Author: Ayesha Rehmani

گلگت بلتستان سے باہر گندم کی ترسیل پر مکمل پابندی عائد

گلگت بلتستان حکومت نے صوبے سے باہر گندم کی ترسیل پر مکمل پابندی عائد کر دی ہےاسمگلنگ میں ملوث عناصر کے خلاف قانون کے مطابق سخت تادیبی کارروائی عمل میں لانے کے لیے محکمہ خوراک کو ضلعی انتظامیہ اور پولیس کے اشتراک سے کریک ڈاون کرنے کا حکم جاری کر دیا گیا ہے۔

باغی ٹی وی: اقدام کا مقصد گلگت عوام کو سبسڈی کی مد میں فراہم کی جانے والی گندم کی شفاف تقسیم یقینی بنانا اور اسمگلنگ کے ذریعے گندم کا بحران پیدا کرنے والے عناصر کے خلاف قانونی کارروائی عمل میں لانا ہے گندم کی غیر قانونی ترسیل روکنے کے لیے داخلی و خارجی راستوں بشمول تھور، بابوسر اور غذر میں واقع چیک پوسٹس پر پولیس اہلکاروں کو ہدایات جاری کی گئی ہیں–

مراکش میں زلزلے سے قبل آسمان پر چمکنے والی پراسرار نیلی روشنی کیا تھی؟

اسمگلنگ میں ملوث عناصر کے خلاف کارروائی کے لیے محکمہ خوراک کو ضلعی انتظامیہ اور پولیس کے اشتراک سے کریک ڈاون کرنے کا حکم جاری کر دیا گیا ہے سیکرٹری خوارک کو ٹارگٹڈ سبسڈی اور گندم کی منصفانہ تقسیم کے لیے جامع سفارشات تیار کرنے کے بھی احکامات جاری کر دیئے گئے ہیں۔

صوبائی حکومت نے عوام سے بھی اپیل کی ہے کہ وہ گندم کی غیر قانونی ترسیل اور ذخیرہ اندوزی میں شامل عناصر کی نشاندہی کریں اور حکومت کو بروقت مطلع کر دیں تاکہ گلگت بلتستان میں گندم کا بحران درپیش نہ ہوسیکریٹری سبسڈی کی مد میں فراہم کیے جانے والے گندم کی منصفانہ تقسیم کو یقینی بنایا جا سکے۔

بل گیٹس کی مہنگے ترین ریسٹورنٹ کی 2 دن کی بکنگ کے دوران آرڈر نے …

ستمبر 10, 2023
مراکش میں زلزلے سے قبل آسمان پر چمکنے والی پراسرار نیلی روشنی کیا تھی؟

مراکش میں زلزلے کی قیامت سے قبل آسمان پر چمکنے والی پراسرار نیلی روشنی نظر آئی-

باغی ٹی وی: ہفتہ کی صبح مراکش میں آنے والے زلزلے کے نتیجے میں عرب دنیا ابھی تک صدمے میں ہے جس میں اب تک 2 ہزار سے زیادہ افراد لقمہ اجل بن چکے ہیں زلزلے کے ویڈیوز سوشل میڈیا پر گردش کر رہی ہیں، ان ویڈیوز میں زلزلے سے قبل اور اس کے بعد کے خوفناک مناظر کو دیکھا جا سکتا ہے۔

ان ریکارڈ شدہ فوٹیج میں نیلی روشنی کی پراسرار چمک دکھائی گئی ہے یہ منظر کسی ایک کیمرے میں ریکارڈ نہیں ہوا بلکہ کئی مقامات پر سی سی ٹی فوٹیج میں اس کی عکس بندی کی گئی ہے یہ چمک اغادیر کے زلزلے سے عین پہلے افق پر نمودار ہوئی اس روشنی کے بارے میں کسی نے کوئی ٹھوس معلومات نہیں دیں یہ معلوم نہیں ہو سکا کہ ایسے مناظر آفات کے وقوع پذیر ہونے سے پہلے دیکھے جا سکتے ہیں؟۔

مراکش :تباہ کن زلزلے میں ہلاک ہونے والوں کی تعداد 1037 ہو گئی

https://twitter.com/iamAkramPRO/status/1700644303842759128?s=20
یہ روشنی عجیب نہیں ہے کیونکہ اس کی ظاہری شکل ترکیہ میں گذشتہ فروری میں آنے والے تباہ کن زلزلے سے پہلے دوسرے نگرانی کرنے والے کیمروں نےریکارڈ کی تھی ترکیہ میں آنے والے زلزلے سے 45,000 سے زیادہ لوگ جاں بحق ہو گئے تھے زلزلے کی روشنی کچھ بھی نہیں بلکہ ایک روشن ماحولیاتی رجحان ہے جو آسمان میں ٹیکٹونک دباؤ، زلزلہ کی سرگرمی، یا آتش فشاں پھٹنے کے علاقوں میں ظاہر ہوتا ہے تاہم یہ تبصرہ بہت سی دوسری آراء کی طرح ایک رائے ہے۔

