Baaghi TV

Author: Ayesha Rehmani

  • مجھے ایسا نہیں لگتا کہ 2022 میرا آخری ورلڈکپ تھا،لیونل میسی

    مجھے ایسا نہیں لگتا کہ 2022 میرا آخری ورلڈکپ تھا،لیونل میسی

    بیجنگ: ارجنٹائن کو فیفا ورلڈ کپ جتونے والے سات بار بیلن ڈی اور ایوارڈ جیتنے والےارجنٹائن کے فٹبال اسٹار لیونل میسی نے کہا ہے کہ مجھے ایسا نہیں لگتا کہ (2022) میرا آخری ورلڈکپ تھا-

    باغی ٹی وی : ارجنٹائن کے اخبار اولے نے رپورٹ کیا تھا کہ میسی کا اگلا ورلڈکپ میں کھیلنا “بہت مشکل” ہوگا، کیونکہ وہ ٹورنامنٹ تک 39 برس کے ہوجائیں گے تاہم اب انہوں نے ایک انٹرویو میں اس حوالے سے کہا کہہ مجھے ایسا نہیں لگتا کہ (2022) میرا آخری ورلڈکپ تھا میں دیکھوں گا کہ چیزیں کیسے چلتی ہیں لیکن نظریہ میں مجھے نہیں لگتا کہ میں اگلے ورلڈ کپ کے لئے آس پاس ہوں گا-

    لیونل میسی اب کس کلب میں ہونگے؟

    چینی میڈیا کو دیئے گئے انٹرویو میں لیونل میسی نے کہا کہ پہلے بھی کئی بار کہا ہے کہ مجھے ایسا نہیں لگتا کہ 2022 میرا آخری ورلڈکپ تھا، تاہم ممکن ہے کہ شمالی امریکا میں (2026) کے ٹورنامنٹ میں شرکت کرسکتا ہوں، دیکھوں گا چیزیں کیسے چلتی ہیں لیکن مجھے نہیں لگتا میں اگلا ورلڈکپ کھیل سکتا ہوں۔

    اسٹار فٹبالر کریم بینزیما سعودی کلب کا حصہ بن گئے

    لیونل میسی اس وقت چین کے درالحکومت بیجنگ میں آسٹریلیا کے خلاف دوستانہ کیلئے موجود ہیں، دونوں ٹیمیں جمعرات کو مدمقابل آئیں گی حال ہی میں انہوں نےاعلان کیا تھا کہ وہ پیرس سینٹ جرمن (پی ایس جی) کےساتھ 2 سالہ معاہدہ ختم ہونےکےبعد امریکی کلب انٹرمیامی کو جوائن کررہے ہیں۔

    ورلڈ ٹیسٹ چیمپئن شپ فائنل،بھارت اور آسٹریلیا پر بھاری جرمانےعائد

    بیجنگ کے 68,000 صلاحیت والے اسٹیڈیم میں جمعرات کو ارجنٹائن آسٹریلیا کے خلاف دوستانہ میچ کھیلے گا یہ میچ دوحہ میں ہونے والے ورلڈ کپ میں ٹیموں کے درمیان آخری 16 ٹائی کا اعادہ ہے، جسے ارجنٹینا نے 2-1 سے جیتا تھا بارسلونا کے سابق اسٹار کو ایکشن میں دیکھنے کے لیے چینی شائقین بے چین ہیں، 4,800 یوآن ($671) کی قیمتوں میں فروخت ہونے کے باوجود ٹکٹوں میں تیزی سے اضافہ ہوا ہے۔

    بھارتی کرکٹ بورڈ نےورلڈکپ کا شیڈول فائنل کرکے آئی سی سی کو بھیج دیا،پاک بھارت …

  • یونان:تارکین وطن کی کشتی الٹنے سے 117 افراد ڈوب گئے

    یونان:تارکین وطن کی کشتی الٹنے سے 117 افراد ڈوب گئے

    یونان کے سمندر میں تارکین وطن کی کشتی الٹ گئی جس کے نتیجے میں 117 افراد ڈوب گئے۔

    باغی ٹی وی : غیر ملکی کے مطابق یونان کےسمندرمیں تارکین وطن کی کشتی گنجائش سے زیادہ افراد کے سوار ہونے کے باعث تیز ہواؤں کے تھپیڑوں اور بلند لہروں کا مقابلہ نہ کرسکی کشتی کا توازن بگڑا اور وہ الٹ گئی کشتی میں 117 افراد سوار تھے جو پانی میں ڈوب گئے۔ فوجی طیارے، ہیلی کاپٹر اور 6 کشتیوں کے ساتھ ریسکیو آپریشن شروع کیا گیا ریسکیو اہلکاروں نے 100 افراد کو سمندر سے بحفاظت نکال لیا جب کہ 17 افراد کی لاشیں نکالی گئیں۔

