Baaghi TV

Author: Ayesha Rehmani

  • خورشید احمد ندیم قومی رحمت للعالمین اتھارٹی کے چئیرمین تعینات

    خورشید احمد ندیم قومی رحمت للعالمین اتھارٹی کے چئیرمین تعینات

    معروف دانشور اور کالم نگار خورشید احمد ندیم کو قومی رحمت للعالمین اتھارٹی کا چیئر مین بنا دیا گیا۔

    باغی ٹی وی: خورشید احمد ندیم کی رحمت للعالمین (ﷺ) اتھارٹی کے چیئرمین تعیناتی کا نوٹیفکیشن جاری کردیا گیا نوٹیفکیشن کے مطابق خورشید احمد کی تعیناتی وزیراعظم کی ہدایت پر کی گئی خورشید احمد ندیم کی بطورنیشنل رحمت اللعالمین اتھارٹی چیئرمین تعیناتی 3 سال کیلئے ہوگی۔

    نیشنل رحمۃ للعالمین اتھارٹی پاکستان میں ایک اتھارٹی ہے جو انصاف اور فلاحی ریاست کے لیے اقدامات کرتی ہے اتھارٹی نوجوانوں کی کردار سازی کے لیے سیرت نبوی اور احادیث پر تحقیق کرتی ہے اس کے علاوہ سیرت نبوی کو نصاب کا حصہ بنانے کے لیے اتھارٹی متعلقہ ماہرین سے مشاورت کرتی ہے، اسے دنیا کے سامنے اسلام کی وضاحت کا کام بھی سونپا جائے گا اس کے قیام کا اعلان اس وقت کیا گیا جب پاکستان کے سابق وزیر اعظم عمران خان اسلام آباد میں عشرہ رحمۃ اللعالمین (ص) کانفرنس سے خطاب کر رہے تھے۔تھارٹی کے قیام کا آرڈیننس صدر عارف علوی نے 14 اکتوبر 2021 کو جاری کیا تھا-

    بلاول بھٹو کا چائلڈ ہیلتھ انسٹی ٹیوٹ کا افتتاح

    صدر مملکت عارف علوی کے جاری کردہ آرڈیننس کے مطابق نیشنل رحمۃ للعالمین اتھارٹی ایک چیئرمین اور چھ ارکان پر مشتمل ہوگی۔ اتھارٹی کے چیئرمین کا تقرر وزیراعظم کریں گے کمیٹی کا مشاورتی بورڈ سہ ماہی بنیادوں پر کم از کم ایک بار اجلاس کرے گا۔

    واضح رہے کہ خورشید احمد ندیم کا تعلق راولپنڈی کے نواحی گاؤں سے ہے اور آپ کئی کتابوں کے مصنف ہیں خورشید احمد ندیم نجی ٹی وی اور پاکستان ٹیلی ویژن پر علمی فکری اور سماجی موضوعات پر پروگرام بھی کرتے رہے ہیں روزنامہ جنگ ، اوصاف اور روزنامہ دنیا میں مستقل کالم نگار رہےادارہ تحقیقات اسلامی اور اسلامی نظریاتی کونسل کے رکن بھی رہے انہیں ان کی خدمات پر حکومت پاکستان کی جانب سے تمغہ حسن کارکردگی بھی دیا گیا۔

    امام کعبہ شیخ عبدالرحمان السدیس حرمین شریفین مذہبی امور انتظامیہ کے سربراہ مقرر

  • بھارت نے فوجی ڈرونز میں چینی پرزہ جات کا استعمال روک دیا

    بھارت نے فوجی ڈرونز میں چینی پرزہ جات کا استعمال روک دیا

    نئی دہلی: بھارت نے مقامی سطح پر فوجی ڈرون تیار کرنے والوں کو چینی پرزہ جات کے استعمال سے روک دیا ہے، یہ قدم سیکیورٹی خدشات کے باعث اٹھایا گیا ہے۔

    باغی ٹی وی : روئٹرز کے مطابق بھارت و چین جو نہ صرف پڑوسی ہیں بلکہ جوہری طاقت کے بھی حامل ہیں، چین اور انڈیا کے درمیان حالیہ کشیدگی کے دوران جس نے دونوں ممالک کے مابین تعلقات کو متاثر کیا ہے، ایسا لگتا ہے کہ بھارت نے گذشتہ مہینوں میں چین سے درآمدات کے لیے نئے معیارات پر عمل درآمد شروع کر دیا ہے بھارتی حکام نے سیکیورٹی خدشات کی وجہ سے ملٹری ڈرون بنانے والی ملکی کمپنیوں پر چینی پرزوں کے استعمال پر پابندی عائد کر دی ہے ایک دوسرے کے ساتھ تناؤ کی کیفیت میں بھی موجود ہیں، اسی وجہ سے یہ اقدام کیا گیا ہے۔