زلزلے کی روشنی (یا EQL) ہزاروں سالوں سے دکھائی دے رہی ہے اور اس کا پتہ 89 قبل مسیح تک لگایا جا سکتا ہے تاہم ہر دور میں سائنسدانوں کو اس بات کا کوئی اندازہ نہیں ہو سکا کہ یہ کس طرح کی روشنی ہے سائنس فکشن میں بھی س طرح کے مناظر کو عجیب اور غیر مانوس سمجھا جاتا ہے۔

دنیا بھر کے سمندروں کو لاحق غیرمعمولی خطرات پرماہرین کا کھلا خط

یہ ایک روشن ماحول کا رجحان ہے جو یا تو زلزلہ کی سرگرمی یا آسمانی واقعہ کا باعث بنتا ہے زلزلے کی لائٹس ہر وقت ظاہر نہیں ہوتی ہیں، لیکن یہ صرف زلزلے کے وقت اور مرکز کے قریب ہی نظر آتی ہیں، جو کہ ٹیکٹونک دباؤ کی سب سے زیادہ مقدار والا علاقہ ہے۔

ناسا کے ایمز ریسرچ سینٹر سے وابستہ فلکی طبیعیات دان فریڈمین فرینڈ کی 65 سیسمک لائٹس کے پیٹرن کے تفصیلی تجزیے کے بعد کی گئی تحقیق کے مطابق،یہ روشنیاں اس وقت بنتی ہیں جب ان کے نیچے مخصوص قسم کی چٹان (جیسے بیسالٹ اور گیبرو) میں برقی چارجز متحرک ہوتے ہیں۔

متحدہ عرب امارات میں پاکستانی کی 8 کروڑروپےسےزائد کی لاٹری نکل آئی

ایک اور تحقیق سے یہ بات سامنے آئی ہے کہ زلزلے کے مراکز کے قریب شدید ٹیکٹونک دباؤ کی وجہ سے اس جگہ کو پیزو الیکٹرک اثر کہا جاتا ہے اس صورت میں کوارٹج بیئرنگ چٹانیں کمپریس ہونے پر مضبوط برقی میدان پیدا کرنے کے لیے مشہور ہیں تاہم اس نظریہ کو بڑے پیمانے پر قبول نہیں کیا گیا ہے۔

زلزلے کی لائٹس پہلی بار 1965 میں جاپان میں آنے والے زلزلے کے دوران کیمرے میں قید ہوئی تھیں اس کے بعد یہ دیگر مقامات پر بھی دیکھی گئیں۔سنہ 2008ء میں چین، 2009 میں اٹلی اور حال ہی میں 2017 میں میکسیکو میں دیکھی گئی تھیں-

کینیڈا میں خالصتان کےقیام کیلئےریفرنڈم کا نیا مرحلہ آج سےشروع

ستمبر 10, 2023
ایشیا کپ:پاک بھارت میچ بارش کے باعث روک دیا گیا

کولمبو:ایشیا کپ ون ڈے سپر فور مرحلے میں بارش کی وجہ سے پاکستان اور بھارت کا میچ روک دیا گیا۔

باغی ٹی وی: ایشیا کپ ون ڈے سپر فور مرحلے کے بڑے مقابلے میں بھارت کی پاکستان کے خلاف دوسری وکٹ 123 رنز پر گری ایشیا کپ ون ڈے سپر فور مرحلے کے بڑے مقابلے میں پاکستان نے بھارت کے خلاف ٹاس جیت کر فیلڈنگ کا فیصلہ کیا ،بھارت نے 24.1 اوورز میں 2 وکٹوں کے نقصان پر 147 رنز بنالیے ہیں۔

بھارتی ٹیم کے کپتان 56 رنز کی اننگز کھیل کر شاداب خان کا شکار بنے ، جب کہ شبمن گل کو 58 رنز پر شاہین شاہ آفریدی نے آؤٹ کیا۔ بھارت نے اس وقت 19 اوورز میں دو وکٹوں کے نقصان پر 140 رنز بنالیے ہیں کریز پر اس وقت ویرات کوہلی اور کے ایل راہول موجود ہیں۔