    پاکستان آئی ایم ایف پروگرام کو مکمل کرنے میں ناکام ہو سکتا ہے ،بلوم برگ

    ترجمان کوسٹ گارڈ کا کہنا ہے کہ حادثہ بحیرہ آیونی میں پیش آیا تھا۔ 4 تارکین وطن کی حالت نازک ہے جنھیں ہیلی کاپٹر کے ذریعے بڑے اسپتال منتقل کر دیا گیاکشتی میں کسی نے بھی لائف جیکٹ نہیں پہنی ہوئی تھی۔ حادثے کی شکار کشتی کے تارکین وطن کی شناخت کا عمل جاری ہے۔ بظاہر لگتا ہے کہ تارکین وطن لیبیا سے اٹلی جا رہے تھے۔

    یونان کی بندرگاہ کی پولیس کے مطابق 80 تارکین وطن کو لے جانے والی ایک بادبانی کشتی کو بھنور میں پھنس جانے پر کوسٹ گارڈ کی کشتی نے بچالیا۔ کشتی کو کھینچ کر بندرگاہ لایا گیا۔

    واٹس ایپ میں نئے فیچر کا اضافہ

    دوسری جانب نائیجیریا میں دریا میں کشتی الٹنے سے 100 سے زائد افراد ہلاک ہوگئے خلیجی میڈیا کے مطابق شمالی نائیجیریا میں مقامی افراد کشتی میں سوار ہوکر شادی سے واپس آرہے تھے کہ دوران سفر کشتی حادثے کا شکار ہوکر الٹ گئی کشتی میں متعدد افراد سوارتھے جن میں سے 100 سے زائد افراد کے ڈوب کر ہلاک ہونے کی تصدیق ہوئی ہے جب کہ دریا میں ڈوبنے والے دیگرافراد کی تلاش جاری ہے-


    پولیس کے مطابق یہ حادثہ پیر کی صبح کوارا اسٹیٹ کے دریائے نائیجر میں پیش آیا جس میں 103 افراد کی ہلاکت کی تصدیق کی گئی ہے جب کہ 100 سے زائد افرد کو ریسکیو کرنے کا دعویٰ بھی کیا گیا ہے سرچ اور ریسکیو آپریشن جاری ہے اور ہلاکتوں میں مزید اضافے کا خدشہ ہے جب کہ مرنے والوں میں خواتین اور بچے بھی شامل ہیں جو ایک قریبی گاؤں میں ہونے والی شادی کی تقریب سے واپس آرہے تھے حادثہ مقامی وقت کے مطابق رات 3 بجے پیش آیا اور رات کے اندھیرے کی وجہ سے حادثے کا علم نہ ہونے کی وجہ سے زیادہ ہلاکتیں ہوئیں۔

    طوفان کے پیش نظر ایٹمی پاور پلانٹس سے بجلی کی پیداوار میں کمی

  • شیل پیٹرولیم کا پاکستان میں اپنے شیئرزفروخت کرنے کا اعلان

    شیل پیٹرولیم کا پاکستان میں اپنے شیئرزفروخت کرنے کا اعلان

    اسلام آباد : شیل پٹرولیم نے پاکستان سے جانے کا فیصلہ کرتے ہوئے شیئر فروخت کرنے کا اعلان کردیا۔

    باغی ٹی و:ی: تفصیلات کے مطابق امریکی کمپنی شیل پٹرولیم نے پاکستان سے جانے کا فیصلہ کر لیا اور اپنے شیئر فروخت کرنے کا اعلان کردیااعلامیے میں کہا گیا شیل پیٹرولیم کے شیل پاکستان میں شیئرز ہیں، کمپنی کے شیئر فروخت ٹارگٹ سیلز کے عمل سے مشروط ہوگی شیل کےشیئر فروخت کا اطلاق ریگولیٹری منظوریوں کےبعد ہوگا تاہم شیئر فروخت کے عمل سے شیل پاکستان کے بزنس پر اثرنہیں ہو گا۔

    واٹس ایپ میں نئے فیچر کا اضافہ

    شیل پاکستان کے77 فیصد حصص فروخت کردے گی اور کمپنی کا انتظام و انصرام خریدار کے حوالے کردے گی شیل پیٹرولیم کمپنی کو 2022 میں ڈالر کی قدر میں اضافے اور پاکستانی روپے کی قدرمیں کمی کے باعث بھاری مالی نقصان کا سامنا کرنا پڑا ،شیل کے ترجمان کے مطابق حصص کی فروخت میں گروپ کے دیگر کاروبار بھی شامل ہیں جن میں پاک عرب پائپ لائن کمپنی لمیٹڈ (PAPCO) کے 26 فیصد مالکانہ حقوق بھی شامل ہیں

