر آب

    جنوبی کوریا میں طوفانی بارشیں،سڑکوں کے ساتھ ساتھ سرنگیں بھی زیر آب

    جنوبی کوریا میں کئی دنوں سے جاری طوفانی بارشوں نے قہر ڈھا دیا ہے، ہلاکتوں کی تعداد 33 ہو گئی ہے،امدادی کاموں کیلئے فوج کی مدد طلب کرلی گئی ہے، ہزاروں افراد کو محفوظ مقام پر منتقل ہونے کی ہدایات جاری کردی گئیں۔

    باغی ٹی وی: یونہاپ خبر رساں ایجنسی کے مطابق سڑکوں کے ساتھ ساتھ سرنگیں بھی زیر آب آگئی ہیں، جن میں کئی لوگ پھنس کر اپنی جانیں گنوا چکے ہیں حکام نے زیر آب سرنگ میں پھنسے مزید 6 افراد کی لاشیں نکالی ہیں، وزارت داخلہ اور حفاظت نے کہا ہے کہ 10 افراد تاحال لاپتہ ہیں۔

    ویسٹ چیونگجو فائر اسٹیشن کے سربراہ سیو جیونگ ال نے کہا کہ شہر میں زیر آب انڈر پاس میں ایک بس سمیت 15 گاڑیاں ڈوبنے کا خدشہ ہےوزارت داخلہ نے بتایا کہ شمالی چنگ چیونگ صوبے کے چیونگجو میں سرنگ سے مجموعی طور پر 7 لاشیں برآمد ہوئی ہیں اور غوطہ خور مزید متاثرین کی تلاش میں 24 گھنٹے کام کر رہے ہیں، ہفتے کی صبح ٹنل میں سیلاب کا پانی بہت تیزی سے داخل ہوا، جس کے باعث لوگوں کو باہر نکلنے کا موقع بھی نہ ملا۔

    جنوبی کوریا میں طوفانی بارشیں،24 افراد ہلاک، ہزاروں افراد کا انخلا

    سیو نے کہا کہ ہم سرچ آپریشن پر توجہ مرکوز کر رہے ہیں کیونکہ ممکنہ طور پر وہاں زیادہ لوگ موجود ہیں۔ ہم آج ہی اسے ختم کرنے کی پوری کوشش کررہے ہیں،شدید بارشوں کےباعث ملک بھرمیں لینڈ سلائیڈنگ اورسیلاب کیوجہ سے7,866 افراد کو دربدرہونا پڑا ہے،جنوبی کوریا 9 جولائی سے شدید بارشوں کی زد میں ہے۔

    انخلاء کے احکامات کے نیتجے میں مجموعی طور پر اب تک 7,000 سے زائد لوگوں کا انخلا کیا گیا ہےجنوبی کوریا کی موسمیاتی انتظامیہ نے پیشگوئی کی ہے کہ اتوار کو مزید شدید بارش ہونے کی وجہ سے نقل مکانی کرنے والوں کی تعداد میں اضافہ متوقع ہے، جنوبی کوریا کی سینٹرل کاؤنٹی گوئیزن میں شدید بارشوں کےسبب گوئیزن ڈیم اوور فلو ہوگیا جہاں 6 ہزار سے زائد افراد کو محفوظ مقام پر منتقل ہونے کی ہدایات کردی گئی ہیں۔

    گال ٹیسٹ میچ دوبارہ شروع،سری لنکا کی دوسری وکٹ گر گئی

    کوریا کی موسمیاتی انتظامیہ نے پیش گوئی کی ہے کہ اتوار کو جزیرہ نما کوریا میں مزید شدید بارشیں متوقع ہے،آج صبح 9 بجے تک ایک سیکنڈ میں 2,700 ٹن سے زیادہ پانی گوسان ڈیم سے بہہ رہا تھا، جو اخراج کی زیادہ سے زیادہ حد ہے جمعہ کو رات دیر گئے لینڈ سلائیڈنگ کے باعث ایک ٹرین پٹڑی سے اتر گئی، حادثے میں ایک انجینئیر کے سوا کوئی زخمی نہیں ہوا۔

  • دریائے ستلج میں ہیڈ سلیمانکی کے مقام پر پانی کےبہاؤ میں مزید اضافہ، درمیانے درجے کا سیلاب