ٹاس کے موقع پر گفتگو کرتے ہوئے قومی کرکٹ ٹیم کے کپتان بابر اعظم نے کہا کہ بولنگ کا فیصلہ پچ دیکھ کر کیا ہے، پلیئرز فارم میں ہیں ہر میچ کو نیا سمجھ کر کھیلتے ہیں بھارتی کپتان روہت شرما نے کہا کہ فرق نہیں پڑتا پہلے بیٹنگ کریں یا بولنگ ہمیں اچھا پرفارم کرنا ہے، ٹاس جیت کر پہلے بیٹنگ ہی کرتے۔

پاکستان کرکٹ ٹیم کے وکٹ کیپر بیٹر محمد رضوان کا کہنا ہے ہم نے بھارت کو ہرانے کے لیے بھرپور محنت کی ہے اور محنت کر رہے ہیں جو ہمارے ہاتھ میں ہے موسم ہمارے ہاتھ میں نہیں ہے لیکن تیاری سے فرق پڑتا ہے، ہمارے ہاتھ میں تیاری ہے، وہ زیادہ کرنے کی کوشش کرتے ہیں،ہم بھی اور فینز بھی بھارت کو ہرانا چاہتے ہیں اسی طرح بھارت والے بھی جیتنا چاہتے ہیں، ہمارا بینچ بھی بہت مضبوط ہے، بھارت کے خلاف ٹارگٹ اتنا آسان بھی نہیں تھا کنڈیشنز پر بڑا انحصار ہوتا ہے۔

پاکستانی ٹیم:

پاکستان بھارت کے خلاف اسی ٹیم کے ساتھ کھیلے گا جس نے بنگلا دیش کے خلاف آخری میچ کھیلا تھا، پاکستان ٹیم میں شاہین آفریدی، نسیم شاہ، حارث رؤف، فہیم اشرف، نائب کپتان شاداب خان، افتخار احمد، فخر زمان، امام الحق اور کپتان بابر اعظم،محمد رضوان اور سلمان علی آغا شامل ہیں۔

ایشیا کپ : پاکستان اور بھارت آج مدمقابل ہوں گے

بھارتی ٹیم:

پاکستان کے خلاف بھارتی ٹیم میں کپتان روہت شرما سمیت شبمن گل، ویرات کوہلی، کے ایل راہول، ایشان کشن، ہاردک پانڈیا، رویندر جڈیجا، شاردل ٹھاکر، جسپریت بمراہ، کلدیپ یادیو اور محمد سراج شامل ہیں۔

آئی سی سی ون ڈے رینکنگ، پاکستان عالمی نمبر ون نہ رہا

ستمبر 10, 2023
بل گیٹس کی مہنگے ترین ریسٹورنٹ کی 2 دن کی بکنگ کے دوران آرڈر نے دنگ کردیا

اسپین: مائیکرو سافٹ کے شریک بانی بل گیٹس نے اسپین کے ایک مقبول اور مہنگے ترین ریسٹورنٹ کو پورے 2 دن کے لیے بک کرایا تو وہاں جو انہوں نے آرڈر دیا، وہ دنگ کر دینے والا تھا۔

باغی ٹی وی : اسپین کے معروف شیف جورڈی کروز نے ایک انٹرویو کے دوران بتایا کہ کچھ عرصے قبل بل گیٹس نے ان کا ایوارڈ یافتہ ریسٹورنٹ لیے بک کرایا تھا،شیف نے بتایا کہ کچھ عرصےقبل بل گیٹس ہمارے ریسٹورنٹ آئے اوران کےساتھ 25 محافظ اور دیگر افراد تھےبل گیٹس نے پورا ریسٹورنٹ 2 دن کے لیے بک کرالیا جس کے بعد ہم نے اپنے بہترین پکوان مائیکرو سافٹ کے شریک بانی اور ان کی ٹیم کے لیے تیار کیے، مگر کیا آپ جانتے ہیں کہ بل گیٹس نے کیا آرڈر دیا؟ انہوں نے ایک ڈائٹ سافٹ ڈرنک منگوائی اور اپنے طیارے میں واپس چلے گئے۔

متحدہ عرب امارات میں پاکستانی کی 8 کروڑروپےسےزائد کی لاٹری نکل آئی

جورڈی کروز کے مطابق اس دوران ان کی ٹیم کے افراد وہاں آکر کھانا کھاتے رہے،لیکن انہوں نے ریسٹورنٹ میں کسی پکوان کو بالکل نہیں چکھا،اس ریسٹورنٹ کے پکوان اسپین میں بہت زیادہ مشہور ہیں مگر بل گیٹس عموماً سادہ کھانا پسند کرتے ہیں جبکہ دوپہر کے کھانے کے لیے انہیں برگر کھانا پسند ہے۔

