Baaghi TV

Author: Ayesha Rehmani

  • راولپنڈی میں جنگلی ریچھ آبادی میں داخل ہوگیا

    راولپنڈی میں جنگلی ریچھ آبادی میں داخل ہوگیا

    راولپنڈی کے علاقے بھاٹہ چوک میں جنگلی ریچھ آبادی میں داخل ہوگیا۔

    باغی ٹی وی: راولپنڈی کے علاقے بھاٹہ چوک کے قریب آبادی میں ریچھ داخل ہونے کی اطلاع پر ریسکیو 1122 اور وائلڈ لائف ٹیموں نے سرچ آپریشن شروع کردیا، ریچھ اندھیرے میں سیکورٹی گارڈ نے دیکھا تاحال قابو نہیں ہوسکا، شہریوں کو اپنی حفاظت یقینی بنانے کیلیے اعلانات بھی کیے جارہے ہیں۔

    ترجمان ریسکیو 1122 نے بتایا کہ بھاٹہ چوک کے قریب آبادی میں سیکورٹی گارڈ نے ریچھ دیکھا، سیکورٹی گارڈ نے ریچھ کی ویڈیو بھی بنائی اطلاع ملنے پر امدادی ٹیمیں موقع پر پہنچی ہیں جبکہ محکمہ وائلڈ لائف عملے کو بھی طلب کرلیا اور مختلف جگہوں کو سرچ کیے تاہم ریچھ نہیں مل سکا۔

    روس نے جدید بین البراعظمی بیلسٹک میزائل سرحدوں پر نصب کر دیئے

    مقامی افراد کے مطابق جنگلی ریچھ گزشتہ روز بھی بستی میں آیا تھا، جب کہ ریسکیو حکام کا کہنا ہےکہ ریچھ کل رات بستی میں داخل ہوا تھا جسے ایک سکیورٹی گارڈ نے دیکھا تھا.اندھیرے کی وجہ سے امدادی ٹیموں کو مشکلات کا سامنا ہے، شہریوں کو محفوظ رکھنے کے لیے اعلانات کرکے گھر میں رہنے کی اپیل کی جارہی ہے۔

    الیکشن کمیشن کےصوبائی بیوروکریسی میں تبادلوں کےاحکامات جاری

  • سی ٹی ڈی کے اہلکار بھی ڈکیتی کی وارداتوں میں ملوث نکلے

    سی ٹی ڈی کے اہلکار بھی ڈکیتی کی وارداتوں میں ملوث نکلے

    کراچی: کاؤنٹر ٹیررازم ڈیپارٹمنٹ ( سی ٹی ڈی) کے اہلکار بھی ڈکیتی کی وارداتوں میں ملوث نکلے۔

    باغی ٹی وی: تفصیلات کے مطابق کراچی میں ڈکیتی کی وارداتوں میں سی ٹی ڈی اہلکاروں کے ملوث ہونے کا انکشاف ہوا ہے اس سلسلے میں تین اہلکاروں کو گرفتار کرکے ان کے خلاف مقدمہ درج کرلیا گیا ہے،ڈی آئی جی کاؤنٹر ٹیررازم ڈیپارٹمنٹ ذوالفقار لاڑک کا کہنا ہے کہ تینوں اہلکاروں نے جعلی چھاپے میں ایک تاجر سے 3 کروڑ روپے چھینے اور ٹیررفنانسنگ و منی لانڈرنگ کا دعویٰ کیا، متاثرہ تاجر سنار کا کام کرتا ہے جو کراچی سے ملتان جارہا تھا واقعے میں ملوث تینوں اہلکاروں مظہر، شعیب اور احسن کو نوکری سے برطرف کرنے کی سفارش کی ہے۔

    دوسری جانب کراچی میں موٹر سائیکل سوار نوجوان نے ڈاکوؤں سے بچنے کیلئے پل سے چھلانگ لگادی لیاقت آباد پل پر موٹر سائیکل سوار شہری کو ملزمان نے لوٹنے کی کوشش کی جرائم پیشہ افراد کو دیکھ کر شہری گھبرا گیا اور اس نے موٹرسائیکل چھوڑ کر پل سے چھلانگ لگادی پل سے گرنے والے زخمی شہری کو نیچے موجود ساتھیوں نے اسپتال منتقل کیا۔