    دریائے ستلج میں ہیڈ سلیمانکی کے مقام پر پانی کےبہاؤ میں مزید اضافہ، درمیانے درجے کا سیلاب

    دریائے ستلج میں ہیڈ سلیمانکی کے مقام پر پانی کےبہاؤ میں مزید اضافہ ہوگیا۔

    باغی ٹی وی :بھارت کی آبی جارحیت کے بعد پاکستانی دریاؤں میں پانی کا اضافہ ہونے لگا محکمہ آبپاشی کے اطلاعاتی نظام کے مطابق دریائی علاقے میں سیلابی صورتحال میں مزید اضافہ ہوگیا ہے پانی کےبہاؤ میں مزید اضافے سے سلیمانکی کے مقام پر درمیانے درجے کا سیلاب ہے جہاں پانی کا بہاؤ 83570 کیوسک ہے،سیلاب کےممکنہ خطرے کے پیش نظرریلیف اورمتاثرین کے انخلا کیلئے کیمپس قائم کردیئے گئے ہیں۔

    بہاولنگر، چشتیاں اور سلیمانکی کے متعدد مقامات پر ریلیف کیمپس قائم کردیئےگئے ہیں بہاولپور کور کے فوجی دستے اضافی سازوسامان کےساتھ مختلف مقامات پرموجود ہیں۔

    پوٹھوہار، کشمیر، پنجاب، خیبرپختونخوا اور بلوچستان میں بارشوں کا نیا سلسلہ شروع

    ادھربالائی علاقوں سے بارشوں کا پانی سندھ میں داخل ہونے سے بیراجوں پر پانی کی صورتحال نارمل ہوگئی ہے، سیلابی ریلہ 6 سے 7 روز میں سکھر بیراج پہنچےگا لیکن سیلاب کا کوئی خطرہ نہیں ہے، جب کہ کوٹ مٹھن کے مقام پر پانی کی سطح میں اضافہ ہو رہا ہے۔

    جھنگ میں دریائی پٹی کے ساتھ کھڑی فصلیں زیر آب آگئی ہیں، دریائے چناب میں جھنگ کے مقام پر سیلابی ریلے کے بہاؤ میں کمی آنے لگی، دریائے راوی میں نارووال سے سیلابی ریلہ گزرگیا جب کہ پانی کے بہاؤ میں کمی جاری ہے۔

    قبل ازیں دریائے ستلج میں پاکپتن کے مقام پر بھی درمیانی سطح کے سیلابی ریلے کا الرٹ جاری کیا گیا تھا ، دریا میں پانی کی سطح میں مسلسل اضافہ ہو رہا ہے جس کے باعث قریبی آبادیاں خالی کرا لی گئیں تھیں-

    چئیرمین پی ٹی آئی کیخلاف مبینہ کرپشن کےمقدمات پرعوام نے بھی اپنا فیصلہ سنا دیا

    ضلعی انتظامیہ کا کہنا تھا کہ سیلابی صورتحال کے ممکنہ اقدامات کیلئے ریلیف کیمپ قائم کر دیئے ہیں، مشینری اور بوٹس کے ساتھ ریسکیو عملہ موجود ہے، متعلقہ محکموں کو 24 گھنٹے ڈیوٹی پر الرٹ رہنے کے احکامات بھی جاری کر دیئے گئے ہیں ڈی جی پی ڈی ایم اے کا کہنا تھا کہ انسانی جانوں کو بچانے کے لئے تمام تر وسائل کو بروئے کار لایا جا رہا ہے۔

  • چئیرمین پی ٹی آئی کیخلاف مبینہ کرپشن کےمقدمات پرعوام نے بھی اپنا فیصلہ سنا دیا

    چئیرمین پی ٹی آئی کیخلاف مبینہ کرپشن کےمقدمات پرعوام نے بھی اپنا فیصلہ سنا دیا

    پاکستان تحریک انصاف (پی ٹی آئی) کے چئیرمین عمران خان کے خلاف مبینہ کرپشن کے مقدمات پر عوام نے بھی اپنا فیصلہ سنا دیا-