کینیڈا میں خالصتان کےقیام کیلئےریفرنڈم کا نیا مرحلہ آج سےشروع

گیٹس فاؤنڈیشن کے ڈائریکٹر Joe Cerrell کے مطابق اگر آپ کی ملاقات دوپہر کے کھانے میں بل گیٹس سے ہوتی ہے تو آپ کو برگر کھانا ہوں گے بل گیٹس ڈائٹ مشروبات کو بھی بہت زیادہ پسند کرتے ہیں اور سفر کے دوران ان کے ہوٹل کے کمرے میں ایسے مشروبات کا ذخیرہ موجود ہوتا ہے کچھ سال پہلے بل گیٹس نے ایک بلاگ پوسٹ میں بتایا تھا کہ ‘جب میں دفتر میں ہوتا تھا تو دن بھر میں 3 سے 4 ڈائٹ مشروبات پی لیتا تھا-

مراکش :تباہ کن زلزلے میں ہلاک ہونے والوں کی تعداد 1037 ہو گئی

ستمبر 10, 2023
حوالہ ہنڈی میں ملوث بیرون ممالک میں مقیم افراد کے خلاف کارروائی کا فیصلہ

اسلام آباد: وفاقی تحقیقاتی ادارے (ایف آئی اے ) پشاورزون نے حوالہ ہنڈی میں ملوث بیرون ممالک میں مقیم افراد کے خلاف کارروائی کا فیصلہ کرلیا۔

باغی ٹی وی: ایف آئی اے حکام کے مطابق حوالہ ہنڈی میں ملوث افراد کی معلومات کی فراہمی سے متعلق مختلف بیرون ممالک سے معاہدہ ہوا ہے جس کے تحت ملک میں حوالہ ہنڈی میں گرفتار ملزمان کے موبائل فونز سے بیرون ممالک کے نمبرز لیے جائیں گے جب کہ ان کے موبائل فونز سے لین دین کی تفصیلات بھی لی جائیں گے۔

ایف آئی اے حکام کا کہنا ہے کہ معلومات ملنے کے بعد ایف آئی اے کا باہمی قانونی مدد ونگ انٹرپول کے ذریعے بیرون ملک سے رابطہ کرے گا،بیرون ممالک سے ملزم کی شناخت، سبسکرائبرز اور بینک ڈیٹیلز اور دیگر معلومات طلب کی جائے گی، تفصیلات ملنے کے بعد بیرون ملک سے حوالہ ہنڈی میں ملوث ملزم کی نان اویلیبل گرفتاری وارنٹ جاری کیے جائیں گے۔

آئی سی سی ون ڈے رینکنگ، پاکستان عالمی نمبر ون نہ رہا

دوسری جانب ایف آئی اے نے خیبرپختونخوا میں حوالہ ہنڈی اور ڈالر کی اسمگلنگ کے خلاف مؤثر کارروائیوں کیلئے 3 ٹیمیں تشکیل دے دیں ایف آئی اے حکام کے مطابق کے پی میں حوالہ ہنڈی اور ڈالر کی اسمگلنگ کے خلاف بڑے کریک ڈاؤن کے تحت کارروائیوں کیلئے تین ٹیمیں تشکیل دیدی گئی ہیں، ٹیم کا انچارج انسپیکٹر لیول کا آفیسر ہوگا جبکہ ہر ٹیم میں 5 ارکان سمیت قانون نافذ کرنے والے اداروں کے اہلکار بھی شامل ہوں گے۔

ایف بی آر کا ٹیکس چوروں کی جائیدادیں نیلام کرنے کا فیصلہ

ایف آئی اے حکام کے مطابق یہ ٹیمیں صوبہ بھر میں ڈالر اسمگلنگ اور حوالہ ہنڈی کے کاروبار سے منسلک افراد کی گرفتاری یقینی بنائیں گی اور ان کے خلاف فارن ریگورلائیزیشن ایکٹ کے تحت مقدمات بھی درج ہوں گے،ایف آئی اے حکام نے پشاور، مردان،صوابی اور سوات کو غیرقانونی حوالہ ہنڈی کاروبار اور ڈالر اسمگلنگ کا ہاٹ سپاٹ قرار دیا ہے۔