    میڈیا کے مطابق بھارت کے دفاعی اور صنعت ماہرین کا اس حوالے سے خیال ہے کہ بھارت کے سیکیورٹی لیڈر اس بات سے پریشان ہیں کہ ڈرونز کمیونیکیشن فنکشنز، کیمروں، ریڈیو ٹرانسمیشن اور آپریٹنگ سافٹ ویئر میں چینی ساختہ پرزوں کے استعمال سے خفیہ اداروں کے اجلاس اور ملاقاتوں کی معلومات لیک ہونے یا اس کی سیکیورٹی پر سمجھوتے کا خدشہ ہے۔

    امام کعبہ شیخ عبدالرحمان السدیس حرمین شریفین مذہبی امور انتظامیہ کے سربراہ مقرر

    واضح رہے کہ بھارت 2020 سے نگرانی والے ڈرونز پر مرحلہ وار درآمدی پابندیاں عائد کرتا آیا ہے اور اس کا برملا نفاذ فوجی ٹینڈرز میں کیا جا رہا ہے یہ اس وقت بھی آیا جب نئی دہلی کے حکام ڈرون کی صنعت کو نمایاں طور پر سپورٹ کرنے اور اس کے فوجی دفاع کو بھی مضبوط کرنے کی کوشش کررہے ہیں چینی پرزوں پر پابندی نےمقامی طورپرفوجی پریڈوں کی تیاری کی لاگت میں اضافہ کیااور ہندوستانی مینوفیکچر رز کو مجبور کیا کہ وہ اجزاء کو کہیں اور منبع کریں۔

    میڈیا کے مطابق ڈرون ٹینڈرز پر فروری اور مارچ میں ہونے والے دو اجلاسوں میں بھارتی فوجی حکام نے ممکنہ بولی دہندگان سے کہا تھا کہ جن ممالک کی زمینی سرحدیں بھارت کے ساتھ ملتی ہیں، ان ممالک کے آلات یا ذیلی اجزا سیکیورٹی وجوہات کی بنا پر قابل قبول نہیں ہوں گے۔

    ایک ٹینڈر دستاویز میں کہا گیا تھا کہ اس طرح کے ذیلی نظاموں میں سیکیورٹی خامیاں ہیں جواہم فوجی ڈیٹا کی سیکیورٹی پراثراندازہو سکتی ہیں اور ٹینڈر بھرنے والوں سے مطالبہ کیا گیا تھا کہ وہ بتائیں کہ کس ملک کے اجزا یا آلات کا وہ استعمال کریں گے؟

    وزیراعظم کا توشہ خانےکے تحفے نیلام کر کے رقم یتیم بچوں کو دینے کا اعلان

    رپورٹ کے مطابق ایک سینئر دفاعی عہدیدار کا کہنا ہے کہ پڑوسی ممالک کا حوالہ اس لیے دیا گیا تاکہ چین ناراض نہ ہو کیونکہ سائبر حملوں کی تشویش کے باوجود بھارتی صنعت دنیا کی دوسری سب سے بڑی معیشت پر انحصار کرتی ہے جبکہ بیجنگ نئی دہلی یا دنیا کے دیگر دارالحکومتوں کے خلاف کسی بھی سائبر حملوں میں ملوث ہونے کی تردید کرتا ہے اور چین کی وزارت تجارت نے بھارت کے حالیہ اقدامات کے بارے میں سوالات کا جواب نہیں دیا۔

    قبل ازیں امریکی کانگریس نے 2019 میں پینٹاگون پر چین میں تیار کردہ ڈرون اور پرزے خریدنے یا استعمال کرنے پر پابندی عائد کر دی تھی۔

    بلاول بھٹو کا چائلڈ ہیلتھ انسٹی ٹیوٹ کا افتتاح

  • واسا نے پانی کے بلوں میں 200 فیصد تک اضافہ کر دیا

    واسا نے پانی کے بلوں میں 200 فیصد تک اضافہ کر دیا

    واسا نے پانی کے بلوں میں ہوشربا اضافہ کردیا ہے-

    باغی ٹی وی: تفصیلات کے مطابق واسا نے پانی کے بلوں میں 200 فیصد تک اضافہ کر دیا ، واسا کی جانب سے پانی کے بلوں میں اضافے کے تناسب کے مطابق سات مرلہ گھر کا بل 500 سے بڑھ کر 1500 روپے ماہوار ہوگیا ہے، دس مرلے کے گھر کا بل 650 سے بڑھ کر 1800 روپے اور ایک کنال گھر کا بل 1300 سے بڑھ کر تین ہزار سے زائد ہوگیا ہے۔

    ایم ڈی واسا غفران احمد کا کہنا ہے کہ واسا پانچ ارب روپے سالانہ خسارہ برداشت کرتی ہے جس کی بنیادی وجہ بجلی، پٹرول اور دیگر اخراجات کا بڑھنا ہے لہذا مجبوراً واسا کے بلوں میں اضافہ کیا گیا ہے۔