    باغی ٹی وی : چئیرمین پی ٹی آئی کے خلاف مبینہ کرپشن اور 9 مئی کے مقدمات پر عوام کا کہنا ہے کہ انہیں اپنے کئے کی سزا ملنی چاہیے چئیرمین پی ٹی آئی کون ہیں کہ وہ سزا سے بچ جائیں، کرپٹ چیئرمین تحریک انصاف ہو یا کوئی اور سزا ملنی چاہیے بلا تفریق احتساب ہونا چاہیے اور سزا بھی دینی چاہیے-

    دوسری جانب پی ٹی آئی کے سابق رہنما و سابق وزیر کے پی کے پرویز خٹک نے انکشاف کیا ہے کہ شہرام ترکی کے والد لیاقت ترکئ کو سینٹر بنانے کےلئے ان سے 50 کروڑ کا فنڈ شوکت خانم کے نام پر لیا جو عمران کے ذاتی اکاؤنٹ میں جمع ہواخیبر پختونخوا پر مصنوعی پراجیکٹ دس سال کے بعد احتتام پذیر ہوا خیبر پختونخوا صوبے کے وسائل کو بیدردی سے سے لوٹا گیا-

    اسلام آباد: ٹریل تھری زیادتی کیس کا نامزد ملزم گرفتار


    پرویز خٹک نے مزید کہا کہ جعلی منصوبوں کی تشہیر کے لیے ہزارون سوشل میڈیا نوکر بھرتی کیے گٸے کے پی کے کے خزانے سے انھیں ماہانہ 80 کروڑ روپے دئیے جاتے تھے ان کا کام پی ٹی آئی کے مخالفین کو گالیاں دینا اورپی ٹی آئی کی پبلسٹی کرنا ہوتا تھا صوبے پر 987 ارب کا قرضہ چڑھایا گیا جو پچلھے 65 سالہ دور میں صرف 97 ارب روپے تھا-

    پوٹھوہار، کشمیر، پنجاب، خیبرپختونخوا اور بلوچستان میں بارشوں کا نیا سلسلہ شروع

    پرویز خٹک کے اس بیان پر ردعمل دیتے ہوئے وزیر دفاع اور لیگی رہنما خواجہ آصف نے کہا کہ جب ہم کہتے تھے عمران ڈبل شاہ ہے شوکت خانم کا مال کھاتا ہے ٹھگ ہے تو ہتک عزت ہو جاتی تھی اب تو عمران تمہاری ساری کابینہ کہہ رہی کہ تم فراڈیے نو سر باز ہو کر مقدمے ان پر، بھیج نوٹس ان کو اگر جرات ہے لے جاؤ ان کو عدالتوں میں ۔ کوئی شرم کر کوئی حیا کر ،تمہاری تار تار ہو گئی ریپوٹیشن۔

    جب نہ ہو دل سے رابطہ دل کا ،ختم ہوگا نہ فاصلہ دل کا

  • اسلام آباد: ٹریل تھری زیادتی کیس کا نامزد ملزم گرفتار

    اسلام آباد: ٹریل تھری زیادتی کیس کا نامزد ملزم گرفتار

    اسلام آباد: وفاقی پولیس نے ٹریل تھری زیادتی کیس کے نامزد ملزم کو گرفتار کر لیا۔

    باغی ٹی وی: ترجمان پولیس کے مطابق تکنیکی ذرائع بروئے کار لاتے ہوئے ملزم تک رسائی حاصل کی، آئی سی سی پی او نے تفتیش کو میرٹ پر جلد از جلد مکمل کرنے کی ہدایات کی ہے۔

    قبل ازیں اسلام آ باد پولیس نے کہا تھا کہ ٹریل تھری واقعے میں متاثرہ لڑکی کی میڈیکل رپورٹ میں زیادتی کے شواہد نہیں ملے،سماجی رابطے کی ویب سائٹ ٹوئٹر پر جاری بیان میں ترجمان اسلام آباد پولیس نے کہا تھا کہ ٹریل تھری جنسی زیادتی وقوعہ کی تفتیش میرٹ پر عمل میں لائی جارہی ہے۔ مدعیہ کی میڈیکل رپورٹ کے مطابق زیادتی کے شواہد نہیں پائے گئے،مدعیہ اور ملزم کے مابین دوستی تھی لڑکی پولیس سے تعاون کرنے سے گریزاں ہے اور ملزم کی تفصیلات مہیا نہیں کررہی ۔