اگلے ہفتے پٹرولیم مصنوعات فی لیٹر 15 روپے تک مہنگی ہونے کا امکان

ستمبر 10, 2023
منشیات کے خلاف پاک فوج و دیگر اداروں کا مشترکہ آپریشن

بلوچستان کے ضلع قلعہ عبداللہ میں منشیات کے خلاف پاک فوج و دیگر اداروں کا مشترکہ آپریشن، ملکی سطح پر اسمگلروں کے خلاف بڑے پیمانے پر کریک ڈاؤن جاری ہے۔

باغی ٹی وی : ایف سی بلوچستان نے انسداد منشیات کے حوالے سے قلعہ عبداللہ میں دیگر اداروں کے ساتھ مشترکہ آپریشن کرتے ہوئے کروڑوں مالیت کی منشیات اور اس کی تیاری میں استعمال کیمیائی مواد ضبط کرلیا ہے،پاک فوج، قانون نافذ کرنے والے اداروں کے تعاون سے ملکی سطح پر اسمگلروں کے خلاف بڑے پیمانے پرکریک ڈاؤن جاری ہےآپریشن میں ایف سی بلوچستان (نارتھ)اینٹی نارکوٹکس فورس، لیویز، قانون نافذ کرنے والے ادارے اور دیگر نے حصہ لیا یہ آپریشن 2016 کے بعد انسداد منشیات کی سب سے بڑی کارروائی ہے۔

شمالی وزیرستان :دہشتگردوں اورسیکیورٹی فورسزکےدرمیان فائرنگ،نوجوان شہید

اِس تاریخی آپریشن کو کامیابی سے مکمل کرنے کے لئے پہلے جرگے کا انعقاد کیا گیا اور متعلقہ لوگوں کو وارننگ دی گئی جرگے کے انعقاد کے بعد مشترکہ طور پر بڑے پیمانے پر اسمگلروں کے خلاف آپریشن کا باقاعدہ آغاز ہواآپریشن کے دوران منشیات کی پیداوار، منشیات ذخیرہ کرنے والی جگہوں اور قیمتی مشینوں کو تلف کیا گیا آپریشن میں اب تک کل 42 اہداف کے خلاف کارروائی کی جاچکی ہے۔ آپریشن میں منشیات کے خفیہ گودام اور منشیات افزائش کی کئی ایکڑ فصلوں کی برآمدگی ہوئی۔

ایف بی آر کا ٹیکس چوروں کی جائیدادیں نیلام کرنے کا فیصلہ

آپریشن میں 6 ٹن ایفیڑرین کی تلفی، 48 منشیات کے کمپاؤنڈز کو مسمار کردیا گیا دوسری جانب 70 ایکڑز منشیات کی فصلیں تلف کردی گئی اور منشیات پروسیسنگ کی 28 مشینیں تباہ کر دی گئی۔ بڑے پیمانے پر کریک ڈاؤن میں ٹوٹل 11 افراد کو زیر حراست لیا گیا منشیات کے اس اڈے کی حفاظت پر 500 سے 600 مصلح غیر قانونی افغانی بھی مامور تھے. آپریشن میں کروڑوں مالیت کی منشیات اور اسکی تیاری میں استعمال ہونے والا ممنوعہ کیمیائی مواد بھی ضبط کیا گیا-

پاکستان کی پہلی خاتون انگریزی مصنفہ، صحافی، ایڈیٹراورشاعرہ،بیگم زیب النساء حمید اللہ

آپریشن کے دوران 1100 کلو چرس، 94 کلوگرام ایفیڈرین ، 16.2 کلو گرام آئس اور 1090 لیٹر ایچ سی ایل بھی برآمد کر لئے گئے۔ اس برآمدشدہ منشیات کی کُل مالیت 72187950 روپے ہے۔ اس کاروائی میں منشیات کے تمام ٹھکانوں کو تباہ کیا گیامقامی لوگوں نے قلعہ عبداللہ اور گلستان میں منشیات فروشوں کے خلاف اس کاروائی کا خیر مقدم کیا گیا اور سیکیورٹی اداروں کا شکریہ ادا کیا۔

آئی سی سی ون ڈے رینکنگ، پاکستان عالمی نمبر ون نہ رہا

ستمبر 10, 2023
ایم ڈی کیٹ انٹری ٹیسٹ:خفیہ بلیو ٹوتھ ڈیوائس سے چیٹنگ کرنیوالے درجنوں طلبہ گرفتار