    آئی ایم ایف کی شرائط بڑی کڑی اور سخت ہیں،وزیراعظم

    دوسری جانب پینے کے صاف اور محفوظ پانی کے نام پر فروخت ہونے والے منرل واٹرکے 20 برانڈز کے مبینہ طور پر غیرمعیاری ہونے کا انکشاف ہوا ہے جن کے پینے سے مختلف قسم کی بیماریاں پھیلنے کا خدشہ ہے،پی سی آر ڈبلیو آرکی طرف سے جاری سہ ماہی رپورٹ کے مطابق اپریل تا جون 2023 کی سہ ماہی میں مجموعی طور پر 20 شہروں سے منرل واٹر کے 169برانڈز کے نمونے حاصل کئے گئے۔

    وزیراعظم کا توشہ خانےکے تحفے نیلام کر کے رقم یتیم بچوں کو دینے کا اعلان

    ان نمونوں کا پی ایس کیو سی اے کے تجویز کردہ معیار کے مطابق لیبارٹری تجزیہ کیا گیا،تجزیے کے مطابق 169میں سے 20 برانڈز پینے کیلئے غیر معیاری پائے گئے ان 20 برانڈز میں سے 11 برانڈز کے نمونوں میں سوڈیم کی مقدار، دو برانڈز کے نمونوں میں نمکیات مقررہ مقدار سے زیادہ پائی گئی ،ایک برانڈ میں پوٹاشیم مقررہ مقدار سے زیادہ پایا گیا، 6برانڈز جراثیم سے آلودہ پائے گئے جوکہ پینے کے لئے مضرِ صحت ہیں، چار برانڈز کے نمونے میں آرسینک مقررہ مقدار سے زیادہ پائی گئی ہے۔

    امام کعبہ شیخ عبدالرحمان السدیس حرمین شریفین مذہبی امور انتظامیہ کے سربراہ مقرر

  • امام کعبہ شیخ عبدالرحمان السدیس حرمین شریفین مذہبی امور انتظامیہ کے سربراہ مقرر

    امام کعبہ شیخ عبدالرحمان السدیس حرمین شریفین مذہبی امور انتظامیہ کے سربراہ مقرر

    جدہ: امام کعبہ اور حرمین شریفین اتھارٹی کے سربراہ شیخ عبدالرحمان السدیس کو مسجد الحرام اور مسجد نبوی ﷺ (حرمین شریفین) مذہبی امور انتظامیہ کا سربراہ مقرر کردیا گیا۔

    باغی ٹی وی: سعودی میڈیا کے مطابق سعودی عرب کی کابینہ نے اسلام کی دو مقدس ترین مساجد میں مذہبی امور کی نگرانی کے لیے ایک نئی آزاد ایجنسی کے قیام پراتفاق کیا ہے یہ ایجنسی مکہ مکرمہ میں المسجد الحرام اور مدینہ منورہ میں مسجد نبوی ﷺ کے مذہبی امور کی صدارت کہلائے گی-

    عرب میڈیا کے مطابق مسجد الحرام اور مسجد نبویﷺ کی نگرانی کے لیے سعودی فرمانروا خادم حرمین شریفین شاہ سلمان بن عبدالعزیز کے براہ راست کنٹرول میں نئی کونسل قائم کر دی گئی ہے امام کعبہ شیخ ڈاکٹر عبدالرحمن السدیس کو مسجد الحرام اور مسجد نبوی ﷺ کے مذہبی امور انتظامیہ کا سربراہ مقرر کیا گیا ہے، ان کا عہدہ سعودی وزیر کے برابر ہوگا کابینہ نے صدارتِ عامہ برائے الحرمین الشریفین (جنرل پریزیڈنسی) کا نام تبدیل کرکے جنرل اتھارٹی برائے المسجد الحرام اور مسجد نبوی ﷺ رکھنے کا بھی فیصلہ کیا ہے۔

    پوپ فرانسس نے مصنوعی ذہانت کے ممکنہ خطرات سے خبردار کردیا

    سعودی میڈیا کے مطابق نئی کونسل مکہ، مدینہ کی دونوں مقدس مساجد کے مذہبی امور کی صدارت کرے گی، نئی کونسل مذہبی اسباق، خطبات اور اذان سمیت دونوں مساجد میں ہونے والی سرگرمیوں کی نگرانی کرے گی، سعودی بادشاہ کی زیرنگرانی نئی کونسل کو ممکنہ طور پر زیادہ مالی اور انتظامی آزادی حاصل ہوگی یعنی یہ دونوں مقدس مساجد میں خدمات ، آپریشنز ، تعمیر ومرمت اور ترقیاتی کاموں کا انتظام سنبھالے گی ا س کا ایک انتظامی بورڈ ہوگا جس کے سربراہ اور ارکان کا تقرر شاہی فرمان کے ذریعے کیا جائے گا۔مقدس مساجد کی نگرانی کرنے والی سابقہ کونسل سعودی حکومت کے کنٹرول میں تھی۔