    اسلام آباد : سرکاری افسر اور رینجرز اہلکار کو ڈاکوؤں نے لُوٹ لیا

    اسلام آباد کے تھانہ سنبل کے علاقے میں تین موٹر سائیکل پر سوار ڈکیتوں سرکاری افسر سرفراز خان سے قیمتی موبائل اور 18000 روپے چھین کر فرار ہوگئے جبکہ اسلام آباد کے تھانہ آئی نائن کی حدود میں اپنے بھائی کی شادی کا سامان لے کر گھر جانے والے رینجرز اہلکار سے بھی ڈاکوؤں نے موبائل اور نقدی لُوٹ لی-

    واپڈا ملازمین کیلئے خصوصی واپڈا الاؤنس کا نوٹیفکیشن جاری

  • روس نے جدید بین البراعظمی بیلسٹک میزائل سرحدوں پر نصب کر دیئے

    روس نے جدید بین البراعظمی بیلسٹک میزائل سرحدوں پر نصب کر دیئے

    ماسکو: روس نے جدید بین البراعظمی بیلسٹک میزائل (سرمت) سرحدوں پر نصب کر دیئے-

    باغی ٹی وی: الجزیرہ کی رپورٹ کے مطابق روس کی سرکاری خبر رساں ایجنسی تاس نے اپنی رپورٹ میں کہا کہ روسی خلائی ایجنسی کے سربراہ روسکو سموس نےتصدیق کرتےہوئےکہا کہ بین البر اعظمیٰ بیلسٹک میزائل سرمت اسٹریٹجک کمپلکس کو کومبیٹ الرٹ پوزیشن پر نصب کردیا ہے ماہرین کے اندازوں کی بنیاد پر آر ایس 28 سرمت 10 ٹن تک وزنی جوہری وار ہیڈ کو دنیا بھر میں، شمالی اور جنوبی قطب دونوں پر کسی بھی مقام پر پہنچانے کی صلاحیت رکھتا ہے۔

    دوسری جانب وائٹ ہاؤس کی قومی سلامتی کونسل کے ترجمان جان کربی نے کہا کہ وہ ان اطلاعات کی تصدیق کرنے کی پوزیشن میں نہیں ہے کیا واقعی روس نے سرمت کو کومبیٹ الرٹ (جنگی تیاریوں) میں شامل کرلیا ہے۔

    سوئٹزرلینڈ کا پاکستانی طلبا کیلئے سکالر شپ دینے کا اعلان

    روس نے اپریل 2022 میں سرمت میزائل کا تجربہ کیا تھا، لانچ کیے گئے میزائلوں نے روس کے مشرق بعید کے علاقے کامچٹکا جزیرہ نما پر اہداف کو نشانہ بنایا تھا روس کا سرمت میزائل برطانوی دارالحکومت لندن کو 6 منٹ میں تباہ کرسکتا ہے۔

    دوسری جانب ایران میں روسی ساختہ یاک 130 لڑاکا طیارہ پہنچ گیا ہے اور وہ ایرانی فضائیہ کا حصہ بن گیا ہے ایران کی نیم سرکاری خبررساں ایجنسی ایسنا کی رپورٹ کے مطابق روسی ساختہ یہ جدید لڑاکا طیارہ پائلٹوں کی چوتھی نسل کے لڑاکا طیارے اڑانے کی تربیتی ضروریات کو پورا کرنے کی صلاحیت رکھتا ہے۔

    سونےکی کان سے سونا لے جانے والی ٹیم پر حملہ،دو چینی شہریوں سمیت 4 …

    اپریل میں ایران نے یہ اعلان کیا تھا کہ اس نے روس سے ایس یو 35 لڑاکا طیارے خرید کرنے کے معاہدے کو حتمی شکل دے دی ہے ایران اور روس کے درمیان قریبی تعلقات استوار ہیں اورخاص طور پر گذشتہ سال یوکرین میں جنگ کے آغاز کے بعد سے ان کے درمیان دفاعی شعبے میں دوطرفہ تعاون میں نمایاں اضافہ ہوا ہے۔