    پولیس کے مطابق مارگلہ ٹریلز محفوظ ہیں جن کی ڈرون سے نگرانی اور مؤثر گشت کو یقینی بنایا جاتا ہے وقوعہ کی جگہ کا تعین کیا جارہا ہے۔ پولیس مقدمے کی تمام پہلوؤں سے تفتیش عمل میں لائے گی۔

    واضح رہے کہ دو روز قبل وفاقی دارالحکومت میں نعمان نامی شخص نے شیخوپورہ کی جواں سالہ لڑکی کو ملازمت دلوانے کا جھانسہ دے کر ٹریل تھری پر زیادتی کا نشانہ بنایا تھا ایف ایس سی کی طالبہ موبائل میسج پرراولپنڈی پہنچی تھی جہاں نعمان نامی لڑکے نے محکمہ تعلیم میں ملازمت کے لیے 50 ہزار روپے مانگے۔

    متاثرہ لڑکی نے پولیس کو بتایا تھا کہ ملزم 30 ہزار روپے وصول کرکے ملازمت دلوانے کے لیے صاحب سے ملوانے کا کہہ کر ٹریل تھری لایا جہاں ملزم نے ٹریل تھری کے جنگل میں گن پوائنٹ پر زیادتی کی اور بعد میں ٹریل تھری سے راولپنڈی ٹنچ اسٹاپ پر چھوڑ دیا۔

    زیادتی کا شکار بننے والی لڑکی کے مطابق ملزم نے کسی کو بتانے کی صورت میں قتل کی دھمکی دی ہے، تاہم خوف کی وجہ سے وہ خاموش رہی مگر گھر والوں کو سب بتا دیا۔ زیادتی کا نشانہ بننے والی لڑکی کے ورثا نے تھانہ کوہسار میں مقدمہ درج کروا دیا ہے، جس کے بعد پولیس نے تحقیقات شروع کر دی ہے۔

  • سابق بھارتی کرکٹر آکاش چوپڑا کا منفی تبصرہ،بابر اعظم کا جواب

    سابق بھارتی کرکٹر آکاش چوپڑا کا منفی تبصرہ،بابر اعظم کا جواب

    قومی کرکٹ ٹیم کے کپتان بابراعظم نے سابق بھارتی کرکٹر اور کمنٹیٹر آکاش چوپڑا کو منفی تبصرے پر ردعمل دیا ہے-

    باغی ٹی وی : یوٹیوب چینل پر سابق بھارتی کرکٹر اور کمنٹیٹر آکاش چوپڑا نے حال ہی میں کہا کہ ٹیسٹ کرکٹ میں “فیب فور” اب ایک درست اصطلاح نہیں، کیونکہ ویرات کوہلی کی حالیہ خراب فارم نے انہیں گروپ سے باہر کردیا ہے جبکہ بابراعظم کے پاس گروپ میں شامل ہونے کی صلاحیت ہے تاہم وہ ابھی اس مقام تک نہیں پہنچے۔

    آکاش چوپڑا نے کہا کہ بابر اعظم غیر معمولی کارکردگی کا مظاہرہ کر رہے ہیں اور اس ایلیٹ گروپ میں شامل ہونے کی صلاحیت رکھتے ہیں، حالانکہ وہ ابھی اس درجہ تک نہیں پہنچے ہیں انہوں نے کہا کہ ٹیسٹ کرکٹ میں اب کوئی فیب فور نہیں ہے۔ ویرات کوہلی اس سے باہر ہیں۔ بابر اعظم نے رنز بنائے ہیں اور وہ اس کا حصہ بن سکتے ہیں لیکن ابھی نہیں۔ فی الحال یہ کین کے ساتھ فیب تھری ہے-

    پاک وسری لنکا پہلا گال ٹیسٹ میچ بارش کے باعث روک دیا گیا

    گال میں سری لنکا کے خلاف پہلے ٹیسٹ سے قبل ایک پریس کانفرنس کے دوران اعظم نے کہا کہ ان کی توجہ اچھی کارکردگی کا مظاہرہ کرنے اور میدان پر مسلسل عمدہ کارکردگی کے ذریعے اپنا نام روشن کرنے پر ہے۔

    https://twitter.com/zaidhassan89/status/1680211428995891201?s=20
    بھارتی کرکٹر کی رائے پر بابراعظم نے جواب دیتے ہوئے کہا کہ ہر کسی کی اپنی رائے ہے تاہم میرا کام پرفارم کرنا ہے۔ ابھی تک اپنی کارکردگی سے ہی ریکارڈ بنائے ہیں، پرفارمنس ہوتی رہے تو نام خود توجہ کا مرکز بنتا رہے گا۔