    سعودی شاہی فرمان کے ذریعے وزیر حج وعمرہ ڈاکٹر توفیق الربیعہ کو مسجد الحرام اور مسجد نبوی ﷺ کے امور کے لیے جنرل اتھارٹی کے بورڈ آف ڈائریکٹرز کا چیئرمین مقرر کیا گیا ہے۔

    آئی ایم ایف کی شرائط بڑی کڑی اور سخت ہیں،وزیراعظم

  • وزیراعظم کا توشہ خانےکے تحفے نیلام کر کے رقم یتیم بچوں کو دینے کا اعلان

    وزیراعظم کا توشہ خانےکے تحفے نیلام کر کے رقم یتیم بچوں کو دینے کا اعلان

    اسلام آباد: وزیراعظم شہباز شریف نے توشہ خانے میں موجود تمام تحائف نیلام کرنےکا اعلان کردیا۔

    باغی ٹی وی: اسلام آباد میں صحافتی تنظیموں کے وفد سےگفتگو میں وزیراعظم شہباز شریف کا کہنا تھا کہ کل صدر مملکت کو اسمبلی تحلیل کرنے کے لیے لکھ دوں گا وزیراعظم نے توشہ خانےکےتمام تحائف نیلام کرنےکا اعلان کرتے ہوئے کہا کہ توشہ خانےکے تحفے نیلام کریں گے اور نیلامی کی رقم یتیم بچوں کے اداروں میں جائے گی۔

    وزیراعظم کا کہنا تھا کہ جتنا جلدی ممکن ہو الیکشن ہونے چاہئیں، ہم سب کی ذمہ داری ہے قوم کو اکٹھا کریں، دوست ممالک سے کہتے ہیں تجارت کریں، منصوبے لےکر آئیں دوسروں کو چور چور کہنے والا آج خود جیل میں ہے، یہ سب مکافاتِ عمل ہے۔

    فش ہاربرکی فوڈ فیکٹری میں دھماکا، 11 خواتین کی حالت تشویشناک

    دوسری جانب پاکستان مسلم لیگ ن کے مرکزی رہنما و وفاقی وزیر داخلہ رانا ثنا اللہ نے کہا ہے کہ چیئرمین پی ٹی آئی کو حکومت یا اسلام آباد پولیس نے گرفتارنہیں کیا،بلکہ چیئرمین پی ٹی آئی کو عدالتی حکم پر گرفتار کیا گیا۔

    نجی خبررساں ادارے کے ساتھ گفتگو میں رانا ثنا اللہ نے کہا ہے کہ چیئرمین پی ٹی آئی کو رہائی مل سکتی ہے لیکن نااہلی برقراررہے گی، چیئرمین پی ٹی آئی کی گرفتاری کسی اور کیس میں بھی ہو سکتی ہے، نیب میں توشہ خانہ کیس چل رہا،القادرٹرسٹ کیس بھی سیریز ہے چیئرمین پی ٹی آئی نے اپنے گھر میں بلٹ پروف کمرا بنایا ہواتھا دورازہ نہیں کھولا تو کٹر سے اسے کھولا گیا، کمرے میں 2 باکس پڑے تھے انہوں نے کہا ان کو ہاتھ نہیں لگانا، جب چیک کرنے کا بولا گیا تو انہوں نے اجازت دیدی، یہ سمجھا جارہا تھا کہ اس میں کوئی قرآنی نسخہ ہو گا لیکن ان میں تعویذ تھے۔

    آئی ایم ایف کی شرائط بڑی کڑی اور سخت ہیں،وزیراعظم

    چیئرمین پی ٹی آئی کہا کرتے تھے کہ سب کو عام قیدیوں کی طرح رہنا چاہیے، جیل میں کوئی بہترین کلاس نہیں ہونی چاہیے، جیسا چیئرمین پی ٹی آئی چاہتے تھے پھر اس میں عام طرح کا رویہ تو ہوتا ہے، جس ماحول کا وہ کہہ رہے کہ یہاں پر مکھیاں، کیٹرے اور کھلا واش روم ہے،اس کیلئے میں چیئرمین پی ٹی آئی سے یہ گزارش کروں گا کہ یہ جیلوں میں ہوتا ہےہم بھی ایسی ہی جگہوں پر رہے ہیں، جن کنڈیشنز کا چیئرمین پی ٹی آئی نے ذکر کیا ہے میری دفعہ بھی بالکل یہی کنڈیشنز تھیں،اور یہی وجہ ہے کہ میں نے ان کے بات کو رد نہیں کیا۔

    انہوں نے کہا ہے کہ دو چار دن کے بعد تجربے کی بنیاد پر کہہ رہا ہوں فرش پر بڑی پرسکون نیند آنا شروع ہو جاتی ہے، بیڈ کی کمی بندے کو محسوس نہیں ہوتی اگر وہاں پر کوئی کیٹرے پھر رہے ہیں تو پھر وہ کانوں میں کاٹن رکھ لیا کریں کیونکہ یہ اگر کان میں گھس جائیں تو یہ بڑا پریشان کرتے ہیں اگر چاہیں تو ناک میں بھی ڈال لیں-