    یوکرین کے خلاف روس کی جاری جنگ میں ایرانی ڈرون ایک اہم عنصر رہے ہیں تہران نے ان ڈرونز کے بارے میں متعدد متضاد وضاحتیں پیش کی ہیں پہلے اس نے ماسکو کو یہ طیارے مہیا کرنے کی حقیقت سے انکار کیا اور پھر دعویٰ کیا کہ اس نے جنگ شروع ہونے سے پہلے روس کو ڈرون فروخت کیے تھے تاہم، تنازع میں استعمال ہونے والے ڈرونز کی تعداد ایران کی طرف سے جنگ میں بم لے جانے کی صلاحیت کے حامل ان ہتھیاروں کی مستقل ترسیل کی مظہر ہے۔

    بھارت نے شمسی مشن سورج کی جانب کیا روانہ

    جون میں وائٹ ہاؤس نے کہا تھا کہ ایران روس کو ماسکو کے مشرق میں ڈرون مینوفیکچرنگ پلانٹ کی تعمیر کے لیے سامان مہیا کررہا ہے کیونکہ کریملن اس ہتھیارکی اپنے ہاں مسلسل دستیابی کو یقینی چاہتا ہے۔

  • الیکشن کمیشن کےصوبائی بیوروکریسی میں تبادلوں کےاحکامات جاری

    اسلام آباد: الیکشن کمیشن نے صوبائی بیوروکریسی میں اکھاڑ پچھاڑ کے احکامات جاری کر دیئے۔

    باغی ٹی وی: الیکشن کمیشن نے اسٹیبلشمنٹ ڈویژن کو 3 سال سے زائد صوبوں میں تعینات افسروں کو وفاق میں بلانے کی ہدایت کردیالیکشن کمیشن نے سیکرٹری اسٹیبلشمنٹ ڈویژن کو مراسلہ لکھا جس میں کہا گیا کہ سیکرٹریٹ گروپ، او ایم جی، ایکس کیڈر افسران کو فوراً وفاق رپورٹ کروائی جائے۔
    beurocracy
    مراسلے میں اسٹیبلشمنٹ ڈویژن کو ہدایت کی ہے کہ صوبوں میں تین سال سے زائد تعینات گریڈ 17 سے 22 کے سیکریٹریٹ گروپ اور او ایم جی، ایکس کیڈر افسروں کی فہرست 3 سے 4 روز میں الیکشن کمیشن کو فراہم کی جائے مراسلے میں الیکشن کمیشن نے پولیس اور پاکستان ایڈمنسٹریٹو سروس کے علاوہ تمام گریڈ 17 سے بائیس کے افسران کی خدمات وفاق کے سپرد کرنے کی بھی ہدایت کی-

    ایشیا کپ میں پاک بھارت میچ بے نتیجہ ختم ہونے پرنجم سیٹھی کا سخت …

    واضح رہے کہ عام انتخابات کے حوالے سے الیکشن کمیشن کی تیاریاں جاری ہیں، اس ضمن میں ای سی پی کے چیف نے سیاسی جماعتوں سے بھی مشاورت کی ہے-

    ملک اور اپنی آنیوالی نسلوں پر رحم کھاتے ہوئے اسے تجربہ گاہ نہ بنایا جائے،سردار …

  • ایشیا کپ میں پاک بھارت میچ بے نتیجہ ختم ہونے پرنجم سیٹھی کا سخت مایوسی کا اظہار

    ایشیا کپ میں پاک بھارت میچ بے نتیجہ ختم ہونے پرنجم سیٹھی کا سخت مایوسی کا اظہار

    لاہور: پاکستان کرکٹ بورڈ (پی سی بی) کے سابق سربراہ نجم سیٹھی نے ایشیا کپ میں پاک بھارت میچ بے نتیجہ ختم ہونے پر سخت مایوسی کا اظہار کیا ہے۔

    باغی ٹی وی :نجم سیٹھی نے سماجی رابطے کی ویب سائٹ ایکس پر اپنے بیان میں کہاکہ کرکٹ کا سب سے بڑا میچ بارش سے متاثر ہونا مایوس کن ہے، سری لنکا میں ان دنوں بارشوں کا ہمیشہ خدشہ رہتا ہےبطور پی سی بی سربراہ اے سی سی کو کہا تھا کہ میچز یو اے ای میں کر لیں لیکن سری لنکا کو ایونٹ دینے کے لیے مختلف بہانے بنائےگئے تھے اور کہا گیا کہ یو اے ای میں گرمی ہوگی، یو اے ای میں ویسا ہی موسم ہوتا جیسا آئی پی ایل یا پچھلے ایشیاکپ میں تھا کھیلوں پر سیاست کو ترجیح دینا ناقابل معافی عمل ہے۔