    شیل پاکستان لمیٹڈ رائل ڈچ شیل کی ملکیتی ایک کمپنی ہے اور یہ کمپنی جنوبی ایشیاء میں سو سال سے کام کر رہی ہے۔ شیل پاکستان کے کراچی سٹاک ایکسچیج میں حصص موجود ہیں

    پاکستان آئی ایم ایف پروگرام کو مکمل کرنے میں ناکام ہو سکتا ہے ،بلوم برگ

  • واٹس ایپ میں نئے فیچر کا اضافہ

    واٹس ایپ میں نئے فیچر کا اضافہ

    میٹا کی زیر ملکیت میسجنگ ایپ واٹس ایپ میں نئے فیچر کا اضافہ کیا جا رہا ہے-

    باغی ٹی وی: واٹس ایپ نے حال ہی میں کئی فیچر متعراف کرائے ہیں اور یہ سلسلہ تاحال جاری ہے،اب اینڈرائیڈ اور آئی او ایس ڈیوائسز کے لیے واٹس ایپ میں ویڈیو میسج بھیجنے کے فیچر کا اضافہ کیا جا رہا ہے۔

    "اسپیس ایکس” میں نوکری حاصل کرنےوالا 14 سالہ انجینئر

    WABetaInfo کی ایک رپورٹ کے مطابق اس فیچر کے تحت صارفین 60 سیکنڈ کی مختصر ویڈیو ریکارڈ کرکے میسج کے طور پر اپنے دوستوں کو بھیج سکیں گے، بالکل اسی طرح جیسے آڈیو میسج بھیجا جاتا ہے ویڈیو میسج بھیجنے کا فیچر آئی او ایس اور اینڈرائیڈ کے لیے واٹس ایپ کے نئے بیٹا (beta) ورژنز میں موجود ہےآئی او ایس کی بیٹا ورژن 23.6.0.73 اور اینڈرائیڈ کے بیٹا ورژن 2.23.8.19 میں یہ نیا فیچر متعارف کرایا گیا ہے۔

    امریکا پاکستان کو آئی ایم ایف کیجانب سےامداد کی فراہمی میں کردارادا کرے،امریکی رکن کانگریس

    رپورٹ کے مطابق ویڈیو میسجزکواینڈ ٹو اینڈ انکرپشن کا تحفظ حاصل ہوگا ویڈیو میسج کو فارورڈ نہیں کیا جاسکے گامگراسکرین ریکارڈنگ کے ذریعے فون میں محفوظ کرنا ممکن ہوگا ابھی چونکہ یہ فیچر بیٹا ورژن میں موجود ہے تو عام صارفین کو اس تک رسائی کے لیے چند ہفتوں یا مہینوں تک انتظار کرنا ہوگا۔

    پاکستانی نژاد آسٹریلوی بلےباز عثمان خواجہ کا بڑا کارنامہ

  • پاکستان آئی ایم ایف پروگرام کو مکمل کرنے میں ناکام ہو سکتا ہے ،بلوم برگ

    پاکستان آئی ایم ایف پروگرام کو مکمل کرنے میں ناکام ہو سکتا ہے ،بلوم برگ

    اسلام آباد: عالمی مالیاتی ادارے (آئی ایم ایف) کے بغیر پاکستان کے ڈیفالٹ ہونے کا خطرہ بڑھنے لگا۔

    باغی ٹی وی : امریکی جریدے بلوم برگ کے مطابق پاکستان آئی ایم ایف کے ساتھ اپنے 6.7 بلین ڈالر کے بیل آؤٹ پروگرام کو دوبارہ شروع کرنے میں ناکامی کے بڑھتے ہوئے خطرے میں ہے اس صورتحال کو مد نظر رکھتے ہوئے روپے کی ریکارڈ کم ترین سطح اور ذخائر کم ہونے کی وجہ سے پاکستان ڈیفالٹ کے قریب پہنچ گیا ہے۔ رپورٹ کے مطابق اس بات کے خطرات بڑھ رہے ہیں کہ پاکستان جون کے آخر میں ختم ہونے والے آئی ایم ایف پروگرام کو مکمل کرنے میں ناکام ہو سکتا ہے پاکستان اپنے آئی ایم ایف پروگرام کو بحال کرنے کی آخری کوشش کر رہا ہےاس وقت 2 بلین ڈالر کے فنانسنگ گیپ اور ایکسچینج ریٹ پالیسی سب سے بڑی رکاوٹوں میں شامل ہے۔

    بلوم برگ کے مطابق پاکستان کو جولائی میں شروع ہونے والے مالی سال 2024 کیلئے تقریباً 23 ارب ڈالر کے بیرونی قرضوں کی ادائیگی کا سامنا ہے۔ یہ رقم اس کے ذخائر کا تقریباً 5 گنا ہے اور اس میں سے زیادہ تر رقم رعایتی دو طرفہ ذرائع سے لی گئی ہے۔