    عمران خان پانچ سال کیلئے نااہل قرار

  • بلاول بھٹو کا چائلڈ ہیلتھ انسٹی ٹیوٹ کا افتتاح

    بلاول بھٹو کا چائلڈ ہیلتھ انسٹی ٹیوٹ کا افتتاح

    سکھر : بلاول بھٹو زرداری نے سندھ انسٹی ٹیوٹ آف یورولوجی اینڈ ٹرانسپلانٹیشن (ایس آئی یو ٹی) کمپلیکس اور چائلڈ ہیلتھ انسٹی ٹیوٹ کا بھی افتتاح کردیا۔

    ‎باغی ٹی وی:ایس آئی یو ٹی کمپلیکس کے افتتاح کے موقع پر ڈاکٹر ادیب رضوی بھی موجود تھے، سکھر میں 27 ایکڑ رقبے پر مشتمل 70 ڈائیلاسز مشینوں کےساتھ 170بستروں کے میڈیکل کمپلیکس میں علاج کی سہولیات میسرآسکیں گی،بلاول نے ڈائیلیسز، لیبارٹری، ریڈیالوجی، پیٹ اسکین، سائیکلوٹرون اور روبوٹک سرجری سمیت مختلف سہولیات کا جائزہ لیا۔


    انہوں نے کہا کہ جس طریقے سے سندھ بھر کے اضلاع میں قومی ادارہ برائے امراض قلب کا جال بچھایا گیا ہے ٹھیک ویسے ہی سندھ انسٹی ٹیوٹ آف چائلڈ ہیلتھ اینڈ نیونیٹولوجی اور سندھ انسٹی ٹیوٹ آف یورولوجی اینڈ ٹرانسپلانٹیشن کا جال بچھانا چاہتے ہیں تاکہ ہم اپنی عوام کو مفت علاج دلوا سکیںا ٹھارویں ترمیم پر ڈاکہ ڈال کر جو آپ کے این آئی سی وی ڈی, این آئی سی ایچ اور جے پی ایم سی پر قبضے کرنے کی کوشش کی گئی وہ ادارے آج ہم نے وفاق سے واپس لے لیے ہیں-


    بعدازاں بلاول نے سندھ انسٹی ٹیوٹ آف چائلڈ ہیلتھ کے تحت 200 بستروں پر مشتمل چلڈرن اسپتال کا بھی افتتاح کیاانہوں نے نے جنوبی کوریا کے تعاون سے بننے والے چلڈرن اسپتال کے اوپی ڈی بلاک، ایمرجنسی ڈیپارٹمنٹ اور ڈائیگنوسٹک لیب کا دورہ کیا چائلڈ ہیلتھ انسٹی ٹیوٹ میں بچوں کیلئے او پی ڈی، ایمرجنسی کے ساتھ ریڈیالوجی، ڈے کیئر اور آئی سی یو کی سہولیات مہیا ہوں گی۔


    بلاول بھٹو زرداری نے چلڈرن اسپتال کی انتظامیہ کو بچوں کیلئے مخصوص دو ایمبولینسوں کی چابیاں حوالے کیں اس موقع پر بلاول بھٹو زرداری کے ہمراہ وزیراعلیٰ سندھ سید مراد علی شاہ، عذرا پیچوہو، جنوبی کوریا کے سفیر پارک کیجون اور وزیراعظم کے مشیر برائے بیرونی سرمایہ کاری سید فیروز شاہ بھی موجود تھے۔

  • عمران خان کے وکیل خواجہ حارث کو بھی ایف آئی اے نے طلب کر لیا

    عمران خان کے وکیل خواجہ حارث کو بھی ایف آئی اے نے طلب کر لیا

    اسلام آباد: وفاقی تحقیقاتی ایجنسی (ایف آئی اے) کے سائبر کرائم سرکل نے پاکستان تحریک انصاف (پی ٹی آئی) کے چیئرمین عمران خان کے وکیل خواجہ حارث کو طلب کرلیا۔

    باغی ٹی وی : ایف آئی اے نے خواجہ حارث کو طلبی کا نوٹس جاری کیا اور انہیں کل دوپہر2 بجے طلب کیا گیا ہے نوٹس میں کہا گیا ہے کہ آپ کے خلاف اسلام آباد ہائیکورٹ کے حکم پر انکوائری شروع ہوئی ہے نوٹس کے مطابق پیش نہ ہونے کی صورت میں سمجھا جائےگا آپ کے پاس اپنے دفاع میں کہنےکو کچھ نہیں۔

    واضح رہے کہ خواجہ حارث سے پہلے عمران خان کے وکیل نعیم پنجوتھا کو بھی طلب کیا گیا تھا اور ان سے 8 گھنٹے تفتیش کی گئی نعیم پنجوتھا نے جج ہمایوں دلاور سےمنسوب جعلی سوشل میڈیا اسکرین شارٹ عدالت میں پیش کیے تھے اور ایف آئی اے کی انکوائری میں اسکرین شاٹ جعلی ثابت ہوئے تھے۔