    ایشیا کپ 2023 :بارش کے باعث پاک بھارت میچ ختم، دونوں ٹیموں کو پوائنٹ مل …


    واضح رہے کہ ایشیاکپ 2023 میں بارش کے باعث پاکستان اور بھارت کے درمیان ہونے والا میچ بے نتیجہ ختم ہوگیا اور دونوں ٹیموں کو ایک ایک پوائنٹ مل گیاسری لنکا کے شہر کینڈی کے پالی کیلے اسٹیڈیم میں جاری میچ میں بھارت نے ٹاس جیت پہلے بیٹنگ کا فیصلہ کیا، بھارت کی پوری ٹیم 48.5 اوورز میں 266 رنز بناکر پویلین لوٹ گئی،بارش کے باعث تیسری بار پاک بھارت میچ روک دیا گیا-

    ایشیا کپ 2023: شاہین شاہ کی عمدہ بولنگ پر شعیب اختر کا دلچسپ تبصرہ

  • ملک اور اپنی آنیوالی نسلوں پر رحم کھاتے ہوئے اسے تجربہ گاہ نہ بنایا جائے،سردار اختر مینگل

    ملک اور اپنی آنیوالی نسلوں پر رحم کھاتے ہوئے اسے تجربہ گاہ نہ بنایا جائے،سردار اختر مینگل

    بلوچستان نیشنل پارٹی (بی این پی) کے سربراہ اور سابق وزیر اعلیٰ سردار اختر مینگل نے صوبے کی تمام سیاسی جماعتوں کو لاپتہ افراد کی بازیابی کے لئے جمہوری انداز میں تحریک چلانے کی دعوت دیتے ہوئے کہا کہ ملک اور اپنی آنے والی نسلوں پر رحم کھاتے ہوئے اسے تجربہ گاہ نہ بنایا جائے-

    باغی ٹی وی: سردار اختر مینگل نے سردار عطاء اللہ مینگل کی دوسری برسی کی مناسبت سے کوئٹہ کے ریلوے ہاکی گراؤنڈ میں منعقدہ جلسے سے خطاب کرتے ہوئے کہا کہ سردار عطا اللہ مینگل نے قید وبند کی صعوبتیں برداشت کیں، اُس دور کی سیاست اور آج کی سیاست میں زمین و آسمان کا فرق ہے، ماضی کے سیاست دان جیل جانے کو اپنے کے لئے فخر محسوس کرتے تھے بلوچستان میں بسنے والی تمام اقوام کی ذمہ داری ہے کہ قربانیاں دینے والے اکابرین کی طرح قربانی کا جذبہ پیدا کریں، ان اکابرین نے نہ اپنی جان کی فکر کی نہ اپنی اولاد کی فکر کی، بلکہ صرف بلوچستان کی ناموس کی فکر کی۔

    ایشیا کپ 2023: شاہین شاہ کی عمدہ بولنگ پر شعیب اختر کا دلچسپ تبصرہ

    سردار اختر مینگل کا کہنا تھا کہ ہمیں اپنے اکابرین کے عزائم و افکار کی پیروی کرنی ہوگی ہمارے لوگوں کو عدالتوں میں بھی انصاف نہیں ملتا ہے ایمان مزاری اور علی وزیر کا گناہ کیا تھا، وہ ایک کیس میں رہا ہوتے ہیں دوسرے کیس میں پکڑے جاتے ہیں،اس ملک اور اپنی آنے والی نسلوں پر رحم کھاتے ہوئے اسے تجربہ گاہ نہ بنایا جائے-

    واپڈا ملازمین کیلئے خصوصی واپڈا الاؤنس کا نوٹیفکیشن جاری

    سردار اختر مینگل نے مزید کہا کہ ملکی معیشت کی یہ حالت ہے کہ امداد اپنی جگہ کوئی بھیک دینے کے لئے بھی تیار نہیں، غلط پالیسیوں کی وجہ سے ملک کو دنیا میں تنہا کردیا ہے کہتے ہیں آپ لاپتہ افراد کی بات کیوں کرتے ہیں، آپ بتائیں کس کی بات کریں؟ آپ کسی کے لخت جگر کو نہ اٹھائیں کسی کی آنگن کو نہ اُجاڑیں، ہم بات نہیں کریں گے۔