    واضح رہے کہ ٹیسٹ کرکٹ کے “فیب فور” سابق بھارتی کپتان ویرات کوہلی، کین ولیمسن، اسٹیو استمھ اور جو روٹ کہلائے جاتے تھے، تاہم حالیہ برسوں میں کوہلی کی مسلسل خراب کارکردگی نے انہیں اس فہرست باہر کردیا ہے۔

    ٹیم سے کافی مطمئن ہوں،کراچی اور لاہورمیں کیمپ اچھے رہے، بابر اعظم

    گزشتہ سال انگلینڈ اور نیوزی لینڈ کے درمیان کھیلے گئے تیسرے ٹیسٹ میچ کے دوران سابق بلیک کیپس کھلاڑی سائمن ڈول نے پاکستان کے کپتان کی خوب تعریف کی تھی، جبکہ معروف "فیب فور” کے بارے میں بات کرتے ہوئے کہا تھا کہ ویرات کوہلی، کین ولیمسن، اسٹیو اسمتھ، اور جو روٹ شامل ہیں۔

    ڈول نے اس بات پر زور دیا کہ اس وقت دنیا کے بہترین کھلاڑی کے طور پر بابر کی حیثیت کے بارے میں بحث کی کوئی گنجائش نہیں ہے۔ اس نے اسے "بڑا” قرار دیا اور ٹاپ آرڈر میں اپنی غیر معمولی صلاحیتوں کو اجاگر کیا بہت سے لوگ یہ بحث نہیں کر سکتے کہ بابر اعظم اس وقت دنیا کے بہترین کھلاڑی ہیں۔ جہاں تک اس ٹاپ آرڈر میں بیٹنگ کا تعلق ہے تو وہ ناقابل یقین ہیں۔ جو روٹ کے پاس بھی اس کی دلیل ہے۔ وہ بڑے چار کے بارے میں بات کرتے ہیں، اس وقت، وہ سب سے بڑا ہے-

    آئی سی سی کرکٹ ورلڈ کپ،دو اور ٹیمیں بھی شامل

    پاکستانی کپتان بابر اعظم 2022 کے لیے آئی سی سی مینز کرکٹر آف دی ایئر کے لیے سر گارفیلڈ سوبرز ٹرافی کے حامل ہیں۔ انھوں نے اب تک 47 ٹیسٹ میچوں میں 9 سنچریوں اور 26 نصف سنچریوں کی مدد سے 3,696 رنز بنائے ہیں۔ وہ واحد کرکٹرز ہیں جو تمام فارمیٹس میں ٹاپ تھری میں شامل ہیں ٹیسٹ میں تیسرے، ون ڈے میں پہلے اور ٹی ٹوئنٹی میں دوسرے نمبر پر ہیں-

  • پوٹھوہار، کشمیر، پنجاب، خیبرپختونخوا اور بلوچستان میں بارشوں کا نیا سلسلہ شروع

    پوٹھوہار، کشمیر، پنجاب، خیبرپختونخوا اور بلوچستان میں بارشوں کا نیا سلسلہ شروع

    محکمہ موسمیات نے آج راولپنڈی اور اسلا م آباد میں تیز ہواؤں کے ساتھ مزید بارش کی پیشنگوئی کی ہے۔

    باغی ٹی وی: محکمہ موسمیات کے مطابق آج پوٹھوہار، کشمیر، پنجاب، خیبرپختونخوا سمیت بلوچستان میں بھی بارشوں کا نیا سلسلہ شروع ہوگا۔ کراچی میں آج موسم جزوی ابر آلود رہے گا، کراچی میں بارش برسانے والا سسٹم 22 جولائی میں داخل ہوگا۔

    محکمہ موسمیات نے بارشوں کے نتیجے میں راولپنڈی ، پشاور اور لاہور میں نشیبی علاقے زیر آب آنے کا خدشہ ظاہر کیا ہے ، محکمہ موسمیات کا کہنا ہے کہ مری،گلیات،کشمیر، گلگت اور خیبر پختو نخوا کے پہاڑی علاقوں میں لینڈ سلائیڈنگ کا بھی خطرہ ہے۔