    آئی ایم ایف کی شرائط بڑی کڑی اور سخت ہیں،وزیراعظم

    نعیم حیدر پنجھوتھا تفتیش کے لیے ایف آئی اے ہیڈ کوارٹرز گئے تھے، آج ایف آئی اے نے انہیں عمران خان کے خلاف توشہ خانہ کیس کی سماعت کرنے والے جج ہمایوں دلاور کی سوشل میڈیا پوسٹ سے متعلق تحقیقات کے لیے بلایا تھا نعیم حیدر پنجھوتھا تفتیش کے لیے ایف آئی اے سائبر کرائمز ونگ کے پاس گئے تھے جہاں 8 گھنٹے تک ان سے تفتیش کی گئی۔

    یاد رہےکہ وکیل نعیم حیدر پنجھوتا چیئرمین پی ٹی آئی کے قانونی امور پر ترجمان بھی ہیں تحریک انصاف کے وکیل شیر افضل مروت نے تصدیق کی تھی کہ نعیم حیدر پنجوتھا کو ایف آئی اے نے گرفتار کرلیا ہے وکیل شیر افضل مروت کے مطابق نعیم پنجھوتا کے کلرک نے ان کی حراست کا بتایا ہے، ان کا کہنا تھا کہ ابھی یہ واضح نہیں کہ نعیم پنجھوتا کو باضابطہ گرفتار کیا گیاہےکہ نہیں، ایسے اقدامات سے وکلاء برادری متحد ہوگی۔

    عمران خان پانچ سال کیلئے نااہل قرار

  • بارش بہا کے لے گئی تنکوں کا آشیاں ، بھیگے شجر کی شاخ پہ چڑیا اداس ہے

    مجھ کو تو خیر خانہ بدوشی ہی راس تھی
    تیرے لیے مکان بنانا پڑا مجھے

    سدرہ سحر عمران

    سدرہ سحر عمران شاعرہ افسانہ وناول نگار ہیں۔ 08اگست 1986ء کو صوبہ سندھ کے شہر کراچی میں پیدا ہوئیں کالم اور ٹی وی کے لئے ڈراموں کے اسکرپٹ لکھتی ہیں۔ کئ میڈیا ہاوسز سے منسلک رہی ہیں۔ ایک روایتی اور مذہبی گھرانے میں پیدا ہوئیں، ابتدائی تعلیم کراچی سے حاصل کی اورکراچی یونیورسٹی سے اردو ادب میں ایم اے کیا سدرہ کی پانچ کتابیں شائع ہوچکی ہیں۔ ’’ہم گناہ کا استعارہ ہیں‘‘ اور ’’موت کی ریہرسل‘‘ (نظموں کے مجموعے)۔ ایک ناول اورایک افسانوں کا مجموعہ ہے۔ ایک کتاب ’’نقش قلم‘‘ کے نام سے آئی تھی اس میں کافی تعداد میں اصلاحی، سماجی، تحقیقی اورعلمی مضامین شامل ہیں۔ ان کی شاعری میں سماجی مسائل اور احتجاج نمایاں ہیں۔ اور ان کی نظمیں انگریزی، ہندی، پشتو، سندھی، بلوچی، اور دیوناگری زبان میں ترجمہ ہوچکی ہیں۔

    غزل
    ۔۔۔۔
    تو حرف آخری مرا قصہ تمام ہے
    تیرے بغیر زندگی کرنا حرام ہے

    کرنے ہیں تیرے جسم پہ اک بار دستخط
    تاکہ خدا سے کہہ سکوں تو میرے نام ہے

    ہوتا ہے گفتگو میں بہت بار تذکرہ
    یعنی ہوا چراغ کا تکیہ کلام ہے

    پہلے پہل ملی تھی ہمیں شدتوں کی دھوپ
    اب یوں ہے رابطے کی سرائے میں شام ہے

    آخر میں بس نشاں ہیں سحرؔ کچھ سوالیہ
    پھر اس کے بعد داستاں کا اختتام ہے

    غزل
    ۔۔۔۔
    غمگین بے مزہ بڑی تنہا اداس ہے
    تیرے بغیر تو مری دنیا اداس ہے

    پھیلا ہوا ہے رات کی آنکھوں میں سوز ہجر
    مہتاب رت میں چاند کا چہرہ اداس ہے

    لو پھر سے آ گیا ہے جدائی کا مرحلہ
    آنکھیں ہیں نم مری ترا لہجہ اداس ہے

    بارش بہا کے لے گئی تنکوں کا آشیاں
    بھیگے شجر کی شاخ پہ چڑیا اداس ہے

    شہزادہ سو گیا ہے کہانی سنے بغیر
    بچپن کے طاق میں رکھی گڑیا اداس ہے

    آنکھیں منڈیر پر دھرے گزری شب وصال
    لپٹا ہوا کلائی سے گجرا اداس ہے

    سورج لپٹ کے جھیل کے پانی سے رو دیا
    منظر فراق شام کا کتنا اداس ہے

    کس کو ہیں راس ہجر کی کٹھنائیاں سحرؔ
    جتنا قریب ہو کوئی اتنا اداس ہے

    غزل
    ۔۔۔۔
    اسباب ہست رہ میں لٹانا پڑا مجھے
    پھر خالی ہاتھ دہر سے جانا پڑا مجھے