    کندھ کوٹ :دیوار گرنے سے 2 بچے جاں بحق، 6 افراد زخمی

  • عمران خان کی وکلا سے ملاقات، ملک میں عدالتوں کا احترام نہیں، میں نے کوئی ڈیل نہیں کی

    عمران خان کی وکلا سے ملاقات، ملک میں عدالتوں کا احترام نہیں، میں نے کوئی ڈیل نہیں کی

    پاکستان تحریک انصاف کی قانونی ٹیم کے رکن بیرسٹر گوہر علی نے اٹک جیل میں ملاقات کے بعد کہا ہے کہ عمران خان نے کہا کہ ملک میں جب تک سیاسی استحکام نہیں آئے گا معاشی استحکام تب تک ممکن نہیں عمران خان نے مطالبہ کیا کہ الیکشن آئین کے مطابق نوے دن میں ہونے چاہئیں۔

    باغی ٹی وی: گزشتہ روز آفیشل سیکرٹ ایکٹ عدالت کے جج ابو الحسنات محمد ذوالقرنین کی جانب سے اجازت ملنے کے بعد ڈاکٹر فیصل اورقانونی ٹیم نےچیئرمین پی ٹی آئی عمران خان سےاٹک جیل میں ملاقات کی، وکلا میں انتظارپنجوتھہ،شعیب شاہین، نعیم پنجوتھہ اور گوہر علی شامل تھے، اس کے علاوہ عمران خان کے ذاتی معالج ڈاکٹرفیصل سلطان بھی اٹک جیل پہنچے تھے۔

    ملاقات کے بعد میڈیا سے گفتگو میں بیرسٹر گوہر علی کا کہنا تھاکہ چیئرمین پی ٹی آئی نےکہا انہیں جیل میں ناجائز ڈالا گیا لیکن اس سب کے باوجود وہ اداروں اورسیاسی جماعتوں سےگفتگوکو تیارہیں چیئرمین پی ٹی آئی سےبات چیت کا محور ہوگا کہ 90 دن میں الیکشن کیسے ہوں؟

    واپڈا ملازمین کیلئے خصوصی واپڈا الاؤنس کا نوٹیفکیشن جاری

    پی ٹی آئی کے وکیل شعیب شاہین کا کہنا تھا کہ عمران خان تندرست اور مکمل فٹ ہیں، ان کا پیغام ہے سیاسی استحکام آنے تک ملک ترقی نہیں کرسکتا چیئرمین پی ٹی آئی نے کہا ملک میں عدالتوں کا احترام نہیں، میں نے کوئی ڈیل نہیں کی چیئرمین پی ٹی آئی روزانہ ایک گھنٹہ ورزش کرتے ہیں، انہوں نے کہا اپنے راستے سے نہیں ہٹوں گا جن کے اثاثے باہر ہیں ڈالر بڑھنے کا انہیں فائدہ ہوا،میری سیاسی جہدوجہد اور قربانی قوم کے لیے ہے۔

    نعیم حیدر پنجوتھہ کے مطابق عمران خان نے کہا کہ ملک میں جب تک سیاسی استحکام نہیں آئے گا معاشی استحکام تب تک ممکن نہیں عمران خان نے مطالبہ کیا کہ الیکشن آئین کے مطابق نوے دن میں ہونے چاہئیں وکیل نعیم حیدر پنجوتھہ کے دعوے کے مطابق عمران خان نے ڈیل کی خبروں کی تردید کی ہے۔

    ایشیا کپ 2023: شاہین شاہ کی عمدہ بولنگ پر شعیب اختر کا دلچسپ تبصرہ

    خیال رہے کہ سابق وزیراعظم عمران خان 13 ستمبر تک سائفر کیس میں جوڈیشل ریمانڈ پر اٹک جیل میں قید ہیں،چیئرمین پی ٹی آئی کو 5 اگست کو توشہ خانہ فوجداری معاملے میں 3 سال قید کی سزا اور پانچ سال کے لئے نااہل قرار دیا گیا تھا بعد ازاں اسلام آباد ہائیکورٹ نے عمران خان کی سزا معطل کر دی تھی تاہم خصوصی عدالت کی جانب سے ان کے جوڈیشل ریمانڈ میں دو ہفتوں کی توسیع کے بعد ان کی رہائی عمل میں نہیں آسکی۔