    کراچی کے مختلف علاقوں میں ہلکی بارش سے موسم خوشگوار ہوگیا ہے آئی آئی چندریگر روڈ، پی آئی ڈی سی، شارع فیصل،گارڈن اور ملیر سمیت شہر کے مختلف علاقوں میں ہلکی بارش سے موسم خوشگوار ہوگیا۔

    پاک وسری لنکا پہلا گال ٹیسٹ میچ بارش کے باعث روک دیا گیا

    محکمہ موسمیات کے مطابق 24 گھنٹوں کے دوران شہر میں دن کے اوقات میں مطلع جزوی ابرآلود اور رات میں ابرآلود رہےگا، کراچی میں سمندری ہوائیں بحال رہیں گی، آج زیادہ سے زیادہ درجہ حرارت 33 سے 35 ڈگری سینٹی گریڈ تک پہنچ سکتا ہے، کم سے کم درجہ حرارت28 ڈگری سینٹی گریڈ ریکارڈ ہوا ہے، ہوامیں نمی کا تناسب 89 فیصد ہے، جنوب مغرب سے چلنے والی ہواؤں کی رفتار 20 کلومیٹر فی گھنٹہ ہے۔

    قبل ازیں محکمہ موسمیات نے کہا تھا کہ بحیرہ عرب سے مون سون ہوائیں 12 جولائی کی شام تک ملک کے بالائی اور وسطی علاقوں میں داخل ہوجائیں گی مون سون کا یہ سلسلہ 14 جولائی تک مزید شدت اختیار کر جائے گا۔ 14 جولائی کو مغربی ہواؤں کا یہ سلسلہ ملک کے بالائی علاقوں میں بھی داخل ہوگا۔

    امریکا کا ایف 16 طیارے خلیج بھیجنے کا اعلان

    محکمہ موسمیات کا کہنا تھا کہ 12 جولائی سے 17 جولائی کے دوران وادی نیلم، مظفرآباد، پونچھ، ہٹیاں، باغ، حویلی، سدھنوتی، کوٹلی، بھمبر، میرپور، مری اور گلیات میں موسلادھار بارش کا امکان ہے۔ اسلام آباد، راولپنڈی، اٹک، چکوال، جہلم، منڈی بہاؤالدین، سیالکوٹ، نارووال، لاہور، گوجرانوالہ، گجرات، قصور اور اوکاڑہ میں بھی گرج چمک کے ساتھ بارش متوقع ہے۔

    اسی طرح 13 جولائی کی شام سے 17 جولائی کے دوران گلگت بلتستان کے علاقوں دیامیر، استور، غذر، اسکردو، ہنزہ، گلگت، گھانچے، شگر میں وقفے وقفے سے بارش کا امکان ہے۔ چترال، سوات، مانسہرہ، کوہستان، ایبٹ آباد، ہری پور، پشاور، مردان، صوابی، نوشہرہ، کرم، لکی مروت اور کوہاٹ میں بھی بادل برسیں گے 14 جولائی سے 16 جولائی کے دوران سندھ کے شہر سکھر، جیکب آباد، نگرپارکر، تھرپارکر، عمرکوٹ، سانگھڑ اور میرپور خاص میں بھی تیز ہواؤں اور گرج چمک کے ساتھ بارش کا امکان ہے۔

    ہم وفاق پرخوشی سے تنقید نہیں کرتے مجبور ہو کر کرتے ہیں،وزیراعلی بلوچستان

  • گال ٹیسٹ میچ دوبارہ شروع،سری لنکا کی دوسری وکٹ گر گئی

    گال ٹیسٹ میچ دوبارہ شروع،سری لنکا کی دوسری وکٹ گر گئی

    پاکستان کا سری لنکا کے خلاف گال ٹیسٹ میچ میں ٹاس جیت کر بیٹنگ کا فیصلہ کرلیا۔

    باغی ٹی وی : پاکستان اور سری لنکا کے درمیان کھیلے جانے والے پہلے ٹیسٹ میچ میں شاہین نے سری لنکا کے پہلے کھلاڑی کو 6 رنز پر پویلین کی راہ دکھا دی،شاہین نے اپنے دوسرے اوور میں اوپنر نشان مدوشکا کو آؤٹ کیا جس کا شاندار کیچ وکٹ کیپر سرفراز احمد نے کیا، شاہین کی اس وکٹ کے بعد ٹیسٹ کیرئیر میں 100 وکٹیں مکمل ہوگئیں،شاہین آفریدی 100 ٹیسٹ وکٹیں مکمل کرنے والے 19 ویں پاکستانی کھلاڑی ہیں،فاسٹ بولر نے 26 ٹیسٹ میچز میں 100 ٹیسٹ وکٹوں کا سنگ میل عبور کیا۔