    سب لوگ تیرے شہر کے ماضی پرست تھے
    مشکل سے حال میں انہیں لانا پڑا مجھے

    پہلے بنائے آنکھ میں خوابوں کے مقبرے
    پھر حسرتوں کو دل میں دبانا پڑا مجھے

    مجھ کو تو خیر خانہ بدوشی ہی راس تھی
    تیرے لیے مکان بنانا پڑا مجھے

    کچھ اور جب رہا نہ ذریعہ معاش کا
    کاندھوں پہ بار عشق اٹھانا پڑا مجھے

    دنیا یہ گھومتی رہے پرکار کی طرح
    اک دائرہ زمیں پہ بنانا پڑا مجھے

    اک دن یہ جی میں آئی وہ آنکھیں ہی پھوڑ دوں
    جن کے لیے عذاب اٹھانا پڑا مجھے

    اپنے معاملے میں ہی شدت پسند تھی
    اپنے لیے ہی جان سے جانا پڑا مجھے

  • ڈیٹا لیکج کامعاملہ،ریکارڈ فراہم نہ کرنے ‏پر نورعالم خان چیئرمین نادرا پر پھٹ پڑے

    ڈیٹا لیکج کامعاملہ،ریکارڈ فراہم نہ کرنے ‏پر نورعالم خان چیئرمین نادرا پر پھٹ پڑے

    اسلام آباد: پبلک اکاؤنٹس کمیٹی (پی اے سی) نے آڈیٹر جنرل ‏کو اسٹیٹ بینک کے آڈٹ کا حکم دے دیا-

    باغی ٹی وی: چیئرمین نورعالم خان کی زیرصدارت پبلک اکاؤنٹس کمیٹی اجلاس ہوا۔ جس میں تحریک انصاف کے ‏دورحکومت میں 628 افراد کو آسان شرائط پرقرض کی فراہمی کا جائزہ لیا گیا نیب حکام ‏نے بریفنگ کے دوران بتایا کہ پی اے سی کی ہدایات پر نیب، ایف آئی اے اور آڈیٹر جنرل نے ‏ابتدائی تحقیقات کی ہیں-

    نیب حکام نے کہا کہ قرض اسکیم صنعتی شعبے کو مارچ 2020 میں دی گئی، جس ‏کیلیے ابتدائی طور پر رقم 100 ارب روپے رکھی گئی اور پھر بڑھا کر435 ارب روپے کی ‏گئی، مجموعی طور پر اس اسکیم کے تحت 1145 ارب روپے جاری کیے گئے۔ قرض لینے ‏والوں کو 5 فیصد شرح سود پرقرض دیا گیا چیئرمین پی اے سی نورعالم ‏خان نے کہا کہ تحقیقاتی اداروں کو مکمل رپورٹ پیش کرنے دیں، ان 628 افراد کیخلاف کارروائی ‏ہوگی۔ ارکان نے گورنر اسٹیٹ بینک کو ہٹانے کی تجویز بھی دی۔ پی اے سی نے آڈیٹر جنرل ‏کو اسٹیٹ بینک کے آڈٹ کا حکم دے دیا-

    عمران خان پانچ سال کیلئے نااہل قرار

    اجلاس میں رکن کمیٹی سلیم مانڈوی والا نے کہا کہ قرض دراصل ڈالر میں دیا گیا، جو ملک سے باہر گیا، کیا اس ‏وقت ملک کی صورتحال ایسی تھی کہ ہم چار ارب ڈالر باہر بھیج سکتے تھے کمیٹی کے رکن حسین ‏طارق نے کہا کہ یہ قرض ڈالر میں لیا گیا اورروپے میں ادا کیا جائے گا۔

    چیئرمین نورعالم خان ڈیٹا لیکج کے معاملے پرریکارڈ فراہم نہ کرنے ‏پر چیئرمین نادرا پر پھٹ پڑے نورعالم نے سوال اٹھایا کہ ڈیٹا لیکیج ہوئی ہے، اس پر کیا کارروائی کی گئی؟ ایف ‏آئی اے حکام نے بتایا کہ نادرا کی طرف سے ریکارڈ فراہم نہیں کیا جا رہا چیئرمین پی اے ‏سی نے ہدایت کی کہ اگر چیئرمین نادرا ریکارڈ فراہم نہ کریں تو ان کیخلاف ایف آئی آر کاٹیں ‏اور گرفتار کریں-