    دوسری جانب وزیر مملکت برائے خزانہ عائشہ غوث پاشا نے کہا ہےکہ آئی ایم ایف نے بجٹ کےحوالے سے بعض چیزوں پر وضاحت مانگی ہے اور انہیں اخراجات ،ٹیکسوں کے معاملے پر تشویش ہے آئی ایم ایف نے بہت سی چیزوں پر سوال اٹھائے ہیں جس پر اسحاق ڈار نے آئی ایم ایف مشن چیف ناتھن پورٹر کے ساتھ ورچوئل بات چیت کی ہے۔

    سندھ ہائیکورٹ،الیکشن نوٹفکیشن کی معطلی کی درخواست مسترد

    انہوں نے کہا کہ ہم نے آئی ایم ایف کوبجٹ کی حکمت عملی اور وژن سے آگاہ کیا ہے، آئی ایم ایف سے کہا ہے کہ بجٹ کا مقصد معاشی گروتھ لانا ہے تاہم عالمی ادارے کے ساتھ اسٹریٹیجک لیول پر بات چیت ہورہی ہے آئی ایم ایف کے ساتھ اخراجات سمیت دیگر اعداد و شمار پر مزید تکنیکی بات ہوگی، آئی ایم ایف پاور ڈویژن اور اسٹیٹ بینک حکام سے بھی بات چیت کرے گا، ایکسچینج ریٹ اورپالیسی ریٹ پر آئی ایم ایف اسٹیٹ بینک سے بات کرے گا۔انہوں نے مزید کہا کہ حکومت معاشی استحکام کے علاوہ کوئی قدم نہیں اٹھائے گی، پیٹرولیم لیوی بڑھانے کا فیصلہ نہیں کیا، صرف قانون میں گنجائش رکھی ہے، اگرضرورت پڑی تو پیٹرولیم لیوی کی شرح میں اونچ نیچ کریں گے۔

    ملک میں مشکل حالات، ہر ایک کو ہمت، برداشت، تحمل کا مظاہرہ کرنا ہے،چیف جسٹس

    واضح رہے کہ سینیٹ قائمہ کمیٹی خزانہ کے اجلاس میں وزارت خزانہ کے اعلیٰ حکام نے بتایا ہے کہ عالمی مالیاتی فنڈ (آئی ایم ایف) نے آئندہ مالی سال کے بجٹ پر عدم اطمینان کا اظہار کرتے ہوئے ٹیکس وصولی کے ہدف کو ناکافی اور پیٹرولیم مصنوعات پر لیوی بڑھانے کا مطالبہ کیا ہے عالمی مالیاتی فنڈ نے پیٹرولیم لیوی 50 روپے فی لیٹر سے بڑھاکر 60 روپے کرنے کا مطالبہ کیا ہے-

    طوفان کے پیش نظر ایٹمی پاور پلانٹس سے بجلی کی پیداوار میں کمی

    اتحادی حکومت کے پہلے 9 ماہ ،وزراء نے 93 بیرون ممالک دورے کئے شہباز کابینہ کے 22 وزراء نے ایک سال میں 93 ممالک کا دورہ کئے جبکہ ,18 دورے وزیر خارجہ نے کئے ،اور وزیر مملکت برائے خارجہ حنا ربانی کھر نے 11 بیرون ملک دورے۔دستاویزات کے مطابق آئی ایم ایف نے بجٹ کے حوالے سے بعض چیزوں پر وضاحت مانگی ہے، انہیں اخراجات ،ٹیکسوں کے معاملے پر تشویش ہے، آئی ایم ایف نے بہت سی چیزوں پر سوال اٹھائے ہیں، وزیر مملکت برائے خزانہ عائشہ غوث پاشا کا کہنا تھا کہ اسحاق ڈار نے آئی ایم ایف مشن چیف ناتھن پورٹر کے ساتھ ورچوئل بات چیت کی ہے، ہم نے آئی ایم ایف کوبجٹ کی حکمت عملی اور وژن سے آگاہ کیا ہے،بجٹ کا مقصد معاشی گروتھ لانا ہے تاہم عالمی ادارے کے ساتھ اسٹریٹیجک لیول پر بات چیت ہورہی ہے، آئی ایم ایف کے ساتھ اخراجات سمیت دیگر اعداد و شمار پر مزید تکنیکی بات ہوگی، آئی ایم ایف پاور ڈویژن اور اسٹیٹ بینک حکام سے بھی بات چیت کرے گا، ایکسچینج ریٹ اورپالیسی ریٹ پر آئی ایم ایف اسٹیٹ بینک سے بات کرے گا، حکومت معاشی استحکام کے علاوہ کوئی قدم نہیں اٹھائے گی، ،

  • لوگ لندن اورامریکہ سے پرتگال کیوں بھاگ رہے ہیں،مبشر لقمان کی پرتگال سے خصوصی ویڈیو