    شاہین آفریدی کم میچز میں سو ٹیسٹ وکٹیں مکمل کرنے والے ساتویں مشترکہ پاکستانی ہیں، انہوں نے اپنے کیرئیر کے 26ویں ٹیسٹ میچ (جو گال میں اس وقت کھیلا جارہا ہے)، میں اپنا 100واں شکار کیافاسٹ بولر شاہین آفریدی کے علاوہ ماضی میں مشتاق احمد اور عمران خان نے بھی 26ویں ٹیسٹ میں 100 وکٹیں مکمل کی تھیں۔

    توشہ خانہ کیس:عمران خان کی درخواست سماعت کیلئے مقرر
    ٹوئٹر پر وقار یونس نے شاہین کے لیے ٹوئٹ کی اور ان کی پذیرائی کی، ساتھ ہی سابق کپتان نے شاہین کے لیے نیک خواہشات کا بھی اظہار کیا۔


    دوسری جانب پاکستان اور سری لنکا کے درمیان کھیلے جانے والا پہلا ٹیسٹ میچ بارش کے باعث روک دیا گیا اسٹیڈیم میں پچ اور اسکوائر کو کور سےڈھانپ دیاگیا ہے۔


    پاکستان اور سری لنکا کے درمیان کھیلے جانے والا پہلا ٹیسٹ میچ بارش کے وقفے کے بعد ایک بار پھر شروع ہوگیا ہے میچ کا آغاز ہوتے ہی شاہین آفریدی نے اپنی دوسری وکٹ حاصل کرلی، انہوں نے کوشال مینڈس کو آؤٹ کیا، اس وقت سری لنکا نے 8 اوورز میں دو وکٹوں کے نقصان پر 26 رنز بنالئے ہیں۔


    گال میں کھیلے جارہے سیریز کے پہلے ٹیسٹ میں سری لنکن کپتان ڈیموتھ کرونارتنے نے ٹاس جیت کر پہلے بیٹنگ کرنے کا فیصلہ کیا، انہوں نے کہا کوشش ہوگی پاکستان کیخلاف ابتداء میں جلد وکٹیں نہ گنوائیں۔

    ٹیم سے کافی مطمئن ہوں،کراچی اور لاہورمیں کیمپ اچھے رہے، بابر اعظم

    اس موقع پر بابراعظم نے کہا کہ سری لنکا کے خلاف جلد وکٹیں لیکر پہلی اننگز میں بڑا ہدف دینے کی کوشش کریں گے۔

    گال میں ہونے والے اس ٹیسٹ میچ میں سری لنکن کپتان دیموتھ کرونارتنے نے ٹاس جیتا اور بابر کو فیلڈنگ کی دعوت دی،دو میچز پر مشتمل ٹیسٹ سیریز کا دوسرا میچ 24 جولائی سے کولمبو میں شروع ہوگا۔


    پاکستانی پلیئنگ الیون:

    سری لنکا کے خلاف پہلے ٹیسٹ میچ میں پاکستانی ٹیم میں کپتان بابر اعظم سمیت عبداللہ شفیق، امام الحق، شان مسعود، سعود شکیل، سرفراز احمد (وکٹ کیپر)، سلمان علی آغا، نعمان علی، ابرار احمد، شاہین شاہ آفریدی اور نسیم شاہ شامل ہیں۔