    آئی ایم ایف کی شرائط بڑی کڑی اور سخت ہیں،وزیراعظم

    آڈیٹرجنرل اجمل گوندل نے کہا کہ پی اے سی کا شفافیت میں اہم کردار ہے، آڈٹ رپورٹس سے گزشتہ پانچ سالوں میں ایک کھرب روپے کی وصولی کی گئی نور عالم خان نے سولہ ماہ میں لگاتار کام کرنے پر ممبران پی اے سی اور افسران اور ملازمین کا شکریہ ادا کیا۔

  • پوپ فرانسس نے مصنوعی ذہانت کے ممکنہ خطرات سے خبردار کردیا

    پوپ فرانسس نے مصنوعی ذہانت کے ممکنہ خطرات سے خبردار کردیا

    دنیا بھر میں کیتھولک مسیحی برادری کے روحانی پیشوا پوپ فرانسس نے مصنوعی ذہانت کے ممکنہ خطرات سے خبردارکرتے ہوئے عالمی سطح پرغور و فکرکا مطالبہ کردیا ہے جبکہ ماضی میں بھی پوپ فرانسس انٹرنیٹ کے دانشمندانہ استعمال کا مشورہ دے چکے ہیں۔

    باغی ٹی وی: عالمی میڈیا کے مطابق ویٹیکن سٹی میں بات چیت کرتے ہوئے پوپ فرانسس نے کہا کہ مصنوعی ذہانت کے استعمال میں چوکس رہنے کی ضرورت ہے، نئی ٹیکنالوجی کے استعمال میں تشدد اور امتیازی سلوک کو جڑ نہیں پکڑنی چاہیے، مصنوعی ذہانت کے تصور اور استعمال کو ذمہ دارانہ اندازمیں پیش کرنے کی ضرورت ہے مصنوعی ذہانت کا استعمال انسانیت کی خدمت اور دنیا کے تحفظ کیلئے ہونا چاہیے، نئی ٹیکنالوجی کا استعمال اخلاقی عکاسی، تعلیم اور قانون کے دائرے تک بڑھایا جانا چاہیے۔

    یاد رہے کہ اوپن اے آئی اور گوگل ڈیپ مائنڈ کے سربراہ سمیت کئی ماہرین نے خبردار کیا ہے کہ مصنوعی ذہانت (آرٹیفیشل انٹیلی جنس) ’بنی نوع انسان‘ کے خاتمے کا سبب بن سکتی ہے۔، وباؤں اور ایٹمی جنگ کی طرح مصنوعی ذہانت سے بنی نوع انسان کو لاحق خطرات سے نمٹنے کیلئے بھی کوششیں شروع کرنی چاہیے۔

    برطانیہ نے پناہ کےمتلاشیوں کوسمندر میں بحری جہازمیں منتقل کرنا شروع کر دیا

    مصنوعی ذہانت سے انسان ذات کے وجود کو لاحق خطرات کی باتیں مارچ 2023 سے شروع ہو گئی تھی جب ٹیسلا اور اسپیس ایکس جیسی کمپنیوں کے مالک ایلون مسک نے آرٹی فیشل انٹیلی جنس (اے آئی) ٹیکنالوجی پر کام کرنے والے اداروں سے کہا کہ وہ زیادہ جدید اے آئی سسٹمز کی تیاری کو عارضی طور پر روک دیں جبکہ الون مسک سمیت ایک ہزار سے زائد ماہرین نے ایک کھلے خط میں مصنوعی ذہانت پر 6 ماہ کیلئے پابندی لگانے کا مطالبہ کیا تھا۔

    علاوہ ازیں صنوعی ذہانت کے گاڈ فادر سمجھے جانے والے کمپیوٹر سائنٹسٹ جیفری ہنٹن نے اپنی ہی بنائی گئی ٹیکنالوجی سے خبردار کرتے ہوئے گوگل سے ملازمت بھی چھوڑ دی تھی نصف صدی تک مصنوعی ذہانت پر کام کرنے والے جیفری ہنٹن نے اپنی تخلیق پر معذرت کی اور یہ بھی کہا کہ اگر وہ یہ کام نہ کرتے تو کوئی اور ضرور کرتا، مصنوعی ذہانت ٹیکنالوجی اندازوں سے کہیں زیادہ خطرناک ہے۔

    بریڈ فورڈ قونصلیٹ میں قومی پرچم اتار کر پی ٹی آئی کا پرچم بلند کر …

    گوگل نے اپنے ایک سافٹ ویئر انجینیئر بلیک لیمونی کو بھی برطرف کردیا جس نے کمپنی کے مصنوعی ذہانت کے سسٹم پر خدشات کا اظہار کرتے ہوئے اسے حساس کہا تھا بلیک لیمونی نے دعویٰ کیا تھا کہ بات چیت کی ٹیکنالوجی حساس ہو گئی ہے ۔