    لوگ لندن اورامریکہ سے پرتگال کیوں بھاگ رہے ہیں،مبشر لقمان کی پرتگال سے خصوصی ویڈیو

    لوگ لندن اور امریکہ سے پرتگال کیوں بھاگ رہے ہیں اور کالادھن منٹوں میں کیسے سفید ہو رہا ہے پرتگال سے سینئیر صحافی اور اینکر پرسن مبشر لقمان نے ویڈیو شئیر کی ہے جس میں انہوں نے حیران کن انکشافات کئے ہیں-

    باغی ٹی وی : صحافی مبشر لقمان کے یوٹیوب چینل پر شئیر کی گئی ویڈیو میں وہ پرتگال کےمشہورشہر Vilamoura کے تاریخی شہر فارو میں موجود ہیں ویلامورا جنوبی پرتگال کے Algarve علاقےمیں ایک ریزورٹ ہےیہ اپنے بڑے مرینا، گولف کورسز اور کیسینو اور سینڈی ولامورا بیچ کے لیے جانا جاتا ہے۔


    مبشر لقمان نےویڈیو میں بتایاکہ ولامورا چھ گولف کورسز کا گھر ہے، ملک کا سب سےبڑا مرینا یہیں اسی شہرمیں واقع ہے ولامورا سیاحوں میں بہت زیادہ مقبول ہے سیاح ڈاؤن ٹاؤن میں جاتے ہیں اور ویڈیوز بناتے ہیں یورپ اورساؤتھ امریکا کے ٹاپ کے فٹبالرز کے گھر بھی یہاں پر ہیں ہر وقت یہاں پر موسم خوبصورت اور خوشگوار رہتا ہے سردیوں میں یہاں مہینہ ڈیڑھ مہینہ ویسی سردی ہوتی ہے جسی پاکستان میں ہوتی ہے-

    یہاں کے ہوٹلز کی سب سے دلچسپ بات یہ ہے کہ ہالی وڈ کے جتنے بھی بڑے رائٹرز اور سکرین رائٹرز وہ یہاں پر آکر کمرے کرائے پر مہینے دو مہینوں کے لئے کرئے پر لے لیتے ہیں اور ہالی وڈ کی کئی مشہور فلمیں جو کافی مقبول ہوئیں وہ یہیں پر لکھی گئی ہیں کیونکہ یہاں پر سکون ہے تخلیقی کام کرنے والوں کے لئے رائٹرز کیلئے یہ مقام ایک جنت ہے یہاں پر رہائش کافی سستی ہے جو لندن میں نارمل لائف سٹال 4 سے 5 ہزار پاؤنڈ میں ہے وہ یہاں 2000 یورو میں وہی ہے-

    یہاں پر آپ آ جائیں تو آپ کو کسی نہ کسی طرح رہائش ضرور مل جاتی ہے یہ بھی بڑا ہاٹ ٹاپک ہے کہ پاکستان سے کیوں لوگ پرتگال میں زیادہ آ رہے ہیں دنیا کا چوتھے یا پانچویں نمبر پر اس کا پاسپورٹ ہےاگر آپ کا پاسپورٹ پرتگال کا ہو تو دنیا کے 188 ممالک ہیں جہاں پرآپ بغیرویزا کے جا سکتے ہیں –

    پرتگال میں بہت زیادہ کام یہاں زمینداری ہےاگر آپ پرتگال میں زمینداری کرتےہیں تو اس کا آپ کو بہت زیادہ فائدہ ہےاس کی اپنی تفصیلات ہیں کہ زمین یہاں کتنے کی ہے اور آپ کیا اور کیسے لگا رہے ہیں یہاں پر کمپنیز آ کر کاروبار کرتی ہی فصل لگاتی ہیں اور کمپنیز ہی فصل کاٹتی ہیں اگر دو لوگ بھی ہوں گھر والے آپ آرام سے مارکیٹ کر سکتے ہیں یہاں پر پاکستان کی نسبت زمین بیچتے نہیں –

    یہاں پر صحت اور سکول کے اخراجات گورنمنٹ اٹھاتی ہے یہاں تک کہ اگر کوئی طالبعلم کہیں بھی تعلیم حاصل کر رہا ہے خاص طو رپر یورپ میں تو اگر اس کی شہریت پرتگالی ہے تو اس کی 50 فیصد فیس گورنمنٹ ادا کرے گی ہیلتھ کئیر ان کی یوکے سے بہت بہتر ہے یہ بہت آئیڈیل جگہ ہے یہاں پر لوگ ریٹائر ہو کر اپنے آپ کو یہاں پر پارک کرلیتے کوئی تنگ نہیں کرتا بہت زیاہ سیفٹی ہے رات کو نوٹوں کی بوری لے کر بھی کوئی جائے تو کوئی نہیں پوچھے گا یہاں پر بالکل لڑائی جھگڑا نہیں کوئی کسی کو اوئے بھی نہیں کہے گا اسی لئے لوگ دنیا بھر سے یہاں رہنے کے لئے آ رہے ہیں-