  • ایشیا کپ 2023: شاہین شاہ کی عمدہ بولنگ پر شعیب اختر کا دلچسپ تبصرہ

    ایشیا کپ 2023: شاہین شاہ کی عمدہ بولنگ پر شعیب اختر کا دلچسپ تبصرہ

    کینڈی: پاکستان اور بھارت کے میچ میں فاسٹ بولرز کی عمدہ بولنگ پر شعیب اختر کا ردعمل آگیا۔

    باغی ٹی وی : سری لنکا کے شہر کینڈی میں کھیلے گئے ایشیا کپ 2023 کے میچ میں بھارت کے تین کھلاڑی آؤٹ ہونے پرسابق ٔاکستانی کرکٹر شعیب اخترنے پیغام جاری کیا سوشل میڈیا پر اپنے ویڈیو پیغام میں شعیب اختر نے کہا کہ کتنے لوگ تھے بھائی؟ تین؟ تین میں سے دو تو شاہین شاہ کھا گیا۔

    واضح رہے کہ پاکستان کرکٹ ٹیم کے فاسٹ بولر شاہین شاہ آفریدی نے تاریخ رقم کر دی، بڑا اعزاز اپنے نام کر لیا پاکستان اور بھارت کے درمیان کھیلے جانے والے ایشیا کپ کے تیسرے میچ میں قومی فاسٹ بولر شاہین شاہ آفریدی نے تاریخ رقم کردی ہے، شاہین آفریدی ایک ہی میچ میں بھارت کے کپتان روہت شرما اور سابق کپتان ویرات کوہلی کو بولڈ کرنے والے دنیا کے پہلے باؤلر کا اعزاز اپنے نام کر لیا ہے، شاہین آفریدی نے بھارتی روہت شرما کو 11 رنز پر پویلین کی راہ دکھائی جبکہ ویرات کوہلی کو 4 رنز پر بولڈ کیا ہے۔

    ایشیا کپ 2023 :بارش کے باعث پاک بھارت میچ ختم، دونوں ٹیموں کو پوائنٹ مل …

    دوسری جانب پالی کیلے، ایک بار پھر بارش سے پاک بھارت میچ تاخیر کا شکار ہو گیا ہے ، کور سے گراونڈ کو ڈھانپ دیا گیا، ہدف کے تعاقب میں پاکستان اننگز کا آغاز نہ ہو سکا ایشیا کپ 2023 کے سب سے بڑے ٹاکرے میں بھارت نے پاکستان کو جیت کے لیے 267 رنز کا ہدف دے دیا۔

    ایشیا کپ 2023،شاہین شاہ آفریدی نے ایک اور تاریخ رقم کر دی

  • واپڈا ملازمین کیلئے خصوصی واپڈا الاؤنس کا نوٹیفکیشن جاری

    واپڈا ملازمین کیلئے خصوصی واپڈا الاؤنس کا نوٹیفکیشن جاری

    واپڈا ملازمین کیلئے خصوصی واپڈا الاؤنس کا باقاعدہ نوٹیفکیشن جاری کر دیا گیا ہے۔

    باغی ٹی وی: میڈیا رپورٹس کے مطابق مذکورہ الائوئنس وفاقی ملازمین کو ملنے والے الائوئنس کے تناظر میں دیا گیا ہے،گریڈ ون کے ملازم کو 8ہزار، گریڈ دو کو 8500 ،گریڈ 16 کو25000 ملیں گے گریڈ17 کو 32000 ،گریڈ18 کو 40000،گریڈ19 کو 53000 اور گریڈ20 کو60000روپے ماہانہ ملیں گے جبکہ واپڈا ملازمین کو ماہانہ بجلی کے مفت یونٹس بھی ملتے ہیں ۔

