Author: Ayesha Rehmani

پاکستان مرکزی مسلم لیگ کراچی کے تحت مہنگائی اور بجلی کی اوور بلنگ کے خلاف قانونی مشاورت کے لیے وکلاء کنونشن کا انعقاد کیاگیا۔

باغی ٹی وی: وکلاء کنونشن شاہراہ فیصل پر واقع مرکزی مسلم لیگ کےصوبائی سیکٹریٹ میں منعقد ہوا۔کنونشن میں سندھ بارایسویسی ایشن اور کراچی بار کے نامور وکلاء شریک ہوئے۔وکلاء نے بجلی کے بلوں میں ٹیکسز اور اوور بلنگ کے خلاف قانونی مشورے اور اپنی خدمات کی پیشکش کی۔اور پاکستان مرکزی مسلم لیگ کے تحت اتوار کوہونے والے اینٹی مہنگائی مارچ کی بھرپور حمایت کا اعلان کیا۔

وکلاء کنونشن سے خطاب کرتے ہوئے مرکزی مسلم لیگ کے نائب صدر فیصل ندیم کا کہنا تھا کہ اس ملک میں طاقتور طبقہ کی شنوائی ہوتی ہے پاکستان مرکزی مسلم لیگ عوام کے لیے بڑے بڑے سسٹم کوچیلنج کرے گی بجلی کا بل دینے کے لیے لوگوں کے پاس کچھ نہیں ہے اس صورت میں وہ نہ گھر چلا سکتا ہے اور نہ قانونی جنگ لڑ سکتا ہے ہم وکلاء کے ذریعے لوگوں کو ان کے حقوق سے روشناس کرائیں گے گلی محلے کی داستانیں اور مسائل حل کرنے کے لیے آپ کو دعوت دینا چاہتا ہوں کہ ہمارے ساتھ جڑیں اور قانونی تعاون کریں۔ہم جو اپنے لیے آواز نہیں اٹھا سکتا اس مظلوم کی آواز بنیں گے۔

امریکا نے متحدہ عرب امارات میں اپنا سفیر مقرر کر دیا

ہمیں آپ ظالم کے ساتھ نہیں دیکھیں گےکراچی کے صدر احمدندیم اعوان نے کہا کہ وکلاء عدل و انصاف کی علامت ہیں ۔اور معاشرے میں قانون کی عمل داری میں کلیدی کردار ادا کرتے ہیں۔ پاکستان مرکزی مسلم لیگ عوام کی آواز بنے گی۔ اور قانون کے دروازے کھٹکھٹائے گی۔پاکستان مرکزی مسلم لیگ مہنگائی کے خلاف اپنی جدوجہد جاری رکھے گی ۔ کنونشن سے خطاب کرتے ہوئے وکلاء کا کہنا تھا کہ وکلاء عوام کے ساتھ ہیں اور عوام کی قانونی معاونت کریں گے۔

مسلمان اور سائنس ، تحریر:حیدرعلی صدّیقی

وکلاء برادری مرکزی مسلم لیگ کراچی کے اینٹی مہنگائی مارچ کی مکمل حمایت کرتے ہیں۔کے الیکڑک کی اوور بلنگ اور مہنگائی کے خلاف مرکزی مسلم لیگ کو یقین دلاتے ہیں کہ وکلاء ان کے ساتھ کھڑے ہوں گے۔سول سوسائٹی کی تمام تنظیموں کے ساتھ مل کرمہنگائی اور کے الیکڑک کے خلاف مل کر تحریک چلائیں گے۔مہنگائی کسی ایک فرد کا مسئلہ نہیں قومی مسئلہ ہے ۔سندھ کورٹ بار ایسوسی ایشن مرکزی مسلم لیگ کی جدوجہد کے ساتھ شریک ہوگی۔

پٹرول پمپس پرمقررہ نرخ سے زائد وصولی

کراچی: سندھ ہائیکورٹ نے وکیل جبران ناصر اور ان کی اہلیہ اداکارہ منشا پاشا کی درخواست کےمحفوظ فیصلے پر حکم سناتے ہوئے ان کو بیرون ملک جانے سے روکنے کا اقدام غیر قانونی قرار دے دیا۔

باغی ٹی وی : سندھ ہائیکورٹ میں وکیل جبران ناصر اور ان کی اہلیہ منشا پاشا کو ائیرپورٹ سے آف لوڈ کرنے کے کیس کی سماعت ہوئی جس میں عدالت نے درخواست گزاروں کی درخواست کو منظور کرلیاعدالت نے جبران ناصر کی درخواست پر تحریری فیصلہ جاری کرتے ہوئے درخواست گزار اور ان کی اہلیہ کو بیرون ملک جانے سے روکنے کے اقدام کو غیر قانونی قرار دیا۔