    الیکشن کیلیے تیار،تحریک انصاف کا مستقبل تاریک،حافظ سعد رضوی کا مبشر لقمان کوتہلکہ خیز انٹرویو

    بشریٰ بی بی، بزدار، حریم شاہ گینگ بے نقاب،مبشر لقمان کو کیسے پھنسایا؟ تہلکہ خیز انکشاف

    تحریک انصاف میں پھوٹ پڑ گئی، فرح گوگی کی کرپشن کی فیکٹریاں بحال

    عمران خان، تمہارے لئے میں اکیلا ہی کافی ہوں، مبشر لقمان

    عمران ریاض کو واقعی خطرہ ہے ؟ عارف علوی شہباز شریف پر بم گرانے والے ہیں

  • طوفان کے پیش نظر ایٹمی پاور پلانٹس سے بجلی کی پیداوار میں کمی

    طوفان کے پیش نظر ایٹمی پاور پلانٹس سے بجلی کی پیداوار میں کمی

    کراچی: ملک میں بجلی کا شارٹ فال 7 ہزار 284میگاواٹ کی سطح پر پہنچ گیا،طوفان کے پیش نظر ایٹمی پاور پلانٹس سے پیداوار میں کمی کردی گئی-

    باغی ٹی وی : سمندری طوفان کے اثرات کے باعث طوفانی ہواؤں سے بجلی کے ونڈ پلانٹس سے پیداوار میں کمی ہوئی ہے،بجلی کی طلب 26 ہزار 500 میگاواٹ اور پیداوار 19 ہزار252 میگاواٹ ریکارڈ کی گئی شارٹ فال بڑھنے کے باعث مختلف علاقوں میں لوڈشیڈنگ کا دورانیہ 12گھنٹے تک پہنچ گیا-

    لاہورماسٹر پلان 2050 کی منظوری کا نوٹیفکیشن کالعدم قرار

    ذرائع پاور ڈویژن کا کہنا ہے کہ ملک میں آج پن بجلی کی پیداوار 5ہزار 600 میگاواٹ ہے ، سرکاری تھرمل پاور پلانٹس 850 میگاواٹ بجلی پیدا کررہے ہیں، نجی شعبے کے بجلی گھروں سے پیداوار 10ہزار 500 میگاواٹ ہے، ونڈ پاور پلانٹس سے صرف 100 میگاواٹ سولر بجلی گھروں سے 82 میگاواٹ، بگاس سے 120 میگاواٹ نیوکلیئرپاور پلانٹس کی پیداوار 2 ہزار میگاواٹ ہے۔

    شرعی طور پر بغیر ثبوت قتل کا الزام لگانا انتہائی بھیانک گناہ کبیرہ ہے،فیاض الحسن …

    دوسری جانب ممکنہ طوفان بپر جوائے سے پہلے ہی کراچی کے مختلف علاقوں میں بجلی کی بندش شروع ہوگئی کراچی کے علاقوں گلستان جوہربلاک 8، ایف بی ایریابلاک 12، گارڈن ویسٹ، ڈیفنس ویو فیز ٹو، الفلاح، نارتھ کراچی، ملیرہالٹ، رفاع عام اور سعدی ٹاؤن سمیت دیگر علاقوں سے بجلی بندش کی شکایات موصول ہورہی ہیں۔

    "اسپیس ایکس” میں نوکری حاصل کرنےوالا 14 سالہ انجینئر

    کےالیکٹرک کا کہنا ہے کہ حالیہ سائیکلون میں ملک میں آر ایل این جی کی سپلائی متاثر ہونے کا خدشہ ہے جس کا اثر بجلی کی پیداوارپر بھی ہوسکتا ہے، آر ایل این جی نہ ملنے پرکراچی میں 2 گھنٹے تک اضافی لوڈ مینجمنٹ کی جاسکتی ہے، لوڈ مینجمنٹ کا اطلاق مستثنیٰ صارفین پر بھی ہوگا۔

  • عالمی بینک کی پاکستان کیلئے 20 کروڑ ڈالر مالی معاونت کی منظوری

    عالمی بینک کی پاکستان کیلئے 20 کروڑ ڈالر مالی معاونت کی منظوری

    عالمی بینک نے پاکستان کے لیے 20 کروڑ ڈالر مالی معاونت کی منظوری دے دی۔

    باغی ٹی وی: عالمی بینک کے مطابق رقم سیلاب متاثرین کی بحالی و تعمیر نو کے لیے منظور کی گئی ہے رقم خیبرپختونخوا کے سیلاب متاثرین پر خرچ کی جائے گی، رقم سے خیبرپختونخوا کے 55 لاکھ سیلاب متاثرین کو فائدہ ہو گا خیبرپختونخوا کے دیہی علاقوں کی تعمیر و ترقی کے لیے فنڈز منظور کیے گئے ہیں۔