کراچی، لاہور، کوئٹہ اور پشاور سمیت مملک بھر میں میڈیکل کالجز میں داخلے کے لیے ایم ڈی کیٹ انٹری ٹیسٹ ہور ہے جس میں ہزاروں کی تعداد میں طلبا حصہ لے رہے ہیں، ٹیسٹ میں خفیہ بلیو ٹوتھ ڈیوائس سے چیٹنگ کرنے والے درجنوں طلبہ کو گرفتار کر لیا گیا۔

باغی ٹی وی: محکمہ اعلیٰ تعلیم نے ایم ڈی کیٹ ٹیسٹ کا پرچ آؤٹ کرانے کا منصوبہ ناکام بنا دیا اس حوالے سے سیکرٹری اعلیٰ تعلیم انیلا محفوظ درانی نے بتایا کہ بلیوٹوتھ سے ٹیسٹ کو آؤٹ کرانے والے خفیہ گروہ کی اطلاع ملی تھی، اطلاع ملی کہ ایک گروہ بلیو ٹوتھ ڈیوائسز سے طلبا کو ٹیسٹ میں مدد کرے گا، ڈیوائس سے امتحانی ہالوں میں امیدواروں نے پرچہ آؤٹ کر کے حل کرنا تھا۔

سیکرٹری اعلیٰ تعلیم کے مطابق اطلاع ملتے ہی ایٹا کے اعلی حُکام کو اس بابت متنبیہ کیا، ہدایات ملتے ہی ایٹا اسٹاف نے صوبے کے تمام ہالوں پر انٹری کے وقت خصوصی چیک بڑھا دیا اور خصوصی چیک کےدوران عملے نے اپنے فون کا بلیو ٹوتھ آن کرکے بلیو ٹوتھ ڈیوائسز کا سُراغ لگایا اس دوران درجنوں طلبہ و طالبات کو رنگے ہاتھوں گرفتار کرکے پولیس کے حوالے کیا گیا، ملوث طلبہ و طالبات کے خلاف ان فئیر مینز کا پرچہ کاٹا گیا۔

اگلے ہفتے پٹرولیم مصنوعات فی لیٹر 15 روپے تک مہنگی ہونے کا امکان

واضح رہے کہ دو روز قبل پاکستان میڈیکل اینڈ ڈینٹل کونسل نے واضح کیا تھا کہ ملک بھر میں ایم ڈی کیٹ کا امتحان 10 ستمبر کو ہو گا، اس کے علاوہ کوئی دوسرا ٹیسٹ نہیں ہو گا لہذا جن بچوں نے ٹیسٹ کے لیے رجسٹریشن کروائی ہے وہ متعلقہ امتحانی مراکز پہنچیں۔

ترجمان پی ایم ڈی سی کے مطابق ایم ڈی کیٹ امتحان ملک بھرکے 31 شہروں میں بیک وقت لیا جا رہا ہے جس میں ایک لاکھ 80 ہزارسے زائد امیدوار حصہ لے رہے ہیں جبکہ بین الاقوامی سینٹرز میں 382 طلبا ایم ڈی کیٹ امتحان دے رہے ہیں، بین الاقوامی سینٹر دبئی میں185 اور سعودی عرب میں197 امیدوار امتحان دے رہے ہیں، پنجاب میں 66875، سندھ میں 40528، خیبر پختونخوا میں 46439 اور بلوچستان میں 9230 امیدوار ایم ڈی کیٹ کاامتحان دے رہے ہیں، اس کے علاوہ گلگت میں 926، آزاد کشمیر میں 4036 اور اسلام آباد میں 12118 امیدوار ایم ڈی کیٹ امتحان دے رہے ہیں ایم ڈی کیٹ کے انٹری ٹیسٹ کے لیے امتحانی مراکز پر سکیورٹی کے انتہائی سخت انتظامات کیے گئے ہیں اور بعض امتحانی مراکز پر دفعہ 144 بھی نافذ کی گئی ہے۔

ایف بی آر کا ٹیکس چوروں کی جائیدادیں نیلام کرنے کا فیصلہ

ستمبر 10, 2023
عالمی بینک کا پاکستان کو رواں مالی سال 2 ارب ڈالر فراہمی کا عندیہ

اسلام آباد: عالمی بینک نے پاکستان کو رواں مالی سال 2 ارب ڈالر فراہمی کا اشارہ دیا ہے-