    پاکستان اور سری لنکا کا پہلا ٹیسٹ میچ بارش سے متاثر ہونے کا خدشہ

    دوسری جانب سری لنکن محکمہ موسمیات کی جانب سے گال ٹیسٹ کے دوران پانچوں دن بارش کی پیش گوئی کی گئی ہے جس سے میچ کے متاثر ہونے کا خدشہ پیدا ہو گیا ہےآج کے میچ کے ساتھ ہی پاکستانی ٹیم کا 24- 2023انٹرنیشنل سیزن بھی شروع ہوجائے گا گال میں کھیلا جانے والا یہ ٹیسٹ ورلڈ ٹیسٹ چیمپئن شپ25 ۔2023 میں پاکستانی ٹیم کا پہلا ٹیسٹ بھی ہے اس انٹرنیشنل سیزن میں پاکستانی ٹیم کو ورلڈ ٹیسٹ چیمپئن شپ کے میچوں کے علاوہ ایشیاکپ، کرکٹ ورلڈ کپ اور ٹی ٹوئنٹی ورلڈ کپ میں بھی حصہ لینا ہے۔

    پاکستان ویمنز فٹبال ٹیم کل سنگاپور روانہ ہو گی

  • جب نہ ہو دل سے رابطہ دل کا ،ختم ہوگا نہ فاصلہ دل کا

    جب نہ ہو دل سے رابطہ دل کا ،ختم ہوگا نہ فاصلہ دل کا

    جانے کب وصل کی گھڑی آئے
    جانے کب ٹھہرے قافلہ دل کا

    نام: غزالہ بٹ
    تاریخ پیدائش:16 جولائی 1970ء
    جائے پیدائش:کوئٹہ
    زبان:اردو
    اصناف:افسانہ،شاعری

    تصنیفات
    ۔۔۔۔۔۔۔
    ۔ (1)تین ایک باسٹھ (افسانوی مجموعہ)
    ۔ 2021ء
    ۔ (2)خیالِ منتشر
    ۔ (غزل، نظم اور ہائیکو پر مشتمل کتاب)
    ۔ طباعت کے مراحل میں
    ۔ (3)بیس عظیم کہانیاں
    ۔ (زیرِ طبع)
    مستقل سکونت : کوئٹہ

    غزالہ بٹ کے والدین کا تعلق ہندوستان سے تھا۔ والدین امرتسر تقسیم وطن کے وقت پاکستان آئے تو کوئٹہ میں اقامت پذیر ہوئے۔ غزالہ بٹ کے والدین کا تعلق کشمیر سے تھا۔ ان کے والد کا نام غلام نبی بٹ ہے اور والدہ کا نام فاطمہ بٹ ہے۔ غزالہ بٹ کی سات بہنیں اور پانچ بھائی ہیں۔ غزالہ بٹ اپنی بہنوں میں چھٹے نمبر پر ہیں۔

    غزالہ بٹ 16 جولائی 1970ء میں کوئٹہ میں پیدا ہوئیں۔ غزالہ نے ابتدائی تعلیم ایوا گرلز ہائی اسکول سے حاصل کی۔ ایف اے گورنمنٹ کینٹ کالج سے کیا۔ ایف اے کے بعد ان کی شادی ہوگئی۔ ان کی شادی 1995ء میں ہوئی۔ شادی کے بعد دس سال بچوں کی پرورش اور گھر داری میں گزر گئے۔ ہی وقت پُر لگا کر اڑ گیا غزالہ بٹ کے شوہر عمران کامل ہاشمی بھی شاعر ہیں –

    غزل
    ۔۔۔۔۔
    غم کی صورت بدل گئی ہوگی
    زندگی چال چل گئی ہوگی
    ورنہ وعدے سے کیوں مکرتا وہ
    اس کی نیت بدل گئی ہوگی
    ہم نے چاہا بہت چھپانے کو
    بات آخر نکل گئی ہوگی
    دیکھ کر شدتِ غمِ دوراں
    موت بھی آ کے ٹل گئی ہوگی
    دیکھ کر اس کے خد و خال حسیں
    چاندنی خود ہی ڈھل گئی ہوگی
    یاد کر کے غزالہ وہ صورت
    کچھ طبیعت بہل گئی ہوگی

    غزل
    ۔۔۔۔۔
    جب نہ ہو دل سے رابطہ دل کا
    ختم ہوگا نہ فاصلہ دل کا
    ہم تو ہیں سامنے ترے د ل کے
    کاش دیکھو جو آئینہ دل کا
    جانے کب وصل کی گھڑی آئے
    جانے کب ٹھہرے قافلہ دل کا
    تم جو چاہو تو آ بھی سکتے ہو
    کوئی مشکل ہے راستہ دل کا
    ان سے کہنا کہ الوداع جاناں
    جان لیوا تھا حادثہ دل کا