    امریکا پاکستان کو آئی ایم ایف کیجانب سےامداد کی فراہمی میں کردارادا کرے،امریکی رکن کانگریس

    دوسری جانب امریکی رکن کانگریس آل گرین نے امریکی حکومت سے مطالبہ کیا ہے کہ وہ پاکستان کو آئی ایم ایف اور عالمی بینک کی جانب سے امداد کی فراہمی میں کردار ادا کرے آل گرین نےکہا کہ پاکستان پہلے ہی سیلاب سےمتاثر ہےگلوبل وارمنگ کو امریکا مسترد کرسکتا ہےمگر پاکستان اسےجھیل رہا ہے، پاکستان کو اس وقت امداد کی شدید ضرورت ہے جس پر امریکی وزیر خزانہ جینیٹ یلین نے جواب دیا کہ امریکا آئی ایم ایف کے پاکستان میں کام کو سپورٹ کرتا ہے۔

    "اسپیس ایکس” میں نوکری حاصل کرنےوالا 14 سالہ انجینئر

    علاوہ ازیں پاکستانی امریکن طاہر جاوید کی رہائش گاہ پر عشائیہ کے موقع پر امریکی سینٹر ایمی کلوبرچر نے بھی کہا ہے کہ وہ پاکستان کو آئی ایم ایف کی جانب سے قرض کی فراہمی کے لیے کردار ادا کریں گی،اقتصادی طور پر مستحکم پاکستان نہ صرف امریکا بلکہ اقوام عالم کے لیے ضروری ہے میری کوشش ہوگی کہ پاکستان کو آئی ایم ایف سے قرض کی فراہمی یقینی بنائی جائے-

    لاہورماسٹر پلان 2050 کی منظوری کا نوٹیفکیشن کالعدم قرار

  • اماراتی خلا باز نے طوفان بپرجوائے کی ویڈیو جاری کر دی

    اماراتی خلا باز نے طوفان بپرجوائے کی ویڈیو جاری کر دی

    کراچی: سمندری طوفان بپرجوائے کے چرچے خلا میں بھی پہنچ گئے،بین الاقوامی خلائی اسٹیشن پر مقیم ایک اماراتی خلا باز سلطان النیادی نے بپرجوئے کی خلا سے بنائی ایک ویڈیو جاری کی ہے۔

    باغی ٹی وی: سلطان النیادی کہا کہ ہم فی الحال جزیرہ نما عرب بالخصوص متحدہ عرب امارات پر پرواز کر رہے ہیں ہم فی الحال طوفان یا طوفان کی آنکھ (مرکز) کی تصاویر لینے کی کوشش کر رہے ہیں ہم کیمرے کو نیچے کی سمت برقرار رکھیں گےہائی زوم کا استعمال کرتے ہوئے-

    سمندری طوفان :کراچی میں خطرناک صورت حال نہیں،چیف میٹرولوجسٹ


    انہوں نے کہا کہ میں اپنے کیمرے کا استعمال کرتے ہوئے باقاعدہ تصاویر کھینچوں گا آئی ایس ایس موسم کی نگرانی میں زمین پر ماہرین کی مدد کر سکتی ہے،کیا آپ یہ گرجتا چمکتا طوفان دیکھ رہے ہیں، لیکن اب میں طوفان کا مرکز دیکھ سکتا ہوں لیکن یہ وہ تصویریں ہیں جو آپ بحیرہ عرب کی دیکھ رہے ہیں۔ یہ آج کی ہماری کوریج ہے۔ ہم ان تصاویر کو آپ کے ساتھ شیئر کریں گے۔

    سلطان النیادی نےلوگوں سے طوفان کے دوران حفاظتی اقدامات اختیار کرنے کی اپیل کی-

    ہرملک کواپنی توانئی کی ضروریات پوری کرنے کیلئے اپنے مطابق فیصلہ کرنا ہے،امریکا

    کراچی میں سمندری طوفان بپر جوائےکے اثرات کے باعث ہاکس بے پر سمندر میں طغیانی بڑھ گئی ہے، ہاکس بے کے ساحل پر اونچی لہریں ہیں جب کہ سینڈزپٹ کے مقام پر بھی تیز اونچی لہروں کے باعث روڈ پرپانی آرہا ہے۔

    چیف میٹرولوجسٹ سردار سرفراز کا کہنا ہے کہ کراچی میں سمندر کے قریبی گوٹھ اور کریک میں بلند لہروں کے باعث پانی آسکتا ہے تاہم اس پانی سے ڈی ایچ اے اور دیگر ساحلی علاقوں کو بلند لہروں سے خطرہ نہیں مون سون میں ہاکس بے سڑک تک پانی آجاتا ہے، 15 جون کو سمندری طوفان کے ٹکرانے کے بعد 17 جون تک اثرات رہیں گے۔