باغی ٹی وی:وزارتِ خزانہ کے اعلامیہ کے مطابق عالمی بینک کے کنٹری ڈائریکٹر ناجی بن حسائن نےشمشاد اختر سے ملاقات کی، ملاقات میں عالمی بینک کے پاکستان میں جاری منصوبوں پر پیش رفت کا جائزہ لیا گیا،اس دوران پاکستان میں عالمی بینک کے جاری منصوبوں کی مجموعی کارکردگی پر تبادلہ خیال ہوا، ملک میں اقتصادی سرگرمیوں کو فروغ دینے میں مدد کے لیے مختلف ترجیحی شعبوں میں تعاون کو مزید وسعت دینے کے لیے مختلف آپشنز پر تبادلہ خیال بھی کیا گیا،ملاقات کے دوران ناجی بن حسائن نے پاکستان کو رواں مالی سال دو ارب ڈالرفراہم کرنے کا عندیہ دیا تاہم یہ تفصیلات فراہم نہیں کی گئی کہ یہ رقم کس مد میں فراہم کی جائے گی۔

اگلے ہفتے پٹرولیم مصنوعات فی لیٹر 15 روپے تک مہنگی ہونے کا امکان

کنٹری ڈائریکٹرناجی نے نگران وزیر خزانہ کو عالمی بینک کے جاری پورٹ فولیوپرتفصیلی بریفنگ دی کہا کہ عالمی بینک انتطامیہ وزارتِ خزانہ کے ساتھ مل کرنہ صرف جاری پورٹ فولیو کی کارکردگی بہتر بنانے کیلئے کوشاں ہے بلکہ زیادہ سے زیادہ فارن ریسورسزکی ڈسبر سمنٹ کی جارہی ہے رواں مالی سال عالمی بینک سےپاکستان کودوارب ڈالرکی فنانسنگ فراہمی کے اہداف کی مشترکہ کوششیں کی جا رہی ہیں-

ایف بی آر کا ٹیکس چوروں کی جائیدادیں نیلام کرنے کا فیصلہ

شمشاد اختر نے عالمی بینک کے کنٹری ڈائریکٹر کو پاکستان کے اصلاحاتی ایجنڈے اور اقتصادی استحکام کیلیے جاری حکومتی کوششوں بارے تفصیلات سے آگاہ کیااورعالمی بینک کی ٹیم کا خیرمقدم کرتے ہوئے اس بات کا اعادہ کیاکہ پاکستان عالمی بینک کے ساتھ اپنی ترقیاتی شراکتداری کو قدر کی نگاہ سے دیکھتا ہے وزیر خزانہ نے گزشتہ سال آنیوالے سیلاب کے دوران عالمی بینک کی فوری مدد کو سراہا انہوں نے کہا ملک کی ہنگامی ضروریات سے بہتر طریقے سے نمٹنے کے لیے عالمی بینک کی مزید مدد کی ضرورت ہے۔

آئی سی سی ون ڈے رینکنگ، پاکستان عالمی نمبر ون نہ رہا

ستمبر 10, 2023
ایف بی آر کا ٹیکس چوروں کی جائیدادیں نیلام کرنے کا فیصلہ

اسلام آباد: فیڈرل بورڈ آف ریونیو نے ملک بھر میں ٹیکس چوروں کے خلاف آپریشن کا فیصلہ کر لیا۔

باغی ٹی وی: ایف بی آر حکام کا کہنا ہے کہ جن ٹیکس چوروں کے خلاف کیس ثابت ہوچکے ہیں اور تمام قانونی فورمز سے ایف بی آر کے حق میں فیصلے آچکے ہیں ان سے بھی ریکوری تیز کرنے کی ہدایات کردی گئیں،چوری شدہ ٹیکس کی ریکوری کیلئے جائیدادیں نیلام کرنے کا فیصلہ کیا گیا ہے۔

ایف بی آرذرائع کےمطابق پہلےمرحلےمیں اسلام آباد، لاہور، پشاور، ملتان، کوئٹہ اورکراچی سمیت بڑے شہروں کے 12300سے زائد افراد کی فہرست تیار کی گئی ہےجس میں صنعت کار،ملزمالکان، تاجر، پراپرٹی ڈیلرز اور دیگر شامل ہیں فہرست میں شامل افرا د کارو بارکی رفتار سے ٹیکس نیٹ میں شامل نہیں ہوئےاور ٹیکس چوروں کے خلاف ٹھوس ثبوت ہیں جب کہ ٹیکس نوٹس پرایک ہفتےمیں دستا ویز ات دینا ہوں گی۔

ایشیا کپ : پاکستان اور بھارت آج مدمقابل ہوں گے

دوسری جانب ڈالر ذخیرہ اندوزی کے خلاف ایف آئی اے، حساس ادارے اور اسٹیٹ بینک نے گرینڈ آپریشن کی تیاری کر لی، ڈالر کی ذخیرہ اندوزی کرنے والی کمپنیوں اور افراد کی نشاندہی کرکے فہرستیں تیار کرلی گئیں، ایف آئی اے اور حساس اداروں نے ایکسچینج کمپنیوں کا دو سال کا ڈیٹا حاصل کر لیا۔