    دوسری جانب لاہور الیکٹرک سپلائی کمپنی نے بجلی کے بلوں پر دیا گیا ریلیف ختم کر دیا ہےلیسکو نے اپنی ٹیموں کو 2 ماہ کے بقایا جات والے کنکشن فوری کاٹنے کا حکم دے دیا ہے،لیسکو ذرائع کا کہنا ہے کہ ٹیموں کو فہرستیں دے دی ہیں آج بھی کارروائی ہوگی، اب صرف رواں ماہ کے بل والا ہی کٹنے سے بچے گاکابینہ نے بلوں میں ریلیف سے فی الحال انکار کردیا ہے،صارفین کو چاہیے کہ فوری بل جمع کروائیں، صارفین کو فی الحال اقساط کی سہولت بھی نہیں ملے گی۔

    سونےکی کان سے سونا لے جانے والی ٹیم پر حملہ،دو چینی شہریوں سمیت 4 …

    جبکہ نگران وزیر اعظم انوار الحق کاکڑ نے کہا ہے کہ رات کو دکانیں جلد بند کرنےسے متعلق فیصلہ صوبوں کو اعتماد میں لے کر کریں گے، فیصلے کا نفاذ جلد نظر آئے گا، اس معاملے میں صرف اور صرف ایک رکاوٹ ہے اور وہ یہ ہے کہ صوبوں کے ساتھ ہم نے یکجا ہو کر ایک فیصلہ کرنا ہے،کوشش کر رہا ہوں کہ کوئی حتمی اعلان نہ کروں اور اس کی وجہ یہ ہے کہ ہماری پوری فنانس کی ٹیم ہماری پوری توانائی کی ٹیم قلیل المدت حل تجویز کرنے جا رہی ہے اور ایسے انداز میں کرنے جا رہی ہے کہ فیصلے ہمیں واپس نہ لینے پڑیں-

    عوام کے لیے بڑے بڑے سسٹم کوچیلنج کریں گے،پاکستان مرکزی مسلم لیگ

  • اسلام آباد : سرکاری افسر اور رینجرز اہلکار کو ڈاکوؤں نے لُوٹ لیا

    اسلام آباد : سرکاری افسر اور رینجرز اہلکار کو ڈاکوؤں نے لُوٹ لیا

    اسلام آباد: رینجرز اہلکار اور اسسٹنٹ ڈائریکٹرسمیت 5 پانچ افراد کو ڈاکوؤں نے لوٹ لیا۔

    باغی ٹی وی: تفصیلات کے مطابق اسلام آباد کے تھانہ سنبل کے علاقے میں تین موٹر سائیکل پر سوار ڈکیتوں سرکاری افسر سرفراز خان سے قیمتی موبائل اور 18000 روپے چھین کر فرار ہوگئے جبکہ اسلام آباد کے تھانہ آئی نائن کی حدود میں اپنے بھائی کی شادی کا سامان لے کر گھر جانے والے رینجرز اہلکار سے بھی ڈاکوؤں نے موبائل اور نقدی لُوٹ لی-

    علاوہ ازیں تھانہ کراچی کمپنی کی حدود سے الیاس لبھا نامی شخص سے ڈاکو موبائل و نقدی چھین کر فرار ہوئے،اسی طرح تھانہ رمنا کے علاقےمیں انضمام نامی شہری سے موبائل فون چھینا گیا جبکہ تھانہ لوہی بھیر کی حدود میں عبدالقدیر نامی شخص سے 3 لاکھ روپے مالیت کے موبائل چھینے گئے اس حوالے سے پولیس ذرائع کا کہنا ہے کہ اسٹریٹ کرائم کی بیشتر وارداتوں میں افغانی باشندے ملوث ہیں اور وہ پہلے سے زیادہ متحرک ہوگئے ہیں۔

    ایشیا کپ 2023 :بھارت کا پاکستان کو جیت کیلئے 267 رنز کا ہدف

    دوسری جانب کراچی میں موٹر سائیکل سوار نوجوان نے ڈاکوؤں سے بچنے کیلئے پل سے چھلانگ لگادی لیاقت آباد پل پر موٹر سائیکل سوار شہری کو ملزمان نے لوٹنے کی کوشش کی جرائم پیشہ افراد کو دیکھ کر شہری گھبرا گیا اور اس نے موٹرسائیکل چھوڑ کر پل سے چھلانگ لگادی پل سے گرنے والے زخمی شہری کو نیچے موجود ساتھیوں نے اسپتال منتقل کیا۔

    کینجھر جھیل کے قریب حادثہ،7 افراد جاں بحق