عدالتی فیصلے میں کہا گیا ہےکہ دستاویزات کے مطابق جلد بازی میں دونوں نام واچ لسٹ میں شامل کیےگئے، وفاق کے وکیل نام واچ لسٹ میں شامل کرنے کی ٹھوس وجوہات پیش کرنے میں ناکام رہے اس طرح کی کارروائی آئین کے آرٹیکل 15 کی خلاف ورزی ہے آئین ہر پاکستانی شہری کو آزادانہ نقل وحرکت کی اجاز ت دیتا ہے اس لیے ایف آئی اے نے جبران ناصر اور منشا پاشا کو روک کر غیرقانونی کام کیا واچ لسٹ اور ای سی ایل ایک ہی چیزکے 2 نام ہیں محض الفاظ کا فرق ہے، واچ لسٹ میں نام شامل کرنے سے قبل متاثرہ فریق کو نوٹس دیا اور نہ ہی آگاہ کیا گیا، آخری لمحات میں کسی کو بیرون ملک جانے سے روکنا شخصی آزادی کے خلاف ہے۔

ہزاروں سالوں سےدفن لاشوں میں سنہری زبانیں کیوں لگائی گئیں؟

واضح رہے کہ درخواست میں جبران ناصر نے مؤقف اختیار کیا تھا کہ درخواستگزار وکیل سے اختلاف ہے مگر اہلیہ کا نام کیوں شامل کیا گیا 27 جون 2023 کو اپنے اہلخانہ کے ساتھ عید کی تعطیلات گزارنے جارہے تھے، امیگریشن ڈیسک پر پہنچے تو ایگزٹ اسٹمیپ لگا کر واپس بھیج دیا گیا، ڈیوٹی پر موجود افسر نے بتایا کہ ہدایت ہے کہ آپ کو نہیں جانے دینا، ہمارا سارا سامان بھی آف لوڈ کردیا گیا یکم جون کو 10 سے 15 نامعلوم افراد نے اغوا کیا تھا، اغوا کا مقدمہ کلفٹن تھانے میں درج کرایا گیا جو اے کلاس کردیا گیا لہٰذا ملک سے باہر جانے سے روکنے کے عمل کو غیر قانونی قرار دیا جائے-

ایلون مسک کا ایکس میں آڈیو اور ویڈیو کالز کا فیچر جلد متعارف کرانے کا …

یاد رہے کہ سماجی کارکن اور وکیل جبران ناصر ایڈووکیٹ اور ان کی اہلیہ منشاء پاشا نے بیرون ملک جانے کے لئے سندھ ہائیکورٹ سے رجوع کررکھا تھا-

کراچی: فیڈرل بورڈ آف ریونیو (ایف بی آر)نے پاکستان انٹر نیشنل ائیر لائن (پی آئی اے) کے 13 بینک اکاؤنٹس منجمد کر دیئے۔

باغی ٹی وی: اس حوالے سے ایف بی آرحکام کا کہنا ہے کہ 8 ارب روپے فیڈرل ایکسائز ڈیوٹی (ایف ای ڈی) کی عدم ادائیگی پر کارروائی کرتے ہوئے پی آئی اے کے 13 بینک اکاؤنٹس منجمد کر دیئے ہیں، پی آئی اے کا آیاٹا سے منسلک بینک اکاؤنٹ بھی منجمد ہو گاایف ای ڈی جمع نہ کرانے پر پی آئی اے حکام کے خلاف ایف آئی آر درج کرانے کا فیصلہ بھی کیا ہے، پچھلے ماہ بھی اکاؤنٹس کھولنے کے باوجود رقم جمع نہیں کرائی گئی۔

ترجمان پی آئی اے کا کہنا ہے کہ اکاؤنٹ منجمد ہونے سے پی آئی اےکا فلائٹ آپریشن متاثر نہیں ہو گا، حکومتی سطح پر رابطہ ہے، پی آئی اے کے اکاؤنٹس جلد بحال ہو جائیں گے۔

پارٹی عہدے سے ہٹانے کیخلاف کیس میں عمران خان نے کی متفرق درخواست دائر

واضح رہے کہ اس سے قبل بھی ایف بی آر نے پی آئی اے کے تمام اکاؤنٹس منجمد کر دیئے تھے تاہم بعد ازاں مذاکرات کے بعد قومی ائیر لائن کے تمام اکاؤنٹس بحال کر دیے گئے تھے،پی آئی اے پر کئی ماہ کے ٹیکسز پر مبنی 2 ارب سے زائد کے واجبات ہیں، واجبات کی عدم ادائیگی پر پی آئی اے کے 53 اکاؤنٹس گزشتہ برس بھی منجمد کردیئے گئے تھے-

یوکرین اور روس کے درمیان ہتھیاروں کی ڈیل پر شدید تشویش ہے،امریکا