سندھ میں کسی سیاستدان کے گھر چھاپہ نہیں مارا گیا، نگران وزیر داخلہ

ذرائع کا کہنا ہےکہ غیر معمولی تعداد میں ڈالرلینےوالوں کی فہرست بھی تیار کر لی گئی ہےبینکوں سے لاکر مالکان اور سامان کی تفصیلات بھی جمع کی جا رہی ہیں ایف آئی اے اور اسٹیٹ بینک کو اطلاعات ہیں کہ بڑی تعداد میں ڈالرزبینک لاکرز میں ذخیرہ ہیں، ایف آئی اے ڈالرز ریکوری آپریشن میں جدید ترین ٹیکنالوجی کا استعمال کرکے بینک لاکرز کو اسکین کر سکے گی۔

متحدہ عرب امارات میں پاکستانی کی 8 کروڑروپےسےزائد کی لاٹری نکل آئی

ستمبر 10, 2023
اگلے ہفتے پٹرولیم مصنوعات فی لیٹر 15 روپے تک مہنگی ہونے کا امکان

اسلام آباد: اگلے ہفتے پٹرولیم مصنوعات فی لیٹر 15 روپے تک مہنگی ہونے کا امکان ہے۔

باغی ٹی وی: نجی ٹی وی کے مطابق ایک ہفتے کے دوران عالمی مارکیٹ میں خام تیل 5 ڈالر فی بیرل مہنگا ہو چکا ہےعالمی مارکیٹ میں خام تیل کی بلند ہوتی قیمتیں پاکستان میں مہنگائی کے نئے طوفان کے خدشات کو جنم دے رہی ہیں ڈالر کی قیمت میں مزید کمی نہ ہوئی تو 16 ستمبر سے پٹرولیم مصنوعات کی قیمتیں مزید بڑھ سکتی ہیں رپورٹ کے مطابق گلف مارکیٹ میں خام تیل کی قیمت88 ڈالر فی بیرل سے بڑھ کر 93 ڈالر تک پہنچ گئی۔

قبل ازیں نگران وزیر توانائی محمد علی نے کہا ہے کہ ڈالر ریٹ میں کمی تک بجلی کی قیمت میں کمی مشکل ہے نگران وزیر توانائی محمد علی نے کہا تھا کہ جب تک پٹرول اور ڈالر کی قیمت میں کمی نہیں ہوتی بجلی سستی ہونے کا کوئی امکان نہیں۔ 60 فیصد بلنگ ریکوری نہیں ہوتی، اس پر کام کر رہے ہیں ہم آہستہ آہستہ چیزوں کو ٹھیک کر رہے ہیں، 2020 سے قبل فرنس آئل سے فائدہ نہیں تھا، آج ہورہا ہے5ڈسکوز میں جہاں بجلی چوری ہے وہاں کریک ڈاؤن کریں گے۔

پاکستان کی پہلی خاتون انگریزی مصنفہ، صحافی، ایڈیٹراورشاعرہ،بیگم زیب النساء حمید اللہ

دوسری جانب ڈالر ذخیرہ اندوزی کے خلاف ایف آئی اے، حساس ادارے اور اسٹیٹ بینک نے گرینڈ آپریشن کی تیاری کر لی ڈالر کی ذخیرہ اندوزی کرنے والی کمپنیوں اور افراد کی نشاندہی کرکے فہرستیں تیار کرلی گئیں، ایف آئی اے اور حساس اداروں نے ایکسچینج کمپنیوں کا دو سال کا ڈیٹا حاصل کر لیا،غیر معمولی تعداد میں ڈالر لینے والوں کی فہرست بھی تیار کر لی گئی ہے بینکوں سے لاکر مالکان اور سامان کی تفصیلات بھی جمع کی جا رہی ہیں ایف آئی اے اور اسٹیٹ بینک کو اطلاعات ہیں کہ بڑی تعداد میں ڈالرز بینک لاکرز میں ذخیرہ ہیں، ایف آئی اے ڈالرز ریکوری آپریشن میں جدید ترین ٹیکنالوجی کا استعمال کرکے بینک لاکرز کو اسکین کر سکے گی۔

متحدہ عرب امارات میں پاکستانی کی 8 کروڑروپےسےزائد کی لاٹری نکل آئی

ستمبر 10, 2023