    سردار سرفراز کا کہنا تھا کہ سندھ کی ساحلی پٹی پر تیز ہوا اور گرج چمک کے ساتھ بارش کا امکان رہے گا، طوفان زمین پر آنے کے بعد آہستہ آہستہ کمزور ہوتا ہے، طوفان راجستھان کی جانب بڑھے گا اور ایک 2 دن بارش برسانے کے بعد ختم ہوجائے گا طوفان کے بعد کراچی میں جون کا معمول کا موسم رہے گا، شہر میں سمندری ہوائیں بھی بحال ہوجائیں گی جب کہ درجہ حرارت 35 سے 36 ڈگری سینٹی گریڈ کے درمیان رہے گا۔

    توشہ خانہ فوجداری کاروائی کیس،خواجہ حارث کے ٹرائل کورٹ کے دائرہ اختیار پر دلائل

  • "اسپیس ایکس” میں نوکری حاصل کرنےوالا 14 سالہ انجینئر

    "اسپیس ایکس” میں نوکری حاصل کرنےوالا 14 سالہ انجینئر

    امریکا کی سب سے بڑی خلائی تحقیقات کے لیے ایئر کرافٹ اور راکٹ تیار کرنے والی کمپنی ’ SpaceX‘ میں ملازمت کا حصول مقدر کی بات ہے۔

    باغی ٹی وی: غیر ملکی خبر رساں ایجنسی کے مطابق ایلون مسک نے اپنی کمپنی میں سب سے کم عمر ملازم کو بھرتی کیے جانے کا اعلان کیا۔ 14 سالہ گریجویٹ بچے کو اسپیس ایکس کمپنی میں بطور سافٹ ویئر انجینیئر بھرتی کر لیا گیا 14 سالہ بچہ کیرن کوازی 9 سال کی عمر میں ہی کالج پہنچ گئےتھےاور 11 برس کی عمرمیں یونیورسٹی میں داخلہ لےلیا اوراگلے3 سال میں یونیورسٹی آف سانتا کلارا سے گریجویٹ بھی مکمل کر لیا کم عمر انجینیر کا آئی کیو99.9 فی صد ہے-

    چین چاند کے مدار میں ریڈیائی دوربینوں والے سیٹلائٹ روانہ کرے گا

    برطانوی اخبار’گارڈین‘ کے مطابق کیرن کے خاندان کو پہلی بار اس کی جدید ذہانت کا پتہ اس وقت چلا جب اس نے صرف دو سال کی عمر میں بولنا اور مکمل جملے بنانا شروع کیے تھےاس نے کنڈر گارٹن میں نیشنل پبلک ریڈیو بھی سنا اپنے اساتذہ اور ہم جماعت کو اپنی سنی کہانیوں کے بارے میں بتایا۔

    جب اس کے گھر والوں کو معلوم ہوا کہ اس کا آئی کیو بہت زیادہ ہے (99.9فیصد) تو اس وقت اس کی عمر نو سال تھی۔ اس نے 11 سال کی عمر میں کمپیوٹر سائنس اور انجینیرنگ کی تعلیم حاصل کرنے کے لیے سانتا کلارا یونیورسٹی جانے سے پہلے لاس پوزیٹاس کمیونٹی کالج میں داخلہ لیا۔

    ہرملک کواپنی توانئی کی ضروریات پوری کرنے کیلئے اپنے مطابق فیصلہ کرنا ہے،امریکا

    اس نےایک موقع پرٹیکنالوجی کمپنی انٹیل کی ریسرچ لیب میں یونیورسٹی کی انٹرن شپ بھی حاصل کی تھی اس کے علاوہ وہ اپنی والدہ کے ساتھ سانتا کلارا سے گریجویشن کرنے کے بعد واشنگٹن میں ایک جگہ ریڈمنڈ منتقل ہونے کا ارادہ رکھتا ہے تاکہ سٹارلنک میں ملازمت کے دوران دفتر کے قریب رہائش اختیار کی جا سکے۔ اس نے اپنی ماں کو اپنا سب سے بڑا حامی قرار دیتے ہوئے زور دیا کہ میں ہمیشہ اس کا شکر گذار ہوں۔

    کیرن نے کہا کہ میں سیارہ زمین کی سب سے زبردست کمپنی میں بطورسافٹ ویئر انجینیئر کام کا آغاز کر رہا ہوں، جہاں میں اسٹارلنک انجینیئرنگ ٹیم کا حصہ بنوں گا۔

    ٹیکساس میں ساحل سمند ر پر مردہ مچھلیاں نمودار ہوئی